مستقبلنا حيبقى عامل ازاى

[ayoooo4]

بسم الله الرحمن الرحيم

اولا الموضوع ده مش ناظرة متشأمة ولكن نظرة للمستقبل مش اكتر

دلوقتى انا داخل اولى طب وكنت حموت وادخل طب والحمد لله قبلت فى الكلية

لكن اللى شغلنى فعلا دلوقتى هو المستقبل

صحيح دراسة الطب ممتعة صحيح الواحد حيعرف حاجات مستحيل يعرفها الا لو كان طبيب

لكن طالب الطب بيدخل وهو عنده 17 سنة وكمان 6 سنين دراسة وسنة امتياز ويبقى كده عنده

24 سنة وكده يبقى اتخرج وكمان سنة جيش ده على احسن الظروف (ربنا يستر وميكنوش 3)

يبقى كده25 سنة

على فكرة 25 سنة ده كده لسه دكتور طازة يعنى لسه ح بيبدأ حياته ويبدأ يكون نفسه وللعلم بالشىء سمعت ان التكليف حيتلغى

ولو محصلش مفرقتش كتير

وعلى فرض ان الطالب ده كان مجتهد وبقى معيد فاضله كام سنة لغاية ما ياخد دكتوراة !!!!!!!!!

بجد دراسة الطب تستاهل بس برضو الواحد لازم يوفر لنفسه وضع اجتماعى محترم ويكون الوضع ده وانا شاب مش وانا عندى 40 سنة !!!!!!!!!!!

يعنى مش عايز عربية مرسيدس بس فى نفس الوقت عايز اقدر اعيش حياة كريمة


اسف انى طولت عليكم لكن الموضوع عايز تفكير ياريت كل واحد يقول وجه نظره فى الموضوع ده لان كلنا فرحنين اننا فى طب لكن ايه اللى حيحصل بعد كده هو ده اللى لازم نخطط ليه من دلوقتى او على الاقل نعرف مصيرنا ايه


وشكرا

تحياتى

[دكتور98]

لو فكر كل من دخل الطب مثلك لما دخل احد هذا المجال و خاصة فى مصر...:smailes83:
بص عجبتنى كلمة قالها دكتور فى الكلية "تخيل نفسك و انت فاتح عيادةو الزباين (المرضى) قاعدين على السلالم مستيين الدور:bgrfreak: كلما تزهق لان المشوار طويل للغاية:bgrfreak: "
طبعا الطالب حين يصل الى المستوى المرموق الذى يحلم به لن يكون قبل 40 عاما:bgrfreak: بل الادهى ان احدهم قد لايصل اليه و يصبح مثل موظف عادى فى اى مصلحة حكومية:smailes55:
بصراحة الطب خسران بس فى مصر الكل من جاء بمجموعه يدخل لسببين
1- العقدة القديمة عند المصريين ان انا "ابنى دكتور"حتى لو ما كنش "هيلاقى ياكل"
2-استخصار المجموع
3-انها و كلية الشرطة هى الكليتين الذين يتعين خريجهما فى الوظائف حصريا و حتى الان فى مصر.........

الخلاصة
لا تفكر فى مستقبل بعيد اعمل اللى عليك و شد حيلك و هات تقدير و الباقى على الله جل و علا

فقط"سيبها تسبح"

ملحوظة :انا اتكلم العامية على اساس انك مصرى!!!:smailes2:

[د/عمـــرو درة]

المستقبل ده بتاع ربنا
و ان بتتوكل على الله و تجتهد
و تضع فى نيتك انك بتعمل لله و لخدمة الاسلام و بلدك
و اجتهد
و شوف ازاى ربنا هيقف معاك و يسهلك حياتك

أنا مش هأقولك ان الطريق سهل
فيه صعوبات و عايز ارادة و قوة تحمل

تخيل مثلا واحد عايز يصل الى قمة جبل
تخيل و هو واقف تحت و بيبص للقمة بيبقى شايفها بعييييييدة أوى
ممكن يقول لنفسه ياااه أنا عمرى ما هأعرف اطلع الجبل ده
و يكسل و ميطلعش
و فيه واحد تانى يقول لأ أنا هأقدر و يتوكل على الله و يبدأ أول خطوة و تانى خطوة و هكذا
و فعلا يقابله صعوبات و يتغلب عليها و فى النهاية يصل الى القمــة

انت كمان لازم يكون عندك ارادة علشان تصل الى القمة

و كان في كلمة للأستاذ عمرو خالد:
(((
أنا أعلم يا شباب الأطباء ما تمرون به من ظروف صعبة وقاسية.. وانا اصبركم
وارفع روحكم المعنوية وابث فيكم الامل ..فانا اذكركم بأنكم أصحاب رسالة
عظيمة باختياركم لهذه المهنة ..

يقول النبي صلى الله عليه وسلم ((عائد المريض في مخرفة الجنة حتى يرجع (أشجار وأنهار الجنة) حتى يرجع ))

هذا عائد مريض فكيف بمعالج المريض ..؟؟

وأقول لكم أن من سكن الالام انسان فقد صار دال على رحمة الله في هذه الدنيا فانتم ثوابكم كبير كبير

وإنما يقود الدنيا ثلاثة أصناف من الناس : "الأنبياء والأطباء والملوك" .
أما الأنبياء فقد فقد ملكوا القلوب لانهم لم يعيشوا لانفسهم بل عاشوا للناس.
وأما الملوك فقد ملكوا الرقاب.
وأما الأطباء فقد ملكوا الاجساد وهم أقرب للأنبياء منهم للملوك إذا عاشوا للناس ولمصلحة الناس.

