لاصحاب الدم الخفيف فقط

[mona_tamer81]

انا فكرت فى الموضوع ده انه( نبسط بعض ) بمعنى ده موضوع نكت يعنى كل واحد عنده نكته يحكيها ونضحك بعض وانا هبدأ بأول نكته

http://img214.imageshack.us/img214/5026/kaloshadvddj7.gif

مرة 3 أطفال راحوا محل لعب واحد بيقول للراجل: عمو عمو عايز بلونة. الراجل جاب السلم وطلع جاب له بلونة ونزل فسأل التاني: وانت عايز ايه؟ .قال له بلونة .. قال له ماقلتش ليه وانا فوق!! المهم طلع جابهاله وهو فوق سأل الولد التالت: وانت كمان عايز بلونة؟؟؟ قال له لأ... فنزل الراجل وقال له : امال عايز ايه؟. قاله عايز بلونتين

يلا بقى عاوزة اقرأ احلى نكت

[mona_tamer81]

ها فين النكت يا جماعة

خدوا ديه
مره واحد ماشى وشايل انبوبة بوتجاز قابل واحده كبيره فى السن قالها ادعيلى يا حاجه قالتلو روح يابنى ربنا يفتحها فى وشك .

[sas_159]

هههههههههه

حلوين مشكورة عالنكت الجميلة........


ممممم
النكتة .......

هاد واحد كل يوم بروح عمطعم بقلو عندك قهوة بارده ؟؟

قلو لا.......... تاني يوم عندك قهوة بااردة ؟.

قالو لا؟؟؟

تالت يوم نفس الشي

الجرسون والله انهبل ÷÷÷ قال بدي اعمل قهوة واحطها بالتلاجه...

اجا الرجال بعدها بيقلو عندك قهوة بارده ؟؟ قالو اي

قالو اوك سخنها وهاتهاااا ,,,,, << خخخخخخخخخخخخ

تقبلي مروووري

[mona_tamer81]

هههههههههه

حلوين مشكورة عالنكت الجميلة........


ممممم
النكتة .......

هاد واحد كل يوم بروح عمطعم بقلو عندك قهوة بارده ؟؟

قلو لا.......... تاني يوم عندك قهوة بااردة ؟.

قالو لا؟؟؟

تالت يوم نفس الشي

الجرسون والله انهبل ÷÷÷ قال بدي اعمل قهوة واحطها بالتلاجه...

اجا الرجال بعدها بيقلو عندك قهوة بارده ؟؟ قالو اي

قالو اوك سخنها وهاتهاااا ,,,,, << خخخخخخخخخخخخ

تقبلي مروووري

ههههههههههههههههههههه
والله وبدون مجامله زى العسل وانا ضحكت لما فطست مرسيى ليك على مشاركتك الجميلة ومتقطعش وخليك معانا باستمرار

و خد النكتة دى





عريس بيقول لعروستة لازم تعرفي ان كلمتي في البيت زي الساعه بصتلو بنظرت غضب...قالها يعني لا بتقدم ولا بتأخر.

[عبد المؤمن44]

نكت رائعة....
اقرؤو هاذي
رجل عندو فار و كلاهما مدمنان على الخمر.شربا ذات مرة حتى الثمالة وسارا في الطريق يصيحان ويقولان كلاما بذيئا اطل رجل من بيته لينهرهما فقال له السكران تعال الى هنا وتكلم ان كنت رجلا.تعرفون ماذا قال الفار"اذا كان عندك قط جيبو معاك"

[mona_tamer81]

نكت رائعة....
اقرؤو هاذي
رجل عندو فار و كلاهما مدمنان على الخمر.شربا ذات مرة حتى الثمالة وسارا في الطريق يصيحان ويقولان كلاما بذيئا اطل رجل من بيته لينهرهما فقال له السكران تعال الى هنا وتكلم ان كنت رجلا.تعرفون ماذا قال الفار"اذا كان عندك قط جيبو معاك"

ههههههههههههههههههههه
الله الله الله
جميلة جدا
والله ضحكت من قلبى
شكرا على هذه النكتة الظريفة
يا ريت متقطعش وخليك معانا باستمرار

[mona_tamer81]

على كده طلع الموضوع حلو ربنا يخليكوا وتمتعونا كده علطول واللى عنده تانى يقول ميتكسفش انتوا دمكم خفيف كفايه انكم بتتدخلوا الموضوع

[mona_tamer81]

مره 2 هتاشين فواحد بيقول للتاني شايف النملة اللي علي الجبل هناااااااااااااااااك دي التاني رد وقاله اللي واقفه ولا اللي قاعده

[mona_tamer81]

بخيل واقف فى البلكونة... ابنه جاى من بعيد يقول له بابا بابا بابا ... قاله:
يا بابه واحده كفاية

[mona_tamer81]

مرة اربع صاعيدة داخلين امتحان فاجلهم سؤال فى الامتحان وهو كام
عددارجل المعزة فكلهم سألو صاحبهم حسنين ووما كنش بيرد عليهم فالما خلص
الامتحان قالولو انتا ما قولتيلناش لية قالهم المراقب كان جنبى ومعرفتيش اطلع
المعزة

[mona_tamer81]

فين النكت يا جماعة
فين مشاركتكم

[mona_tamer81]

فين اصحاب الدم الخفيف
فين النكت يا جماعة

[mona_tamer81]

مره 2 هتاشين فواحد بيقول للتاني شايف النملة اللي علي الجبل هناااااااااااااااااك دي التاني رد وقاله اللي واقفه ولا اللي قاعده

[mona_tamer81]

مره واحد صومالي ركبه عفريت مات من الجوع

[mona_tamer81]

مره اتنين ماشيين في الصحرا ومعاهم باب طلع عليهم اسد واحد منهم حط الباب في الارض ووقف وراه ام التاني جري بيخبط علي الباب وبيقولةافتح افتح الاسد جاي ورايا

[mona_tamer81]

ايه يا جماعة هو انا هفضل اقول نكت لوحدى و لا ايه
متشاركونا
يلا

[mona_tamer81]

امراه بخيله قالت لولدها يامحمد روح اشتري ثلاثه رغيف واحد لي وواحد
لوالدك وواحد ليك وبعد ما راح الولد لشراء الرغيف طلعت الام من البلكونه
وقالت يامحمد رجع الرغيف الثالث ابوك مات

[mona_tamer81]

اشترى رجل بخيل ثلاث برتقالات، قطع الأولى فوجدها متعفنة فرماها، قطع
الثانية فوجدها متعفنة فرماها، فأطفأ النور وقطع الثالثة وأكلها

[mona_tamer81]

واحد صعيدي شايل تمساح علي كتفه قابله ظابط قاله انت يا راجل يا مجنون روح

وديه جنينه الحيوانات تاني يوم الظابط شافه شايل التمساح قاله انا مش قولتلك وديه جنينه الحيوانات قاله ماانا وديته امبارح وانهارده هاوديه الهرم

[mona_tamer81]

مرة واحد اسمى ميدو وهو نازل من شقتة والدتة سالتة رايح فين يا ميدو ماردتش عليها نزل

الشارع واحد صاحبة بيسئلة رايح فين يا ميدو بص لية وماردش وقف عند نصية الشارع وقف تاكسى وركب السواق قالة رايح فين يا ميدو رد ميدو قالوة انا ماردتش اقول لماما هاقولك انت

[mona_tamer81]

مرة واحد صعيدى اشترى بطيخة وروح وهوا مروح طالع على السلم لقة واحد نازل

اقرع
قالة: فال اللة ولا فالك

[mona_tamer81]

مره واحد مسطول بيتفرج على مطش فسمع المذيع بيقول
فى دربكه فى الدفاع وخط الوسط والهجوم ويدخل جول بدربكه
فقال ان الظاهر ان الواد دربكه ده لعيب جدا

[mona_tamer81]

مره واحد بلديتنا ضاعت منه المحفظه فبلغ وعمل محضر فالظابط قاله متقلقش هنجيبهالك من تحت الارض وهو خارج لقى ناس بتحفر عشان مترو الانفاق فقالهم ....... شدو حلكم يارجاله سوده وبسوسته

[mona_tamer81]

بلدياتنا وامريكى ويابانى عرضوهم على جهاز كشف الكدب ...... اليابانى قال : احنابنفكر نعمل انسان اآلى ونستغنى عن البشر .......... ( الجهاز ضربه )
الامريكى قال: احنا بنفكر نطلع المريخ ونعمل مسطوطنات عليه...........(الجهاز ضربه)
بلديتنا قال : احنا بنفكر ... لسه مكملِِِِِش ........(الجهاز ضربه

[mona_tamer81]

مسؤ ل كبير يفتتح حمام سباحه كبير فى سوهاج فكان مدير الحمام بيشرحله مميزات الحمام فقال : ده يا افندم المنط العشرين متر اطلع يا محمدين نط فنط
وده يا فندم المنط الاربعين متر اطلع يا حسنين نط فنط
فقال المسؤل هايل هايل
قال المدير : ولسه كمان يا فندم لما نملاه ميه !!!!!!!

[mona_tamer81]

مره 3 بلديتنا فتحو محل بيتزا سموه بيتزا هععععععععععععع

[mona_tamer81]

مره واحد راح يفسح مراتو فى جنينه الحيوان وصورها جنب قفص القرد وعلق الصوره على الحيطه وكاتب هذه صوره مراتى مع القرد علما بان مراتى التالته على اليمين !!!!!!!!!!!!!!!!!!!!!!!!!!

