ميهوب " الوفى " يرفض اغراءات وآلاف انبى لخلافة رمزى ويقرر البقاء فى الأهلى

[romio1975]

http://www.el-ahly.com/Sitemanager/articlefiles/9490-Nile%20Sport%20-%20November%2027%2018%2058%2007.bmp



لم يخضع علاء ميهوب المدرب العام المساعد للفريق الأول للكره بالنادي للأغراءات والضغوط الماديه التي تعرض لها طوال الأسبوع الماضي من مسئولي نادي أنبي , ليترك الأهلي حاليا ويتجه لتولي مهمة مدرب فريق نادي أنبي مع مديره الفني الحالي أنور سلامه
كان مسئولي نادي أنبي قد كثفوا في الأسبوع الماضي أتصالاتهم ومفاوضاتهم مع ميهوب ليخلف هاني رمزي الذي سيتوجه لتولي مهمة المدرب العام لمنتخب مصر مع التشيكي سكوب المدير الفني للمنتخب
وعرض مسئولي أنبي علي ميهوب راتبا شهريا يساوي ثلاثة أضعاف ما يتقاضاه في الأهلي !! أضافة الي أمتيازات أخري يعرفها الجميع
ألا أن ميهوب أبلغ مسئولي أنبي بالأمس قراره النهائي في الأمر برغبته في الأستمرار في الأهلي .. مشيرا الي انه يعتبر ترك عمله مع الفريق في الوقت الحالي نوع من الخيانه وعدم الوفاء للفريق ومسئوليه .. خاصة والفريق مقبل علي مباريات هامه جدا علي الصعيد القاري والمحلي
مؤكدا أن راحته النفسيه والحب الذي يعمل به في الأهلي لا يوازية أية مبالغ ماليه .. وكان ميهوب لم يقبل العرض ذاته من أنبي في بداية الموسم الجاري
ويعتبر الأمر ليس بغريبا علي ميهوب المعروف بحبه ووفاءه الشديد جدا للنادي ومواقفه في هذا الشأن كثيره
El-Ahly.com وجماهير الأهلي تتمني لميهوب دوام التوفيق ان شاء الله مع الأهلي

[beckham_250]

والله انسان محترم

[poet]

والله انا بحسد الاهلي علي الناس المحترمه دي

اوعدنا يارب

[mostafabakry]

اهو دا اللي يتقال عليه ابن النادي بجد راجل محترم و بيعرف الأصول مع انه حقه الطبيعي انه يفكر في مصلحته لكن الراجل عارف ان الوقت مش مناسب حاليا
فرق كبير بينه و بين ناس تاني هربوا زي اللصوص و هدموا تاريخ كبير بسبب الطمع و الجشع و الخسة و الندالة

ربنا يبارك لك يا كابتن علاء و انا اتمني ان ادارة الأهلي تقدر هذا الرجل و تعوضه

[mido_taha]

والله الواحد مش عارف يقول ايه
دا فعلا ابن النادى الاهلى
والكبير كبير

[MMORTEGA2002]

هما دول الاهلوية

[beckham_250]

هما دول الاهلوية


لا متجمعش.............

الدنيا فيها وفيها

[mazaagiiii]

راجل محترم يبقي في ناديه المحترم
ولا عزاء للخونة

[aymanfekry]

يا ميهوب انت ابن النادي الاهلي ومش حاننسى انجازاتك وحبك للنادي الاهلي

[ana ahlawy]

المرو بجانب اسوار النادى الاهلى شرف لاى مواطن مصرى
فما بالكم بانسان تربى و كبر و لعب بين جدران هذا النادى

ربنا يوفقك يا كابتن علاء انت و الكابتن البدرى
اديتوا للاهلى كتير
و اتعرض عليكم تدربوا انديه تانيه باضعاف مضاعفه من الاموال
و لكن حب النادى هو الباقى
و هذا هو سبب حبنا و عشقنا لكم
و هذا هو سبب الانتصارات المتتاليه و حصد البطولات و احتكارها
هذا بالطبع كله بعد توفيق الله سبحانه و تعالى

ربنا يوفقكم ان شاء الله
و تتعوضوا خير باذن الله

[karimmaster101]

هي دي الناس المحترمه بجد

[Ahly_Egypt]

والله انا بحسد الاهلي علي الناس المحترمه دي

اوعدنا يارب



يا رب ..



هو مين رقم خمسه في الاهلي ؟! :smailes90:

[Ruud Van Nistlroy]

محترم جدا ووفي يا علاء

مع ان برضه لو كان راح انبي مكنش يبقي وحش ولا حاجة
زي ما كان ممكن بعض الناس تقول