عمرو زكى : لو كنت مكان حسن شحاتة لاخترت أبو تريكة أحسن لاعب في أفريقيا [الأرشيف]

مشاهدة النسخة كاملة : عمرو زكى : لو كنت مكان حسن شحاتة لاخترت أبو تريكة أحسن لاعب في أفريقيا

romio1975

10-31-2008, 11:26 PM

http://www.el-ahly.com/Sitemanager/articlefiles/10205-Treeeeka.bmp

صرح اليوم حسن شحاتة المدير الفني للمنتخب المصري في حواره التلفزيونى على إحدى القنوات الفضائية بأنه حائر في اختيار أحسن لاعب في أفريقيا مؤكدا بأنه سيدرس كل انجازات أبو تريكة وعمرو زكى لاختيار أفضلهم هذا العام ولن يصرح لأحد عن اختياره مهما كان السبب مؤكدا بأن الاثنين من أفضل لاعبي القارة الأفريقية.
وقال بأنه اتصل هاتفيا بعمرو زكى وسأله عن هذا اللقب الغالي فقال له عمرو زكى بأنه لو مكان حسن شحاتة لاختار محمد أبو تريكة كأحسن لاعب في أفريقيا لمساهماته مع الاهلى والمنتخب المصري فضلا عن أخلاقه ومهاراته العالية .
يذكر أن الاتحاد الافريقى لكرة القدم ( الكاف ) سوف يرسل لمدربى القارة الأفريقية وعددهم 53 مدربا استمارات لاختيار أحسن لاعب في القارة الأفريقية من ضمن خمسة مرشحين على رأسهم محمد أبو تريكة وعمرو زكى بالإضافة للايفوارى دروجبا والغانى مايكل ايسين والتوجولى اديبايور.

STEKOSTYLE

10-31-2008, 11:42 PM

إن شاء الله ابو تريكه هو اللي هيخدها
بس اعتقد بنسبه 70% ان حسن شحاته سيختار عمرو زكي

nemo_spider

11-01-2008, 12:18 AM

حسن شحاتة هيختار عمرو زكى و هيقول انه اختار ابوتريكة

ronaldinho10

11-01-2008, 12:27 AM

والله لو عمرو ذكى فال كده يبفى محترم
وانا شايف ان حسن شحاته هيختار ابوتريكه

ahmedaliahmedali

11-01-2008, 12:39 AM

بيتهيألي ان الصح انه ميقولش . . .

يا جماعه كده كده ابو تريكة هياخد بإذن الله احسن واحد جوه القارة . . .

وده معناه ان فرصة عمرو انه ياخد الأول من المحترفين هتقل فطبيعي شحاته هيختاره - والله اعلم- . . .

بس يا ريت ميقولش علشان انتم عارفين الاعلام مبيصدق

الراجل بصراحه انا شايفه مخلص ويستاهل كل خير وإن شاء الله ربنا هيكرمه

Mohammad_TheKing

11-01-2008, 01:32 AM

اختيار حسن شحاته مش هيفرق كتير لانه واحد من 53 مدرب هتفرق معنويا فقط للاعبين ..

وطبعا هيختار تريكه لانه اكتر واحد عارف اهميه تريكه في فرقته

المهم اتمنى مسانده المدربين من شمال افريقيا لجنوبها لتريكه او حتى عمرو الاتنين احسن من بعض ومشرفينا في كل مكان .

Ahmed_hagazy

11-01-2008, 08:12 AM

حسن شحاتة هيختار عمرو زكى و هيقول انه اختار ابوتريكة

هوا اقتراع سرى

windows77

11-01-2008, 08:16 AM

حسن شحاته سيختار عمرو زكي
ابو تريكة هياخد احسن واحد جوه القارة

حسين زملكاوي

11-01-2008, 10:33 PM

اصيل يا عمرو

لازم طبعا يصوت لعمرو لأن عمرو قرصته اكبر من تريكا

prince_zezo

11-01-2008, 11:13 PM

Ruud Van Nistlroy

11-02-2008, 09:01 AM

والله يا ابو زينة

الاثنين لا خلاف عليهما
ولكن فيه حاجة غريبة
دايما بحس ان لاعبي الاهلي ولاعبي المنتخب انفسهم يشعرون بان تريكة هو اهم اللاعبين وافضلهم
والدليل ان لاعبي الاهلي بعد اي بطولة
كلهم اجتمعوا علي ان تريكة رقم واحد
حتي لو كان احدهم افضل منه في فترة معينة
واجتماعهم ده عن طيب خاطر

