برامج نت

 
العودة   برامج نت > منتديات الكمبيوتر والأنترنت > منتدى مبرمجين لغات البرمجة
صفحة برامج نت الرسمية على الموقع التواصل الاجتماعي فيسبوك
 

منتدى مبرمجين لغات البرمجة يناقش هاذا المنتدى لغات البرمجة فيجوال بيسيك , فيجوال سي ++ , دلفي , أكسيس , أوراكل , جافا , الاسمبلي

إضافة رد
 
أدوات الموضوع انواع عرض الموضوع
قديم 09-19-2007, 01:04 PM   #1
sousou5
عضو جديد
 
تاريخ التسجيل: Jun 2007
الجنس : ذكر
المشاركات: 16
معدل تقييم المستوى: 0
sousou5 is on a distinguished road

Lightbulb حصريا درس خصوصي في الفجيول بيسك( جمل الشرط If )



السلام عليكم يا شباب

النهاردة ان شاء الله هنتكلم على الجملة الشريطة If ............ Then بالتفصيل بإذن الله




الهدف من الدرس

1- استخدام كائنات الإختيار Options مع بعض الخصائص الهامة لها
2- معرفة تامة بقاعدة If ... Then ... Else ... ElseIf ... End If

الجمل الشرطية If

يعنى ايه اصلا جملة شرطية ؟؟؟
يعنى هنحط شرط معين إذا اتحقق ننفذ كود معين أو اكتر من كود

شروط If

هما 6 شروط

1- قيمة تساوى قيمة أخرى ( = )
2- قيمة لا تساوى قيمة أخرى( <> )
3- قيمة أكبر من قيمة أخرى ( < )
4- قيمة اصغر من قيمة أخرى ( > )
5- قيمة أكبر من أو تساوى قيمة أخرى ( <= )
6- قيمة أصغر من أو تساوى قيمة أخرى ( >= )

يعنى استايل الجملة بيبقى كده


فى ناس كتير بتعتقد إن ادام استخدمنا If لازم لما نخلص من كتابة الكود نحط End If
يعنى تبقى بالصورة دى

كود:
If ..................... Then
'الكود
End If


[/code][/center]
لكن فى حالة خاصة لـ If وهى إذا كان الكود المطلوب تنفيذه كود واحد فقط
ففى الحالة دى قاعدة If بتبقى بالشكل ده

كود:
If ..................... Then الكود

دون End if
ادام If كلها خدت سطر واحد يبقى مش محتاج End If
ولو كتبت End If هيقولك فى خطأ

نشوف تطبيق عملى بسيط جداً


-)نفتح الفيجول بيزك ونضيف 2 تكست وزر لابل وكوموند
-)ونغير التسميات من Caption كالتالي:
كومند:قارن الرقمين
لابل:النتيجة
اما 2تيكست نمسح text1 وtext2 من caption
-)الأول عايزين نعرف إذا كان الرقمين دول متساوين ولا لأيبقى هنحط الكود ده فى الزر
كود:
If Text1.Text = Text2.Text Then Label1.Caption = "الرقم الأول يساوى الرقم الثانى"
If Text1.Text <> Text2.Text Then Label1.Caption = "الرقم الأول لا يساوى الرقم الثانى"

نشرح الكود الى ضفناه بقى
If آداة الشرط
Text1.Text = Text2.Text الشرط وهو هنا إن قيمة التكست الأول تكون مساوية لقيمة التكست التانى
Then الفاصل بين الشرط وجواب الشرط أو كود الشرط
Label1.Caption = "الرقم الأول يساوى الرقم الثانى" جواب الشرط

وبكده يبقى قدرنا ننفذ العملية بنجاح وتقدر تجرب البرنامج وتشوفه بنفسك


والطريقة دى لما ميبقاش قدامك غير شروط معدودة أو شرط واحد

دلوقتى احنا هنفذ نفس الكود ده بس بطريقة تانية

والكود اهه وهيقوم بنفس عمل الكود الأول
كود:
If Text1.Text = Text2.Text Then
   Label1.Caption = "الرقم الأول يساوى الرقم الثانى"
Else
   Label1.Caption = "الرقم الأول لا يساوى الرقم الثانى"
End If
وشرح الكود ده بسيط إن شاء الله

If آداة الشرط
Text1.Text = Text2.Text الشرط وهو هنا إن قيمة التكست الأول تكون مساوية لقيمة التكست التانى
Then الفاصل بين الشرط وجواب الشرط أو كود الشرط
Label1.Caption = "الرقم الأول يساوى الرقم الثانى" جواب الشرط
Else إذا الشرط ده اختل أو اتخالف أو ما اتحققش وهى دائما بتفصل بين كود الشرط وكود مخالفة الشرط
Label1.Caption = "الرقم الأول لا يساوى الرقم الثانى" كود مخالفة الشرط
End If نهاية قاعدة If ولابد منها دائما إذا خدت جملة If اكتر من سطر

وده بنستخدم لما يبقى عندنا شرطين ( الشرط و مخالفة الشرط )

وممكن نضيفة بطريقة تالتة وهى If ..... ElseIf

ودى بنستخدمها لما يكون عندنا شرط وفى حالة مخالفة الشرط ده , نضيف شرط تانى فى حالة المخالفة

