الشيخ أبوتريكة

[romio1975]

كثرت في الأونة الأخيرة نغمة "مثيرة" تطلقها جماهير مصر والأهلي تحديداً على النجم الكبير محمد أبوتريكة ، حيث تصفه بأوصاف تربطه بالتقوى والإيمان والالتزام "ما يجعله دائما يسجل في الأوقات الحاسمة سواء مع الأهلي أو المنتخب".

الجماهير قبل مباراة الكونغو الديمقراطية توقعت أن يسجل تريكة هدف الفوز والحسم للمنتخب ، لعدة أسباب تسوقها الجماهير لنفسها ، أهمها أن المباراة أقيمت في رمضان شهر الصوم والقرآن ومصر لا تخسر في الشهر الكريم ، كما أن اللاعبين المصريين لا يفطرون أثناء رمضان مهما كانت الأسباب وبالطبع على رأسهم أمير القلوب!

والسبب الثاني أن أبوتريكة نفسه سجل العديد من الأهداف المؤثرة سواء مع الأهلي أو المنتخب أهمها ركلة الجزاء الأخيرة في مرمى كوت ديفوار في نهائي أمم إفريقيا 2006 ، وكذلك هدف الفوز في مرمى الكاميرون في نهائي 2008 ، وبالطبع هدف الأهلي في مرمى الصفاقسي في نهائي دوري أبطال إفريقيا 2006 ، وذلك كله ترجعه الجماهير لتدين اللاعب وليس لمهارته.

ما زاد من المبالغة الجماهيرية إطلاق بعض التعليقات الطريفة عقب تسجيل تريكة هدفه الثمين في مرمى الكونغو ، إذ قال الكثيرون إن بركات أبوتريكة حلت على مصر "مين غيره يسجل في رمضان ، ده الشيخ أبوتريكة".

لكن يجب أن يدرك الجميع أن إلصاق صفات التدين والالتزام على أبوتريكة ليس في صالحه على الإطلاق ، فهذا انتقاص من قدرات هذا اللاعب الكبير ، وبالمناسبة هذا بالضبط ما حدث خلال حرب أكتوبر 73 ، إذ أطلق البعض شائعات بأن الملائكة حاربت مع جنودنا وهم صائمون ، لذا تحقق النصر.

جنودنا الأبرار حاربوا وقاتلوا ودافعوا عن شرف الوطن وكذلك أبوتريكة استخدم موهبته التي وهبها الله إياه حتى يصل إلى ما هو عليه الان وكان فضل الله عليه كبيرا نظرا لطاعته ، لكن هذا لا يمنع أن اللاعب يجتهد في التدريبات ويستخدم موهبته في تسجيل الأهداف وصناعتها ، كما أن زملاءه يساعدونه بشده حتى ينجح في التسجيل.

طبعا التوفيق من عند الله لكن الله لا يوفق غير المجتهد والذي لا يبذل أي مجهود من أجل تحقيق النجاح ، فأولا وأخيرا أبوتريكة بشر يخطي ويصيب ولا يجب أن نحمل هذا النجم ما لا يحتمل ، كما أن هناك لاعبين كبار كانوا أصحاب أهداف حاسمة ومؤثرة في تاريخ مصر والأهلي ولم يطلق عليهم أي ألقاب دينية على رأسهم حسام حسن وكان الأمر كله ينحصر في أن حسام لاعب مجتهد ومؤثر والله يوفقه لانه يتعب ويجتهد وليس لمجرد أنه يصلي ويصوم ويعمل الصالحات ، فأبوتريكة لاعب كبير وليس شيخاً.

بالمناسبة معظم لاعبي مصر كانوا غير صائمين خلال مباراة الكونغو واستخدموا رخصة السفر في الإفطار وهذا لا يعيب اللاعبين ومنهم أبوتريكة طبعا لأنهم استخدموا الرخصة التي منحها الله لهم ، لكن الجماهير لا تحب أن تسمع أي شئ يحول محبوبها إلى بني أدم عادي.

