ارجو الرد ضرورى جزاكم الله كل خير

[هبه صلاح 232]

السلام عليكم ورحمة الله وبركاته
اخى عنده 16 سنة
ومنذ شهر بدأ يدخل الحمام كتير جدا ويشرب ميه بكثرة شديدة
المهم ذهب يعمل تحليل بول لان قولنا احتمال يكون عنده املاح وجدنا نسبة السكر في البول++++ وبعدها عملنا تحليل دم طلع السكر 430
المهم احنا مفيش حد خالص عنده سكر في العيله تاريخ العيله مفهوش سكر خاااااااااااالص
ذهبنا للطبيب وطلب تحليل صايم وفاطر قبل ان ياخد اى انسولين
الصايم في الدم 380 وفى البول +++ والاسيتون++
الفاطر في الدم 220 وفى البول ++++ والاسيتون ++
اولا ازاى الفاطر اقل من الصايم

وليه وهو عالى في الدم كان اقل في البول


المهم انا عايزه اعرف هو يعني في احتمال انه يكون اللى عنده ده لفترة ويروح
يعني ترجع تانى الخلايا تفرز انسولين ولا ايه

وبعدين ازاى بيقل ويعلى وبدون انسولين قبل ما الدكتور يتبله الانسولين في لغبطه فظيعه
والاسيتون عالى على طول في البول ++ مش بينزل خالص رغم انى علقتله محلولين رينجر واخد سؤال كتيرة جدا ليه الاسيتون عالى على طول
والدكتور كتبله لمدة اسبوع انسولين بنسبة قليلة جداجداجداجدا
وقت يبقى سكره 200 ووقت 380
فيه اسئله كتيرة عايزه اعرف اجابتها لانى هتجنن علشانه
واهم سؤال ممكن يرجع الخلايا تفرز تانى انسولين
طيب هو كده بقاله اسبوع فقط ينفع اعمل اى شيء انشط بيه الخلايا تانى
عايزه اى امل ارجوووووووووووووووووووكم
ولو حتى علاج باي تكلفه
ارجوووووووووووووووكم

[metoovet]

وعليكم السلام ورحمة الله وبركاته

انا قرات الموضوع

وانا متسغرب من نقطة نسبة السكر فى الدم كيف تكون بهذا العلو 430

يقفز من الطبيعى 70-110 mg/dl

الى 430

وسنه 16

وانتى تقولى انه ليس العائلة لا يوجد بها شخص عنده سكر

اى احتمال ان السكر الوراثى ضئيل جدا


بالنسبة لحكاية العلو والنقص ده

فيه حاجه اسمها peaks بتحصل لمستويات السكر فى الدم

اى انه اعتمادا على جهد الشخص يتغير هذا المنسوب بالزيادة والنقص

ونقطة اعلى فى الصايم

غريبه ........


انصحك بتكرار التحيليل مرة اخرى فى معمل اخر البرج المختبر

بلاش المعامل العادية

عشان تكون النتيجة ادق شوية من الكلام اللى مكتوب ده

[asishaker]

اخي الكريم مرض السكري نوعين1- نوع متعلق بالانسولين وما له دخل بالوراثه بتاتآ اسابه فشل في عمل البنكرياس كغده صماء (والاسباب كثيره منها الغير معروف والمسمى علميآ ايديوبت ومنها المعروف مثلا مرض فيروس )
2- والنوع الثاني السكري الغير متعلق بالانسولين وهو ده المرض الوراثي
النوع الاول يصيب الاطفال والشباب والنوع الثاني يظهر في جيل متاخر نسبيآ
التفسير الوحيد اللي باقدر اقوله لك عن كون السكر في الصوم اعلى من بعد الاكل هو عدم وجود محفز للبنكرياس لافراز انسولين
والبالنسبه للسؤال الثاني هل هو مرض مزمن او لا غالبآ ما يكون مزمن لانه النوع الاول لا تصلح معه الحميه الغذائيه او الرياضه اللي ممكن تساعد المرضى مع النوع الثاني
على اي حال سواء كان مزمن او لا هو بحاجه لبدا علاج بالانسولين مفضل الانسولين السريع خوفآ من الكيتواسيدوسيس
وتنمنى له ولجميع المسلمين الشفاء

[هبه صلاح 232]

metoovet , asishaker
جزاكم الله كل خير على اجابتكم عليا
هو بالفعل سوف يعمل تحليل غدا في معمل المختبر هيعمل تحليل فاطر وصايم تانى وهيعمل تحليل يقيس كفاءة عمل البنكرياس والله هو عمل التحليل في معمل عندنا ممتاز مش من المعامل العادية ولكن برضه للتأكيد سوف نعمله في المختبر غدا ولان قياس كفاءة البنكرياس بيتعمل هناك ايضا
اتمنى من الله ان تكون نتيجه كويسه ومطمئنة
لكن نفسي في اى أمل في انه يشفى من السكر ده يعني يكون حد خف منه قبل كده بأي تكلفة بس المهم يخف
فهو لسه صغير انا اعرف ان هناك اطفال اصغر منه ومرضى سكر ولكن اهو اخويا الوحيد وخوفى عليه شديد
ارجو من الجميع الدعاء له بالشفاء هو وكل المسلمين فأن الله مجيب الدعاء
جزاكم الله كل خير وبارك الله فيكم