حاجة تجنن (خاص بالعباقرة)

[sameh3d]

السلام عليكم ورحمة الله وبركاته
أنا ياجماعة لسة موصل خط من سيبر جنبى (130 متر) والسرعة تمام وكل حاجة زى الفل لكن المشكلة ان النت بيفصل عندى كل يوم من الساعة 6 او 7 صباحا لغاية 6 او 7 مساءا مع ان باقى الاجهزة اللى فى السيبر شغالة كويس فى الوقت ده المشكلة ان صاحب السيبر نفسه مش عارف ايه المشكلة لانه بيقول ان الجهاز باين عنده انه شغال كويس وكمان ايقونة الشبكة بتقول انه enable يعنى الخط مش مقطوع ولا مسروق وجوة الخواص بيقول ان الجهاز بيعمل sent لكن بالنسبة لل recieve بيكون 0 من فضلكم حد عنده حل للمشكلة دى والغريب انه بالليل اثناء ضغط الشغل فى المحل بيكون شغال كويس جدا وسريع مش بقولكوا حاجة تجنن:confused: :nut:

[dr_nazy]

انا اعتقد ان المشكلة هي طول السلك و الذي يحدث باعتقادي هو :
اثناء النهار لا يكون الضغط علي النت كبير فيمكن للData ان تصل جهازك
اما اثناء هذا الوقت فنتيجة الضغط المتوقع نتيجة الداونلود فان ال Data تكون ضعيفة نوعا ما فلا تستطيع الوصول نتيجة لطول السلك
هل تعلم ان اطول سلك يمكن ان يتحملة السويتش هو 100 متر
و ابعد من هذا فان قوة الداتا تضعف و نسبة الاخطاء تزداد
و اللة اعلم
dr_nazy@hotmail.com

[sameh3d]

ألف شكر ياأخى على اهتمامك بالموضوع وردك ال سريع بس واضح انك فهمت غلط
اللى بيحصل ان النت بيفصل فى الفترة اللى مفيش فيها ضغط وبيشتغل كويس جدا اثناء فترة المساء (ابتداءا من المغرب وحتى بعد الفجر ) ودى عندنا فترة ضغط وهو ده الشىء الغريب
وبالنسبة لطول السلك اعتقد انها مش هى المشكلة لان وقت لما بيكون شغال بيكون شغال كويس اوى والدونلود بيكون كويس من 35 الى 50 وساعات 60kb\sec عرفت بقى انها حاجة تجنن ؟؟؟؟؟؟؟؟؟؟؟؟؟؟؟؟؟؟؟

[dr_nazy]

يبدو ان العيب في صاحب السايبر اكيد وشة فقري و انصحك بتغييرة
dr_nazy@hotmail.com

[sameh3d]

والله هبتدى افكر جديا فى الموضوع ده
وعلى فكرة ظهرت حاجة كمان جننتنى اكتر النهارده سيبت الجهاز شغال من الفجر لغاية الصبح والمفاجأة ان الاتصال فضل شغال يعنى القطع بيكون بس لو انا قفلت الجهاز لكن لو كنت شغال مستمر مش بيفصل مش قولتلك حاجة تجنن
انا عارف ردك اللى جاى هتقوللى صاحب السيبر برئ انت اللى فقرى مش كده!!!!!!!!!!!!!!!!!!!!!

[Ahmad Masri]

حصلت معي نفس المشكلة على اللاب توب و كادت المشكلة ان تجنني و لكن لم اعرف ما العلة

ففصلت النت عنه و استرحت

[اسوددددد]

تجنن من صدق

[زين الحياء]

انشاالله تتحل مشكلتك

[dr_nazy]

في الحقيقة يبدو ان انا السبب في هذا الموضوع
dr_nazy@hotmail.com

[sameh3d]

انا عرفت( واعذرونى لانى لسه جديد فى موضوع الشبكات ده ) ان فى حاجة اسمها net cut تفتكروا هى دى المشكلة ولو كانت هى دى المشكلة ازاى احلها مع انى بستخدم انتى نت كت فعلا
وجزاكم الله خيرا على الصبر ولكن انا معتمد على الله ثم على اخوتى الذين سبقونى فى هذا المجال حتى تنتهى مشكلتى باذن الله

[sameh3d]

وبالنسبة ليك اخى ahmed almasry اتعشم انك المرة دى متزهقش بسرعة زى ماحصل معاك وحاول تفكر معايا فى الحل ولا انت نفسك قصير ؟؟؟؟؟؟؟؟؟؟؟؟؟؟

[benjib2mworld]

مشكوووووووور

[dr_nazy]

طيب خلال الفترة التي تقطع فيها النت اعمل Ping علي ال Gateway و DNS
وقول اية النتيجة
dr_nazy@hotmail.com

[العندليب1]

الموضوع فعلا من النت كت او قد يكون العيب في كارت الشبكة في الجهاز حاول وجرب

[sameh3d]

والله يا dr nazy انا عاجز عن الشكر لاهتمامك بمشكلتى بس الحقيقة انا مش فاهم يعنى ايه اعمل بينج ياريت بالراحة على شوية ولا انت فاكر كل الناس دكاترة
عموما انا غيرت نسخة الويندوز وكمان خليت صاحب السيبر يدينى ip جديد لعل وعسى
لو فضل الموضوع زى ما هو القاكم فى جنة الخلد ان شاء الله لانى هنتحر

[ابو علاء]

اخي العزيز صارت معي تقريبا نفس المشكله
وغيرت كرت الشبكه وانحلت المشكله
جرب غير كرت الشبكه

[aroart]

صديقى العزيز نصيحة منى خلى صاحب السيبر يركب روتر عن بعد 80 متر من السلك وهو هيستفيد ان ممكن يوصل لناس تانى ابعد منك وان شاء الله المشكله هتتحل

[Sir_Galax]

أخي العزيز .. طول كيبل ال Ethernet قياسيا لا يجب أن يزيد عن 100 متر .. ولكن هنالك بعض الأنواع ذات جودة عالية جدا مما يزيد من إمكانية نقل البيانات عبرها لمسافات تزيد عن 100 متر ، أما بالنسبة لإنقطاع الانترنت عن جهازك انت فقط ويوميا وفي مواعيد محددة .. فأنا أعتقد أن صاحب ال Cafe يستعمل طريقة معينة للتحكم في مواعيد تشغيل الانترنت لكل IP على حده .. وهذا يكون إما أنه يستخدم برنامج ISA Server أو قد يكون يستخدم Firewall يمكنه من التحكم في وصول الانترنت لأجهزة معينة فقط في فترات معينة مسبقا.
طالما أن الانترنت تصل إليك في الفترة المسائية .. معنى ذلك أنها ليست مشكلة طول المسافة ...
أرجو مراجعة المعلم بتاع السيبر يا ريس :)

[alaad2]

في نوع من الفايروس يشتغل في اوقات معينه ممكن يكون عندك

[dr_nazy]

بص يا سيدي
افتح run و اكتب ping (اكتب رقم ال اي بي بتاع الراوتر) -t
ثم enter
بعد ;دة افتح run تاني و اكتب ping (اكتب ال اي بي بتاع ال DNS )-
و قول اية النتيجة
dr_nazy@hotmail.com

[محمد1428]