فيعنى عايز تكون ممن يقودون العالم بعلمك و حكمتك بسهولة كده؟
و عايز الناس تحبك و تدعيلك من غير ما تتعب؟
و لو اخلصت نيتك لله تدخل الجنة طبعا..لأن طول ما انت شغال هتلاقى نفسك بتكسب حسنات

و كمان الموضوع مش متعب أوى كده

يعنى مش هتتحبس و تتعذب و الكلام اللى بيخوف ده

هتلاقى نفسك لو نظمت وقتك
عندك وقت للأصحاب و الأنشطة و الهوايات

ما تقلقش

نظم وقتك كويس
و استمتع بسنين الدراسة دى
لأنها ان شاء الله هتكون من أحلى سنين العمر

و ربنا يوفقك

[GOUTOZ]

عزيزي اعمل اللي عليك و كله على ربنا و تأكد أن ربنا مش حيسيبك

و عايز أقولك حاجة تتعب و يبقى عندك 25 أو حتى 30 و تبقى دكتور و تقدر تشتغل و لا تتخرج و انت عندك 21 و متلاقيش شغل خالص

كلية طب مش سهلة بس في يوم من الايام يبقى اسمك دكتور فلان و الناس تشاور عليك الدكتور راح الدكتور جه و يبقى ليك اسمك و عيادتك

و يا عم لو زنقت معاك أوي سافر على دول الخليج هما هناك بيموتو في الدكاترة

أرجو مكونش طولت عليك

سلام عليكم

[ayoooo4]

اولا شكرا ليكم جميعا على الاهتمام

دكتور 98 انت جبت من الاخر الدكتور فى مصر مجرد مركز اجتماعى وحتى الامثلة اللى
الواحد شا يفها كلها بتقول ان عشان يعرف يعيش اما يكون ليه شغل تانى غير الطب او يكون
هو اصلا غنى ودى حاجة تانية لكن عشان الواحد بعد ما يتخرج يشتغل كدكتور بس ويقدر
يعيش اعتقد ان الكلام ده بينطبق على عدد قليل اوى

د/محمد درة انا مقلتش انا مش عايز اتعب وكل واحد لازم يتوكل على ربنا لكن الواحد برضو لازم ياخد بالاسباب يعنى لازم الواحد يفكر فى المستقبل من خلال اللى هو بيعملو دلوقتى والطب مهنة جميلة مقلناش حاجة بس لازم الواحد يفكر من كل الجوانب يعنى مش اخد مركز اجتماعى بس انسى المقابل المادى بس الحاجة الوحيد اللى مخليانى حدخل المجال ده ان الله لايضيع اجر من احسن عملا

د/GOUTOZ
وكأن السفر للخليج ده حاجة سهلة اولا خلاص الخليج اسكفى بأبناءه او بيجيب اجانب اصلا لو السفر ده شىء متاح مكنتش حتلاقى دكتور واحد فى مصر:smailes1: :smailes1: :smailes1:



واخيرا شكرا مرة اخرى على الاهتمام


تحياتى

[GOUTOZ]

د/goutoz
وكأن السفر للخليج ده حاجة سهلة اولا خلاص الخليج اسكفى بأبناءه او بيجيب اجانب اصلا لو السفر ده شىء متاح مكنتش حتلاقى دكتور واحد فى مصر


لو قريت الاعلانات في الجرايد حتعرف انها حاجة سهلة جدا

[Dr.DreamerX]

اتفق تماما مع كلام دكتور 98 ، فعلا معظم اللى داخل طب عشان لسبب من الاسباب اللى قلتها ، بالاضافه انه ميعرفش اللى هوا داخل عليه ومتوقع ان الحياه لونها بمبى ولكن بعد فترة يصدم بالواقع الاليم ،ربنا يرحمنا
من اكتر الحاجات اللى اّلمتنى نفسيا ، برنامج محمود افندى سعد اللى بيوزع فيه شقق مستر عز على الغلابه ،اكتر من حلقه المتسابقين فيها اطباء يستجدون شقه عشان يتجوزو فيها ، تخيل المريض لما يشوف الدكتور اللى بيعالجه فى الموقف دا ، هايبصله ازاى
على اى حال الحمد لله احنا احسن من غيرنا ،
وبعدين متقلقش يا دكتور ، كنت قريت مقال فى السعوديه ان المملكه مش هاتقدر تستغنى عن الاطباء المصريين لمدة 50 سنه قادمه ، وبرده نفس الكلام فى الكويت
بالتوفيق للجميع

[ayoooo4]

dr.dreamerx

بصراحة انا فوت امرى لله وبصراحة الواحد ادمر نفسيا اكتر كمان بعد اول اسبوع فى الكلية بس ربنا بيقول _ان الله لا يضيع اجر من احسن عملا _بصراحة انا نويت اجتهد واعمل اللى عليا وبعدين من غير ما محمود سعد يعمل حاجة ولا يوزع شقق الناس كلها عارفة ان الطبيب غالبا بيبقى تعبان ماديا (مفضوحين مفضوحين) يلا ربنا يستر