افضل رسيفر في السوق المصري

[ayahfa]

السلام عليكم اخواني الاعزاء
عندي طلب منكم ارجو ان لا تردوني اذا سمحتم
ناويت والنيه لله اشتري دش ( نظام ستالايت يعني) وبصراحه ابيض في الموضوع وخايف اتعرض لعمليه نصب وهذا لانعدام معلوماتي عن الرسيفر وخلافه فارجوكم انصحوني ما هو افضل جهاز ريسيفر في السوق المصري- طبعا مطلوب مقارنه بين عده موديلات - واشتريه منين وما اهي النقط الواجب الاهتمام بها عند الشراء
في انتظار نصائحكم
ودمتم بخير

[ayahfa]

مافيش حد هيرد ولا ايه؟
فينكم يا شباب

[stormboy]

انصحك برسيفر


1- ترومان 1000

2- كيوماكس 999 جولد

انا جربت الاسترا و السترونج و الكيوماكس و دريم بوكس 500

انصحك بصراحه بالكيوماكس للاسباب التاليه

مميزات الجهاز

1- سعة تخزينية 100 قمر - 9000 قناة - 4000 تردد
2- سرعه عالية ويحتوى على بروسيسور قوى
3- مجهز لتركيب كامه داخليه
4- امكانية تقسيم الشاشه الى 16 صوره
5- امكانية PIP صوره داخل صوره اى مشاهدة قناتين فى نفس الوقت
6- امكانية عمل زوم للقناة
7- امكانية تخزين القنوات داخل الرسيفر لاسترجاعها في اي وقت حتى بعد عمل سوفتوير
8- مدخل لان (Internal Lan) من الخلف ومدخل يو أس بي (USB) من الأمام
9- امكانية الشيرنج بدون الحاجة الى الكمبيوتر
10- اضافة بيانات السيرفرعن طريق الكمبيوتر او يدويا عن طريق الريموت كنترول
11- الاحتفاظ ببيانات السيرفر سواء عمل اعادة ضبط المصنع او سوفتوير
12- يدعم النيو كامد (الاكثر انتشارا) و حتى 40 سيرفر
13- مشاهدة الصور و MP3 و الافلام مباشرة من (USB) عن طريق فلاش ميموري
14- التسجيل مباشرا على فلاش ميموري او هارد (USB) للقنوات المفتوحة والمشفرة
15- تحديث السوفتوير عن طريق Rs232 Port أو USB
16- عمل داونلود و ابلود لملف القنوات و المفاتيح عن طريق (USB)
17- تنزيل احدث سوفتوير بدون الكمبيوتر في اقل من دقيقة عن طريق (USB)
18- الدعم الداثم من الموقع الرسمى للجهاز www.qmax999.com

و ان كنت مش فاهم اهميه انترنت لان و الشيرنج ممكن افهمك و من الاخر الجهاز ده جامد جداااااااااا

و سعره يتروح بين 450 و 500 جنيه

و مكان شرائه باب اللوق انا اشترته من محل اسمه ادريان



DreamBox 500s بسعر 800 جنية
Truman 1000 بسعر 700 جنية
Qmax Mst 999 Gold -- USB+lan Card بسعر 500 جنية

من الاخر اشترى الكيوماكس على ضمانتى


و اى حاجه تانيه اسال و انا اذا قدرت ارد هرد

[hady1950]

انا اؤيدك الكيوماكس هو الافضل عن تجربه يوجد به كل متطلبات الرسيفر الحديث

[ayahfa]

stormboy:
بجد انت استاذ وتسلم علي المعلومات دي اللي من كترها تهت منك يعني ايه الفرق مثلا بين الترمان واللي كنت ناويت اشنريه والكيوماكس اللي رشحته انت مع ان فيه ناس كتير شكرت في الاسترونج والاسترا مش عارف تايه ومتلخبط وبجد مش عارف اهميه الانترت للجهاز يعني؟ بص انت ريح نفسك وابدأ معايا من تحت الصفر من اول السيرميك وشكرا يا باشا علي ذوقك

[stormboy]

بس يا سيدى

الاسترا و الاسترونج كويسين جدااا لكن للاسف لا يوجد بهم فتحه انترنت لفتح القنوات المشفره

عن طريق الشرينج و لكن ممكن عمل شرينج عن طريق الكمبيوتر لذلك اذا كنت عاوز تستفيد

من جهاز تجيبه فهات من الاخر الكيوماكس 999 جولد

هتقولى ليه ايه مميزاته عن بقيت الرسيفرات هقولك يا سيدى

1- ثمنه الجيد مع امكانيته العاليه

2- تقدر تسجل على فلاشه او هارد usb

3- وجود فتحه انترنت و قولتلك فوق ايه لازمتها و هى ( فتح القنوات المشفره )

4- سهوله استخدامه

من الاخر انا عندى الاسترونج ناقصه حاجه واحده و يبقى جامد و هى فتحه الانترنت

الاسترا عندى برضو و نفس مشكله الاسترونج

الدريم بوكس 500s سىء جدا و لا انصحك به بالمره عن تجربه شخصيه

1- سعره الغالى مع امكانيته الضئيله

2- المتواجد منه فى مصر الصينى و الكورى و الاثنبن مشاء الله اسوء من بعض

3- صعبه استخدام قوائمه و عدم تواجد ترتيب القنوات بالارقام

4- لا يوجد منه الاصلى بسبب عدم تصنيعه من قبل الشركه منذ اكتر من عامين

اما عن الترومان فانصحك بالترومان 1000 لوجود فتحه انترنت

و لكن يعيبه شىء وحيد وهو عدم وجود امكانيه التسجيل و ثمنه الغالى حسب عالمى

بس متوجعش دماغك منى لانى رغاى من الاخر و عن تجربه هات الكيوماكس على ضمانتى يا عم

اى حاجه عاوزها ابقا قول

[stormboy]

اهميه فتحه الانترنت

1- توصيل الرسيفر مباشر مع الراوتر

2- فتح القنوات المشفره عن طريق الشرينج

ما اهو الشرينج ؟؟؟؟


من غير كلام معقد و بلبلدى كده

هو عباره عن واحد بيشترك فى ال art & showtime & jsc& orbit

و بيبقى عندو الكروت الاصليه و بطريقه ما بيقدر يديك عباره عن بعض بيانات انت بتحطها عندك حسب

نوع جهازك و بتستقبل بيانات عن طريق الانترنت بتفتحلك القنوات المشفره

و يوجد نوعان من الشرينج مدفوع و مجانى

ايه الفرق ما بين المدفوع و المجانى ؟؟؟؟؟؟؟؟؟؟


ال مجانى سىء للغايه و كثير التقطيع بسبب ضغط الناس عليه

اما المدفوع فهو جيد و لا يقطع بسبب حصولك على بيانات خاصه بك لوحدك

و ايضا يوجد شخص دئما بيدعمك فى ايه مشكله

لو فى اسئله تانيه ابقا قول

[ayahfa]

السلام عليكم ورحمه الله وبركاته
اشكرك اخي الكريم علي اهتمامك بالرد
وعذرا علي التاخير .. لاني انشغلت شويه
المهم انا رحت باب اللوق وسالت عن عده اجهزه منها الكيوماكس بس انا شخصيا مش عارف اهميه الاوبشن الجامد دي يعني انا محتاج ريسيفر يعمل كل دا ولا عاوز ريسيفر يستقبل النايل سات والاوربي علي اقصي تقدير وخلاص - لسه ما قررتش - طيب الاوبشن دي هتفيدني بي ايه لمجر اني امتلك جهاز سوبر وبس تمنه 500 جنيه - مش عارف الواحد دايما بيبص للاحدث والاغلي وكدا يعني انا بفكر بجهاز يفي بالغرض وتمنه في ال 200 جنيه وشكرا واذا كنت الاوبشن دي هتفرق كتير مع المستخدم ضروريه يعني اجيب الكيو ماكس باي تمن بقا
فاهميني طبعا ايه بقا رأيك يا معلم تنصجني بي ايه
شكرا جزيلا

[stormboy]

اذا كنت عاوز رسيفير تمشى بى حالك و يكون كويس فاشترى استرونج او استرا

اما لو انتا عاوز رسيفير يفتح لك القنوات المشفره كمان فاشترى الكيوماكس

هيا ده الميزه الموجوده فى الكيوماكس (فتحه dsl ) علشان القنوات المشفره

اما بقيت الامكانيت اعتقد انها موجوده فى الرسيفيرات الاسترونج الحديثه

اما لو بتدور على الافضل و الارخص فى كل حاجه فهو الكيوماكس اعتقد انو الافضل

[ayahfa]

طيب ياعم خلاص هجيب الكيو ماكس بس علي ضمانتك ماشي يعني هتديني ضمان كام سنه

[stormboy]

انتا عاوز كام سنه

كله بحسابه

لو اشترته قولى علشان اظبتك فيه ماشى

مبروك مقدما

[أبوتريكة الأهلاوي22]

هو ده الشغل الصح..

