واقع فى حيرة بين اختيار كلية صيدلة ولا طب أسنان أيهم أحسن؟؟

[مصطفى شلبى]

أشيروا على انا محتار
انا طالب ثانوية ازهرية وهكتب الرغبات يوم السبت
وواقع فى حيرة اكتب كلية الصيدلة ولا كلية طب الاسنان
فياريت من الجميع الدخول للإدلاء بالأى
هل الصيدلة ام طب الاسنان افضل بالنسبة للعمل بعد التخرج وبالنسبة لفرص العمل بالخليج
؟؟؟؟؟؟؟؟؟؟؟

[GOUTOZ]

بص الاتنين فرصهم حلوة في كل شئ لكن الأسنان أحلى من ناحية البرستيج لان في ناس بتشوف الصيدلي على انه بياع (مع احترامي لجميع الصيادلة)

لكن في رأي الأسنان أحلى

[مصطفى شلبى]

جزاك الله خيرا اخى
وانا فى انتظار مشاركة الاعضاء
وخصوصا من لهم خبرة فى هذا المجال

[elite scorpion]

الحقيقة انا مش عارف اذا كانت اسنان افضل من صيدلة في فرص العمل,لكن والدي صيدلي و عمل لمدة 12 سنة في السعودية.و له زمايل كتير بالشكل ده.ماعنديش فكرة عن اسنان بالضبط,انا اصلا اخترت طب بشري و سبت الاتنين P:

بس نصيحة أخ مجرب: الأفضل انك تقرر ايهم انسب لتفكيرك انت..هل انت ميال لمجال الصيدلة,بما فيه من تركيبات و مصطلحات,وللا طب الاسنان و التشريح و خلافه.لان ده هيفرق معاك في الدراسة.

بالتوفيق ان شاء الله

[مصطفى شلبى]

جزاك الله خيرا اخى
وكلن يس هناك فرق كبير بين المجالين وانا فعلا فى حيرة
لاى ابحث عن الاكثر راحة لى

[قطر الندئ]

السلام عليكم
الاسنان والصيدله كلهم مجاالين جيدين ولكن الاختياار يكون عليك ميول بتحب ايه اكتر التجاارب والكمياء والمختبرات والتحليل ولا التشريح والفحص والتركيب والرسم ووو على حسب ميوللك انت الي تختار وتحدد
الصيدله كتير حلوه ومطلوبه في اي مكان سواء الخليج او غيره والاسنان نفس الحكاايه
القراار بيكون عندك وانت الي تختااره ممكن اقول اسنان لانو انا ادرس اسنان
وممكن حد تاني يقوللك لالا صيدله لانو بيدرس صيدله
الاختيار بيدك وانت الي تحدده على حسب ميوللك والي تحبه انت وتفضله
أستخر واختاار وتوكل على الرحمن
بالتوفيق ...

[مصطفى شلبى]

جزاك الله خيرا اخى
بالفعل قد استخرت الله
ولكنى لا اعلم عند كتابة الرغبات اكتب صيدلة الاول ام الاسنان
اما بالنسبة لميولى فانا اشعر انى لا اميل الى واحدة اكثر من الاخرى
فقلت نسأل اهل الخبرة فى هذا المجال ربما احد يشير على بالافضل
وانا فى انتظار ردودكم وخبراتكم
وجزاكم الله خيرا لكل ما حاول الرد والمساعدة

[raw201029]

معاك محمد رايح ثانية صيدلة

صدقنى اذا كنت تريد الاستمتاع وبتحب النباتات والكيممياء

فعليك بصيدلة

وانا راى انك تصلى صلاة استخارة

وان شاء الله ربنا يوفقق الى الاحسن

وابقى طمنا عليك يا دكتور

[مصطفى شلبى]

جزاك الله خيرا اخى محمد
بالفعل صليت صلاة استخارة اكير من مرة
ولكنى لا اعلم حتى الان ابدأ الرغبات بأى
صيدلة ام اسنان ؟؟؟؟؟؟؟؟؟؟