:smailes102:شوف بقى الموضوع ده حله كالتالى على حد خبرتى المتواضعة جداً وعلى أساس إن حد بيقطع عليك
-تستأذن صاحب السيبر إنك تغير الip ويحدد لك مجموعة مختلفة من الآيبيهات تتنقل ما بينهم وما يديهمش لحد غيرك, ده طبعاً من network connections~properties~Internet protocol
-رفعتلك برنامج لتغيير حاجة خاصة بكارت الشبكة,بس ما تخافش أنا جربتها كتير وما حصلش مشاكل ولا حاجة ,تغير الماك أدريس بتاعك علشان فى برامج ما بتحتاجش الآى بى وبتقطع عن طريق الماك علشان كده غيره وأنا بأكتبلك الكلام ده بعد ما فضلت 3 أيام مقطوع عليا وجربت الحكاية دى والنت وصل تانى
http://www.sendspace.com/file/s81fao
:smailes9: :smailes9: :smailes9: :smailes9:

[fathygad]

غير كارت الشبكه مجربها مع واحد صاحبى مشكلة قريبة من مشكلتك

[medoonline201]

انا هسألك سؤال اخى هوه النت بيقطع ازاى يعنى بيقطع قطع سلك من راوتر او قطع نت والسلك واصل
الحاله الاولى ليس لها شرح
الحاله الثانيه :
1- ان السلك غير موصل ياحكام فى كارت الشبكه وانا ما بنصحكاش بشراء كارت شبكه اخر لان الموضوع ده حصل معايا ولكن من الساعه 4الفجر الى الساعه 9 الصبح

2- انك تفك كارت الشبكه من البورده وتعمله مسح بقطنه مثلا وارجع ضعه تانى واذا كان الكارت مركب طبيعى فى البورده امسحع من عليها

3- الحل الاخير ان السويتش ممكن انه يكون اترك وانا بقولك عند وقت النت اتقطع اعمل هذه الحركه فى ال ping 10.0.0.2 -t
ودى بتبين ان السلك موصل بالراوتر ولا لأ ارجو ان اكون افدتك

[sameh3d]

اولا انا بشكر كل من ساهم بابداء رأيه فى المشكلة وجزاكم الله جميعا الخير كله اما بعد :
غيرت الاى بى من صاحب السيبر
وغيرت نسخة الويندوز
ونضفت الكارت كويس
وبرضه مفيش فايدة وبالنسبة للاخ اللى بيسال عن كيفية القطع بقوله السلك بيكون واصل وايقونة الشبكة منورة وموجوده لكن مفيش recived لاى داتا فقط بلاقى sent وربنا يوفقك فى الامتحانات وترجع لنا بسرعة بس يارب تكون مشكلتى اتحلت قبل ماترجع
وبالنسبة لموضوع البينج ده انا ايز اجربه بس انا عايز اعرف ده بيعمل ايه بالظبط قبل ما اجرب لو سمحت ياdr_nazy هل من افادة ومرة تانية ربنا يكرم الجميع

[dr_nazy]

الامر دة ببساطة بيبعت 32 بايت داتا الي ال اي بي المكتوب و يطلب الرد عليهم فاذا كان الجهاز متصل بال اي بي يقوللك Reply from ويكتب ال اي بي و يكتب الزمن المستغرق للرد
هذة الطريقة استخدمها لكي اعرف ما اذا كان الجهاز متصل بالراوتر و بال DNS واحيانا لمعرفة ما اذا كان جهاز اخر علي الشبكة مفتوح
و يمكن ايضا ان يستخدم لقطع الانترنت عن الجهاز المقابل بطريقة خاصة
و في حالتك انا عايز اعرف الجهاز شايف الراوتر و ال DNS ولا لا
dr_nazy@hotmail.com

[raed12]

مرحبا اخى هادى المشكلة حصلت معى معى و حليتها بس لازم اول شئ ان تتاكد من الهب او السويتش لى انتة ساحب منه هل يعمل جيدا ام لالا و اذا امكن ان تغير مخرج السلك الخاص بك ا ما اذا ماحلت المشكلة يمكن ان تكون من الارجى قوم بتغيرها ايضا و اذا لم تحل غير كرت الشبكة و اذا لم تحل يجب عليك ان تفرمت الهارد دسك الخاص بك لوجود فاير ممكن و هذا الامر مستبعد بس لتنويه فقط

[dr_nazy]

متهيالي بعد كدة لو مانفعش الحل دة يا اخ raed12 يغير الجهاز كلة مش كدة
dr_nazy@hotmail.com

[MNI127]

انا رأيي انك تجيب كارت شبكة غير الكارت اللى عندك ،، و بكدة تعرف العيب فين

لو في حد مستخدم النت كت ،، او العيب في الكايبل

و كلها 25 جنية ،،

[prince85]

بسم الله الرحمن الرحيم أخي الكريم انا عضو جديد في المنتدى وعلى حد علمي في الشبكات بقولك المشكله تكمن في أحدى طرفين

1- أن السيرقر بيكون مركب isa-server وهاد ممكن يمنع عنك الأستقبال على حسب الأعداد الموجوده فيه
2- حبه الأر جي فلا بد أن تكون على شكل كروس وهاذا ما سيفعله لك صاحب السايبر

إن لم تحل المشكله فأنا أعتقد أن المدخل بتاع السويتش الذي يخرج منه سلكك يكون معطوب

وبالنسبه لقصه البينج على dns انا اعتقد انه غير فعال لانه أصلاً قد لا يكون صاحب السيبر مركب dns لان شبكته ببساطه work groupمما لا يحتاج وجود dns على كلاً جرب هادول الطرق وإن ما زبطوا إن شاء الله بدورلك على حلول تانيه

[dr_nazy]

بسم اللة الرحمن الرحيم
احب اقول حاجة للاعضاء
لو كان العيب في ال ار جي مش هايفصل النت يوميا في نفس الوقت تقريبا
و لو كان العيب في السويتش هايبقي نفس النظام و ما اعتقدش ان النت هايفصل عندة بس
اما بالنسبة للاخ الي بيقول ان ال بينج مالهوش لزمة احب اقول لة ان البينج مش هايبقي علي ال DNS الي ممكن يكون واضعة ال Admin علي الشبكة انا باتكلم عن ال DNS الخاص بالشركة الموردة للنتISP لانك لو عارف اية هو ال DNS و ما وظيفته كنت هاتعرف ان الجهاز اول ما تفتح النت بيبحث عنة ولو لم يجدة فلا انترنت فهو لو عمل بينج علية و اعطي رد دا معناة ان الجهاز شايف النت
و حكاية الWork group فهذة خاصة بالشبكة و مشاركة الملفات حتي انك ممكن تكون مش معرف الشبكة و مش محدد ال Work group الي انت تابع الية ممكن تدخل علي النت عادي

[هشام بروفيشنال]

بص ياباشا .... انت المشكلة اللى عندك دى احتمال كبير تكون مشكلة فى الارجى اللى واصل بالسويتش او الارجى اللى واصل بكارت الشبكة عندك فى الجهاز جرب انك تأرج السلك تانى من الجهتين وخلى اللون الازرق فى النص وان شاء الله المشكلة هاتتحل ... لان انت بتقول ان فى sent ومفيش receive ومية مية دى مشكلة فى الارج بتاع الكابل ......

الحل التانى ان هو لو فى isa server او حتى نت كات .... فكل اللى عليك انك هاتعمل الاتى ..... وانا اتحدى انه لو فعلا المشكلة من ال isa server يبقى ان شاء الله هاتتحل تمام

هاتفتح قايمة RUN
وتكتب جواها CMD او COMMAND
وتكتب الامر التالى جوة شاشة الدوس اللى هاتفتح قدامك
ARP -D
وان شاء الله المشكلة هاتتحل نهائيا لو العيب فى ال isa server او فى النت كات

بس انت لو لما تلاقية قطع هاتمسح الكوكيز بتاعت الجهاز وتكتب الامر اللى انا قلتلك علية وبعدين تعمل ريستارت للجهاز واول لما يفتح تكتب الامر تانى وافتح النت عادى

وان شاء الله هاتدعيلى :d

[mostafasaleh_x]

اكيد فى حد عامل عليك نت كت وفاصل عنك النت

[voodooattack]

المشكلة الفعلية تتلخص فى طول الكابل..

