وراحت بطوله افريقيا بالتعادل مع كانو بيلارز داخل وخارج الارض

[xander]

ودع الأهلي حامل لقب دوري أبطال إفريقيا البطولة بعد تعادله علي أرضه مع كانو بيلارز النيجيري 2-2 في لقاء الإياب لدور الـ16 والذي أقيم علي ملعب الكلية الحربية ليتأهل بذلك الفريق النيجيري الي دوري المجموعات محققا مفاجأة من العيار الثقيل.

وكان لقاء الذهاب قد انتهي بتعادل الفريقين بهدف لكل منهما، ليستفيد الضيوف من قاعدة احتساب الهدف خارج الارض بهدفين ويتأهل لدوري المجموعات.

سجل للاهلي امادو فلافيو ومحمد بركات في الدقيقتين 75 و87، بينما احرز لكانو بيلارز فيكنور نامو ورابيو في الدقيقتين 48 و68 من عمر اللقاء، بينما سيتوجه الاهلي للعب في بطولة كأس الاتحاد الافريقي (الكونفيدرالية).

سيطرة حمراء منذ اللحظة الأولي لبداية المباراة، وضاعت أولي فرص المباراة في الدقيقة الثالثة عن طريق احمد حسن المنفرد الذي سدد في جسد الحارس لترتد الكرة لمحمد بركات ليسدد من جديد وينقذ الحارس وتذهب الكرة من جديد لبركات ويرسل الكرة إلي الشباك إلي إن الأرض انشقت عن مدافع نيجيري اخرج الكرة قبل ان تتجاوز خط المرمي.

ومع الدقيقة 9 كان أول اختبار لرمزي صالح من تسديدة قوية بقدم ربيع بن علي تصدي لها حارس الأهلي علي دفعتين، وبدأت بعض المناوشات من الفريق النيجيري بعد تلك الفرصة، وفي الدقيقة 16 أهدر حسن فرصة لا تضيع وهو داخل منطقة الست ياردات بعد ان سدد الكرة بشكل غريب خارج الخشبات الثلاثة.

ونال موريس إنذارا للخشونة مع بركات، ووضح التسرع وعدم التركيز علي مهاجمي الأهلي، وضاعت فرصتين في دقيقة واحدة (25) عن طريق فلافيو احمد فتحي المتقدم بعد ان سدد الأول كرة طائشة ترتد لفتحي الذي فضل التسديد فوق العارضة.

وكادت الدقيقة 32 ان تشهد هدف مفاجأة من الفريق الضيف بعد ان أطلق كانو شوكو قذيفة من خارج منطقة الجزاء تصدي لها رمزي ببراعة، ثم سدد حسن كرة في السماء وهو في وضعية جيدة للتسديد او الانفراد، ورد موسيس اوجاجا بهجمة خطيرة علي مرمي رمزي بعد توغل ناجح وسدد الكرة في القائم الأيمن لمرمي الأهلي.

ثم ضربة رأس أخري لنفس اللاعب في الدقيقة 39 تصدي لها رمزي بثبات، وانتقلت السيطرة لكانو بيلارز وسط قلق أهلاوي لتأخر الفوز، وفي أجمل هجمة حمراء بين الثلاثي سيد معوض وبركات ومعتز اينو، سدد الأخير كرة صاروخية وهو في مواجهة المرمي الي إنها أخطأت طريق الشباك الي خارج الملعب، ثم انفراد آخر ضائع من بركات مع صافرة نهاية الشوط الأول.

ودفع الأهلي بمحمد ابوتريكة مع بداية الشوط الثاني التي جاءت حزينة علي جماهير الأهلي وهي تشاهد الكرة تعانق شباك فريقها في الدقيقة 48 عن طريق فيكتور نامو بعد متابعة لكرة مرتدة من رمزي اثر تصديه لانفرد وسط غفلة من دفاع الأهلي المهتز.

وتوترت أجواء المباراة بعد هدف النيجيريين، ونال احمد السيد إنذارا للخشونة، وفقد الأهلي التركيز تماما وذهبت جميع التمريرات الي دفاع الضيوف، وأهدر فلافيو فرصة التعديل مع الدقيقة 65 بعد ان أطاح بتمريرة ابوتريكة في السماء.