الكيوماكس..من الاخر ..

تدخل النت في فتحة ال lan

ومافيش حاجة اسمها مشفرة..

الارتى والشوتايم والاوربت ..والدنيا كلها فاتحة معاك..

وشكرا لك stormboy

للمتابعة المتميزة ..

[stormboy]

هو ده الشغل الصح..

الكيوماكس..من الاخر ..

تدخل النت في فتحة ال lan

ومافيش حاجة اسمها مشفرة..

الارتى والشوتايم والاوربت ..والدنيا كلها فاتحة معاك..

وشكرا لك stormboy

للمتابعة المتميزة ..

شكرا على الرد المشجع جداااا

و ده لازم كل حد يعمل كده ازى كان يعلم معلومه يقدر يفيد به غيره

[tarek_mawad]

عندى كيوماكس جولد وهو جهاز رائع وانصحك تشتريه وثمنه 430 جم

[ayahfa]

عندى كيوماكس جولد وهو جهاز رائع وانصحك تشتريه وثمنه 430 جم

طيب انت اشتريته منين ب430
دا لما سألت عليه قال لي 650 جنيه....

[bassam266]

انا لسه شارى الكيو ماكس الجولد امبارح ب 400 بس
انا اشتريته من فيكتوريا

[ayahfa]

stormboy
انت فين؟؟
قولي مبروك اشتريته خلاص من باب اللوق وهركب بكره ان شاء الله
بس عاوز افهم حاجه
ليه الواد اخد الجهاز وقالي هحط لك سوفت وير عليه علشان يفتح المشفر ؟؟ وايه هو السوفت دا واجيبه منين ؟ وهو انا هحتاجه تاني يعني
هو بعد ما عمل كدا فتح قنوات الايه ار تي واشوتايم قدامي
وقالي ركب الطبق ونزل القمر بتاعك ميه ميه ولما تخلص خالص وصل الراروتر وشوف القنوات المشفره صح كدا ولا ايه؟؟
كمان قالي في اشتراك مجاني تلات شهور - اشتغاله عارف - بس بعدك كدا هشترك فين وادفع لمين يعني؟ بص ظبطني في الحته دي
استنه لسه هسالك تاني علي الطبق والاقمار والكواكب والمجره التلفزيونيه بس شويه وشويه لاتهنج مني
الف سلام وتحيه للراجل التمام stormboy

[stormboy]

الف مبروك يا معلم

بخصوص السوفت وير فهو كويس انو غيره علشان السوفت البيجى مع الرسيفير

مش بيفتح حاجه اما السوفت الحطه فيه سيرفر بيخلى القنوات تشتغل زى ايه ار تى و شوتايم و اوربت

بس هنشوف الفيرجن الحطه علشان نعرف اذا كان ليه مده معينه و لا لا بالنسبه للسيرفير

هتقولى هتفرق فى ايه اذا فيرجن جديد و لا قديم

هقولك القديم مش بيحسب وقت عليك لكن الجديد بيحسب مده زمنيه و بعد كده هيفصل



وايه هو السوفت دا واجيبه منين ؟

السوفت ده هو الشكل البيظهرلك زى الويندوز كده و فيه منه اصدرات و انشاء الله لما تركب كل حاجه نبقا نشوف هو

حطلك انهى فيرجن و انا هديك كل الاصدرات منه



وهو انا هحتاجه تاني يعني؟

لا بس مفيش مانع انو يبقى عندك علشان لو حصل حاجه


اما بخصوص ال 3 شهور فانا هقولك على كذا موقع

بيعملو شيرنج مدفوع و هقولك الارخص و الاحسن فيهم

علشان حكايه السيرفرات المجانيه ده مش مضمونه

بتقطع كتير و ممكن يفصل فى اى وقت

انت دلوقتى محتاج بس توصل الرسيفير بالرواتر

و انا هقولك تعمل ايه علشان تعمل كونكت مع النت

و هقولك ازاى بتحط بيانات اى سيرفر

و انا متابع معاك انشاء الله

[no trust]

الله عليك يا ستورم ايه الدعم الفنى الممتاز ده؟؟
انت شغال مع عبد العال ولا ايه........
انا ان شاء الله هجيب جهاز كيوماكس وابقى كيوماكسى زيكو
بس عاوز مكان اجيبه منه ويكون معروف عنه انه كويس واسعاره كويسه
وما يغنيش عليا وقولى اصل ده غير اللى عند فلان وعلان وكده انت فاهم؟
واديك شايف واحد بيقول 400 وواحد يقول 500 وواحد يقول 650
التجار دول بيشتغلونا ولا ايه مش فاهم
قولى بقى اجيبه منين فى كايرو

شكرا ليك يا ستورم مقما:smailes66:

[stormboy]

الله عليك يا ستورم ايه الدعم الفنى الممتاز ده؟؟
انت شغال مع عبد العال ولا ايه........
انا ان شاء الله هجيب جهاز كيوماكس وابقى كيوماكسى زيكو
بس عاوز مكان اجيبه منه ويكون معروف عنه انه كويس واسعاره كويسه
وما يغنيش عليا وقولى اصل ده غير اللى عند فلان وعلان وكده انت فاهم؟
واديك شايف واحد بيقول 400 وواحد يقول 500 وواحد يقول 650
التجار دول بيشتغلونا ولا ايه مش فاهم
قولى بقى اجيبه منين فى كايرو

شكرا ليك يا ستورم مقما:smailes66:

لا و الله انا واحد مدمن فى الحاجات ديه و قولت اساعد واحد محتاج مساعده علشان

ميضعش على النت و علشان الكل يستفيد

اما بخصوص حكايه الاسعار انا مش عارف و الله كل واحد فعلن بيقول سعر

انا لما جيت اشتريه اشترته من محل اسمه ادريان و سعتها ادهولى بى 500 جنيه

فيه و احد قالك فوق اهو كتر خيره على اسم محل اسمه فيكتوريا و قالك ب450

انزل و شوف انت المهم انهم كلهم جنب بعض فى باب اللوق

عموما ادينى فرصه النهارده اسالك

و اعتقد ان السعر 450 هو الصح علشان حسب علمى هو بيتباع فى عبد العال

ب 350

اى حاجه تانيه انا موجود لحد يوم الجمعه و بعد كده مسافر و هرجع بعد اسبوع

تحياتى


لقيت دول شوف انت بقا

العتبة فى محل صغير اسمه الجوكر وثمنه 420 رقم الموبايل 0123339661

وكمان محل تانى ب425 فى العتبة اسمه الكترونيات شارع المرجان العتيه امام الهوارى
ت 23962950-0127849047-0122861418-0123414464
انت وشطرتك لو عرفت تنزل فى السعر.....

