حقيقة الأسعار الجديدة لل adsl ... وقرار الوزير الوهمي !!! يبقا انت أكيد في مصر

[Naguib]

http://img380.imageshack.us/img380/1082/11cy0qv9ea2.gif (http://imageshack.us)

مشكلتي مع شركة لينك وحقيقة الأسعار الجديدة :smailes83:

المشكلة باختصار
ان المفروض يكون فيه اسعار جديدة لخطوط النت في مصر
يعني المفروض اخد ضعف السرعة بنفس الثمن حسب قرار وزير الإتصالات
ولكن اللي حصل معايا ومع كل مستخدمي النت في المحلة الكبرى وبالأخص مستخدمي شركة لينك ان السرعة فعلا اترفعت الضعف والراوتر عندي بيقراها 1024 بدلا من ما كانت 512
لحد هنا الكلام جميل ومفيش أي مشاكل
ولكن فوجئت ان سرعو الداونلود زي ماهي لاتزيد عن 65 في أحسن الأحوال
وبعد الإتصال بالوكيل أبلغني بالحقيقة المرة لقرار الوزير الوهمي
ان الوزير أمر برفع السرعة ولكن الباندويث زي ماهو
يعني السرعة عندي الراوتر يقراها 1024 ولكن اخد باندوث السرعة ال 512
يعني أعمل داونلود ب 60 كيلو وابلود ب 25 كيلو في أحسن الأحوال
يافرحتي :smailes83::smailes83::smailes83:
والإسم بس ان السرعة بقت الضعف بنفس السعر
وطبعا ان مكتفيتش بكلام الوكيل
اتصلت بالخط الساخن لشركة لينك 16333
قال لي معنديش أي فكرة عن الكلام ده
وقال لي ممكن يكون الداونلود عندك قليل عشان ضغط في السنترال بسبب فترة الصيف :smailes90:
قلت أتصل بشكاوى الإتصالات 155
أكد لي فعلا ان ده قرار الوزير
زيادة السرعة فقط والباندوث زي ماهو :smailes83:

قلت له فعلا .........يبقا انت أكيد أكيد في مصر :smailes41:

ياريت لو حد عنده أي معلومات عن الحكاية دي سواء من شركة لينك أو تي داتا
يقول لنا احنا بيتنصب علينا ولا ده بقا عادي خلاص ومفيش مشاكل ؟!!!!!!!!!!!!

[Elawany13]

نفس الكلام معايا فى تى اى داتا
أكبر عملية نصب فى تاريخ الإنترنت
بصراحة النت زباله
والبنج هباب
ربنا يصبرنا على ما بلانا
:smailes83:

[احمد الزيني]

هنعمل إيه
حكم القوي

[kemodolcy]

انا تى اى داتا وساكن فى القاهرة
الشرعة مترفعتش غير اما روحت جددت الاشتراك
واترفعت من 512 ل 1 ميجا وشغالة زى الفل معايا الحمد لله وبجفع 140 جنية
والداونلود على 115 والابلود على 25

[روكى_مون]

السلام عليكم يا جماعه فعلا السرعه اترفعت بس مش زى اللى كنا متوقعينه فعلا السرعه عندى بقت 2 ميجا بدل 1 ميجا والداون لود بيجيب 250 كيلو بس على حسب السيرفر اللى بحمل منه والابلود اخرة 34 كيلو بس اتمنى انهم يثبتو السرعه بمعنى انها متفضلش تطلع وتنزل والله يا جماعه النت الصح متلقهوش فى اى بلد عربى عايز نت شوف النت عند الاجانب عامل ازاى والسرعات رهييييييييبه

[Naguib]

انا تى اى داتا وساكن فى القاهرة
الشرعة مترفعتش غير اما روحت جددت الاشتراك
واترفعت من 512 ل 1 ميجا وشغالة زى الفل معايا الحمد لله وبجفع 140 جنية
والداونلود على 115 والابلود على 25

