مشاهدة النسخة كاملة : بضربات الجزاء الترجيحية خروج الأهلى من الكونفدرالية
romio1975
05-31-2009, 05:15 PM
ودع الأهلى بطولة كأس الاتحاد الأفريقي "الكونفدرالية" بعدما خسر أمام مضيفه سانتوس الأنجولي بنتيجة 5/6 في إياب ملحق دور الـ16 بعدما احتكم الفريقان لركلات الترجيح عقب إنتهاء الوقت الأصلى بهزيمة الأهلى 0\3 وهى نفس النتيجة التى فاز بها الأهلى فى مباراة الذهاب
http://www.ahlynews.com/ar/images/stories/treka_santos.jpg
الأهلى افتقد لأبوتريكة ولروح الفانلة الحمراء
قدم الأهلى أسوأ مباراياته هذا الموسم وظهر الفريق وكأنه يسعى إلى الخروج من بطولة الكونفيدرالية ، وتحقق للأهلى مايريد بهزيمة مذلة من فريق أنجولى عادى أهدر فرصة تاريخية فى هزيمة البطل السابق للقارة بأكثر من أربعة أهداف .
ودفع فى النهاية أسم النادى الاهلى وسمعته فى القارة ثمن أخطاء الإدارة التى أعلنت عن رحيل المدير الفنى للفريق ومهاجمه الأول قبل المبارايات والبطولات الهامة .
بدأ الأهلى بتشكيل مكون من : رمزى صالح فى حراسة المرمى ، ليبرو شادى محمد وأحمد السيد ومحمد سمير مساكين ، ظهير أيمن أحمد صديق ، ظهير أيسر جيلبرتو ، أحمد فتحى و إينو و عاشور فى الوسط ، أسامة حسنى و فلافيو الهجوم .
قدم الأهلى شوط أول ضعيف فى مواجهة الفريق الأنجولى المستأنس ووضح الثقة الزائدة والتعالى الذى أدى به الأهلى الشوط الأول والذى منح المنافس الأنجولى الفرصة لشن غارات هجومية على مرمى الفلسطينى رمزى صالح إلى أن احرز كيرون الهدف الأول لسانتوس فى الدقيقة 27 من تسديدة قوية .
بدأ الأهلى المباراة بقوة واضاع أسامة حسنى فرصة ثمينة عندما حول تمريرة فلافيو مباشرة بقدمه اليسرى إلا أن كرته أخطأت المرمى بقليل ، ثم يبدأ سانتوس فى السيطرة على وسط الملعب دون خطورة مستغلاً حماس لاعبيه والذى ظهر فى خشونة مفرطة من جانب الفريق الأنجولى .
يحاول الأهلى تصحيح الأوضاع ويشن بعض الهجمات إلا أن حكم اللقاء يحتسب تسللاً غير صحيحاً على فلافيو فى الدقيقة 23 لتضيع فرصة خطيرة للأهلى .
فى الدقيقة 27 يترجم سانتوس سيطرته بهدف عن طريق تسديدة بعيدة المدى لم يتعامل معها رمزى بشكل صحيح ، يواصل الفريق الانجولى سيطرته ويلجأ إلى التسديد بعيد المدى دون أدنى مضايقة من دفاع الأهلى ويتألق رمزى صالح فى مناسبيتن ويبعد الخطورة عن مرماه .
يجرى البرتغالى مانويل جوزيه أول تغيرات الأهلى فى الدقيقة 37 ويسحب المعتز بالله إينو المهدد بالطرد ويدفع بالصقر أحمد حسن فى محاولة من جوزيه لتعزيز القدرات الهجومية لفريقه ولكن حسن لن يضيف جديد حتى ينهى الحكم الشوط الأول بتقدم سانتوس 1/0.
لم يحمل الشوط الثانى أى جديد حيث واصل الفريق الأنجولى سيطرته على اللقاء وشن هجمات خطيرة ووقف الحظ بجانب الأهلى وبجانب رمزى صالح ومنع الفريق الأنجولى من تحقيق هزيمة تاريخية على العملاق الأحمر بطل الفارة الأفريقية .
ويتكمن الفريق الأنجولى من اضافة هدفين عن طريق سوانس الهدف الثاني لفريق سانتوس في الدقيقة 77 بعد ان استغل كرة ضالة داخل منطقة الجزاء ليحولها مباشرة ويضيف موسيموا الهدف الثالث للفريق الأنجولي فى الدقيقة 89 من داخل منطقة الجزاء لتنتهى المباراة بهزيمة الأهلى 0/3 .
