إصلاح العطل الرئيسى فى كابل الإنترنت وعودة الأمور لطبيعتها

[happytimes]

http://www.ebtsama.com/news/thumbnail.php?file=SeaCablee_645007398.jpg&size=article_medium

صورة إرشيفية لكابل إنترنت فى البحر المتوسط

منذ دقائق قليلة تم إصلاح العطل الذى حدث فى كابل الإنترنت

الذى تم قطعه صباح الجمعة فى تمام الساعة العاشرة صباحاً

وحتى الأن تم إصلاح العطل بنسبة 80 % وبدأت تعود الأمور لطبيعتها

ومن المتوقع ان ينتهى الإصلاح نهائياً اليوم خاصة بعد المجهود الكبير الذى بذلته شركة الإصلاح الفرنسية المتولية إصلاح هذا العطل جنوب غرب إيطاليا

مزيداً من التفاصيل لاحقاً ..

المصدر

http://www.ebtsama.com/news/index.php?news=189

http://www.ebtsama.com/news/

[f47847]

الف شكر على الخبر

[برامج=برامج]

يعطيك العافيه اخوي لابد من اصلاح العطل والا احنا مثل السمك اذا مافيه نت يمكن نمووووت هههههههههههههههههههههه


تقبل خالص تحياتي

[moussa2100]

ياريت تقرا الخبر كويس لم يتم اصلاح الكابلات حتى الان كما هو مكتوب في الخبر لان الشركه المسئوله عن اصلاح الكابلات سوف تبدا العمل من اليوم الاثنين
"وأوضحت السلطات الايطالية أن مؤسسة "ميكما" المسئولة عن إصلاح الكابلات الدولية بالتنسيق مع الشركات مالكة هذه الكابلات سوف ترسل سفن إصلاح لهذه الكابلات ، مشيرة إلى أن عملية الاصلاح سوف تستغرق عدة أيام قد تصل إلى أسبوع من خلال جدول زمنى تم وضعه"

وقد تم تحويلنا حاليا على خط انترنت قادم من اسيا عن طريق السويس لحين انتهاء المشكله.

[attia fathy]

الله يبشرك بالخير ولاعاد يعودها

[attia fathy]

ياكاظم الساهر .. .. مع غنوتك ساهر

[attia fathy]

ياطيرنا يا سارح .. .. بجناحك الســــابح
نسّيتنا بالنغمـــة .. .. طعم الجفا الجارح

[attia fathy]

نسمع ونتـــأوّه .. .. والهمّ بيتـــــوّه
وتاخدنا وتجبنا .. .. أنغام فيها القوّه

[attia fathy]

نسمع ونتـــأوّه .. .. والهمّ بيتـــــوّه
وتاخدنا وتجبنا .. .. أنغامك الحلـوه

[attia fathy]

سمّعنى واطـربنى .. .. صوتك بيعجـبنى
جايلك ومانسيتشى .. .. ان الهوى جابنى

[attia fathy]

لنا فى الدموع رحله .. .. بغناك لـــــــنا بتحلا
وتعود لنا البســـــمه .. .. ونشوف فيها القسمة
جايا تجرى مبتسمــه .. .. بعيون فيــها الكحله

[attia fathy]

نسمع ونتـــأوّه .. .. والهمّ بيتـــــــوّه
وتاخدنا وتجبنا .. .. أنغام راحه لجوّه

[attia fathy]

انا اللى حبّيتــه .. .. وسكنت جار بيته
ف عنيّه حطّيته .. .. وبرمشى غطّيتـه

أناديله مــــــايردّش .. .. أشـكيله مايرقّش
مين فى الغرام زيّى .. .. وحياتكو ماحدّش

[attia fathy]

دمع العيون جارى .. .. وهوّه مش دارى
لا الدمع ريّحــــنى .. .. ولايوم طفا نارى

[attia fathy]

يانجـــم ياساهر .. .. فــــــين كاظـم الساهر
اندهلـو وحياتك .. .. راح فين ماهوش ظاهر

[attia fathy]

ياحلـــــو يامدلّع .. .. فايت طب اتطلّع
شوف حبك القايد .. .. فى القلب ومولّع

[attia fathy]

دنيتنا بيك جـنّه .. .. ماتمدّش استنّى
خد وادّى ويّانا .. .. خلّينا نتهـــــــنّا

[attia fathy]

من شاف حسنك ينسى البدر .. .. ويسهر ليله لحدّ الفجــر
جوّاه شـــــوق مشتاقلك زيّه .. .. بيقولّه مش طايق الهجر

[attia fathy]

بارقام وحروف بااكـــــتبلك .. .. وعليك ملهوف واحلفلك
ان انت ف ضيّك مافى زيّك .. .. والبدر ف نفسه يشبهلك

[attia fathy]

غــايب ونور حسنه .. .. ع البعد بوصلّى
والورد على غصنه .. .. باقولله ويقوللّــى

[attia fathy]

الحب خـــلاص سمّيته باسمك .. .. ورسمت البدر لقيته رسمــــــــك
ياللى انت ف قلبى وعلى بالى .. .. تخاصمنى أنا عمرى مااخاصمك

[attia fathy]

انا مهما اقولّك لسه ماقولتش .. .. وانا مهما اشوفك لسه ماشفتش
وعشان كده ياحبيب القلـــب .. .. عايزك قدّام عينى مــــاتغيبش

[attia fathy]

انا مهما اقولّك لسه ماقولتش .. .. وانا مهما اشوفك لسه ماشفتش
وعشان كده ياحبيب القلـــب .. .. عايزك قدّام عينى مــــاتغيبش

[attia fathy]

وحياة حـــــلاوة حبنا .. .. وحياة غـــلاوة ودّنا
مهما يجرى هنا وهنا .. .. نفضل تملّى لبعضنا

[attia fathy]

الخــد ورده قال للشفــايف .. .. وردك ياحلوه حلو الوصايف
ح يجنن اللى عينهم عليكى .. .. دايبين بهمسه من حواليكــى
عاشقين محبّه هايمين وحبّه .. .. وسط الأحبّه ولاحدّ خـــايف

[attia fathy]

علــــــــى إيدك اتعلمت .. .. فى الحب دروس ودروس
رددت لك مــــــــــاقلت .. .. حطّـــــيتهم انت ف قوس
والقول صحيح مش زور .. .. العلـــــــــم نور على نور
والجهل والجاهلــــــــين .. .. محابيس فى سجــــن كبير

[attia fathy]

قولــــــــوا لإسرائيل فى غــــزّه دم بسيل .. .. والدم حــــرّ وعربى وحسابكوا بقى تقيل
لايمــــــوها بقــى لبرّ قبل الآوان مايفوت .. .. ياسفّاكـــين الدم ليكوا يوم مالوش تأجيل
أولمرت ليفنى إيهود ماشيين يرشوا الموت .. .. ع الآمنين العزّل فى خسة مالها مثيل

[attia fathy]

أمّا اللى ظلموا مصر باقول لهم طب ليه .. تنسوا بطولة مصر لسّه التاريخ فى إيديه
ستين سنه م العمر ولحدّ مانحررهــــــــا .. وتعود لنا فلسطين دول نسيوا ولا إيـــــه
لنا شهدا بالملايين وحـروب سنين وسنين .. ولحد يومنا الوقت بنقول فدا فلســــــطين
ورئيسنا قالها ياخلق ولا انتوا ماسمعتوش .. بالفعل مش بالقول وده طبع المصـــريين

[attia fathy]

أمّا العرب يااخوانّا دول محتاجـــــــين توحيد .. والوقت دا بالذات الإيد تكـــــــون فى الإيد
أعــــــداءنا ايه طمّعهم فينا غيرالتفــــــــريق .. ياسلام لو كانوا شافونا مع بعض سوا فريق
كانوا عملوا لينا حساب مااستهتروش كده فينا .. ولاكانوا ضربوا غزّه واستهزأوا كــــده بينا
إيه جرى ياعــــربان فين نخوة الشجعـــــــان .. فى إباده للأطفـــــال وشيوخ ونسا كمــــان
ونلوم بقى على بعض ونزكّى أرواحــــــــــنا .. والدم سال ع الأرض واحنا فى مطرحـــــنا
حتى الكلام فى الحلق واقف مابطلــــــــعشى .. وعدو طايح فينا إرجــــــــع مايرجعـــــشى

[attia fathy]

أشكر منتدانا الغالى على ماقدمه ويقدمه لنا من كل نافع ومفيد .. والى الأمام دائماً الى الأمام
وكل عام وأنتم بخير

[attia fathy]

السلام حسن الختام .. سلام الله على الأحباب .. وفتح الله لكم على كل خير باب