شارك برايك للمصريين هل تم مضاعفة سرعة النت فعليا ام لم يحدث شى!!!!

[dr_timoon]

السلام عليكم ورحمة الله و بركاتة

هذا الاستطلاع لى المصريين فقط

ارجو المشاركة فى الاستطلاع اللى فى اعلى الموضوع لمعرفة النتيجة


و هو عن قرار وزارى بى مضاعفة السرعة لى المشتركين بكل شركات المزودة لى خدمة الانترنت فى مصر مجانا بنفس ثمن السرعة القديمة


و تم فعليا العمل على هذا المشروع و بدات كثير من السنترالات بالعمل على هذا التحديث منها من انتها العمل فية و تم التحديث لجميع المشتركين و يوجد بعض السنترالات لم يتم العمل بها حتى الان

و كثر الكلام ان السرعة بعد التحديث لم يحدث شيئا و ان السرعات بطيئة و ان التحديث كلام على ورق

وهناك البعض يقول ان السرعة تمت فعليا و ان السرعة تضاعفت واصبحت ضعف السرعة بى نفس الثمن كما هو القرار

ارجو من الجميع المشاركة بالاستفتاء و ابداء راية فى الموضوع مع ذكر الشركة التى متعاقد معها

و اذا كانت العملية تمت فعلان و تم تحديث السرعة

ام كما يقال حبر على ورق !!!!!!!!!!!!!!!!

وقرارات مع ايقاف التنفيذ!!!!!!!!!!!!!!!!!!


انتظر مشاركتم فى الاستفتاء و منقاشات الجميع ووضع تجاربهم مع تحديث السرعة فقط وليس شى غير ذلك من كفاءة الشركة او مدى جودة خدمات الشركة

شكرا لكم
والسلام عليكم ورحمة الله و بركاتة

[ahmed_125]

أكيد الموضوع حقيقي بس معتقدش انه الناس اللي في شبكه مليانه ناس هتحس بأي فرق لأنها كده كده قرفانه لكن انا صاحب الخط و مشترك معايا 2 و الحمد لله السرعة اتضاعفت و بعد ما كانت 256 بقت 512 و الفرق طبعا تحسه في التحميل اللي بقى 60 كيلو بعد ما كان 30 و في سرعة التصفح برضة

[dr_timoon]

اشكرك اخى على على المشاركة
وارجو منك المشاركة فى الاستفتاء فى اول الموضوع
حتى نحصل على نسبة

[yaso1964]

السلام عليكم اولا :
احييكم من السويس...... واطلعكم على ما تم عندى بالتفصيل فانا مشترك فى شركه تى داتا بسرعه 265 سابقا وارتفعت السرعه حاليا الى 512 ....ولقد تم فعلا احلال وتجديد فى السنترال منذ عده اشهر مما ادى الى توقف النت عند بعض المشتركين تبعا لكل منطقه حيث انهم فى السنترال كانوا يقوموا بالاحلال والتجديد لكل حى من احياء السويس .....وفعلا ارتفعت سرعه الدونلود من 28 الى 29 ببرنامج انترنيت داون لوود منجر الى 58 الى 59 بعد رفع السرعه .....والان انا رفعت السرعه الى 1 ميجا حاليا وسرعه الدون لوود حاليا 118 الى 119 على السرعه الجديده ....هذا ماتم معى بالتفصيل الممل ..ارجوا ان اكون قد افدتكم بتجربتى ......وشكرا لكم جميعا .