إذا زاد طول الكابل عن 100 متر, تبدأ درجة الحرارة فى التأثير على كفاءته

ببساطة.. كابل الـ UTP و هو النوع الشائع.. (Unshielded Twisted Pair) يلتف داخليا بهذا الشكل:

http://www.privateline.com/DSL/twisted.gif

يتم قياس الإلتفافات تبعا لعدة معايير. نوع الخامات المستخدمة , القطر الداخلى للسلك, و حسابات عديدة..

و السبب فى الإلتفافات.. منع التيارات الكهرومغناطيسية من التأثير فى سلامة البيانات المنقولة.. (كما يعرف من درس بعض الفيزياء -- تتكون التيارات الكرومغناطيسية عند سريان التيار فى موصلين متقاربين) و تعمل الإلتفافات على معادلة التأثير الكهرومغناطيسى كى لا يؤثر على التيار المار فى الاسلاك..

بالطبع عدد الإلتفافات محسوب لكل متر..

السبب فى تأثر الكابل بدرجة الحرارة.. ان ارتفاعها/إنخفاضها يؤدى الى تمدد/إنكماش السلك, و بالتالى إلى تغير قياسات الإلتفافات الداخلية.. (الكابل قد يتحمل إن كان طوله يتراوح بين 100-110 أمتار) اما إذا زاد عن ذلك, فالتغيرات تؤدى إالى تلف البيانات المنقولة..

طبعا تقوم بعض الشركات بحسابات اكبر من 100 متر, لذا قد تجد بعض الكابلات تعمل حتى 150 متر, و احيانا 300 متر بدون مشاكل

و يمكنك استخدام كابل STP (Shielded Twisted Pair) لمنع المشكلة
http://www.trynci.com/cat/i-229004.jpg

و السبب هو وجود عازل بطول السلك, يعمل على حمايته من المؤثرات الخارجية...

و الله اعلم :smailes37:

[HacK_BoY]

اخى انا هقولك
اولا احب احى الاخdr_nazy لان رأيى من رأيه فعلا ال 130 دول كتير اوى انت اقصى حد مسموح ليك بيه عشان السرعه تبقى كويسه هو 100 متر وال 30 متر دول فرق مش قليل يعنى / ومن المعروف فعلا ان الضغط على الشبكه بيبقى من اخر النهار كده لحد الصبح عشان اغلب الناس بتبقى سهرانه المهم فى حل كويس بس هيبقى مكلف شويه صغيرين انو بعد مثلا 90 متر سلك او 100 ركب سويتش فى السلك هيمدلك السرعه ل 100 متر كمان لقدام
انت ممكن تجيب اقل سويتش مثلا GigaByte ال 4 بورت هتلاقيه ب 60 جنيه بس متهيألى انك تدفعهم والنت يشتغل عندك 24 ساعه احسن ماتوفرهم والنت يفصل وعلى اى حال انت هتجيب ثمنه بس على المدى الطويل شويع بمعنى ان لو حد عايز يوصل انت ممكن تديله بورت من السويتش ده وتاخد منه حقه مثلا 20 جنيه
اتمنى انك تكون فهمت
سلااااااااااااام

[sameh3d]

السلام عليكم ورحمة الله وبركاته والله انا عاجز عن شكر الجميع بس دى فعلا حاجة مش غريبة على منتدانا الغالى اللى بيثبت كل يوم انه بيضم الافضل والاحسن فى مختلف المجالات وعلى جميع المستويات فى كل المنتديات .
بالنسبة ليك اخى voodooattack أنا متفق معاك فى كل اللى انت قلته وبشكرك على المعلومات المفيدة والقيمة بس اسمحلى أختلف معاك فى حاجة بسيطة هى انى اعتقد ان لو حصل مشكلة من النوع اللى يفقد البيانات فى السلك فمعنى كده ان النت مش هيشتغل خالص لكن كون انه يشتغل كل يوم بالليل وبكفاءة كويسة ويقطع بالنهار فى نفس الموعد تقريبا كل يوم فأنا اظن المشكلة بعيدة عن طول السلك وده برضه ردى على كلامك ياhack boy حيث ان لو المشكلة فى السويتش مكانش النت وصل عندى بالكفاءة دى فى وقت الضغط مش كده ولا ايه
عموما انا عندى ليكم بشرى بس الاول ادعوا معايا للخ هشام بروفيشنال اللى اثبت بحق انه بروفيشنال من اول مشاركة له انا فعلا جربت الامر اللى اداهونى والحمدلله النت اشتغل بس انا لسة مجرب الموضوع ده حالا والحقيقة انا خايف يرجع يفصل تانى لكن يامسهل وعلشان اتأكد مش هستريح غير لما اشوفه شغال يومين تلاته من غير انقطاع وياريتك ياهشام تشرحلنا باظبط ايه حكاية الامر ده من اوامر run\arp d لانى لما عملت زى ما انت قولت اشتغل النت فى ساعتها فياريت تقولى بالظبط اعمل ايه عشان مايقطعش تانى وياريت معلومات اكتر عن الامر ده وأخيرا جزاكم الله جميعا خير الجزاء وادعولى انه يفضل شغال كويس

[dr_nazy]

شكرا hack boy
اما بالنسبه voodooattack فاحب ان استفسر عن انت تقصد اي category من ال STP و احب اسألك الcategory اللي انت تقصده سرعته كام و اقصى مدى ليه كام ؟؟؟؟

اما بالنسبه للتأثر بالحراره
فعلا
كلامك رائع لان السلك يتمدد بالحراره ويتبربر بالبروره
علشان كده ننصح كل واحد يشتري سلك جديد يحطه في الثلاجه حتى يتبربر

نصيحه لا تكتب كلام يضر سمعتك لان هذا الكلام ان دل فانه يدل على ....

[mib_mubark]

السبب يا ريس ان فيه حد معاك على الشبكه غس وبيعملك كات
يعنى بيستخدم برنامج نت كات والبرنامج بيجيبلوه كل الناس الى على الشبكه
ويختار واحد منهم ويعمل اوف وتلاقيه ممكن كمان يكون بيعمل ليكم كلكم
صدقنى هو ده السبب الوحيد
الموضوع مش محتاج عباقره
بس محتاج واحد متابع للبرامج اجديده
اخوك مبارك

[ebo_a1]

السلام عليكم ابدء
انا عايز القلك ان المشكله ملهاش عرقه بالسيبر المشكلع علي جهازك تمام
انا هقلك الحل لان المشاكل دي واجهتني كتير
الحل انك تثبت الدي ان اس Dns بتاعك علي الجهاز ال Dns بيختلف حسب الشركه الام اللي صاحب السيبر واخد مها انا عني نفسي ال دي ان اس بتاعي ( 213.131.66.20 ) (213.131.65.20 ) يعني لازم تثبته او تبعتلي اسم الشركه بتاعتكم وانا اديك الدي ان اس بتاعك ..
واخر دعواهم ان الحمد لله رب العالمين....

