اول طلب ليا ف قسم الالعاب - مش عيزة اتكسف

[may_battota]

هاى يجماعة
ازيكم


لو حد يسمع عن كمبيوتر اسمه صخر اللى بتعمله شركة صخر
وطبعا ده حاجة قديمة ومش كمبيوتر بالمعنى لكن هو عبارة عن كيبورد وفيها شوية حاجة لل بيسك وبرامج الرسم وكده
وكمان فيه مكان لشرايط
المهم لو حد يعرف يجبلى اى لعبة من اللعب اللى بتكون ف الشرايط دى يبقا بجد ميرسى اوى اوى
واكون شاكرة له جدا جدا جدا
انا مرة شوفت نفس اللعب بتاعته بتتلعب على الكمبيوتر العادى بس للأسف مش عرفت اخد الملفات ساعتها لأن مكنش معايا اسطوانات
ياريت اكون قدرت افهمكم
واسفة جدا جدا للاطالة انا رغيت كتير
سورى بجد
وميرسى ليكم جدا
باى باى

[Karembu]

أنا معنديش فكرة عن الموضوع ده خالص

[may_battota]

المشاركة الأصلية كتبت بواسطة Karembu

أنا معنديش فكرة عن الموضوع ده خالص

هااى
ايه ده يفندم لما انت مش عندك فكرة بتقول ليه عايز تنرفزنى وخلاصص

متزعلش انا بهزر بس بجد ياريت يجماعة حد يهتم بيا شوية
وميرسى ليكم
باى

[Karembu]

بصراحة الناس اللى بيهتموا ممكن متلاقيهمش دلوقتى عشان تقريبا و الله أعلم وراهم إمتحانات
بس عندك حلين الأول هو إنك تستنى لحد ما الأمتحانات تخلص و تفتحى الموضوع تانى
و التانى هو إنك تعرفينى على كمبيوتر صخر كان فيه دراعات (joystick) ولا بيشتغل على الكيبورد بس و ايه نوعية الألعاب اللى فـ الشرايط بتاعته
يعنى مثلا mario , sonic , aladin , أو أى وصف لأى لعبة و أنا إن شاء الله هـ حاول أدور عليه
سلام

[may_battota]

هاى تانى
مش عرفة بس انا محتاجهم ضرورى دلوقتى
وبالنسبة للكمبيوتر اه هو كان ينفع يركب فيه دراع وكده يعنى
وممكن برده يشتغل بالكيبورد بس
والشرايط زى محضرتك قولت كان فيه كورة مثلا وطيارات
وفيه لعبة elevator
واللعبة اللى انا هتجنن عليها بس مش فاكرة اسمها برده
وهيا لعبة بسيطة - اطفال يعنى - بس انا كنت بحبها اوى اوى
وهيا كائن صغيور كده بيفضل يمشى ويقابل حاجات يضربها بالاسلحة المختلفة وبعدين بيطلعلوا وحوش فى نهاية كل مرحلة وهكذا
ميرسى يفندم لاهتمامك
اتمنى حد يبساعدنى
ميرسى
باى