و جارى البحث عن محلات اخرى

[no trust]

شكرا جدا لك من عميق قلبى يا ستورم
ان شاء الله لو اشتريته قبل ما انت تسافر هقولك وابلغك عشان تقولى هظبطه ازاى
ولو سافرت يبقى ترجعلنا ان شاء الله بالف سلامه وبردو هقولك عملت ايه

شكرا يا هندسه:smailes43::smailes100:

[no trust]

صحيح ايه الحاجات اللى اخلى بالى منها لما انزل اشترى

وهل اخلى التاجر يحطلو سوفت ولا لا

ولا اجيبه منه وانزله انا السوفت المناسب
وما هو السوفت المناسب اللى اشيرنج بيشتغل عليه كويس ومش بيقطع

شكرا جزيلا

[ayahfa]

بص ياباشا
ما اهو انا لسه شاريه من بابا اللوق اول امبارح وركبته هو تمنه 420 ويصل ل 400 بالفصال وحط عليه السوفت وير وجربه امامي وفتح المشفر
المحل اسمه توهامه قبل محل ادريان وانت جاي من التحرير بس ارخص واحد تهامه دا في شاب عضل كدا ومستأسد وكان فيه مدام حلوه قاعده بس غالبا مش هتلحق المدام
سلام

[no trust]

شكرا ليك ayahfa

انا لسه جا يبه من 3 ساعات من العتبه 385 جنيه

بس ليه ما حطيتشى عليه اى سوفت

[ayahfa]

علي فكره الرسيفر دا محتاج دراسه
وبعدين القنوات المشفره مش كل مره بتشتغل مع ان الراورت متوصل بالجهاز بس ومفيش حد تاني مشترك هو سرعه النت لها علاقه باستقبال القنولت المشفره ولا قوه الاشاره اللي جايه من الطبق ولا ايه بالظبط
انا متعكنن جدا
فينت ستورم بس؟؟؟؟؟؟

[stormboy]

علي فكره الرسيفر دا محتاج دراسه
وبعدين القنوات المشفره مش كل مره بتشتغل مع ان الراورت متوصل بالجهاز بس ومفيش حد تاني مشترك هو سرعه النت لها علاقه باستقبال القنولت المشفره ولا قوه الاشاره اللي جايه من الطبق ولا ايه بالظبط
انا متعكنن جدا
فينت ستورم بس؟؟؟؟؟؟

اسف كنت مشغول امبارح

انا مش فاهم المشكله بتاعتك لكن واضح من كلامك كده انك وصلت كل حاجه خلاص

2- سرعه النت ملهاش دخل بالموضوع انا كان عندى 256 و كان شغال كويس

3- انت عندك بتشتغل شويه و تفصل شويه و لا ايه النظام يا معلم

يا ريت توضح المشكله شويه علشان اقدر اساعدك

انا متابع النهارده معاك علشان احتمال اسافر بكره

[stormboy]

شكرا ليك ayahfa

انا لسه جا يبه من 3 ساعات من العتبه 385 جنيه

بس ليه ما حطيتشى عليه اى سوفت

مبروك يا معلم و جارى عمل مشاركه بتشرح كل حاجه فى الرسيفير

[stormboy]

انا اسف يا notrustو يا ayahfa

تم ارسال رساله خاصه لكم علشان انا مش هقدر اتابع الموضوع

و اى حاجه انا موجود النهارده باليل

[no trust]

ربنا يخليك يا ستورم باشا انت كده تشكر اوى
انا نزلت سوفت 1.8 للجهاز وكله شغال تمام مع بعض التقطيع البسيط

[stormboy]

ربنا يخليك يا ستورم باشا انت كده تشكر اوى
انا نزلت سوفت 1.8 للجهاز وكله شغال تمام مع بعض التقطيع البسيط

التقطيع ده طبيعى

احسنلك تشترك مع مدفوع زى ما انا عملت

و ربنا يبارك لك فى الجهاز

[web-spirit]

مشكور ع الموضوع

[ayahfa]

طيب الامدفوع دا فين ومنين وبكام

[t3lamo]

شكراااااااااااا علي المعلومات القيمة

[stormboy]

طيب الامدفوع دا فين ومنين وبكام

راجع الخاص بتاعك

[tifaman]

انابرشح الاسترا

[semoren]

انا على السيرفر المجانى
ممكن اعرف سيرفر بقلوس و بكام
شكرررررررررا

[ghost_344]

طيب الامدفوع دا فين ومنين وبكام

[The fox2000]

يا استاذ ستورم واضح ان احنا سلمنا انك خبير عالمى - كويس

طب لية ماتعملش موضوع منفصل و تشرح فية الموضوع بالكامل بدل التنقيط دة
تكتب فيى افضل جهاز و افضل سوفت وير و كيفية تنزيلة و مواقع فتح الشفرات المجانية و المدفوعة و طريقة عملها واحنا من ناحيتنا هنطالب بتثبيت الموضوع حتى يستفيد منة الجميع ولك الاجر و الثواب والدعاء
تقبل خالص تحياتى

[The fox2000]

عموما انا توكلت على اللة و اشتريتة من باب اللوق و على فكرة سعرة 400 جم

[stormboy]

عموما انا توكلت على اللة و اشتريتة من باب اللوق و على فكرة سعرة 400 جم

و الله مشغول جداااااااا

و غير كده كنت مسافر

و لكن هحاول

و مبروك على الجهاز

[The fox2000]

طب سؤال عبيط بس انا مش عارفة هو امتداد تشغيل الافلام من على الفلاشة اية

وكيفية تحويلة ؟؟؟؟؟؟؟؟؟؟؟؟؟؟؟؟

تقبل خالص تحياتى

[حسام النحاس]

شكرا كتييير يا ستورم بوى انا استفدت كتير منك وربنا يجزيك كل خير ،بس ليا سؤال انا عايش فى السعودية واخويا حيشترى الكيوماكس ويبعتهولى ،الجهاز حيشتغل على طول ويفتح القنوات المشفرة والا لازمله تظبيط انت عارف كاس افريقيا على الابواب وجزاك الله خيرا

[ebram90]

شكرا يا مان

[zokas11]

الأخ الفاضل مع احترامى لكل الآراء لكل الإخوة الأعزاء لكن الكيوماكس سيناتور أفضل جهاز وامكانياته
عالية جدا والسيرفر مجانى وفاتح من سنة ونصف والسيرفر خارج مصر يعنى لامصنفات فنية ولا غيره
يعطلوه أو يغلقوه بالإضافة ان التحديث يتم اوتاماتيك عن طريق النت موش محتاج كابل ولا كومبيوتر ولا فلاشة والجهاز شغال هايل وفاتح قنوات كثيرة على 10 أقمار و الأوربيت والشو تايم
art والقنوات الرياضية كلها فاتحة وعلى الأوروبى فاتح الباقات كلها حتى الفرنسية والسيرفر قوى وسريع وثابت مفيش تقطيع ولا تهنيج و القنوات المشفرة كلها تفتح فى منتهى السرعة
والحهاز موجود فى باب اللوق توكيل جنرال والناس متعاونين ومحترمين وبيسلموا الجهاز جاهز والقنوات متنظمة فى باقات ا لأفلام و الرياضة والأخبار الخ والجهاز بمجرد توصيله بسلك الراوتر

بيتعرف على ال ip و ال dns فورا ويفتح كل حاجة فورا وكان ثمنه 1000 جنيه عموما دى شهادتى وأنا أستعمله من أكثر من سنة ونصف بدون أى مشاكل وأخبرونى فى التوكيل أن الشركة الأم
لم تحدد أى مواعيد لإغلاق السيرفر وقد نصحت عدد من أصدقائى بشراؤه والجميع مبسوط

ان كانت الميزانية لا تسمح فعليك بالكيوماكس 999 جولد ولو ان السيرفر بتاعه عليه ضغط شديد تحياتى

[الزعيم000]

حييييييييييييييييييييييييييييد

[mad dad]

thanks so much duuuuuuuuuuuuuuude

[stormboy]

الأخ الفاضل مع احترامى لكل الآراء لكل الإخوة الأعزاء لكن الكيوماكس سيناتور أفضل جهاز وامكانياته
عالية جدا والسيرفر مجانى وفاتح من سنة ونصف والسيرفر خارج مصر يعنى لامصنفات فنية ولا غيره
يعطلوه أو يغلقوه بالإضافة ان التحديث يتم اوتاماتيك عن طريق النت موش محتاج كابل ولا كومبيوتر ولا فلاشة والجهاز شغال هايل وفاتح قنوات كثيرة على 10 أقمار و الأوربيت والشو تايم
art والقنوات الرياضية كلها فاتحة وعلى الأوروبى فاتح الباقات كلها حتى الفرنسية والسيرفر قوى وسريع وثابت مفيش تقطيع ولا تهنيج و القنوات المشفرة كلها تفتح فى منتهى السرعة
والحهاز موجود فى باب اللوق توكيل جنرال والناس متعاونين ومحترمين وبيسلموا الجهاز جاهز والقنوات متنظمة فى باقات ا لأفلام و الرياضة والأخبار الخ والجهاز بمجرد توصيله بسلك الراوتر