[voodooattack]

شكرا hack boy
اما بالنسبه voodooattack فاحب ان استفسر عن انت تقصد اي category من ال STP و احب اسألك الcategory اللي انت تقصده سرعته كام و اقصى مدى ليه كام ؟؟؟؟

اما بالنسبه للتأثر بالحراره
فعلا
كلامك رائع لان السلك يتمدد بالحراره ويتبربر بالبروره
علشان كده ننصح كل واحد يشتري سلك جديد يحطه في الثلاجه حتى يتبربر

نصيحه لا تكتب كلام يضر سمعتك لان هذا الكلام ان دل فانه يدل على ....

السلام عليكم اولا..

بالنسبة لتأثير التمدد و الإنكماش.. يمكنك مراجعة بعض المقالات مثل:
http://www.openxtra.co.uk/articles/network_cable_testing_causes_data_loss.php


Resistance

Resistance is a function of the cross sectional area of the conductor. Resistance in the wire limits the signal and dissipates the energy as (a small amount of) increased heat. The longer or thinner the wires the greater the resistance.


و ارجو ان تقرأ المقال, فهو يذكر الكثير من مسببات فقد البيانات...

نصيحه لا تكتب كلام يضر سمعتك لان هذا الكلام ان دل فانه يدل على ....

لا اجد مبرر للإسلوب الهجومى يا اخ nazy...
لن اتحدث كثيرا فى هذه النقطة, فلست من هواة المناقشات العقيمة..

بس اسمحلى أختلف معاك فى حاجة بسيطة هى انى اعتقد ان لو حصل مشكلة من النوع اللى يفقد البيانات فى السلك فمعنى كده ان النت مش هيشتغل خالص لكن كون انه يشتغل كل يوم بالليل وبكفاءة كويسة ويقطع بالنهار فى نفس الموعد تقريبا كل يوم فأنا اظن المشكلة بعيدة عن طول السلك وده برضه ردى على كلامك ياhack boy حيث ان لو المشكلة فى السويتش مكانش النت وصل عندى بالكفاءة دى فى وقت الضغط مش كده ولا اي

بالنسبة لموضوع الحرارة اخى sameh3d فانا اعانى من المشكلة كثيرا (الإنقطاع المنتظم للإنترنت..) و السبب كما قلت الحرارة... نهارا... حين تسطع الشمس.. تبدأ الأسلاك فى التمدد... و حين تغرب الشمس تبدأ الأسلاك فى الإنكماش.. و يكون التأثير مضاعفا فى الصيف....
التأثير غير ملحوظ غالباً عند طول 100-110 متر..

موضوع نهارا ام ليلا يختلف من كابل لآخر..

من لا يصدق فى كلامى.. اسحب اقرب كرتونة كابلات حولك.. انظر فى الجانب.. ستجد درجة الحرارة المناسبة لتشغيل الكابل على جانب العلبة... ولا اعتقد ان تكتبه الشركة عبثاً....

[mahmoud_gamal]

المشكلة في كارت الLAN الي عندك أكيد عامل Conflict مع حاجة
تانية ومش موصل النت غير كارت الLAN .
وأنصحك بأستعمال كارت LAN من نوع RealTeck

[dr_nazy]

اخي العزيز
voodooattack
انا متفق معك علي ان المقاومة تودي الي فقد الاشارة والا كان طول السلك تعدي ال 1000 متر
اما بالنسبة لتاثير الحرارة فهو تاثير مباشر علي نقل البيانات و ليس لة علاقة بالتمدد و الانكماش
Higher Temperatures increase attenuation too, about 0.4% per degree Celsius for Cat5e cabling
لم يذكر الموقع اي شيء عن التمدد و الانكماش
اما بالنسبة للفرق بيت ال UTP و ال STP من ناحية السرعة و طول السلك هاقوللك عليهم بعدين
dr_nazy@hotmail.com

[voodooattack]

اخي العزيز
voodooattack
انا متفق معك علي ان المقاومة تودي الي فقد الاشارة والا كان طول السلك تعدي ال 1000 متر
اما بالنسبة لتاثير الحرارة فهو تاثير مباشر علي نقل البيانات و ليس لة علاقة بالتمدد و الانكماش
Higher Temperatures increase attenuation too, about 0.4% per degree Celsius for Cat5e cabling
لم يذكر الموقع اي شيء عن التمدد و الانكماش
اما بالنسبة للفرق بيت ال UTP و ال STP من ناحية السرعة و طول السلك هاقوللك عليهم بعدين
dr_nazy@hotmail.com

لم أقل ان تأثير التمدد و الإنكماش يؤثر فى طول السلك... التأثير قد لا يتعدى 2 سنتيمتر لكل متر من السلك.. (طولياً)
التأثير الفعلى هو التأثير على الـ SPIRAL الداخلية للكابل.. (الإلتفافات الداخلبة)

التمدد/الإنكماش يؤدى إلى إختلاف أقطار الملف.. مما يؤدى إلى اختلال قياساته ولو بمقدار طفيف.. و النتيجة... إزدياد المقاومة فى بعض الأجزاء نتيجة للتداخل الكهرومغناطيسى المتكون..

و الله اعلم...

[Haniscape]

اخى يمكن ان يكون صاحب السيبر يفعل ذلك لتخفيف الضغط عن
الأجهزة فى فترة الذروة و يدعى عدم معرفته بالسبب فأنصحك بمراقبة لمبة
كارت النت عندك لترى اذا كنت متصلا أصلا من عدمه

[النيرو0]

لو شبكه لاسلكيه اكيد بيحصل فقد داتا فى الكيبل .... ممكن تعويضها بااشياء اخرى
لو شبكه عاديه اتاكد من الفقرى صاحب النت مش بيقفل الكهربه عن السويتش .... دى حاجه
بالنسبالك انت اتاكد من كارت الان بتاعك لو خارجى جرب تشيله وحط واحد غيره وشوف
تعرف بتفكرنى مشكلتك دى بواحد الى هو انا طبعا لكن مع شويه تطنيش هتلاقى العمليه اضبتطت لوحديها مع التجارب ......

[bassam100]

لو سمحت ياباشا فرمت جهازك ونزله ويندوز جديد علشان ده عيب فيروسات بتضرب اجهزه الشبكه وانتا الى عندك الفيروس وبعد متنزل الويندوز شوف السند والرسيف لو زى بعض او قريبين من بعض يبقى الجهاز كويس ومفهوش فيروسات لو واحد اكبر من التانى بكتير يبقى الجهاز فيه فيروسات

[atef969]

من رأيه ان تنزل ويندوز جديد علي ان يكون خط النت واصال علشان الجهاز يتعرف عليه يمكن تكون هناك بعض الخصائص متغيرة

[HacK_BoY]

اهم حاجه يا اخى ان النت وصلك والحمد لله احنا معانا مجموعه كبيرة من الخبراء وده كل يوم بيرفع من شأن منتدانا منتدى برامج نت وعلى العموم كل واحد هنا حب يساعدك بطريقته وحجم معلوماته
والله ولى التوفيق

[tchikyfalcon]

هههههههههه السلام عليكم اخي العزيز
والله ديا مشكله تضحك مش تجنن لأنو ممكن يكون صاحب السايبر أو اي زبون من السايبر فعلاً بيستخدم برنامج NetCut

[voodooattack]

لو كان سبب المشكلة NetCUT يمكن تحميل هذا البرنامج لحمايتك منه:
http://www.bramjnet.com/vb3/showthread.php?t=80718

إذا استمر إنقطاع الإنترنت.. فلا اعتقد ان السبب هو NetCUT..

