B!G-BurrewoOo
04-28-2006, 02:42 PM
من سجن لسجن جبت العمر يعراق......وعليك بكل وكت مسلطة كفارك
لسواد عيون شعبك ما اجاك انسان .... اجت كلهه لسواد عيون ابارك
ماباسوك اخوتك وانت خد الكاع ....ودمعتين اعلة طولك تجري انهارك
بسك ياوطن لا تشعللهن نار ....غموك العرب وادفو بنارك
ذلتنة الدول ردينة مكسورين ...بس انت الغريب مدلل بدارك
مثل حاتم جنت تذبح فرس للضيف ...بس شعرة فرس مايسوة خطارك
يجدي الماي زرعك وانت ذو النهرين...
خلصت العمر تسكي بزرع جارك
زرع جارك علة مامد عليك فياي......بس مد ارضتة وعدهه لاسوارك
مو امريكا ثارك لاولا صدام.......كون من العرب ناخذلك بثارك
لا تزعل علي من حقي لو مليت ....منو بكدي احتمل وبضلعة بسمارك
منو الجرحة اعلة طولة وانت دربك سيف .....ومتاعك ملح ويكملة مشوارك
بردا غطتة وظل خايف ابراهيم .......وانة بطرك الجلد واتحملت نارك
كادوني بحبل وعيوني معصوبات......ماطلعو حرف من خزنة اسرارك
بعد شكثر بعد مو اني الاول ذاك .......داراني الوكت وانت الوكت دارك
من جف اليسلم خدي ظل يخاف......من كد مابجة من جفوف سطارك
وانة بياوكت يسطرني هذا وذاك........كبل وية الهوة من يطكني اتعارك
امس كصن شعرهن بابل واشور ....وشكن زيجهن من باكو اثارك
سبو سومر بعد شمتاني يابو الهول .....وبرج بيزا تجن بليل عشتارك
صاير ماتشور ياضريح عزير......باكوك اليهود وباكو حمارك
وباكو عاج عاد وورقة الميلاد........ونسينة انت بعمر يا ادم صيارك
وانسحك بيت العناكب وارملاتة تصيح ......وبقت روس الحمام مطشرة بغارك
يااشرف وطن واخصب ارض للكاع.......اليريد يظل عدل يتغطة بحجارك
امس بيك حلمت جنك نبي وتبعوك ....وعلى فراشك لكيتة ينوح كرارك
المن تشتعل شو كلهم ابن زياد ....بس انت الحسين وشعبك انصارك
تظل ليا وكت طف انت للاجيال.......وتظل ليا وكت تنذبح انصارك
وتظل ليا وكت يومية تنطي حسين .....ومثل زخ المطر تتساقط اقمارك
وتظل ليا وكت اهلك سبايا تروح .....وارماحك ركب ومدخنة ديارك
لكن ياوطن اعذرني لو ضجيت .....انة كلبي عليك وناري من نارك
وعذرتك ياوطن جيف اني طيب ذات...لو غيري وعلي مايقبل اعذارك
لو اشرف شعب بالدنية عايش بيك ...جان جملة بمزاد ونباعت ديارك
ودينارك يسقط وينسحك بالرجلين .......بس يسحك دول من يمشي دينارك
بس احنة وعلي جم مرة طكنة الجوع ......نبيع هدومنة ومانبيع زنجارك
وغيرك ياوطن لو النة حق نختار........نعوف الدنية كلهه وهم نرد نختارك
خالص تحياتي
جكل بغداد
بريو
لسواد عيون شعبك ما اجاك انسان .... اجت كلهه لسواد عيون ابارك
ماباسوك اخوتك وانت خد الكاع ....ودمعتين اعلة طولك تجري انهارك
بسك ياوطن لا تشعللهن نار ....غموك العرب وادفو بنارك
ذلتنة الدول ردينة مكسورين ...بس انت الغريب مدلل بدارك
مثل حاتم جنت تذبح فرس للضيف ...بس شعرة فرس مايسوة خطارك
يجدي الماي زرعك وانت ذو النهرين...
خلصت العمر تسكي بزرع جارك
زرع جارك علة مامد عليك فياي......بس مد ارضتة وعدهه لاسوارك
مو امريكا ثارك لاولا صدام.......كون من العرب ناخذلك بثارك
لا تزعل علي من حقي لو مليت ....منو بكدي احتمل وبضلعة بسمارك
منو الجرحة اعلة طولة وانت دربك سيف .....ومتاعك ملح ويكملة مشوارك
بردا غطتة وظل خايف ابراهيم .......وانة بطرك الجلد واتحملت نارك
كادوني بحبل وعيوني معصوبات......ماطلعو حرف من خزنة اسرارك
بعد شكثر بعد مو اني الاول ذاك .......داراني الوكت وانت الوكت دارك
من جف اليسلم خدي ظل يخاف......من كد مابجة من جفوف سطارك
وانة بياوكت يسطرني هذا وذاك........كبل وية الهوة من يطكني اتعارك
امس كصن شعرهن بابل واشور ....وشكن زيجهن من باكو اثارك
سبو سومر بعد شمتاني يابو الهول .....وبرج بيزا تجن بليل عشتارك
صاير ماتشور ياضريح عزير......باكوك اليهود وباكو حمارك
وباكو عاج عاد وورقة الميلاد........ونسينة انت بعمر يا ادم صيارك
وانسحك بيت العناكب وارملاتة تصيح ......وبقت روس الحمام مطشرة بغارك
يااشرف وطن واخصب ارض للكاع.......اليريد يظل عدل يتغطة بحجارك
امس بيك حلمت جنك نبي وتبعوك ....وعلى فراشك لكيتة ينوح كرارك
المن تشتعل شو كلهم ابن زياد ....بس انت الحسين وشعبك انصارك
تظل ليا وكت طف انت للاجيال.......وتظل ليا وكت تنذبح انصارك
وتظل ليا وكت يومية تنطي حسين .....ومثل زخ المطر تتساقط اقمارك
وتظل ليا وكت اهلك سبايا تروح .....وارماحك ركب ومدخنة ديارك
لكن ياوطن اعذرني لو ضجيت .....انة كلبي عليك وناري من نارك
وعذرتك ياوطن جيف اني طيب ذات...لو غيري وعلي مايقبل اعذارك
لو اشرف شعب بالدنية عايش بيك ...جان جملة بمزاد ونباعت ديارك
ودينارك يسقط وينسحك بالرجلين .......بس يسحك دول من يمشي دينارك
بس احنة وعلي جم مرة طكنة الجوع ......نبيع هدومنة ومانبيع زنجارك
وغيرك ياوطن لو النة حق نختار........نعوف الدنية كلهه وهم نرد نختارك
خالص تحياتي
جكل بغداد
بريو