بيتعرف على ال ip و ال dns فورا ويفتح كل حاجة فورا وكان ثمنه 1000 جنيه عموما دى شهادتى وأنا أستعمله من أكثر من سنة ونصف بدون أى مشاكل وأخبرونى فى التوكيل أن الشركة الأم
لم تحدد أى مواعيد لإغلاق السيرفر وقد نصحت عدد من أصدقائى بشراؤه والجميع مبسوط

ان كانت الميزانية لا تسمح فعليك بالكيوماكس 999 جولد ولو ان السيرفر بتاعه عليه ضغط شديد تحياتى

و الله انا اول مره اسمع عنه

و لكن انت خلتنى ابحث عنه هو كويس و لكن سعره مبالغ فيه

و السيرفر المجانى لازم هيجى يوم و هيخلص و كل الناس هتطر تشترك فى مدفوع

فاعتقد ان الكيوماكس 999 جولد افضل فى النهايه

[mifs]

شكرا جزيلا على حسن تعاونكم معنا يا خبراء المنتدى
لكن عندي سؤال بخصوص كيو ماكس 999 وكيو ماكس سيناتور
انا الحقيقة اول مرة اسمع عن الكيوماكس كرسيفر كويس
وما هو qmax v2 mst 999
و qmax v1 mst 999 الموجودين حاليا على www.qmax.com
وانا عضو في نقاش الحب
وسؤالي للعظيم stormboy
يا ترى ايه الفرق في مواصفات وامكانيات الكيوماكس 999 جولد ونظيره سيناتور
وهل فيه اية فروق بينهم وبين دريم بوكس 8000 الباهظ الثمن ولا ايه ؟؟
ارجو التوضيح للفائدة وشكرا

[عبده غريب]

ترومان 900 hd ممتاز

[stormboy]

ترومان 900 hd ممتاز

الترومان 900 hd أحسن من الجولد فى أنة يدعم الصورة فائقة الجودة hd

و يدعم الناسكامد بتحويلة لسوفت الأسبايدر

و يدعم السى سى كام و لكن بتوصيلة بالكمبيوتر طوال وقت المشاهدة

سعره 900 جنيه فى التوكيل فى باب اللوق

فيه فرق فى السعر 400 جنيه

غير كده انا متخاوف من الترومان علشان المشاكل اللى حصلت فى الشيرنج فى كل

مودلاته لذلك اى واحد عاوز يشترى ينتظر شويه علشان هو لسه جديد لحد ما نشوف ايه

الاخبار معاه

[stormboy]

شكرا جزيلا على حسن تعاونكم معنا يا خبراء المنتدى
لكن عندي سؤال بخصوص كيو ماكس 999 وكيو ماكس سيناتور
انا الحقيقة اول مرة اسمع عن الكيوماكس كرسيفر كويس
وما هو qmax v2 mst 999
و qmax v1 mst 999 الموجودين حاليا على www.qmax.com
وانا عضو في نقاش الحب
وسؤالي للعظيم stormboy
يا ترى ايه الفرق في مواصفات وامكانيات الكيوماكس 999 جولد ونظيره سيناتور
وهل فيه اية فروق بينهم وبين دريم بوكس 8000 الباهظ الثمن ولا ايه ؟؟
ارجو التوضيح للفائدة وشكرا

لحد علمى الفرق بينهم فى حاجه اسمها البوت و جارى التاكد

الدريم بوكس يقال عنه رسيفر المستقبل بسبب انو بيشغل انواع فى الشيرنج تسمى

( سسى كام و ناس كامد ) و طبعا بيدعم النيوكامد المنتشر فى جميع السيرفرات

الموجوده على النت و اللى اكثر استخدام فى جميع الرسيفرات الداعمه للشيرنج

ترومن و كيوماكس و غيرهم

و بيشتغل بنظام لينكس غير مستخدم فى اى رسيفر تانى

اما راى فى الدريم و هو راى شخصى عن تجربه و جايز حد يختلف معايا

انت لو عاوز حاجه سهله تتعامل معها و انو هيستخدم الرسيفر بابا و ماما و اخويا و اختى

و كده جيب كيوماكس او ترومن او لو انت بتحب المغارات و المتاهات هات الدريم

يعيب الدريم سعره الغالى و ابتعد عن الدريم المقلد سىء للغايه

و عدم وجود ترتيب للقنوات بالارقام و ده حاجه رخمه قوى

[stormboy]

طب سؤال عبيط بس انا مش عارفة هو امتداد تشغيل الافلام من على الفلاشة اية

وكيفية تحويلة ؟؟؟؟؟؟؟؟؟؟؟؟؟؟؟؟

تقبل خالص تحياتى

الصيغه هى ts

و بيتحول ببرنامج اسمو total converter دور عليه هنا فى المنتدى انشاء الله تلقيه

[stormboy]

شكرا كتييير يا ستورم بوى انا استفدت كتير منك وربنا يجزيك كل خير ،بس ليا سؤال انا عايش فى السعودية واخويا حيشترى الكيوماكس ويبعتهولى ،الجهاز حيشتغل على طول ويفتح القنوات المشفرة والا لازمله تظبيط انت عارف كاس افريقيا على الابواب وجزاك الله خيرا

اكيد لازم ليه تظبيطه صغيره علشان النت يتعرف عليه

خلى اخوك يخلى الراجل يظبط كل حاجه و يدى له 25 جنيه اخرها

و لو فى حاجه انا موجود انشاء الله

[ashf40]

ما هو الريسيفر اللي بيدعم hd الخاص بالتليفزيون lcd

[stormboy]

ما هو الريسيفر اللي بيدعم hd الخاص بالتليفزيون lcd

عندك أكتر من موديل فى الريلوك

cuberevo 250HD
cuberevo mini
cuberevo

دريم بوكس

الدريم بوكس 800 HD

و ارخص رسيفر HD هو

ترومان 900 hd ب 900 جنية فى التوكيل فى باب اللوق

بس نصبحه من اخ انتظر شويه لحد ما الاسعار تنزل لان الترومان كان بالالف دلوقتى بقا
900
جنيه و فى كلام ان فى شهر خمسه اسعار رسيفرات الداعمه للHD هينزل

اسعارها فانتظر و انشاء الله خير

[kimo122]

السلام عليكم الاول انا مبسوط اوى بالمعلومات دى رائعه بس انا احتارت جدااا مش عارف اجيب انهو رسيفر انا عايز رسيفر اوصلو بالنت ويفتحلى المشفر من غير اشتراك يعنى سيرفر مجانى ومش عايز بعد مااجيبو يرجع يقولو دا قفل وكدا فا انا محتار اجيب انهى رسيفر وانا هاخلى واحد صحبى ف السعوديه يشتريلى من هناك بس ارجوكو حد يفدنى اقولو يجب انهى رسيفر وشكرا وانا فى انتظار الرد من العمالقه ....

[loaloa22]

شكرا علي المعلومات القيمة
ومشاركات الاخ ستورم اقنعتنى بجهاز كيوماكس 999
وسانزل لشراءه قريبا بإذن الله
واتمنى ان يساعدنى الاخ ستورم عند شراء الريسيفر

[speedman2202]

السلام عليكم الاول انا مبسوط اوى بالمعلومات دى رائعه بس انا احتارت جدااا مش عارف اجيب انهو رسيفر انا عايز رسيفر اوصلو بالنت ويفتحلى المشفر من غير اشتراك يعنى سيرفر مجانى ومش عايز بعد مااجيبو يرجع يقولو دا قفل وكدا فا انا محتار اجيب انهى رسيفر وانا هاخلى واحد صحبى ف السعوديه يشتريلى من هناك بس ارجوكو حد يفدنى اقولو يجب انهى رسيفر وشكرا وانا فى انتظار الرد من العمالقه ....