و احتكم الفريقان إلى ركلات الحسم الترجيحية التي أطاحت بحامل اللقب دورى أبطال أفريقيا بعدما سجل لاعبي الفريق الأنجولي 6 ركلات من 7 بينما أضاع اللاعب فلافيو وأحمد علي ركلتى جزاء للأهلى ليخسر العملاق الأحمر 5\6 ويغادر البطولة غير مؤسوفاً عليه .
chemist m
05-31-2009, 05:19 PM
الأهلى هيطلع من البطوله دى كمان ولا إيه
أنا دلوقتى بقول مع السلامه صديق
وجيلبرتو إنت ميت كده
خط الدفع فيه عبط شويه بس الله يكون فى عنكم الأطراف ولا بتهاجم ولا بتدافع
el3mel
05-31-2009, 05:20 PM
لا حول ولا قوة إلا بالله العلى العظيم
دة الأهلى دة يا جدعاااااااان ؟؟؟؟؟؟؟؟؟!!!!!!
chemist m
05-31-2009, 05:20 PM
بس إيه إجوان أفريقيا أفريقيا
windows77
05-31-2009, 05:21 PM
بالتوفيق لبطل مصر
modynet99
05-31-2009, 05:21 PM
مع انى زعلان
بس عايز الاهلى يخرج عشان اللعيبة الغلابة دى تستريح
modynet99
05-31-2009, 05:22 PM
مفيش وقت اضافى
دى ضربات ترجيح علطول
chemist m
05-31-2009, 05:23 PM
مش عارف ليه جوزيه ملعبش على تحجيم لعب الفريق اللى أدامه
وسابهم يلعبوا زى ماهم عاوزين
ربنا يستر من ضربات الجزاء
chemist m
05-31-2009, 05:24 PM
أنا مش متفأل
حتى الصفاقصى يقولكم
تهريج والله
ربنا يستر
chemist m
05-31-2009, 05:33 PM
صدقونى رمزى ملوش فى ضربات الجزاء نهائى
chemist m
05-31-2009, 05:34 PM
وإتصدت والأهلى خلاص خرج
كل سنه وإنتوا طيبين
el3mel
05-31-2009, 05:35 PM
الأهلى خارج الكنفدرالية
لا حول ولا قوة إلا بالله
windows77
05-31-2009, 05:35 PM
لا حول ولا قوة إلا بالله
romio1975
05-31-2009, 05:35 PM
الحمد لله
وهو المطلوب منذ خروجنا من دورى الأبطال
مش ناقصين طحن لاعيبتنا
وعسى ان تكرهوا شيئآ وهو خير لكم
chemist m
05-31-2009, 05:37 PM
على كل الأحوال مع السلامه جوزيه بالتوفيق
فلافيو مع السلامه وبالتوفيق
مش مشكله
وأنا أصلا بتخنق منم البطوله دى
وخلينا نرتاح بقى من الكوره شويه
فلافيو يختتم مشواره مع الاهلي بتضيع البطولة
عموما الحمد لله
el3mel
05-31-2009, 05:37 PM
للأسف ماتش كان فى أيدينا
يلا الحمدلله قدر الله و ما شاء فعل
مش مكتوبلنا أى بطولة أفريقية هذا الموسم
romio1975
05-31-2009, 05:39 PM
فلافيو يختتم مشواره مع الاهلي بتضيع البطولة
عموما الحمد لله
اه هنمسك على البطولة اللى ضيعها وننسى البطولات اللى جابهلنا واخرها الدورى من كام يوم مش كده
بصراحة ونعم التفكير جملة لا تنم على اى شىء
chemist m
05-31-2009, 05:40 PM
فلافيو يختتم مشواره مع الاهلي بتضيع البطولة
عموما الحمد لله
وهو حد يقول إن فلافيو يلعب ضربات جزاء
قبل أحمد حسن وشادى
modynet99
05-31-2009, 05:40 PM
رمزى ده نجم :smailes55:
bbelal
05-31-2009, 05:41 PM
لاعيــبة ميــتة وحارس ابيض ف ضربات الجزاء واسوء موسم شوفتو للاهلي من سنوات كبيرة
معروف يا روميو فلافيو مبيعرفش يشوط ضربات جزاء خالص
ليه نتعبوا ونخليه يشوط !!!