وده بنستخدمه لما يبقى عندنا 3 شروط أو اكتر

بس طبعا مش هتبان هنا لإن هنا حالتين بس يا إما يساوى يا إما لأ

علشان كده هنخليهم 3 يساوى وأكبر وأصغر

كود:
If Text1.Text = Val(Text2.Text) Then
   Label1.Caption = "الرقم الأول يساوى الرقم الثانى"
ElseIf Text1.Text > Text2.Text Then
   Label1.Caption = "الرقم الأول اكبر من الرقم الثانى"
ElseIf Text1.Text < Text2.Text Then
   Label1.Caption = "الرقم الأول اصغر من الرقم الثانى"
End If
وشرح الكود اهه

If آداة الشرط
Text1.Text = Text2.Text الشرط وهو هنا إن قيمة التكست الأول تكون مساوية لقيمة التكست التانى
Then الفاصل بين الشرط وجواب الشرط أو كود الشرط
Label1.Caption = "الرقم الأول يساوى الرقم الثانى" جواب الشرط
ElseIf إذا الشرط ده اختل أو اتخالف , بس المرة دى الكود مش مطلق زى المرة الى فاتت ده مقيد بشرط تانى
Text1.Text > Text2.Text كود المخالفة ذو الشرط الأول وهنا ان فيمة التكست 1 تكون اكبر من قيمة التكست 2
Then الفاصل بين الشرط وجواب الشرط أو كود الشرط
Label1.Caption = "الرقم الأول اكبر من الرقم الثانى" جواب الشرط
ElseIf إذا الشرط ده اختل أو اتخالف , بس المرة دى الكود مش مطلق زى المرة الى فاتت ده مقيد بشرط تانى
Text1.Text < Text2.Text كود المخالفة ذو الشرط الثانى وهنا ان قيمة التكست 1 تكوناصغر من قيمة التكست 2
Then الفاصل بين الشرط وجواب الشرط أو كود الشرط
Label1.Caption = "الرقم الأول اصغر من الرقم الثانى" جواب الشرط
End If نهاية قاعدة If ولابد منها دائما إذا خدت جملة If اكتر من سطر

وبكده يبقى انتهت صيغ قاعدة If

إستثمار قاعدة If

طبعا قاعدة If فى رأيى الشخصى هى أهم قاعدة فى الفيجول بيزك واكثرها استخداما فى البرامج
واستثمار القاعدة دى بيبقى غالبا مع مربعات الخيارات Options ومربعات الإختيار Checks
أو مع اى شئ قيمته مش ثابته

وهنشوف دلوقتى استخدام بسيط ليها

نفتح الفيجول بيزك و دبل كليك على علامة الاوبشن فى التولز بار علشان تنزلها فى الفورم

ننزل اتنين منها وزرار ومربع بيانات

بعدين غير التسميات كلها من Caption كالتالي:
option1:الاول
option2:الثاني
command1:حدد الاختيار
label1:النتيجة

وما تنساش تخلى القيمة Value = True لأى اوبشن من الاتنين والأفضل انه يكون الأول

دلوقتى الحل الوحيد إننا نعرف اثناء تشغيل البرنامج إذا كان المستخدم اختار الاوبشن الاول ولا التانى هو قاعدة If

علشان كده هنحط فى الزرار الكو ده
وأفضل حالة من قاعدة If للحزء ده هيا التانية ( الشرط ومخالفة الشرط )
لإن معندناش غير 2 اوبشن بس يبقى لو اختار واحد ينفذ الشرط بتاعه إنما لو خالف يبقى اختار التانى فنفذ كود التانى
كود:
If Option1.Value = True Then
   Label1.Caption = "لقد اخترت الخيار الأول"
Else
   Label1.Caption = "لقد اخترت الخيار الثانى"
End If

وطبعا الشرط هنا هو Option1.Value = True وإذا اتخالف يبقى اكيد الاوبشن التانى هو الى قيمته True
إنما لو 3 اوبشنز مثلا مينفعش الحالة التانية لإنه إذا ما اختارش الأول ممكن يكون اختار التانى أو التالت
فى الحالة دى هنستخدم الحالة التالتة من القاعدة

والكود هيبقى بالشكل ده
كود:
If Option1.Value = True Then
   Label1.Caption = "لقد اخترت الخيار الأول"
ElseIf Option2.Value = True Then
   Label1.Caption = "لقد اخترت الخيار الثانى"
ElseIf Option3.Value = True Then
   Label1.Caption = "لقد اخترت الخيار الثالث"
End If


وبكده يبقى الدرس انتهى و أى استفسار انا موجود
sousou5 غير متواجد حالياً   رد مع اقتباس
قديم 09-20-2007, 12:28 PM   #2
آسيهي
مشرف قسم اللغة الإنجليزية
مَلِــــك الانجليــزيــــة
 
الصورة الرمزية آسيهي
 
تاريخ التسجيل: Sep 2007
الدولة: العراق
الجنس : ذكر
الهوايات: البرمجة + اللغة الانكليزية
الوظيفة: مؤسسة الغام
المشاركات: 2,236
معدل تقييم المستوى: 128
آسيهي is on a distinguished road

افتراضي

شرح جيد و بانتظار المزيد







__________________
[IMG][/IMG]

لا ادخل المنتدى في يومي الجمعــة والسبـت





آسيهي غير متواجد حالياً   رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة



الساعة الآن 04:14 AM.


Designed by bramjnet.com, TranZ By Almuhajir
Powered by vBulletin®, Copyright ©2000 - 2014, Jelsoft Enterprises Ltd.