احمد الخشاب

[romio1975]

مش عارف صاحب المقال المسموم ده ايه هدفه من الموضوع ؟؟

محدش قال ان ابو تريكة شيخ ولكن الشباب بيقتدوا بيه لقربه من ربه ولأخلاقه العالية والمحترمة فى زمن قل فيه تلك الصفات بين اللاعبين والبشر عمومآ

وحتى لو اتقال انه شيخ هو الشيخ كمان مش بشر وبيخطىء ويصيب يا اخ خشاب والا الشيخ كمان منزه على الخطأ ومش بشر ؟؟

وكل المقال ده عشان تقول ان ابو تريكة كان فاطر هو وغيره احب ااقولك بما انك جاهل

رخصه الافطار فى السفر واجبه لان الله يحب ان تؤخذ برخصه
بالعربى كده ربنا قال اللى مسافر فى شغل يفطر يبقى اللى ما فطرش ترك رخصة من الله لانه ما اخذش بالرخصه اللى اعطاها الله له

[mazaagiiii]

صاحب المقال قلبه اسود علي كحلي
ربنا يخليك يا حبيب والديك

[poet]

انا شايف يا روميو ان الكاتب مغلطش وانا مش بقول كده علشان زملكاوي ولا حاجه انا بقول علي اي لاعب عموما مش لازم ننفش في الاعيبه اكتر من الازم وخصوصا في مصر بننفخ في الاعيبه كتير ودا مش تقليل من حجم ابو تريكه النجم الكبير الخلوق ولازم نفصل بين حياه اللاعب الكرويه وحياته الشخصيه

دا علي كده كريستيانو ولي من اولياء الله ههههههههههههه

[romio1975]

انا شايف يا روميو ان الكاتب مغلطش وانا مش بقول كده علشان زملكاوي ولا حاجه انا بقول علي اي لاعب عموما مش لازم ننفش في الاعيبه اكتر من الازم وخصوصا في مصر بننفخ في الاعيبه كتير ودا مش تقليل من حجم ابو تريكه النجم الكبير الخلوق ولازم نفصل بين حياه اللاعب الكرويه وحياته الشخصيه

دا علي كده كريستيانو ولي من اولياء الله ههههههههههههه

لا تعليق !!!!

[المهندس الاهلاوي]

استعجب من صاحب المقال ما يريد ان يوصله ايريد ان نكره ابو تريكة ام ماذا يريد
ربنا يخليك يا حبيب والديك

[ana ahlawy]

يا اخوانا اذا كان الكاتب قصده على حكايه الافطار فى رمضان
هقوله
الاسلام دين يسررررررررر و ليس دين عسر


اما لو قصده على حكايه اننا بنقلل من مهارته
هقوله
ان تريكه هو التطور الطبيعى للخطيب
و مفيش 2 فى مصر يختلفوا على مهاره تريكه
و اللى يقولك ان تريكه مبيعرفش يلعب وواخدها بركه و حظ
يتقى ربنا احسن و يشوفله اى حاجه يتلهى فيها لانه كده بيضحك الناس عليه

[ana ahlawy]

ربنا يخليك لينا يا ابو تريكه و يحميك من العين

[beckham_250]

وبالمناسبة هذا بالضبط ما حدث خلال حرب أكتوبر 73 ، إذ أطلق البعض شائعات بأن الملائكة حاربت مع جنودنا وهم صائمون ، لذا تحقق النصر.

