عفوا .......................لا اقدر

[amrlion]

اه والله



مش قادر


حاولت كتييرر بس مش عارف


جيت على نفسى وقولت اجرب

بس برضه ما قدرتش

قولت طب مره واحده بس

ولو ما نفعش مش هكمل


بس برضه نفسى ما طاوعتنيش


ولما بصيت حواليا اكتشفت انه مش انا بس اللى مش قادر



لا ده كله مش قادر برضه
لا ده كمان ما بقوش يهتموا اصلا انه يقدروا ولا لا



ما بقاش فارق معاهم



قولت ااااااااه يبقى مش انا لوحدى بقى




مش قادر يا جدعان طب اعمل ايه

مش بايدى



كان امبارح فالنسيا وبرشلونه


قولت الله

ماتش قمه


اتفرج بقى

لقيت نفسى مش مطوعانى


بتفرج على ماتش وفى دماغى وتفكيرى ماتشات وماتشات اخرى


بتفرج على لاعبين وفى بالى لاعبينى ولاعبين اخرين


اجوان واجوان تانيه


قولت بلاها ده

اشوف اليوفى

اصله كان بيلعب

ما اقدرتش

قولت اشمت فى روما المتبهدل

ما عرفتش


قولت اشوف الريال واشبليه النهارده
بجد بجد مش عارف

نفسى يا جدعان مش مطوعانى


بعد اللى شوفته واللى بشوفه واللى هشوفه


ازاى بعد ماتش ارسنال والليفر 4/4 اتفرج على مانش اسبانى ولا ايطالى


ازاى بعد ماتش 5/2 اتفرج على كوره تانيه





بجد صعب والله صعب


ومش انا لوحدى

كل اللى اعرفهم بدأو يهملوا الاسبانى وخلافه


والناس اللى مالهمش فيها بقوا يسالو ويستنوا الانجليزى


واحد امبارح بيقولى وهوا لا يعرفنى ويقولى امبارح كان فى ماتش شغال مش عارف بين فريق اسمه مانشيستر وفريق لابس ابيض

على اساس انى ماليش فيها

يقولى تصدق اسيب مانشيستر مغلوب 2 واروح اتوضى ارجع الاقيه فايز 5


اومال لو كنت استحميت بقى مش اتوضيت كان خلص كام




الناس اللتى لا تعرف يعنى ايه كوره بقت تسال عن مواعيد البريمر ليج

لما سمعته وراته وانبهرت بيه




بجد انا اعتزلت اى كوره خارج البريمر ليج

حتى دورى الابطال لو مش فيه انجليز يبقى ليس له طعم




واخيرا


لو كان للبيرمير ليج عيب




فهوا انه افسد غيره من الدوريات




















http://socialnetworkapps.co.uk/apps/wp-content/uploads/premier-league.jpg





http://epltalk-e7.simplecdn.net/uploads/2008/11/premier-league-map-england.jpg

http://onlinemediarelations.co.uk/2008/04/25/Premier%20league%20trophy.JPG

[mohamedundertaker]

عارف انا كنت من سنتين كنت لما اشوف ماتش اوروبى اتفرج

بقيت اشوف البريميرليج اتجن ايه ده دى فى مصر كورة شراب ومحصلتهاش كمان

بقول لوالدى امبارح بعد الماتش توتنهام كان 2/0 لغاية الدقيقة 60 او بعدها كمان

قالى بعدين قولتله مانشيستر كسب 5/2

من كتر ما ذهل

قالى:- ما شاء الله اهى دى الكورة ولا بلاش

بس بجد والله مبقيتش اتفرج غير على الدورى الانجليزى

[raul]

تعرف يا عمرو أنا معرفش
أن الأهلى بيلع إلا وأنا وبقلب فى t.v
البريمر نسانى أهلى
وبمناسبة ال لا ليجا (حقيقة علمية)
أنا بحب الريال وعشان كده جيت على نفسى
واتفرجت على الماتش الريال الثانى وسيفيليا الثالث

4/2 وهاتريك لحبيى راؤووووووول
بس مفيش نصف المتعة اللى فى البريمر

لازى المان وتوتنهام 5/2
الأرسنال والليفر 4/4
الليفر وتشلسى 4/4
توتنهام و الأرسنال 4/4
أسنون فيلا و إيفرتون 3/3


أقول إيه ولا أعيد فى إيه ما أنت عارف
مفيش زى البريمر البطولة الأقوى والأحمل والأمتع فى العالم

[alaa-92]

انا بتفرج على التنين ..
و في فرق كبير واضح!