ووالله مش بقلل من كل اللي عملوا مع الاهلي واجوانه الخطيرة وكل حاجة
بس يلا قدر الله وما شاء فعل
المهندس الاهلاوي
05-31-2009, 05:42 PM
الحمد لله ربنا مبيعملش حاجة وحشة طب فكرو معايا البطولة دي بتخلص امتي والدوري هيبدا امتي احنا عايزين نريح لاعيبنتنا عشان الموسم الجاي
chemist m
05-31-2009, 05:43 PM
اه هنمسك على البطولة اللى ضيعها وننسى البطولات اللى جابهلنا واخرها الدورى من كام يوم مش كده
بصراحة ونعم التفكير جملة لا تنم على اى شىء
مش زنبه والله
معروف إنه مش عالى فى ضربات الجزاء
وفى وجود أحمد حسن وشادى
أكيد هم اولى بالضربات الجزاء
وبالتوفيق لكل
وبلاها بطوله ياباشا
أنا أصلا حاسس إنى إتخنقت من الكوره
بس تصدق هيتعلنا المنتخب
وانا بردوا مش متفأل من مستواه
شكلنا مش هنرتاح من الكوره بقى
misry
05-31-2009, 05:43 PM
الحمد لله
وهو المطلوب منذ خروجنا من دورى الأبطال
مش ناقصين طحن لاعيبتنا
وعسى ان تكرهوا شيئآ وهو خير لكم
يا سلام ...
احنا اتهزقنا مش خرجنا ...
aymanfekry
05-31-2009, 05:45 PM
مهزلة واستهبال
kikoangel
05-31-2009, 05:47 PM
انا كان نفسى من الاول ان الاهلى يعتذر عن البطولة دى بعد الخروج من دورى الابطال.عايزين اللاعبين يرتاحوا شوية بقى حرام دول مش ماكينات و كمان المدرب الجديد يقدر يشتغل على رواقة و من غير ضغط .
قدر الله و ماشاء فعل
romio1975
05-31-2009, 05:47 PM
يا سلام ...
احنا اتهزقنا مش خرجنا ...
اتهزقت ؟؟
قبل ما تعاتب الأهلى روح عاتب اللى واخد خيرة لاعبيه فى منتخب يلعب مباراة استعراضية لا هدف لها الا السبوبة
ومش عارف حضرتك اتهزقت فى ايه ؟؟
فرقة غلبتها على ارضك 3/0 وغلبتك بنفس النتيجة 3/0 واتعادلتو ولعبتو ضربات الحظ
فين التهزيق فى ظل كل ده ؟؟؟
aymanfekry
05-31-2009, 05:47 PM
يعني احمد على مش عارف اسمه مابيعرف يرفع رافعة واحدة توحد الله كله رفعاته قلش ازاي يدخل يشوط يعني ضربة جزاء؟؟؟؟؟؟؟؟؟؟؟؟؟؟؟؟
chemist m
05-31-2009, 05:48 PM
يارجاله إهدوا شويه
إنتوا نسيتوا إن اللاعيبه دى مطحونه
خلاص بقى موسم وإنتهى
وباين إن اللاعيبه مرهقه مش قادرين حتى يخدوا نفسهم
وخلاص أخدوا لنا الدورى وماتوا من التعب
خلاص ياجدعان مش حكايه وكده أحسن
mido_taha
05-31-2009, 05:49 PM
فريق مغمور يستحق الفوز
سلبيه من مانويل جوزيه
ولامبالاه من اللاعيبه
فلافيو دا على قد ما حبيته على قد ما كرهته
مش عشان ضربه جزاء
العيب اللى خلاه يلعب ضربه جزاء فى فريق من بلده
يعنى اكيد انجولا كلها عارفه فلافيو بيشوط فين ومعندهوش غيرها من
ساعت ماتش الاهلى والزمالك ولما ضيع ضربه الجزاء
علطول بيلعبها على يمين الجون
ثانيا ولا بيشترك فى كوره ولا بيضغط ولا اى حاجه
خايف على نفسه بشكل رهيب كل دا عشان مضى للشباب السعودى
ونعمه الاحتراف
جوزيه خسران وبيالف احمد على بينزله وسط ملعب
عشان مشيت مره معاه ولعب كويس فى الدفاع
خلاص بقى احمد على سوبر وجوكر ويلعب فى اى مكان
لاتعليق
بجد والله العظيم انا فرحان ان مانويل جوزيه مشى وان فلافيو حصله
misry
05-31-2009, 05:51 PM
اتهزقت ؟؟
قبل ما تعاتب الأهلى روح عاتب اللى واخد خيرة لاعبيه فى منتخب يلعب مباراة استعراضية لا هدف لها الا السبوبة
ومش عارف حضرتك اتهزقت فى ايه ؟؟
فرقة غلبتها على ارضك 3/0 وغلبتك بنفس النتيجة 3/0 واتعادلتو ولعبتو ضربات الحظ
فين التهزيق فى ظل كل ده ؟؟؟
التهزيق ان احنا اتغلبما من فريق مدرسة مش فريق كورة ...
فريق بهدلناه في الماتش الأول وكنا ممكن نفوز 6 صفر ...