انا برضه عايز كده

يا ريت العمالقة يردوا على اسألتنا:smailes95:

[kimo122]

ياجماعه فين العمالقه انا مستنى الرد اى حد يفيدنى انا سالت وماحدش رد عليا ليه @@@السلام عليكم الاول انا مبسوط اوى بالمعلومات دى رائعه بس انا احتارت جدااا مش عارف اجيب انهو رسيفر انا عايز رسيفر اوصلو بالنت ويفتحلى المشفر من غير اشتراك يعنى سيرفر مجانى ومش عايز بعد مااجيبو يرجع يقولو دا قفل وكدا فا انا محتار اجيب انهى رسيفر وانا هاخلى واحد صحبى ف السعوديه يشتريلى من هناك بس ارجوكو حد يفدنى اقولو يجب انهى رسيفر وشكرا وانا فى انتظار الرد من العمالقه ....

[stormboy]

ياجماعه فين العمالقه انا مستنى الرد اى حد يفيدنى انا سالت وماحدش رد عليا ليه @@@السلام عليكم الاول انا مبسوط اوى بالمعلومات دى رائعه بس انا احتارت جدااا مش عارف اجيب انهو رسيفر انا عايز رسيفر اوصلو بالنت ويفتحلى المشفر من غير اشتراك يعنى سيرفر مجانى ومش عايز بعد مااجيبو يرجع يقولو دا قفل وكدا فا انا محتار اجيب انهى رسيفر وانا هاخلى واحد صحبى ف السعوديه يشتريلى من هناك بس ارجوكو حد يفدنى اقولو يجب انهى رسيفر وشكرا وانا فى انتظار الرد من العمالقه ....

1- اولا انا مش من العمالقه اتفقنا :smailes21:

2- لو من السعوديه دور على دريم بوكس ( لا يوجد سيرفر مجانى)

3- الكيوماكس فيه سيرفر مجانى لكن مفيش ضمان لثباته خالص

[stormboy]

:شكرا علي المعلومات القيمة
ومشاركات الاخ ستورم اقنعتنى بجهاز كيوماكس 999
وسانزل لشراءه قريبا بإذن الله
واتمنى ان يساعدنى الاخ ستورم عند شراء الريسيفر

توكل على الله هحاول معاك انشاء الله

بس اعذرنى علشان انا ثانويه عامه و بفتح الكمبيوتر فى الخباثه اساسا

:smailes90::smailes90::smailes90:

[Zazoksh]

عزيزى/ stormboy

خالص الشكر والتقدير على ما تقدمه لجميع أعضاء المنتدى من مساعدات ونصائح لها أبلع الأثر فى تحديد اختياراتهم ورغباتهم ... فلك منى ومنا جميعاً كل شكر وتقدير.

عزيزى ،،،

هل لديك معلومات عن نوع معين من الريسيفرات المزودة بفتحة إنترنت ولكن ليست بالشكل التقليدى لها .. بل تكون على هيئة USB حتى أستطيع أن أول الريسيفر بالإنترنت عن طريقها (Wireless LAN) بدلاً من زحمة الأسلاك خلف الريسفير .

مع أطيب تمنياتى القلبية لك بالصحة والسعادة ،،،

Zazoksh - Cairo, EGYPT

[loaloa22]

شكرا اخينا ستورم
واولا ربنا ييوفقك على الثانوية العامة ان شاء الله
ثانيا سؤال اخر هل كيوماكس 999 جولد ممكن تركب له كامة سريعة فى قراءة كارت art فى حالة عدم وجود النت ؟؟

[stormboy]

عزيزى/ stormboy

خالص الشكر والتقدير على ما تقدمه لجميع أعضاء المنتدى من مساعدات ونصائح لها أبلع الأثر فى تحديد اختياراتهم ورغباتهم ... فلك منى ومنا جميعاً كل شكر وتقدير.

عزيزى ،،،

هل لديك معلومات عن نوع معين من الريسيفرات المزودة بفتحة إنترنت ولكن ليست بالشكل التقليدى لها .. بل تكون على هيئة usb حتى أستطيع أن أول الريسيفر بالإنترنت عن طريقها (wireless lan) بدلاً من زحمة الأسلاك خلف الريسفير .

مع أطيب تمنياتى القلبية لك بالصحة والسعادة ،،،

zazoksh - cairo, egypt

أنا مشوفتش حاجه زى ده قبل
كده
لازم يتوصل بسلك لاسف

[stormboy]

شكرا اخينا ستورم
واولا ربنا ييوفقك على الثانوية العامة ان شاء الله
ثانيا سؤال اخر هل كيوماكس 999 جولد ممكن تركب له كامة سريعة فى قراءة كارت art فى حالة عدم وجود النت ؟؟

نعم يمكن تركيب كامه واحده فقط ب40 جنيه تقريبا
بس انا مش متأكد من السعر
تحياتى

[za2zao2]

استاذ ستورم بوى مشكوووووور كتير على المجهود بتاعك بس انا هتنئط على الاخر وعايز حد يجاوبنى ، انا عندى ريسيفر كيوماكس بكارت مدمج قديم(اول موديلات الكيوماكس) وريسيفر دريم بوكس 500 بكارت مدمج ايضاً
واشتركت فى قناة الجزيرة الرياضية ومع الاسف الاتنين ريسيفر الى فاتو مش بيشغلو الكارت .
اعمل ايه افيدونى يرحمكم الله

[stormboy]

استاذ ستورم بوى مشكوووووور كتير على المجهود بتاعك بس انا هتنئط على الاخر وعايز حد يجاوبنى ، انا عندى ريسيفر كيوماكس بكارت مدمج قديم(اول موديلات الكيوماكس) وريسيفر دريم بوكس 500 بكارت مدمج ايضاً
واشتركت فى قناة الجزيرة الرياضية ومع الاسف الاتنين ريسيفر الى فاتو مش بيشغلو الكارت .
اعمل ايه افيدونى يرحمكم الله

للاسف معنديش اى معلومات اقدر افيدك بيها

بس عندى سؤال هل عندك كروت اخره تعمل عليهم

لو معندكش و اول مره تجيب كرت جرب انك تقلب الكارت و تدخله انا كان عندر رسيفر لازم اعمل كده علشان الكارت يشتغل

و انشاء الله خير

[kimo122]

ستورم معلش ممكن سؤال ممكن تقوليلى مميزات وعيوب بين الكيوماكس 999 جولد والكيوماكس سيناتور وايهما اضل ياريت الرد فى اسرع وقت ممكن ياريت حد يفيدنى وشكرا ليك

[stormboy]

ستورم معلش ممكن سؤال ممكن تقوليلى مميزات وعيوب بين الكيوماكس 999 جولد والكيوماكس سيناتور وايهما اضل ياريت الرد فى اسرع وقت ممكن ياريت حد يفيدنى وشكرا ليك

انا معنديش اى معلومات اقدر افيدك بيها عن الكيوماكس سيناتور

لكن اسمع ان انو جهاز كويس و يتميز عن الجولد انو بيجدث نفسه اوتوماتك عن طريق

الاتنرنت

اعذرنى لجهلى عن هذا الرسيفر

[kimo122]

طب والعمل ياستورم حاولى تفدنى انا عايز اشترى ومتحار ف الاتنين دول السيناتور والجولد انت رائيك يهمنى جدااااااااا مستنى رائيك

[speedman2202]

هههههههههههههههههههههههههههههه
يــــــــــــــــــــــــــــــــــــــــــا ناس الحقووووووووووووووووووووونى

انا نزلت اشترى الكيوماكس الجولد لقيته سعره وله ملقتوش فى باب اللوق عند ادريان ولا فكتوريا و حتى الجنرال و لما لقيته لقيته ب 750 جنيه
كنت هتجنن و بعد كده رحنا العتبة لفيت عليه العتبة لقيته:smailes102: ب 675 جنيه و كنا سألين انا والدى فى بابا اللوق لقينا جهاز السيناتور الكيو ماكس ب 775 جنيه و بالضمان المهم رجعنا نروح نجيبه لاقينا الفلوس خسعت لما رجعنا لباب اللوق

