كلمه حق .. زاهر احق .... قناه مودرن تحيى زاهر وتصلح راديوهات [الأرشيف]

مشاهدة النسخة كاملة : كلمه حق .. زاهر احق .... قناه مودرن تحيى زاهر وتصلح راديوهات

romio1975

11-15-2008, 06:53 AM

طبعا كلنا شفنا اعلانات البرنامج التاريخى
كلمه حق زاهر احق
زاهر ورفاقه
جايبين الشله واقفين زى افيش الافلام الاجنبى
فى قناه مودرن
دعايه اكيد بفلوس يمكن بالتقسيط او كاش
او بالاّجل
مأساه
وايوة زى مبتقول كدا مسخره
عينى عينك كدا
ليا حق لما قلت فى موضوعى لا تكذبى
ان الرياضه بقت نفس صورة العالم الخارجى
لسه كاتب الموضوع الاقى المسخره دى
هى دى بقى قناه تحترم مشاهديها
ولا القناه الخاصه
مش كفايه شوبير وقناه الحياه واشعاره المتصله فى زاهر حتى فى حالات الوفاه
مش عارف هيعملوا ايه تانى
بكره نشوف مدحت شلبى يوم الانتخابات
لابس الكرافت البرتقالى وعليها بنحبك يا زاهر
والميك عليه بنحبك يا زاهر
واى مراسل يتكلم فى ختام كلامه كلمه حق زاهر احق
وحكايات بقى عن تاريخ زاهر وانجازاته
وقصص بقى
ويبدعنا مدحت شلبى باستخفافه
واكيد هنسمع قصه متوقعه من شلبى ان زاهر فى مره ركب تاكسى وشوفوا بقى يا جماعه صمم انه يحاسب
والسواق مصمم لأ يا كابتن زاهر انتم فرحتونا بكاس افريقيا وفرحتوا اهلنا فى الامارات ورقصتلوهم
ورجعتولنا العلب اللى بياخدوها السياح ومالهاش لازمه عندهم
وزاهر مصمم يدفع والسواق يقوله لا يا كابتن زاهر يا مفرحنا دايما وفى تلك اللحظات يحتضن السواق زاهر ويبكى ويقوله اقولك كلمه حق زاهر احق
ويبكى زاهر ويبكى مدحت شلبى ويبكى شوبير ويبكى ايمن يونس ويبكى شله مودرن
ويبكى المستكاوى وسيف وسند
ويقفوا جميعا ويتماسكوا بايديهم وبينهم علم زاهر هو الاحق ومحدش يقول لأ
و فى تلك اللحظات يغمى على شلبى ويسقط على الارض سقوطا مدويا لقد سقط عل الارض
ويساعده باقى المجموعه ويختفوا من الكادر فهم الان على الارض يساعدوا شلبى على الوقوف
ومازلوا على الارض واختفت صورتهم من الكادر
الكادر ياتى فقط بالخلفيه والضيوف جميعا على الارض مازالوا على الارض يساعوا شلبى على القيام
وقع شلبى من حبه لزاهر وقع وفى يده لافته بنحبك يا زاهر
ونزل على الارض جميع ضيوفه ليساعدوه على الوقوف مره اخرى ويأتى بلافته بنحبك يا زاهر من على الارض
اجتمعوا كلهم على الارض من اجل حبهم لزاهر
فيساعده المستكاوى رغم كبر سنه الا انه نزل على الارض ليساعد شلبى
وسيف جلس سريعا ليمد يده الى اعلى ليرفع شلبى واللافته
ويجرى شوبير سريعا الى الاستوديو ويهرول سريعا ويسقط معهم على الارض وهو يقول الا زاهر
حبيبى يا زاهر ويبكى ويقول مصر مصر مصر
فكلهم اجتمعوا على شىء واحد
زاهر ومودرن الاهم فى المنظومه الرياضيه
المهم مصر يا ولاد .........مصر
ويتدخل محمد نصر باغنيه متقولشى ايه ادتنا مصر هو هنشحت ايه على حس مصر
وفى تلك اللحظات مكالمه هاتفيه من دعبس اللى كل علاقته بالكورة المصريه انه صاحب قناه مودرن
ويبكى دعبس ويخصص اربع برامج يوميه لتدعيم زاهر الانسان

ان شاء الله يفوز كمال درويش
ان شاء الله
لأن كدا الحكايه بقى تخنق

mido\waw

11-15-2008, 07:35 AM

فضيحححححححححححححححححححححححححححححححححححححة

xander

11-15-2008, 08:12 AM

وفى تلك اللحظات يحتضن السواق زاهر ويبكى ويقوله اقولك كلمه حق زاهر احق
ويبكى زاهر ويبكى مدحت شلبى ويبكى شوبير ويبكى ايمن يونس ويبكى شله مودرن
ويبكى المستكاوى وسيف وسند
ويقفوا جميعا ويتماسكوا بايديهم وبينهم علم زاهر هو الاحق ومحدش يقول لأ
و فى تلك اللحظات يغمى على شلبى ويسقط على الارض سقوطا مدويا لقد سقط عل الارض
ويساعده باقى المجموعه ويختفوا من الكادر فهم الان على الارض يساعدوا شلبى على الوقوف
ومازلوا على الارض واختفت صورتهم من الكادر
الكادر ياتى فقط بالخلفيه والضيوف جميعا على الارض مازالوا على الارض يساعوا شلبى على القيام
وقع شلبى من حبه لزاهر وقع وفى يده لافته بنحبك يا زاهر
ونزل على الارض جميع ضيوفه ليساعدوه على الوقوف مره اخرى ويأتى بلافته بنحبك يا زاهر من على الارض

هههههههههههههههه
ده انت جامد اهو يا روميو

ههههههههه
تنفع

ahmedaliahmedali

11-15-2008, 08:14 AM

والله يا روميو انا مش عارف هو الناس ديه يعني فاكره ان احنا عبط لا بيستعبطوا ولا ايه بالظبط حاجه تحرق الدم :smailes83: :smailes83: :smailes83: :smailes83:

misry

11-15-2008, 09:11 AM

الحمد لله ماعدتش بشوف القناة الغير محترمة دي ...

beckham_250

11-15-2008, 09:48 AM

هههههههههه
عندك حق زاهر احق
والفاس على الارض تنول تيرارررا

تيرارررا

الله يخربيت عقل كاتب المقال دا

راجل نكته ونهاره ابيض

صباح الفرفشه

thematrix

11-15-2008, 01:02 PM

ههههههههههههههههه

جامد ان شاء الله كمال درويش فعلا

Abo Karim & Reem

11-15-2008, 02:03 PM

هههههههههههههههه

Abo Karim & Reem

11-15-2008, 02:04 PM

ان شاء الله كمال درويش

karimmaster101

11-15-2008, 03:56 PM

قال كنت عايز تمشي قاااااال
ده إنت منتدى الكوره يتقفل من غيرك

والله إنت زي العسل ,وفعلاً الإتحاد بقى كوسه قووووى وحراااام كده

بس أنا ليا عتاب عندك . أنا في رأيي إن سيف والمستكاوى ناس محترمين ومش معنى إن انا وانت مختلفين معاهم في الرأي يبقى هما وحشيين

ممكن يكون الجو العام بتاع قضية البث دى هو اللي خلى رأيهم كده لاكن من قبل قضية البث انا كنت بحترمهم

ومقالة تحففففففففة وتسلم إيدك بجد إنت زي العسل

ويارب الأهلي يكسب قول آمييييييييييييييين