مشاهدة النسخة كاملة : حـــكاوي القهـــاوي مـــع نجـــوم الفــن فــي مصــر ... موضوع متجدد
THE LORD OF THE GRAPHIC
03-26-2006, 08:45 PM
سلام عليكم ...
النهاردة موعدكم مع البرنامج الذي لا ينتهي أبداً ..
حكاوي القهاوي ..
حلقة اليوم ح تكون في حوار ساخن مع الفنانة :
عُســرا
المذيع ح يكون أنا و الفنانة ح تكون عُسرا ...
- أهلاً و سهلاً بيك يا فنانتنا العظيمة في برنامجنا النهاردة ...
- ميرسي بوكوز ...
- Sezlupofgeyhdklfdnjkfnngjkhgdguydtfguugrew ...
- إيه ده يا حضرت ؟
- معلهش يا أستاذة , أصل أنا برد على تحيتك ليّ ..
- و معناه إيه الكلام اللي إنت قلته ده ؟
- معناه : العفو ...
- آه .. طيب ...
- أحب في بداية الأمر أسأل حضرتك : حضرتك كنتي زمان من أيام التمانينيات كنتي بتعملي أفلام حلوة منها الإغراء ... كنتي ليه بتعملي كده ؟
- و إنت مال حضرتك إنت ... إيش دخلك في الموضوع ده؟ .. و بعدين أنا باحب أعمل إغراء عشان الناس تعترف بجمالي ...
- آه و الله عندك حق ... طب .. حضرتك دلوقتي عندك كام سنة ؟
- 50 سنة ..
- ممممم ... و لما حضرتك عندك 50 سنة ؟ رجعتي للتمثيل تاني ليه ؟
- عشان عايزة أفتكر أيام زمان , قُلت بدل ما أنا قاعدة كده زي الست الوالدة قُلت أمثل و أرجع للفن تاني زي أيام زمان ...
- حضرتك أخذتي كام جايزة لحد دلوقتي ؟
- 33 جايزة .. منهم جايزة أفضل تمثيل لأفضل فيلم سينمائي نزل السنة دي ...
- أظن إسمه " حليب في المزلقان " ...
- لأ , " حرقان في المزلقان " بطولتي أنا و ساموزيت و مكدي (مجدي) جامل (كامل) ...
- في اعتقادك , ليه الفنان المحترم "مصطفى شعبان" ممثلش معاك و لا فيلم ؟
- لأنه فنان مؤدب محترم عارف مصلحته فين , و بعدين أنا مالي ما تروح تسأله يا أخي ..
- حضرتك غنيتي كام أغنية لحد دلوقت ؟
- حوالي 44 أغنية ..
- و إيه آخر أغنية بتحضرلها دلوقتي ؟
- باحضر أغنية ... اسمها " كلنا واحد " ...
- لكن دي بتاعة "سميرة سعيد" ...
- ما أنا عارفة , لكن ألحان الأغنية و كلماتها مختلفة ..
- و الأغنية دي بمناسبة إيه ؟
- بمناسبة عيد ميلادي , إنت متعرفش و لا إيه ؟
- آه و الله ما اعرفش ... حضرتك و ده أهم سؤال , اتجوزتي كام واحد لغاية دلوقتي ؟
- و الله عال .. حضرتك جايبني هنا عشان تعرف كل حاجة عن حياتي ... ؟
- لا يا افندم , إحنا عايزين نعرف عشان الجمهور يقتنع بحضرتك ...
- إذا كان كده .... و ماله .... أنا يا سيدي اتجوزت أربع رجالة , كلهم و لا مؤاخذة في الكلام , ما بيعرفوش ....
- و مين كان أولهم ؟
- أولهم كان " تختوخ أفندي " و ده كان أول واحد في حياتي و كنت بحبه جداً ... بعد كده اتجوزت ميكانيكي صايع و طلقته بعد كام شهر ... و بعدها اتجوزت "الجوهري" بتاع الكرة , عشان كده عملت مسلسل "حياة الجوهري" عشان أحكي قصة حياتي مع جوزي ... و اللي أنا مستقرة معاه دلوقتي مش ح تصدق .... "فتحي عبد الباسط قُلَّة " دة شاب محترم جداً و عنده 38 سنة بس ...
- إحنا بنشكر حضرتك جداً و ربنا ياخدك يا شيخة إلهي ينطرك في زريبة تقعدي فيها بقية حياتك ... و موعدنا مع حلقة جديدة من حكاوي القهاوي ...
- و الله لاوريك .... خُد ...
- آآآآآآآآآآآآآآآآآآآآآآآي ....
* * * * * * * * *
عاجبكم البهدلة اللي احنا فيها دي ... فريق عمل حكاوي القهاوي ...
ع العموم استنوا الحلقة القادمة ...
مع فنان آخر ........ " باســو سهيـــر ( بوسي سمير ) " ....
و شكراً ...
أحمد محمد سلامه
03-27-2006, 03:45 AM
اخ منك يا لورد يا منورنا دايما
بس ما لقتش الا الست ( عسرا ) دي بتعملي حموضه وانتفاخ وعسر هضم فعلا
الموضوع رائع يا معلم يا كبير ومستنيين بوسي سمير ( فنانه الاغراء رقم 1 حصريا علي برامج نت ) بحبه هووووووووووووووووووووووووووووووووووووووووووووووووو ووووه
THE LORD OF THE GRAPHIC
03-27-2006, 06:19 AM
أحمد محمد سلامه : متشكرين ع التثبيت يا منورنا دايماً و يا أستاذنا في الأول ....
و إن شاء الله ح نجيب باسو سهير في حكاوي القهاوي ...
THE LORD OF THE GRAPHIC
03-27-2006, 06:39 AM
إزيكم يا مشاهدين ... يا متفرجين يا معلمين .... في برنامجكم ..
حكاوي القهاوي
و دلوقتي معانا لقاء مع الفنانة الرائعة و هى من أحفاد روبي في الإغراء ... النجمة :
باسو سهير
(بوسي سمير)
http://manager.albawaba.com/img/new_sys/mediabank/8327_mb_file_df4ff.gif
- أهلاً و سهلاً بيكي يا فنانة في برنامجنا " حكاوي القهاوي " ....
- أهلاً و سهلاً ... و الله أنا سعيدة كداً (جداً) لأني في برنامكم (برنامجكم) النهارده ...
- يا خبر , ده احنا اللي أسعد و الله يا مدام ...
- آنسة من فضلك ...
- أنا آسف جداً ... حضرتك , ح ندخل في الموضوع عدل ...
- يا خبر , يا حبيبي ادخل في الموضوع على طول ...
- ماشي , حضرتك , مين اللي وجهك للأغاني .... ؟
- و الله , اللي وجهني الغيظ , كل ما اتفرج ع التلفزيون ألاقي " نانسي عجرم " بتغني و هى لابسه الجيبة فوق الركبتين و الكت ( Cut ) بقى ... و حضرتك عارف برضه إن " روبي " و " هيفاء وهبي " برضه لابسين نفس اللبس , أًعجبت بهيافء وهبي لأنها لابسة لبس لايق على كل فنانة ... قلت أغني في السكة دي ...
- ممممم ... يعني حضرتك فرحانة بالإغراء اللي إنتي عاملاه في الأغاني ؟
- أي نعم أنا فرحانة , لكن في نفس الوقت أقول إن دي مش قلة أدب , بالعكس دي ثقافة المجتمع و أظن أن الشباب المصري دلوقتي بيحبوا كده , و بعدين أنا مابعملش إغراء عشان كده , لأ أنا باعمل كده عشان أبين للناس أنا طخينة و سمينة و حلوة قد إيه ...
- أيوة أيوة , طب و حضرتك و لا مؤاخذة في السؤال ....... حضرتك ليه ما اتجوزتيش لغاية دلوقتي ؟
- لأن أنا ما بافكرش في الجواز , أنا باعمل علاقات مع 3 رجالة , في أحد بيوت الدعارة طبعاً ...
- حضرتك ممكن تدينا بياناتك في البطاقة ؟
- مش فاهمة ...
- يعني ممكن تبيني للجمهور , إسمك الحقيقي إيه و إسم أمك إيه و أبوك و كده يعني ؟
- آآآآه .. طيب .... أنا إسمي الحقيقي " باسو راس سهير " أمي إسمها " كفر الزيات " و أبويا إسمه " راس سهير عبد الجبار " و أنا ليه أخت اسمها " ماباسوش راس سهير " ... أنا اتولدت في 13 مايو 1985 م ......... ده اللي ممكن أفوله للجمهور ...
- طب ممكن تحكي لنا بقى إنتوا بتاكلوا إيه بقى و بتناموا إزاي و بتعملي علاقات إزاي و كده يعني ؟
- يااااااه ... دي قصة طويلة جداً , مش ح أقدر احكيها للجمهور ... و حياتك تخلص بقى عشان عندي كليب عايزة أصوره ...
- آه حضرتك فكرتيني بالسؤال اللي كانت عايز أسأله ... حضرتك بتحضري كليب لأغنية إيه ؟
- أنا باحضر كليب لأغنية " بعاكسه هوا " كلمات " فتحي مرعوش " و ألحان " زيد البيت زيدات " و إخراج " عبده أكشن " .... و الأغنية دي من ألبوم " يا بتاع الفول .... "
- إحنا بنشكر حضرتك جداً ع الحوار الساخن دي , و اتفضلي بقى هوينا عشان النفس ... و موعدنا معكم أيها المعلمون في حلقة جديدة من حكاوي القهاوي ...
- بقى كده ؟ .... طب اتفضل ...
- إيه اللي ح تعملي ده يا مجنونة ؟
- ده الحزام بتاع الجيبة بتاعتي , ح اخلعه و أضربك بيه ...
- يا آنسة , عيب , ما يصحش ...
- مادام عيب يبقى مافيش غير الجزمة الدبابة ....
- يالهوي ...
- خد ...
- آآآآآآآآآآآآآآآآآآآآآي ......
* * * * *
كما نرى بهدلة فريق عمل " حكاوي القهاوي " ...
كما نلتقي مع حوار ساخن مع الفنانة الكبيرة ...
" هايفة وهمي " ( هيفا وهبي )
إلى اللقاء ....
h131200
03-27-2006, 06:45 AM
هههههههههههههه
ايه الموضوع الجميل ده
وكمان في باسو سهير
سبق اعلامي بحت
مشكور يا احمد علاتثبيت لأنه يستحق
h131200
03-27-2006, 06:50 AM
ههههههههههههههههه
مفيش فيديو بالموضوع
هههههههههههههههه
بيقولك
العري في الشارع (خلاعة ) وي التلفزيون (فن)
بسرعة الحقنا
بالهايفة وهمي
nedlaroun
03-27-2006, 07:02 AM
هههههههههههههه
ايه الموضوع الجامد ده
مية مية يا ريس
THE LORD OF THE GRAPHIC
03-27-2006, 07:14 AM
h131200 : الله يخليك , متشكرين يا سيدي على المجاملة و إن شاء الله مش حتكون هايفة وهمي و بس .... ده مع كل فنانات الإغراء ...
nedlaroun : الله يخليك , و الله ده إنت اللي جامد ...
أحمد محمد سلامه
03-27-2006, 07:26 AM
اسمع يا عم اساتضافه اصاله ممنوعه لاني بحبها
THE LORD OF THE GRAPHIC
03-27-2006, 07:43 AM
متخافش , أنا أصلاً مش باعمل حوارات مع الفنانين الهادئين لأنهم مؤدبين ...
أحمد محمد سلامه
03-27-2006, 07:57 AM
متخافش , أنا أصلاً مش باعمل حوارات مع الفنانين الهادئين لأنهم مؤدبين ...
كويس يا غالي الا اصاله وبعدين انت كاتب محل اقامتك ( بلد الاصاله ) يعني بلاش بلاش اصاله بالذات
THE LORD OF THE GRAPHIC
03-27-2006, 07:59 AM
ماشي يا عم ...
h131200
03-27-2006, 10:09 AM
اسمع يا عم اساتضافه اصاله ممنوعه لاني بحبها
هههههههههههههههه
كل يغني على ليلاه
konan10
03-27-2006, 03:56 PM
موضوع جميل جدا
مع انى مش عارف الشخصيات اللى حضرتكو بتقدموها فى
البرنامج بتاعكو.
THE LORD OF THE GRAPHIC
03-27-2006, 07:22 PM
konan10 : أولاً شكراً على مرورك للموضوع الساخر ده , ثانياً الشخصيات اللي إحنا بنقدمها هى غير حقيقية و لكنها تبين حقيقة الفنانين الأصليين ...
زي " عُسرا " إحنا قصدنا هنا على " يُسرا " ...
هايفة وهمي قصدنا هنا على هيفا وهبي ...
كده يعني ..
konan10
03-27-2006, 10:17 PM
شكرا يااخى على الاهتمام والتوضيح
بس انا فعلا معرفش مين هيفا وهبى. ده اللى انا قصدته
بس سيبك انت الموضوع ذى العسل
socrat
03-27-2006, 11:42 PM
ميه ميه يا لورد والله موضوع فعلا يستاهل التثبيت
انا بقى مستنى (نانشى عجيم )
وانا هقولك فكره جت فى دماغى دلوقتى ويارب تعجبك
انت اعمل الحوار عادى بس متقولتش اسم الفنان واحنا نحاول نخمن ونعرف مين هو الفنان بس طبعا لازم تحط فى النص اى معلومه توصلنا ليه بس بطريقه غير مباشره
واذا زعلت من تدخلى فى موضعك فانا اعتذر ليك
وفى النهايه اشكرك على الموضع الجميل
jamai2005
03-28-2006, 03:20 AM
فكرة حلوة
و موضوع أحلى
هههههههه
أحمد محمد سلامه
03-28-2006, 05:02 AM
ما تستضيف كده وانت قاعد علي القهوه اي لاعيب من بتوع الفريق المسمي ( أهلي )
THE LORD OF THE GRAPHIC
03-28-2006, 06:27 AM
socrat : أولاً جزاك الله خيراً لتدخلك في الموضوع ....
لأن أنا أقصد الفكاهة فقط ... لكن حكاية إننا نعرف مين هو الفنان اللي بنعمل معاه حوار ؟ ..
استنى عليّ شوية فيها لأن أنا فعلاً كنت بافكر في كده ...
أحمد محمد سلامه : و حياتك .... أنا أهلاوي متعصب جداً و لو عملت الحوار ده ....
النتيجة : ح تبجى ليلتنا جلة متعاصة بجلة ...
h131200
03-28-2006, 08:18 AM
هو فيه فريق اسمه الاهلي ؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!
المعلم ابو دومه
03-28-2006, 08:20 AM
موضوع جميل و زى الفل
يا ريس يا محاور الكل
و هما فعلا زى قلتهم
و ان شاء الله اعملك دعوه لفرقه المعلم ابو دومه الاصليه لاحياء الموالد و افراح العواطليه
عشان تعرف الفن على اصوله :D
dr_joky
03-28-2006, 11:09 AM
موضوع جميل
ويستاهل التثبيت
ممكن تجيب لنا
المطرب العالمى
شعبان عبد الرحيم
m - 01
03-28-2006, 11:30 AM
تسلم ايديك يا لورد وفعلا مواضيعك لذيذة وساخرة وليها معنى وبانتظار مزيدك باذن الله ونحو مزيد من العطاء أخي الكريم
socrat
03-29-2006, 04:10 PM
socrat : لكن حكاية إننا نعرف مين هو الفنان اللي بنعمل معاه حوار ؟ ..
استنى عليّ شوية فيها لأن أنا فعلاً كنت بافكر في كده ...
..
اوكى يا مان
انا مستنى
أحمد محمد سلامه
03-30-2006, 01:29 PM
يا لووووووووووووووووووووووووورد فضي صندوق رسايلك الوقتي عايز ابعتلك رساهل هامه الان
يلا بسرعه الوضع في تل ابيب لا يسر
بسرعه شم بهزر فرغ صندوق رسايلك قبل ما اجيب عربيه المجاري تشيله
THE LORD OF THE GRAPHIC
03-30-2006, 02:45 PM
أوكي يا مان , أنا فضيت صندوق رسايلي ...
lionheart20000
03-30-2006, 04:36 PM
الموضوع اكثر من رائع وانا فعلا اضايقت انى مادخلتش عليه من زمان انت فنان وقلمك ابن فنان روح يا شيخ وتعالى بسرعه بمواضيع احلا واحلا.....مساء الفل يا قمر...:) :) :) :bye:
THE LORD OF THE GRAPHIC
03-30-2006, 05:05 PM
السلام عليكم ....
إن كنت هاوي أو إن كنت ناوي تسمع حكاوي تعال و اقعد على القهاوي ...
و هات كازوزة للواد بالوظة و الواد حمامه المستكاوي ...
و شيشة حمي للحاج حلمي ... و عم موسى المنيلاوي ...
و عم مرسي روح هات له كرسي ... و ارمي التماسي ...
و لما يجي خلاص ح يقعد ... قوام قوام شد الكراسي ...
و معانا النهارده فنانة متألقة ... أخذت جايزة البجر في العلم و التربية و جايزة الأوسكار في الإغراء ..
الفنانة العالمية و المحلية :
هايفة وهمي
( هيفاء وهبي )
http://img90.imageshack.us/img90/8467/hayfaawahbi0035zf.jpg
- بنرحب بيكي النهارده في برنامجنا يا فنانة يا جُمُر ( يا قمر ) إنتي ....
- أهلاً أهلاً و سهلاً ... و الله ده أنا اللي باحبكم خالص ....
- طبعاً طبعاً ... إحنا عايزين نفعيص في الموضوع عدل ....
- يعني إيه ؟ هو إنت بتتكلم ياباني ؟
- لأ , صعيدي , أنا قصدي نخش في الموضوع على طول ....
- أيوة لازم عشان عندي والله تصوير بعد البرنامج ...
- صدقينا ح نخلص على طول ....
- ماشي ....
- حضرتك إيه آخر أخبار الكليبات و الألبومات و الكلام الفاضي ده ؟
- آه , أنا إن شاء الله باحضر لكليب جديد إسمه " أنا هبلة أنا ... مافيش غيري أنا " و دي أغنية من ضمن ألبوم " أنا هبلة .... "
- و إيه كمان يا جشطة ؟
- الألبوم فيه عشر أغاني , و في أغنية ح تعجب كل المعجبين بيه و إسمها " يا بلاص العسل " ...
- آه ..... و ده ح يتصور في ترعة المحمودية إن شاء الله ؟ ...
- لأ , ح نصوره في أبو المطامير ... عزبة سُمعة ....
- و المخرج ح يكون مين إن شاء الله ؟
- عمدة العزبة , " بتاع بلاليص العسل " ....
- طب عايزين نسأل حضرتك سؤال : إيه قصدك من الكليبات دي كلها ؟ و اشمعنى يعني إختارتي الإغراء ؟
- أولاً يا أستاذ يا محترم , أنا ماقصديش الإغراء و الله , أنا قصدي أعجب الناس بجسمي ...
- أمال , إيه الحفلة اللي لمسك فيها Shaggy و باسك و رقصتو إنتو الإتنين مع بعض و قدام الناس بقلة أدب ؟
- ده صديقي و حيفضل طول عمره صديقي ...
- حضرتك مخطوبة ؟ أو متجوزة ؟
- آه , أنا مخطوبة ....
- لا حول و لا قوة إلا بالله ....
- و الله , أنا عندي تصوير و لازم أمشي كمان ...... كمان 10 دقايق ...
- و إحنا تحت جمرك يا جَمَر ....
- ميرسي ...
- حضرتك , كان ليكي علاقات قبل كده مع آخرين ؟
- آه , كان ليه علاقات مع 7 رجالة شُحُطة , مش زيك فسافيسو ...
- أنا ؟ أنا ؟
- آه , إنت ....
- طيب .... إنتهت حلقتنا من حكاوي القهاوي , و ربنا ياخد المفعوصة اللي باستضيفها دي ...
- باقولك إيه , أنا دمي فار , من ساعت ما دخلت أنا و إنت عمال تعاكس في ...
- إزاي يعني ؟ و ماله لما أعاكس فيك ؟ يعني جت عليّ أنا ؟
- آه , من ساعة ما دخلت و إنت عمال تقول لي ... يا جَمَر و يا جُمُر و يا جشطة , إنت إنسان مش محترم ....
- و الله العظيم , طيب أنا ح اخليك تمشي على إيديك و دماغك , إن ماربتكيش انا و خليتك تبطلي فن و غنا و رقص ما ابقاش اللورد .... خُدي ....
- يا بوبي جاربز Boby Garbs..... إلحقوني .... الراجل ده بيغتصبني .... آآآآآآآآآآآآآآآآآآآآآآآآه ...
* * * * * * * *
عاجبكم كده , بقى الفنانة دي تهزأني ... و تهزأ فريق العمل ....
أهو إحنا أكلّناها علقة ....
فعلاً .... زي ما قالت " أنا هبلة أنا " .....
* * * * * *
و موعدكم مع الحلقة القادمة ومع الراقص العالمي ....
مايكل خركسون
" مايكل جاكسون "
و مع حلقة جديدة من " حكاوي القهاوي " ....
MeDaNy
03-30-2006, 05:31 PM
ايه يا نجم ده الله الله فعلا موضوع رائع انت دايما كده تسكت تسكت و تطلع بمواضيع جبارة زيك يا لورد
و الله العظيم فعلا موضوع يجنن و يهوس العقل و انا مستني الباقي بفارغ الصبر
يا نجم
THE LORD OF THE GRAPHIC
03-30-2006, 05:37 PM
mostafamedany : الله يخليك .. شكراً على مرورك للموضوع , أعتقد إن كل الناس منتظرة الراجل الولية دة اللي اسمه " مايكل خركسون " ....
THE LORD OF THE GRAPHIC
03-30-2006, 07:50 PM
الله يا جماعة , إنتو نمتم و لا إيه ؟
THE LORD OF THE GRAPHIC
03-30-2006, 09:11 PM
السلام عليكم ....
إن كنت ناوي أو كنت غاوي تسمع حكاوي , تعال و اقعد عند الكحلاوي ...
و هات كازوزة للواد ناموسة و الواد حمامه المنيلاوي ...
و هات شيشة حمي للحاج حلمي , و عم مرسي روح هات له كرسي .....
و لما يجي خلاص ح يقعد ...
قوام .. قوام ..
شد الكراسي .....
و معانا النهارده اللقاء الذي ينتظره الملايين .....
لقاء مع أنحف شخصية في التاريخ ... هو رجل و لكنه إمرأة ......
إنه الفنان العالمي ... ملك البوب .... الراقص الممتاز و الطبال وراه .... الفناخ :
مايكل خركسون
" مايكل جاكسون "
لما كان أمور ... كان كده و هو صغير .... و ده أول ألبوم ليه سنة 1971 و هو صغير ...
http://upload.wikimedia.org/wikipedia/en/thumb/b/b2/Mj1971-got-to-be-there.jpg/200px-Mj1971-got-to-be-there.jpg
و لما بقى شاب حضرته .. بصوا بقى عامل زي الخنزيرة اللي عايزة تبيض ...
http://www.michaeljacksonforsale.com/picture/Smooth%20Criminal%20'Holland'.JPG
بصوا بقى , لما كبر و بقى راجل عامل زي الفرخة اللي ريحتها زي الصنان .... بقى عامل زي الولية اللي كل الرجالة بيجروا منها أول ما شافوها ...
http://www.egypty.com/images/nafeza/machail_jakson_2.jpg
بصوا بقى و النبي أبو الراجل ده .... عامل زي الخنزيرة اللي مش عايزة و لا مؤاخذه تعمل ...........
http://www.ananova.com/images/web/75651.jpg
هاه , إيه رأيكم في الشياطين الثلاثة دول ؟
عشان نعرف أكتر ....
تعالوا نسأل فنان الكل " مايكل خركسون " ....
و لكم صورة مفاجأة في نهاية اللقاء ...
* * * * * *
- أهلاً و سهلاً بالفنان " مايكل خركسون " ...
- Welcome Welcome ...
- نعم يا حضرت ؟ أنا ما بعرفش أتكلم عربي .... Ddskfdjlsjfsfsdfmgfergui ? ...
- أوه , أنا ما أرفش إنك مش أرف إنجلش ....
- و لا يهمك ....
- أشان أرد أليك .... أهلاً و سهلاً ....
- أهلاً و سهلاً , عشان ندخل في الموضوع على طول , ممكن أسأل سيادتك شوية أسئلة ؟
- إتفضل ....
- حضرتك ومن غير مؤاخذة في السؤال , إتولدت إمتى ؟
- أنا إتولدت سنة ناينتين سيكستي سيفن 1967 ....
- نعم ؟
- سنة ألف و تسئوميّة سبأة و ستين ....
- آه , و مُت إمتى ؟
- What ?
- لا ولا حاجة ... طب حضرتك سافرت البحرين إمتى ؟
- السنة إللي فاتت ( 2005 ) ...
- بس في سؤال محرج شوية ... حضرتك شافوك في سوق في البحرين في المنامة لابس النقاب و ملبس ولادك النقاب .... ممكن أعرف ليه ؟
- أنا أرف إن الناس ضهكوا أليّ أشان لابس النقاب , بس أنا كنت بأمل كده أشان أهرب من المصورين و الصهفيين ....
- آه , و حضرتك كنت بتهرب ليه ؟
- أشان ولادي ما يتخطفوش ...
- آآآآه , طب حضرتك أسلمت ؟
- و الله , أنا لسة بأفكر في الموضوع ده ...
- جاتك نيلة .... إنت لسة بتفكر , امال رايح البحرين تهبب إيه ؟ تلبس نقاب و لا جزمة ؟
ملحوظة : طبعاً الخواجة ما بيفهمش أي شتيمة مصرية ....
- لأ , أنا كنت رايح أزور أخي هناك ...
- محمد عبد العزيز ؟
- آه ...
- و حضرتك ساكن فين دلوقتي في المنامة ؟
- أنا ساكن في فيلا بسيطة عند أطراف المدينة .... و معايا أولادي ....
- حضرتك و لا مؤاخذة , إنت اتسجنت ليه ؟
- لأسباب أنا ما أكدرش أقولها ....
- ما احنا عارفين الأسباب .... إحم , المهم طلعت إمتى من السجن ؟
- بصراهة , مش فاكر ...
- آه , طيب و حضرتك سافرت البحرين ليه ؟
- عشان عائلتي سافروا إلى هناك ... قُلت أنا أيضاً أسافر إلى هناك ...
- آه , و حضرتك بتعمل إيه هناك في الوقت الحالي ؟
- أعيش حياتي الطبيئية ...
- آه , طيب حضرتك ممكن ناخد صورة ليك قبل ما تمشي ؟
- اتفضل ...
الصورة :
-
---
-----
--------
----------------
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
إيه رأيكم ؟
* ** * * * * * * * * *
فريق العمل و أنا مسخسخين من الضحك ع الصورة دي ....
عشان كده ده أول حوار لينا ينجح ...
و معادنا في حلقة جديدة و حوار جديد مع الفنانة المتألقة .... أخت روبي ....
ننسى عجرم
" ننسى : ننسى / ما نفتكرش أي شيء "
في برنامجكم المتألق دائماً : " حكاوي القهاوي " ....
أحمد محمد سلامه
03-30-2006, 10:08 PM
ايه يا ابني المطرب المسخ ده مايكل زاكسون
ده اسم صابون جديد والا ايه
THE LORD OF THE GRAPHIC
03-30-2006, 10:32 PM
أحمد محمد سلامه : لأ , ده اسم الغسيل اللي ح يتغسل بيه سافو ...
أحمد محمد سلامه
03-30-2006, 11:06 PM
يا عم الوزاره لسه ما نضفتش
يا تري مين الجديد
THE LORD OF THE GRAPHIC
03-30-2006, 11:15 PM
الجديد : ننسى عجرم و ليس نانسي عجرم ...
أحمد محمد سلامه
03-30-2006, 11:23 PM
الجديد : ننسى عجرم و ليس نانسي عجرم ...
انا اقترح تسميتها ( نانسي عقرب ) قلت ايه
THE LORD OF THE GRAPHIC
03-30-2006, 11:36 PM
قلنا توكلنا على الله ....
MeDaNy
03-30-2006, 11:37 PM
و نعم الاقتراح فعلا حتبقي حلقه جميله جدا
و الحلقه دي كمان جميله جدا
بس انا عايز اشوف الصورة اللي اتاخدت لمايكل خرستون في الاخر
THE LORD OF THE GRAPHIC
03-30-2006, 11:38 PM
حاضر تحت أمرك ....
THE LORD OF THE GRAPHIC
03-30-2006, 11:39 PM
.................................................. ...........
MeDaNy
03-31-2006, 12:00 AM
هههههههههههههههههههههههههههههههههههههههه
انا مش قادر امسك نفسي من الضحك يخرب عقلك انت فعلا مبدع انك تعمل الصورة كده
انا انضمت الي فريق التصوير اللي مكانش قاجر يمسك نفسه من الضحك
شكرا يا مبدع برامج نت
THE LORD OF THE GRAPHIC
03-31-2006, 12:03 AM
بص بقى يا أستاذ مصطفى , الصورة دي آه أنا عاملها فعلاً , بس دي لقيتها بالضبط في موقع أجنبي , رُحت حافظ الصورة و رافعها .....
ع العموم متشكرين و يسعدني إنك تنضم لفريق العمل بتاعنا ...
MeDaNy
03-31-2006, 12:42 AM
خلاص انا انضميت مش مستنيك تقول ياغالي
انت عايز حاجه يبقي فيها احمد سلامه اخويا و صاحبي و انا مكنوش موجود فيها او العكس
THE LORD OF THE GRAPHIC
03-31-2006, 06:42 AM
ماشي يا باشا ....
ahmed awaad
03-31-2006, 02:54 PM
هههههههههههههههههه
عسل و الله يا لورد
THE LORD OF THE GRAPHIC
03-31-2006, 10:21 PM
ahmed awaad : و الله دا انت اللي عسل ...
konan10
04-01-2006, 05:37 PM
من انجح البرامج اللى شفتها
واللى مشفتهاش
ومستنى الحلقة الجديدة بصابر الفرغ
jamai2005
04-01-2006, 09:39 PM
يلا يا لورد الحلقة الجديدة فين
احنا في الإنتظار يا لورد
مشكور يا لورد على الموضوع أنت فعلا مبدع
و مشكور يا مشرفنا على التثبيت
و ننتظر باقي الحلقات مع الفنانين و الفنانات المبدعين و المبدعات المحترمين و المحترمات خصوصا الراقصات
أحمد محمد سلامه
04-03-2006, 03:49 PM
ايه اخر اخبار القهوه عايز فريق عمل ليه
انا بقولك علي حاجه شغل الواد مصطفي مدني عندك يصب الشاي للزباين وعازك تذيع مباراه الزمالك الجايه علي الهوا
MeDaNy
04-03-2006, 11:02 PM
ايه اخر اخبار القهوه عايز فريق عمل ليه
انا بقولك علي حاجه شغل الواد مصطفي مدني عندك يصب الشاي للزباين وعازك تذيع مباراه الزمالك الجايه علي الهوا
شغل و قلنا ماشي اما مباره الزمالك دي انا لا يمكن اني اقبلها خالص
ياراجل هو في فريق اساسا اسمه الزمالك و لا دول اساسا بيعرفوا يلبعوا كرة قدم
THE LORD OF THE GRAPHIC
04-04-2006, 07:58 AM
أولاً ما فيش حاجة إسمها زمالك , هو عشان الزملكاوية يعتزوا بفريقهم و يغيظونا بقى عشان في حي في القاهرة إسمه الزمالك يبقى خلاص , خلاص إحنا كمان عندنا اللي أقدم من حي الزمالك ده , إسمه البنك الأهلي المصري اللي بقى له أكتر من 100 سنة ...
MeDaNy
04-04-2006, 04:30 PM
أولاً ما فيش حاجة إسمها زمالك , هو عشان الزملكاوية يعتزوا بفريقهم و يغيظونا بقى عشان في حي في القاهرة إسمه الزمالك يبقى خلاص , خلاص إحنا كمان عندنا اللي أقدم من حي الزمالك ده , إسمه البنك الأهلي المصري اللي بقى له أكتر من 100 سنة ...
شابف الكلام يا زمالكوي
أحمد محمد سلامه
04-05-2006, 05:40 AM
ايه يا عم انت وهو الزمالك مدرسه الفن والهندسه رغم انفكم
THE LORD OF THE GRAPHIC
04-05-2006, 06:55 AM
و الله عال .... ماشي يا عم أحمد .... أما نشوف يا أنتم يا إحنا ....
أحمد محمد سلامه
04-05-2006, 08:05 AM
و الله عال .... ماشي يا عم أحمد .... أما نشوف يا أنتم يا إحنا ....
واضح ان ميولك حمرا يا لورد وباين اوي
يا تري كلامي صحيح والا ايه
THE LORD OF THE GRAPHIC
04-05-2006, 08:35 AM
بص يا سيدي , ع العموم أهلاوي أو زملكاوي , إحنا هنا في منتدى و ح نفضل أصدقاء لا تعصب و لا يحزنون ....
أحمد محمد سلامه
04-05-2006, 09:44 AM
بص يا سيدي , ع العموم أهلاوي أو زملكاوي , إحنا هنا في منتدى و ح نفضل أصدقاء لا تعصب و لا يحزنون ....
بتخبي ليه حبيب خايف من ايه حبيبيي
انت باين عليك اهلاوي ومتعصب كمان بس خايف لاحطك في نافوخي
علي العموم انا عامل رأفه مع الاهلويه مساكين وغلابه
dr_islam
04-05-2006, 11:23 AM
جميل جدا والله
dr_islam
04-05-2006, 11:23 AM
ربنا يوفقك في تقديم الجديد للمنتدي
THE LORD OF THE GRAPHIC
04-05-2006, 09:27 PM
أولاً : dr_islam : شكراً لمرورك للموضوع و بارك الله فيك ...
أما عن أحمد محمد سلامه ف ح أقول له :
إحنا برضه عندنا رأفه ع الزملكاوية اللي بينطبق عليهم المثل ده :
" جت الحزينة تفرح , خدت على دماغها ! "
ahmed awaad
04-05-2006, 10:55 PM
انت اللى بتجيبه لنفسك يا سلامه
ما تخليك فى حالك تكسب
MeDaNy
04-06-2006, 12:08 AM
اهلاويه ايه اللي انت عاملهم رأفه يا ابوحميد ما بلاش بدل ما افضح الجزء التاني من كلامك معايا علي المسنجر
اهلي حديد و حيفضل طول عمرة حديد و الحمد لله انهارده كسبنا الاسماعيلي اللي اقوي من الزمالك 2 - صفر يا ابو حميد
THE LORD OF THE GRAPHIC
04-06-2006, 01:05 PM
هأو ع العموم ح نبدأ حوارنا مع نانسي عقرب حالاً ....
MeDaNy
04-06-2006, 02:38 PM
احنا مستنيين
يا لورد
نانسي عــــــــقـــــــــرب؟؟ همممممممممم!!!!!!!
نحن نتنظر بفارغ الصبر وشكرا يا لورد
THE LORD OF THE GRAPHIC
04-08-2006, 03:31 PM
تعديل بسيط ....
اللقاء مع نانسي عقرب الأسبوع القادم ...
أما الشخص الذي سيجرى اللقاء معه هو رمضان عبد الكريم ....
و خلاص .... من أول أغسطس خلاص ح اشيل بيض ...
ahmed awaad
04-08-2006, 06:47 PM
ايوه يا لورد انا مستنى على احر من الجمر
اصل موسيقار الاجيال ده مفضل جدا عندى
THE LORD OF THE GRAPHIC
04-09-2006, 09:05 AM
إن شاء الله ح يجي بفارغ الصبر ...
h131200
04-09-2006, 09:14 AM
خبر عاجل
سبب عدم عقد اللقاء مع نانسي عقرب هو
عدم شرب اللبن اللي قال عليه عمو عواد باشا
THE LORD OF THE GRAPHIC
04-09-2006, 09:21 AM
بالضبط كده ... و كمان ماسمعتش كلام ماما سامية ...
h131200
04-09-2006, 09:29 AM
حلوة ماما سامية
هههههههههههههههههه
THE LORD OF THE GRAPHIC
04-09-2006, 09:33 AM
يابني ... ماما سامية دي بتاعة برنامج عروستي ......... أصل بتقول لهم إيه :
- يا أتفالي يا حبايبي .... اثمعوا كلام ماما و بابا ... و اثربوا اللبن قبل ما تناموا ... عشان أمنا الغولة ماتجيش و تاكل ثنانكم و أبو رجل مثلوخة ما يجيش و ياخد أضراثكم ..... و تثبحوا على خيل ...