وياريت تقول هل انت راضي عن الأداء ..؟؟
المهندس الاهلاوي
05-31-2009, 05:51 PM
انا كان نفسى من الاول ان الاهلى يعتذر عن البطولة دى بعد الخروج من دورى الابطال.عايزين اللاعبين يرتاحوا شوية بقى حرام دول مش ماكينات و كمان المدرب الجديد يقدر يشتغل على رواقة و من غير ضغط .
قدر الله و ماشاء فعل
مينفعش يا باشا فيها عقوبة
المشاركة الافريقية مهمة جدا ومينفعش نفرط في سيطرتنا علي افريقيا بالشكل ده
mody-cena
05-31-2009, 05:55 PM
اللى ضيع الماتش ده والبطولة دى ادارة الاهلى
المفروض جوزيه كان اخر ماتش يديره مع الاهلى كان ماتش الاسماعيلى
لكن انت رايح بتقوله دير ماتش قدام فرقة فى البلد اللى انت رايح تدرب منتخبها
وعندك اتنين من الفرقة دى فى المنتخب اللى انت رايح تدرب فيه
اكيد جوزيه هيبص لقدام وهيسبلهم البطولة
والدليل على كدة هو نزول فلافيو انهاردة
فلافيو مشى من الاهلى خلاص قبل الماتش بينزله ليه
اكيد اقل واحد بيفهم فى الكورة يقول ان فلافيو مستحيل هيئدى زى كل ماتش بيلعبه فى الدورى
انا مش بلووم لا فلافيو ولا جوزيه ولا اى حد فى الاعيبة حتى ،،
انا بلوم الادارة اللى كانت السبب فى خروجنا من البطولة الافريقية الوحيدة اللى كنا ممكن نبيض وشنا قدام الناس وناخدا
yasserbasha2006
05-31-2009, 05:55 PM
الحمد لله
وهو المطلوب منذ خروجنا من دورى الأبطال
مش ناقصين طحن لاعيبتنا
وعسى ان تكرهوا شيئآ وهو خير لكم
أنا معاك إن دة أفضل بكتير
و أنا شخصياً تمنيت كدة قبل المباراة الأولى
بس بذمتك دة منظر نطلع بيه
لكن بعد ما كسبنا 3 - 0 بأداء رائع في مصر
قلت إنهم مش ناويين يخرجوا
و ناويين يكملوا و يلعبوا البطولة و يحاولوا ياخدوها
بس اللي حصل النهاردة دة إجرام من الاعبين
في حق إسم النادي الأهلي و جماهيره
------------------------------------------------------------
أما بخصوص فلافيو، فأنا كنت واثق بنسبة 100%
إنه هيضيع ضربة الجزاء الرابعة
لأنه دايماً بيضيع الركلات المهمة بالذات
و آداؤه في المباراة كان سيئ جداً
و أبى أن يترك ذكرى جيدة قبل رحيله
جوزيه......مش عارف أقول إيه
modynet99
05-31-2009, 05:55 PM
هو الدورى الجدبد هيبدأ امتا ؟
mido_taha
05-31-2009, 05:55 PM
اتهزقت ؟؟
قبل ما تعاتب الأهلى روح عاتب اللى واخد خيرة لاعبيه فى منتخب يلعب مباراة استعراضية لا هدف لها الا السبوبة
ومش عارف حضرتك اتهزقت فى ايه ؟؟
فرقة غلبتها على ارضك 3/0 وغلبتك بنفس النتيجة 3/0 واتعادلتو ولعبتو ضربات الحظ
فين التهزيق فى ظل كل ده ؟؟؟
دا مفيش كوره واحده عدله فى الماتش
الباصات زباله لاعيبه تاهيه
مانويل جوزيه كان عنده شلل فى تفكيره
الحمدلله اننا خرجنا
والحمدلله برده ان فكر مانويل جوزيه خلص
وان فلافيو بيه راح مطرح ما يروح
المعروف اول واحد بيشوط ضربه الجزاء فى النادى الاهلى
هو شادى محمد يا روميو
وبعدين ازاى جيلبرتو يعلب الضربه التانيه وبعديه فلافيو
ازااااااااااااى
حتى لو جيلبرتو جابها مش المفروض انه يلعبها
مسمعتش يا روميو صوت جماهير انجولا لما جيلبرتو وفلافيو اتقدموا وقعدوا يهيصوا