واستمر أداء الدفاع الأحمر غير المتواجد ليساعد كانو بيلارز في إحراز الهدف الثاني في الدقيقة 67 من هجمة مرتدة سريعة لتصل الكرة لرابيو علي الذي وضعها ساقطة خلف رمزي صالح المتقدم لتصعب الأمور علي حامل اللقب.

وأخيرا جاء الهدف الأول للأهلي في الدقيقة 75 من ركنية بقدم جيلبرتو علي رأس فلافيو الذي وضعها في الزاوية الضيقة لتتقلص النتيجة، وضاعت كرة التعادل برأس هاني العجيزي بجوار القائم الأيسر بسنتيمترات قليلة.

وضغط الأهلي بقوة علي مرمي كانو بيلارز، وضاعت الفرص تباعا من فلافيو وحسن والعجيزي وسط احتراق الأعصاب في المدرجات، وفي الدقيقة 87 جاء هدف التعديل عن طريق بركات من تمريرة جميلة لفلافيو انفرد علي أثرها وسددها أرضية في الشباك.

وتفنن لاعبو الفريق النيجيري في إضاعة الوقت مما استوجب علي حكم المباراة احتساب خمس دقائق وقتا بديلا لم يأتي بأي جديد ليودع حامل اللقب البطولة مبكرا.

[xander]

عدم تركيز وتسرع رهيب من احمد حسن ولاعبي الاهلي
اتمنى خروج حسن او اينو ونزول تريكه

[chemist m]

أتمنى اللعب بإتنين راس حربه
وهتشوفوا الإجوان هتيجى إزى
أتمنى خروج إينو ودخول احمد فتحى لنص الملعب
واتمنى اللعب بأحمد على فى الباك اليمين والإستفاده من المخلص أحمد فتحى هيعطى روح رائعه وتمرير رائع فى نص الملعب

[el3mel]

أداء متوسط + سيطرة من غير غير تريكز فى الفرص المتاحة فى الوقت الى هما كانوا هايخطفوا فيه جول

[el3mel]

و أديهم جابوا جول
و 1 - 0 لكانو

[profmoustafa]

بالتوفيق لبطل مصر

[Creative Egy]

احمد حسن شلنننننننننننننني

وجون للكانو زفت .......................حسبي الله ونعم الوكيل

[حسين زملكاوي]

هدف في الاهلي

لاحول ولا قوة الا بالله
ربنا يستر
وقلبي معاكم

[MeDaNy]

لا تعلييييييييييييييييييييييييييييييييييييييق
امتي حنكسب مش عارف
امتي حنلعب صح مش عارف
امتي حنجيب اجوان برضه مش عارف
امتي الفريق يتعدل مش عارف
يارب نكسب علشان منتعادلش

[mohamed31180]

أتمني خروج فلافيو من النادي الأهلي نهائيا واللعب بمهاجم جيد بدلاً من أبو الفلافيل الذي لا يجيد اللعب إلا برأسه فقط وكأنه ليس له أقدام وقبل أن يعترض أي أحد أقول للمعترض أحضر أفضل مبارة لفلافيو لعب فيها وأحرز فيها أهداف وقم بمونتاج كل لمساته في المبارة وأنت تعلم أنه لا يجيد لعب الكرة - تقول لي أنه هداف أقول لك لو لعب رمزي صالح مكانه أو أنت أيها المعترض لو لعبت مهاجم مكانه كل هذه الفترة وكل هذه المباريات لكنت أحرزت أهدافاً أكثر منه
واللي يغيظك بي بجد إصرار جوزيه عليه وكمااااااااااااااان لوحده بدون زميل والمهاجمين بره ع الدكة بيشدوا في شعرهم

[chemist m]

إيه ياجدعان هو الجهاز أعد كده ليه
إيه التخلف دا دا مش لعب
دا إحنا ممكن فى كل هجمه نجيب جون
هو الاهلى مش بيلعب كوره ليه

إينو دا بطييييييييييييييييي ولازم يخرج
ياعم جوزيه غير صح بقى
خليت اللى يسوى واللى مايسواش يتكلم

[chemist m]

والله دى لاعيبه بتهرج والله العظيم
إيه دا دى فرص تضيع حرام عليكم بقى

[el3mel]

التانى
و ضاعت بطولة افريقيا يا ولدى

[chemist m]

