اقتباس:
المشاركة الأصلية كتبت بواسطة eslam_aly1985
 لو سمحت انا عندى طلب من حضراتكم انا عندى i-mate jam ومش عارف انهى برامج الى تشتغل عليه وازاى اسطبها عليه اتمنى المساعده وجزاكم الله كل خير |
بسم الله الرحمن الرحيم
أول حاجة أحب أرحب بيك في المنتديات وفي هذا القسم خاصة أما بالنسبة للي طلبته فأنا هحللك إن شاء الله كل حاجة وهبدأ بحكاية تسطيب البرامج على البوكيت بتاعك الموضوع دا سهل جدا جدا بس محتاج منك شوية تركيز وقراءة الموضوع إلي أنا حاطو قبل كدا في القسم واسمو لكل عضو وطالب جديد للبرامج في عالم البوكيت وعشان أسهل الموضوع عليك أكتر وأكتر الموضوع أهو :
[MARK="CC0000"]دوس هناااا[/MARK]
أما بقى حكاية إنك عايز تقفل البرامج إلي شغالة فدي ليها طريقتين بإذن الله أول واحدة إنك تروح على Start وبعدين Settings وبعدين System وبعدين Memory وبعدين Running Programs وبعدين تحدد البرنامج إلي عايز تقفلو وتدوس Stop وعشان العملية تبقى أسهل آدي الصور ماشية بالترتيب زي ما هتعمل بالظبط:
وطبعا لو دوست على Stop All هيقفلك كل البرامج إلي شغالة.
أما الطريقة التانية فهي:
إنك تنزل برنامج SPB Pocket Plus 3.1.2 وهتلاقي البرنامج دا في موضوع سابق لي اسمه (لديك بوكيت بي سي ؟؟ إذن فادخل فورا على مسئوليتي) وآدي رابط الموضوع عشان أسهل عليك ومتقعدش تدور:
الموضوع من هنا
وهتلاقيني مقسم البرامج وحاطط برامج كتيير هتنفعك إن شاء الله وهتلاقي البرنامج دا أول برنامج في القسم رقم 11 تحت عنوان (برامج تختص بشاشة Today) وهتلاقيه بآخر إصدار ليه.البرنامج ليه فوايد كتيير بجد هتنفعك بس أنا هديك إلي انت سألت عنو.بعد ما تنزل البرنامج لو دوست في أعلى حاجة في الشاشة بتاعت البوكيت على اليمين يعني جنب الساعة هتلاقي قائمة مختصرة طلعتلك فيها البرامج إلي شغالة وجنب كل برنامج علامة × لو دوست عليها هتقفلك البرنامج وكمان هتلاقي حاجة اسمه Close All ودي بتقفل كل حاجة في الجهاز كل البرامج طبعا والجديد إنك هتلاقي حاجة اسمها Close All Inactive ودي بقى ياسيدي بتقفلك كل البرامج معادا إلي انت بتستعملها في الوقت الحالي وشوف الصورة دي عشان تفهم أكتر وأكتر:
وفي النهاية أرجو أن أكون وفقت في الشرح وأهلا وسهلا بيك مرة تانية في القسم وأي استفسار أو سؤال يجي على بالك أنا حاضر.
( تقرير عن مشاركة مخالفة ) ، و الموجودة أسفل كل مشاركة .
لو سمحت
العرض العادي
