mounir_ouasfi
06-04-2006, 03:07 PM
بسم الله الرحمان الرحيم
السلام عليكم و رحمة الله تعالى و بركاته
يوم ليك و يوم عليك
الودادي: أنا ودادي و على الحمرة ديما نسوفري
الرجاوي: ديما خضرة و ديما عليها نفيبري
الودادي: وكتقتلونا غي بالشعارات و حلان الفم ونتوما شي حاجة مادرتوها
الرجاوي: آه آه شكون كيهضر، و نتوما وليتوا شوهة كثر من ريال مدريد
الودادي: حنا الشوهة، عليها دينا ليكم البطولة و خليناكم على الدوزيم بلاص كاتقاتلوا هههه
الرجاوي: لا جات معاك الضحكة أ فريميجة، و الزبدة كتلعب مرجلة عليكم، نسيتي حتا جبنا ليكم الشان في البطولة د العرب
الودادي: إينا شان على هاديك فرقة للي لعبتوا معاها فالفينال..
الرجاوي: و كون تحشم، تا مالك أصاحبي، ياك الهلال السوداني تكرفسات عليكم، اما حنا درنا فيها حالة
الودادي: و غي عطفات ليكم و نتا دايرلي فيها الشان عليها حصلتوا مع الدزاير
الرجاوي: و الله ما قالو عليكم فريميجة حتا فرماج النيت، فراسكم غي الفيران كيتساراو، واش حنا سيمانة وحنا طايرين غي فالسما و فالتالي مشينا لعبوا مع فرقة لاعب معاها الحكم و باغينا نطفروه، واخا تكون البارسا و ماتجيبش الربح فهاديك الظروف
الودادي: حنا فرماج ياوجه الساعة، وغملتوا ياصاحبي فهاداك التيران ديما مريحين من تحت المكانة و شي حاجة ما قضيتوها، وحسلكم سيروا تريحوا من تحت الساعة للي فالمحطة ديال التران، لباري تجيكم شي سفرة تخبعوا فيها وجهكم، اللاعابة كلهم مبوقين و ديما مجلوقين
الرجاوي: واش حال فيك دحلان الفم أصاحبي ، و شوف معاي فهاداك القنت، شي حاجة جاية
الودادي: وايا شحال دالبشر، و لكن باينة فيهم ملعقين و عندهم الحبة
الرجاوي: زيد نمشيوا نشوفوا شنو هداك الشي
الودادي: آش هادشي شنو باغيين يديروا صحاب الزيرو فالتيران
الرجاوي: واقيلا عندهم شي حفل تكريمي، زيد ندخلوا نتفرجوا
الودادي و الرجاوي ساقوا الخبار للي معروف
الودادي شاف فالرجاوي: حنا ولاد كازا و التيران لولاد كازا و إلى كانوا باغيين يبنيوا يمشيوا للجزر للي حداهم و يبعدوا منا
الرجاوي: واش على قلة البلايص ما جبروا غي المركب للي شادليهم الطريق، اشنو المعمول دابا
إيـــه يا التسيير ديال آخر الزمان، جوج تيرانات فالمغرب للي كاينين
واحد فالرباط ولاخور فكازا
و المسؤولين غي بان ليهم الدرهم و هما يوليوا بحال الجفافة
وهادوك راس الخيمة للي ديما حاطين الزيرو فراسهم
واش هدا المغرب ضارب ليكم الشوكة، مكتلاقاو حتى شي بلاصة ديروا فيها المشاريع الخواية ديالكم إلا فالمغرب
و على هاد القبل ماشي بعيد نشوفوهم باعو مسجد الحسن الثاني باش يبنيوا شي بار
إيـــه يا الودادي و الرجاوي قهروكم و تقهرنا معاكم و شحال كانت عزيزة علينا نسمعوا المكانة و الفريميجة
مسؤولين عندنا فيهم غي الهضرة و التقلاب على الدرهم كثر من السعاية لي كنشوفوهم
تفووووا على الفلوس للي تخلينا نبيعوا بلادنا و ولادنا من أجل الشطيح و الرديح
و السلام خير الختام
مع تحياتي للجميع
منقول
السلام عليكم و رحمة الله تعالى و بركاته
يوم ليك و يوم عليك
الودادي: أنا ودادي و على الحمرة ديما نسوفري
الرجاوي: ديما خضرة و ديما عليها نفيبري
الودادي: وكتقتلونا غي بالشعارات و حلان الفم ونتوما شي حاجة مادرتوها
الرجاوي: آه آه شكون كيهضر، و نتوما وليتوا شوهة كثر من ريال مدريد
الودادي: حنا الشوهة، عليها دينا ليكم البطولة و خليناكم على الدوزيم بلاص كاتقاتلوا هههه
الرجاوي: لا جات معاك الضحكة أ فريميجة، و الزبدة كتلعب مرجلة عليكم، نسيتي حتا جبنا ليكم الشان في البطولة د العرب
الودادي: إينا شان على هاديك فرقة للي لعبتوا معاها فالفينال..