[mona_tamer81]

مره واحد كان مسطول ومش شايف ادامو وشارب ومروح متأخر فى حدود الساعه 2 بيخبط الباب اختو فتحتلو قام لطشها بالقلم وقالها: كنتى فين لحد دلوقتى

[mona_tamer81]

مره واحد كان تعبان قوى وقاعد فى العربيه مرهق فقال انام شويه عشان انا جعان نوم فرجع كرسى العربيه ورا ونعس واحد خبط على ازاز العربيه وقالو لو سمحت الساعه كام ؟ قالو الساعه 2
وقفل الازاز ولسه هينعس واحد تانى خبط على الازاز قالو لو سمحت الساعه كام قالو اتنين وعشره
.......ولسه هينعس واحد تانى ساله هو الساعه كام قال اتنين وربع وقام متعصب وكتب ورقه مكتوب فيها(معيش ساعه ) وعلقها على الازاز ولسه هينعس واحد خبط على الازاز وقالو اتنين ونص ؟!؟!؟

[mona_tamer81]

مره واحد بلديتنا كان بيدهن الحيطه فقالولو متحط جرنال تحتك قالهم : مش مهم انا كده طايل

[mona_tamer81]

مره واحد بلديتنا قال لابوه انا عاوز موبايل قالو : موافق بس بشرط ... تركب اخواتك معاك

[mona_tamer81]

مدرس بيسأل تلميذ الثعلب بيبيض ولا بيولد ؟ التلميذ : اصل التعلب ده مكار يا استاذ ممكن يعمل كل حاجه

[mona_tamer81]

اتنين سكرانين ماشيين فى الشارع لقو عمود نور..
واحد قعد يخبط عليه فصاحبه قاله دة باين مافيش حد..
قاله إزاى ده النور منور

[mona_tamer81]

مرة الجماعة بلدياتناعملوا اجتماع يناقشوا فيه تأخرهم العلمي.
فقام واحد بيقول : أمريكا طلعت القمر قبلنا واحنا قاعدين
قام رد عليه واحد: خلاص احنا
لازم نطلع الشمس.
فقالوا: احنا كدة هنسيح
رد عليه: يا غبي احنا هانطلعها بالليل.

[mona_tamer81]

واحد أشترى عربية بالكمبيوتر فلما عدى التسعين قال الكمبيوتر "بعد التسعين
تعمل حادثة..احذر. "ففرح الراجل وفضل يزود فى السرعة والكمبيوتر يحذره لغايه
ما وصل إلى 180. كيلو فصاح الكمبيوتر"يخرب بيتك نزلني هنا"

[mona_tamer81]

بخيل وهو بيموت قعد يسال علي عياله.. فين محمد؟؟ قال محمد نعم يابا.. وفين محمود؟ رد محمود وهو بيعيط انا هنا يابا.. الاب: ايه ده؟ انتم الاتنين هنا وسايبين نور الصالة قايد

[mona_tamer81]

واحد عند دكتور العيون... فالدكتور بيسأله... تقدر تميز العلامات اللي في اللوحة دي؟؟؟ قاله طبعا.. بس هي فين اللوحة؟؟؟؟؟؟؟؟؟

[mona_tamer81]

دى بقى اخر واحد النهاردة و يا ريت تشاركونا
يلا تصبحوا على خير

جماعة صعايدة بينضفوا الحيطة بالمية... الكهرباء مسكت في واحد منهم قعدوا يشدوه و يضربوه عشان يبعد عن الحيطة.. وفي الاخر ودوه المستشفى وكانت نتيجة تقرير الطب الشرعى: سبب الوفاة.. ضرب أفضى الى موووووووت

[antivirusman]

مشكورة mona_tamer81 ومنورة موضوعك والله :)



مرة واحد شرب قهوة ... الزباين وقفت في زوره

في يوم من الأيام كان في اتنين متجوزين
ومرت السنين والسنين والسنين والسنين
وقامت بينهم مشكله كبير ة أوي أوي أوي
وكل واحد بيفكر ينتقم من التاني
فراح الزوج إلى الشيطان يستشيره
قاله الشيطان حل معجبوش وقاله أنا عاوز واحد تاني
جه الشيطان وشوشه بحل تاني
الراجل فرح واتبسطت أوي ومشي
وراحت الزوجة للشيطان وقالتله المشكله
وشوشها
وقالها حل
قالتله لأ مش حلو
قعد وفكر
وفكر
وبعدين وشوشها تاني وقالها حل تاني
قالتله لأا مش حلو
جلست قليلا وفكرت
وبعدين وشوشت الشيطان
اتنطر من مكانه
ولون وجهه اتخطف
وقالها حرام عليكي
يا شيخه خافي ربنا

[antivirusman]

كان في أثنان تأخرو عن المدرسه سأل ألأستاذ ألطالب ألأول لماذا تأخرت قال حلمت أنني مسافر وسأل ألثاني وانت أيش أخرك قال حلمت أني أودعه

[antivirusman]

واحد أهبل اتصل على مطعم وقال عندكم عشاء قال العامل عندنا قال: طيب ليه ماعزمتونيش؟

[ftoooshaaa]

هاهاهاهها مشكورين على النكت الحلوة فرفشنا شوي

[فريد زيزو]

http://www.viafy.com/uploads/1bac2a9e4b.gif (http://www.viafy.com)

[mona_tamer81]

مشكورة mona_tamer81 ومنورة موضوعك والله :)



مرة واحد شرب قهوة ... الزباين وقفت في زوره

في يوم من الأيام كان في اتنين متجوزين
ومرت السنين والسنين والسنين والسنين
وقامت بينهم مشكله كبير ة أوي أوي أوي
وكل واحد بيفكر ينتقم من التاني
فراح الزوج إلى الشيطان يستشيره
قاله الشيطان حل معجبوش وقاله أنا عاوز واحد تاني
جه الشيطان وشوشه بحل تاني
الراجل فرح واتبسطت أوي ومشي
وراحت الزوجة للشيطان وقالتله المشكله
وشوشها
وقالها حل
قالتله لأ مش حلو
قعد وفكر
وفكر
وبعدين وشوشها تاني وقالها حل تاني
قالتله لأا مش حلو
جلست قليلا وفكرت
وبعدين وشوشت الشيطان
اتنطر من مكانه
ولون وجهه اتخطف
وقالها حرام عليكي
يا شيخه خافي ربنا


هههههههههههههههههههه
بجد جميلة جدا
مع انك ظالم الستات
بس و الله فطست على نفسي من الضحك
اهلا بيك و يا ريت تتواصل معانا ثانيا

[mona_tamer81]

كان في أثنان تأخرو عن المدرسه سأل ألأستاذ ألطالب ألأول لماذا تأخرت قال حلمت أنني مسافر وسأل ألثاني وانت أيش أخرك قال حلمت أني أودعه


هههههههههههههههههههه
و الله ظريفة اوى
اهو كدة النكت و لا بلاش

[mona_tamer81]

واحد أهبل اتصل على مطعم وقال عندكم عشاء قال العامل عندنا قال: طيب ليه ماعزمتونيش؟
حلوة اوى يا انتى فيروس مانانت بالذات متخرجش من الموضوع ده
انت منور الموضوع بجد بنكتك الجميلة
شكرا ليك

[mona_tamer81]

هاهاهاهها مشكورين على النكت الحلوة فرفشنا شوي

شكرا على مرورك اخى الكريم
لو عندك نكتة قلها و و شاركنا و متتكسفش
و لو معندكش خليك معانا هتسمع كل يوم نكت جميلة
اهلا بيك معانا

[mona_tamer81]

http://www.viafy.com/uploads/1bac2a9e4b.gif (http://www.viafy.com)


أهلا استاذ
فريد زيزو
الحمد لله ان الموضوع عجبك
يا رريت لو تزورنا من وقت للتانى
و لو تستطيع تشاركنا طبعا ده شئ يشرفنا
شكرا ليك

[mona_tamer81]

نبتدى شوية نكت
و يا ريت اللى عنده حاجة يقولها


مره واحد قاعد مع خطيبته وماسك ايديها قالها انتي حد مسك ايدك قبلي قامت حطت راسها في الارض بيقولها انتي زعلتي قالتله لا باعدهم

[mona_tamer81]

في مرة واحد بلع قشرة موز قامت زحلقت معدته
وفي مرة واحد بلع بشكير قام نشف ريقه
وفي مرة واحد راح حب رجع مطحون
ههههههههه

[mona_tamer81]

اتنين صعايدة قاعدين مع بعض فى القطر فا واحد بيقول للتانى ضحكت ع الكمسرى قالو ازاى قالو مر 15 مرة ما دفعتش الا 12 مرة بس

[mona_tamer81]

مره واحد بخيل كان بيغرق ففى واحد جنبه قال له انقذك وتدينى ريال البخيل قله ب ب ب ب بريزه

[mona_tamer81]

واحد ركب اوتوبيس قعد جنب واحد

شويه وجه الكمسري يقول للراجل اللي جانبه تذاكر قاله ابونيه

فماخدش منه فلوس.... فصاحبنا عجبته الفكرة قوى

ركب مرة تانية مع مراته و ابنه

فالكمسري قاله تذاكر قاله انا ابونيه و دي ام نيه و ده نيه بذات نفس

[mona_tamer81]

واحدة واقفة فى بلاكونة فوقعت من البلاكونة وهى بتقع مسكها واحد المانى فبتقولة اى حاجة هتطلبها هعملهالك قالها هاتى (بوسة) قالتلة انت قليل الادب فسابها تقع مسكها واحد فرنسى فقالتلة اطلب اى حاجة هعملهالك قالها هاتى (بوسة) قالتلة انت قليل الادب فسابها قالت لو كان زمانى بوستة كان انقذ حياتى فمسكها واحد مصرى فقالتلة اديك بوسة بس انقذنى قالها( استغفر الله العظيم)وسابها

[mona_tamer81]

مره واحده بتسال الخدامه الجديده انت بتحبي القطط قالت

ماتقلقيش يا ستى انا ممكن اكل اي حاجه

[mona_tamer81]

واحد سافر لعند صديقه الى افريقيا لما وصل عزمو ينام عندو ساله تدغدا معي ولا مع القطه قلو

كيف بدك انا اتغدا مع القطه طبعان لا بتغدا معك وفي المساء قلو بتشرب الشاي معي ولا مع القطه لامعك ولما بدهم ينامو قلو بتنام معي ولا مع القطه قلو لا معك وفي الصباح خرج للحمام فشاف وحده حلوه كثير سالها شواسمك قالت اسمي قطه وسالته انت شو اسمك قلها انا اسمي الحمار

[mona_tamer81]

واحد بيقول لخطيبته: أنا مش غني ولا عندى مرسيدس ويخت زى محمود ، لكن أنا

بحبك من كل قلبى. قالتله: وانا كمان بحبك بس احكيلى أكتر عن محمود

[mona_tamer81]

ميكانيكى بيسألوه مين مطربك المفضل صاحبنا رد قال

هامر دياب ودودج وسوف ومازدا الرومى وتاكسى عجرم

[mona_tamer81]

مره تلاته تايهين في الصحرا وهم ماشيين لقوا فانوس سحري دعكوا الفانوس طلعلهم عفريت وقاللهم ليكم 3طلبات الاول قال انا عوز اروح اسكندريه واعوم في الميه راح العفريت وداه والتاني قال انا عاوز اروح بيتنا وادخل تحت الدش راح العفريت وداه والتالت بص حواليه لقي نفسه لوحده قال انا عاوز الاتنين اللي كانو معايا دلوقتي