[dr_timoon]

ارجو منك ايضا اخى الكريم المشاركة فى الاستفتاء حتى نستطيع التحديد بعد مدة ما هى النتجية

[احمد الزيني]

تم التصويت

[admin_matrix]

السرعة زى ما هيا مع دفع اشتراك اقل بس السرعى اقل من الاول مشس حتى نفس السرعة القديمة

[hany mix]

السرعة زادت فعلا
بعد ما كانت 1 ميجا التحميل كان 100
دلوقتى بئى بيوصل 150 لـ 200

ماشاء الله يعنى

بس لية سؤال ايه سبب ان السرعة تبقى الضعف بنفس التمن انت كخبير فى المجال دا يا ريت تشرحلنا
بصراحة انا مش مصدق انهم يعملوا حاجة حلوة وعلى رأى المثل عندنا فى مصر اللى بيقول
" هى الحداية بتحدف كتاكيت "

[sayed elbadry]

انا من اسيوط من قرية اسمها ريفا مركز اسيوط ومشترك من مزود خدمة يدعى انة واخد الخدمة من شركة ايجى نت والسرعة 256 قبل القرار الوزارى كانت اسوء من الديل اب وبعد القرار الوزارى بقيت اسوء من الزفت ناهيك عن الانقطاع المستمر الى يجيب الضغط العصبى هى دى احوال مذودى الخدمة الله المستعان

[moahmed_taha]

هو دلوقتى مفيش حد حاسس بتزيد لن اساسا الشركه مضغوطه فا لم الاجازه تخلص وتبداء الدراسه من جديد هتحس بسرعه فعلا

[mo7amed_83]

السلام عليكم ورحمة الله و بركاتة
والله انا معارف اقول ايه بس فعلا السرعه التغيرت انا كنت 1 ميجا بقيت 2 ميجا على شركه لنك بس خد عندك النت كل شويه يفصل ومن غير اى سبب السرعه مش مظبوطه الدون لود تمام 260 kB بس التصفح ضايع ومن ده كتير بقى .
وديه تجربتى مع القرار الجديد ......... وشكرا للجميع
والسلام عليكم ورحمة الله و بركاتة

[mazzekanew]

الموضوع فى ايجى نت حقيقى انا عندى السرعة اتضاعفت كان معدل النقل كان 60 اصبح 115

[mony_tornado2000]

هي فعلا سرعة الداون لود ذادت
لكن التصفح لاأظن ومن وجة نظري السرعة زمان كانت افضل بكتيرررررررررررررررر

[sanadzone net]

فعلا السرعه عندي في دمياط ذادت الي الضعف فعلا انا كنت جايب 1 ميجا زادت الي 2 ميجا وسرعه الدونلود 230 كيلو لكن الشيء المستفز هو انك لازم تدفع الاشتراك مقدما علشان يرفعولك السرعه

[digitalman83]

السرعة الحمد الله اتحسنت جداااااااااااااااااااااااااااااااااااااااااااااااا ااااااا فوق ما نتصور اصبحت السرعة عالية جدا و ممتازة
و الموضوع مش حبر على ورق زى ما حضرتك متخيل

[osamamemo855]

انا من المحله الكبرى والسرعه زادت فعلا في الدونلود الى الضعف بس الابلود زي ماهو ويمكن اضعف

[elganzory]

حبر على ورق

[eslam zorina]

للأسف حبر على ورق الى حد ما

انا من المنوفية - مدينة سرس الليان

بعد القرار اللى اتعمل ده ورفعوا السرعات كلها للضعف , انا كنت 2 ميجا وكنت زى الفل , الشبكة مستقرة وشغالة تمام اوى اوى

السرعة اترفعت ل 4 ميجا فعلا زى ما شفت فى الراوتر , لكن باختصار النت تلاقيه معظم الاحوال سيء سيء جدا جدا

بالنهار باكر من بعد الفجر الاقى فعلا سرعة الداونلود بتوصل ل 450 ك/ث لكن من بعد الساعة 12 ظهرا تلاقى الدنيا اتقلبت , الخط سرعته مش بتحصل 512 او 1 ميجا والتصفح بطئ جدا

وغير مستقر , ومش طبيعى دائما

الكلام ده كله على كل خطوط شركة tedata هنا عندنا فى سرس الليان , واشتكينا كتير لان الوضع ده زاد عن حده علينا كلنا , ويردوا علينا ان دى مشكلة عامة وسببها مشاكل فنية بالسنترال وان السنترال مش قادر يستحمل السرعات العالية (وطبعا ده كله كلام فاضى من خدمة العملاء)
(بالرغم من ان السنترال فيه ديسلام تانى لشركة ايجى نت والنت شغال فيها زى الفل ومفيش مشاكل كده زى اللى عندنا)