الرجاوي: و كون تحشم، تا مالك أصاحبي، ياك الهلال السوداني تكرفسات عليكم، اما حنا درنا فيها حالة
الودادي: و غي عطفات ليكم و نتا دايرلي فيها الشان عليها حصلتوا مع الدزاير
الرجاوي: و الله ما قالو عليكم فريميجة حتا فرماج النيت، فراسكم غي الفيران كيتساراو، واش حنا سيمانة وحنا طايرين غي فالسما و فالتالي مشينا لعبوا مع فرقة لاعب معاها الحكم و باغينا نطفروه، واخا تكون البارسا و ماتجيبش الربح فهاديك الظروف
الودادي: حنا فرماج ياوجه الساعة، وغملتوا ياصاحبي فهاداك التيران ديما مريحين من تحت المكانة و شي حاجة ما قضيتوها، وحسلكم سيروا تريحوا من تحت الساعة للي فالمحطة ديال التران، لباري تجيكم شي سفرة تخبعوا فيها وجهكم، اللاعابة كلهم مبوقين و ديما مجلوقين
الرجاوي: واش حال فيك دحلان الفم أصاحبي ، و شوف معاي فهاداك القنت، شي حاجة جاية
الودادي: وايا شحال دالبشر، و لكن باينة فيهم ملعقين و عندهم الحبة
الرجاوي: زيد نمشيوا نشوفوا شنو هداك الشي
الودادي: آش هادشي شنو باغيين يديروا صحاب الزيرو فالتيران
الرجاوي: واقيلا عندهم شي حفل تكريمي، زيد ندخلوا نتفرجوا
الودادي و الرجاوي ساقوا الخبار للي معروف
الودادي شاف فالرجاوي: حنا ولاد كازا و التيران لولاد كازا و إلى كانوا باغيين يبنيوا يمشيوا للجزر للي حداهم و يبعدوا منا
الرجاوي: واش على قلة البلايص ما جبروا غي المركب للي شادليهم الطريق، اشنو المعمول دابا
إيـــه يا التسيير ديال آخر الزمان، جوج تيرانات فالمغرب للي كاينين
واحد فالرباط ولاخور فكازا
و المسؤولين غي بان ليهم الدرهم و هما يوليوا بحال الجفافة
وهادوك راس الخيمة للي ديما حاطين الزيرو فراسهم
واش هدا المغرب ضارب ليكم الشوكة، مكتلاقاو حتى شي بلاصة ديروا فيها المشاريع الخواية ديالكم إلا فالمغرب
و على هاد القبل ماشي بعيد نشوفوهم باعو مسجد الحسن الثاني باش يبنيوا شي بار
إيـــه يا الودادي و الرجاوي قهروكم و تقهرنا معاكم و شحال كانت عزيزة علينا نسمعوا المكانة و الفريميجة
مسؤولين عندنا فيهم غي الهضرة و التقلاب على الدرهم كثر من السعاية لي كنشوفوهم
تفووووا على الفلوس للي تخلينا نبيعوا بلادنا و ولادنا من أجل الشطيح و الرديح
و السلام خير الختام
مع تحياتي للجميع
منقول