معجم أهل الشام !!
دشرو : يعني حل عنو
ماني غضران : يعني لست بقادر (وهي بالميداني(
يوه تشكلو آسي : يوه مفرده يأتي شرحها لاحقاَ
تشكلو آسي (بعيد الشر ( تعبير يفيد شدة حب المتكلم للمتكلم عنه ....
الواه الواه : تعبير نسائي قح يفيد التمسخر على شيء ما
معبّا بـ بنطرون : يعني واحد أجدب وجاية يحكي
ولا : آداة تستخدم في النهر والشتم
وخنان : مسبة مانها ظريفة بس وضعت للضرورة اللغوية
دشّرني : أي حل عني ... وحل عني يعني اتركني بحالي
أيدي بزنارك : تعبير يستخدم للتعبير عن الرجاء
دخيل الله : أيضاَ تعبير والمقصود به هو الاستغاثة بالله
شعره متل الشوشة : أي أن شعره منفوش ومنكوش
وضرّاب السخن : وهي مسبة.. وتعني .... مابعرف مسبة وبس
يوه الواه الواه : مفردة شهيرة جدأ عند النساء وتفيد الأوية
كوكش : يعني يفتش
بحبش : أيضاً مفردة تعني البحث مع التمحيص
ينمحق : ويعني ينضرب على قامتو .. يسطفل
يبعتلو حمى : أي تصيبه حمى ويمرض
يتحورق : متل يبعتلو حمى
يتقوص : بنفس المعنى
يتأمع : كمان هيك شي
عود يقعد رزك : يعني خيلتنا حاجة تحوص
والمعنى الأدق: يقعد رزك يعني تموت والناس ياكلو رز.. لأنو من المعروف عندما يموت حدى بتصير عزيمة وبيطعمو الناس أوزي على روح الميت والأوزي أكلة معروفة بالشام
وين غاطط : وين مو مبين
والسبع تنعام : يعني إلنا الشرف
حيط بياخذو وحيط بيجيو : تقال للي بيسكر من كتر الترنح
مابيعرف الخمسة من الطمسه : عن الرجل اللي ماعندو ثقافة
سرّي مرّي : عاللي بيخفق برات البيت
شندي بندي : للي بيحكي بلا طعمه شروي غروي
فايت بالحيط – طاقق الفيوز : للدلالة على انو ماعم يلاقي كلمة مناسبة
مجنط : مفلس ولا قرش
كحته : إيدو ماسكه .. بخيل
شاطط ماطط : يعني مدلع زيادة
نعيان : يعني قلبو بارد
نايط = نعيان = بارد
شاضومه : بنت مجلوئة .. يعني كيف بدي إلكن .... قليلة أدب ومصبينه
شحاطة : مايلبسه المرء في قدمه عندما يكون في المنزل
تعسيله : نومة بعض الظهر
مسرسبة : يعني بتحب النظافة كتير
أسسييع أوعى الزيت : بمعنى وسع وفسح طريق
أغّيييييى : هي للأبضايات وبس
تأكلو الدودة العميا : يعني الواحد يموت وياكله الدود بعيد الشر
يبعتلو أتلو شو سمج : كمان يعني يموت وسمج يعني غليظ ..
موسوس : مهووس بشغله
عقلو جوزتين بخرج : يعني عقله صغير
متل الأطرش بالزفة : يعني مالو علاقة بالموضوع
حاج تحوص وتلوص : يعني حاجة تفتل وتدور
شوية لرخار : بعد شوي
بنت عمي : يعني مرتو وطبعاً بالعكس
مع ملاحظة قراءة كل حرف ((ق)) ((أ)) ، مثال ((تمحق)) ((تمحأ))
__________________
قوانين التواقيع في منتديات برامج نت
يمنع منعا باتا اضافة توقيع فيه اعلان لموقع او منتدى اخر
يمنع اضافة تواقيع تحتوي على ملفات صوتية تلقائية التشغيل
يمنع اضافة مواد او صور تتعرض للدين الاسلامي والمخالف يطرد فورا
يمنع اضافة مواد او صور تتعرض لاي شخص مهما كانت مذاهبه وافكاره
الصوره في التوقيع يجب ان لا تكون ذات حجم كبير
من يقوم بارجاع التوقيع المخالف فسيتحمل مسؤولية اعماله
أدارة برامج نت
|
( تقرير عن مشاركة مخالفة ) ، و الموجودة أسفل كل مشاركة .
العرض العادي