[mona_tamer81]

مره سواق تاكسي قاعد علي السرير مراته دخلت عليه وردت الباب وراها رد وقالها.....افتحي الباب واقفليه تاني

[mona_tamer81]

فى مسابقة بين ثلاثة أشخاص ,المسابقة كانت إنهم يعدوا البحر ويطلعوا الجبل و يقتلوا الغوريلا و يتجوزوا

الأميرة ... اول واحد غرق فى البحر ، ثانى واحد عدا البحر لكن وقع من فوق الجبل...أما الثالث (كان غبى شوية) عدا البحر وطلع الجبل وقتل الأميرة ..... و أتجوز الغوريلا

[mona_tamer81]

بخيل مسافر بالقطار هو والحمار بتاعة جة الكمسرى بيلف على التذاكر البخيل قال لةّّ.انا بكام

والحمار بكام رد الكمسرى وقال انت بخمسة جنية وهو بااربعة جنية رد البخيل وقال ادينى تذكرتين حمير

[mona_tamer81]

واحد بلدياتنا دخل جنينة الحيوانات ودخل راسه في قفص الاسد، الحارس جري عليه قاله انت بتعمل ايه، قاله

ايه يابا يعني هناكله

[mona_tamer81]

مرة واحد بلدياتنا عرف ان الجلد موضة

مشى عريان

[mona_tamer81]

مرة ثلاثة غابوا من المدرسة فبيسألهم المدير غبتو ليه

الأول: انا ابويا وامي كانوا بيلعبوا ماتش كورة وانا واقفلهم حكم
الثاني : انا امي كانت بتغسل البلاط فشايل ابويا علشان ميتزحلقش
الثالث : انا كان ابويا وامي بيتخانقو وكنت بناولهم الشباشب

[mona_tamer81]

مرة واحد صعيدى كسب مليون جنيه فالناس قعدوا محتارين وخايفين يقولوا لحسن

يموت مالصدمة فجه العمدة وقالهم انا اللى هاقوله فقاله يامحمدين لو كسبت مليون جنيه هاتعمل ايه راح رادد عليه وقاله هاديك نصهم ياعمدة راح العمدة مات

[mona_tamer81]

مسطول راح المحكمه القاضى بيسأله انت متجوز مين؟قاله متجوز واحده ست
القاضى:انت بتهرج هو فى حد بيتجوز واحد راجل

المسطول:اه اختى

[mona_tamer81]

واحد مسطول ماشى فى الشارع قابل واحد قاله ازيك يا محمد انت اتغيرت اوى يا محمد عنيك ووشك وشكلك

اتغير قوى يا محمد رد عليه وقاله انا مش محمد قاله ياه وكمان غيرت اسمك

[mona_tamer81]

فى يوم المراة العالمى اجتمع 3 ستات واحدة امريكية والتانية فرنسية والتالتة صعيدية , قالوا لازم نحبب رجالتنا فينا ونعرفهم قيمتنا فاتفقوا محدش فيهم هيقوم بواجبات البيت لمدة اسبوع ويتقابلوا بعدها يعرفوا النتيجة .


بعد اسبوع ..........
الامريكية : اضربت عن شغل البيت ومشفتش حاجة اول يومين لكن بعد كدة جة صالحنى واتاسفلى .
الفرنسية : اضربت عن شغل البيت ومشفتش حاجة اول يومين لكن بعد كدة جة وجابلى ورد وقالى انا هاعمل كل حاجة .
الصعيدية : اضربت عن شغل البيت ومشفتش حاجة اول يومين لكن بعد كدة ابتديت اشوف بعنيا اليمين شوية بشوية

[mona_tamer81]

مره واحد بلديتنا دخل كوفى شوب وطلب واحد شاى الجرسون جاب له الشاى

وقاله اتفضل يا بيه الشاى اهوه والسكر بره رد عليه بلديتنا وقاله بره ليه حرام عليك الجو برد قوى خليه يتفضل جوه هنا

[mona_tamer81]

مرة اثنين محكوم عليهم بالاعدام واحد رخم والتانى لا

فقالوا لكل واحد يتمنى امنية فالاول طلب يشوف امة فطلب الرخم ان اللى جمبى مايشوفش امة

[mona_tamer81]

مره اتنين قاعدين مع بعض فواحد قال للتانى انا بردان من التكييف
التانى قالو انا حسين من مصر

[mona_tamer81]

مره طيار معاه مجانين عملين دوشه فقال للمساعد بتاعه روح سكتهم بعد شويه

مسمعلهمش صوت فقال للمساعد عملت فيهم ايه قاله فتحتلهم الباب يلعبوا بره

[mona_tamer81]

ولد مغلّب مدرس الجغرافيا معاه ليه؟؟؟؟؟؟؟

عاوز يعرف خط الاستواء ده كليك ولا موبينيل

[mona_tamer81]

وحده حامل راحت تولد الدكتور طلع اول طفل ضربه على ظهره وحطه على جمب جه وطلع التانى وحطه على جمب

بيطلع التات ما رضيش يطلع قال للممرضه تعالى كملى انتى انا تعبت قام بص الطفل التالت وقالها الراجل اللى بيضرب العيال مشى ولا لسه

[mona_tamer81]

مرة اتنين اغبية قاعدين مع بعض واحد بيقول للتانى هو ابوك مستكبر كدة لية

اليومين دول قالة لية هو عمل اية رد وقالة من ساعة ما مات ما بقاش يعدى يسلم زى الاول

[tarek1990]

مرة واحد مجنّد بالجيش قاعد يلعب بقنبلة يدوية ,يلحشها من إيد لأيد
أجه صحبه قله : ما بتخاف تنفجر؟
قله: لأ,معي غيرها





خخخخخخخخخخخخخخخ
(فهيّم ما شاء الله)

[mona_tamer81]

واحد راكب عربية صغيرة جدا ماشى بيها فى شارع صغير و و احد تانى راكب عربية كبيرة جدا وكل واحد عاوز يعدى من الشارع حدثت خناقة كبيرة ..

.المهم صاحب العربية الصغيرة بكل فخر قال لصاحب العربية الكبيرة:انت عارف العربية دى فيها ايه رد و قالوه لا قلوه العربية دى فيها عفريت قالو ورينى كده دعك العربية طلع منها عفريت كبير وقال:شبيك لبيك تطلب ايه قالو 2شاى و جاب الشاى المهم صاحب العربية الكبيرة أشترى العربية الصغيرة مقابل الكبيرة ودعك العربية بعد ما أشتراها و طلع العفريت قال صاحب العربية انا عاوز دهب وفلوس و عربيات زد العفريت:انا بعمل شاى بس

[mona_tamer81]

واحد واقف أمام محل عصير وممعهوش غير 25 قرش قال

أشرب عصير ولا أركب الأوتوبيس؟؟ لو ركبت الأوتوبيس يا هقف يا هقعد، لو وقفت مش مشكلة لو قعدت هقعد جنب راجل أو ست، لو راجل مش مشكلة لو ست يا هتبقي حلوة أو وحشة، لو وحشة مش مشكلة لو حلوة هطلبها للجواز، لو رفضت مش مشكلة لو وافقت هدفع لها مهر وشبكة وهتخلف عيال ياخدو فلوسي ويطلَّعو عيني، وعلى إيه أشرب عصير أحسن

[mona_tamer81]

جماعة بيحششوا ... فجت كبسه... كل واحد اسـتخبه في شوال جه الظابط

ضرب الشوال الاول برجله خرج واحد منهم و اعد يكاكي وعمل نفسه فرخه ضرب التاني خرج واعد يدن وعمل نفسه ديك ضرب التالت مخرجش ضربه تاني مخرجش ضربه جامد المره دي خرج وقال له شوال بطاطس بطاااااااطس انت مابتفهمش

[mona_tamer81]

واحد و هوا بيموت بص لمراتة بصه رومانسيه

و قالها لما اترفدت كونتي معايا و لما عييت وقفتي جنبي ولما فلست برضوا كونتي معايا وى دلوقتى لسا جنبي مسك ايدها بحنيه و قالها مش عاريف ليه حاسيس انك نحس

[mona_tamer81]

اتنين مساطيل راكبين عربية خبطوا واحد

فالسائق بيقول للى جمبه انزل شوفة مات
ولا لسة قاله السكران التانى تعالى يمين شوية..أيوه.. شمال شوية.. أطلع
قدام... بس كده مات

[mona_tamer81]

مرة اثنين بلدياتنا في الجيش فالصول بيسال الاول

ايه ده؟ رد عليه قاله: قله البندجيه يافندم...
قال له : قله بندجية ايه ياهريدي دي وطنك دي امك.
فراح للعسكري التاني قاله ايه دي قاله دي ام هريدي يا فندم

[mona_tamer81]

كل يوم النمر ينزل في الأرنب ضرب و يقول له إنت ودانك طويلة ليه. اشتكى

الأرنب للأسد و قال له على تصرفات النمر معاه.الأسد قال للنمر يا أخي إتلكك
للأرنب بطريقة أحسن من كده، قول له هات لى جزر، إذا جاب لك جزر لونه أصفر
إضربه و قول له أنا عاوز جزر أحمر، و إذا جاب لك جزر أحمر إضربه و قول له
أنا عاوز جزر أصفر. فقال النمر للأرنب أنا عاوز جزر، فقال له الأرنب، عاوز
الجزر أصفر و لا أحمر.النمر نزل في الأرنب ضرب و قال له إنت ودانك طويلة ليه

[mona_tamer81]

مرة إتنين مساطيل راكبين عربية

فواحد قال للتانى : حاسب قدامك شجرة
فالتانى مردش عليه فعلى صوته شوية :.قدامك شجرة
برضه مردش عليه فقاله : حاسب قداااامك شجرررر .. طاخ
خبطوا فى الشجرة فطلع من العربية و قاله .. مش قلتلك قدامك شجرة ؟؟؟
فالتانى رد عليه : و أنا أعملك إيه مش إنت إلى سايق ؟؟؟

[mona_tamer81]

مرة واحد صعيدى بيقول لابوة انا عايز فتراك


الاب/لا لازم تتجوز بنت عمك
الابن/ يابا فتراك دى مربى
الاب/ لا برضة بنت عمك عسل
الابن / يابا فتراك دى برطمان
الاب / و بنت عمك بلاص

[mona_tamer81]