دا معناه انهم واثقين ان الضربات دى هتتصد
chemist m
05-31-2009, 05:56 PM
يا جدعان هاردلك
خلاص دى بطوله رخمه
أحنا نريح شويه
متزعلوش جوزيه ماشى بالحلو والوحش
وفلافيو ماشى بالحلو والوحش
وشوفوا بقى الأجازه اللى هيخدوها وريحوا
الأهلى مكنش قادر لاعيبته تجرى
بس هقولكم
إحنا محتاجين جون كبير يستحمل الضغط وميتهزش
وطبعا خط الدفاع محتاج الشباب والمهاره
ومحتاجين نستريح ونبعد عن الكوره لاعيبه وحمهور
ismailia-soldiers
05-31-2009, 05:59 PM
يا ريت تعرفوا مقامقوا دلوقتي
و تعرفه ان الدوري جه بفضل اتحاد الكوسة
و تعرفه الاهلي الحيقي و المسخرة اللي حصلت فيه :smailes87:
المشرف العام :
مش لما تبقى راجل الأول وتدخل بعضويتك الأصلية تتكلم
بدل شغل الحريم اللى متربى عليه ده
يلا بره للمزبلة وطلع لسانك زى الكلاب بره
aymanfekry
05-31-2009, 06:00 PM
احمد على يشوط بتاع ايه عاوز افهم
romio1975
05-31-2009, 06:00 PM
اهو جوزية غار فى داهية من وشكم وفلافيو معاه
ابقوا تعالوا ورونى شطارتكم الموسم الجاى
على الأقل طلعتوا من الموسم بسوبر افريقيا والدورى
ابقوا ...... على قبرى السنة الجاية لو طلعتوا ببطولة
عشان تبقوا تتبطروا على النعمة اللى كنتم فيها كويس
misry
05-31-2009, 06:00 PM
يا ريت تعرفوا مقامقوا دلوقتي
و تعرفه ان الدوري جه بفضل اتحاد الكوسة
و تعرفه الاهلي الحيقي و المسخرة اللي حصلت فيه :smailes87:
روح العب بعيد يا شاطر ...
aymanfekry
05-31-2009, 06:00 PM
يا ريت تعرفوا مقامقوا دلوقتي
و تعرفه ان الدوري جه بفضل اتحاد الكوسة
و تعرفه الاهلي الحيقي و المسخرة اللي حصلت فيه :smailes87:
يارين نكون راجل وتدخل بعضويتك الاصلية
The Crashing Hero
05-31-2009, 06:01 PM
yalla a7sn brdo
drbna aktr mn 3asfoor be 7aggar wa7d
mido_taha
05-31-2009, 06:02 PM
يا ريت تعرفوا مقامقوا دلوقتي
و تعرفه ان الدوري جه بفضل اتحاد الكوسة
و تعرفه الاهلي الحيقي و المسخرة اللي حصلت فيه :smailes87:
قبل ما تتكلم عن الاهلى شوف الاهلى عمل فيكم ايه
دى حتى العمليه لسه بتحرق
والنار لسه مبردتش
على الاقل بنشارك فى افريقيا
الدور والباقى عليكم
وبعدين انتوا خرجتوا ليه
مش استخبيتوا لما خسرتوا
دلوقتى فاكرين تتطلعوا
el3mel
05-31-2009, 06:04 PM
يا ريت تعرفوا مقامقوا دلوقتي
و تعرفه ان الدوري جه بفضل اتحاد الكوسة
و تعرفه الاهلي الحيقي و المسخرة اللي حصلت فيه :smailes87:
ههههههههههههههههه
معلش
bbelal
05-31-2009, 06:05 PM
ايوة اتهزقنا جامد كمان عشان نخسر من فريق عمري معرفو بالثلاثة وماسكك هجمات الشوطين ومعملتش هجمة واحدة خطيرة توحد ربنا يبقي اتهزقنا جامد
xander
05-31-2009, 06:08 PM
الحمد لله على كل شيئ
مصلحه اننا طلعنا
واللعيبه مكنتش بتلعب ولا جوزيه ولا اي حد كان بيلعب
الماتش خلص
وطلعنا
مفيش مشكل
في فتره اعداد ولعيبه جديده ومدرب جديد وفكر جديد
لازم نساندهم عشان نعمل شغل محترم السنه الجايه ونسيطر على كل البطولات باذن الله
وتبقى سنه ممتعه فيها اداء يمتعنا مع وجود لعيبه عندها امكانيات وخامات رائعه باذن الله
