Mr.Lonly
11-19-2008, 08:41 PM
السلام عليكم و رحمة الله و بركاته
اخوانى اعضاء برامج نت الكرام
موبايلى n95 اتسرق من يومين
هحكيلكم الموضوع عشان اللى ما تعرضش لحاجة زى دى يبقى يخلى باله
انا من اسبوع كدا نزلت على محلات الموبايل اسأل الموبايل بتاعى يعمل كام لو بعته
لقيت واحد محترم كدا قدام محل سألته اذا كان يعرف محل محترم بيشترى الموبايلات المستعمله
فا قالى عايز فيه كام قلته كذا جنيه لان الموبايل كالجديد تماما المهم قاعد يفاصل و خدت رقم موبايله و قالى هسأل و هرد عليك
المهم اتصل بيا بعد يومين و قالى انا هشترى الموبايل منك ... هتقابلنى فى المكان الفلانى عشان نجرب الموبايل عندى فى البيت
فا خرجت و رحت المكان دا ((( دى غلطة فادحة طبعا .. هبل بمعنى اخر ... لانى فى الليلة دى كنت متضايق اوى من حاجة معينه و كنت مش عارف انا بعمل ايه بالظبط ))) ,,, لو هتبيع موبايلك اللى هيشترى يجيلك لحد عندك و تاخد كله معلوماته الاول لو لزم الامر تشوف بطاقته
المهم بعد ما وصلت للمكان اللى اتفقنا عليه رنيت عليه فا رد عليا واحد تانى قالى انا اخوه و هاجى اقابلك بداله بعد عشر دقايق
بعد عشر دقايق لقيت واحد طوله متريين و عرضه متر و نص بس شكله محترم برضه (( ولا ال .... ))
جالى و قالى انت فلان قلته اه انا فلان قالى الموبايل معاك و خده عشان يشوفه ببص ورايا و ابص قدامى لقيته قالى يا فكيك جريت و راه بس م فيش فايدة
دى الحكايه كلها معلش طولت عليكو
انا قلت اقولها عشان الناس ما يحصلهاش اللى حصلى
المهم دلوقتى انا معايا نمرة تليفون الحرامى الاصلى
و الخط بتاعى كمان فى التليفون بتاعى اللى اتسرق و كان لسه بيرد عليا لحد امبارح
و كمان فيه حاجة بعد ما الموبايل اتسرق رنيت على الحرامى الاصلى رد عليا قلتله ايه اللى حصل دا
فا قالى دا كان واحد صاحبى و انا كنت نايم و هو اللى رد عليك و بعدين انت اديتله الموبايل ليه عالعموم انا كلمته بس هوا عايز 200 جنيه عشان يرجع الموبايل بس انا هاخده منه بالعافية و ابعتهولك انشاء الله مع واحد من بلدك بس انت ابعتلى اسمك بالكامل فى رسالة ؟؟!!!! شكله نصاب اوى بس اسلوبه فى الكلام زى ما يكون مش نصاب و هيرجع الموبايل .. احذرو يا شباب من الاشكال دى
على فكرة المكالمة دى انا سجلتهاله بالكامل عشان تبقى دليل عليه لو اتمسك لانى ما اعرفش عنه اى حاجة
يا ريت لو حد موبايله اتسرق و رجعه يفيدنى الله يخليكو يا شباب لان انا بقالى يومين هتجنن و عندى امتحان بعد بكرة و مش عارف هعمل ايه ربنا يستر
اخوانى اعضاء برامج نت الكرام
موبايلى n95 اتسرق من يومين
هحكيلكم الموضوع عشان اللى ما تعرضش لحاجة زى دى يبقى يخلى باله
انا من اسبوع كدا نزلت على محلات الموبايل اسأل الموبايل بتاعى يعمل كام لو بعته
لقيت واحد محترم كدا قدام محل سألته اذا كان يعرف محل محترم بيشترى الموبايلات المستعمله
فا قالى عايز فيه كام قلته كذا جنيه لان الموبايل كالجديد تماما المهم قاعد يفاصل و خدت رقم موبايله و قالى هسأل و هرد عليك
المهم اتصل بيا بعد يومين و قالى انا هشترى الموبايل منك ... هتقابلنى فى المكان الفلانى عشان نجرب الموبايل عندى فى البيت
فا خرجت و رحت المكان دا ((( دى غلطة فادحة طبعا .. هبل بمعنى اخر ... لانى فى الليلة دى كنت متضايق اوى من حاجة معينه و كنت مش عارف انا بعمل ايه بالظبط ))) ,,, لو هتبيع موبايلك اللى هيشترى يجيلك لحد عندك و تاخد كله معلوماته الاول لو لزم الامر تشوف بطاقته
المهم بعد ما وصلت للمكان اللى اتفقنا عليه رنيت عليه فا رد عليا واحد تانى قالى انا اخوه و هاجى اقابلك بداله بعد عشر دقايق
بعد عشر دقايق لقيت واحد طوله متريين و عرضه متر و نص بس شكله محترم برضه (( ولا ال .... ))
جالى و قالى انت فلان قلته اه انا فلان قالى الموبايل معاك و خده عشان يشوفه ببص ورايا و ابص قدامى لقيته قالى يا فكيك جريت و راه بس م فيش فايدة
دى الحكايه كلها معلش طولت عليكو
انا قلت اقولها عشان الناس ما يحصلهاش اللى حصلى
المهم دلوقتى انا معايا نمرة تليفون الحرامى الاصلى
و الخط بتاعى كمان فى التليفون بتاعى اللى اتسرق و كان لسه بيرد عليا لحد امبارح
و كمان فيه حاجة بعد ما الموبايل اتسرق رنيت على الحرامى الاصلى رد عليا قلتله ايه اللى حصل دا
فا قالى دا كان واحد صاحبى و انا كنت نايم و هو اللى رد عليك و بعدين انت اديتله الموبايل ليه عالعموم انا كلمته بس هوا عايز 200 جنيه عشان يرجع الموبايل بس انا هاخده منه بالعافية و ابعتهولك انشاء الله مع واحد من بلدك بس انت ابعتلى اسمك بالكامل فى رسالة ؟؟!!!! شكله نصاب اوى بس اسلوبه فى الكلام زى ما يكون مش نصاب و هيرجع الموبايل .. احذرو يا شباب من الاشكال دى
على فكرة المكالمة دى انا سجلتهاله بالكامل عشان تبقى دليل عليه لو اتمسك لانى ما اعرفش عنه اى حاجة
يا ريت لو حد موبايله اتسرق و رجعه يفيدنى الله يخليكو يا شباب لان انا بقالى يومين هتجنن و عندى امتحان بعد بكرة و مش عارف هعمل ايه ربنا يستر