عرفت من الموزعين انهم ضاعفو السرعات بدون رفع الخط الرئيسى المزود للمنوفية فده ادى الى عدم استقرار النت فى المنوفية عموما

وادينا مستنيين على ما يرفعوه ,

انا كده مش هقدر اصوت لان مفيش اختيار مناسب ليا و بس الاختيار اللى انا شايفه : ايوة السرعة اترفعت لكن الخط مش مستقر وسيء فى اغلب الاحيان

والسلام عليكم

[labebnm]

لم يتم اي تغيير في السرعهوهزا وهم والشركه المتعاقد بها هي te data

[labebnm]

لم يتم اي تغيير في السرعه وهزا وهم والشركه المتعاقد بها هي te data

[m_wafek]

اخوكم محمود وفيق
Te-Data Technical support فى شركة توزيع خطوط انترنت
معتمد مهندس انظمة مايكروسوفت
واخصائي تكنولوجيا معتمد من مايكرو سوفت فى ISA2006
المهم,
اللى حصل ان فعلا السرعات زادت الضعف
تعالو نشوف ازاي ولية
أولا : هما عايزين يلغوا الخطوط ال Limited
فالاسعار من 512 وانت طالع محدود وغير محدود نفس السعر وليكن الفرق مثلا 5 جنية
قارن من هنا http://www.tedata.net/web/eg/ar/default.aspx?sec=3&pr=2


ثانيا : هما عايزين يلغوا شبكات الشوارع لانها عاملة معاهم ازمة كبيرة جدا وقانونا ممنوع مشاركة خطوط الانترنت ( يمكنك التأكد من رقم 155 من الهاتف العادي )
اصبحت الأن خطوط الانترنت الغير محدودة كلها محدودة بنسبة 150 جيجا شهريا وبعدها الخط يقف تماما ولا يمكنك تشغيلة الا بعد انتهاء الشهر FUP ( Fair Usage Policy ) الاستخدام العادل
فلو عندك 50 فرد فى الشبكة وكل واحد عمل داونلود 500 ميجا فى اليوم مثلا تصفح وداونلود الخط لن يصمد اكثر من اسبوع
حمل ملف ال PDF من على موقع TE-DAta
http://www.tedata.net/web/MultiMedia/PDF/TEDataADSLFairUsePolicy.pdf
بس فعلا السرعات اتضاعفت وبلا مشاكل والاخوة اللى قابلوا مشاكل
بالنسبة للينك ونايل اون لاين المشاكل موجودة دائما
بالنسبة لتي اي داتا كل المشاكل انحلت يوم 15/7 ولو لسة عندك مشاكل كلم 19777 هيعملوا Check على الخط بتاعك
والسلام ختام
جاهز لاي استفسار

[ptcptc]

فعلا السرعه كانت 256 وعند التجديد طلب موظف المبيعات تحويلها ل512 بنفس السعر

[غــــريبهـ]

يعطيك العافيه

تقبل مرووري

^_^

[moahmed_taha]

لسه ّ!!!!!!!!!!!!!!!!!!!!!!!!!!!!!

[روكى_مون]

الموضوع تمام وفى محله وحلو الكلام

احب افيدكم بالواقع حاليا بالفعل تم مضاعفه السرعه وليس كلام على ورق

انا كنت الاول بحسبه كلام فعلا على ورق ولكن اتضح ان الاستعداد لهذا القرار اخذ القليل من الوقت

ولكن بالنهايه طرح القرار ثمارة وبالفعل تم زيادة السرعه وتم المشاركه فى الاستفتاء

للعلم : لمعرفه السرعه كامله اثناء عمل اى داون لود جرب تنزل من موقع ميكروسوفت اى برنامج مثلا وشوف السرعه بتاعت سرعتك كامله

[emfhaWK]

أرجو أن كل من ساهم برد في هذا الموضوع أن يقراء هذه المشاركة جيداً..
أنا أخوكم عماد - مهندس شبكات و أعمل كمدير لشبكة بإحدى الشركات بالقاهرة.
ما قاله المهندس محمد وفيق (الذي يعمل بشركة تي إيه داتا) جميل
ولكن كلٌ يُغني على ليلاه.....
رفض المهندس اللبق أن يذكر مساوء شركته تحديداً وتعمد ذكر مشاكل لينك ونايل..
...