[ahmed jamal saqer]

فعلا ياريت تدونا رد علي نت كت net cutازاي الواحد يكتشفه وازاي يمنع سااااااااااعودنا يا اهل الخبره

[أسير القلم]

مشكور أخي الكريم

[amr_eldawody]

بص ياباشا كان واحد قاللى على نفس المشكلة بالضبط أن النت بيقطع فى أوقات معينه كل يوم وبعد ما داخ السبع دوخات لقى أن كابل النتورك اللى واصل من السايبر ماشى جنب كابل جاى من دش إلى ريسيفر فى العمارة اللى جنبه وطبعا الإشارات فى كابلات ووصلات الدش بتأثر تأثير كبير على الإشارات فى كابل النتورك وخصوصا لما المسافة تكون طويلة زى ماهو عندك وبالتالى الجيران أكيد متعودين يتفرجوا على التليفزيون فى وقت النهار لغاية الليل وبالتالى النت مقطوع عنك وساة لما بيطفوا الريسيفر النت بيرجع يشتغل
بص كده على الكابل اللى جايلك من السايبر وشوف راح فين وجاى منين وحطة فى حتة ظل"تحت بلكونه مثلا" علشان كمان يبعد عن الحراة وعن أى تأثيرات وشوف النتيجه كده وقلنا ايه الأخبار

[aller]

السلام عليكم و رحمة الله و بركاته..


انا هقولك ايه اللي بيحصل عندك ،لان المسلسل ده حصل لي بالتفصيل:
_تقفل الجهاز فترة طويلة و تفتحه تلاقي النت فاصل (الارسال بيزيد و الاستقبال صفر)..
_تصحى الصبح تفتح الجهاز تلاقي نفس المشكلة.
_لو كان النت شغال عندك و قفلت الجهاز فترة بسيطة ، ثم فتحته بعد هذه الفترة البسيطة غالبا هتلاقي النت عندك شغال او ثوانى و يبدأ ينشط و يشتغل..

المشكلة ليست برنامج نت كت ابدا و لا طول سلك وصلة النت و لا حرارة زايدة و لا كارت الشبكة و لا اي وجع دماغ من ده!!
كل ده حصل لي و جربت كل الاستشارات دي ،و اخدت الكيسا اجربها عند واحد معايا في الشبكة و فوجئت ان المشكلة لاتزال موجودة عندى رغم ان جهازه شغال نت تمام، لان السبب ببساطة في طبيعة البوردة(اللوحة الام)و اللي فيها حاجة بتفصل (في pci) مع نت الشبكات و dsl...

**و أخيرا اليك الحل كي يعود النت اذا كان قاطع:-

اضغط مرتين على ايقونة النت الى جوار الساعة في شريط المهام،ستفتح لك النافذة اللي فيه الsent&received هتلاقي زر repair اصلاح ، دوس عليه مرة و استنى لحد مايخلص و تظهر بيانات الip & subnet&getway السليمة و لو محصلش دوس عليه تاني ،و هكذا لحد ماالنت يرجع ...و ده مش هياخد منك دقيقتين تلاتة ...

السلام عليكم و رحمة الله و بركاته..

[king_e86]

السلام عليكم ورحمة الله وبركاته
بعد التحية والسلام
يسرني أن أقدم حلا بسيطا لمشكلتك أخي العزيز
ركز معي وأفعل زي ما هقولك بالضبط
1 - اذا كان طول السيلك لخط النت طويل نسبيا عن باقي المشتركين قم بفحص أرقام البورت أو المداخل لاسلاك النت داخل السويتش
2 - اذا كان ترتيب البورت بتاعك يبعد عن مدخل الروتر الاساسي فحاول تقريبه من أقرب مدخل لسيلك الروتر
3 - قم بفحص الأرجيه ربما يكون العيب فيه فأخلعه وركب بدلا منه أرجيه جديدا ربما يكون غير مثبت جيدا فمع الضغط الزائد يفصل فأنصحك بخلعه وتركيب أرجيه جديد
4 - أفحص مدخل الأرجيه بجهازك وقم بتغيره أيضا
5 - قم باستعمال برامج لاخفاء الاي بي ربما كان أحد المشتركين يقوم بقطع الخط عنك أو أستعمال برامج لتقليل سرعة الأجهزة
6 - قم باستعمال سيكيورتي أو فاير وول وهذا ستجده في ويندوز أكس بي سيرفس باك 2
وفي النهاية جرب أخي العزيز هذا الحلول وان ظلت المشكله أرجو مراسلتي على king_e86@hotmail.com أو king_e86@yahoo.com
لك جزيل الشكر وأتمنى أن تحل مشكلتك

[azdine123]

المشكلة عندك اخي في طول السلك بحيث لا يجب ان يصل 100 متر ( حسب قواعد او ضوابط تنصيب الشبكات ) والحل هو تقصير السلك الواصل او وضع سويتش في المنتصف

[so-cool]

والله انتوا دوختو الراجل بص يا مان اسمع منى انا
فى حل من الاتنين تشتغلل دايل اب او تشتري رويتر وتخليك لوحدك وتريح دماغك

[مروان الكردي]

اخي العزيز إذا كان لديك مشكلة في ضعف الاشارة بسبب طول السلك فانصحك باستخدام ال HUB اي قم بادخال السلك القادم من المزود الى احد البورتات الموجودة في الهب واستخدام سلك اخر قصير لاخذ الاشارة من الهب الى جهازك حيث ان الهب يعمل على انعاش الاشارة وتقويتها ومن ثم ارسالها من جديد واكيد انك ستلاحظ الفرق

ملاحظة استخدم ال HUB من نوع Surecom

[محمدابوالوفا]

هههههههههههههههههه

اكيد العيب في الارجي بتاعك اللي في الجهاز او اللي في السيبر

او ان صاحب السيبر هوا اللي بيكدب عليك

[dr.omar]

بص بقى فى واحد صاحبى حصلت عنده المشكلة دى بالضبط وبنفس التفاصيل واتصلحت لما غير الأرجيهات وخلاها متوافقة مع السيبر اللى موصل منه

[snipermezo]

العيب مش فى كده العيب ان صاحب السيبر هو اللى موقف جهاز عن النت لكن هو شغال اون لين

[AMMA310]

يمكن صاحب السيبر هو اللي بيفصل في النهار ويشغلك في الليل متصدقوش

[karake]

بص انا عارف ان انتا كدة اتشتت اكتر من كتر الحلول الى قدامك ومنتاش عارف تعمل اية

وبص بقة ومن الاخر انا بتحصلى المشكلة بالظبط وجرب انك تخش كل شوية ip

مختلف عن الى قبلة انا بعمل كدة وباخد الشبكة لحسابى وجرب ياعم ولو منفعتش متحطش ip

خااااااااااالص يعنى بدل ماتحط ip علم على كلمة obtain

والنت هيبقة انشاء الله معاك حلاوة

momo_m83@h

http://img519.imageshack.us/img519/7685/momo29te.gif

[@TITO@]

يا جماعة الحل سهل جدا
المشكلة هتبقا فى السويتش غير البورت الى الوصلة بتعتك محطوطه فيه و ان شاء الله يشتغل
انا حصلت معايا المشكلة ديه كان طول السلك 110 و الحمدلله اتحلت المشكلة

[paradise]

والله يا جماعة أنا نفسى افهم الموقع دة ممكن اى شخص يبعتلى رسالة عللى الايميل فيها شرح الموقع دة ولكم جزيل الشكرررر

[ferasfm]

اخي المشكلة مجربة وحلها هي وضع سويتش هاب في منتصف المسافة لاعطائك سرعة مناسبة وانا مجربها ضع في نصف المسافة سويتش هب وراح تتريح من المشكلة نهائي

[himabody]

