بحزناً اقولها ....معاك حق ياشحاته

[عودة المهاجر]

بسم الله الرحمن الرحيم


نعم وبصوت عالي اقولها معاك حق ياشحاته بركات بهذا المستوى لايستحق ان يشارك

مع منتخب مصر دي جهة نظري ارجوا من الجميع ان يشارك بصوته

عندما لعب الماتش الاول مع الزمالك قلت معلش اثاني اتاكد والان وبعد روما

اصبح ليس هناك شك بركات ارجوا من الجميع ان لايعتقد اني اقول هذا الكلام

لاني زمالكاوي لا فانا اولاً مصري ويهمني مصلحت منتخب بلدي

من سنه واكثر عندما كان ياتي ماتش الزمالك مع الاهلي واعلم ان بركات يشارك

يزداد الخوف اما اليوم ربما اصبح نقطة ضعف في الاهلي

الافضل لبركات ان يكون هذا الموسم الاخير له لكي نحتفظ جميعا بصورة

الاعب الكبير محمد بركات

[tine]

هو اداءة براي مش موفق للدرجة اللي احنا واخدين عليها
لكن ان شاء الله مع الدوري يرجع تاني زي زمان

[MMORTEGA2002]

بركات لايصلح للمنتخب المصرى ؟؟؟؟
سؤال ؟؟؟؟
مين افضل منه؟؟؟؟؟؟؟؟؟؟؟؟؟؟

الحمد لله انك زملكاوى

[el3mel]

بركات لا يصلح للمنتخب ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

طيب جبلى واحد أحسن منه ؟؟؟؟؟؟؟؟؟؟؟؟؟؟؟؟؟؟؟؟؟

[romio1975]

سؤال للأخ الزملكاوى مش المصرى زى ما بيقول

شحاته ما ضمش بركات ليه لما كان فى مستواه طوال الدور التانى للدورى الموسم الماضى لما كان ماسح كل الفرق ومنهم فريقكم بنجيلة الملعب بطول وعرض الملعب ؟؟؟؟

[LiOn_HEArT]

انا معاك فى الى انتا بتقوله

مستواه اصبح سىء

واحمد الله انه فى امم افريقيا مكنش بيلعب

واخدناها من غيره

وهندخل كاس العالم من غيره ان شاء الله

[عودة المهاجر]

بركات لايصلح للمنتخب المصرى ؟؟؟؟
سؤال ؟؟؟؟
مين افضل منه؟؟؟؟؟؟؟؟؟؟؟؟؟؟

الحمد لله انك زملكاوى


اولا فعلا الحمد لله اني زملكاوي

افضل من بركات انا شفت في الاهلي النهارده لاعب ممتاز اسمه المحمدي

واعتقد ان في الفتره الجايه هياخد مكان بركات

ارجوا اخي ان مشاعرك لاتؤثر علي رايك احنا قدام لاعب بلغة الكوره يتقال عليه العظمه كبرت

[ana ahlawy]

نعم وبصوت عالي اقولها معاك حق ياشحاته بركات بهذا المستوى لايستحق ان يشارك

مع منتخب مصر

الظاهر انك من كتر ما بتسمع تحليل فاروق جعفر (مورينهو) اثر عليك


ارجوا من الجميع ان لايعتقد اني اقول هذا الكلام

لاني زمالكاوي

الصراحه واضح انك مش زملكاوى خالص و مصرى اوى
يا صباح الوطنيه

الافضل لبركات ان يكون هذا الموسم الاخير له لكي نحتفظ جميعا بصورة

الاعب الكبير محمد بركات


مع احترامى لسيادتك
من انت حتى تحكم على لاعب بالاعتزال ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

انا من رايى شحاته يضم الاسطوره محمد ابراهيم مكان بركات
و احسن خط نص فى مصر ايمن عبد العزيز
و احمد عبد الرؤوف
و اسامه حسن
و عبد الواحد
و عبد المنصف
و شريف اشرف
و مصطفى جعفر
و الصفتى
و احمد مجدى

و تحيا مصر
و حياتك عمرنا ما هنشمها

[tine]

اولا فعلا الحمد لله اني زملكاوي

افضل من بركات انا شفت في الاهلي النهارده لاعب ممتاز اسمه المحمدي

واعتقد ان في الفتره الجايه هياخد مكان بركات

ارجوا اخي ان مشاعرك لاتؤثر علي رايك احنا قدام لاعب بلغة الكوره يتقال عليه العظمه كبرت
الشباب قصدهم في حد احسن منه في مصر مش في العالم هههه
المحمدي بيلعب في قطر :smailes104:

[MeDaNy]