[مصطفى شلبى]

أشيروا على انا محتاروصليت صلاة استخارة
انا طالب ثانوية ازهرية وهكتب الرغبات يوم السبت
وواقع فى حيرة اكتب كلية الصيدلة ولا كلية طب الاسنان
فياريت من الجميع الدخول للإدلاء بالأى
هل الصيدلة ام طب الاسنان افضل بالنسبة للعمل بعد التخرج وبالنسبة لفرص العمل بالخليج
؟؟؟؟؟؟؟؟؟؟؟

[Cuty_Sery]

أنا طالبة فى كلية طب

وانصحك بصراحة اذا كنت محتار ما بين صيدلة واسنان , اختار اسنان
عددهم قليل ومطلوبين , قليل منهم الى شاطر بجد , كله بيعرف يحشى ويخلع الدروس بس قليل الى شاطر فعلا ...
غير ان صيدلة يا اما عندك صيدلية , يا تشتغل فى شركة ادوية
فى سوق العمل بتلائى المنافسه قويه جدا , ولان كل الجامعات الخاصة فيها صيدلة

استخير ربنا وربنا يوفقك للخير

[nfreeman]

انا واحد من اللي انت محتار تختار بينهم

و افضل انك تدخل اسنان لأن في الوقت الحالي هي احسن بكثير

[alshoga]

الأفضل طب الأسنان من الناحية المادية

[مصطفى شلبى]

جزاكم الله خيرا
ولكن ممكن شرح اكثر عن فرص العمل المتاحة للاسنان والدراسة ومصلريف الدراسة بها
لانى سألت احد طلبة الاسنان قال لى ان مصاريفها غالية جدا وشعرت فى كلامه انه لا يريد ان ادخل اسنان . فمكن التوضيح لكيفية الدراسة ومصاريف الاسنان وما هى فرص العمل التاحة للاسنان بعد التخرج
وسؤال بالنسبة للصيدلة انا ارى ان معظم خريجى الصيدلة الذين اعرفهم بيشتغلوا بشركات الادوية مندوبين دعاية
فهل من الممكن عملهم بشركة الادوية نفسها من تركيبات ادوية وخلافة
؟؟؟؟؟؟؟؟

[مصطفى شلبى]

ممكن احد يرد على استفساراتى ؟؟؟؟؟؟؟؟

[amino622]

السلام عليكم........الطب البشري بعدو أسنان من بعد صيدلة

[halo 2]

السلام عليكم

أخي العزيز يجب ان تختار انت بنفسك فأنت صاحب القرار
مع ان هذا لا يمنع ان تأخذ رأي بعض الاشخاص لتتعرف
على السلبيات والايجابيات. ولا انصحك ان تدخل كلية معينة
لسبب مادي فلن تستطيع الابداع في مجال تخصصك. فكر
في الأمر واعرف ما هوه ميولك ولتكن لك نظرة مستقبلية.
اتمنى لك التوفيق ان شاء الله

هالو

[meezoo2008]

جزاكم الله خيرا
ولكن ممكن شرح اكثر عن فرص العمل المتاحة للاسنان والدراسة ومصلريف الدراسة بها
لانى سألت احد طلبة الاسنان قال لى ان مصاريفها غالية جدا وشعرت فى كلامه انه لا يريد ان ادخل اسنان . فمكن التوضيح لكيفية الدراسة ومصاريف الاسنان وما هى فرص العمل التاحة للاسنان بعد التخرج
وسؤال بالنسبة للصيدلة انا ارى ان معظم خريجى الصيدلة الذين اعرفهم بيشتغلوا بشركات الادوية مندوبين دعاية
فهل من الممكن عملهم بشركة الادوية نفسها من تركيبات ادوية وخلافة
؟؟؟؟؟؟؟؟


أنا معتز .. طالب بكلية طب الأسنان جامعة المنصورة رايح سنة تانية (بعد اعدادى وأولى)