ليس هناك حل ل netcut والانتى لا يفعل شيىء فانا وقعت فى هذة المشكلة والحل انت تبهدل صاحب السيبر علشان يشوف مين اللى بيعمل كدة زى منا عملت

[simonet]

ربما تحتاج الى بروكسي

[botta_wind]

على فكره موضوع المواعيد ده هو الى مصعب المشكله لاكن اعتقد ان المشكله اما انها username or dubilcate IP

[محمود على محمد]

بسم الله الرحمن الرحيم
اولا انا لم اقرا غير الردود فى الصفحة الاولى ولا اعلم اذا كانت المشكلة انتهت ام لا ولكن ما اعلمه عن موضوعك هو ان المعاد الذى يتوقف فيه النت عندك هو بيبقى معاد ضغط على النت من 7:7 ليس من السيبر ولكن من الشركة التى يشترك منها صاحب السيبر وده بسبب مواعيد العمل فى هذه الفترة بالنسبه لكل الشركات والمصانع والمصالح الحكومية ويصبح النت ابطأ قليلا عن الليل وكل مشتركى adsl يلاحظون ذلك ونظرا لأن المسافة كبيرة بينك وبين السيبر فيستطيع جهازك ان يستلم الاشارة فى وقت عدم الضغط سواء كان السيبر مليان او غير وذلك لان شغل السيبر دايما بيكون على الشات والمواقع وقليلا ما يعمل دونلود اما عن انك سبت الجهاز شغال ولقيت النت شغال ده لأن الاشاره بتكون لسه وصله للجهاز عندك ولو لاحظت هتكون الاشاره او النت ضعيف شوية فى الفترة من 7:7 ولو انك طفيت الجهاز بتكون الاشارة وصلة عندك بس مش للدرجه التى يمكن بها تشغيل النت مرة تانيه ومع ان الشبكة شغالة ولكن اشارة الشبكة بتكون اقوى من اشارة النت والحل الاتى: تحاول تصغر المسافة الى اقل من 100 متر واذا لم تستطع حاول تخلى صاحب السيبر يشترى سويتش ويركبه عندك لان السويتش هيقوى الاشارة عندك ويشغلها فى اى وقت والافضل يحاول يركب السويتش عند مسافة اقل من 100متر وهو كده كده كسبان لانه هيزود عددالمتصلين عنده ومن كلامك عرفت تقريبا ان سرعة النت 512وهية ده سرعه الدونلود بتاعتها وممكن تبقى 1024 وتبقى وصلالك ابطأ شويه المهم لاحظ برده ان لكل سرعه حد متصلين معين لان سرعه 512 آخرها باكتير اوى 11 مثلا وتكون السرعة مش حلوه و 1024 تكون الضعف وهكذا ولاحظ ان نظافة السلك والكرت عندك يفرق ونوع الراوتر عند صاحب السيبر يفرق
المهم يا رب اكون افدتك وده الايميل بتاعى لاى استفسار mahmoud_ali_mo@yahoo.com
والسلام عليكم ورحمه الله وبركاته :smailes55: :smailes55:

[amerahmed]

ايوة ياخي انا صاحب سيبر وقابلني العيب ده كتير والمشكله في كل بساطة ان انت عندك مشكله في كارت النت ورك وانصحك بتغيرة وكمان اتاكد من جوده نوع السلك والسوتش واظن افضل الانواع في السلك والسويتش هو روبتك وشكرا......................

[إسلام الغريب]

أولا طول السـلك دا سبب لان ممكن لما بيكون فى مشتركين بنهار النت بيكون عامل عندك ping بس ضعيف اوى مش يقوم الجهاز بالنت
ثانيـا انا كان عندى فى الشبكه جهاز لما كان بيشتغل كان بيوقف جهاز تانى ودا بسبب ان كارت الفاكس بتاعو كان نوعو مش كويس عشان كدا لما كان الاجهزة تشتغل يوقفهـا
ثالتـا اتاكد من اللى معاك ممكن يكون واحد صاحبك وبيعمل معاك نت كات عشان مش تشتغل نت
رابعـا بعد الاوقات السوتشـات بتهنج باوقات محددا يعنى فى سويتش بيهنج كل يوم فى نفس الساعه دا سبب بردو

[zezellazez]

فى برامج اسمهanti-netcut البرنامج ده تمام وهو عندى بس مش عارف ابعتهولك ازاى

[igixp]

ياجماعة انا عندي نفس المشكلة حصلت معايا وانا السلك عندي طولة 30 متر بس

[gala25]

تحياتى وتقديرى لكل القائمين على نجاح منتدانا الجميل

[smsmtheone]

شكرا علي الموضوع وعلي الاقتراحات

[zero_2000us]

يا جماعة الخير في معظم كتب الشبكات نظريا المسافة التي يتم توصيل كابل الشبكة 100 متر ولكن عمليا وقمت بتجربة ما اقوله بنفسي ويعلم الله .
انه يمكن توصيل كابل الشبكة لمسافة تصل الي 150 متر وتم تجربة ذلك ولكن المشكله التي انت بصددها لا علاقة لها بالمسافه ومن الطبيعي ان يستطيع صاحب محل النت كافي اللذي تتبعه ان يري الجهاز لكونه موجود بالشبكة وغير مفصولا عنها ولكن السؤال الذي يطرح نفسه هل قمت بكتابة ال dns لجهازك المزود به صاحب السيبر اذا لم تكن قد سجلته فيجب عليك كتابته وذلك لضمان عدم انقطاعك عن السيرفير المتصلين به المزود لكم بالانترنت

[العزايزي]

انت محتاج تنزل وندوز من جديد وتخلي صاحب السيبر يدلك ipاو dnsالصحيح لان ده هايسحب معاك كويس وتعمل سكان للجهاز يعني تتأكد ان الجهاز من ناحيك تمام وبعدين تبدا تبحث عن الي واخدين وصلات من اسيبر نفسه وتبحث معاهم الحاكيه يمكن واحد منهم بيستخد برنامج يسحب الشبكه كلها عنده وعلشان كه هي مبتوصلش او الاشاره تكون ضعيف عندك لدرجة انها تديلك بيانات انها تمام ولكن هي مش شغاله يعني من الاخر تبدا من الاول جديد في جديد انا صاحب سيبر والحكايه دي حصلت معايا الشبكه واصله بس مفيش نت في ساعات معينه الadsl منور وتمام بس مفيش شبكه رحت مظبط الاجهزه كلها من جديد ويندوز زبرامج وفحص والحمد لله اعمل كده لحد ما تعرف السبب والله اعلم ولما تعرف السبب ارجوك افدنا

[hamadaalone100]

حصلت معيا المشكلة دى ولكن عندما قمت بعمل auto Ip أختفتوه وهذا السبب أنه لو تركت الجهاز مفتوح فسيعملب إستمرار أم لو أغلقته سيفتح جهاز أخر معك على الشبكة ويأخذ مكانك على السويتش لذلك الحل فى عمل autp ip ولا علاقة للنت قط بهذا الموضوع لأنnet cut مسئول عن منع download فقط أم ربما صاحب السيبر يستخدم أحد البرامج لسحب سرعة النت
أو ربما يكون هناك فيروس فى جهازك
وعن هذه المشكلة أتصل بالراجل وأطلب منه عمل restart للراوتر وأنت تكون عامل auto ip فسوف يجىء النت
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــسل ام

لا إله إلا الله محمد رسول الله
الــلــه أكبــــــــــــــــر

سبحان ربى وبحمده سبحان الله العظيم
من ققرأ أية الكرسى دبر كل صلاة غفر له كل ما تقدم من ذنبه ولو كان مثل زبد البحر