قرات المقال واستوقفتنى هذه الجمله
الذى اثبتت لى ان صاحب المقال لا يعرف
شىء او انه لم يقرأ القرأن ابداّ ولم يسمع
بنزول ملائكه فى حروب المسلمين
(فَلَمْ تَقْتُلُوهُمْ وَلَكِنَّ اللَّهَ قَتَلَهُمْ وَمَا رَمَيْتَ إِذْ
رَمَيْتَ وَلَكِنَّ اللَّهَ رَمَى وَلِيُبْلِيَ الْمُؤْمِنِينَ
مِنْهُ بَلاءً حَسَنًا إِنَّ اللَّهَ سَمِيعٌ عَلِيمٌ)الانفال


ولا اعرف على اى اساس يتكلم او
على أى معلومات يستند الى هذه الجمله ايضاّ



بالمناسبة معظم لاعبي مصر كانوا غير صائمين خلال مباراة الكونغو واستخدموا رخصة السفر في الإفطار وهذا لا يعيب اللاعبين ومنهم أبوتريكة طبعا لأنهم استخدموا الرخصة التي منحها الله لهم ، لكن الجماهير لا تحب أن تسمع أي شئ يحول محبوبها إلى بني أدم عادي.


ونحن مثل غيرنا على شاشات التلفاز لاحظنا الارهاق الواضح
وهل الافطار بالرخصه الذى صرح لنا بها الله عز وجل ينقص
من قيمة الانسان او يقلله من نظر الناس وتابعنا جميعا وراينا لاعبى
الكونغو كانو يشربون المياه طوال المباراه ولم نشاهد لاعب مصرى واحد
يشرب سبحان الله ناس فاضيه وزى مابيقولوا الفاضى يعمل قاضى

[misry]

وبالمناسبة هذا بالضبط ما حدث خلال حرب أكتوبر 73 ، إذ أطلق البعض شائعات بأن الملائكة حاربت مع جنودنا وهم صائمون ، لذا تحقق النصر.

قرات المقال واستوقفتنى هذه الجمله
الذى اثبتت لى ان صاحب المقال لا يعرف
شىء او انه لم يقرأ القرأن ابداّ ولم يسمع
بنزول ملائكه فى حروب المسلمين
(فَلَمْ تَقْتُلُوهُمْ وَلَكِنَّ اللَّهَ قَتَلَهُمْ وَمَا رَمَيْتَ إِذْ
رَمَيْتَ وَلَكِنَّ اللَّهَ رَمَى وَلِيُبْلِيَ الْمُؤْمِنِينَ
مِنْهُ بَلاءً حَسَنًا إِنَّ اللَّهَ سَمِيعٌ عَلِيمٌ)الانفال


ولا اعرف على اى اساس يتكلم او
على أى معلومات يستند الى هذه الجمله ايضاّ



بالمناسبة معظم لاعبي مصر كانوا غير صائمين خلال مباراة الكونغو واستخدموا رخصة السفر في الإفطار وهذا لا يعيب اللاعبين ومنهم أبوتريكة طبعا لأنهم استخدموا الرخصة التي منحها الله لهم ، لكن الجماهير لا تحب أن تسمع أي شئ يحول محبوبها إلى بني أدم عادي.


ونحن مثل غيرنا على شاشات التلفاز لاحظنا الارهاق الواضح
وهل الافطار بالرخصه الذى صرح لنا بها الله عز وجل ينقص
من قيمة الانسان او يقلله من نظر الناس وتابعنا جميعا وراينا لاعبى
الكونغو كانو يشربون المياه طوال المباراه ولم نشاهد لاعب مصرى واحد
يشرب سبحان الله ناس فاضيه وزى مابيقولوا الفاضى يعمل قاضى




نفس اللي كنت هقوله ...