حررررررررررررررررررررررررررررررررررام

[Creative Egy]

:smailes36::smailes36::smailes36::smailes36::smail es36::smailes36::smailes36::smailes36::smailes36:: smailes36::smailes36::smailes36::smailes36::smaile s36::smailes36::smailes36::smailes36::smailes36::s mailes36::smailes36:

[MeDaNy]

انتهي الماتش بخروج الاهلي من البطوله كده بالجول التاني ليهم
انتهي

[xander]

اتفرج
شوية لعيبه مش رجاله
منسونين والله
هطل وخلاص
ايه الي بيعملوه ده

جونين وعلى ارضنا

وما تطلع احمد حسن مالصبح
سايبه بتاااااااااع ايه
حرام عليكم

[Creative Egy]

خلاص خلصت الحكايه

[حسين زملكاوي]

الهدف التاني

ولا تعليق

على الاداء

الفريق ده مش معروف في بلده نيجيريا
وعنده بطولة واحدة
والاهلي 100

ربنا يستر لكن لسة في وقت

[el3mel]

ربنا يستر لكن لسة في وقت


وقت أية بقى المفروض نكسب 3 - 0 دلوقتى

[chemist m]

إنسووووووووووووووووووووووووووا
دورى ولا أفريقيا
وخلو إلى يتكلم يتكلم

[hatempop1]

الله يخرب بيتك يا جوزيه زى ماخربت بتنا :s

[aymanfekry]

حظ اوفر للاهلي ومبروك للفريق النجيري الاهلي مش حايعوض

[حسين زملكاوي]

توقعي ان بعد المباراه

سيعلن خبر اقالة جوزيه والله اعلم

[chemist m]

توقعي ان بعد المباراه

سيعلن خبر اقالة جوزيه والله اعلم
ياااااااااااااااااريت
أنانفسى بس الإداره تحس وتتحرك

[hatempop1]

حرررررررررررررررررام واللهى اللى بيحصل فى الاهلى ده
اللعيبه باين عليها الارهاق ومش مركزين واللهى حررررررررررام

[حسين زملكاوي]

جوووووووون للأهلي

كمان جون بعد خمس دقايق وفي الدقيقة 90 جون كمان

لسة بدري وفي امل يا رجالة

[el3mel]

هدف حفظ ماء الوجه

[MeDaNy]

الجون الطبيعي الي بيجي من جيلبرتو لفلافيو
هههههههههههههههههههههههههههههههههه
........... يا انشراح مهو راح الي راح

[mohamed31180]

2/1
والفريق النيجيري متواضع جدا وخاصة في الدفاع ولكن الأهلي يحتاج إلي ضغط منظم

[tine]

الاهلي فقد الامل
احنا اللي حطينا نفسنا في الموقف ده

عموما بالتوفيق الموسم الجاي وعايزين اعداد جيد واعتماد علي اللاعبين الشباب
وعايزين مدرب جديد بالمرة ......

[MeDaNy]

التتتتتتتتتتتتتتتتتتتتتتتتتتتتتتتتتتاني

[el3mel]

التعااااااااادل

[MeDaNy]

جون جامممممممممممممممد
يارب نكمل و نكسب

[compulap]

الله اكبر

ادعوا انتوا بس يا رجاله وان شاء الله نفوز

[compulap]

الاهلي عمره معلمنا الياس ولا الاستسلام

ان شاء الله هانفوز

[MeDaNy]

النتيجه الي الان في مصلحه كانو بيلارز

[chemist m]

كل سنه وإنتوا طيبين
إبقوا قابلومى

[el3mel]

أنتهت المباراة
و خرج حامل اللقب من دور الـ 16

أمام فريق مغمور أفريقياً و سيظل كل تاريخه يذكر شىء واحد مهم فقط

أنه أخرج الأهلى حامل لقب بطولة أفريقيا من دور الـ 16

للأسف الأهلى مافاقش غير فى آخر ربع ساعة بعد فوات الآوان و أحرز هدفين لم يكفوا للصعود

و لا إله إلا أنت سبحانك أنى كنت من الظالمين

[MeDaNy]

خلاص انتهي الماتش كده
ومبروك لكانو بيلارز
و يارب يرحمنا من ام تفكير جوزيه بقي
احنا تعبنا منه جدا

[chemist m]

ياخساره
كسفنوا وهتشمتوا اللى كرهينا فينا

[aymanfekry]

الله يعكنن عليكم يا بعدى

[xander]

بره البطوله
وداعا افريقيا !!!!!!