اعتقد ومع احترامي الكامل لزكي الرهيب
ان تريكة نمبر ون

لكن المهم
ان لا ده ولا ده هيكسبها

Ruud Van Nistlroy

11-02-2008, 09:03 AM

اه ونسيت حاجة مهمة
ان احنا لازم نفرح للاتنين
مش نزعل مثلا لو زكي كسب
او لان تريكة كسب
في الاخر مصر هي اللي منها احسن لاعب في القارة
ولاعب اخر ينافسه علي ذلك

يعني اللي هيكسب فيهم هيكون عمل حاجة محصلتش من اكتر من 20 سنة

mdhawek

11-02-2008, 10:03 AM

mdhawek

11-02-2008, 10:08 AM

ههههههههههههههههههههههههههههههه

حلوه قوي حكاية عمرو فرصته اكبر من ابو تريكه ,,

هههههههههههههههههههههههههههههه

ده علي اساس "انجازات عمرو اكتر من انجازات ابو تريكه " ,, "بطولات عمرو اكتر بكتير جدا من بطولات ابو تريكه" ,, "اخلاق عمرو افضل من اخلاق ابو تريكه " ,, "مهارة عمرو افضل من مهارة ابو تريكه " ,, "وتأثير عمرو مع المنتخب افضل من تأثير ابو تريكه " ,, "وشهرة عمرو اكبر من شهرة ابو تريكه " ...!!! وعجبي !!!

انا شبه متأكد "شحاته هايختار عمرو زكي" ,, وب
اذن الله "ابو تريكه افضل لاعب في القاره السمراء كالعاده" ,,

تحياتي روميو ,,

لا يا حبيبى على اساس ده محترف و بيجيب اهداف و بيحقق فوز فى فريق محترف

النقط المذكوره للبطولات مش كل حاجه يعنى لو ابو تريكه عشرين بطوله متفرقش عن دروجبا جاب بطولتين مع تشيلسى

و الكل يعلم ان تأثير عمرو كان اقوى فى غانا و اهداف الى بتوصل للادوار النهائيه

بالتاكيد شهره عمرو اكبر بكتير حاليا من ابو تريكه ده بيلعب فى الدورى الانجليزى و متصدر البطوله كل العالم يعرف عمرو زكى كفايه ان فى كل ماتش يلعبه نلاقى علم مصر بيرفر فى الاستاد

ابو تريكه افضل لاعب في القاره السمراء كالعاده

على اساس ان ابو تريكه بياخدها كل سنه

prince_zezo

11-02-2008, 10:50 AM

لا يا حبيبى على اساس ده محترف و بيجيب اهداف و بيحقق فوز فى فريق محترف

النقط المذكوره للبطولات مش كل حاجه يعنى لو ابو تريكه عشرين بطوله متفرقش عن دروجبا جاب بطولتين مع تشيلسى

و الكل يعلم ان تأثير عمرو كان اقوى فى غانا و اهداف الى بتوصل للادوار النهائيه

بالتاكيد شهره عمرو اكبر بكتير حاليا من ابو تريكه ده بيلعب فى الدورى الانجليزى و متصدر البطوله كل العالم يعرف عمرو زكى كفايه ان فى كل ماتش يلعبه نلاقى علم مصر بيرفر فى الاستاد

ياحبيبي انت فوووووق وبطل وهم ,,

عمرو محترف بقاله قد ايه !! ,, وف نادي ايه !! ,, اللي يسمعك يقول ان عمرو محترف بقاله سنين ,, وان ويجان احد فرق المقدمه واللتي توجد باسمترار في دوري الابطال الاوروبي ,,

ورغم ذلك انا بحب زكي جدا وبتمني له التوفيق ,, لانه "ابن المنصوره" ,, جاري يعني ,, و"احد ابناء حسن مجاهد ,, رحمه الله" ولم يكن احد ابناء ولا ناشئي اي من فريقي القمه ,, ورغم ذلك رفع علم مصر في اقوي الدوريات الاوروبيه واشهرها ,,

