شوفو سامي العدل بيتكلم عن لاعبي الاهلي ف قناة الحياه 2 بيقول ايه !!!!

[prince_zezo]

بالصدفه وانا بقلب ف الريسيفر لقيت برنامج مستضيف سامي العدل ,,

ولقيته بيتكلم عن مشاكل لاعبي الزمالك زي شيكابالا ومحمد عبدالله وسهرات اللاعيبه وتأثيرها ع مستواهم وع النادي ,,

وفجأه قام قلب قالك طيب ما نشوف لاعبي الاهلي ,, هاتلاقي كل لاعبي الاهلي بيسهروا وبيشربوا شيشه ,, وياريتهم يسهروا ف اماكن نضيفه زي اللي بيسهر فيها لاعبي الزمالك ,, وروحوا قهوة خالد عجاج وانتم تعرفوا بنفسكم ,,

وعندك مجلس ادارة النادي الاهلي بيحصل فيه زي اللي بيحصل ف مجلس ادارة نادي الزمالك بالظبط ,, بس الزمالك الاعلام بيفضحه ,, انما ما يقدرش يقرب من النادي الاهلي ,,

وشويه ولسن بكلام عن مشاكل بين حسن حمدي و طاهر ابو زيد و شوبير ,, وقال انا عارف حاجات بتحصل ف النادي الاهلي مستخبيه ع الناس ,,

ع فكره البرنامج لسه شغال ,, ع الحياه 2 ,,

[prince_zezo]

انا بصراحه مش لاقي كلام اوصف بيه وضاعة الانسان ده ,,

بجد حاجه تقرف ,, غل وكره وحقد ,, حتي باين ف عنيه ,,

حسبي الله ونعم الوكيل ف امثاله ,,

[Mohamed_Hamdy]

يا خسارة ما لحقتش البرنامج ،،
حقيقي حاجة تقرف ،، نخلص من مودرن ،، تطلع لنا دريم ،،
نخلص من دريم ،، تطلع لنا الحياه
هنلقيها منين ولا منين ؟؟؟
جوزيه وطفشوه ،،
لسة عايزين ايه تاني ؟؟

[المهندس الاهلاوي]

انا بصراحه مش لاقي كلام اوصف بيه وضاعة الانسان ده ,,

بجد حاجه تقرف ,, غل وكره وحقد ,, حتي باين ف عنيه ,,

حسبي الله ونعم الوكيل ف امثاله ,,

يا باشا ولا تزعل نفسك دي ناس اتعقدت نفسيا خلاص من الاهلي والي بيعملو فيهم
مش هانسي صلاح عبد الله كان هيعيط ادام السبكي عشان ماتش الاهلي والزمالك عشان بيسالو عن النتيجة

[حسين زملكاوي]

كل شيء وارد سبحان الله

بس طالما الواحد مشفش بعنيه يبقى ما نقدرش نحكم .

[prince_zezo]

يا خسارة ما لحقتش البرنامج ،،
حقيقي حاجة تقرف ،، نخلص من مودرن ،، تطلع لنا دريم ،،
نخلص من دريم ،، تطلع لنا الحياه
هنلقيها منين ولا منين ؟؟؟
جوزيه وطفشوه ،،
لسة عايزين ايه تاني ؟؟

والله ياحمدي انا مقروف من ساعتها ,,

واحد بيتكلم عن الزمالك بصفته زملكاوي ,, ايه اللي دخل الاهلي ف الموضوع ,,

وازاي يتكلم علي الاعيبه بالشكل ده ,, وازاي يجمعهم ويقولك كل لاعبي الاهلي ؟؟ ,, وازاي يتكلم برضه عن الاداره و يلمح ع وجود مشاكل ,, ويجزم انه يعرف حاجات الناس ما تعرفهاش ,, غير العك اللي قاله ,,

انا مش فاهم فيه ايه بالظبط !!

[prince_zezo]

يا باشا ولا تزعل نفسك دي ناس اتعقدت نفسيا خلاص من الاهلي والي بيعملو فيهم
مش هانسي صلاح عبد الله كان هيعيط ادام السبكي عشان ماتش الاهلي والزمالك عشان بيسالو عن النتيجة

والله انا متضايق ,,

ياخي عايز يكره الاهلي يكرهه ,, هو حر ,, انما من غير تجريح ,, ومن غير ما يفتح ف حوارات خطيره ,, ما حدش يعرف عنها حاجه غير مخه الواهم ,, اصله سوبر مان و يعرف اللي ما حدش يعرفه ,,

الموضوع زاد عن حده الفتره الاخيره ,, سواءا من الاعلاميين او حتي اشباه الممثلين ,,

[ahmedaliahmedali]

يبص في المراية سامي الظلم ده

هه ما جتلهومش الجرأة إلا انهم يتكلموا بعد جوزيه ما يمشي

وبيتلكموا عن الإدارة وحش قبل اإنتخابات لأسباب تانية

لأ يا كلاب الظلام مش احنا اللي نبيع نادينا وادارتنا

فرحونا كتير ولازم نقف جنبهم في المواقف الصعبة

[gamalmegahed]

فعلا رأى ممثل اتقن ادوار القوادين

[yasserbasha2006]

الأماكن اللي قلت عليها دي يا سامي

هي أماكن أمثالك فقط

[u_R_mycandy]

هى فين قهوه خالد عجاج دى؟؟