أولا : مهما انا قولت أو أى حد تلنى نصحك بأى كلية فى الأخر انت اللى هتختار وهتحدد انت نفسك تدرس ايه

ثانيا : كلية طب الأسنان دراستها كويسة وممتعة وفيها عملى كتيييييير جدا إذا كنت بتحب التطبيق العملى هتنبسط فيها لكن هى مش سهلة زى ما البعض متصور ولكن اذا داومت على الحضور وزاكرت أول بأول هتجيب تقدير كويس جدا فيها بأقل مجهود لو حافظت على الحاجات اللى قولتلك عليها دى

ثالثا : زى مانت بتقول هى دراستها مكلفة جدا فعلا لكن ده كله فى مصلحتك لأن الفلوس دى انت بتدفعها فى مواد وتركيبات بتعملها للمرضى فى السكاشن فى سنة 3 و 4 (لأن السكاشن فيهم عملى بتشتغل بإيدك كأنك فاتح عيادة بالضبط بتجيب مريض وتكشف عليه وتشوف هو محتاج ايه وبتعمله على حسابك ) وده هيفيدك جدا علشان تتعلم الشغل وتبقى ايدك حساسة فى الشغل وبكده لما تتخرج هتكون عندك خبرة كويسة جدا لأنك بتشتغل بايدك فى 3 و 4 و امتياز
وكمان الكتب غالية شوية

رابعا : نظام الدراسة

طب الأسنان دراستها 5 سنين + سنة امتياز يعنى 6 سنين (اعدادى و أولى و 2 و3 و4 و امتياز)

السنة الاعدادية هى زى سنة تاهيلية بتكون فى كلية علوم وبتاخد مواد علوم 7 مواد (فيزياء و كيمياء و نبات وحيوان و الحاجات دى)

سنة أولى يبدأ مواد التخصص فمثلا عندنا فى المنصورة اخدنا فى أولى 7 مواد (4 مواد من كلية طب + 3 مواد طب أسنان) المواد دى هى الأساس الصحيح اللى هتعرف منه كل حاجة فى دراستك وهتدرسهم بعد كده بالتفصيل وهم
فسيولوجى (وظائف الأعضاء) و هستولجى (علم الأنسجة) و تشريح و كيمياء حيوية + 3 مواد أسنان : هستولوجى الفم و المواد الحيوية المستخدمة فى طب الأسنان و مورفولوجى (تشريح وصفى ) ودى بتعرف فيها الشكل الخارجى لكل سنة وابعادها ومقاساتها وبتعمل موديل شمع لكل سنة (ده فى العملى)


فرص العمل المتاحة لأطباء الأسنان كويسة جدا وخاصة فى الخليج فانت لو بتفكر تسافر بعد التخرج هتلاقى فرصتك فى طب الأسنان وكمان طب الأسنان لها مستقبل كبير ان شاء الله كما انها أفضل من الناحية المادية (صحيح دراستها بتكلفك كتير بس لو بقيت دكتور شاطر هتكسب منها كتيييييييير برضه )


وفى الأخر أحب أقولك ان انت اللى هتختار ونصيحتى ليك ادخل على موقع جلمعة الازهر وافتح كلية طب الأسنان وكلية الصيدلة وشوف المناهج ونظام الدراسة و المجال اللى تحس ان انت هتحبه وتبدع فيه اختاره على بركة الله

أسف على الاطالة تقبل تحياتى : معتز العزبى

[pinky.girl]

السلااام عليكم
انت تقريبا نفس مشكلتي انا محتارة بين الطب البشري و الصيدلة
بس عموما انا من را يي و من الي شفته ومن استفساراتي اكتشفت ان من ناحية الراحة الصيدلة اريح من الطب سواء كان اسنان او بشري بس مع هذا انا حاسة اني اريد الطب اكثر من الصيدلة بس انت اذا كنتما تميل لتخصص اكثر من الثاني فاستخير واختار الاريح
والله يوفقك