[The Crashing Hero]

2-2

:'( 7ram 3lekoom

[chemist m]

على فكره كده الأهلى راح عند إنبى وحرس الحدود
فى البطوله الكونفدراليه
ونقابلكم السنه اللى جايه
والسنه دى مش هناخد ولا بطوله

[misry]

تتعوض باذن الله ...

يللا اهو نرتاح شويه ...

[xander]

نفسي اعرف
احمد حسن جوزيه سابه ليه
مستهتر وغير مركز وغبي
ضيع اكتر من خمس اجوال
وبوظ مليون لعبه
نفسي اعرف ليه الي عمله ده
ليه الهبل ده كله !!!!!!!!!!!!!!!!!!!!!!!!!!!!!!!!!!!!!!!!!!!!!!!!

لاعيبه الاهلي مفيش تركيز لعب عشوائي متخلف

[Sherifer921]

جوزيه انتهت صلاحيته من زمان ويا ريت كانت الاداره سمعت الكلام
محدش يقدر ينكر انه مدرب كبير بس خلاص قدم كل اللى عنده وبقى محفوظ جدا واحنا محتاجين فكر جديد
وبالطريقة دى سهل اوى الدورى يروح كمان بعد ما كان سهل اوى يتحسم من زمان
ويبقى كده ولا بطولة
بس بينى وبينكم لما تخرج من بطوله احسن من لما تاخدها اى كلام علشان ساعه الفوز محدش بيتكلم على الاخطاء بعكس الهزيمه بتكشف الاخطاء

[aymanfekry]

على فكره كده الأهلى راح عند إنبى وحرس الحدود
فى البطوله الكونفدراليه
ونقابلكم السنه اللى جايه
والسنه دى مش هناخد ولا بطوله

يعني كده فيه امل ناخد كاس خشب

[chemist m]

الجون الأول على فكره أوفسيد ميه فى الميه

[chemist m]

بس برده منستحقش نكسب

[misry]

وكلنا وراء الأهلي مهما كان ...

[اسامه على 14]

سيناريو غير متوقع بالمره انا لم أشاهد المباراه
لكن كنت متوقع إن الاهلى هيكسب بكل سهوله
عموما حظ أوفر للاهلى وعلى فكره الاهلى كده هيدخل على الكنفدراليه
مع الحرس وإنبى ونتمناها بطوله مصريه

[bbelal]

المتش خلص بالشفا اشرب يا جوزية بخططك المعوقة استغفر الله العظيم يرب علي دي حرقة دم

[MeDaNy]

سلم لي علي التعادل الايجابي الي جابه الاهلي معاه وهو جاي

[el3mel]

يلا يمكن نكون موفقين أكتر فى الكنفدراليةو أهو ممكن ناخدها كأول فريق مصرى

[Creative Egy]

الحمد لله علي كل حال............. لله ما اخذ ولله ما اعطي

:smailes113::smailes7::smailes113::smailes7::smail es113::smailes7::smailes113::smailes7:

[nemo_spider]

لا مبالة من جوزيه ة لا كأنه كسبان 10
حرااام حرقة الدم والله حرام
اللى عمله فى سنين طويلة بيرووح فى 3 شهوور

[MeDaNy]

http://www.ahlynews.com/ar/images/stories/emrat.jpg



الامـــ يا اهلي ــارات










هههههههههههههههههههههههههههههههههههههههههههههههههه هههههههههههههه

اتفرجوا علي برشلونه و ريال مدريد احسن مليون مره
5-2 للبرشا

[omar19731973]