مرة واحد محمل كتاكيت على عربية كرو فقابلة كشك مرور فسألة الظابط إية إلى معاك دة

قال لة دى كتاكيت يا باشا قلة الظابط بتإكلهم إية قلة درة وعلف ياباشا فضربة الظابط وألة أكلهم ترتة وجاتوة يامغفل قلة حاضر يا باشا فقابلة مرور ثان فسألة الظابط بتأكل الكتاكيت إية قلة ترتة وجاتوة ياباشا فضربة الظابط وألة أكلهم درة وعلف يامغفل قلة حاضر يا باشا فقابلة مرور ثالث فسالة الظابط بتأكل الكتاكيت إية ألة شوف ياباشا أنا بدى لكل واحد مصروفة وكل كتكوت يجيب إلى هو عايزه

[mona_tamer81]

مرة واحدة بترغى فى التليفون بالساعات فمرة اتكلمت ساعة واحدة بس فجوزها قالها

خلصتى بسرعة لية قالتلة اصل النمرة طلعت غلط

[mona_tamer81]

مره واحد أسكندرانى ماشى

على البحر لقى جماعة صعايده بيهتفوا ،هريدى يابطل-- هريدى يا بطل، ولما سأل عن السبب أجابوا: أحسن واحد عندكم يقدر يغطس قد أيه، فقالهم: حوالى ثلاث دقائق، فقالوا هريدى غطس من ثلاث أيام و لسه مطلعش

[mona_tamer81]

واحد بلدياتنا بيهرج

مع مراته فرماها من الدور العاشر فطلعت قالت له والله ما انا لاعبة معاك تانى

[mona_tamer81]

مرة أربعة بلدياتنا راحوا فرح ..ا

لأول:نقط بخمسة جنيه و ضرب طلقة رصاص..الثانى: نقط بعشرة جنيه و ضرب طلقتين
الثالث:- نقط بخمستاشر جنيه و ضرب تلت طلقات..أبوهم الراجل الكبير بقى عايز يعمل منظر راح منقط بـ ميه و رمي قنبلة

[mona_tamer81]

صعيدى فى الجيش واقف

تشريفة و فيه ضيف كبير جاى يزور الوحدة فالقائد بيديلهم التعليمات الأخيرة
القائد : أول الضيف ما يدخل تضربوا 21 طلقة تحية للضيف .
الصعيدى : و لو الضيف مات من أول طلقة نكمل برضه ؟؟!

[mona_tamer81]

مجموعة صعايدة عملوا عصابه

و قرروا يسرقوا بنك
زعيم العصابه : محمدين يدخل البنك و يستخبى فى دورة المياه لحد ما البنك يقفل .. و بعدين يشيل الجريليه بتاعت التكييف
بعد كده نخش كلنا من فتحة التكييف و نكسر الخزنه و ناخد الفلوس
لما نطلع من البنك حنلاقى الحارس نروح جتلينه و نهرب بالفلوس .. فاهمين يا رجاله
العصابه : فاهمين يا رييس
المهم جت ساعة الصفر و فعلا راح محمدين البنك و استخبى فى دورة المياه
و فتح لهم .. و دخلوا .. و فتحوا الخزنه .. و لما خرجوا من البنك ملاقوش الحارس .. فضلوا يستنوه ساعة .. ساعتين لكن الحارس ماجاش
رئيس العصابه : مافيش فايدة يا رجالة يلا نرجع الفلوس الخزنه الخطة فشلت

[mona_tamer81]

بلديتنا راح للدكتور قاله عندى صداع تاعبنى اوى يا دكتور الدكتور قاله انت بتنام بتسيب الشباك مفتوح ولا مقفول قاله مقفول الدكتور قاله سيبه مفتوح وتعلالى تانى يوم



جاله الصعيدى الدكتور بيساله الصداع راح قاله الصداع راح والبوتجاز راح والتلفزيون راح .............

[mona_tamer81]

محشش لقي كنز قال
كويس فاضل الخريطة

[mona_tamer81]

واحد قتل حماته
الظابط بيسأله اسمك ايه؟
قاله: اكتب فاعل خير

[mona_tamer81]

مأذون مش لاقي شغلانة
طلق مراته

[mona_tamer81]

- زرافة و فيل وأسد وفأر وثعلب وارنب ماشيين في الغابة ، وقعوا كلهم في حفرة إلا الزرافة ،قالولها :جيبي لنا حبل. قالتلهم :ما فيش. قالولها :إحنا جعانين عايزين ناكل .قالتلهم: ماعرفش أجيب لكم أكل. قالولها: والعمل؟ قالت لهم: كلوا أضعفكم ..... قام الفأر نط مفزوع وقال لهم : اللي حيقرب من الأسد حيعرف شغله

[mona_tamer81]

مره واحد خبيث دخل أحد المطاعم وطلب طبق فول، وبعدما أنتهي من آكله سأل
الجرسون: كم تريد ثمناً للفول، اجابه: 13 قرشاً..مد الخبيث يده في جيبه وأخرج
ال13 قرش ورماها على الارض.. وتكرر المشهد 3 أيام متتالية. وفي اليوم
الرابع دخل المطعم ومش معاه فكة فاعطى الجرسون ربع جنيه(25) قرش وقال
له واحد فول، طبعا الجرسون حب ينتقم منه فاحضر الباقي(12)قرش ورماهم
على الارض وقال له خذ الباقي، فاخرج الخبيث قرش من جيبه ورماه فوق ال( 12)
قرش وقال للجرسون كمان واحد فول لو سمحت

[mona_tamer81]

تلاته اندال اتفقوا يشوفوا مين اكتر نداله الاول شاف راجل عجوز
عايز يعدي الشارع مسك ايده و سابه في نصف الشارع واتاني عداه وضربه
التالت ضحك وقال انا اكتر نداله الراجل ده يبقي ابويه

[mona_tamer81]

واحد بلدياتنا كان قائد فى الجيش و قدامه أربع صفوف عساكر ....واحد
من العساكر عطس..القائد سأل أول صف مين اللى عطس محدش رد فتح عليهم
النار قتلهم كلهم
و بعدين سأل الصف التانى مين اللى عطس محدش رد ..راح فاتح النار عليهم
و إدور على الصف التالت قام واحد خاف و قاله انا اللى عطست ياباشا...قاله
القائد يرحمكم الله

[mona_tamer81]

تلاته عمالين بيحششوا فى مزرعه فراخ طب عليهم البوليس استخبوا فى تلات شوله
جه الظابط شاط الشوال الاول برجله قام الحشاش الاول عمل نفسه بط و قعد يكاكى
راح الظابط سابه و راح عالشوال التانى و شاطه قام الحشاش اللى جوه قعد يدن و يقلد
صوت الديك الظابط سابه و راح عالشوال التالت برضه شاطه
برجله الحشاش التالت متكلمشى..شاطه تانى بس بالجامد برضه متكلمش قعد
الظابط يخبط فيه طلعله الحشاش يقوله بطاطس بطاطس انت مبتفهمش

[mona_tamer81]

واحد نايم جنب مراته فسمعت صوت، بتقوله يا قوم يا راجل فى حرامى فى الصاله، قالها يا شيخه نامى جنبك سبع، قالتله يا راجل فى حرامى فى اوضه النوم قالها يا شيخه نامى جنبك سبع، وبعدين قالتله يا راجل حرامى شالنى وماشى قالها روحى ماتخفيش سايبة فى البيت سبع

[mona_tamer81]

واحدة نايمة جنب جوزها سمعت صوت في الصالة قالت لجوزها قوم شوف يمكن حرامى.. قالها قومي شوفى انتى يمكن حرامية

[mona_tamer81]

مرة واحدة بتقول لجوزها: تعالى ودينى المستشفى .. ماما هناك وعندها حالة تسمم ... راح قايلها : لازم عضت لسانها بالغلط

[mona_tamer81]

واحد بيقول لصاحبه :امبار ح خليت مراتي تركع علي رجليها....قله صحبه ليه؟...قاله كانت بتقولي اطلع من تحت السرير

[mona_tamer81]

مرة واحد غبي راح يخطب فوالد العروسة بيقولة احنا عايزين مهر عشرين الف جنية قام الغبي قالة لية دا انا قدامي واحدة على خمس تلاف وحامل

[mona_tamer81]

واحده وحشه قوى بتقول لجوزها يا رااااجل مش تصلح شباك الحمام علشان وانا بستحمه الجيران مايشوفونيش قالها: خليهم يشوفوكى علشان يصلحوه على حسابهم

[mona_tamer81]

لعيب كورة بيسأل مراته إذا كانت خانته قبل كده ولا لا فقالت له : بصراحه (3) مرات بس، الاولى: فاكر لما المدرب ماكنش بيرضى يلعبك وبعدين بقى يلعبك!قالها: طب تاني مره ؟ قالت له: فاكر لما زمايلك ماكانوش بيباصولك الكوره وبعدين بقو يباصولك!! قال لها : طب تالت مره؟؟ قالت له : فاكر الجماهير لما ماكانتش بتشجعك وبعدين كلهم بقو يشجعوك!!!!!

