لو ربنا فك عقدتك و إتخطبتى

[ورود و أشواك]

آنستي العزيزة.. لو ربنا فك عقدتك.. واتخطبتي.. فإليك نصائحي حتى تأخذي بخطيبك من مركب الخطوبة إلِّي محدش عارف هاترسى على إيه.. إلى مثوااااه الأخير في قفص النسانيس.. قصدي قفص الزوجية السعيد..

أجمل ما في الخطوبة العزومات الرومانسية.. على أحلى محلات أكل ف البلد.. واللي عمرك مانتي شايفاها بعد الجواز.. المهم نصائحي لك عند أي عزومة مع ختيبك.. قلنا رقَّه ....

1- الأول لازم تعرفي إن الشوكة والسكينة بيتمسكوا من إيديهم من الطرف يعني مش م الوسط ولا م البوز زي الخنجر ولا من فوق طبعًااا

2- العيش أوعي تفضحينا وتقطعيه بسنانك.. ولا الرغيف نصين بأيدك وكل نص لقمة وتحشري.. أوعي.. العيش بيتقطع بالسكينة ف الطبق.. وبعدين تاخدي لقمة.. لقمة.. بالعافية.. قال يعني نفسك مسدودة.. اضغطي على أعصابك جدااا وبعدين لما تروَّحي.. إبقي حِفِّي زي مانتِ عايزه....

3- الشوووربة.. أبوس كعب رجلك.. بند الشوربة ده مهم جدًاااا.. الشوربة تتشرب من غير صوت خالص.. ومن غير ماتقعدي تنفخي فيها.. زي القهوجي اللي بينفخ ف الحجر للزبون.. وطبعًاااااا عايزك تنسى تمامًا.. السلطانية اللي بتقيميها على بقك ف البيت.. وتدلدقي على روحك..
بالمعلقه وبدون صوت.. سخنة ولعة برضه بدون صوت.. وتسيبي تلت الطبق ع الأقل.. مش تميليه.. عشان تلهطيها لآخر نقطة.....


4- الرز طبعاً .. بيتاكل بالشوكة.. أوعي إيدك تتمد ع المعلقة.. وتغرفي من طبق الرز وتعبي.. إوعي.. الرز بالشوكة.. وكأنك بتبوسيه مش بتاكليه..

5- المكرونة.. الاسباكتي.. برضه بالشوكة.. تتلف على طرف الشوكة.. لحد ما تخلص وبعدين تحطيها ف بؤك من سكات.. مش تشفطي المكرونة عود عود..

6- السمك.. مشكلة.. شوفي.. بتفصلي اللحم عن الشوك.. إزاي..؟؟ تقطعي اللحم من النص.. بالطول وبعدين تفردي اللحم ع الجانبين ولما تخلصي ناحية.. متقلبيش السمكة.. بلاش فلح.. شيلي السلسلة
بالشوكة والسكينة وحطيها ف جنب الطبق وكملي أكل النص التاني.. وبدل الفيلم الهندي ده.. نصيحة.. ماتكليش السمك خالص.. قولي مابحبش السمك وخلصي نفسك..

7- الجمبري.. -إذا كنتي عارفاه-.. أول ماطبق الجمبري ينزل.. بصيله بقرف واحتقار شديدين.. آل يعني زهقانة من كتر أكل الجمبري الجامبو ف بيت ببااااا.. وأتنهدي جامد وقولي.. برضه..؟؟؟ وتروحي قاطعة راس الجمبريياية.. بالشوكة.. أنا ف عرضك إنسي المصمصة دلوقت..

8- البطاطس سواء مسلوقة أو محمرة.. أوعي تهرسيها وتدبيها ع الرز وتدي ...لا..لآ...لآ...بالشوكة حتة حتة وإنت زي ما تكوني هاتعيطي من كتر ما البطاطس صعبانة عليكي..

9- الفاكهة.. لو الفاكهة فيها بذر.. طلعيه من بؤك بالراحة وحطيه ف إيدك وهي مقفولة.. وبعدين ف طفاية السجاير اللي ع الترابيزه.. أوعي ياحبيبتي من نظام التفتفة للبذر.. إنسي....

10- ولما تخلصي أكل تحطي إيدك على بطنك.. -اللي عصافيرها بتصوصو من العينات اللي كلتيها-.. وتقولي له مش ممكن.. أنا عمري ما اتفجعت كدة..

أنا أودامي أسبوع.. هابطل أكل فيه.....

وبعدين تمسكي الفوطة اللي دايمًا موجودة ع التربيزة من غير لازمة.. وتبوسيها.. آل يعني بتمسحي بؤك..
وبعدين تستأذني منه لدخول التوليت لإصلاح ماكياجك.. وتخشي التواليت وتطلعي من شنطة إيديك.. لفة الفول والطعمية اللي جايباها معاكي.. وبالهنا والشفااااااااااااا

[ahmed awaad]

و ما تنسيش و هو بيحاسب تكونى ابعد ما يمكن منه
لو حصل و الفلوس اللى معاه ما مكفتش
انت مالك على طول على بيتكم
مش كده

[3achika net]

اختي موضوعك مكرر في المنتدى وقد تم اقفال موضوع مسبقا من طرف المشرف
لكن استعب كيف انتي اختي تقبلين باهانة للفتاة مثل هكذا امر وتعيدين ذكره في المنتدي
ارجو المعدرة منكي لكن .................
بدون تعليق
ارجو منكي مراجعة الموضوع لتعرفي مقصدي