[MedoZero]

من خلاصه الكلام الى شفته والردود اقولك ان رد الاخ فودوو هو الاصح .. اخى صاحب المشكله ممكن تشوف السلك الى فيه المشكله هل يمشى مع امتداد سلوك الكهرباء او لا .. انصحك لحل المشكله استعمال كبل Stp
شكرا

[hamada zaky]

نفسى فى حل للنت كات

[pepo_shift]

انا هقللك على حل وجربة لانى المشكلة دىقابليتنى فى الشيبكات كتير اول حاجة مسافة 130 متر كتير بين السيبر وبينك ياريت انة يكون فى سويتش فى نص المسافة لتقوية السرعة وتانى حاجة جرب اول ما النت يفصل عندك اتصل بصاحب السيبر وقلة يرستر السويتش الة انت واخد منة ودة بيكون عندة فى السيبر يعنى يفصل عنة الكهربا لمدة خمس دقايق وباذن الله عيشتغل معاك

[QWERTS]

مشكور على الموضوع الرائع والله يعطيك الف عافية

[opopo_wok]

اكيد في حد عندة netcut و بيعمل عليك قطع فحاول لو عندك IP غيرة كل شوية او نزل hide ip

[khalifa_6]

اتاكد من الروتر ومسار السلك اللى واصلك ويكون بعيد عن اسلاك الكهرباء

[mngith]

الوصلة مش شغالة ارجوك انا محتاج البرنامج كثييييير او تبعتلي البرنامج على الاميلma_mn_82@yahoo.comواكون شاكر الك

[hesham551]

المشكلة دى كانت بتحصل عندى كتير جدا ودوختنى بصراحة بس الحمد للة قدرت اوصل للعيب بس بصعوبة مش مسهولة والعيب من ان فى نوعية من السلك لما بتتعرض للشمس بالنهار ويجى عليها اليل بترطب فا تقوم تعمل عملية عزل تام للشبكة طب واحد يقولى طب لية ما بتجبش اكس اقولكم انا لان الى بيرطب الاربع طروف الى هما بتوع الداتة الى مش نحاس الى هما حديد فا على شان تتلاشا العطل دة ابعد الطروف الحديد من الارجية وخليك موصل على الطروف الاربعة الى هما نحاي وشكرا

[msafifi]

اخى الغالى sameh3dانا اعرف برنامج net cut كويس ةمش لازم تبتئس اوى كده بس المهم انك تركز فى اللى جاى
1- انزل السايبر واعرف عدد الخطوط اللى خارجة من الراوتر الرئيسى
2-تتبع الخطوط كلها أ- بالنسبة لخطوط اجهزة السايبر افتح الاجهزة واتاكد ان مافيش برنامج مشبوه على الاجهزة دى ب-بالنسبة للاجهزة الخارجية اتعرف على اصحابها واتاكد ان مفيش واحد فيهم بيهزر معاك هزار تقيل
3-امشى مع السلك بتاعك واتاكد انه مافيهوش وصلات كتير يعنى مش كل 2 متر تلاقى قطع وانت لحمه
4-اتاكد ان جهازك 100 100 يعنى مش ضاربه فيروس ولا عليه برنامج حركات
5- اتصل بيا بعد كدة ياما تدعيلى وتشكرنى ياما تشتمنى
msafifi0107909645@gmail.com
msafifi0107909645@yahoo.com
msafifi0107909645@hotmail.com
elkhawaga@inmail24.com

[msafifi]

يا جماعة يا جماعة لو السلك بيتاثر بالحرارة فيعمل عزل زى مابتقولوا كان الخط قطع سواء upload او downloadبس سامح قال ان الابلود شغال تبقى الحكاية اما لعبة من السايبر او برنامج هاك انزل يا عم سامح السايبر واعمل ريستارت زى ما اخواتك قالوا ريستارت للراوتر و غير الاى بى بتاعك ولو بعد كل الحوار دا ماشتغلش انزل اضرب صاحب السايبر

[sameh3d]

والله انا مش عارف اقولكم ايه حاسس انى دوختكم معايا بس هو ده عشمى فيكم والحقيقة انكم احرجتونى بغزارة علمكم وبمدى صبركم وعشان كدة مش لاقى كلام يوفيكم حقكم
عايز اشكر كل الناس واحد واحد باسمه وعايز اقولكم انى فعلا من غيركم مكانش ممكن ابدا اكون دلوقتى اون لاين لان كان زمان النت فاصل لولا نصايحكم الغالية واستشاراتكم وأرائكم جزاكم الله عنى خيرا
وأحب أبشركم بان ربنا فرجها أخيرا والحمد لله والنت اشتغل وبقى تمام وده عن طريق حل من ضمن الحلول اللى انتم نصحتونى بيها
انا مش عايز اقول كان العيب منين والطريقة ايه عشان اصحاب باقى الاراء محدش منهم يزعل ان كلامه مش هو اللى حل المشكلة بس لو لقيتكم مصرين تعرفوا هقولكم عشان الفايدة تعم الجميع
مستنى التصويت نذيع ولا لا ؟؟؟؟؟؟؟؟؟؟
ومرة تانية جزاكم الله كل الخير وزادكم علما ونورا

[nice4444]

شكلى فتحت الموضوع ده متأخر المفاجأه انى مش حقول حل انا عاوز الحل و ياريت الاخ صاحب المشكله يتفضل علينا و يقول ايه اللى شغل النت عنده كويس عشان الكل يستفيد

[أمة الله]

السلام عليكم
انا كمان فتحت متاخر لانى عندى نفس المشكله لكن انا ساكنه فى اخر دور و الروتر فوقى على طول فى السطوح يعنى ، ثانيا انا مفرمته الويندوز و عندى مكافى كامل و فايررول ، و النت شغال بقاله حوالى 5 او 6 شهور كويس و فجاه من كام يوم بس بقى يفصل كل يوم من الساعه 1 بالليل لحد الساعه 2:30 تقريبا و ساعات فى فترة بعد الضهر ، يعنى لا مشكلة مسافه ولا سلك ولا جهاز و الا كاننت هتبقى موجوده من زمان مش من دلوقتى ، و نزلت برنامج anti necut هو شغال بس بطئ اوى اوى اوى و بردو بيفصل و جربت اغير ال ip كتير جداااااااااااااااااااااااااااااااااااااااااااا و مفيش فايده و الراجل اللى جايب لينا الوصله صاحب اخويا يعنى مش هيندل معاه ده غير اننا كلنا على بعض 10 افراد يعنى مش سيبر ولا حاجه ، و جربت حكاية ping دى لكن صفحة الدوس مش بتفتح اصلا رغم انها فتحت قبل كده بالنهار لما مكنش فى مشكله و كان صاحب الوصله هنا بيشوف فى ايه ، و جربت كمان حكاية cmd و كتبت rad_d رد عليه و قالى , rab_d، is not recognized as an internal or external command , operable program or batch file . و اعتقد هى دى الطريقه اللى حليت بيها مشكلتك بس الظاهر انها مش شغاله معايه
ارجوكم ساعدونى لانى هتجنن بجد ، ماهو لو مشكلة سلك ولا دش ولا كارتة نت كان هيبقى فى اوقات مختلفه مش بالمعاد و الدقيقه و الثانيه كده ، اكيد ده برنامج حد مشغله بس انا مش عارفه اتعامل معاه ازاى او اتصرف .

