كلنا ورا الأهلي ...

[misry]

السلام عليكم ...

ده هو وقتنا الحقيقي يا جماعة ...

مش وقت الأهلي راح ولا جوزيه يمشي ولا ولا ...

لازم كلنا نبقى ورا الأهلي مهما كان ...

ياما فرحنا ياما اسعدنا ودلوقتي وقت رد الجميل ...

كل الأبطال تتعرض لنكبات ولكن الذي يفرق البطل عن الكومبارس أنالبطل

يعود أفضل مما كان وجماهيره تكون وراءه دائما في السراء والضراء وفي وقت الشدة

أكثر من وقت الرخاء ...

اللي فاضل لنا دلوقتي الدوري ولااااازم نبين للآخرين ان احنا الجمهور الأفضل في العالم

ونقف ورا فريقنا ونملأ الاستاذ ونبث الروح في اللاعبين ...

معلش الكلام مش مترتب لكن من القلب وهيوصل للقلب ..

[MeDaNy]

ياعم موافقين بس نلعب صح
ننزل بخطط صح
مش كده ياراجل حرق الدم الي احنا فيه ده حرام
حرااااااااااااااااااام

[misry]

مش مشكلة نخلص الموسم وبعد كده يبقى في حساب ...

[beckham_250]

ياعم روحوا شوفوا ماتش البارسا

البارسا بهدل الريال 6/2

ولسا مخلصشى على الجزيرة الرياضيه 2

ماتش الاهلى انتهى والكونفيدراليه احتكاك قوى

ويمكن تفوزوا بيها

[zezo5001]

مفيش توفيق للآسف مع عدم وجود روح للعيبه

[اهلاووي جديد]

وراك يا اهلي

:smailes7::smailes7::smailes7::smailes7:

[chemist m]

أنا طبعا بعشق الأهلى
ويمكن علشان إحنا شعب بقى كثيب
إحنا دلوقتى ورا الأهلى اكتر من أيام المجد
بس محدش يقول الاهلى هيخد دورى
بس لازم نشجع الاهلى المعدل السنه اللى جايه بجد بقى علشان أنا إتخنقت من جمهور الاهلى فى القاهره العاصمه مفيش فيها 25 الف اهلاوى يروحوا يشجعوا ننقل الأهلى للأقاليم علشان يلاقى مشجعين بقى بجد الاهلى خساره فيهم
وبجد يابخت الناس اللى إتفرجت على البارسا

[Mohammad_TheKing]

اكيد طبعا كلنا ورا الاهلى لاعبين وجهاز فني واداره وان شاء الله القادم افضل

[compulap]

هوه ده المطلوب

مش عايزين ندخل في مواضيع فرعيه

مش عايزين نختلف علي قضايا هايفه ممكن تتحل ببصاطه

لازم كلنا نقف ورا فريقنا

احنا مش بنشجع جوزيه

احنا مش بنشجع لعيب بعينه

احنا بنشجع كيان كبير

ولازم نقف وراه للابد

لكي يظل كبير وشامخ

الي الابد

[yasserbasha2006]

جرالكم إيه يا أهلاوية ؟؟

مش دة الأهلي اللي فرحنا 5 سنين ؟؟

لازم نقف وراه للأبد...أمال الزملكاوية يعملوا إيه ؟

هي الدنيا كدة يا جماعة يوم ليك و يوم عليك

و لما كانت لينا قطعنا الناس كلها و فزنا بكل شئ

و مفيش حد عمل اللي الأهلي عمله في 5 سنوات

و طبيعي لازم يجيلك يوم تقع و تبص وراك

و هو دة وقتنا اللي لازم نساند فيه الفريق

حتى لو خسرنا الدوري...مش مشكلة برضه طبيعي

سنة 2004 لما كان الأهلي إعصار عاصف

كنا طالعين من بطولة أفريقيا بدري زي كدة

و عملنا فترة إعداد ما حصلتش و اللعيبة إرتاحت

خلينا واقعيين...اللعيبة دي إنتهت بدنياً تماماً

5 سنين طحن و رزع و سفر في كل البلاد و البطولات

و حتى الجيل اللي جاي مش هيبقى زي الجيل دة

هياخد بطولة...و بطولة لأ و يخسر يوم و يكسب يوم

لأن الجيل اللي إنتهى دة أيام عزه مكانش فيه زيه

إتعلموا بقى يعني إيه حب الفريق و إنك تموت عليه

ما نبقاش بنشجع الأهلي عشان بيكسب بس

و ما نطالبوش يرجع زي 2005 تاني...نقف وراه أياً كان

لأن إحنا اللي إخترنا نكون أهلاوية

[bbelal]

قدر الله وما شاء فعل مش فاضل الا الدوري !!!!!!!!!!!

[aymanfekry]

مبروك للاسماعيلي الدوري

[hossamnet]

دى ارادة ربنا والحمد لله على كل شئ
قدر الله ما شاء فعل ومش مهم خساره بطوله
يا ما فرحنا كتير مش حظنا السنادى ودى الكوره فى العالم كله

المهم ننظر امامنا

[ronaldinho10]

جرالكم إيه يا أهلاوية ؟؟

مش دة الأهلي اللي فرحنا 5 سنين ؟؟

لازم نقف وراه للأبد..

اكيد محدش قال ان احنا هنتخلى عنه ولو فى لحظه
وكلنا خلف الاهلى مهما كانت الظروف

اووووووه اهلاوى

[ronaldinho10]

قدر الله وما شاء فعل مش فاضل الا الدوري !!!!!!!!!!!

لأ لسه كاس الكونفيدراليه

[mahmoud rady]

ياعم روحوا شوفوا ماتش البارسا

البارسا بهدل الريال 6/2

ولسا مخلصشى على الجزيرة الرياضيه 2

ماتش الاهلى انتهى والكونفيدراليه احتكاك قوى

ويمكن تفوزوا بيها

والله الراجل ده زي العسل وروحه عاليه قوي

[Ruud Van Nistlroy]

خسارة في وقتها تماما
لاعادة ترتيب الاوراق
وتحسين الاوضاع
سواء كسبنا الدوري او لم نفز
ووراك يا اهلي
يحيا الأهلي