[Ahly_Egypt]

نعم ؟؟





:smailes55: :smailes55:

[NEDVED_SMAX]

الي خايف يروح الكبير جاي يطوح

[mostafabakry]

ايه دا كله يا عمنا
فيه ايه بس الراجل جابلك هدف لحقنا من الفضايح
ايه لازمت الكلام دا من اصله
علي راي روميو كل المقال دا عشان تعرفنا ان ابوتريكه كان فاطر
يا راجل عيب عليك دا احنا صايمين ومش قادرين نتكلم الله يهديك

[moody22]

ابو تريكه لدى افضل لاعب فى العالم يكفى انه مسلم واللذى يهذأ ان كريستيانو ولى من اولياء الله هذا يهودى فكيف ولى

[Ahmed_hagazy]

لما اعوز اخد قدوة ليا فى التدين

عمرى ما حختار واحد بيلعب كورة

حختار واحد شيخ اعرفه او حتى واحد عادى

بس يكون ادامى

[Ahmed_hagazy]

نعم ؟؟





:smailes55: :smailes55:

نعم الله عليك يا ريس

[Desha85]

لما اعوز اخد قدوة ليا فى التدين

عمرى ما حختار واحد بيلعب كورة

حختار واحد شيخ اعرفه او حتى واحد عادى

بس يكون ادامى

كلامك صحيح

[Desha85]

لما اعوز اخد قدوة ليا فى التدين

عمرى ما حختار واحد بيلعب كورة

حختار واحد شيخ اعرفه او حتى واحد عادى

بس يكون ادامى

والله عندك حق لاعيبه ايه اللى قدوه
فاكرين ان همه بلعبهم بيجاهدوا فى سبيل الله
اما موضوع الشيخ ابو تريكه المسئول عنه
هو المسئول عن نشر تدين ابوتريكه
دى حاجات بين العبد وربه بتبقى فى قلب
العبد مش فى صفحات الجرائد

المشرف العام
بره يا ابنى شهر المرة دى

[mahmoud rady]

فعلا صاحب المقال ده نيته مش صافيه

[عماد على2003]

الناس دى بتستفز الشعب

[mostafabakry]

با جماعة هو احنا ليه وصلنا للدرجة دي ليه مستغربين اي حد قريب الي الله و بنشوف ان الراجل دا شاذ و ازاي قادر يتقرب الي الله و ازاي بيصلي و بيتقي الله و هو لاعب كرة او اي حاجة تاني عامة غير لاعب الكرة

خلاص اصبح التقرب الي الله معجزة و محتاج لقوة هائلة

الطبيعي و المفروض ان اي مسلم انه يكون عارف ربنا كويس و يراعيه في كل اعماله و حركاته و معاملاته اليومية و المفروض ان الشاذ يكون هو العاصي و البعيد عن الله
لكن احنا قلبنا الموضوع و انا حاليا حاضر في بالي قول سيد المرسلين سيدنا محمد عليه و علي اله و صحبه الصلاة و السلام فيما معناه "سيأتي علي امتي زمان الماسك فيه علي دينه كالماسك علي جمرة من نار"

ابو تريكه انسان عادي و ان كان ملتزم و متدين فهو دا الطبيعي احنا بس اللي مكبرين الموضوع شويه و مستغربين لأننا قلما نجد شخصية مثل ابوتريكه وصلت لقدر من الشهرة و النجومية غيرت كثير ممن وصلوا لمثلها قبله من اللاعبين او في اي مجال اخر و تغيرت انفسهم و طباعهم علي عكس ابوتريكة الذي لم يتغير او يتأثر بما وصل اليه ان و ظل التواضع و الحياء هو طبعه و خلقه
طبعا ربنا وحده هو الأعلم بالنوايا ولانذكي علي الله احدا
الراجل بصراحة محترم جدا وملتزم اخلاقيا و دينيا علي الأقل امامنا في العلن و طبعا ربنا وحده يعلم ما بالصدور انا اشهد لأبوتريكه انه عمره ما حاول ان يتعمد غظهار التزامه ابدا لكن كل تصرفاته بيتبقي طبيعية و غير متكلفة
احنا اللي بنظلم الراجل و بنحمله امور هو مالوش دخل بيها
هناك لاعيبة كتير ملتزمة و محترمة بس مش معروفة لحد فينا لأن ابو تريكة بيتميز عنهم بمهاره عاليه في كرة القدم هي التي جعلت الأضواء تركز عليه و تتابع كل تصرفاته و تنقلها للناس