...

أولاً:
السرعة تضاعفت؟؟؟؟ نعم .... فعلياً : ؟؟؟؟؟ 60%
إزاااااااااااااااااااااي؟؟؟؟؟؟؟؟؟؟؟؟؟

إللي لازم تفهموه إن الدي إس إل هو خط مشاركة في السعة:
Shared Bandwidth
يعني ببساطة وبدون حسابات : كل ما عدد المشتركين زادوا على نفس الخط الأساسي بتاع الشركة كل ما الخدمة عند سيادتك ضعفت...

*** طيب لما شركة لينك تقول إن سماحية سعة الخط لو وصلت لـ 30% يبقى مقبول بالنسبالهم(والكلام ده مصدره قسم النيتورك عندهم إللي أصدر هذه الفتوى إللي المفروض إن الهيئة المشرفة على تنظيم الإتصالات تعاقبهم عليه)..
دا معناه إيه؟ معناه إن عدد المشتركين عندهم وصل 300% عن حجم إستيعاب الخط الرئيسي عندهم .
ولكن تحت شعار كله تمام يا أفندم ومصر بخير فكله بيعدي..

ثانيا:
فيه واحد زكي سأل: هو الحداية بتحدف كتاكيت؟
لأ بس إحنا إللي كنا واخدين على قفانا ومش دريانيين ومش قادرين نتكلم....
أسعار الإنترنت كانت عندنا أغلى من أي مكان تاني في العالم حتى عن فلسطين...!!!
أي والله فلسطين..


وعلشان كده إللي ياخد باله إن سرعة الأب لود ماتغيرتش خالص..
بل على العكس قلت .. دا لأن زي ما قلت الخط الرئيسي بتاع كل شركة بقى تقريبا مقفول ومحتاج خط إضافي يشيل المشتركين إللي كل يوم بيهللوا عالشركات زي الرز..
أنا مثلاً عندي في الشركة السرعة كانت 2048/1024
بعد الرفع الداونلود وصل 1.8 في أحسن الأوقات..!!!
لكا الأب لود لم يصل قت في أي وقت أعلى من 700 كيلو بايت!!!
إي إنخفض عن السابق؟؟؟؟

وبالنسبة للمشتكين من سوء سرعة التصفح في لينك وتي إيه داتا....
وده مهم:
البشاوات هناك فاهمين إنهم علشان يعملوا سيكيوريتي فلازم يطهقوا أبوا إللي إشترك عندهم..
تي إيه داتا تقفل البورت إللي إيميلات برنامج الأوت لوك بتطلع عليه (عالكل سواء شركات أو منازل) وإبقى قابلني لو الأوتلوك عندك طللع ميل!!! (وعلى فكرة دا برضه إختراع قسم النيتورك عندهم).....
لينك عندها مشكلة في الرواتر عندها وكل شوية لازم يحصل عندهم :
Miss Routing
يعنى لو إنت خبير بالنت وعملت بينج على أي سايت حتى الياهوو ستجد ما يسعدك!!!!
لو متح لي الرفع كنت رفعتلكم صورة من البينج على الجوجل...
البينج بالكتير كل 5 أو6 مرات لازم يقع مرة أو إتنين....
للغير محترفين : البينج هو عبارة عن باكت داتا تُرسل إلى جهة معينة - موقع - و يرد الموقع بمثلها فيستطيع الجهاز عن طريق تحليل عددها وزمنها معرفة سلامة قناة الإتصال الحالية بهذا الموقع.....
وهذا معناه مشكرة روتنج عند لينك
وليس لينك فقط
ضم معهم تي إيه داتا
ونايل
لأن الرواتر عندهم أرهقت بفعل الضغط الغير طبيعي عليها من كثرة عدد المشتركين...
و الحل؟؟؟؟؟؟
ببساطة:



شركة تراعي ربنا وضميرها فينا......................