[pepo_shift]

اولا فية برنامج مضاد للنت كت تانى حاجة السبب مش فى النت كت المشكلة فى السويتش الى انت موصل منة اول ما تحصل والنت تلاقية فصل اعمل ريستارات للسويتش يعنى افصل عنة الكهربا لمد خمس دقايق وهتلاقى النت اشتغل معاك علطول وابقى قلى يا سيدى عل حصل

[emara2010]

السلام عليكم ورحمه الله وبركاته
بالنسبه للمشكله ان النت بيفصل بالنهار وبيشتغل بليل المشكله دى حصلت معايا بس كانت عكسيه بمعنى النت كان يشتغل بالنهار ويفصل بليل والحل بسيط جدا
هووووووووووووووووووووووووووووو
ان حضرتك تركب سوتش فى منتصف المسافه وانشاء الله المشكله هتتحل
لان مسافتى برضه كانت تقريبا على نفس البعد واظاهر بقى السلك المفروض ميطولش عن المسافه المحدده وهى 100 والا هنتجنن ههههههههههههههههه
والسلام عليكم ورحمه الله
أخوكم مصطفى شبل
حاسبات ومعلومات

[ay9090]

بص يابني الحاجة دي أكيد في السلك وممكن السلك يكون ماشي بجانب سلك كهرباء شغال في الوقت دة المطلوب منك تغير مسار السلك من الساييبر لعندك عن طريق آخر وجرب وأدعيلي
ay9090@yahoo.com

[gladiator_mel84]

السلام عليكم المشكلة ديه حصلت معاية وكان سببها طول الكابل مع ان الكابل بتاعى cat 6 ومن النوع الكويس جدا حاول تقصر الكابل وهتتحل المشكلة ان شاء الله لان الطول اللى معترف بيه لاى كابل مهما كانت جودته او نوعه هو 100 متر حتى لو اشتغل كويس فى الاول بعد كده بيحصل حاجة اسمها backt failure نتيجة طول الكابل

[ama87]

مشكور جدا جدا

[professorneo131]

جزاك الله خيرا

[amrsalim20]

يا جماعة انا اعتقد انها مش مشكلة سلك ابدا لأن في أنواع الاسلاك دلوقتي بترمي لحد 200 م كمان انما المشكلة اعتقد انها ممكن تكون النت كت يعني في الوقت ده في حد بيقعد في نفس الميعاد كل يوم ويفصل النت عنك والله اعلي واعلم

[أيمن الشايب]

يا أخي العزيز غير السايبر
أظن انه بيلعب بيك
لأنك جربت كل حاجة وبرضه فيه مشكلة........... المشكلة في صاحب السيبر انه بيدي السرعة لناس معينين في هذا الوقت.

[elgaram]

بص احسن حاجة تعملها شوف البورت بتاع الراوتر
او شوف صاحب النت يمكن بيرطسك وقولك كده ويكون عايزك تقفل علشان يقطع هو النت من الراوتر وفيه طرق كتيره ولمه شافك انت شغال لحد الصبح كان مستني لمه تقفل وبعدين علشان تقول انك قافل وكان فيه نت وشكرا
انت عارف صحاب السايرات مش عايزين حد يشتغل والناس اعده الصبح
وشكرا وده راي

[المفتي1]

عزيزي الحالة المثالية لنقل البيانات عبر الكوئيكسيل هو 100 متر واعتقد السبب انو اثناء النهار ينقطع الاتصال اول حاجة بسبب النويز اللي يحصل بالنهار مثل شبكات النقال والسيارات ورقم 2 انو درجة حرارة الجو ترتفع وهذا يؤثر بشكل قوي على نقل البيانات من خلال الكيبل كل هذا يؤثر على كفائة الاتصال والله اعلم

[tagwar]

والله انا مش عارف اقولكم ايه حاسس انى دوختكم معايا بس هو ده عشمى فيكم والحقيقة انكم احرجتونى بغزارة علمكم وبمدى صبركم وعشان كدة مش لاقى كلام يوفيكم حقكم
عايز اشكر كل الناس واحد واحد باسمه وعايز اقولكم انى فعلا من غيركم مكانش ممكن ابدا اكون دلوقتى اون لاين لان كان زمان النت فاصل لولا نصايحكم الغالية واستشاراتكم وأرائكم جزاكم الله عنى خيرا
وأحب أبشركم بان ربنا فرجها أخيرا والحمد لله والنت اشتغل وبقى تمام وده عن طريق حل من ضمن الحلول اللى انتم نصحتونى بيها
انا مش عايز اقول كان العيب منين والطريقة ايه عشان اصحاب باقى الاراء محدش منهم يزعل ان كلامه مش هو اللى حل المشكلة بس لو لقيتكم مصرين تعرفوا هقولكم عشان الفايدة تعم الجميع
مستنى التصويت نذيع ولا لا ؟؟؟؟؟؟؟؟؟؟
ومرة تانية جزاكم الله كل الخير وزادكم علما ونورا

الاخ الكريم مفيش اي زعل بانك تقول الحل
انا مش عاوز اقولك اني قريت 21 صفحه علشان اعرف الحل بتاع مشكلتك

يا ريت تحط الحل ايه و المشكله كانت فين علشان نفيد باقي الاعضاء

وجزاك الله كل خير

[a7m3d]

اللام عليكم ورحمه الله وبركاته
ضرورى يعنى توزيع الايبهات فى الروتر فى حاله عمل شبكه ولا مش ضرورى ولو انا موزعتش وكان ينفع يشتغل التوزيع هيكون ازى بنفس النسب ولا هيختلف
بس
يارب اكون عرفت اوضح السؤال .
يارب تردو عليا ومتعملوش زى الاسطوانه الى انا طلبت حلها (مش وقته)

[a7m3d]

ايه ده معلهش شكلى كده ختارت رد مش موضوع جديد معلهش انا اسف

[khaled_kb]

المشكلة قبلتني قبل كدا جربت كل حاجة غيرة السلك ومافيش فايدة الحل الاخير انك تركب سوتش في نص السلك وان شاء الله هيشتغل

[morwan_gsm]

حول السرعه الى 10 ميجا وي ان شاء الله مش حيفصل لان المسافه طويله

[elgaram]

حول السرعه الى 10 ميجا وي ان شاء الله مش حيفصل لان المسافه طويله

انا معاك بس خليه يعمله 13.5 علشان توصل كويسة

[nerony]

اخي عندما يكون طول السلك اكثر من 100 متر سيكون الخط ضعيف جدا ومن الضروري حل هذا الاشتراك من مسافة اقل 100 متر وعلى فكرة في الفترة الماضية قريب ادخل مثل هذا المشكلة صديق نصحني بذلك

[ubaid11]

المشكله في السلكككككككككككككك!!!

[ابوبكر المحمدى]

ههههههههههههه هو باين الراجل صاحب السيبر راجل فقرى فعلاً غيره واستريح وهو فيه حل تانى هات شيخ للشبكة كلها يطلع العفاريت اللى فيها شغال فى وقت الذروة وفاصل بالنهار عجبى ياما هنشوف

[bakra]

المشكله دى كانت عندى فى الشبكه بيتعتى وهى مشكله سيلك وكان بيفصل فى النهار بس والسرعه كانت عاليه 1024
الحل هو السيلك فيه روطوبه ممكن تمشى فيه كهرباء لكم ساعه واحيانا لا يجزى هدا الحل
والحل الاخر هو ان تضع سيويتش فى استقبال السيلك يعنى من سيويتش الى سيويتش هذا الحل اكيد فى الحالى حينفع وحاول انك تحط سويتش فى النص
ولو مش نفع الحل ده يبقى السيلك ميت وممكن تغيره ممكن تستخدم نوع اسمه cnet هو مش فيه مشاكل