يا صباح الوطنيه







هي صباح بقت وطنيه دلوقتي ولا ايه

ياعم كبر دماغك من المناقشات الي مالهاش داعي دي

بركات ملك الحركات ده مرعب الزمالكويه علشان كده عايزينه يعتزل

زيه زي متعب زي ابو تريكه زي ما فرحوا قوي لما الخاين خلع افتكروا ان احنا مافيش حراسه مرمي عندنا

زيه زي غيره نفسهم الاهلي يتدمر تدمير شامل كامل علشان نبقي زيهم ويبقي هما كده مرتاحين

العقده النفسيه عندهم بعد الماتشين بقت زياده قوي من الاهلي

[el3mel]

اولا فعلا الحمد لله اني زملكاوي



افضل من بركات انا شفت في الاهلي النهارده لاعب ممتاز اسمه المحمدي

واعتقد ان في الفتره الجايه هياخد مكان بركات


ارجوا اخي ان مشاعرك لاتؤثر علي رايك احنا قدام لاعب بلغة الكوره يتقال عليه العظمه كبرت



على فكرة أنا و أورتيجا بنسأل مين أحسن منه علشان ينضم للمنتخب المصرى ؟

المحمدى بيلعب فى منتخب قطر

جبلى واحد أحسن من بركات علشان ينضم للمنتخب المصرى ؟؟؟

[عودة المهاجر]

الواحد مش عارف يعمل اقتباس لمين ولا مين يلا نرد بصفه عامه افضل

الاخوه الي بيقولوا مين بديل بركات في المنتخب وان المنتخب من غيره وحش

طيب في غانا كان فين بركات واحنا بنقدم ملحمه في كورة القدم

والخوه الي بيقولوا اني بقول كده علشان انا زمالكاوي طيب تصدقوا اني في الكوره الي

قدام الجون الي ضيعها كنت اتمني انها تدخل ربما يستغرب البعض ولكن كلما كبر حجم المنافس

الي هوا الاهلي اكيد الزمالك هيضاعف من جهوده المره الي بعدها والرياضه تبقي اقوي

والعقده النفسيه الي عند الزمالكاويه معا اني مش شايف اي عقده نهائيا بس يلا

مقبوله اصل احنا اتهزمنا اربعه وخمسه معلش مش موضوعنا

[ana ahlawy]

هي صباح بقت وطنيه دلوقتي ولا ايه

ياعم كبر دماغك من المناقشات الي مالهاش داعي دي

بركات ملك الحركات ده مرعب الزمالكويه علشان كده عايزينه يعتزل

زيه زي متعب زي ابو تريكه زي ما فرحوا قوي لما الخاين خلع افتكروا ان احنا مافيش حراسه مرمي عندنا

زيه زي غيره نفسهم الاهلي يتدمر تدمير شامل كامل علشان نبقي زيهم ويبقي هما كده مرتاحين

العقده النفسيه عندهم بعد الماتشين بقت زياده قوي من الاهلي




صدقنى يا مدنى
كتر الفرجه على فاروق جعفر و مصطفى يونس و الغندور و قناه دريم كلها
اثرت فى معظم الزملكاويه

بيقولك حسين المحمدى احسن من بركات
و هو مش عارف ان حسين المحمدى لاعب فى منتخب قطر
و عمره ما هيدخل المنتخب المصرى لانه مستحيل اساسا لاعب يلعب لمنتخبين

و هنروح بعيد ليه ؟؟؟؟؟؟؟؟
الجمعه الجايه اول مباراه
و الاسبوع العاشر اهلى و زمالك
و قبلها مطش العوده فى افريقيا

و بركات هيدلعهم

[عودة المهاجر]

صدقنى يا مدنى
كتر الفرجه على فاروق جعفر و مصطفى يونس و الغندور و قناه دريم كلها
اثرت فى معظم الزملكاويه

بيقولك حسين المحمدى احسن من بركات
و هو مش عارف ان حسين المحمدى لاعب فى منتخب قطر
و عمره ما هيدخل المنتخب المصرى لانه مستحيل اساسا لاعب يلعب لمنتخبين

و هنروح بعيد ليه ؟؟؟؟؟؟؟؟
الجمعه الجايه اول مباراه
و الاسبوع العاشر اهلى و زمالك
و قبلها مطش العوده فى افريقيا

و بركات هيدلعهم

البديل له في الاهلي الاهلييييييييييييييييييييييييييييييييي

اما عن منتخب مصر زي مالعبنا من غيره في غانا نكمل من غيره وشحاته مابيغلبش

[ana ahlawy]

طيب في غانا كان فين بركات واحنا بنقدم ملحمه في كورة القدم

سيادتك لو ركزت فى الكلام اللى انت بتكتبه هترد على نفسك و الله
بركات كان بره المنتخب بسبب خلافاته مع شحاته افندى زى جمال حمزه بالظبط
و كان فيه لاعب اسمه احمد فتحى ربنا يشفيه
اللى كان مقعد باكات مصر كلها على الدكه

[elkorsanelmasre]

اهههههههههههههههههههه

سمك لبن طمر هندى

كلوه في الفاضي

[yasserbasha2006]

أخشى أن هذا هو تأثير الهزائم المتكررة للأبيض على جماهيره

[thematrix]

مين اللى بيقول ان بركات ميصلحش للمنتخب

انت منين يا برنس

بركات لسه مرجعش لفورمته طب و بركات منضمش سيد معوض ليه بقى ؟؟

[LiOn_HEArT]

صدقنى يا مدنى
كتر الفرجه على فاروق جعفر و مصطفى يونس و الغندور و قناه دريم كلها
اثرت فى معظم الزملكاويه

بيقولك حسين المحمدى احسن من بركات
و هو مش عارف ان حسين المحمدى لاعب فى منتخب قطر
و عمره ما هيدخل المنتخب المصرى لانه مستحيل اساسا لاعب يلعب لمنتخبين

و هنروح بعيد ليه ؟؟؟؟؟؟؟؟
الجمعه الجايه اول مباراه
و الاسبوع العاشر اهلى و زمالك
و قبلها مطش العوده فى افريقيا

و بركات هيدلعهم

لا اله الا الله

بنقول بركااااااااات مينفعششششششش منتخبببببب

ينفففففففففع محلللللى

ومحلى بس

ايه دخل الزمالك دلوقتى

فى مستواه؟؟

واخدنا غانا من غيره

وهندخل كاس العالم من غيره

ان شاء الله

[LiOn_HEArT]

أخشى أن هذا هو تأثير الهزائم المتكررة للأبيض على جماهيره

الظاهر اننا بندن فى مالطة

[misry]

واخدنا غانا من غيره



واخدنا البطولة في مصر بيه ...

الحكم عليه ليس الآن ...

[MMORTEGA2002]

اولا فعلا الحمد لله اني زملكاوي

افضل من بركات انا شفت في الاهلي النهارده لاعب ممتاز اسمه المحمدي

واعتقد ان في الفتره الجايه هياخد مكان بركات

ارجوا اخي ان مشاعرك لاتؤثر علي رايك احنا قدام لاعب بلغة الكوره يتقال عليه العظمه كبرت


اولا
الزملكاوية احباب الله

ثانيآ
انك تحكم على لاعب لعب لمده لاتتجوز 30 دقيقة وتطالب بضمه للمنتخب يبقى تفكيرك على قدك
المحمدى لاعب كويس ماشى بس احنا لسه منقدرش نحكم على مستواه الا من خلال المباريات
انما بركات مايختلفش عليه اتنين الا الزملكاوية علشان على طول مروقهم رايح جاى من ساعه ما جاه الاهلى لم يهزم من الزمالك حتى الان

ثالثآ
الكلام ده مايتقلش على بركات لان بركات من الاعبين الذين يمتزوا بانهم شعلة نشاط فى الملعب

رجع نفسك فى الكلام اللى بتكتبة او بتنقله

[LiOn_HEArT]

واخدنا البطولة في مصر بيه ...

الحكم عليه ليس الآن ...

كلامك بيأكد كلامى يا مصرى

معنى ان اخدناها مرة بيه ومرة من غيره

معنى كده ان فيه لاعيبة تسد مكانه

وعموما كل دا فى ايد شحاته

[bobman]

دي وجهة نظرك ولكن بنظرة زملكاوي
للعلم فاروق جعفر الزملكاوي قال من قبل
في برامج رياضية كثيرة ( يا بخت المدرب الي معاه بركات )

[MeDaNy]

صدقنى يا مدنى
كتر الفرجه على فاروق جعفر و مصطفى يونس و الغندور و قناه دريم كلها
اثرت فى معظم الزملكاويه

بيقولك حسين المحمدى احسن من بركات
و هو مش عارف ان حسين المحمدى لاعب فى منتخب قطر
و عمره ما هيدخل المنتخب المصرى لانه مستحيل اساسا لاعب يلعب لمنتخبين

و هنروح بعيد ليه ؟؟؟؟؟؟؟؟
الجمعه الجايه اول مباراه
و الاسبوع العاشر اهلى و زمالك
و قبلها مطش العوده فى افريقيا

و بركات هيدلعهم



قول يارب
وباذن الله حيدلعوا

بس هما يبطلوا فرجه علي المتغندر المتبندق وهما حيفموا كوره كويس قوي

[MeDaNy]

البديل له في الاهلي الاهلييييييييييييييييييييييييييييييييي

اما عن منتخب مصر زي مالعبنا من غيره في غانا نكمل من غيره وشحاته مابيغلبش


نعم وبصوت عالي اقولها معاك حق ياشحاته بركات بهذا المستوى لايستحق ان يشارك

مع منتخب مصر دي جهة نظري ارجوا من الجميع ان يشارك بصوت



قمه التناقض
مش حقول اكتر من كده والله يا ابني

[mohamed3tiea]

ياجماعه الكل عارف انو بركات ادعى الاصابه او كان مصاب منعرفش لكن اتضح انو ادعى الاصابه لانو لعب ماتش الاهلى الودى مع السكه الحديد لما كان المنتخب بيلاعب الكاميرون فى اول ماتشات البطلوه لكن سبب هروبه معرفهوش عشان كده حسن شحاته مضمهوش تانى مش عشان مستواه طبعااااااااااااااااااااااااا
زملكاوى

[عودة المهاجر]

يا جماعه دي وجهة نظر وبقولها لا نقلة من مكان ولاغيره

ياجماعه انا نفسي متاثر من نقض بركات بس دي الحقيقه

وانا بتفرج علي الماتش مع اصحابي الاهلويه كل واحد بقي بيشتم بركات

وهما اهلويه

[عودة المهاجر]

قمه التناقض
مش حقول اكتر من كده والله يا ابني



انت لسه معتقد اني متناقض

علي العموم اعتقد ان الاخ الي سأل عن البديل في الاول كان بيسأل عن البديل في الاهلي

فقولة المحمدي لعب نص ساعه واظهر مستوى كويس علي عكس بركات

وانا عارف انه مش مصري

اما عن البديل في المنتخب فقولة ان المنتخب بيكسب من غيره

خلاص الحمد لله مش زي النهارده هو سبب في دخول الجون الثاني في الاهلي

وغيره وغيره من المستوى الي ماتش ورا ماتش في هبوط

دا راي فين التناقض !!

[MeDaNy]

يا جماعه دي وجهة نظر وبقولها لا نقلة من مكان ولاغيره

ياجماعه انا نفسي متاثر من نقض بركات بس دي الحقيقه

وانا بتفرج علي الماتش مع اصحابي الاهلويه كل واحد بقي بيشتم بركات

وهما اهلويه



بالنسبه لكلمه نقد فهي تكتب بحرف ال د وليس ال ض

بالنسبه للاهلاويه الي شتموا في بركات ياريت تخليهم يشرفونا في مره هنا في المنتدي ونشوف ايه هي وجهه نظرهم ونفهمهم وجهه نظرنا ايضا في بركات و النادي الاهلي

وياريت تخلي وجهه نظرك لنفسك بعد كده مادام هي متعارضه مع الجميع وانت الوحيد الي موافق علي الفكره دي او وجهه النظر دي

[farh_1]

أنت تقصد بركات مين بالضبط علشان أنا مش واخد بالي

!!!!!!!!!!!!!!!!!

ياراجل لو مكنش بركات يلعب فالمنتخب يبقى سلامات يا منتخب

[عودة المهاجر]

بالنسبه لكلمه نقد فهي تكتب بحرف ال د وليس ال ض

بالنسبه للاهلاويه الي شتموا في بركات ياريت تخليهم يشرفونا في مره هنا في المنتدي ونشوف ايه هي وجهه نظرهم ونفهمهم وجهه نظرنا ايضا في بركات و النادي الاهلي

وياريت تخلي وجهه نظرك لنفسك بعد كده مادام هي متعارضه مع الجميع وانت الوحيد الي موافق علي الفكره دي او وجهه النظر دي


هههههههههههههههههه والله الواحد واحشه يرد ويقتبس ارائك معلش

نخش في الموضوع

بالنسبه للخطأ في الكلمه الي وسط الف هبقي اشوفها وبعدين ايه فايدة الكتابه مش توصيل وتبادل

الفهم وانت فهمة قصدي يبقي خلاص الغرض من الكتابه وصل

والله وان جيت للحق في حكاية الاهلويه الي شتموا بركات هما اساساً كرهوا من بعد السوبر

والي ينكر ان مستواه اصبح في هبوط مستمر يبقي معلش مشفش الماتشات الي فاتت

وحكاية وجهة نظر لنفسي معلش ميبقاش منتدي هو اساساً يعني ايه معني منتدي هو مش مكان لتبادل

الاراء ووجهات النظر والا هو لازما انقل الاخبار وارد لا انا لازما اقول راي وحاجه انا شايفها

وبعدين اقرأ الموضوع كامل علشان تعرف ان فيه ناس موافقاني في وجهة النظر

[Mohamed_Hamdy]

سنه واكثر عندما كان ياتي ماتش الزمالك مع الاهلي واعلم ان بركات يشارك

يزداد الخوف اما اليوم ربما اصبح نقطة ضعف في الاهلي

حبيبي مين قال ان بركات مستواه وحش
الاختلاف بين بركات من سنة ونصف وبركات الموسم ده اختلاف في واجبات اللعب ومهام المركز اللي بركات بيشغله
من سنة ونصف بركات كان بيلعب حر في التلت الهجومي
شوية شمال
وشوية يمين
وشوية في النص تحت راس الحربة ،، عشان كده كانت رؤية بركات بكثافة في منطقة جزاء المنافس بالضبط نفس دور حسين ياسر النهاردة
اما هذا العام هو يلعب بااااااااااك يمين عليه واجباااااااااات دفاعية واخرى هجومية وفي راي ومن وجهة نظري ان بركات نجح في مركزه كباك يمين رغم ان الهدف الثاني لروما النهارد خطأ تغطيته
يعني اختلاف مراكز وواجبات مش مستوى نزل او طلع !!
اتعلموووووووووووووووووها بقا

[beckham_250]

بالنسبه لكلمه نقد فهي تكتب بحرف ال د وليس ال ض

بالنسبه للاهلاويه الي شتموا في بركات ياريت تخليهم يشرفونا في مره هنا في المنتدي ونشوف ايه هي وجهه نظرهم ونفهمهم وجهه نظرنا ايضا في بركات و النادي الاهلي

وياريت تخلي وجهه نظرك لنفسك بعد كده مادام هي متعارضه مع الجميع وانت الوحيد الي موافق علي الفكره دي او وجهه النظر دي


يا اخ ميدنى بعيدا عن الموضوع


الراجل اكثر من مره


اعترف انه له اخطاء املائيه


يبقى خلاص انتهى الموضوع


مش نمسكله على الحرف

!!!!!!!!!!!!!!!

[Ahly_Egypt]

ههههههههههههههههههههههههههه

والله دي اغرب حاجه سمعتها من زمان ...

عايز محمد عبد الله ولا غانم سلطان ولا محمد ابراهيم ؟؟؟!!!!!!

[toto_na16]

وليه يحزن ؟؟؟؟؟؟؟

[mazaagiiii]

ما تكلش سمك ولا بيض
والصبح هتقوم كويس
بركات ملك الحركات

[romio1975]

حبيبي مين قال ان بركات مستواه وحش
الاختلاف بين بركات من سنة ونصف وبركات الموسم ده اختلاف في واجبات اللعب ومهام المركز اللي بركات بيشغله
من سنة ونصف بركات كان بيلعب حر في التلت الهجومي
شوية شمال
وشوية يمين
وشوية في النص تحت راس الحربة ،، عشان كده كانت رؤية بركات بكثافة في منطقة جزاء المنافس بالضبط نفس دور حسين ياسر النهاردة
اما هذا العام هو يلعب بااااااااااك يمين عليه واجباااااااااات دفاعية واخرى هجومية وفي راي ومن وجهة نظري ان بركات نجح في مركزه كباك يمين رغم ان الهدف الثاني لروما النهارد خطأ تغطيته
يعني اختلاف مراكز وواجبات مش مستوى نزل او طلع !!
اتعلموووووووووووووووووها بقا


بتقول لمين يا حمدى ؟
الأخ زملكاوى :smailes48:

[Ruud Van Nistlroy]

عروستي عروستي
الالالالالااااااااااااااااا

[Zamalek_spider]

والله بركات مش وحش قوى بس مش حلو قوى

[eng_as_14]

هو ده دايما اسلوب الاهلويه
اللي يعارضهم حتي ولو بيقول كلمه حق يبقي عدوهم واكيد لازم يكون زملكاوي !!!

ياناس الراجل مغلطش كل الحكايه الراجل بيعبر عن وجهه نظره بحياديه تامه ولا دخل الزمالك ولا قال حاجه عيب يعني
وعلي فكره دي وجهه نظر ناس كتير اوي انا اعرفهم والاهلويه منهم اكتر من الزملكاويه
وثانيا انا شايف ان المحمدي احسن منه حاليا
مش ياسر المحمدي المصري القطري ( وهو فعلا احسن من بركات كتير وصفقه انا بحسد الاهلي عليها لاني هنا في السعوديه وشفت الواد ده كتير وهو بيلعب في قطر ما شاء الله) لانه لا يجوزله يلعب لمنتخب مصر
وانما المحمدي بتاع انبي

وبعدين كفايه انه بيتهرب م المنتخب !!!
كل شويه رجلي ركبتي جنيبي شنبي ؟؟ ايه فيه ايه ؟؟ انا كنت بحب بركات جدا بس بعد اللي عمله مع المنتخب ؟؟؟
وبعدين م الباشا كان بيدرب ولعب ماتش السكه لحي والمنتخب بيلعب
وكمان كان حجته الترتان مهو لعب في معسكر المانيا علي ملعب ترتان واتدرب عليه كمان يبقي فيه ايه بقي
تبقي المساله شخصيه بينه وبين شحاته ؟ ولا ايه الحكايه ياريت حد يفسرلي ؟

[romio1975]

وبعدين كفايه انه بيتهرب م المنتخب !!!
كل شويه رجلي ركبتي جنيبي شنبي ؟؟ ايه فيه ايه ؟؟ انا كنت بحب بركات جدا بس بعد اللي عمله مع المنتخب ؟؟؟
وبعدين م الباشا كان بيدرب ولعب ماتش السكه لحي والمنتخب بيلعب
وكمان كان حجته الترتان مهو لعب في معسكر المانيا علي ملعب ترتان واتدرب عليه كمان يبقي فيه ايه بقي
تبقي المساله شخصيه بينه وبين شحاته ؟ ولا ايه الحكايه ياريت حد يفسرلي ؟

نفس اسلوب الزملكاوية فى الكلام وغسل الدماغ اللى بيعمله مواقعهم واعلامهم
بس نصيحة ليك لأنى بحترم ردودك ما تبقاش تتكلم بجهل للموضوع وبلاش تتبع غسل الدماغ من مواقعكم واعلامكم اللى للأسف كاذب

الحقيقة بتاعت بركات انا وضحتها قبل كده فى موضوع سابق بردى على الأخ ابوجريشة اللى ما شوفتلوش رد بعد ردى ده بس هكررهولك تانى احترامآ لك فقط


حسب تسلسل الأحداث بالتواريخ والمواقع الرسمية

شوقى غريب: بركات خارج الحسابات

1/1/2008 http://www.arabnet5.com/images/blank.gif

قال شوقي غريب المدرب العام لمنتخب مصر إن محمد بركات خرج من حسابات الجهاز الفني للمنتخب في كأس الأمم بسبب إصابته،

وأضاف غريب: "إصابة بركات ليست طفيفة، وسيسافر اللاعب إلى ألمانيا الأسبوع المقبل لإجراء جراحة فى الركبة لنزع المسمار المثبت فى ركبته".

وكانت التقارير المبدئية تشير إلى إمكانية شفاء بركات وعودته إلى المباريات قبل نحو عشرة أيام من انطلاق كأس الأمم الإفريقية.

ولكن الجهاز الفني للمنتخب فضل عدم إدراج اسمه في القائمة المبدئية التي سيغادرها تسعة لاعبين قبل السفر إلى غانا.

======================================

January 3, 2008

يلا كوره

بركات يغادر إلى ألمانيا لإجراء جراحة في الركبة


كتب: شريف الحناوي-

يسافر في الرابع عشر من الشهر الجاري اللاعب محمد بركات نجم وسط الفريق الأول بالنادي الأهلي يرافقه الدكتور إيهاب علي طبيب الفريق متجهين إلى ألمانيا لإجراء جراحة في ركبة اللاعب لنزع المسمار المثبت بها.

وذكر الموقع الرسمي للنادي الأهلي أن الخبير الألماني شيفر هوف أخبر الدكتور إيهاب علي في إتصال هاتفي ان بركات سوف يخضع للفحوصات الطبية احد يومى الـ14 او الـ15 من الشهر الجارى .

من جانب آخر ذكر مراسل Yallakora.com أن سيتم إعداد تقرير طبي عن تلك الفحوصات بمعية الخبير الألماني سيتم إرساله إلى الجهاز الفني للمنتخب المصري لتحديد مدى قابلية بركات للحاق بكأس الأمم الأفريقية "غانا2008" التي ستبدأ خلال الشهر الجاري.


================================================== =

بركات في ألمانيا
السبت، 12 يناير 2008 - 16:21


http://85.25.148.67/filgoal/images/NewsPics/Medium/pic_20023.jpg

بركات

قال النادي الأهلي إن محمد بركات لاعب وسط الفريق سيغادر إلى ألمانيا يوم الأحد أو الاثنين لإجراء فحوصات على الركبة.

وأضاف النادي عبر موقعه الرسمي أن بركات قد يخضع لجراحة لنزع مسمار مثبت في الركبة منذ نحو عام.

ويرافق اللاعب الدولي كل من حسام البدري المدرب العام والقائم بأعمال مدير الكرة، وطبيب الفريق إيهاب علي.


http://www.filgoal.com/arabic/News.asp?NewsID=39217

====================================



بركات يشارك فى جزء من تدريبات الفريق اليوم

20 / 01 / 2008

http://news.egypt.com/ar/images/stories/barakaaat.jpg

يخضع محمد بركات نجم الأهلى لبرنامج تأهيلى مكثف يهدف استعادة لياقته البدنية فى أسرع وقت ممكن للانضمام لتدريبات الفريق الجماعية .

وقد شارك بركات فى جزء من التدريبات اليوم وهو الجزء الخاص بالجرى حول الملعب ، ثم اجرى بعض التدريبات فى الجيمانزيوم .

وكان بركات قد عاد الى القاهرة أمس قادماً من ألمانيا حيث خضع لفحوصات طبية مكثفة على يد الخبير الألمانى شيفرهوف وأكدت الفحوصات والاختبارات التى خضع لها بركات عدم حاجته الى إجراء جراحة لنزع المسمار المثبت فى الركبة .

وسوف ينتظم بركات فى البرنامج التأهيلى لمدة أسبوع يعود بعدها الى المشاركة فى تدريبات فريقه .

ومن جانبه أكد محمد بركات أنه يشكر الله على سلامته التامة مشيراً الى أن الخبير الألمانى شيفرهوف طمأنه على سلامته وعدم وجود داعى لنزع المسمار المثبت فى الركبة وبأمكانه القيام بتدريبات علاجية تأهيلية والمشاركة على فترات بداية من مباراة السكة الحديد .

[prince_6161]

بركات لا يصلح حاليا لأن يكون في المنتخب ,,,, بس :جمال حمزة ، حسام غالى ، ليه مبيلعبوش

[xander]

روح نام يبني
هي ناقصه
بركات الي بيمسح لعيب لعيب من عندكم مينفعش يلعب ف المنتخب ؟
بتاع ايه ده
فرحانلي انت بلاعبيتكم الي متاخدين رايح جاي من طوب الارض
مش عارف ده ايه ده اصله
ويقولوا ايمن عبد العزيز واسامه حسن وعبد الواحد وباقي العيبه الي بتشيل اته تلعب
بلا وجع دماغ

[ahmed_alex214]

ببساطه شديده اللى احسن من بركات وبرقبته كمان هو اللى لعب مكانه فى كاس الامم وخدنا الكاس وهو بيلعب مكان بركات وزى ما قال الاخ صاحب الموضوع يعتزل احسن من البهدله واكل النجيل كل شويه من كل من هب ودب

[المهندس الاهلاوي]

ببساطه شديده اللى احسن من بركات وبرقبته كمان هو اللى لعب مكانه فى كاس الامم وخدنا الكاس وهو بيلعب مكان بركات وزى ما قال الاخ صاحب الموضوع يعتزل احسن من البهدله واكل النجيل كل شويه من كل من هب ودب

اه صحيح ذي البهدلة الي بيبهدهلهالكو صح يا محترم :smailes17: :smailes17:

[el3mel]

http://ahmed1.othman.googlepages.com/123.bmp

105 قالوا نعم و 7 قالوا لا

خخخخخخخخخخخخخخخخخخخخخخخخخ

[ana ahlawy]

اساسا صاحب الموضوع الزملكاوى ماله و مال الاهلى ؟؟؟؟؟؟؟؟؟
بركات يعتزل ولا لا ؟؟؟؟

انت شايف ان بركات وحش و كخه و يعتزل و المحمدى البديل بتاعه
بركات واخد احسن لاعب فى مباراه كاس السوبر يا حاج

يا ريت تفكر فى فريقك
و سونج بتاعكم محمد عبد الله

اوعى يكون قصدك محمد عبد الله هو اللى يخش المنتخب ؟؟؟؟؟؟؟؟؟

وانصحك تبص على الاستفتاء
لانه بيوضح حاجتين مهمين
1-بيبين ان وجهه نظرك غلط فى غلط
2-بيبين عدد الزمالكاويه فى مصر مقارنه بجماهير الاهلى

[nemo_spider]

بركات مستواه قل جامد فعلا يس بما ان المستوى المحلى لباقى الاندية تعبان ف هتلاقيه ان شاء الله بيتدرج ف المستوى بس بردك مش هيرجع زى ما كان لانه خلاص كبر و الاصابات بتتوالى عليه .
حكاية المنتخب ديه بتاعت حسن شحاته و مزاجه يعنى لو راضى على بركات هياخده المنتخب ولو مش راضى يبقى مش هياخده .