تسلم يا لورد
ننتظر المزيد
خالد الهندسة
04-09-2006, 07:34 PM
هاهاهاها
حلو أوي الموضوع ده ، وأحلى حاجة فيه انه وقع الأهلاوية في الزملكاوية ، واحنا بقى نقعد نتفرج
ياللا ياعم لورد حط بقية الحلقات ، مساءك فل
h131200
04-09-2006, 08:20 PM
انت شمتان بالحروب الاهلوية الزملكاوية ؟؟؟؟؟؟؟؟؟؟؟
هههههههههههههههه
خلي نواياك حسنة
THE LORD OF THE GRAPHIC
04-09-2006, 08:33 PM
شكلك كده و الله أعلم يا خالد إنك .......
إنبي ....
MeDaNy
04-10-2006, 12:30 AM
ايه يا لورد ننسي الموضوع و لا ايه
THE LORD OF THE GRAPHIC
04-10-2006, 08:08 PM
يا حبيبي لا أبداً .. اان خلاص بافكر بس في نهاية اللقاء ....
h131200
04-10-2006, 08:26 PM
يا لورد ايه المشكلو قوللي
لو مش قادر تعمل اللقاء قوللي
لو ناقص عليك فلوس انا مستعد اوفرلك اللي انت عايزه
لو عندك اي مشكلة قول
اسمع
انا فاضي
تعال واعمل لقاء معايا انا
انا بانفع وياما عملت لقاءات
حتى اسألك بشير ابو سته
اسمع
انا اصلا معرفش مين هو بشير ابو سته
خالد الهندسة
04-10-2006, 09:34 PM
شكلك كده و الله أعلم يا خالد إنك .......
إنبي ....
لا والله ياعم أنا آخري بتفرج من الشباك عالعيال اللي بيلعبوا كرة شراب في الشارع
واكتر حاجة بتعجبني لما تقوم خنافة بقى وتسمع ألفاظ متنقية والمطاوي تطلع والمهم اللي بيتخانق هو الجمهور يعني لامنه لعب رياضة عشان يتقوى ولامنه اتفرج وانبسط واللعيبة كل واحد روح على بيته والجمهور شرف في التخشيبة
THE LORD OF THE GRAPHIC
04-11-2006, 08:13 AM
ماشي يا جماعة ..... بص أنا محتاج نهاية للقاء .... ممكن حد يفكر في نهاية لاحسن أنا طلعت عيني في الحكاية دي ..
h131200
04-11-2006, 08:45 PM
الفرح فاضلو اسبوع
مش عايز اي مشاكل قدام سيادة الريس
والريس وافق على الفرح على اساس انه بين الناس الغلابة
وانا بحذرك
اي تهاون مش هيكون في صالحك
THE LORD OF THE GRAPHIC
04-12-2006, 08:19 AM
يعني إيه ؟ لعلمك بقى أنا باحب المناضل الشعبي رمضان عبد الكريم .... رمضان ده مش بتاع أفراح ...
h131200
04-12-2006, 09:07 AM
مناضل شعبي
ولا تشعبي ؟؟؟؟
وضح
أحمد محمد سلامه
04-13-2006, 12:15 PM
واحد شاي مع النسكافيه وسمعني قصه جديده النهارده وياريت تكون سياسيه
THE LORD OF THE GRAPHIC
04-13-2006, 01:25 PM
السلام عليكم ....
إن كنت ناوي تسمع أخوك ..... إسمعها مني نصيحة ليك و لأبوك ....
إنزل اقعد على قهوة الصعلوك ....... و اسمع معانا حكاوي أبوك ....
معانا النهارده فنان جميل جداً ... فنان يحب وطنه لدرجة 100 % ....
معانا النهارده الفنان العالمي الذي ظهر على شبكة السي إن إن و الب بي سي و الإيه بي سي
و اٌكس واي زد ... الفنان ....
رمضان عبد الكريم
"شعبان عبد الرحيم"
http://www.sharqgarb.com/img/1/shaban.JPG
صورة له هو و الرئيس حسني مبارك و هو يكرمه و يمنحه وسام الصياعة الأبدية بالإضافة إلى
مجموعة غوايش ذهبية لمرته في الصعيد ....
- أهلاً بيك أستاذ رمضان في برنامجنا النهارده ....
- يا أهلاً و سهلاً .... أهلاً بيك و بكل الساده المعجبين .....
- مال حضرتك أستاذ رمضان ؟
- أصل أنا مش مصدق نفسي , أنا فنان أفراح لأول مرة أظهر ع التلفزيون بالشكل ده ... دي الست
الوالدة في بركة السبع مش ح تصدق آني إزاي ظهرت ع التلفزيون ....
- طبعاً يا أستاذ رمضان ده شرف ليك و لينا شخصياً ....
- مين لينا دي ؟
- إحم , لينا دي معناها " us " ......... المهم , حضرتك تحب ندخل في الموضوع على طول و لا تشرب الببس بتاعك ؟
- لأ , أشرب الببس بتاعي الأول و بعدين ندخل في الموضوع ....
- إتفضل إشرب ....
و بعد الشرب ....
- قععععععععععععععع .... آنا أسف ...
ملحوظة : قعععععععععع دي معناها إن رمضان و لا مؤاخذة إتكرع ....
- لا .... و لا يهمك , ندخل بقى في الموضوع ؟
- آه , و ماله ....
- ماشي ... حضرتك مين اللي شجعك ع الغناء الشعبي ؟
- فنانين الأفراح ....
- آنهي أفراح بالضبط ؟
- الأفراح الشوراعية , الأفراح اللي حضرتك بتشوفها في العزب و الشوارع و الحواري دي ....
- آآآآآآآه ... و مين بسلامته الفنان اللي إتعلمت منه الغناء الشعبي ؟
- الفنان الكبير " هيصة و زنبليطة " .....
- دي صفة يا أستاذ ..... مش إسم .....
ملحوظة : نعتذر للألفاظ المذكورة في هذه الجملة لكن هذه هى طبيعة الفنان الشعبي !
- و أنا مال أهلي أنا ..... آبوه هو اللي سماه كده .... و هو لا مؤاخذة ح اتدخل في عقلانية أبوه ..
- على رأيك ..... طب حضرتك لما أطلقت أول ألبوم ليك ... كان إسمه على ما أعتقد ....
- " أنا باكره إسرائيل " .....
- أيوة .... أنا باكره إسرائيل , ممكن أعرف إزاي شبكة السي إن إن عملت حوزار معاك إزاي , و إزاي
حضرتك تجرأت و قلت قدام الشعب الأمريكي كله , إنك بتكره إسرائيل ؟
- يا ابني , محطة السي إن إن دي محطة محترمة جداً , مؤدبة , هو مش في حاجة إسمها الحرية
الإعلامية ؟
- آه ....
- أنا ممكن أقول مثلاً إن أنا باكره جورج بوش .... لأن أمريكا أم إسرائيل , و كنت ح أقول كده ... لكن
الراجل ده صاحب بلد أد بلدنا 3000 مرة ...... و هو أكيد اللي سمح لي أطلع في القنوات العالمية ..
- ده الريس مبارك ما يقولهاش ... تقوم إنت تقولها ؟
- و انا مالي ... ده شغل رؤساء ... مالناش دخل فيه .....
- على رأيك برضه .... طب حضرتك لما حد يرسم لك كاريكاتير مضحك زي ده ....
http://www.farfesh.com/article-images/b04330180010.jpg
حضرتك بتعمل إيه ؟
- أبداً , زي ما الحكومة مدياني حريتي أنا كمان أدي للحكومة حريتها ....