جبنا رسيفر من عند الراجل بتاع باب اللوق ب 200 جنيه اسمو star box sr-x120
والدى قاللى بلا نت بلا شفرة بلا نيلة عمال تقولى كيوماكس و كيو مش عارف ايه و بمن كذا و كذا و فى الاخر عايز تفلسنى بعد لما قبضت الحوافذ و حتى الحوافذ مش مكفيا تمنه فنجيب الصينى و نريح دمغنا ................:smailes102:

فيا ريت بقى ستورم يقولى هو ايه اللى حصل
انا اتخضيت و زعلت بس فرحت علشان جبنا الدش و خلاص مش مهم بقى فك شفرات ولا ديوله و مشكوووووووووور على كل حال و ياريت تقولى ازاى اظبط الا ان بى فى الطبق و هل له زاوية معينة و هل الطبق له زاوية معينة

و هل فعلا الترررومان الالف صينى

مشكوووووووووووور على كل الاحوال

[ayahfa]

السلام عليكم يا اخوان
لقد بدأت هذا الموضوع منذ شهر 7 يوليو العام الماضي بسؤال بسيط جدا والحمد لله ربنا وفقي بالرد المناسب والحقيقه استوورم دا راجل محترم دلني علي الافضل
وعاوز اقول لكم الكيوماكس الجولد اللي اشتريته جهاز روعه وممتاز وعلي الاقل هتشوف بفرق السعر قنوات مشفره كتيره جدا لو اشتركت في المحطات دي كنت هتدفع ثروه
انصح الجميع بقتناء هذا الجهاز الجبار وربنا يخلي عبد العال ( هههههههههه) اللي مظبطنا
وسلام

[ahmed_gordon2]

الاخ العزيز استورم
ممكن تدينا بيانات اكتر عن سيرفرات الشيرينج زى امثلة لافضل السيرفرات وكيفية الاشتراك واسعارها ومدد الاشتراك

[eissa4444]

thaaaaaaaaaaaaaaanxxxxxxxxxxx

[الحفناوى79]

نزلت اشترى الكيوماكس اللى هو احسن نوع على كلامكم لقيته بس مفيهوش فتحه لان واسمه Qmax mst-999 وفيه usb لا عارف اصداره ولا تحديثه ولا هيفتح قنوات ولا لا هو مكنوب عليه انه صناعه كورى وتمنه 240 جنيه ومكتوب جنب فتحه usb انه v1 حد يرد عليا انا خلاص دماغى باظت النوع ده هينفع ولا ايه .

[stormboy]

نزلت اشترى الكيوماكس اللى هو احسن نوع على كلامكم لقيته بس مفيهوش فتحه لان واسمه Qmax mst-999 وفيه usb لا عارف اصداره ولا تحديثه ولا هيفتح قنوات ولا لا هو مكنوب عليه انه صناعه كورى وتمنه 240 جنيه ومكتوب جنب فتحه usb انه v1 حد يرد عليا انا خلاص دماغى باظت النوع ده هينفع ولا ايه .

شوف الصوره ده للجهاز فى الموضوع ده
www.bramjnet.com/vb3/showthread.php?t=994682
و للعلم الجهاز وصل سعره ل750 جم

[stormboy]

الاخ العزيز استورم
ممكن تدينا بيانات اكتر عن سيرفرات الشيرينج زى امثلة لافضل السيرفرات وكيفية الاشتراك واسعارها ومدد الاشتراك

انا هقولك الموصفات للسرفرات الكويسه
بيكون مده الاشتراك أقل حاجه 3 شهور
غالبا بيكون سعر الاشتراك100 او اكثر قليلا حسب الباقات المتوفره و طريقه الدفع عن طريق البريد و نيجى لاهم حاجه ان يكون فى موضوع لمتابعه حاله السيرفر و انت تقدر تقيم مستوى اداء السيرفر منه من خلال ردود المشتركين
وسوف ارسل رساله خاصه لك لحقا فيها بعض السيرفرات الجامده

[stormboy]

الاخ العزيز استورم
ممكن تدينا بيانات اكتر عن سيرفرات الشيرينج زى امثلة لافضل السيرفرات وكيفية الاشتراك واسعارها ومدد الاشتراك

السلام عليكم يا اخوان
لقد بدأت هذا الموضوع منذ شهر 7 يوليو العام الماضي بسؤال بسيط جدا والحمد لله ربنا وفقي بالرد المناسب والحقيقه استوورم دا راجل محترم دلني علي الافضل
وعاوز اقول لكم الكيوماكس الجولد اللي اشتريته جهاز روعه وممتاز وعلي الاقل هتشوف بفرق السعر قنوات مشفره كتيره جدا لو اشتركت في المحطات دي كنت هتدفع ثروه
انصح الجميع بقتناء هذا الجهاز الجبار وربنا يخلي عبد العال ( هههههههههه) اللي مظبطنا
وسلام

ايه اخبارك يا عمنا ابقى عدى سلم
و ايه اخبار الرسيفر معاك

[hema1052000]

عايز اعرف سعر ارخص رسيفير في مصر يكون مش وحش

[اسامةطايل]

افضل رسيفر حتى الان هوه الدريم بوكس

[tamer13]

السلام للكل كنت عايز اعرف انواع الريسيفرات اللي بتفك الشفرات بدون النت يعني مش لازم فتحة لان
افيدونا

[mohamed ziad]

مشكووووووووووووووووووووووووووووووووووووووووووووووو وور

[waled2006]

مشكور وبارك الله فيك

[ayahfa]

السلام عليكم اخواني الاعزاء
عندي طلب منكم ارجو ان لا تردوني اذا سمحتم
ناويت والنيه لله اشتري دش ( نظام ستالايت يعني) وبصراحه ابيض في الموضوع وخايف اتعرض لعمليه نصب وهذا لانعدام معلوماتي عن الرسيفر وخلافه فارجوكم انصحوني ما هو افضل جهاز ريسيفر في السوق المصري- طبعا مطلوب مقارنه بين عده موديلات - واشتريه منين وما اهي النقط الواجب الاهتمام بها عند الشراء
في انتظار نصائحكم
ودمتم بخير

السلام عليكم
ها انا اعود مره اخري منذ اول مشاركه لي في هذا الموضوع لااكد لكم ان الكيو ماكس جولد افضل ريسيفر في السوق وفاتح كل المشفر علي البحري (ههههههه)
لو حد عاوز اي معلومه او استفسار يطلب مني بس علي الخاص وهرد عليه
مع ان ستورم بوي ممتاز ومش محتاج مساعد بس بيقيت خبير شويه بعد ما كنت ابيض
واخيرا سلامي للجميع

[mohmed478]

مرحبا شباب
ياريت معلومات عن كيوماكس v2 ويدعم خاصية الهاي ديفنيشن
وكم سعره
ومشكورين

[hamada helal]

شكرا اريد دريم بوكس 800 للاهمية في مصر وشكرا للجميع ارجو الافادة اين اجدة

[sungold14@hotmail.com]

الرسيفر يتوقف على مدى احتياجك وامكانياتك

يعنى عاوز مشفر ولا عادى

وبكام وكام قمر

انا جبت رسيفر اسمه توب سات وللاسف ما حدش فاهم فيه حاجة

لكن شكلى كده هاروح باب اللوق واشوف لى حل

لكن اللى شغال معايا كويس والحمد لله استرا 9500

لكنه لا يدعم الشيرنج ولا الشات بلبن

تقبل تحياتى

[nayefo]

مشكور يا ستورم على ما بذلته وتبذله من جهد لايصال العلم والمعرفة للجميع واطلب منك احدث سوفت وير لكيوماكس999 mst والسبب في عدم تمكنه من الاتصال بالسيرفر كلما عملت له ابجريد عن طريق النت

[Amd_mido]

هل يدعم الqmax ال3d vision

[Amd_mido]

ما هى انواع الQmax فى السوق المصرى لانك جعلتنى متعطش لشراءة

[أبو حسين]

كيوماكس 999 جوكر hd

[chris jericho]