[mona_tamer81]

مرة ولد صغير راح لامة قالها ماما ..ماما انا شفت الواد اللى فوقينا بيبوس البت اللى تحتينا قالتلة ملكش دعوة يا حبيبى دول بيحبو بعض وهيتجوز قالها الولد يعنى افهم من كدة ان اى اتنين بيبوسو بعض يبقو هيتجوزو بعض قالتلة اه يا حبيبى الولد قالها طب بابا هيتجوز الشغالة امتى؟؟

[mona_tamer81]

سألو واحد بخيل طحن: تعمل ايه لو الدنيا برد؟ قال: أروح جنب الدفاية. قالو: ولو الدنيا بردت أكتر؟ قال:أقرب من الدفاية. قالو: ولو بردت أكتر؟ قال: ألزق في الدفاية. قالو: طب ولو نزل تلج؟ قال: أشغل الدفاية بقى وأمري لله

[mona_tamer81]

مرة واحدة بتخون جوزها فسمعتة طالع على السلم فقالت اخبيك فين اخبيك فين راحت مخبياة ورا التلفزيون فجوزها كان جايب سمك فقالها خدى جهزى السمك ده وراح فاتح التلفزيون يتفرج على المطش الست جية تقولو ا اية دة ياراجل انتا جايبلى السمك صاحى قالها امال انا اعمل اية كل ما الاهلى يجيب جون يطلع واحد من الجمهور يبوسنى ويرجع تانى

[mona_tamer81]

واحد قبل مايموت جمع ولاده التلاتة وحب يوصيهم يفضلوا ايد واحدة ،وأعطى لكبيرهم عود خشب كسره بسهوله أعطاه اتنين كسرهم بسهولة برضه أعطاه خمسين عود كسرهم بسهوله قال لهم طالما معاكم البغل ده مافيش خوف عليكم

[mona_tamer81]

مرة حماة أرادت اختباره اجواز بناتها فاخذت الأول وعملت نفسها اتزحلقت في البحر فنزل وراها وانقذها، تانى يوم وجد عربية بيجو ومكتوب عليها "هدية من حماتك" وفعلت نفس الشئ مع الثانى فاحضر لها الاسعاف ووجد فى تانى يوم عربية بيجو ونفس الرسالة، أما الثالث فسبها تغرق، ففى اليوم التالى وجد عربية مرسيدس ومكتوب عليها "هدية من حماك

[mona_tamer81]

مره واحد كان قاعد في الصاله مراته دخلت عليه لاقته بيقري في كتاب (الرجل سيد المنزل) فقالتله انت مش هاتبطل قراية الكتب الخياليه دي

[mona_tamer81]

كان فى مرة اثنين رجالة مشين فى الشارع فشافو واحدة ماشية بتعيط علي جوزها فقام رايح واحد من الرجالة بيقول للتانى ايه رأيك بقى ان الست دى بتمسل قاله ازاى ياعم منتاش شيفها ماشية بتعيط على جوزها طب استنا وانا هوريك فراح جمبها وقل اه بس ياقمر لو تقولى انت ساكن فين وانا هنسيك كل الى شفتة فقالت اه ه ه ه ه ياحبيبى ياجوزى يلى كنت مسكنى فى المهندسين عمارة20 شقة 14

[mona_tamer81]

واحد قاعد في أمان الله بيقرا الجرنان، وفجأة جت مراته وضربته بغطا الحلة فوق دماغه .. طرررررخ!!! الزوج: "فيه ايه يا بنت الحلال؟ ليه كدا؟؟؟" الزوجه:"ايه الورقه اللي في جيب بدلتك ومكتوب عليها "سوسو"؟؟" الزوج: "يا بنت الحلال، ده أسم الحصان اللى بنشجعه في السباق!" الزوجه صدقته وراحت لحالها... بعد اسبوع، الزوج قاعد في أمان الله يقرا الجرنان، وفجأة جت مراته وضربته بغطا الحلة على راسه !! الزوج: "خير يابنت الحلال في ايه تاني؟؟" الزوجه:"حصانك على التليفون ..!!"

[mona_tamer81]

مدرس رياضه اتجوز مدرسة رياضه خلفو ولد شبه منحرف وبنت دايره على حل شعرها

[mona_tamer81]

مرة واحدة قالت لجوزها "إهدى حبيبى كدة وأرجع زى زمان"، الراجل طلقها و رجع لأيام العذوبية

[mona_tamer81]

واحد بيقول لمراته ... انا النهاردة عايز رومانسية فى البيت ... راحت الزوجة سألت امها : يعنى ايه رومانسية ؟؟ الام : مش عارفة بس احتياطى إنقعى الرز

[mona_tamer81]

واحده وحشه بتقول لجوزها بكره عيد ميلادى . قالها هنقف دقيقتين حداد

[mona_tamer81]

مره واحده بتقول لجوزها "تصدق إن أنا كل يوم بحلم بيوم جوازنا" قالها "هى لسه الكوابيس دى بتجيلك؟

[mona_tamer81]

عريس وعروسته في يوم الفرح وهم داخلين القاعه وماسكين ايد بعض العروسه فجأه سابت ايده وطلعت تجري قال لها "على فين؟" قالت له "بسرعه بسرعه عشان نلحق مكان

[mona_tamer81]

زوج وزوجة عايشين كل يوم في نكد راح جوزها قال "نخلى يوم الاربعاء بس هو النكد" قالت له "ماشى"، يوم الثلاثاء جوزها راجع من الشغل، وكانت مراته فرحانة قوي، بيسألها "فرحانة قوي كدة ليه؟" ردت و قعدت تغني "بكرة النكد بكرة، بكرة النكد بكرة"

[mona_tamer81]

مرة واحد قال لصاحبه "عاوز أعمل لمراتي مفاجأة فى عيد جوازنا" صاحبه قالوا "هتعمل إيه؟" قالوا "هوديها الصين" قالوا "يا راجل فى جوازكوا الخمسة و عشرين توديها الصين، أومال فى عيد جوازكوا الخمسين هتعمل ايه؟" فقالوا "هروح اخدها

[mona_tamer81]

مرة واحد عصبي اتجوز وحدة عصبية الدكتور جاى ينزل الولد قاله اوعى ياعم انا نازل لوحدى

[mona_tamer81]

واحد مشغول اتجوز واحدة مشغولة خلفوا ...عيل مش فاضيلهم

[mona_tamer81]

مرة دكتور دخل عنبر فى سراية المجانين لقى واحد بيضرب نفسة بالشبشب سأل الممرضة ماله ده ؟ قالت أصله كان بيحب واحدة ومتجوزهاش ..دخل العنبر الى بعده لقى واحد بيخبط دماغة فى الحيطة قالها وده ماله قالتله اصل ده الى اتجوزها

[mona_tamer81]

مرة واحد مسطول راجع البيت متأخر قعد يخبط مراته قالتله ارجع مطرح ماكنت راح شايط صفيحة الزبالة خبطت في الباب ورجعت قطعت ودنه راح مزعق و مخبط أجمد قالتله برده مش هافتحلك راح شايط الصفيحة تاني خبطت في الباب و رجعت قطعت ودنه التانية راح مصرخ و قالها افتحي يا ولية الصفيحة هاتموتنيييييييييييييييييي

[mona_tamer81]

واحدة الدولاب عندها بيعمل صوت لما القطر بيعدى من جنبهم جابت نجار صلحو مرة و اتنين و تالت مرة قالتلو ولاهى مانتا ماشى الا لما القطر يعدى و اشوفو هيتهز ولا لا شوية و جوزها جة و النجار من الخضة استخبة فى الدولاب .... لما جوزها شافو قالو انت بتعمل اية هنا قالو النجار لو حلفتلك باية مش هتصدق انى مستنى القطر

[mona_tamer81]

مرة واحد هو وابنه ميعرفوش هو ايه الاسنسير بس شايفين الحيطة عمالة تتفتح وتتقفل وهما مش فاهمين حاجة ...المهم جت واحدة عجوزة ظغطت على الزر اللي في الحيطة ودخلت الاسنسير وبعد شوية الاسنسير نزل وطلعت منه شابة جميلة فالراجل قال لابنه روح هات امك هنا

[mona_tamer81]

مرة اتنين مساطيل قعد ين بيحششو فا فى واحد منهم لقى جنازة فى الشارع فقال للتانى هو مين الى مات قاله عمك احمد قاله الله يرحمه، فى اليوم التانى الناس عملو سوان للناس علشان ييجو يعزو، قاله هو مين الى مات قاله يابنى انا قلت لك عمك احمد قاله الله يرحمه، فى اليوم التالت شاف نفس السوان قاله هو مين الى مات رد عليه التانى قاله انا كل يوم اقولك ده عمك احمد راح رد عليه قاله هو مال عمك احمد بقاله تلت ايام الدنيا مخبطة معاه كدة ليه

[mona_tamer81]

ظابط مسك واحد مسطول بالليل كان معاه حشيش سأله انت بتشرب حشيش؟ قاله ايوه يا باشا، وبتاجر فيه كمان؟ قاله ايوه ، تاني يوم اتعرض على النيابة سأله وكيل النيابة انت بتشرب حشيش؟ قاله لا يا بيه، طب بتاجر فيه؟ قاله لا يا بيه قاله ليه قلت للظابط كده؟ قاله كنت مسطول يا بيه

[mona_tamer81]

مسطول بيقول سبحان الله الانسان زي البنى ادم لما بيتوفى بيموت

[mona_tamer81]

مرة اتنين أغبية كانوا ماشيين في الصحراء طلع عليهم اسد راح واحد رمى عليه طوبه وقعد يجرى وبص وراه لقى زميله واقف ما بيجريش قاله ما بتجريش ليه ؟ قاله واجرى ليه هو انا اللى ضربته

[mona_tamer81]

مره طالبه مشاغبه المدرس اشتكاها للمدير المدير بعتلها قال لها "عملتى ايه؟" قالت له "ولا حاحه رميت ورده من الشباك" قال "بس كده؟" قالتله "اه" بعد شويه لقى طالبه مدغدغه ومكسره سالها "ايه الى عمل فيكى كده؟" قالت له "انا ورده الى اترميت من الشباك."

[mona_tamer81]

مره واحد بيحشش بيقول لصاحبه امبارح جيت اسحب نفس قالوا لى ملكش رصيد

[mona_tamer81]

مرة واحد راح للبقال اقاله هات ببريزه حلاوه طحنيه قاله ما فيش قاله ادينى اى حاجه قاله ما فيش ، قاله يا عم هات اى حاجه، البقال جاب القالب وبيقطع حته علشان يديهاله قالو انت لسه هتشيل منها

[mona_tamer81]

مدرس انجليزى بيسأل تميذ بيقوله لو عايز تقول لواحد تعالى هنا تقوله ايه؟ قاله : اقوله come here قاله : ولو عايز تقوله ارجع هناك تانى ؟ قاله : الف من الناحية التانية واقوله come here.

[mona_tamer81]

توأم بيقول لأخوه التوأم وهو متنرفز إنت كنت فين ياعم أمك حمتنى مرتين

[mona_tamer81]

مرة ولد صغير سأل والده: باب انت جبتني ازاي؟ قال اللأب: بص يا حبيبي احنا جبنا شوية سكر و حطناهم تحت السجادة جينا تاني يوم و رفعنا السجادة وجدناك. ففكر الابن فيها "إيه لو أبقي أب من الأن" فجاب شوية سكر و وضعهم تحت السجادة صحي تاني يوم وجد صرصور فقال:"لو ماكونتش ابني انا كنت قتلتك."