وان شاء الله السنه الجايه تكون احلى سنه
الف مبروك لسانتوس
فرقه اي نعم ملهاش ف الكورة بس ادوا النهرده وكسبوا وحقهم يتاهلوا
الف مبروك
ana ahlawy
05-31-2009, 06:08 PM
90 دقيقه من اداء زى الزفت
مع شويه تباته و رخامه و تناكه
فوقيهم معلقتين استهتار رخم
بعدين نيجى لضربات الجزاء
فلافيو مكنش لازم يشوط
و اساسا مكنش لازم يلعب الماتش لانه كان خايف على نفسه من اى احتكاك
بعد ما مضا للشباب السعودى
احمد على مكنش لازم يشوط
كده جوزيه بيساعد على تدمير اللاعب
و بيكسر عينه
ربنا ينتقم منك يا شحاته
انت و اتحاد الكوره
و معسكر عمان
بتاع السبوبه
على راى محمود بكر و هو بيعلق
بيقول شحاته شكله متقل فى الاكل النهارده
و واكل اكله جامده
عزائى الوحيد
انى هتخلص من نغمه الارهاق و السفر فى ادغال افريقيا
اللى الجهاز الفنى قرفنا بيها بعد كل هزيمه
نخسر يقولك ارهاق
نفوز يقولك ابداع
يا رب نشوف معسكر اعداد محترم مع مدرب محترم
مع لعيبه محترمه
و نشوف موسم زى 2005
و نشوف كوره على حق
و نرجع نسيطر على افريقيا تانى
مع السلامه يا جوزيه
مليش نفس اتكلم عليك النهارده
مش عايز اكسر الصوره اللى رسمتهالك
حد شاف ضحكه جيلبرتو قبل ضربات الجزاء ؟؟؟
prince_zezo
05-31-2009, 06:08 PM
الحمد لله اني ما اتفرجتش ع الماتش ,,
مش عارف ايه الحكايه ,, نطلع من ابطال افريقيا من فرقه ضعيفه ,, ومن الكونفدراليه من فرقه ضعيفه ,,
ع العموم الحمد لله ,, دي فرصه كويسه ,, نريح فيها لاعبينا ,, نرتاح من فكر جوزيه ,, نرتاح من شلل فلافيو "اللي جاب جون بطولة الدوري" " عشان عارف ناس هاتقولي فلافيو ده اللي جابلك بطولة الدوري" ,,
ونبتدي موسم جديد "نقي" "خالي من الشوائب" "خالي من العته الكروي" ,,
بالتوفيق لعشقي الابدي "النادي الاهلي"
mido_taha
05-31-2009, 06:11 PM
اهو جوزية غار فى داهية من وشكم وفلافيو معاه
ابقوا تعالوا ورونى شطارتكم الموسم الجاى
على الأقل طلعتوا من الموسم بسوبر افريقيا والدورى
ابقوا ...... على قبرى السنة الجاية لو طلعتوا ببطولة
عشان تبقوا تتبطروا على النعمة اللى كنتم فيها كويس
بص يا روميو انا عايز اقولك على حاجه
الاهلى مش هيقف على مانويل جوزيه ولا هيقف على فلافيو
انا بحب الاهلى مش بحب اشخاص فى الاهلى
والموسم الجاي هتشوف يا روميو الاهلى على حق
xander
05-31-2009, 06:13 PM
عايزين بس نبقى نعرف امتى هيقولوا اسم المدير الفني الجديد
انا متوقع فينجادا
mido_taha
05-31-2009, 06:15 PM
حد شاف ضحكه جيلبرتو قبل ضربات الجزاء ؟؟؟
اكيد طبعااااا
انت سمعت جماهير انجولا عملت ايه
لما جيلبرتو وفلافيو دخلوا عشان يلعبوا ضربات الجزاء
yasserbasha2006
05-31-2009, 06:17 PM
الحرس كمان مغلوب على مغلوب على أرضه 1 - 0
يعني إيه الحرس هيصيف معانا ؟
يا أهلاً و سهلاً بالحبايب أهلاً و سهلاً
دي هتحلو و هتروق أوي أوي
إرقص....يا شحاتة
إرقص....يا شحاتة
مع تمنياتنا بالتوفيق للعلب العمانية
dr.hamada
05-31-2009, 06:23 PM
وداعاً فلافيو من كل قلبى
وداعاً جوزيه وكفاية لحد كده
والحمد لله اننا خرجنا عشان اللاعيبة دى بنى آدمين برضه مش مكن.