ادارة فاشلة فاشلة فاشلة
مش هاممهها الا الفلوس ازاعت متشات فلوس اعلانات قناة النادى علشات الفلوس
مش شايفة الزفت الى بينيلة جوسية من اول الموسم قافلها عنيها وودانها و بقها
ادارت لااسمع لاارى لا اتكلم الا فى الفلوس
ادارة لسنا طرف فى موضوع عدا موضوع الفلوس
جوسية بيحلف و يقسم انة مافيش غير راس حربة و احد هايلعب بية
و ازا اتوقف هايلعب من غير راس حربة خالص زى ماتش انمبى
بيتصرف فى العزبة بتاعتة و الادارة مش موجودة نايمة عندها اغماء مستمر
افريقا راحت راحت حررررررررررررررررررررررام
لية كل دة علشان مدرب يغور يغور يغور
و الدورى هايروح بردة علشان نفس المدرب نفس التفكير العقيم الفاشل
التفكير الجبان امشى بقى ارحمنا ريحنا يا اخى دة انمت بقيت تقيل على قلب اى حد فينا كرهناك خلاص للاسف كرهناك
لية احنا نشوف الاهلى كدة لية؟؟؟؟؟؟؟؟؟
لية الاهلى يوصل لكدة؟؟؟؟؟؟؟؟
امشى بقى امشى

[chemist m]

.....................

[chemist m]

كل سنه وإنتوا طيبين كده الاهلى ضايع السنه دى
وولا بطوله السنه دى
ونسيت بالمره
أنا ببارك لكل إسمعيلاوى على الدورى ألف مبروك ليكم بجد
وبقول لكل زملكاوى يالله إفرحوا أحلى من الدورى وراح أهو
فرصه ياجدعان اللى عاوز يرمى رد أو يعمل موضوع
مفيش اهلاوى هيفتح بقه

[chemist m]

الوحد إتخنق من جوزيه والبدرى
أعدوا على الدكه وإستسلموا من الجون التانى
إنتهت

[Creative Egy]

ملخص هذه المباراة (هذا جزاء الاستهانه بالخصم وعدم التركيز في البطوله)


كلمة لاحمد حسن :شلتنييييييييييييييي وبوظت المبارة ووترت اللعيبة و ضعيت فرص ما يضيعهاش ناشئ >>>>>>>> كيف يستمر احمد حسن في الملعب بهذا الاسلوب يا جوزيييييييه

:smailes88::smailes73::smailes77::smailes61::smail es98::smailes8::smailes57::smailes7::smailes7::sma iles7:

[Sherifer921]

كل سنه وإنتوا طيبين كده الاهلى ضايع السنه دى
وولا بطوله السنه دى
ونسيت بالمره
أنا ببارك لكل إسمعيلاوى على الدورى ألف مبروك ليكم بجد
وبقول لكل زملكاوى يالله إفرحوا أحلى من الدورى وراح أهو
فرصه ياجدعان اللى عاوز يرمى رد أو يعمل موضوع
مفيش اهلاوى هيفتح بقه

يا غالى ليه اليأس ده
هوه اه فعلا الدورى فى خطر
بس حتى لو راح السنه دى مش مشكله بجملتها
لكن حكايه ان مفيش اهلاوى حيفتح بقه دى انت غلطان فيها
مهما حصل احنا كعبنا عالى على اى فريق فى مصر وخليهم يجيبوا البطولات ونقارن

[beckham_250]

كل سنه وإنتوا طيبين كده الاهلى ضايع السنه دى
وولا بطوله السنه دى
ونسيت بالمره
أنا ببارك لكل إسمعيلاوى على الدورى ألف مبروك ليكم بجد
وبقول لكل زملكاوى يالله إفرحوا أحلى من الدورى وراح أهو
فرصه ياجدعان اللى عاوز يرمى رد أو يعمل موضوع
مفيش اهلاوى هيفتح بقه
احنا مش بنشمت فى حد
اى فريق فى الدنيا لازم يكسب ويخسر
مفيش فريق بيكسب علطول
ولافريق بيخسر علطوول
ودوام الحال من المحال

[misry]

كل سنه وإنتوا طيبين كده الاهلى ضايع السنه دى
وولا بطوله السنه دى
ونسيت بالمره
أنا ببارك لكل إسمعيلاوى على الدورى ألف مبروك ليكم بجد
وبقول لكل زملكاوى يالله إفرحوا أحلى من الدورى وراح أهو
فرصه ياجدعان اللى عاوز يرمى رد أو يعمل موضوع
مفيش اهلاوى هيفتح بقه



لو كلنا بقينا كده يبقى نشجع طنطا احسن ...

