جيلبرتو في انجلترا للاختبار لأحد الأندية الانجليزية للانضمام اليه في يناير المقبل

[romio1975]

توجه الأنجولي سبستياو جيلبرتو نجم النادي الأهلي الى انجلترا لأداء الاختبارات الفنية والبدنية لدى أحد الأندية الانجليزية لمدة أسبوع
وعلم El-Ahly.com أن النادي الأهلي كان قد تلقى عرضاً رسمياً من أجل ضم اللاعب خلال فترة الانتقالات الشتوية وذلك قبل بطولة كأس العالم للأندية التي أقيمت مؤخؤاً في اليابان وتم ارجاء البت في العرض لحين انتهاء البطولة.
وخلال تواجد الفريق في اليابان حصل جيلبرتو على موافقة البرتغالي مانويل جوزيه المدير الفني للنادي الأهلي من أجل السفر عقب العودة للقاهرة الى انجلترا من أجل أداء الاختبارات وبالفعل سافر اللاعب عقب نهاية البطولة.
ومن المنتظر أن تحسم الاختبارات التي يخضع لها اللاعب موقفه سواء بالرحيل عن الفريق في يناير المقبل ليصبح الأجنبي الثاني الذي يترك النادي بعد التونسي أنيس بوجلبان أو ليستمر بين صفوف النادي الأهلي.

[ayman wally hbk]

طيب مين الفرقه دي
وبعدين جلبيرتو مالوش بديل يسد دلوقتي
ممكن نأجل الرحيل لاخر الموسم
ربنا يوفقه :smailes21:

[tine]

ده يفسر ليه جوزية لم يعتمد عليه كثير في اليابان
واعطي فرصة كبيرة لسيد معوض في ماتشات كبيرة في اليابان

وان شاء الله سيد معوض يرجع كده لسابق عهدة ويرجع لمنتخب مصر تاني ان شاء الله
وبالنسبة لجيلبرتوا بصراحة من حقة يحترف ويعمل اللي عايزة ما دام بموافقة النادي

[zezo5001]

الصراحه انا شايف ان جلبرتوا افضل من معوض
الله يوفق الجميع

[misry]

معوض هيسد مكانه ان شاء الله ...

[proman82]

مش كان فريق من البرتغال
وعموما بجد لو مشى الاهلى هيخسر جامد ولا معوض ولا اى لعيب فى الاهلى هيسد مكانة

[thematrix]

متهيألى الراجل فعلا عمل كتير مع الاهلى و لازم ياخد فرصته فى الاحتراف الانجليزى و متهيألى معوض لو لعب باستمرار هيرجع زى الاول ان شاء الله

[™HoSSaM]

مش وقت رحيل يا جلبرتو
اعتقد جلبرتو اهلاوى اصيل و لو شاف ان الاهلى محتاجه مش هيمشى

[gelberto my love]

ولا في مصر ولا في العالم كلو مثل جلبيرتو ومثل مهاراتو العاليه والله يوفقوا ان شاء الله بس بنصح الاهلي الا يستغنو عنو من مرة وشكرااااااا

[Ruud Van Nistlroy]

يا جماعة هنفضل بال 11 دول لحد امتي
اللي عايز يمشي مع السلامة

[حنكورة بك]

المفروض الاهلي يوافق علي احترافه مافيش شيء بالعافية وشوفوا هاني سعيد اكبر مثال وبعدين فرصة لظهور لعيبة تانية محرومة من اللعب ولو ان نفسي في اتنين يجيلهم اي حاجة في يناير ويسيبوا النادي بس ربنا كبير

[ronaldinho10]

ربنا يوفقه .........
انا بتمناله الخير بصراحه هو لاعب على خلق وربنا يوفقه فى اى مكان
انه مثال للاعب المحترف المحترم

[Ruud Van Nistlroy]

ربنا يوفقه .........
انا بتمناله الخير بصراحه هو لاعب على خلق وربنا يوفقه فى اى مكان
انه مثال للاعب المحترف المحترم
مش عارف يا ميزو
اللي يشوف ردودك المحترمة العاقلة دي
مستحيل يتخيل انك انت هو وان هو انت

مش عارف جبت الاحترام ده كله منين ؟؟؟

[ayman wally hbk]

مش عارف يا ميزو
اللي يشوف ردودك المحترمة العاقلة دي
مستحيل يتخيل انك انت هو وان هو انت

مش عارف جبت الاحترام ده كله منين ؟؟؟

تقصد ايه
ها
قول قول قول قول قول