ana ahlawy
05-31-2009, 06:23 PM
الحرس كمان مغلوب على مغلوب على أرضه 1 - 0
يعني إيه الحرس هيصيف معانا ؟
يا أهلاً و سهلاً بالحبايب أهلاً و سهلاً
دي هتحلو و هتروق أوي أوي
إرقص....يا شحاتة
إرقص....يا شحاتة
مع تمنياتنا بالتوفيق للعلب العمانية
1/1
يا ياسر
و ربنا يستر على انبى
0/0
شحاته واخد لعيبه انبى و الحرس
و رحلهم من عمان يوم 29 ولا 30
و هو عارف اساسا انهم مش هيلعبوا
حاجه تجيب الشلل
و رايحين نلعب مع الكره الخليجيه
اللى تحت كوره افريقيا بسنيييييييييييييييييييين
علشان نعمل اعداد للجزائر
خخخخخخخخخخخخخخخخخخخ
chemist m
05-31-2009, 06:26 PM
بص يا روميو انا عايز اقولك على حاجه
الاهلى مش هيقف على مانويل جوزيه ولا هيقف على فلافيو
انا بحب الاهلى مش بحب اشخاص فى الاهلى
والموسم الجاي هتشوف يا روميو الاهلى على حق
وانا أوفقك فى الرأى
وسبب الهزيمه
مش عشان جوزيه وحش أو فلافيو وحش
لكن مكنش فى أى تركيز من جوزيه النهارده ودا سبب الخساره
أقولكم الدليل
طالما الطريقه كانت فاشله من البدايه
كان من الممكن تخرج مهاجم وتنزل لاعيب فى نص الملعب وتخنق اللعب وتبوظ عليهم لعبهم وتزحم الملعب
وتحافظ على فرق الهدفين
التشكيل لم يكن موفق والتركيز كان مفقود فى إدارة المبارة
جوزيه كان موضوع الكوتشنج إنتهى بالنسبه له بعد الدورى
دا ياروميو مش عشان هو وحش
لكن علشان جوزيه صانع الدوافع هو نفسه فقد الدافع فى هذه المباره للتركيز
المشور إنتهى
كسبان فى الذهاب 3-0
يلعب أمام فريق متواضع
والإداره تتفاوض مع فلافيو ليلة المبارة وتحصل على توقيعه لإنهاء إنتقاله
farh_1
05-31-2009, 06:27 PM
وعسى ان تكرهوا شيئآ وهو خير لكم
.................
windows77
05-31-2009, 06:28 PM
اكيد جوزيه هيبص لقدام وهيسبلهم البطولة
والدليل على كدة هو نزول فلافيو انهاردة
فلافيو مشى من الاهلى خلاص قبل الماتش بينزله ليه
اكيد اقل واحد بيفهم فى الكورة يقول ان فلافيو مستحيل هيئدى زى كل ماتش بيلعبه فى الدورى
انا مش بلووم لا فلافيو ولا جوزيه ولا اى حد فى الاعيبة حتى ،،
انا بلوم الادارة اللى كانت السبب فى خروجنا من البطولة الافريقية الوحيدة اللى كنا ممكن نبيض وشنا قدام الناس وناخدا
يا راجل حرام عليك ده كلام يتقال
chemist m
05-31-2009, 06:32 PM
بس عارفين أحسن شىء فى الخروج دا
إن تقيم الفريق هيكون بشكل وقعى اكتر وغير متعاطف مع بعض اللاعبيين
يبقى خسرنا بطوله وكسبنا بطوله
ونقيم فريقنا بواقعيه وليس بنشوة وفرحة الفوز القوى بالدورى
chemist m
05-31-2009, 06:43 PM
وإن جيتم للحق
جوزيه كان مش المفروض يقود الماتش دا
صعب تفقد الدافع بشكل قوى
وكان من الافضل يقود المبارة
حسام البدرى
AHMED HAMED HBK
05-31-2009, 06:44 PM
hard luck..
abuotarka
05-31-2009, 08:26 PM
الحمد لله قدر الله و ما شاء فعل
hossamnet
05-31-2009, 09:15 PM
لابد من التحقيق مع الجهاز الفنى للمنتخب لانه السبب المباشر لخروج الاهلى
بدلا من لعب مباراه دون اى فائده وارهاق اكتر للاعبين
اسامه على 14
05-31-2009, 09:49 PM
انا لو من إدارة الاهلى كنت إعتذرت عن البطوله دى لو ينفع ودون ضرر؟؟؟
أو كنت هالعبها بالاحتياطيين..