بس بالنسبة للأخ صاحب المقال فانا مش عارف هو ليه اصلا كتب المقال دا
هل ابوتريكه وصل لدرجة ان الناس خلاص هتعملوا مولد العارف بالله الشيخ ابوتريكة ؟؟؟
هل ابوتريكه اصبح له مقام و بيشد له الرحال مثلا ؟؟؟؟؟
هل ابو تريكة بيظهر في اي مكان كداعيه او شيخ او خطيب مثلا ؟؟؟؟

بالنسبة للإخوة اللي بيقولوا انه ما ينفعش اقتدي بلاعب كرة قدم
طبعا احنا اصلا مش محتاجين قدوة لنا في اي شئ لأن ربنا جل في علاه انعم علينا بسيد الخلق اجمعين سيدنا محمد صلي الله و سلم و بارك عليه وعلي اله و صحبة اجمعين خير قدوة و مثل و اسوة حسنة في كل نواحي الحياة الينية و الدنيويه

[عماد على2003]

والله عندك حق لاعيبه ايه اللى قدوه
فاكرين ان همه بلعبهم بيجاهدوا فى سبيل الله
اما موضوع الشيخ ابو تريكه المسئول عنه
هو المسئول عن نشر تدين ابوتريكه
دى حاجات بين العبد وربه بتبقى فى قلب
العبد مش فى صفحات الجرائد

المشرف العام
بره يا ابنى شهر المرة دى



الراجل ما غلطشى اللعيبه دى بيقبضوا فلوس بالهبل عشان
بيلعبوا يعنى مابيلعبوش لوجه الله وبعدين لو جيت للحق كل ما
يلهى عن ذكر الله فهو حرام يعنى انا ما فطرشى ولما يسالنى ربنا
يوم القيامه اقول كان عندى ماتش كوره

[yasserbasha2006]

دة راجع إلى عدم ثقتنا في أنفسنا

و في كل ما له علاقة بمصر و المصريين

عشان كدة بنقول إن الملايكة حاربت معانا

أو إن أبو تريكة راجل مبروك

[THE ZEALOT]

والله انا شايف ان الناس سمت ابو تريكه كدا من الافعال الطيبة اللى بيظهرها
وانا شايف انه مش عيب وكمان الشاب الملتزم عنوان للدين في كل مكان
بتصرفاته وافعاله وده لا يقلل من الموهبه التى يمتلكها وكمان توفيق ربنا
مهم لكل انسان في اي شغل او وقت لانه من رضا الله

[romio1975]

الراجل ما غلطشى اللعيبه دى بيقبضوا فلوس بالهبل عشان
بيلعبوا يعنى مابيلعبوش لوجه الله وبعدين لو جيت للحق كل ما
يلهى عن ذكر الله فهو حرام يعنى انا ما فطرشى ولما يسالنى ربنا
يوم القيامه اقول كان عندى ماتش كوره

هاتلى لاعب قال انه بيلعب عشان وجه الله
وبعدين ايه اللى دخل الجهاد فى سبيل الله فى لاعبى كرة القدم ؟؟

وبعدين مين قال لجنابك ان الكورة بتلهى عن ذكر الله والقيام بفرائضه اذا كنت بتحضر مباريات سواء قدم او اى لعبة اخرى كنت تشوف اللاعبين وهما بيصلوا فى ارض الملعب اذا كان فيه فرض وقت المباراة وتانى مره ما تجمعش اللاعبين كلهم تحت بند واحد

[tine]

حوار مسموم لا فائدة له علي الاطلاق
احنا مالنا ومال علاقة ابو تريكة بربة احنا بنشوف لعب كورة وده اللي لينا
ارجو عدم خلط الاوراق بين الدين والكورة