[The King Of ptc]

تم التصويت

وفعلا النت سرعته بقت عاليه تصفح وداونلود

[zikaselavy]

فعلا تم بحمد الله ماعفة السرعه بعد ان كانت 512 اصبحت 1 ميجا

[KENZYBATMAN]

فعلا السرعة زادت ولكن ..... ليس الضعف كما يقولون ولكن حوالى 20%
معلش ربنا يزيد ...واهو احسن من مافيش خاصة اننا مش دافعين حاجة

[abd_allaأبوحمدي]

السرعة زادت نسبياً وليست ملحوظة

المفروض أنها تكون ضعف السرعه الحالية ولكنها زادة قليلا جدا

[اشرف الملاح]

دعوه جديده لقاطعة نت المصريه للاتصالات
بعد حولت النت الغير محدد الى نت محدد التحميل واللى يخلص الكميه المحدده لتحميله الشهرى يخنقوه بسرعه 128 حتى ولوكانت سرعته المتعاقد عليه مع الشركه 8 ميجا يعنى حتى ميعرفش يتصفح لغايه لما الشهر يخلص ويبدأو يحنوا عليه بالسرعه بتاعته بدعوى ان دى سياسه الاستخدام الرشيد يعنى احنا يامصرين سفهاء فى استخدامنا للنت ومحتاجين حد يرفع علينا قضيه حجرويعلمنا ازاى نستخدم النت صح ونحمل ايه ومنحملش ايه علشان احنا من وجه نظر الشركه قاصرين ومنعرفش مصلحتنا هذه دعوه جديده لايقاف هذه المهزله لوكل واحد فينا الشهر ده بعد مايجى ميعاد اشتراكه يوقف الخط بتاعه ولو لمده شهر واحد ستجد اشركه بعد شهر ان نصف مشتريكيها او أكثر توقف سترجع فى قرارها كما سبق ايام هوجه النت المحدود دعوه للجميع لنشر هذه الرساله فى جميع المنتديات

[beige]

el sor3a fe3lan etda3fet w kolo tamam bas delwa2ty hay5alooha limited download l kol el nas

[Naguib]

مشكلتي مع شركة لينك وحقيقة الأسعار الجديدة :smailes83:

المشكلة باختصار
ان المفروض يكون فيه اسعار جديدة لخطوط النت في مصر
يعني المفروض اخد ضعف السرعة بنفس الثمن حسب قرار وزير الإتصالات
ولكن اللي حصل معايا ومع كل مستخدمي النت في المحلة الكبرى وبالأخص مستخدمي شركة لينك ان السرعة فعلا اترفعت الضعف والراوتر عندي بيقراها 1024 بدلا من ما كانت 512
لحد هنا الكلام جميل ومفيش أي مشاكل
ولكن فوجئت ان سرعو الداونلود زي ماهي لاتزيد عن 65 في أحسن الأحوال
وبعد الإتصال بالوكيل أبلغني بالحقيقة المرة لقرار الوزير الوهمي
ان الوزير أمر برفع السرعة ولكن الباندويث زي ماهو
يعني السرعة عندي الراوتر يقراها 1024 ولكن اخد باندوث السرعة ال 512
يعني أعمل داونلود ب 60 كيلو وابلود ب 25 كيلو في أحسن الأحوال
يافرحتي :smailes83::smailes83::smailes83:
والإسم بس ان السرعة بقت الضعف بنفس السعر
وطبعا ان مكتفيتش بكلام الوكيل
اتصلت بالخط الساخن لشركة لينك 16333
قال لي معنديش أي فكرة عن الكلام ده
وقال لي ممكن يكون الداونلود عندك قليل عشان ضغط في السنترال بسبب فترة الصيف :smailes90:
قلت أتصل بشكاوى الإتصالات 155
أكد لي فعلا ان ده قرار الوزير
زيادة السرعة فقط والباندوث زي ماهو :smailes83:

قلت له فعلا .........يبقا انت أكيد أكيد في مصر :smailes41:

[scorpiondigtal]

السلام عليكم
اسمحولي ابلغكم باللي حصل معايا
اولا الشركة tedata
انا اخد منهم سرعة 2 ميجا
ولما قالو السرعات اتضاعفت
ورحت عشان اعلي السرعة
ل4 ميجا
لقيتهم بيقولولي ان السنترال بتاعي مايستحملس
سنترال الحضرة
الدون لوود زي ماهو
الأب لوود زي ماهو
مستوى الخدمة زي ماهو
لا يمكن زيادة السرعة
السعر نزل للنصف
شكرااااااااااااااا

[كمال محمد عبد الرحمن]

كل عام وانتم بخير

فعلا السرعة زادت ولينك من أفضل الشركات


http://img339.imageshack.us/img339/7975/8262009110343am.th.png (http://img339.imageshack.us/i/8262009110343am.png/)

[هيثم محمد]

بدأ العديد من شركات الإنترنت فائق السرعة DSL تطبيق سياسة جديدة لتحديد الاستخدام بحجم معين على جميع الاشتراكات الشهرية بمختلف سرعاتها، الأمر الذى أثار انتقادات فى أوساط المتعاملين مع الشبكة الدولية وصلت إلى حد الدعوة لمقاطعة الاستخدام تدريجيا والتهديد بقطع الاشتراك مع شركات الإنترنت الثابت.

http://www.youtube.com/watch?v=AjevmKdf3LQ


وده رأيى


تى اى تاتا والنت بقى اخر غتاته



http://www.youtube.com/watch?v=hIiIwbpTOkk&feature=related


يا شعب مصر اعلموا النت في المانيا 16 ميجا مش محدود ب 20 يورو وعليه خط هديه يعنى بالمصري 150 جنيه في مصر الواحد ميجا ب 140 جنيه وهيخلوها محدوده كمان
وادى احد مواقع احدى شركات النت التى تعمل في برلين المانيا
http://www.1und1.com

[mohammed510]

الف شكرا على الموضوع الجامد دة
وربنا يجعلة فى ميزان حسناتك

[amyuki]

http://b24.photo.store.qq.com/http_imgload.cgi?/rurl4_b=741db6f368a931dcbc668059c99ffe1251bca1c10e e362f894f6b4827b1bd4bf01d3b51c9ee96bc51db789888a23 8aed4a073229c2444cfd4d14416e6703fe9b691f3ca65644fb ee002e02024b3104642b54080d

[RODYFOLAR2008]

السرعة فعلاً زادت وكل حاجة تمآآآم ..

[hrdrock]

ياجماعة المشكلة كلها ان السنترالات اصلا اللى هيا البنية التحتية تقريبا او الاساسية ف مصر واقعة خربانة والعبء تقييييييييل ع السنترالات وده عايز وقفة مع الوزارة والحكومة والدولة الخربانة دى

[nassar_47]

السرعات 256 و512 و1ميجا دى السرعات اللى زادت بس لأن انا عندى أبن خلتى سرعته 1 ميجا ولم تزيد حتى الأن واناسألت الشركه ليه سرعة ال1ميجا مازادتش قالولى ان سرعة ال1 ميجا فيما فوق مش بسهوله تزيد ومن ساعتها وانا مستنى سرعة ال1ميجا تزيد

[dr_timoon]

تم الغاء الموضوع من المواضيع المثبتة
و اعتفد الان الصورة وضحت ان الجميع ادلى بصورة ان السرعة اترفعت
باستناء القلبل
شكرا لى كل من شارك
لن اغلق الموضوع و الموضوع مازال مفتوح لى ابدء الراء و التعليق