تجنبا لارهاق اللاعبين الذين أصابهم الكلل والملل والتعب من كتر السفر والكوره كلها
لازم الناس دى تاخد راحه من الكوره خاااااااالص وينسوها تماما لفتره
حتى يستعيدوا لياقتهم الذهنيه قبل البدنيه
Ruud Van Nistlroy
05-31-2009, 11:43 PM
مش عارف ليه يا روميو
بتفكرني ببتوع الحزب الوطني
بيدافعوا وبس
انت مكنتش كدة زمان
عموما جوزيه نزل بلال في الدقيقة 90 ومجبش 3 اجوان
علشان تعرفوا انه فاشل
وطبعا فلافيو لازم يحشرها في كل حاجة غصب عننا
وقبل احمد حسن
شكله عامل لجوزيه عمل
الحمد لله الاهلي هيستريح من كل حاجة السنة دي
هيستريح من الارهاق
وهيستريح من جوزيه
وهيستريح من رجل فلافيو
مينفعش يسيب دماغه ويمشي
شكرا يا جوزيه علي الخمس سنوات الجميلة اللي عشتها معانا
MMORTEGA2002
06-01-2009, 06:53 AM
الحمد لله على كل شئ
قدر الله وماشاء فعل
bobman
06-01-2009, 07:50 AM
خيرها في غيرها ,,,, ولم نستحق الفوز في تلك المباراة
yasserbasha2006
06-01-2009, 08:51 AM
مش عارف ليه يا روميو
بتفكرني ببتوع الحزب الوطني
بيدافعوا وبس
انت مكنتش كدة زمان
عموما جوزيه نزل بلال في الدقيقة 90 ومجبش 3 اجوان
علشان تعرفوا انه فاشل
وطبعا فلافيو لازم يحشرها في كل حاجة غصب عننا
وقبل احمد حسن
شكله عامل لجوزيه عمل
الحمد لله الاهلي هيستريح من كل حاجة السنة دي
هيستريح من الارهاق
وهيستريح من جوزيه
وهيستريح من رجل فلافيو
مينفعش يسيب دماغه ويمشي
شكرا يا جوزيه علي الخمس سنوات الجميلة اللي عشتها معانا
أحلى كلام و ربنا
Ruud Van Nistlroy
06-01-2009, 11:49 AM
أحلى كلام و ربنا
ما هو أحلي كلام من وجهة نظرك ده يا ياسر
مش بييجي علي معدة ناس تانية
المهندس الاهلاوي
06-01-2009, 11:54 AM
نادال يودع رولاند جاروس...
فى مفاجأة فى يوم تاريخى وبعد اربع سنين سيطرة دون اى منافس خسر الاسطورة رافاييل نادال حامل اللقب لربع اعوام على التوالى من السويدى روبين سوديرلينج فى دور ال 16 من رولاند جاروس فى اربع مجموعات
6/2 6/7 6/4 7/6 فى 3 ساعات ونصف
والحدق يفهم
khdaif
06-01-2009, 02:07 PM
يا فرحة ماتمت
Ruud Van Nistlroy
06-01-2009, 03:16 PM
نادال يودع رولاند جاروس...
فى مفاجأة فى يوم تاريخى وبعد اربع سنين سيطرة دون اى منافس خسر الاسطورة رافاييل نادال حامل اللقب لربع اعوام على التوالى من السويدى روبين سوديرلينج فى دور ال 16 من رولاند جاروس فى اربع مجموعات
6/2 6/7 6/4 7/6 فى 3 ساعات ونصف
والحدق يفهم
تيب...................
ayman wally hbk
06-01-2009, 03:20 PM
الاهلي خسر لان الكوتش مش مركز
ومش عاوز حاجه تاني
كان كل همه ياخد الدوري هديه الرحيل
وخده
فخلاص
اللعيبه زهقانه وتعبانه
ومش عاوزه تكمل
وبعدين في ناس حسمت امرها بالرحيل
كان طبيعي اننا نخسر
انا والله قلت كدا قبل الماتش
قلت لصحابي هنخسر
وكويس اننا خسرنا
نهايه مرحله بكل ما فيها من فرح والم
ننسي كل دا بقا
ونركز مع الكوتش الجديد
اللي هيكون مفأجاه علي حق ربنا :smailes47:
Mohamed_Hamdy
06-01-2009, 03:28 PM
فيضيحة ،، وهزيمة قاسية ،، تسبب فيها الثلاثي الانجولي
فلافيو ،، جيلبيرتو ،، جوزيه
فلافيو بغيابه التام عن اللقاء ،، وانانيته ،، واهداره للضربة الترجيحية بسذاجة
جيلبيرتو ،، لهبله الدفاعي ،، وعدم تغطيته فكان شارع مفتوح امام غزوات فريق سانوس المتوااااااااضع جدا ،، وطمعا الواجب الهجومي صفر
اما جوزيه ،، لانه لم يحسن الختام الافريقي وترك لاعبيه يتمادون في الثقة المهلكة ،، وعدم قدرته فعل اي شيء يغير من الاداء والتكتيك امام فريق هوااااااااااااه
اضافة الى الثلاثي لم اكن منصفا لو لم اقول ان حسام عاشور كان في قمة التوهان
ولا يزال اينو يواصل مسلسل الاداء الضعيف
اما محمد سمير فعليه العوض ومنه العوض لو كل اشبال الاهلي مثلك
لاعب فااااااشل ،، ومدافع تااااااااااافه ،، ولا يصلح ان يكون لاعب ينتمي للاهلي
الخروج في حد ذاته عادي وممكن في اي حال
اما اداء الامس ،، ونتيجة الامس فضيييييييحة وقفت امامها مهزول مخزول مكسوف
المهندس الاهلاوي
06-01-2009, 04:14 PM
تيب...................
تيب ايه ده القطن خرج من البطولة بردو
vBulletin® , Copyright ©2000-2009, TranZ by Almuhajir