[mona_tamer81]

واحد اخترع حبوب للحامل علشان المولود يطلع مؤدب وكل مولود فعلا نزل مؤدب . واحدة أخدت الحبوب وماولدتش في المعاد فراحت للدكتور عملها ولادة قيصرية ، لقى توأم كل واحد بيعزم علي التانى ويقول له "اتفضل" التاني يقوله "لأ اتفضل إنت الأول

[mona_tamer81]

مرة تلميذ بيسأل الأستاذ بيقول له:هو ممكن يعاقب الإنسان على حاجة معملهاش؟قال له:لا طبعا . ففرح التلميذ اوى و قال له خلاص انا معملتش الواجب

[mona_tamer81]

تلميذ أحول بيكتب حلو قوى ..ولكن فى كراسة زميله ..الأبلة قالتله لو ركزت وكتبت فى كراستك هاديلك هدية حلوة ..فكتب فى كراسته ..راحت الأبله ادته بسكوتة فتحها واكلها للى جنبه

[mona_tamer81]

ولد بيقول لابيه عايزة2جنية علشان رايحة عند محمدين فقال الاب تاخد جنية وتروح عند محمد

[mona_tamer81]

واحد فشار اوي جاله واحد صحبه قعد يقوله امبارح جالي ابو لهب و حنظله و كنا بنتغدا مع بعض قاله يا عم انت هتشتغلني قاله و هشتغلك ليه امبارح كنا على طرابيزه واحده صحبه كان هيتجنن المهم نزل من عنده لقى ابن الراجل قاله صحيح الكلام ده قاله كلام ايه يا عمو قاله ابوك امبارح جاله ابو لهب و حنظله وكانو بيتغدو مع بعض؟ قاله بصراحه يا عمو مش عارف بس انا امبارح لقيت موكب من كام ناقه كده وكان مكتوب عليهم ملاكي قريش

[mona_tamer81]

مره موجه جغرافيا دخل الفصل ووقف تلميذ قالله انا هارسم رسمه وانت تكمله الموجه رسم دايره الواد رسم خط فى النص،الموجه رسم خط يقسم الدايره اربعه الواد رسم له نقطه .. الموجه طلع من الفصل سعيد وانت مدرس ممتاز وقعد يشكر فى المدرسه وقال انا وقفت طالب رسمت له الكره الارضيه رسم لى خط الاستواء رسمتله خط جرينتش رسم لى نقطة مركز الكره الارضيه .. وطلع الواد يقول عالموجه ده راجل طماع ده عينه فارغه وقاللهم رسم لى رغيف عيش عالسبوره قلتله انت النص وانا النص قاللى لا انا التلات ارباع وانت الربع قلتله لا بقه دانا هاخلع لك عينك

[mona_tamer81]

في المدرسه استاذ الحساب بيسال التلميذ بتاعه: لو باباك استلف الف جنيه من البنك والف جنيه تانيه من جاركم يبقى هيرجع كام الف، التلميذ: مش هيرجع حاجه يا استاذ ، الاستاذ: ياابني استلف الف وبعديها الف تانيه التلميذ : مش هيرجع حاجه يا استاذ، الاستاذ: اقعد يا ابني انت متعرفش حاجه في الحساب، التلميذ: انت اللي متعرفش ابويا يا استاذ

[mona_tamer81]

مره واحد خان الخليلي الخليلي قتله

[mona_tamer81]

مرة واحد مجنّد بالجيش قاعد يلعب بقنبلة يدوية ,يلحشها من إيد لأيد
أجه صحبه قله : ما بتخاف تنفجر؟
قله: لأ,معي غيرها





خخخخخخخخخخخخخخخ
(فهيّم ما شاء الله)



ههههههههههههههه
جميلة
ميرسي جدا
يا ريت تستمر معنا
دمتم بود

[mona_tamer81]

يلا
كفايه كدة النهاردة
انا عارفة انى صدعتكم
يا ريت بقى الاقى مشاركات جديدة
يلا باى باى

[mona_tamer81]

ايه يا جماعة
فين النكت
هو مفيش حد دمه خفيف ولا ايه
فين الاستاذ انتى فيروس مان

[antivirusman]

أنا هنا
استمرارا لحملتي على المرأة :smailes40:
قالت إحدى النساء لصديقتها:"أنا من جعلت زوجي مليونيرا"
فسألتها صديقتها:"وماذا كان قبل ذلك"
قالت:"كان ملتي مليونيير"!

[antivirusman]

ابن صغير لأبيه:"سمعت أنه في بعض البلدان لا يعرف الرجل زوجته إلا عندما يتزوجها؟"
الأب:"هذا ما يحدث في معظم البلدان"!

[antivirusman]

ابن صغير لأبيه:"أبى كم تتكلف مصاريف الزواج؟"
الأب:"لا أعرف فما زلت أدفع......"

[Scorpion_2142]

اتفضل دي

في مرة أغبياء عيزين يفجروا عمارة حطوا القنابل في الدور الأول و طلعوا يستنوا فوق السطح.

[mona_tamer81]

أنا هنا
استمرارا لحملتي على المرأة :smailes40:
قالت إحدى النساء لصديقتها:"أنا من جعلت زوجي مليونيرا"
فسألتها صديقتها:"وماذا كان قبل ذلك"
قالت:"كان ملتي مليونيير"!

هههههههههههههه
حمدلله على السلامة
انت كنت فين
انا افتكرت مراتك كانت محرجة عليك الدخول
بس انت واضح انك واخد موقف
عموما جميلة اوى
اتمنى المزيد

[mona_tamer81]

اتفضل دي

في مرة أغبياء عيزين يفجروا عمارة حطوا القنابل في الدور الأول و طلعوا يستنوا فوق السطح.



هههههههههههههههه
جميلة اوى
ارجو ان تستمر معنا يا استاذ اسكربيون عاشق الفوتو شوب
شكرا ليك

[elhon007]

مره طالبه مشاغبه المدرس اشتكاها للمدير المدير بعتلها قال لها "عملتى ايه؟" قالت له "ولا حاجه رميت ورده من الشباك" قال "بس كده؟" قالتله "اه" بعد شويه لقى طالبه مدغدغه ومكسره سألها "ايه الى عمل فيكى كده؟" قالت له "انا ورده الى اترميت من الشباك.



واتمنى لك التوفيق ويارب تعجبك

[tarek1990]

مره طالبه مشاغبه المدرس اشتكاها للمدير المدير بعتلها قال لها "عملتى ايه؟" قالت له "ولا حاجه رميت ورده من الشباك" قال "بس كده؟" قالتله "اه" بعد شويه لقى طالبه مدغدغه ومكسره سألها "ايه الى عمل فيكى كده؟" قالت له "انا ورده الى اترميت من الشباك.



واتمنى لك التوفيق ويارب تعجبك

حلوة فعلا ً

[elhon007]

خدوا دى......
مره واحد محمل فراخ وهوه معدي علي كمين سأله الظابط محمل ايه قاله فراخ ياباشا قالو بتأكلهم ايه؟؟ رد عليه السواق بأكلهم علف ودره ياباشا. راح الظابط وجد الفراخ مبياكلوش لا علف ولا دره لقاهم بياكلوا لانشون وبسطرمه !!راح عملوا مخالفه !! بعد شويه دخل على كمين تاني فالظابط بيسأله محمل ايه ؟؟قاله فراخ يا باشا قالو بتأكلهم ايه ؟ فرد عليه لانشون و بسطرمه ياباشا .قالو ازاي الفراخ بتاكل دره وعلف مش لانشون وبسطرمه وراح عملو مخا لفه وبعدين مشي ودخل على كمين لتالت فالظابط بيسأله محمل ايه يا اسطي ؟؟ قالو فراخ يا باشا قاله بتأكلهم ايه؟؟ فرد عليه بسرعه وقاله بص يا باشا انا بدي كل فرخه نص جنيه وهيه تاكل اللي علي مزاجها!!0!!

[mona_tamer81]

مره طالبه مشاغبه المدرس اشتكاها للمدير المدير بعتلها قال لها "عملتى ايه؟" قالت له "ولا حاجه رميت ورده من الشباك" قال "بس كده؟" قالتله "اه" بعد شويه لقى طالبه مدغدغه ومكسره سألها "ايه الى عمل فيكى كده؟" قالت له "انا ورده الى اترميت من الشباك.



واتمنى لك التوفيق ويارب تعجبك

هههههههههههه
رائعة
ميرسي جدا على مشاركتك
اهلا بيك معنا و يا ريت تتواصل

[mona_tamer81]

حلوة فعلا ً

اهلا بيك معانا
و يا رب النكت تكون اسعدتك

[mona_tamer81]

خدوا دى......
مره واحد محمل فراخ وهوه معدي علي كمين سأله الظابط محمل ايه قاله فراخ ياباشا قالو بتأكلهم ايه؟؟ رد عليه السواق بأكلهم علف ودره ياباشا. راح الظابط وجد الفراخ مبياكلوش لا علف ولا دره لقاهم بياكلوا لانشون وبسطرمه !!راح عملوا مخالفه !! بعد شويه دخل على كمين تاني فالظابط بيسأله محمل ايه ؟؟قاله فراخ يا باشا قالو بتأكلهم ايه ؟ فرد عليه لانشون و بسطرمه ياباشا .قالو ازاي الفراخ بتاكل دره وعلف مش لانشون وبسطرمه وراح عملو مخا لفه وبعدين مشي ودخل على كمين لتالت فالظابط بيسأله محمل ايه يا اسطي ؟؟ قالو فراخ يا باشا قاله بتأكلهم ايه؟؟ فرد عليه بسرعه وقاله بص يا باشا انا بدي كل فرخه نص جنيه وهيه تاكل اللي علي مزاجها!!0!!

هههههههههههههههه
هههههههههههههههه
لا بجد دى بقى ضحكت عليها من كل قلبى
شكرا

[mona_tamer81]

ايه مفيش نكت النهاردة ولا ايه
فينك يا استاذ
انتى فيرس مان

[mona_tamer81]

نبتدى نكت
مره واحده بتقول لجوزها "تصدق إن أنا كل يوم بحلم بيوم جوازنا" قالها "هي لسه الكوابيس دي بتجيلك؟"

[mona_tamer81]

واحد نشر في إعلانات مبوبة :مطلوب زوجة!!! تاني يوم جاله 100 جواب فيهم نفس الرد: تاخد بتاعتي؟؟

[mona_tamer81]

صعيدي قال لزوجته نكته قالت هاهاها بايخه قال هاهاها أنتي طالق

[mona_tamer81]

مرة واحد كبابجي أتجوز…فرش السرير بقدونس

[mona_tamer81]

مره واحد اتفق هو ومراتة انهم يعملو جمعية قالها هعطيكى كل يوم جنية واخذ بوسة فضل كل يوم يديها جنية

وياخذ بوسة جية اخر الشهر لئا معها تسعون جنية قلها اية ده يا ولية ردت عليه اسكت مش ابو خالد جارنا دخل بنفرين

[mona_tamer81]

عشرة بلديتا بيتعلموا ربط

الكرفتة 8 توفوا و3 في حالة خطرة

[mona_tamer81]

مرة واحد صعيدى راح معرض ادوات كهربائية وقال لصاحبة انا عايز التلاجة دى قال لة احنا مش بنبيع لصعايدة خرج الصعيدى ولبس بدلة

و رجع قال لصاحب المعرض انا عايز التلاجة دى قال لة احنا مش بنبيع لصعايدة خرج الصعيدى ولبس فستان و رجع قال لصاحب المعرض انا عايز التلاجة دى قال لة انا مش قولتلك احنا مش بنبيع لصعايدة رد الصعيدى و قال انا عايز اعرف انت بتعرف انى انا صعيدى ازاى قال عشان دى مش تلاجة دة بوتجاز

[mona_tamer81]

مره واحد صعيدى حكموا عليه بالاعدام فلما جم يشنقوه لفوا الحبل على رقبته ورفعوه من على الارض لقوه عمال يشاور بايده

ويرفص فقالوا يمكن عايز يقول حاجه فنزلوه وشالوا الكيس الاسود من على وشه فقالهم الصعيدى وهو بينهج يا ولاد الكلب كنت هموت

[mona_tamer81]

مرةواحد مسطول ماشي سال واحد قال لة الساعة كام رد علية وقال لة 5و5

المسطول رد علية وقالة لة يعني مش عارف تقول 10

[mona_tamer81]

واحد غبي جدا ،،، بيمتجن امتحان محو أمية فجاله سؤال (10 - 10 = ........) ،، معرفش يجاوبه ،، جه المراقب عشان يغششه
قاله يبني لو معاك عشر برتقالات وكلتهم كلهم ،،، ايه اللي هيتبقى
،،،، قاله القشر

[mona_tamer81]

واحد بيقول لصاحبه تيجى نركب اتوبيس؟؟ قال له : يا عم لأ ، احنا نجرى جنب الاتوبيس ونوفّر النص جنيه .... فرد وقال له طب منجرى جنب تاكسى ونوفّر خمسة جنيه

[mona_tamer81]

اهبل سال امريكية اسمك ايه؟
ردت: فكتوريا براون ..... وانت؟
قال لها: 128 كحلي

[mona_tamer81]

واحده كل يوم تعدي على البقال تسأله عندك ايسكريم بالكوسه
يقولها لا ،،،،
تاني يوم تروحله تقوله عندك ايس كريم بالكوسة
يقولها لا ،،،

....أخر مازهق منها قالها اه عندي
قالتله يععععععععع

[mona_tamer81]

حلاق بيعلم ابنه الحلاقة فالواد وهو بيحلق للزبون كل شوية ياكل حته من قفا الزبون فأبوه يقوله يا ابن ...... ويجى يضربه على قفاه الواد يوطى والضربة تيجى على قفا الزبون وشوية وواكل حته تانية منقفا الزبون ابوه يا ابن ال..... الواد يوطى وتيجى على قفا الزبون لحد ما الزبون بقى قاعد على اعصابه فالحلاق قال لابنه بص انا جبتلك ساطور علشان لو غلطت تانى هطير رقبتك طبعا الزبون كان مرعوب مووووت والواد بيحلق قص حتة من ودن الزبون فالزبون بصوت واطى (ابوك شافها يا ابنى) الصبى لا الزبون قاله طب داريها بسرعة

[mona_tamer81]

البوليس طب على جماعة بيحششوا وكان معاهم واد صغير بيحشش فالضابط قبض عليهم كلهم وبيحط ايده على كتف الواد الصغير وبيقوله والشمام الصغير اسمه ايه ردالولد وقاله كنتالوب يا بيه!!!!!!

[mona_tamer81]

مره جماعه ارياف كان في حفره عندهم في البلد وكان كل يوم واحد يموت ففي 3قاعدين فواحد اقترح انهم يجيبو الاسعاف جنب الحفره والتاني قال لا احنا نبني مستشفي جنب الحفره والتالت قال احنا نردم الحفره دي ونحفر واحده جنب المستشفي

[mona_tamer81]

طيارة عملت هبوط اضطرارى فى جزيرة فيها اكلى لحوم بشر ففيه واحد وابنه من القبيلة واقفين يستنوا الناس اللى نازلة علشان ياكلوا براحتهم فباب الطيارة فتح ونزلت منه واحدة تخينة طحن فالواد بيقول ابوه اباابايالا ناكلها يا ابا قاله دى كلها دهن يا عبيط سيبك منها استنى غيرها نزلت واحدة رفيعة بعدها قاله يالا يا ابا واحدة مش فيها دهن اهى قاله يا اهبل دى معضمة سيبك منها كلها عضم قاله ماشى نزلت بعد كدة واحدة واااااااو ملكة جمال جميلة جدا قاله ابا لو ما جتش انا هروح لوحدى المرة دى قاله استنى ياض يا اهبل انا هتجوز دى وناكل امكّّّّّّّّّّّّّّّ!!!!!!!!!!!!!!!!!!

[mona_tamer81]

مرة اتنين أغبيه عندهم حصانين.. فكانوا عايزين يعلموهم علشان

ما يتلغبطوش بينهم .. الاول قطع اذن حصانه وراح قال للتاني ، فالتاني قاله ااه يخرب بيتك انا بردك عملت كده.... فالاول راح فقع عين حصانه ، و راح قال للتاني.... فالتاني قاله ااه يخرب بيتك انا بردك عملت كده.... فالاول قاله انت هتصدعنى في دماغي... خدت انت الحصان الاسود وانا الحصان الابيض

[mona_tamer81]

واحد ندل جورج قرداحي اتصل بيه وقال له معنا صديقك وصل نصف مليون ريال ومحتاج مساعدتك

قال: قل له نايم

[mona_tamer81]

مرة واحدكان بيحلم بمطش كتاكيت فراح للدكتور وقله يا دكتور :انا كل يوم بحلم

بمطش كتاكيت ومش عارف انام اعمل ايه علشان محلمش تانى؟
قام الدكتور قله : خلاص ماشى انا حديك الحقنة دى و مش حتحلم تانى بمطش الكتاكيت!!
قام قله : لا يخرب بيتك ده بكره النهائى

[mona_tamer81]

اتنين صعايدة قاعديين فى طيارة واحد فيهم قال للتانى ماتنزل تجبلنا علبة سجاير قالة

لأ انزل انت
قالة ياعم بقوللك انزل هاتلنا علبة سجاير قالة لا انزل انت
زهق منة قالة ان منزلتش هاحدفك من الطيارة قالة لأ انزل انت
صاحبنا فتح الباب وحدفة
ساعة ساعين واخينا لسة مجاش صاحبنا قلق قام بص علية من الطيارة لقاة متعلق من الجلبية فى المروحة بتاع الطيارة وعمال يلف معاها
قالة ايوة افضل لف لف وتعالى قولى مش لاقى سجاير

[mona_tamer81]

مره حرامى وهو بيسرق الشقه صاحب الشقه دخل فجأه المهم صاجبنا مش عارف يستخبى فين راح استخبى فى البلكونه المهم صاحب الشقه دخل البلكونه وشافوا راح الحرامى قالو معلش انا طيار والطياره عملت بيها حادثه فنزلت بالبارشوت على بلكونتك معلش صاحب الشقه قاله ماشى ولا يهمك ربنا معاك

بعدها باسبوع راح الحرامى نفس الشقه وبرضه حصل نفس الموقف دخل صاحبها والحرامى مش عارف يروح فين المهم راح استخبى فى الحمام وبرضه قفشه صاحب الشقه راح الحرامى قالوا معلش اصلنا كنا راكبين غواصه وغرقت وطلعت من المجارى على كنيف حضرتك

[mona_tamer81]

بلدياتنا إشتغل على عربية بيجو 7 راكب، طلع بيها على إسكندرية

مشى على سرعة 100 كم/س

واحد من الركاب قال له: على مهلك شوية يا أسطى

قال له: ع تفهم فى البيجو؟

قال له: لأ، قال له: طيب أسكت

زود السرعة ل 110 كم/س

راكب تانى قال له: على مهلك شوية يا أسطى، معاك ركاب

قال له: ع تفهم فى البيجو؟

قال له: لأ، قال له: طيب أسكت

زود السرعة ل 120 كم/س

راكب تانى قال له: على مهلك شوية يا أسطى، ح تموتنا كده

قال له: ع تفهم فى البيجو؟

قال له:أيوه

قال له: طيب تعالى وقفها

[mona_tamer81]

ولد يسأل ابوه .... هل الحب اعمى ؟؟؟ رد عليه ابوه .. قاله : شوف امك وانت تعرف

[mona_tamer81]

واحد خلص شغله ومروح، واقف مستنى الأتوبيس

جاله واحد وسأله: يا أستاذ، حضرتك يابانى؟

قال له: لأ

قال له: لا مؤاخذة

صاحبنا ركب الأتوبيس، ركب وراه،

وسأله: يا أستاذ، حضرتك يابانى؟

قال له: لأ

قال له: لا مؤاخذة
..............

صاحبنا نزل من الأتوبيس، نزل وراه،

وسأله: يا أستاذ، حضرتك يابانى؟

قال له: لأ، قلتلك قبل كده مرتين لأ. إنت ما بتفهمش؟

قال له: لا مؤاخذة
---------

صاحبنا دخل العمارة اللى ساكن فيها، دخل وراه،

وسأله: يا أستاذ، حضرتك يابانى؟

قال له: لأ، لأ، لأ، كفاية كده، حرام عليك.