السلالام عليكم ورحمة الله
====
يا رجالة عايز استفسر على حاجة
دلوقتى انا فهمت من كلامكم ان كيوماكس الجوكر متميز عن الجولد فى حاجتين بس
اول حاجة انه بيدعم خاصية الــ hd
ثانى حاجة انه متفوق عليه بانه بيدعم نظام السى سى كام
===
اولا بقى انا ش محتاج خاصية الــ hd ... وكده مش مزعلنى انى معنديش الخاصية دى
=========================
ثانيا بقى والاهم
ان نظام النيو كام مش وحش يعنى مش حنتضايق لو معندناش نظام السى سى كام
لان الناس بتقول ان الدنيا كلها شغالة بالنيو كام اللى موجود فى الكيوماكش جولد العادى
هل الكلام ده صح انه عدم وجود السى سى كام مش مهم ؟؟؟
ولا لازم يكون عندنا ريسيفر بنظام السى سى كام
وان السى سى كام حيبقى المسيطر مستقبلا وان النيو كام حيبقى راحت عليه

============

يارب اكون همتكم قصدى لان من الاخر كده لو النيو كامد اللى فى الجولد حيفضل شغال على طول يبقى حجيب الجولد ومش مضطر اجيب الجوكر
ولا فى بقى ميزة ثالثة حتخلينى لازم اجيب الجوكر ؟؟

معلش لو غلست عليكم بس بجد ماليش حد غيركم على فكرة اسأله

منتظر ردكم بفارغ الصبر

[osha_2m]

الله ينور عليك بس اي انواع الكيوماكس احسن للدنجل وهل الدنجل احسن لفتح القنوات المشفرة ام الذي به وصلة نت

[samir.f]

أخي العزيز لدي جهاز ريسيفر هيوماكس 5400 وليس لدي خبرة في عمل السوفت وير ولا في فك الشفرات ارجو تحديد مدي امكانيات الجهاز وهل يمكن توصيله بالنيت وكيفية عمل ذلك مع تحياتي

[mohamed_1_samy]

ازيكم يا شباب رمضان كريم وكل سنه وانتم طيبين انا حابب أسأل عن حاجه لقيت واحد سألها قبلى بس محدش رد عليه اتمنى اى حد يرد على السؤال ده


هل الدونجل أفضل ام استخدام وصلة النت ؟؟؟

وايه مميزات وعيوب الأتنين ؟؟؟

وهل السرفر المجانى ده مفتوح علطول انا واحد قلى لو فصل منك بتعمله سوفت وير جديد ويشتغل تانى من غير متدخل فى سرفر مدفوع ده طبعا بالنسبه كيوماكس 999 جوكر hd ؟؟؟


يا ريت لو حد يعرف سعره كام بظبط يقولى ؟؟؟

شكرا للمساعده وأتمنى الرد لأنى أريد شراء جهاز فى اسرع وقت

[stormboy]

ازيكم يا شباب رمضان كريم وكل سنه وانتم طيبين انا حابب أسأل عن حاجه لقيت واحد سألها قبلى بس محدش رد عليه اتمنى اى حد يرد على السؤال ده


هل الدونجل أفضل ام استخدام وصلة النت ؟؟؟

وايه مميزات وعيوب الأتنين ؟؟؟

وهل السرفر المجانى ده مفتوح علطول انا واحد قلى لو فصل منك بتعمله سوفت وير جديد ويشتغل تانى من غير متدخل فى سرفر مدفوع ده طبعا بالنسبه كيوماكس 999 جوكر hd ؟؟؟


يا ريت لو حد يعرف سعره كام بظبط يقولى ؟؟؟

شكرا للمساعده وأتمنى الرد لأنى أريد شراء جهاز فى اسرع وقت

انت طلعت الموضوع من تحت الانقاض

ههههههههههههههههههههههههههههههههههههه

1- انا مجربتش الدنجل قبل كده لكنى سألت ناس استخدمته و قالو لى لو سيرفر مدفوع

احسن بكتير

2- عيب الدنجل انك لازم تركبله طبق تانى و توجه ناحيه قمر اليوتلسات و بيفضل سنه

تقريبا و يخلص و فيه ناس بتقول انو ممكن يتشحن تانى لكن ازاى الله و اعلم و تقريبا

بيستخدم كرسيفر فقط بعد ما ينتهى المده بتاعته

لو سيرفر مجانى برضوه بحالات ساعات شغال كويس اوى و ساعات فى الضياع

لو سيرفر مدفوع بيفرق سيرفر عن سيرفر لكن فيه كتير كويسين و ثابتين

3- سيرفر المجانى دئما ارى له ملفات لاعاده تشغيله بالذات الجولد

بس انا مش متابع علشان مشترك فى سيرفر مدفوع من فتره كبيره

سعر الجولد دلوقتى 450 جنيه

سعر الجوكر 550 جنيه تقريبا

اى خدمه

[mohamed_1_samy]

سورى كمان سؤال واحد قال انه الدنجول افضل وبيفصل بعد فتره لكن بيتعمل ليه سوفت وير ويشتغل تانى كمان مش محتاج نت خالص وده احسن علشان النت لو فصل


لو رسيفر النت افضل من الدونجل يا ريت تقولى

وهل السرفر المجانى ده مدى الحياه بس بيقطع ولا بيكون لفتره محدده ؟؟؟

سورى طولت عليك

[stormboy]

سورى كمان سؤال واحد قال انه الدنجول افضل وبيفصل بعد فتره لكن بيتعمل ليه سوفت وير ويشتغل تانى كمان مش محتاج نت خالص وده احسن علشان النت لو فصل


لو رسيفر النت افضل من الدونجل يا ريت تقولى

وهل السرفر المجانى ده مدى الحياه بس بيقطع ولا بيكون لفتره محدده ؟؟؟

سورى طولت عليك

اول مره اعرف ان الدنجل بيتحت له سوفت انا معرفش لكن اللى اسمعه انو بيتشحن

بعد سنه بيتشحن ازاى بقه الله و اعلم

و فعلن مش بيحتاج نت خالص

لكن هو عيبه انو بيفصل ساعات بدون مقدمات مره وحده تلقيه وقف مش فاتح حاجه

لذلك افضل السيرفر المدفوع عنه

اما السيرفر المجانى كان مقرر له انو يخلص 2010 لكنه لسه شغال ببعض السوفتات

الحديثه و ممكن يقف خالص فى اى وقت و ايضا هتلقى ساعت الماتشات بيقطع

و ممكن يقطع كتير و ساعات هتلقى شغال كويس اوى يعنى هو بحالات و مش ثابت

[mohamed_1_samy]

طيب يا ريت لو عرفت حاجه عن شحن الدنجول قولى لأن عاوز اجيب حاجه مضمونه تفك الشفره وتكون مجانا او لها تكاليف بسيطه ؟؟



سورى على تعبى لحضرتك يا جميل

[mohamed_1_samy]

؟؟؟؟؟؟؟؟؟؟؟؟؟

انت رحت فين يا مان

[mohamed_1_samy]

?????????????

