الطريقة التي من الممكن ان يتبعها زاهر وشوبير للالتفاف علي حكم المحكمة

[romio1975]

الطريقة التي سيتبعها زاهر واعوانه هي الأتصال برؤساء الأندية المسانده لهم و تحريضهم لأنهم اعضاء الجمعية العمومية علي عدم الحضور للانتخابات يوم الجمعة وبالتالي عدم اكتمال النصاب القانوني

للانتخابات ومن ثم تأجيلها لفترة اخري يتيح لهم الوقت بالتقدم بالأستشكال على القرار والأستفادة بالوقت

وهذا ان حدث من الممكن ان تحدث كارثة بأرسال المنافسين لزاهر شكوى للفيفا والمحكمة بما حدث و من الممكن ان يصدر الفيفا قرار بتجميد انشطة اتحاد الكرة المصري وحرمان الاندية من المشاركة في المسابقات التي ينظمها الاتحاد القاري او التي ينظمها الفيفا وبالتالي حرمان الاهلي ومشاركة القطن بدلا منه

ومن الممكن ايضآ خصم نقاط من المنتخب المصرى فى تصفيات كأس العالم


وكل ذلك بسبب سياسات خاطئة من اتحاد زاهر واصراره علي تصفية حسابات شخصية في الانتخابات

[mahmoud rady]

ومن الممكن ايضآ خصم نقاط من المنتخب المصرى فى تصفيات كأس العالم


اهو ده اللي كان ناقص

[boda793]

زاهر ده هيودينا في داهية
اما شوبير فهو كده كده مش هيكون في المجلس

[ahmedfayez]

لا ياعم مش قوى كدا
زاهر روحو رياضيه
هيسيبها ويطلع وكفايه اللى خربو
بعدين تعالى هنا
انت خايف مصر يتخصم منها نقاط
ولا القطن يشارك مكان الاهلى ؟؟؟؟؟
اظهر وبان عليك الامان

[omar19731973]

ممكن فعلا يحصل ان اعضاء الجمعية العمومية المواليين لزاهر ما يحضروش
بس معنى ان الجمعية العمومية ما تكتملش انها تبقى اقل من النص ذائد واحد
معنى كدة اذا الجمعية ما اكتملتش يعنى ان الاعضاء المواليين لزاهر هماالنص ذائد واحد او اكتر من كدة دة معناه انهم هما الاغلبية
و انا فى رائى ان دة هايقوى موقف زاهر مش هايضعفة لانة بيقول اهو الاغلبية فى الجمعية العمومية عاوزانى مش مهم هما عاوزينة لية بقى او اية نوع الاتصالات بينهم
المهم ان هايبان ان الاغلبية فعلا عاوزاة
و الفيفا مش هاتتدخل فى الموضوع دة جمعية عمومية و ما اكتملتش هى مالها
الفيفا مش هاتقعد تستقص و تبحث عن السبب فى مين الى خلاها ما تكتملش
و خاصة اذا عرفت ان الاغلبية ما جتش يعنى مش الاقلية
و حتى اذا واحد من المنافسين بعت للفيفيا يقولها ان زاهر سبب انها ما اكتملتش الفيفا عمرها ما تاخد بالكلام دة اصلا لانة هايبقى مجرد كلام و خلاص
الفيفا تاخد بالكلام دة اذا اتاكدت ان دة تدخل حكومى و دة بتمنعة تماما
اما زاهر ما بيمسلش الحكومة هنا
و احسن مثال الفيفا لما رفضت انها تاجل الانتخبات لما ايهاب صالع طلب منها دة و قدم شكوى
انهم مش عاوزينة يقدم اوراقة لانة رئيس معين مش منتخب
الفيفا ردت برفض طلب التاجيل و قالت ان دة شان داخلى بتاع الجمعية العمومية و قوانين البلد المحلية علشان كدة راح رفع قضية قدام الادارية و كسبها

[dr_joky]

بالتوفيق للرجل المحترم
الدكتور كمال درويش


والعيب ليس فى زاهر
العيب فى حاشيته
اللى همها الاول والاخير هو البيزنس والسبوبه

[beckham_250]

وممكن اكتر من كدا
كمال درويش كان مع بندق
امبارح وقالو ان اللى بيعلن
انه مع كمال درويش زاهر
بيبعت له حكام يخسروة
قالو زى مين كدا يادكتور
قالو زى نادى النصر اما اعلنوا
انهم معايا اتصل بيه زاهر وقالو انتا
فى المركز الاول خاف على نفسك بقى

[totti272]

ومن الممكن ايضآ خصم نقاط من المنتخب المصرى فى تصفيات كأس العالم

دا مش هيحصل لإن منتخب مصر لم يرتكب أى أخطاء إدارية أو فنية يعاقب عليها

[MMORTEGA2002]

والله ممكن