[أديجا]

هههههههههههههههه
والله موضوعك حلو يا حلوه
أنا أول مرة أشوفه بالمنتدى
بس بتهيألي مفيش وحده الأيام دي
مبتاخدش بالها من الحجات دي بالذات

بنات الأيام دول مطقطقين ومدردحين
دول يعلموا بلد بحاله
عموما تسلم ايديكي عالموضوع
وربنا يحميك لشبابك يا حلوه
صباحك عســـــــــــل

[ورود و أشواك]

:) ألف شكر على الردود يا أخوانى

[ورود و أشواك]

اختي موضوعك مكرر في المنتدى وقد تم اقفال موضوع مسبقا من طرف المشرف
لكن استعب كيف انتي اختي تقبلين باهانة للفتاة مثل هكذا امر وتعيدين ذكره في المنتدي
ارجو المعدرة منكي لكن .................
بدون تعليق
ارجو منكي مراجعة الموضوع لتعرفي مقصدي
أولا أنا لم أعيد ذكر الموضوع لأننى لم أتابع منتدى التسليه و الترفيه منذ بدأه .
كنت أتابع منتدى كره القدم فقط بمعنى لا أعلم أن الموضوع مكرر ...على العموم ليس لدى أى مشكله إذا قام أحد المشرفين بإلغاء الموضوع مع إبداء أسباب ...
بالنسبه للإهانه أنا لا أهين الفتاه ... ده مجرد هزار و لو تحبى إفتحى المواضيع بتاعتى اللى بأتكلم فيها عن الإهانه اللى بتتوجه للفتيات ( بس لما بيكون الموضوع جد ) و إنتى حتعرفى إنى لا أوافق أبدا على إهانه الفتيات بس ده مجرد هزار و الشباب فى المنتدى عارفين إن ده هزار مش أكتر و لو فى أى حد شايف إنى كده بأوجه إهانه للبنات يا ريت يقوللى علشان أراجع نفسى ..
على العموم ألف شكر أختى على ردك و الإختلاف فى الرأى لا يفسد للود قضيه :)

[nedlaroun]

معلش يا حجة بس الموضوع مكرر وانا كنت كتبت الموضوع ده قبلك

بس معلش زي بعضه انا هحذف موضوعي وسيبي انتي بتاعك

وهو اصلا لا موضوعي ولا موضوعك يعني زي بعضه

ههههههههههههههههههه

[فرقد]

اضحك للدنيا تضحكلك ها هاهاهاهاهاهاهاهاهاهاهاهاهاهاه

[أحمد محمد سلامه]

المرجو تغيير العنوان من ( اتخطبتي ) الي ( اتخبطي ) وهذا للتنويه والعلم وشكرا

[dr_joky]

شكراااااااااااااااااااا
موضوع مكرر

[so_mic10]

هههههههههههههههههه

[ahmed awaad]

بس ليا سؤال لصاحبة الموضوع

هل جربتى الحاجات دى
و لا بتقولى نصائح غير مجربه

[ورود و أشواك]

المرجو تغيير العنوان من ( اتخطبتي ) الي ( اتخبطي ) وهذا للتنويه والعلم وشكرا
إيه النور ده يا سلامه باشا.......
حمد الله على السلامه :bgrfreak: .....

[ورود و أشواك]

شكراااااااااااااااااااا
موضوع مكرر
ما أنا عرفت بعد لما حطيتو ........
...... إيه عندك مانع و لاحاجه ؟؟؟؟ :bgrfreak:

[ورود و أشواك]

بس ليا سؤال لصاحبة الموضوع

هل جربتى الحاجات دى
و لا بتقولى نصائح غير مجربه
لأ بصراحه مجربتهاش ...........
بس ما تخافش أول لما أجربها حأنقلكوا الواقع طبعا :bgrfreak:
إنت إتعملت معاك قبل كده و لا إيه ؟؟

[dr_islam]

هههههههههههههه موضوع جميل والله وسيبك من النقد الهادم للروح المعنويه وان الموضوع مكرر اكيد مش قصدك

[dr_joky]

لا طبعا معنديش موانع
هو انا اقدر

[dr_islam]

هههههههههههههههههههههههههههههههههههه الله عليكي يا منه سدتيهم

[محمدابوالوفا]

ربنا يزيدكم

[GOOFE]

نريد ان نعرف ماذا يحدث بعد سندوتش الطعمية

وهل لذلك علاقة بأزمة الرهائن وارتفاع سعر الكفيار

خخخخخخههههههههههههههههههههه حلللللللللللللللللللللللللوه

ولما اسيب مراتي و اتجوزتاني راح اعمل زي الراجل دههههههههههه

[ورود و أشواك]

هههههههههههههه موضوع جميل والله وسيبك من النقد الهادم للروح المعنويه وان الموضوع مكرر اكيد مش قصدك
ربنا يخليك .إنت رافع من روحى المعنويه دايما .......
دى دايما بتدعيلك......
طبعا حتقوللى هى مين؟؟!!!!!! :bgrfreak:
حأقولك دى روحى المعنويه :bgrfreak:

[ورود و أشواك]

لا طبعا معنديش موانع
هو انا اقدر
أه بحسب :bgrfreak:

[ورود و أشواك]

ولما اسيب مراتي و اتجوزتاني راح اعمل زي الراجل دههههههههههه
بس خلى بالك بعد الجواز حاجه تانيه ........
مفيش لاشوكه و لا سكينه .......... و ربما مافيش معلقه كمان .....:bgrfreak: