هههههههههههههه الاهلى يتراجع عن مقاضاة استراسبورج

[omar19731973]

عدلى القيعى على قناة دريم سبورت يعلن ان الاهلى تراجع ايضا عن مقاضاة ستراسبورج لانة اكتشف انة بمقاضاة ستراسبورج سوف يتم معاقبة اللاعب و ايضا لان النادى الاسماعيلى عندة مجلس ادارة جديد و الاهلى عاوز يحافظ على استقرار المجلس الاسمعلاوى الجديد و العفو عند المقدرة والله فيهم الخير و كدة يبقى اتحقق الفصل الاخير من التمثيلية او الى انا افتكرة الاخير يمكن الاتفاق الى من تحت لتحت بين ادارة الاهلى و اتحاد الكورة لسة فية فصول تانية محدش يعرف
يعنى عموما بعد كف الحضرى من شحاتة و الاتحاد و كف هانى سعيد الى اجبروة على التوقيع للزمالك و دلوقتى كف حسنى عبد ربة ولسة ادارة النادى الاهلى معندهاش الا الكلمة الخالدة
الاهلى ليس طرف فى الموضوع

[Ahmed_hagazy]

المصدر؟..,

[omar19731973]

المصدر عدلى القيعى على قناة دريم سبورت فى برنامج هايد بارك الرياضة اعلنها كدة صراحة قال ان الاهلى اكتشف انة ازا قام بشكوة ستراسبورج هايضر حسنى عبد ربة و كمان علشان يحافظ على ادارة الاسماعيلى الجديدة فقرر انة بلاش يشتكى و و ما بين الخيريين حساب و العفو عند المقدرة

[AHMED HAMED HBK]

فيهم الخير

[Ahmed_hagazy]

المصدر عدلى القيعى على قناة دريم سبورت فى برنامج هايد بارك الرياضة اعلنها كدة صراحة قال ان الاهلى اكتشف انة ازا قام بشكوة ستراسبورج هايضر حسنى عبد ربة و كمان علشان يحافظ على ادارة الاسماعيلى الجديدة فقرر انة بلاش يشتكى و و ما بين الخيريين حساب و العفو عند المقدرة

و حسنه قليله تمنع بلاوى كتيرة

[elkorsanelmasre]

طيب وانتو ايه الى مزعلكو يعم احنا ناس فلوسنا كتير مش بنشحت من حد
عادى بقا

[misry]

ده يبقى اهدار للمال العام ....!!!

[yasserbasha2006]

الأهلي الأهلي الأهلي

لا تعليـــق يا حضرات

-----------------------------------

و برضه هيفضل جمهور الإسماعيلية زي ما هو

و أتحدى إنه يتغير أو موقفه يتحرك قيد أنملة

[Mohamed_Hamdy]

وبكرة الصبح هتقرأ خبر ظريف جدا ،،
استراسبورج يرسل للاهلي فلووووووووووووووووسه !!
ونامي في العسل يا حقوووووووووووووووق :smailes104:
وخلااااااص خلص الفلم وتوتة توتة خلصت الحدوتة:smailes29:

انت فييييييييييييين يا رميو ؟؟؟

[aymanfekry]

يا صاحب الموضوع لفظ الجلالة الله يكتب هكذا الله وليس بالتاء المربوطة كما كتبت ياريت تقوم بالتعديل فورا والمشرفين لفتوا نظرك قبل كده وانت مصمم على الغلط

[Ahly_Egypt]

بس يا ريت بنفع مع الاسماعيلي الصلح ده و المبدرة من الاهلي الكبير دائما


من ايام رضا و كان ماضي في الاهلي و التتش سابو يرجع للاسماعيلي لحد شيكابالا و القباني و بشير


الموضوع ببساطه لو الناس في الاسمعلية كانو اخدو حسني وراحو لمجلس الاهلي كان سيتم الاستغناء عند حسني فورا ... لاكن الاسلوب المتبع من الادارة السابقه للاسماعيلي كان حسني بتعنا بالعفيه الكلام ده مينفعش مع الاهلي

وكان لازم يدو الدرس

[Mohamed_Hamdy]

بس يا ريت بنفع مع الاسماعيلي الصلح ده و المبدرة من الاهلي الكبير دائما


من ايام رضا و كان ماضي في الاهلي و التتش سابو يرجع للاسماعيلي لحد شيكابالا و القباني و بشير


الموضوع ببساطه لو الناس في الاسمعلية كانو اخدو حسني وراحو لمجلس الاهلي كان سيتم الاستغناء عند حسني فورا ... لاكن الاسلوب المتبع من الادارة السابقه للاسماعيلي كان حسني بتعنا بالعفيه الكلام ده مينفعش مع الاهلي

وكان لازم يدو الدرس



يا ريت لو سمحت تقول كلام يعقل خصوصا الجملة الاخيرة
ويا ريت توضح من اللي اخد على اقفاااااااااااااااه قصدي اخد الدرس
ادارة الاهلي ولاا دارة الاسماعيلي
على اساس ان ادارة الاسماعيلي حصلت على حسني وهي حاطة رجل على رجل ،، وباقل مجهود .
والاساس الثاني ان الاهلي انحسب انسحاب الضعفاء من المواجهة !!
مستني التوضيح ؟؟

[عودة المهاجر]

لاتعليق غير صالح سليم مات

[thematrix]

ههههههههههه عادى بس سمعنى بقى سلام

الدنيا خربانة

و الاهلى ليس طرف فى القضية

[beckham_250]

انت فييييييييييييين يا رميو ؟؟؟
انا كنت داخل اقول انتا فين ياحنتى:smailes48::smailes48::smailes48:

[Ahly_Egypt]

يا ريت لو سمحت تقول كلام يعقل خصوصا الجملة الاخيرة
ويا ريت توضح من اللي اخد على اقفاااااااااااااااه قصدي اخد الدرس
ادارة الاهلي ولاا دارة الاسماعيلي
على اساس ان ادارة الاسماعيلي حصلت على حسني وهي حاطة رجل على رجل ،، وباقل مجهود .
والاساس الثاني ان الاهلي انحسب انسحاب الضعفاء من المواجهة !!
مستني التوضيح ؟؟


يا عم الاسماعيلي دفع للمحمين الاجانب ثمن حسني

لو انتا كنت متابع .. اتحاد الكرة طلع قال بطاقه حسني لن تزهب في اي مكان

و الاهلي لو كان عايز يعند كان عند و قف حالو

وبعدين انتا اهلاوي ولا زمالكاوي ؟؟!

لو الاداره كانت جبتلك حسني ... و عملولك معسكر في كفر البطيخ و النادي مداين ..

كنت هتقول ادارة محترمه .؟؟

[shams55]

الاهلى ليس طرف فى القضية

[AHMED HAMED HBK]

الموضوع ببساطه لو الناس في الاسمعلية كانو اخدو حسني وراحو لمجلس الاهلي كان سيتم الاستغناء عند حسني فورا ... لاكن الاسلوب المتبع من الادارة السابقه للاسماعيلي كان حسني بتعنا بالعفيه الكلام ده مينفعش مع الاهلي

وكان لازم يدو الدرس

[/QUOTE]

هههههههههه

يا سلام امال لية كل الحكاية دية

والاهلى كان منتظر ان الاسماعيلى يتأخر يوم فى دفع القسط التانى عشان هو يروح يدفع

لية كل دة

محبة فيينا

ولا عشان يستغنوا عن فلوسهم فى الاخر

[Mohamed_Hamdy]

يا عم الاسماعيلي دفع للمحمين الاجانب ثمن حسني

مش فاهم معنى الجملة دي
ايه العيب ان الاسماعيلي يوكل محامي للحصول على مبتغاه ،، وقد كااااااااان
العيب كل العيب على ادارة تنظر الى حقها يسلب ،، وتساعد بكل ما آتت من قوة وسلطة في اهداره
اقصد طبعا ادارة الاهلي للتوضيح بس

لو انتا كنت متابع .. اتحاد الكرة طلع قال بطاقه حسني لن تزهب في اي مكان

ههههههههههههه
للمرة التانية ايه لزمتها الجملة دي
على اي حااااال
على الاقل المفروض تكون عرفت انها مجرد تمثلية سيأة الاخراج بين ادارة الاهلي والاتحاد ،، عشان يسلوا بيها على السذج من الجمهور الاحمر
بدليل بعد اقل من 24 ساااااااااعة على اعلان الاتحاد عدم ارسال البطاقة الدولية لاهلي دبي الاتحاد اللي الاهلي كان يقدر يوديه في داهية لو كان تسمك بحقه وسعى اليه بعت البطاقة الدولية لاهلي دبي وكان مفيش حاجة حصلت
ابقا سلملي على الاجتماعات وتاكس رايح وتاكس جاي
وحسن حمدي ،، والخطيب ،، وبانجيد

و الاهلي لو كان عايز يعند كان عند و قف حالو

وماعندوووووووووووش ليه ،،وصلنا لمربط الفرس معندوووووووووووش ليه
طلبت قبل كده
حد يوضح لي اسباب طيبة الاهلي ورأفته وحلمه على كل من
الاتحاد اولا
حسني عبد ربه ثانيا
استراسبورج ثالثا
وبلاش سذاجة وحد يقلي مسيرة المنتخب ومصلحة اللاعب اللي لا تربطنا به اي صلة غير انه اعلن على الملأ لا ارغب في اللعب للاهلي
عشان انا هقول واشمعنى الحضري على الاقل الحضري مننا وعلينا وكان يوم ابننا وعايش وسطنا
يالا لموا بعض كده كلكم وفكروا ومحصوا وفسروا الاسباب الخفية وراء انسحاب الاهلي ورفعه الراية البيضة
مستني ومعاكم مهلة شهر :smailes104:

وبعدين انتا اهلاوي ولا زمالكاوي ؟؟!

انا اهلاوي واهلاوي جدا بس الفرق بيني وبين ناس اهلوية كتير ان ليا عقل يزن الامور عقل بشغله مش زي غيري عطيله اجازة وبيمشي مع الزفة رايحة يمين معاكم ،، رايحة شمال ورااااكم:smailes56:

لو الاداره كانت جبتلك حسني ... و عملولك معسكر في كفر البطيخ و النادي مداين ..

ومين قال اني كنت عايز حسني يجي الاهلي ولا حتى يمشي جمب السور ،، وبعدين ايه علاقة صفقة حسني بمديونية النادي
عايز تفهمني ان الاهلي لو كان جاب حسني ودفع الـ 800 الف يورو كان النادي اشهر افلاسه
هههههههههههههههه
والله العظيم انت بتقول نكت ،،
يا باااااااشا لعلمك انت بس الاهلي اشترى سيد معوض بأكثر من حسني عبد ربه دي واحدة
الاهلي منذ عام تقريبا وهو مسدد نصف ثمن حسني لستراسبورج ودفع باقي المبلغ بعد صدور حكم المحكمة الرياضية باحقية استراسبورج في حسني دي التانية
اما التالتة الاهلي عنده فائض مادي يشتري 50 زي حسني ولا تأثر في ميزانية النادي مثقال ذرة

كنت هتقول ادارة محترمه .؟؟

أه كنت بقول ادارة محترمة ،، لما كانت بتعمل لصالح النادي ،، لكن لما انحرفت قلت عليها انحرف
ومش عيب ولا جريمة انك تنتقد من اخطأ عامدا متعمدا ،، خصوصا انه لا يملك المبرر المقنع الذي ادى به الى الخطأ
لكن العيب اني اغمض عيني وامشي زي الكفيف واغني واقول ادارتنا تعيش تعيش تعيش
سواء كانت صالحة او طالحة

[Ruud Van Nistlroy]

جدع يا حمدي
انا مليش نفس اتكلم في الموضوع ده خالص
فبقرا كلامك وارفع لك القبعة_مع اني معنديش اصلا _ وخلاص

[Mohamed_Hamdy]

اه يا اخويا
اتفرج من بعيد لبعيد ،، وسبني انا اخد كل الاتهامات لوحدي
شوفت بقلي انت اهلاوي ولا زملكاوي
على آخر الزمن بقيت متهم اني عميل

[romio1975]

يعنى لا شوفنا ولا سمعنا اى خبر من اى موقع او مصدر عن الموضوع اللى فوق ده ؟؟؟

مش عارف حضرتك سمعته وشوفته لوحدك والا ايه ؟؟؟

يغلق