ساعدوني

[أبلة نورة]

السلام عليكم
مو عارفة اشفيني بالضبط وصار لي سنه على هالحال
وآنا موب من الناس اللي يحبون انهم يرتادون المستشفيات
بس مع هذا ما خليت
المهم يا دكتور آنا من أغسل شعري أحس بوجع في راسي والويل ثم الويل اذا لفيته وهو مبلل
واحس بعد بوجع في رقبتي وعيني وفوق حواجبي وهذا موب بس اذا غسلت شعري , بعد اذا نظفت غبار أو استخدمت منظفات كيميائية
قالت لي الدكتورة انه ممكن ايكون عندي التهاب في الجيوب وعملت أشعة وما طلع فيني شي
وأحس بونين في راسي اذا زاد الوجع
شو الحل يا دكتور
مع العلم اني من طلعت نتيجة الأشعة سليمة ما رحت للدكتورة وفكرت بأن حالتي نفسية
بس آشوف الشي ما راح ومستمر فيني مع ان حالتي النفسية ممتازة

أرجوا الرد سريعا يا دكتور ومع العلم ان الوجع احس به في هذا الجو شبه البارد أكثر من الجو الحار
وجزاك الله عني خير الجزاء