ثانيا : مين قال لسيادتك ان تأثير عمرو مع المنتخب اقوي من ابو تريكه,, وبما انك بتتكلم عن الاهداف ,, ياخي راجع اهداف بطولة 2006 و 2008 وشوف مين اللي اهدافه مؤثره ,, وشوف مين صاحب هدف الفوز في البطولتين !! ,, ابو تريكه صاحب اخر هدف في بطولة 2006 "هدف التتويج" من ضربة جزاء ,, وصاحب الهدف الجميل "هدف التتويج" في الكاميرون في بطولة 2008 ,,

وكفايه اوي ان دائما المبارايات الخيريه اللتي كانت تقام امثال "اصدقاء رونالدو واصدقاء زيدان" لم يكن هناك دعوه الا لتاجر السعاده المصريه "ابو تريكه" وهذا ادل علي شهرته الدوليه رغم عدم لعبه في الدوري الانجليزي ,,

اخي حاولوا ان تتكلموا بدون انتماء ,, خصوصا ان "عمرو زكي ليس من ابناء الزمالك" ,, يعني لو زملكاوي هاديك عذر واقول بتدافع عن ابن ناديك ,,

ابو تريكه هو رقم واحد في افريقيا ,, وهذا ليس تعصب ,, "واللي ما يشوفش من الغربال ...."

خلص الكلام ,,

™HoSSaM

11-02-2008, 12:19 PM

ان شاء الله
ابوتريكة يفوز

mdhawek

11-02-2008, 12:21 PM

ياحبيبي انت فوووووق وبطل وهم ,,

عمرو محترف بقاله قد ايه !! ,, وف نادي ايه !! ,, اللي يسمعك يقول ان عمرو محترف بقاله سنين ,, وان ويجان احد فرق المقدمه واللتي توجد باسمترار في دوري الابطال الاوروبي ,,

ورغم ذلك انا بحب زكي جدا وبتمني له التوفيق ,, لانه "ابن المنصوره" ,, جاري يعني ,, و"احد ابناء حسن مجاهد ,, رحمه الله" ولم يكن احد ابناء ولا ناشئي اي من فريقي القمه ,, ورغم ذلك رفع علم مصر في اقوي الدوريات الاوروبيه واشهرها ,,

ثانيا : مين قال لسيادتك ان تأثير عمرو مع المنتخب اقوي من ابو تريكه,, وبما انك بتتكلم عن الاهداف ,, ياخي راجع اهداف بطولة 2006 و 2008 وشوف مين اللي اهدافه مؤثره ,, وشوف مين صاحب هدف الفوز في البطولتين !! ,, ابو تريكه صاحب اخر هدف في بطولة 2006 "هدف التتويج" من ضربة جزاء ,, وصاحب الهدف الجميل "هدف التتويج" في الكاميرون في بطولة 2008 ,,

وكفايه اوي ان دائما المبارايات الخيريه اللتي كانت تقام امثال "اصدقاء رونالدو واصدقاء زيدان" لم يكن هناك دعوه الا لتاجر السعاده المصريه "ابو تريكه" وهذا ادل علي شهرته الدوليه رغم عدم لعبه في الدوري الانجليزي ,,

اخي حاولوا ان تتكلموا بدون انتماء ,, خصوصا ان "عمرو زكي ليس من ابناء الزمالك" ,, يعني لو زملكاوي هاديك عذر واقول بتدافع عن ابن ناديك ,,

ابو تريكه هو رقم واحد في افريقيا ,, وهذا ليس تعصب ,, "واللي ما يشوفش من الغربال ...."

خلص الكلام ,,

عمرو محترف فى الدورى الانجليزى و حقق نجاح فيصلى لا يقارن مع ناديه الجديد و اى فرقه فى الدورى الانجليزى ما تنفعش تقارنها بأى فرقه فى افريقيا

ثانيا ممكن تذكرلى اهداف عمرو زكى فى البطوله الى فاتت و كام هدف عزز مكان مصر فى التتويج

اولا انا مليش دعوه بالزمالك نهائيا فى الموضوع
انا بتكلم على عمرو كشخصيه عمرو كان بيدافع و يهلجم فى وقت واحد هو الوحيد الى كان الكل بيباسى الكوره ليه مع المنتخب او مع ويجان
اذا كان الحضرى او حارس ويجان كل الضربات ليه حتى الان