- حضرتك أنا بوافقك على كل آرائك تماماً , لآن آرائك منطقية جداً ... طب حضرتك في ختام لقاءنا , يعني لو ممكن أعرف ........
حضرتك كنت ميكانيكي قبل كده ؟
- أنا كنت ميكانيكي عند واحد إسمه شحتة .... كنت باعمل فترة كده .....
- آه ..... و حضرتك بتشتغل إيه دلوقتي ؟
- حضرتك بتهزر ؟
- ده إنتو اللي بتهزروا ...... فيه حد يا بني آدم يا جاهل يفضح نفسه قدام الناس و يقول إنه كان ميكانيكي .....
- الله ! أنا حر يا أخي ؟ ... بص إنت لو مالمتش نفسك كده ح اكون عبده مطوة .....
- طب وريني كده .... أنا كمان معايا ساطور ......
- يا نهارك إسود .... طب خد .....
- يا مامااااااااااااااااااااااااااااااااااااااااااااا ....
- خد كمان ....
- يامااااااااااااااااااااااااااااااااااااااااااااااا اااااااااااااااااااااااااااااااااااا .....
* * * * * *
شفتم يا فريق العمل ..... آديني متجبس ....
حالياً دلوقتي أنا قاعد في مستشفى السيدة لبلبة للرعاية ....
عشان في ممرضة جَمَر قاعدة في ريحي ......
و موعدنا في الحلقة المقبلة .... آه ... مع فنان جديد .....
السيدة فلفلة بنفسها " لبلبة " .....
في برنامجكم ....
حكاوي المحلاوي ....
قصدي ... آآآآآآآآآآآآآآآآآآآه ... بالراحة ع الحقنة يا ست إنتي .....
حكاوي القهاوي ......
أحمد محمد سلامه
04-13-2006, 01:30 PM
خلصنا الصبر كله خلصنا الصبر كله
THE LORD OF THE GRAPHIC
04-13-2006, 02:06 PM
إيوة و الله ... خلصنا الصبر كله ...
أحمد محمد سلامه
04-13-2006, 02:24 PM
إيوة و الله ... خلصنا الصبر كله ...
طيب ايه اللي فاضل لسه
THE LORD OF THE GRAPHIC
04-13-2006, 02:28 PM
فاضل الصبر حلو ... حلو قوي قوي ....
MeDaNy
04-13-2006, 05:05 PM
فين نانسي يا نجم
THE LORD OF THE GRAPHIC
04-13-2006, 05:19 PM
نانسي ؟ لأ , إن شاء الله بعد السيدة لبلبة ...
h131200
04-14-2006, 09:07 PM
لبلبة,,,, نانسي ,,,,,,,,,,,,عبلة,,,,,,,, عجلات
اي حاجة تفرح العيال
THE LORD OF THE GRAPHIC
04-16-2006, 07:47 AM
عيال مين ياعم ؟ دول أتفال ....
أتفال؟؟تقصد مين يا لورد؟؟
على العموم أنا متأكد أنو مش أنا
مشكور على المجهود الرائع
THE LORD OF THE GRAPHIC
04-16-2006, 08:25 PM
هأو .. إتأكد على راحتك بقى ...
h131200
04-17-2006, 09:06 PM
يلا يا باشا
THE LORD OF THE GRAPHIC
05-02-2006, 07:56 AM
الله يخليك ....
بطوط طوط
05-03-2006, 11:08 AM
جميل ومضحك جدا
MeDaNy
05-03-2006, 02:32 PM
طب و اخرتها مش حتكمل و لا ايه
THE LORD OF THE GRAPHIC
05-04-2006, 03:33 PM
مش عارف و الله يا مصطفى ؟ آديني بافكر ....
azerty
05-04-2006, 11:40 PM
chokrane akhi
THE LORD OF THE GRAPHIC
05-05-2006, 02:03 PM
العفو أخي .... azerty ....
h131200
05-06-2006, 10:45 AM
انت لسة حتفكر
THE LORD OF THE GRAPHIC
05-07-2006, 08:02 AM
و الله العظيم أنا شايف إنكم مخنوقين مني شوية لكن استحملوا أنا خلاص فكرت في الموضوع ..
Artistoo
05-07-2006, 09:02 PM
ههههههههههههههههه
موضوع قميل
abodness
05-09-2006, 07:45 PM
ههههههههه
القصص رائعة استمر
abodness
05-09-2006, 07:47 PM
ههههههههه
القصص رائعة استمر
THE LORD OF THE GRAPHIC
05-10-2006, 08:11 AM
جزاكم الله خيراً ...
خالد الهندسة
05-14-2006, 03:30 PM
طيب بعد اذنك يالورد ، انا عندي مشاركة هنا ، وهي لقاء مع الراقصة اللولبية والفنانة الحلزونية ، سكينا
المذيع : الفنانة سكينا ، اهلا وسهلا بيكي في برنامجنا
سكينا بقرف: أهلا
المذيع : هو فيه سؤال محرج شوية عاوزين نبتدي بيه
سكينا : اتفضل ، لاحياء في الفن
المذيع : ليه حضرتك لما تقدمي فقراتك بتبقي لابسة لبس يعني مش ولابد ؟
سكينا : حرام عليكو ، حرام عليكو تشنعوا على بنات الناس .
المذيع : بنشنع ايه يافندم ؟ ده كل حاجة على عينك ياتاجر ، الناس كلها بتبقى شايفة .
سكينا : بتبقى شايفة ايه ؟ تقصد ايه ان اللبس مش ولابد ؟
المذيع : يعني حضرتك بتبقي تقريبا لابسة من غير هدوم .
سكينا : يااستاذ ماتنساش ان أنا لسة محافظة على تقاليدنا الشرقية ، امال لو عملت زي الفنانات بتوع برة هتقولوا ايه ؟ احمدوا ربنا .
المذيع : بيعملوا ايه بتوع برة ؟
سكينا : لا ماقدرش اقولك ، ممكن يكون فيه ناشئة بيشوفوا البرنامج وانا بخاف على اخلاق الناشئة .
المذيع : ناشئة ؟ ياسلام ، ياسلام على الحرص على اخلاق الشباب والناشئة .
سكينا : طبعا يااستاذ ، الفن له جانب تربوي مهم قوي ، أنا عشان فنانة ملتزمة ماباديش غير الرقصة الهادفة ،وياما اتعرض علي رقصات ورفضتها لأن فيها مشاهد ساخنة والدنيا بتبقى حر.
المذيع : طيب ، فيه سؤال تاني احم احم احم ، هو سؤال يعني احم احم ...
سكينا : ايه مالك ؟ قلت لك لاحياء في الفن .
المذيع : هو بصراحة مالوش علاقة بالفن احم احم .
سكينا : ايه هو السؤال ؟
المذيع : كان فيه اسطوانة نزلت السوق من مدة كده وبيقولو يعني احم احم انك انتي اللي عاملاها
سكينا : ازاي اعملها وانا ماعنديش سي دي رايتر اصلا ؟
المذيع : لا مش قصدي ناسخاها ، قصدي يعني ........
سكينا : ولاقصدك ، هي فيها ايه يعني السي دي ؟
المذيع : لا يافندم ، دي فيها وفيها وفيها ، أنا شفتها بنفسي و ...........
سكينا : شفتها بنفسك ، ياقليل الادب ، ياعديم الرباية ، ازاي تسمح لنفسك تشوف حاجة زي دي ؟
المذيع : أنا والله شفتها عند واحد صاحبي .