[chemist m]

هو حد هنا فى المنتدى
متخيل أو يمر على باله إن فى ماتش هيلعبه الاهلى باقى له
هيكون أضعف من فريق النهارده
تصدق أنا دلوقتى بقول ياترى عمر سماكه هيعمل فى الاهلى إيه
ياجدعان إنتوا بتتكلموا فى إيه
هو فى أضعف من كده

[Mohammad_TheKing]

الحمد لله رب العالمين .. قدر الله وماشاء فعل

رب ضاره نافعه

لعل راحه اللاعبين من هذه البطوله يكون له تأثير ايجابي وعوده لاهلى زمان

شكرا للاعبي الاهلى شكرا لجوزيه وان شاء الله القادم افضل بكثير

[Sherifer921]

عادى يا جماعه الخساره دايما بتكشف الاخطاء
والفوز بيدارى
ف لما تخسر وتكشف اخطاءك وتصلحها احسن من انك تكسب وانت اصلا ضعيف
وخلى بالكم
الاهلى حتى فى فترات ضعفه مش بيخسر ماتشات بعكس باقى المنافسين
يعنى الاهلى يا اما يكسب يا اما يتعادل ل;ن يخسر لأ ودى ميزه برضه بس مش كافيه
ومع السلامه يا جوزيه

[bbelal]

ههههههههههههههههههههههه يا جماعة انا لسة شايف كورة شادي محمد طب دة بيعمل اية دة والنبي؟ ههههههههههههههههههههههههههههه

[mohamedundertaker]

حراااااااااااااااااااااااااااااااااااااااام

الحلم ضاع

[Creative Egy]

احنا مش بنشمت فى حد
اى فريق فى الدنيا لازم يكسب ويخسر
مفيش فريق بيكسب علطول
ولافريق بيخسر علطوول
ودوام الحال من المحال


شماتت ايه بس دلوقتي منتخب مصر في خطر في ظل انحدار مستوي كل لاعبي مصر المحلييييين والدوليييييين وربنا يستر فينك يا غانا2008

[yasserbasha2006]

على فكرة بغض النظر عن كل شئ

الأهلي يعتبر أدى أفضل آداء في آخر 5 مباريات

لكن سوء توفيق غريب في الشوط الأول صادف الفريق

و في الشوط الثاني هدف من تسلل و خطأ من مساعد الحكم

كان المفروض يرفع الراية أوفسايد...لكن هقول إيه بقى

دة غير إن أحمد حسن كان أسوأ لاعب اليوم في الماتش

و عمل لوحده 18 miss pass طوال المباراة

بجد حاجة مش معقولة يعني سوء الحظ و الرعونة دي

و هم جالهم حظ مش طبيعي في الجونين

واحد يجيب جون من أوفسايد، و التاني تقدم الحارس

ياللا...مش مشكلة قدر الله و ما شاء فعل

[حسين زملكاوي]

وبقول لكل زملكاوى يالله إفرحوا أحلى من الدورى وراح أهو
فرصه ياجدعان اللى عاوز يرمى رد أو يعمل موضوع
مفيش اهلاوى هيفتح بقه

اللهم لا شماتة

صدقني الشماتة ليست من شيم الزملكاوية

واتحدى لو في حد مننا فتح بقه وعمل توبيك ويقصد من وراه شماتة

احنا زعلانين زيكم لأن اللي حصل ده ما يمسكمش انتم بس لأ دي سمعة الكورة المصرية .
...........

تعليقي

اولا انا مش شايف ان فيه عيب في جوزيه

الاهلي محتاج تدعيم قوي

اولا صانع العاب جديد في قوة تريكا من سنة ونص . للأسف تريكا حاليا مش موجود وما بيأديش
ما تززعلوش مني لكن هذا هو الواقع .

ثانياً حارس مرمى في مستوى الحضري

ثالثاً ثنائي دفاعي قوي

رابعاً واحد راس حربة في مواصفات عمرو زكي.

وطبعا مفيش دوري السنة دي لأنه صعب جداً تعدو من الحدود وأيضا الجيش
لكن اذا دعم الاهلي الاهلي في فترة الانتقالات القادمة اتوقع ان يعود للبطولات الموسم بعد القادم بالمؤازرة الجماهيرية ووقوف المسؤولين .

وأتمنى ان تعودو بسرعة

الاهلي وقع يا جدعان ولازم مساندة .