[نسر الشرق]

السلام عليكم ورحمة الله وبركاااته

بقالى كتير جدا جدا بتابع البرامج الرياضيه والصحف الخاصة بالاندية والصحف القومية

لم اشاااهد بنسبة 00,01 % يطالب النجم الغير عاادى محمد بركااات بالاعتزال الا فى موضوع سيادتك

لم حضرتك تحب تتكلم عن لاعب فى اخلاق النجم محمد بركات يبقى تتكلم باسلوب مقنع لانه وبكل بساطة له قاعدة جماهيريه كبيرة جدااا

وحبيبى لست انت من تطالب محمد بركات بالاعتزال وحقيقى محمد بركات لم اجدد محلل رياضى او ناقد يقلل من مستواه او يجحد عطااوؤه

ولا ينكر احد الاّن ان بركات ليس فى مستواه الطبيبعى ولكن احب اقولها لك

محمد بركات بمستواه الحالى = 12 لاعب من نااادى الزمالك ( اللى بقاله كام سنة مش عارفين ياخدو بطولة ولما ربنا كرمهم اخدو كاس مصر ) ربنا يخلى

اعتقد لو عندكم لاعب زى بركاااات ( ده لو ) يبقى تحمد ربنا وتبوسو ايدكم وش وظهر

ومن تدخل فيما لا يعنيه وجد ماله يرضيه

بالنسبة لمسئلة انضمام محمد بركات للمنتخب ( هقول لك مثال صغير بس )

محمد زيدان لم ينضم معا انه فى قمة التألق وقام حسن شحاااته باستعداء ميدو

لا تقرن اختيارات مدرب المنتخب باسباب وهمية حبيبى فهنالك اسباب اخرى

ولعلمك احسن تفتكرى بدافع عن بركات لانى اهلاوى .. لا انا مش اهلاوى بس بقولك الحق

[MeDaNy]

انا شايف ان الموضوع كله غلط من الاساس
وكلام واحد زمالكوي متعقد شويه من بركات
فقال لما اشوف الاهلاويه حيكونوا ردودهم ايه وبصراحه ماشاء الله علي الاهلاويه متفهمين الموضوع وعقليه متفتحه ماشاء الله علينا
بعد اذن الاشراف يغلق الموضوع

[romio1975]

مفيش داعى لغلق الموضوع يا مدنى
كل واحد حر يقول رأيه هنا
يعاد فتحه بعد اذنك

[عودة المهاجر]

ياجماعه انا عمري مكرهة بركات ولو كان بركات له قاعده جماهيريه كبيره

فاكيد انا واحد منهم لاني بحب بركات الاعب الخلوق الدينمو شعلة النشاط

وجهة نظري ان بركات في وجود احمد فتحي او غيره من الي شايفهم شحاته

يبقي احسن من محمد بركات الذي ظهر في مستوى لايليق بمحمد بركات

لاحظة في بعض الردود من يقول راي اهلاوي راي زمالكاوي لا والف لا

امام منتخب مصر كلنا مصريين هي طائفه وطائفه تانيه دي رياضه رياضه

ياجماعه مشاعركم اتجاه بركات هي الي بتصوت مش العقل ودا الي يفرق

اوروبا وامريكا عن مصر والعرب دائما المشاعر هي الي بتحرك العقل

[MeDaNy]

مفيش داعى لغلق الموضوع يا مدنى
كل واحد حر يقول رأيه هنا
يعاد فتحه بعد اذنك

ولايهمك يا روميو يتفتح تاني
بس سبب اغلاقه ان مش اي حد او اي شخص هو الي يحكم علي بركات
وحتي الاستفتاء مافيش اي مقارنه نهائيا
106 ل7 يعني مش عارف اقول ايه بصراحه
تحياتي لك يا ابو زينه

[shams55]

نحن نحترم وجهه النظر الزمالكاويه لاكن لنا راى اخر وهو ان بركات افضل من نص فريق الزمالك بدليل انه ضيع هدفين فى ماتش الزمالك وراس حربه الزمالك ما جتلوش فرصتين وعن حسن شحاته فهو راجل طيب لاكنه لايصلح لادارة المنتخب اقصد ادارة العزبه

[m_khlawy]

اظن نتيجه الاستفتاء هى اللى بترد عليك