سكينا : بلاش حركات المراهقين دي وقوم انجر من ادامي لحسن دمي فار .
المذيع : هو فيه ايه بس ؟
سكينا : فيها انك انت بتخدش حيائي ، وحياء المستمعين و..............
وهكذا انقلب الجاني الى ضحية والباحث عن الحقيقة الى مذنب ودمتم .
ahmed awaad
05-18-2006, 04:07 AM
طيب بعد اذنك يالورد ، انا عندي مشاركة هنا ، وهي لقاء مع الراقصة اللولبية والفنانة الحلزونية ، سكينا
المذيع : الفنانة سكينا ، اهلا وسهلا بيكي في برنامجنا
سكينا بقرف: أهلا
المذيع : هو فيه سؤال محرج شوية عاوزين نبتدي بيه
سكينا : اتفضل ، لاحياء في الفن
المذيع : ليه حضرتك لما تقدمي فقراتك بتبقي لابسة لبس يعني مش ولابد ؟
سكينا : حرام عليكو ، حرام عليكو تشنعوا على بنات الناس .
المذيع : بنشنع ايه يافندم ؟ ده كل حاجة على عينك ياتاجر ، الناس كلها بتبقى شايفة .
سكينا : بتبقى شايفة ايه ؟ تقصد ايه ان اللبس مش ولابد ؟
المذيع : يعني حضرتك بتبقي تقريبا لابسة من غير هدوم .
سكينا : يااستاذ ماتنساش ان أنا لسة محافظة على تقاليدنا الشرقية ، امال لو عملت زي الفنانات بتوع برة هتقولوا ايه ؟ احمدوا ربنا .
المذيع : بيعملوا ايه بتوع برة ؟
سكينا : لا ماقدرش اقولك ، ممكن يكون فيه ناشئة بيشوفوا البرنامج وانا بخاف على اخلاق الناشئة .
المذيع : ناشئة ؟ ياسلام ، ياسلام على الحرص على اخلاق الشباب والناشئة .
سكينا : طبعا يااستاذ ، الفن له جانب تربوي مهم قوي ، أنا عشان فنانة ملتزمة ماباديش غير الرقصة الهادفة ،وياما اتعرض علي رقصات ورفضتها لأن فيها مشاهد ساخنة والدنيا بتبقى حر.
المذيع : طيب ، فيه سؤال تاني احم احم احم ، هو سؤال يعني احم احم ...
سكينا : ايه مالك ؟ قلت لك لاحياء في الفن .
المذيع : هو بصراحة مالوش علاقة بالفن احم احم .
سكينا : ايه هو السؤال ؟
المذيع : كان فيه اسطوانة نزلت السوق من مدة كده وبيقولو يعني احم احم انك انتي اللي عاملاها
سكينا : ازاي اعملها وانا ماعنديش سي دي رايتر اصلا ؟
المذيع : لا مش قصدي ناسخاها ، قصدي يعني ........
سكينا : ولاقصدك ، هي فيها ايه يعني السي دي ؟
المذيع : لا يافندم ، دي فيها وفيها وفيها ، أنا شفتها بنفسي و ...........
سكينا : شفتها بنفسك ، ياقليل الادب ، ياعديم الرباية ، ازاي تسمح لنفسك تشوف حاجة زي دي ؟
المذيع : أنا والله شفتها عند واحد صاحبي .
سكينا : بلاش حركات المراهقين دي وقوم انجر من ادامي لحسن دمي فار .
المذيع : هو فيه ايه بس ؟
سكينا : فيها انك انت بتخدش حيائي ، وحياء المستمعين و..............
وهكذا انقلب الجاني الى ضحية والباحث عن الحقيقة الى مذنب ودمتم .
ههههههههههههههههه
مش عارف بشبه على الموضوع ده ليه
حاسس انى سمعته قبل كده
بس هو غلطان فعلا
هو مش عارف الرقاصات بيتعبوا قد ايه
اولا فى صيف او فى شتا بيلبسوا نفس اللبس
شفت يا حرام معهمش فلوس يجيبوا فلوس زياده
او يكملو اللى بيلبسوه
ثانيا
وجع الديسك يا اخويا و الروماتيزم اللى بيجيلهم بعد الرقص
هو ده شويه
ثالثا
اهى ست شريفه ما انحرفتش هنا و لا هناك يدوب من الكباريه للبيت و من البيت للكباريه
شفت التضحيات الجامده دى
و تقللى جانى حرام عليك يا راجل
دى مش لاقيه تلبس و بتطلع فى اللتلفزيون من غير هدوم
THE LORD OF THE GRAPHIC
05-18-2006, 12:04 PM
حلوة منك يا خالد قوي .....
خالد الهندسة
05-18-2006, 03:03 PM
حلوة منك يا خالد قوي .....
شكرا يااحمد وانا لم اضع هذه المشاركة الا بعد غيابك لفترة طويلة جدا ، فقلت اصحي الموضوع شوية . لكن انت الاصل طبعا ، وفي انتظار تكملتك للموضوع .
THE LORD OF THE GRAPHIC
05-18-2006, 06:45 PM
إنت برضه قوام نسيت إسمي ...
خالد الهندسة
05-18-2006, 08:25 PM
إنت برضه قوام نسيت إسمي ...
معلش ياعلي ، انت بقالك كتير غايب ، الواحد هيفتكر ايه ولا ايه ، حمدالله عالسلامة
THE LORD OF THE GRAPHIC
05-18-2006, 08:56 PM
يا عم الله يسلمك
bigone
05-22-2006, 03:10 AM
مشكووور اخي
eng-haitham
05-22-2006, 11:50 AM
هههههههههههههه
ايه الموضوع الجميل ده
eng-haitham
05-22-2006, 11:50 AM
هههههههههههههه
ايه الموضوع الجميل ده
أحمد محمد سلامه
06-03-2006, 08:15 AM
سيتم الغاء تثبيت الموضوع مؤقتا لحين تنظيم المهرجان
THE LORD OF THE GRAPHIC
06-06-2006, 05:34 PM
مهرجان إيه ؟
خالد الهندسة
06-06-2006, 06:19 PM
انت فين ياعم علي ؟ حمدالله عالسلامة
THE LORD OF THE GRAPHIC
06-06-2006, 07:42 PM
الله يسلمك .... إنت عامل إيه ؟ مبسوط و لا إيه ؟ الدنيا لذيذة معاك و بتضحك و لا إيه ؟
خالد الهندسة
06-06-2006, 08:20 PM
الله يسلمك .... إنت عامل إيه ؟ مبسوط و لا إيه ؟ الدنيا لذيذة معاك و بتضحك و لا إيه ؟
خلصت امتحانات وفقت ياعم ؟ على فكرة عديت من جنب بيتكم لما كنت في دمنهور بس الساعة 5 الفجر ، طبعا مش معقول اصحيك ولا ايييييه ؟؟؟
THE LORD OF THE GRAPHIC
06-06-2006, 08:27 PM
آه يا صايع .... و أنا كنت مفكر عندك أخلاق حميدة .... نحن تربينا على الخُلُق القويم لا على الضياعة و الصياعة .....
( ده هزار ... ههههههههههههههه )
أحمد محمد سلامه
06-07-2006, 07:52 AM
مهرجان إيه ؟
مهرجان الصيف الكبير في برامج نت الموافق 30/06/2006 لازم نعمل مهرجان صيفي علي اعلي مستوي ومحتاجين جهودكم كلها
