بسم الله الرحمن الرحيم
أول حاجة أحب أشكر كل واحد بيعمل إلي يقدر عليه عشان المنتدى دا يفضل في قمة إزدهاره ديما تاني حاجة نيجي للموضوع إلي عايز أكلمكم فيه شوفو يا اخواني واخواتي أنا عندي 4 طلبات أو أسئلة بالأصح وياريت حد يقدر يساعدني في إلي أنا عايزو وياريت تكملو قراءة الموضوع للآخر مع إني عارف دا صعب قد إيه بس معلش تعالو على نفسكم شوية
الطلب الأول
أنا درست الـ ++C والـ Java بس بصراحة حاسس إني ناقصني كتير قوي فيها فعايز من أي حد يقدر يساعدني بكتاب في كل من اللغتين يكون عربي ودا أهم حاجة عشان أنا اتعقدت من كتر ما قريت كتب انجليزي. ويكون فيه الدوال الـ Built in في اللغتين بس متكونش الحجات العبيطة إلي بتبقى في أساسيات كل لغة يعني من الآخر عايزها Professional وياريت تكون فيه أمثلة على الكلام يعني على بلاطة أنا عايز كتاب يديني مزيد من الخبرة والقوة في اللغتين بس بشكل مبسط عشان دي هتكون المرة الأولى إلي هعتمد فيها على الكتب بس.
الطلب التاني
أنا كنت بستعمل الـ Compiler الأقدم من فرجن 6 وأظن أقدم منو بكتير وكنت مرتاح معاه بس المشكلة إني قلت لازم الواحد يطور نفسو فعشان كدا أنا بدور على أحدث واحد بس أنا لسه مشتغلتش عليه قبل كدا فممكن لو حد اشتغل عليه يقولي إذا كان في فروقات فعلية بنهم في طريقة الإستخدام مثلا. وياريت يقولي أي واحد ريحوا في الشغل أكتر؟ وعايز أعرف إذا كان الـ Compiler دا Borland ولا Dev عشان أنا بصراحة بحب الـ Borland ومش عايز أغيرو فممكن تقولولي إيه أحدث نسخة من الـ Borland.
الطلب الثالث
الطلب دا بعتمد على الطلب التاني فلو فعلا النسخة بتاعة الـ ++Borland C في منها جديد يبقى أنا محتاج الـ Comilper بتاعها إلي هو تقريبا فيرجن 6 وإلي أنا لقيتو قبل كدا في موضوع مثبت في القسم هنا بس مش عراف دا Borland ولا لأ وكان معاه السيريال بتاعو بس المشكلة إن السيريال إلي محطوط بيطلبو البرنامج في نص عملية التحميل وعشان الطريقة بجد معقدة وبينزل معاه إضافات فبيحتاج تأكيد السيريال من النت وطبعا بيتكشف إني بستعمل سيريال غلط فلما جبت الكي جن بتاع البرنامج كان مش مناسب مع السيريال إلي في الأول من الآخر عشان أنا نفسي مش فاهم البرنامج دا محتاج طريقة معينة عشان ينزل أو الـ Compiler إلي كان هنا في القسم في مشكلة وفي كل الحالات أنا عايز حل في المشكلة دي.
آخر طلب إلي هو الرابع
أنا بدأت ألاحظ حجات كتير مش فاهمها في القسم هنا مثلا في دروس بلغة W وفي لغة تانية اسمها فيجوال استوديو وبعدين ألاقي فيجوال استدوديو.نت وكنت أعرف إن في سي و سي++ ومرة واحدة لقيت حاجة بتقول فيجوال سي ++ بصراحة الواحد حس إنو تايه في كلالكلام دا فعايز حد يفهمني معنى الكلام دا كلو يعني إيه لغة البرمجة W دي وطلعت امته أساسا؟؟
وكمان هو في فرق بين السي++ والفيجوال سي++؟؟ وأنا بسمع عن الفيجوال بيسك أمال إيه فيجوال استوديو؟؟ وإيه الفرق بين الفيجوال استوديو والفيجوال استوديو.نت؟؟ ولما أي لغة تانية ألاقي اسمها زي ماهو زي الجافا بس بقت .نت برضو دا معناه إيه؟؟
معلش ياجماعة أنا عارف إن أي حد يدخل الموضوع دا ويفكر يرد عليه هيتعب جدا جدا عشان هيحس إنو بيتعامل مع واحد يا إما متخلف يا إما واحد مات ورجع بعد عشرين سنة بيسأل عن إلي حصل في قعدة واحدة بس أنا عشمي في ربنا أولا وفيكم ثانيا وبالأخص المحترفين زي مشرف القسم الرائع Veto_44 والأخ الفاضل الفرعون العاشق كبييير جدا ومجهود أي حد في الرد علي مش هقدر أقولو عليه غير شكرا من أعماق قلبي قبل الرد وبعد الرد كمان (إن شالله محد حوش) وشكرا جزيلا على سعة صدوركم في قراءة موضوعي للنهاية.
( تقرير عن مشاركة مخالفة ) ، و الموجودة أسفل كل مشاركة .
ياريت حد يساعدني وأكون شاكر جدا جدا
العرض العادي