لما ابو تريكه دخل الجون كان عمرو زكى فين .... كان بيدافع و بيجرى سبيرنت ليهاجم تانى

و بعدين حاجه تانيه هو محمد ايو تريكه كان من اشبال الاهلى و انا مش واخد بالى سيب دى هو ايو تريكه محترفش ليه عدى السن القانونى للاحتراف

لما تتفرج على ده و ده اتفرج بحياديه شوف مين عنده هدف الفوز اكتر و اصرار التسجيل اكتر من التانى

اسف ان كان فى تشاحن بس انا بجد شايف ان عمرو اجدر بيها لاصراره و عزيمته و اخلاقه و حبه لناديه اذ كان الزمالك او ويجان حتى مع العروض الخياليه من فرق القمه

مش لازم اكون دخلت هدف البطوله عشان ابقى بطل مين الى دافع و مرر و جاهد للحصول على الكوره عشان يجى الهدف

prince_zezo

11-02-2008, 12:38 PM

عمرو محترف فى الدورى الانجليزى و حقق نجاح فيصلى لا يقارن مع ناديه الجديد و اى فرقه فى الدورى الانجليزى ما تنفعش تقارنها بأى فرقه فى افريقيا

ثانيا ممكن تذكرلى اهداف عمرو زكى فى البطوله الى فاتت و كام هدف عزز مكان مصر فى التتويج

اولا انا مليش دعوه بالزمالك نهائيا فى الموضوع
انا بتكلم على عمرو كشخصيه عمرو كان بيدافع و يهلجم فى وقت واحد هو الوحيد الى كان الكل بيباسى الكوره ليه مع المنتخب او مع ويجان
اذا كان الحضرى او حارس ويجان كل الضربات ليه حتى الان

لما ابو تريكه دخل الجون كان عمرو زكى فين .... كان بيدافع و بيجرى سبيرنت ليهاجم تانى

و بعدين حاجه تانيه هو محمد ايو تريكه كان من اشبال الاهلى و انا مش واخد بالى سيب دى هو ايو تريكه محترفش ليه عدى السن القانونى للاحتراف

لما تتفرج على ده و ده اتفرج بحياديه شوف مين عنده هدف الفوز اكتر و اصرار التسجيل اكتر من التانى

اسف ان كان فى تشاحن بس انا بجد شايف ان عمرو اجدر بيها لاصراره و عزيمته و اخلاقه و حبه لناديه اذ كان الزمالك او ويجان حتى مع العروض الخياليه من فرق القمه

مش لازم اكون دخلت هدف البطوله عشان ابقى بطل مين الى دافع و مرر و جاهد للحصول على الكوره عشان يجى الهدف

كلامي مش هايوصلك ,, لان وجهة نظرك مبنية علي الانتماء ,,

,, يعني ايه الكل كان بيباصي لعمرو زكي في المنتخب ,, هو سيادتك عايز رأس حربه صريح يبقي موجود في الملعب واللعيبه ما تباصيلهوش والا ايه ,, وبعدين فين متعب !! لما كان هو رأس الحربه الاوحد في مصر ,, كان كله بيباصيله ,, بس الفكره "مين اللي بيباصي لعمرو ولخط الهجوم المصري ,, ومين اللي بيهندس خط الوسط ,, ومين اللي بيستلم من تحت ويعمل هجمه منظمه ,, مين في احيان كتيره جدا يحرز اهداف ,, واهدافه كلها اهداف بطوله ,,

ثاني حاجه ,, مهاجمين المنتخب الوطني ما شاء الله عليهم "لا يعدوا ولا يحصوا" وغياب واحد فيهم او اتنين مش هايأثر مع المنتخب ,, لان "زيدان موجود ,, ميدو موجود ,, متعب موجود ,, زكي موجود ,, وغيرهم من لاعبي الدوري المصري " انما لما يغيب واحد بيعرف ازاي يهندس الفرقه زي "ابو تريكه" فالفرقه كلها بتتأثر ,, وده مش كلامي لوحدي ,, ده كلام كل عاقل وليس متعصب ,, لان مصر لا يوجد بها احد يحل محل ابو تريكه ,,