وقلبي معاكم

[yasserbasha2006]

مش عارف ليه حاسس إن أحمد حسن كاسر عين جوزيه

و كاسر عين إدارة الأهلي الفاسدة كلها

[عودة المهاجر]

كنت اتمني البطوله دي

الاهلي ياخدها

علشان جوزيه ينهي مسيرته مع الاهلي وهو علي القمه

دلوقتي لو جوزيه مشي هيمشي زي اي مدرب كويس جه وعمل كام بطوله وبسبب نتائج مخيبه رحل

ولكن جوزيه مختلف ويستاهل نهايه افضل بكتير

[عودة المهاجر]

مش عارف ليه حاسس إن أحمد حسن كاسر عين جوزيه

و كاسر عين إدارة الأهلي الفاسدة كلها

لا لا لا

كفايه الخطيب دا رمز مش للاهلي بس دا لمصر

[ana ahlawy]

http://www.g9g4up.com/upfiles/h5D96956.gif (http://www.g9g4up.com/)

جمهوره ده حماه
ع الحلوه والمره معاه
عمرى ما احب غير الاهلى
ولا فى غيره يفرحنى
دايما معاه و لأخر الكون
عمرى علشان الاهلى يهون

[randefoo]

معلشي يا جماعة حيرها فى غيرهاااااااا

[Ruud Van Nistlroy]

لحمد لله

قدر الله وماشاء فعل

[prince_zezo]

حسبي الله ونعم الوكيل ,,

انا مش مصدق اللي حصل ,, ياجماعه قولوا كلام غير ده ,, الاهلي طلع من بطولة افريقيا ؟؟؟؟؟؟؟؟

انا كنت ف سفر من امبارح الساعه 9 بالليل ولسه واصل دلوقتي وطبعا ما تابعتش المبااراه لاني مسافر ومتوقع النتيجه ,,

حسبي الله ونعم الوكيل ,, قسما بربي انا مصدوووووم ,, ومش عارف انطق ولا اتكلم ,,

يعني كده مفيش بطوله سابعه افريقيه ,, ومفيش كأس العالم للانديه ,, ومفيش امارات ,, والمصريين اللي ف الامارات اللي كانوا مستنين الاهلي بفارغ الصبر ؟؟؟؟؟؟

حسبي الله ونعم الوكيل ,,

[AHMED HAMED HBK]

توقعي ان بعد المباراه

سيعلن خبر اقالة جوزيه والله اعلم

معتقدش فى التوقيت دة

والله اعلم

[AHMED HAMED HBK]

قدر الله ما شاء فعل

وتتعوض بقى فى الكنفدرالية

[bad boy555]

ياجماعه احنا قولنا الاهلى مستواه وحش محدش يقولى تحكيم ولا ناس بتفوت الماتشات

الاهلى عايز على الاقل 2 مدفعين وحارس مرمى وواحد خط وسط ومهاجم سوبر جمب فلافيو

لو الدورى ضاع يبقى الاهلى هو اللى ضيعه بمستواه مش حاجه تانيه

[Ruud Van Nistlroy]

ياجماعه احنا قولنا الاهلى مستواه وحش محدش يقولى تحكيم ولا ناس بتفوت الماتشات

الاهلى عايز على الاقل 2 مدفعين وحارس مرمى وواحد خط وسط ومهاجم سوبر جمب فلافيو

لو الدورى ضاع يبقى الاهلى هو اللى ضيعه بمستواه مش حاجه تانيه
عين العقل

محتاجين طقم دفاع
وباكين بيعرفوا يرفعوا
ونص ملعب بيعرف يمشي بالكورة ويعمل ثروهات ويشوط
ونلعب باتنين مهاجمين
لان انا شايف اللي عندنا كويسين
واهم من ده
مدير فني جديد

[m00ta]

ياجماعه حرام
محدش يضغط على لاعبى الاهلى ولا المدرب ولا نحملهم مسؤليه
ناس بقالها 4 سنين بتجيبلنا بطولات ومبتستريحش شهر واحد فى السنه
ومحدش بيحس بالتعب والاجهاد اللى هما فى دانا لو مشيت ساعه بتشل
مابالكم دول بيلعبو بمعدل كل 4 ايام ماتش وكمان كل يوم تدريبات
ربنا يوفقهم حتى لو مخدوش الدورى السنه دى ولا خدو اى حاجه
لازم نلتمس ليهم العذر وربنا معاهم ويكرمهم