السلام عليكم يا جماعه فعلا السرعه اترفعت بس مش زى اللى كنا متوقعينه فعلا السرعه عندى بقت 2 ميجا بدل 1 ميجا والداون لود بيجيب 250 كيلو بس على حسب السيرفر اللى بحمل منه والابلود اخرة 34 كيلو بس اتمنى انهم يثبتو السرعه بمعنى انها متفضلش تطلع وتنزل والله يا جماعه النت الصح متلقهوش فى اى بلد عربى عايز نت شوف النت عند الاجانب عامل ازاى والسرعات رهييييييييبه

الكلام ده جميل وكويس
وياريت النت عندي يبقا كده
لكن أنا بقول ان المشكلة هي رغم ان السرعة اترفعت ل 1024
لكن لسه شغال بالباندويث بتاع ال 512
والمشكلة الأكبر ان ده قرار الوزير مش عيب في الشركة ولا حاجة
يعني المفروض يكون على كل الناس في مصر مش على مشتركين لينك بس ولا على سكان المحلة بس :smailes55:

[turbo_power]

والله مافى احسن من الوصلة من السيبر الواحد بيدون ي200 كيلو وبيدفع فى الشهر 25 جندى ولا بيفصل خالص

[mando500]

انا t-edata السرعه عندى اترفعت عادى والدونلود زاد والحياه فل
بس الجديد انوا بيهنج يوميا
عرفتوا انهم بيدوا حاجه ويخنؤا فى حاجه تانيه

[dr_timoon]

السلام عليكم اخوانى
انا مشرك مع شركة لنك و الحمد لله السرعة اترفعت عندى فعليا و ليس اسما كما ذكرتم
و السرعة الجديدة اصبحت 512 و الدونلود اصبح تقريبا متوسط 55 kbps
يعنى فعلان واخد ال 512 مظبوط و مش اشعة ولا فرقعة قرارات
و نفس الكلام مع شركة تى اى داتا السرعة اترفعت و اعرف ناس اصداقاء لى السرعة عندهم اترفعت و بيحملو بالسرعة الجديدة فعليا

ممكن ان يكون عدم نقاء الخط هو المشكلة او مشاكل الاجهزة بالسنترال ولكن هذا القرار صحيح و فعلان السرعة حقيقية و الدنولود كويس
وهذا الكلام ليس على خط واحد فقط او على سنترال واحد و لكن اكثر من سنترال و مع اكثر من شركة ISP

[dody1501]

نفس المشكله معايا والله يانجيب

السراعه عندى 4 ميجا
والدونلود مش بيعدى الميه

بس عندنا فى السنترال قالوا ان فى ضغط وبياحلوا يحلوا

[فرفوووووش]

انا تبع ايجى نت اللى هتشتريها شركة اتصالات

والسرعه زادت عندى
من دونلود 60 ل 120

[hemo128]

انا رأيي ان اللي بيحصل في بعض الاماكن هو مشكله سنترالات مفيش فيها باندويدث كافي
انما مفيش في مصر كلها والوزير دا موضوع ليس له اساس من الصحه والدليل ان في ناس شغاله كويس

[monazky5050]

http://gostshare.com/download.php?img=678

[j_yassine2008]

الف شكر اخي

[j_yassine2008]

الف شكر جميل جداً .....

[j_yassine2008]

الف شكر جميل جداً .....

[STEKOSTYLE]

فعلا هذا حصل معي

[modmenxp]

انا مشترى فى تى اى داتا عندى السرعه اضاعفت من 265 الى 512 وبحمل ب60 بدلا من 30

[hero_5050]

عندك حق ى الكلام ده والله

[supermido2020]

http://www.samysoft.net/forumim/slam/6867867.gif
فى البداية اخوانى شركة TE Data قامت بزيادة السرعة بس دة فى اماكن معينة والشركة طنشت الباقى بس مش دى المشكلة المشكلة ان بعد ما قامو بزيادة السرعة بداءت مشاكل النت تكتر والسرعة مش ثابتة وعلطول النت بيقطع وعلى فكرة دة فى كل شركات الانترنت ومينفعش نعمل معاهم حاجة
(حسبنا اللة ونعم الوكيل)


http://www.samysoft.net/forumim/nehaya/56527858.gif