ثالثا ,, ابو تريكه في مواقف كثيره لا يكتفي بالهندسه في خط الوسط وبناء هجمات منظمه ولا الروعه في التمرير وخلق الفرص فقط ,, ولكنه ايضا يحرز اهداف ,, وغالبا بتكون اهداف مؤثره جدا ,,

بصراحه مفيش مقارنه اساسا بين ابو تريكه و عمرو زكي ,, لان كل الترشيحات تصب في اتجاه ابو تريكه ,,

ابو تريكه الافضل في كل شئ ,,

mdhawek

11-02-2008, 12:48 PM

حسين زملكاوي

11-02-2008, 12:54 PM

يا جماعة الامر ليس له علاقة بالبطولات والدليل ان محمد ابو تريكا لما كان في الترسانة هل حقق بطولة واحده؟؟؟؟؟؟؟؟؟؟؟؟؟؟؟؟؟
اذن مش اللاعب لوحده هو اللي بيحقق بطولة .

يعني لازم نشيل مقياس البطولات من اختيارنا سواء ابوتريكا او عمرو

romio1975

11-02-2008, 12:58 PM

اوك يا باشا ماشى انا ابيض و كل الكلام العسل ده
عماد متعب لا يقارن بمحمد او بعمرو من اساسه

حاجه تانيه ابو تريكه شفته مره عمل زى الجون التانى لعمرو فى ليفربول
عمرو لما دخله ما كنش شو
كان عاوز فريقه يكسب
افتكرلى اى هدف لابو تريكه كان فيه حاجه من الشو او الالتحام القوى
و حاجه اخيره و خلاص
ممكن تعملى مقارنه بين محمد و عمرو سنه 2008 من بطولات و اهداف تؤدى للفوز

متع عيونك

http://www.youtube.com/watch?v=iT4dJNYPsas

وتانى حاجة يا اخ مش ما كل ما حد يكلمك تقوله روح هاتلى ولما يجبلك تقوله لا معلش سورى اصلى انا ما اقصدش كده

ما تروح تجيب انت وتيجى والا احنا قاعدين هنا لجنابك نجيبلك وتتهرب

mdhawek

11-02-2008, 01:10 PM

متع عيونك

http://www.youtube.com/watch?v=iT4dJNYPsas

وتانى حاجة يا اخ مش ما كل ما حد يكلمك تقوله روح هاتلى ولما يجبلك تقوله لا معلش سورى اصلى انا ما اقصدش كده

ما تروح تجيب انت وتيجى والا احنا قاعدين هنا لجنابك نجيبلك وتتهرب

انا كان كلامى واضح من الاول عاوز ترتيب نادى الاهلى لما كان الزمالك بياخد الدورى
حضرتك اديتنى الاهداء عن ترتيب الفرق من 1 الى 3

الكل بيقول بطولات كتيره لابوتريكه عن عمرو

عمرو زكى
كأس مصر مع الزمالك
بطوله افريقيا مع مصر
الدوره العربيه

محمد ابو تريكه
بطوله الدورى العام
بطوله افريقا مع مصر
الدوره العربيه

لو كنت ناسى حاجه ممكن تفكرنى بيها

و صحيح كما يقال ان باب الترشيح هيقفل قبل حسم البطوله الافريقيه للتجهيزات الى هحتحصل فى الدوله المستضيفه للمهرجان

حسين زملكاوي

11-02-2008, 01:15 PM

يا جماعة
ابو تريكا مصري وزكي كمان مصري
يعني اللي هياخدها هنقولو مبروك

Ahmed_hagazy

11-02-2008, 01:18 PM

يا جماعة ما تتخنقوش

ولا عمرو و لا ابو تريكة

حياخدها

و عاجبى اوى اخر رد لروميو

رد كله شده

mdhawek

11-02-2008, 01:21 PM

يا جماعة ما تتخنقوش

ولا عمرو و لا ابو تريكة

حياخدها

و عاجبى اوى اخر رد لروميو

رد كله شده

عالطول و الله منظره مجتهدنى لانى صغنن شويه

و مستنى ردك يا باشا

aymanfekry

11-02-2008, 08:39 PM

حسن شحاته حيختار ديروجبا

mido_taha

11-02-2008, 08:43 PM

اللى فعلا يستحقها
ابوتريكه
اللى عمله مع الاهلى والمنتخب كتير جدااااااااا
وربنا يوفقه