[ahmad nabeel]

هل كيوماكس 999 جولد يمكن تحويله الى دونجل

[stormboy]

طيب يا ريت لو عرفت حاجه عن شحن الدنجول قولى لأن عاوز اجيب حاجه مضمونه تفك الشفره وتكون مجانا او لها تكاليف بسيطه ؟؟



سورى على تعبى لحضرتك يا جميل

و الله عليك و على باب اللوق تنزل تسال عليه و شوفه بكام و هل ممكن يتشحن ولا

ده كلام و خلاص

بالتوفيق

[EVER - GREEN]

كل سنة و انتم طيبين

انا عندي ريسيفر AXE 1000 و متحمل عليه software version is BT1:34 SW:V1.33.1 k:89
و عندي ADSL 512 بس للاسف ما بيفتحش اي قناة(internet on & service scrambled)

انا بفكر اشتري جهاز تاني بس محتاج أتأكد ان الجهاز دا مالوش حل

[saiedhamad@microsoft]

مشكور أخى على هذا الموضوع

[moatsem2000]

بارك الله فيكم

[لولوسوسوتوتو]

اخي سعر الكيوماكس بقى بكام دلوقتي انا ناوي اشتري واحد جولد وسمعت انو غلي
هوا رخص دلوقتي ولا ايه
وممكن الاقي واح عندنا في المنوفيه جوه شبين
لأني هاموت على الافلام اللي في الشوسنيما وناوي اسجلها للفلاشه ومفيش غير الهيوماكس
اللي ممكن يعمل كده وبالسعر ده

[egawady]

انا عندى سؤال للأخوة المتخصصين :

انا معايا ريسيفر أسترا 9500 .... طبعاً كلكو عارفين الريسيفر ده .. الجهاز حلو ومفيش منه أى مشاكل ... بس للأسف ما بيتوصلش بالانترنت ....
سؤال بقى هو :

هل فى طريقة لفتح القنوات المشفرة مع الريسيفر ده ؟

مع العلم انى عندى كابل لنقل الداتا من اللاب توب للريسيفر .... بس اية هى الداتا اللى انقلها ؟؟

وشكراً جزيلاً على المعلومات القيمة فى هذا المنتدى الجميل

[sameh fox]

انا قريت المساركات كلها وبجد والله مش عارف اقول ايه انا استفدت منها كتيروبالذات من ستورم بوى والاخ الفاضل اللى كان عامل الموضوع من سنة وشويه ولسه فى طلبات فيه ولما بنبحث فى جوجل بيجى موضوعك فى الاولويات بس المشكلة انى الواحد متردد برده فى موضوع الكيوماكس جولد ولا اتكل على الله واجيبه

[stormboy]

انا قريت المساركات كلها وبجد والله مش عارف اقول ايه انا استفدت منها كتيروبالذات من ستورم بوى والاخ الفاضل اللى كان عامل الموضوع من سنة وشويه ولسه فى طلبات فيه ولما بنبحث فى جوجل بيجى موضوعك فى الاولويات بس المشكلة انى الواحد متردد برده فى موضوع الكيوماكس جولد ولا اتكل على الله واجيبه

جيبه و لن تندم

بأذن الله

[stormboy]

انا عندى سؤال للأخوة المتخصصين :

انا معايا ريسيفر أسترا 9500 .... طبعاً كلكو عارفين الريسيفر ده .. الجهاز حلو ومفيش منه أى مشاكل ... بس للأسف ما بيتوصلش بالانترنت ....
سؤال بقى هو :

هل فى طريقة لفتح القنوات المشفرة مع الريسيفر ده ؟

مع العلم انى عندى كابل لنقل الداتا من اللاب توب للريسيفر .... بس اية هى الداتا اللى انقلها ؟؟

وشكراً جزيلاً على المعلومات القيمة فى هذا المنتدى الجميل

الاسترا مقرف فى الشيرنج و ليس به ثبات عن تجربه

مفيش احسن من الرسيفرات اللى فيها فتحت نت معا ده بعض الاجهزه مثل الترومن

[w_elashmawy]

الكيوماكس 999 الجوكر الاحمر وسعرة حوالي 570 الي 650 جم

[abdlaa61]

انا عايز اشترى دنجل

[ahmed zakiii]

ممكن اعرف لو سمحت كيوماكس 999 جولد لسه موجود وهل فى حاجه احدث منه فى السوق حاليا من فئه الكيو ماكس ايضا وسعره واكون شاااااااااكر

[rabiasayed]

بصراحة العضو ستورم بوى
عضو محترم وآرائه شجعتنى كتير على شراء الكيوماكس ولكن سمعت ان فيه الوقتى منه hd
مع العلم ان عندى دنجل شغال على ترومان 150xultra كويس قوى
ولما الدنجل يقف بينزل سوفت جديد وشغال 100% بدون تقطيع الميزة الجميله انه شغال بدون نت
لكن انا عاوز ريسيفر hd يكون سعره كويس كلنا طلبه وبنحاول نوفر فى الفلوس
فانت ايه رأيك أخى فى الكيوماكس هاى ديفينيشن الأسمر

[rabiasayed]

انا عايز اشترى دنجل

أخى أفضل دنجل حاليا هو الموربكس والميكروبكس والتوين بروتوكول و y6
أنصحك لا تشترى ريسيفر معدل دنجل به تقطيع كثيييييييييييييييييييييير

[tahahmohamed]

انصحك برسيفر


starsat 7300usb

[magd131]

انصحك بالكيوماكس جهاز محترم جدا

[black rock80]

الاخ العزيز ستورم مجهود رائع جدا منك جزاك الله خيرا
عندى عده اسئله اريد شراء رسيفر كيوماكس ولكنى فى حيره بين ثلاث موديلات

1- سيناتور وهو اكثر من رائع فهو عند أخى اكثر من سنتان والشيرنج المجانى شغال زى الفل بدون تقطيع نهائى ولكنه لايدعم الهاى ديفينيشن
2- الجوكر فهو يدعم الهاى ديفنيشين ولكنى لا اعلم عنه شئ
3- الجولد

أرجو الافاده ولكم جزيل الشكر

[aeye1]

اخبار hd ريسيفر في مصر مع الشيرنج بكام ديسمبر 2010؟؟
والسؤال التاني اشترك علي حسب اختيار المحل ولا بنفسي عن طريق موزعيين ولا عن طريق النت ومين وفين؟

[mhanna]

خش على الكيوماكس بقلب جامد

[kingmagy]

جزاكم الله خبرا وأكثر من امثالكم

[kingmagy]

الله على السمفونية الجميلة من التعاون وتبادل الخبرات بدون ملل او اسلوب خارج - بارك الله فيكم جميعا

[سعودي كول 6666]

ان شاء الله احد الاخون ينصحك

[dobiues]

والله مشكور اوي الاخ ستورم علي المعلومات دي ويارب نبقي كلنا نتفاعل كل واحدة عنده معلومة يبقي يقولها عشان الكل يستفيد وشكرا

[sisayedd]

- ترومان 1000هو الافضل

[اكرم999]

رايت جهاز اسمه تراك به عدة امكانيات ويفتح المشفر بدون وصلة نت ومجهز بوصلة وكامة ومنة يعمل على الهاى ديفنشن وعادى
هل موجود فى مصر وماثمنه؟؟؟؟؟؟؟؟؟؟؟؟؟؟؟؟؟؟؟؟

[د.التواتى]

قرات على النت عن جهاز اسمه جى بوكس اتش دى المواصفات يعمل بدون صحن اذا توفرت هذا النوع من البث فى البلد الذى انت به ويعمل على الصحن وبه مدخل للنت وبه مدخل كرت ويعمل على الوريلس ويعطيعك سرعة واحد غ تصفح نت ويعمل شرنقبصراحة المواصفات خيال لكن هل يوجد فى مصر فى ليبيا لايوجد بالمنطقة الشرقية اذا احد وجده فى مصر فليبعث لى سعره واين يوجد بلتحديد على هذا الاميل tawati_2006@yahoo.com
وله كل التقدير والشكر والامتنان على فكرة اذا حتى مستعمل انا اشترى

[monem_2]

هل رسيفر كيوماكس جولد 999
يستقبل قنوات hd

[sheriefna]

الأخ الفاضل stormboy
انا شوفت كلامك الرائع والشرح الرائع لكن انا محتاج ريسيفر بمواصفات وهي:
HD
Internet
وهل الهارد الي بيبقى في الريسيفر له اهميه ام لا
سمعت منك عن كيوماكس لكن لي صديق بيقولي اسمه هيوماكس فمش عارف ايه الكويس الي ممكن يشغل HD على شاشه LED ولا الاتنين زي بعض
ومن فين اجيبه من مصر عايز واحد موثوق منه

[moro2011o]

طيب وظيفة اللان واليو اس بي ايه فالرسيفر؟

[h0sam]

- ترومان 1000هو الافضل

[محمد وصله]

انت تعرف فى رسيفر SR-X5600D

ليه كبل usb ولا لا ولو فيه هجيبه منين

وايه البرنامج الهستخدمه لفتح القنوات المشفره

مثل art . الجزيره

لو ممكن رد ضرورى واسف على الرغى

[محمد وصله]

للدرجادى محدش يعرف فى الرسيفر ده

يا جماعه عايز رد ضرورى

ممكن