يعني اليوم فاز الريال و لم احس بأنه فاز او عمل حاجة؟!
لأنه مازال الفارق اربع نقاط و الدوري شغال بشكل ممل فعلا

البرسا تعب جدا لانه بيلعب على ثلاث جهات و الاسبوع هذا اتوقع وقوع اصابات كثيرة في النادي لانه سيلعب 3 مباريات في 7 ايام؟!

الدوري الانجليزي يقدم شيء جديد بكل ماتش
و بالفعل انا بستمتع لما بحضر الماتشات الخاصة فية اكثر

و قمة المتعة بالتشامبيونز

[Ruud Van Nistlroy]

بعد كلامك يا عمرو
لا تعليق

انا بس عاوز اسالك سؤالين

الاول
حد فاكر ماتش نورويتش سيتي وكريستال بالاس اللي خلص 4/4
في السنة اللي الاتنين نزلوا فيها

الثاني
بتشوف ملخصات او ماتشات الانجليش شامبيون شيب
دوري الدرجة التانية

[yasmina_muslima]

هو بصراحة جذااااااب من غير عذاب

[رائد حسين محمود]

فعلا البريميرليغ هو التوب

بس بصراحة اسلوبك رائع الحقيقة

بتفكرنى بالاعلامى الكبير عمرو اديب


..
.

[kool_mi]

انا فاكر ماتش في حتتنا كدا في الدوري الرمضاني كان رهيب جدا
خلص لماتش 4-3 وحماس ملوش نظير

دلوقتي بقت الاهدف هي الفارق يا جماعة
فين كلام صاصا الي كان بيقول ربى مباراة ممتعة بلا اهداف احسن من مبااة فيها الف هدف
مثلا ماتش الارستال واللفر تقريبا اهداف ارشافين حظ في حظ
ومع ذلك بقول ان البريمير ليغ اعلى من الليغا بمراحل

[nemo_spider]

انا فاكر ماتش في حتتنا كدا في الدوري الرمضاني كان رهيب جدا
خلص لماتش 4-3 وحماس ملوش نظير

دلوقتي بقت الاهدف هي الفارق يا جماعة
فين كلام صاصا الي كان بيقول ربى مباراة ممتعة بلا اهداف احسن من مبااة فيها الف هدف
مثلا ماتش الارستال واللفر تقريبا اهداف ارشافين حظ في حظ
ومع ذلك بقول ان البريمير ليغ اعلى من الليغا بمراحل

فين الحظ بس يمكن اقول الجول التالت فيه حظ لكن باقى الاهداف مهارة من اللاعب

[ayoubino]

بصراحه

gameover 4 ever

[ronaldinho10]

حد فاكر ماتش نورويتش سيتي وكريستال بالاس اللي خلص 4/4
في السنة اللي الاتنين نزلوا فيها

الثاني
بتشوف ملخصات او ماتشات الانجليش شامبيون شيب
دوري الدرجة التانية
لو هى السنه اللى كان قعد فيها ويست بروميتش فى الممتاز ايام كانو
انا كنت ساعتها هتهبل وهما بينقلو كل الماتشات فى نفس التوقيت بالظبط
ومشاعر الجماهير من كل الاطراف انا كنت هعيط والله
وبعدين اصلا معتش ينفع نعمل مقارنه اساسا مع اى دورى

[amrlion]

بشوفها يا صاصا والله



وبشوف فيها اجوان مش بشوفها فى البريمر ليج


والمنافسه فيها طحن طحن

وفيها لاعبين كتير اوى معروفين ومشهورين

[amrlion]

فعلا البريميرليغ هو التوب

بس بصراحة اسلوبك رائع الحقيقة

بتفكرنى بالاعلامى الكبير عمرو اديب


..
.

مش اوى كده



احنا غلابه



وعالعموم تشكر يا باشا

[Ruud Van Nistlroy]

لو هى السنه اللى كان قعد فيها ويست بروميتش فى الممتاز ايام كانو
انا كنت ساعتها هتهبل وهما بينقلو كل الماتشات فى نفس التوقيت بالظبط
ومشاعر الجماهير من كل الاطراف انا كنت هعيط والله
وبعدين اصلا معتش ينفع نعمل مقارنه اساسا مع اى دورى
ايوة هو الموسم ده

اللي حددوا مصير البقاء يومها

كلهم مانشيستراوية