قال له: لا مؤاخذة
----------

صاحبنا دخل البيت، غير هدومه، وبعدين جرس الباب ضرب،

فتح الباب، لقى نفس الراجل قدامه،

وسأله: يا أستاذ، حضرتك يابانى؟

قال له: أيوه، أنا يابانى، عاوز إيه؟

قال له: غريبة، أمال إنت مش شبه اليابانيين ليه؟

[mona_tamer81]

تلاتة صقور أغبية اتراهنوا على الى يصطاد أكبر حاجة، الأول راح وجه وفى منقاره شوية دم قالهم شايفين الجبل الى هناك ده قالولوا أيوه قال قتلت وراه غزال والتانى راح وجه وفى منقاره شوية دم كتير قالهم شايفين الشجرة الى هناك دى قالولو أه قالهم قتلت وراها نمر والتالت راح وجه وكله دم فى دم وقالهم شايفين العمود الى هناك ده قالولوا اه قالهم أنا ماشفتوش

[mona_tamer81]

عملوا جائزة مليون جنيه للي عنده 10 عيال، واحد عنده تسعة قال لمراته أنا كنت متجوز عليكى ومعايا ولد أروح أجيبه ونكمل العشرة ونكسب الجايزة، راح ولما رجع ملقاش العيال سأل مراته فين العيال قالتله كل عيل أبوه جه خده

[mona_tamer81]

زوجه جبانة قوى كل يوم وهيه نايمة جنب جوزها تقوله الحق يا عبده أنا سامعه
صوت فى حرامى فى البيت جوزها تعب قوى مش عارف ينام وكل يوم على كده
قام قلها ياستى ماتخافيش الحرامى لما بيروح يسرق ما بيعملش صوت تانى يوم
صحته من النوم الحق يا عبده أنا مش سامعه صوت فى حرامى فى البيت

[mona_tamer81]

مره وحدة روحت على بتها متاخر قال لها زوجها :انتى كنتى فين يا مدام ؟؟؟ قالت :لا مهوا ... اصلو ... كان فى واحد بيعكسنى قال لها :هو بيعكسك انتى اتاخرتى ليه ؟؟؟؟ قالت :اصله كان ماشى على مهله ....!

[mona_tamer81]

مره واحد معاه فيات قديمه ماشى بيها على الصحراوى عطلت منه فقام شاور لعربيه على الطريق طلع صاحبها واد روش معاه مرسيدس فقام قاله بص يا عمو أنا هجرك لحد الرست و بعدين صلح عربيتك بس لو لقيتنى سرعت رعشلى نور وربطوا العربيه وطلعوا قامت عربيه بى ام عدت صاروخ من جنبهم راح الواد بتاع المرسيدس فاتح وراه وبتاع الفيات شغال يرعش نور للمرسيدس ولا هو هنا فالرادار صورهم ، ظابط المرور راح متصل بالكمين وقال لهم هتعدى عليكوا عربيتين واحده مرسيدس و بى ام سيبوهم و هاتوا الكلب بتاع الفيات اللى بيرعشلهم وعايز يعدى منهم

[mona_tamer81]

واحد بلديتنا رجع بيته لقى مراته فى السرير مع أثنين .. صرخ وهاج مراتى بتخونى ...
بسرعة رد عليه شاب منهم احنا الكاميرا الخفية لو مش عايز تذيع قول ما تذيعشى ...
رد بلديتنا لأ ذيع خللى الناس تنبسط

[mona_tamer81]

مرة اتنين اصحاب بيقولو لبعض تصدق انا الخدام بتاعى غبى اوى فالتانى قالوه لا ده انا الخدام بتاعى اغبى فقالوه الاولانى تعالى نشوف فجه الاول ونادى الخدام بتاعه وقالوه خد الربع جنيه ده وروح اشترى ليه عربيه مرسيدس والتانى نادى الخدام بتاعه وقالوه روح النادى وشوفنى هناك ولا لآ فراحوا الخدامين و اتقبلو فى السكه فواحد منهم قال للتانى تصدق الراجل اللى انا بشتغل عنده غبى اوى تصور بعتنى اشتريله عربيه و ما يعرفش ان انهارده الحد والمحلات قافلة فالتانى قاله لا ده انا اللي بشتغل عند اغبى من بتاعك تصور بعتنى النادى اشوفه هناك يعنى مش قادر يرفع سماعة التليفون و يسأل على نفسه

[mona_tamer81]

مره واحد راح السرك وقرر انه يعمل حاجه مختلفه راح جاب نمله وقعد يدربها10 سنين علشان تقف على رجل واحده فراح رايح لولد صغير فى الشارع وقاله بص يا حبيبى النمله دى بتقف على رجل واحده فراح الولد مسك النمله وفعصها وقاله ايه ده يا عمو دى نمله فقرر انه يعيد التجربه وقال عيال صغيره ايه انا هاروح لولد كبير جاب نمله تانى ودربها 10 سنين وراح لواحد كبير فى الشارع وقاله بص النمله دى بتقف على رجل واحده فمسك النمله وفعصها وقاله ايه ده يا عمو انا مش قولتيلك من 10 سنين ان دى نمله

[mona_tamer81]

واحد اتجوز واحدة اسمها نعمة باسها وش و ضهر

[mona_tamer81]

واحد دماغه مليانه حشرات راح للدكتور قاله يادكتور عاوز اطّلع الحشرات اللى فى راسى قاله


افتح المروحه على الاخر واقعد ادمها هيطير منك الحشرات ، عمل كده وبعدين نام وصحى سمع صوت الحشرات بيقول امبارح كان فيه عاصفه لكن محدش مننا مات ... راح تانى للدكتور قاله منفعش الحل ده ، الدكتور قاله خلاص اركب عربيه واطلع على اخر سرعه وطلع دماغك من الشباك ...عمل كده وهو مروح من عند الدكتور وروح نام وصحى سمعهم بيقولوا امبارح حصل عاصفه شديده قوى ومافيش حد مات .... قام رايح للدكتور تانى وقاله الحل منفعش انا عاوز اخلص بقى .... قاله مفيش الاّ حل واحد ، تعد جمب واحد وتحط راسك فى راسه... و الحشرات هتروح منك .... ام راح عمل كده ونام وصحى الصبح سمعهم بيقولوا امبارح كان فى حرب جامدة مع قبيله تانية لكن محدش مننا مات ، واسرنا 500 من القبيلة التانية

[mona_tamer81]

مره واحد رخم دخل السيما ملقاش حد فيها غير واحد بس قعد

وراه وقاله دماغك لو سمحت

[mona_tamer81]

مره واحد غبي مراته حامل قالها لو خلفتي ولد نسميه مبروك لو خلفتي بنت نسميها


مبروكه ودخلت تولد تطلع الدكتور وقال :الف مبروك رد الغبي:يالهوي اعيشهم منين دول

[mona_tamer81]

مرة و احد عسكرواقف على باب المعسكر الصول جاله وساله



الصول: هو اللواء جه ؟

العسكري : لا

بعد ربع ساعة

الصول بعصبية : اللواء جه ؟؟؟

العسكري : لا

الصولراح وجه على العسكري اكثر من مرة يسألة عن اللواء و في كل مرة يكون عصبي عن المرة اللى قبليها

العسكري {شاف واحد جي } انت مين

اللواء: انا اللواء

العسكري : ادخل بسرعه الصول هيخرب بيتك

[mona_tamer81]

مره واحد حب يشتري فراخ فراح عند دكان الفراخ وقال للراجل لو سمحت انا عاوز فراخ فراجل ساله عاوزه مدبوحه ولا سليمه قاله سليمه فراجل قاله اطلع الدور التاني طلع الدور التاني فراجل تاني قاله عاوز الفراخ كامله ولا متقطعه قاله متقطعه فراجل قاله اطلع الدور التالت فراجل طلع الدور التالت فراجل تاني ساله عاوز الفراخ متكيسه ولا لا قاله متكيسه فراجل قاله بص احنا معندناش فراخ بس ايه رايك في النظام؟

[mona_tamer81]

كان في مره قردين واحد حظه حلو والتانية حظه وحش ابو حظ حلو قال "تعالي نسرقة موز من المزرعة" فطلع القرد اللي حظة حلو فوق الشجره وابو حظ وحش تحت، صاحب المزرع وصل ومسك اللي تحت وضربه، كل مره تتكرر الحكاية ده يتمسك ابو حظ وحش، فقال ابو حظ حلو "خلاص تعالي نسرق وانا ابقي تحت وانت تبقي فوق" وصل اولاد صاحب المزرعة عشان يمسكوا اللي تحت قالوا"لأ ده اضرب كفاية امسكو اللي فوق"

[mona_tamer81]

نساء العالم اتحدن وقررن ان لا يقومو باى اعمال فى المنزل وبعد اسبوع تجمعو ليعرفوا النتائج الا ضراب فقالت الزوجة الفرنسية "انا قلت لجوزى ميشيل انا مش هعمل حاجة فى البيت الاسبوع دة كلة" وقالت "اول يوم ماشوفتش حاجة تانى يوم ماشوفتش حاجة تالت يوم بدا يغسل ويمسح" وقالى "انتى بتتعبى اوى يا حبيبتى".وقالت الزوجة الانجليزية "انا قلت لجوزى انا مش هعمل حاجة خالص فى البيت الاسبوع دة اول يوم مشوفتش حاجة تانى يوم بدا يعمل الاكل تالت يوم عشانى وغدانى برة." جت المصرية وقالت "انا قلت لابو العيال انا مش هعمل حاجة فى البيت الاسبوع دة" وقالت "اول يوم ماشوفتش حاجة تانى يوم ماشوفتش حاجة تالت يوم بدات اشوف شوية بعينى الشمال."

[mona_tamer81]

مره واحد من الصعيد قرر انه يسافر امريكا . قبل ما يسافر اهله قالوا له

ان الاكل فى امريكا حرام خد معاك ثلاث زلع مش عشان تكلهم ومتنساش تسمى عشان الشيطان ميكلش معاك فسافر اول زلعه اكلهة من غير ما يسمى وتانى زلعه اكلهة من غير ما يسمى جه ياكل الزلعه الثالثه قام الشيطان طالع له وقاله ابوس ايدك تسمى انا صدري اتحرق من الاكل بتاعكم

[mona_tamer81]

مرة واحد بيحلق .. الحلاق سأله : عايز ودنك اليمين؟ الزبون ضحك وقاله لأ... قام الحلاق

قطعها ورماها فى الشارع.. وبعدين ساله:عايز ودنك الشمال؟ الزبون صرخ وقاله اه.. قام الحلاق قطعها وادهاله

[mona_tamer81]

مرة واحد مسطول قاعد يفكر مع نفسه ويقول
جمبرى فى الطبق؟ لا لا ارنب فى الجردل؟ برضه لا مش دى استكوزا فى البانيو؟ يوووة برضه مش دى، انا هتصل
اعرف من الدكتور احسن."راح اتصل بيه وساله "يا دكتور انا عندى ايه؟" قال له انا قولت لك ميت مرة انت عندك سرطان فى الحوض

[mona_tamer81]

كان فى واحد اسمة ما لكش دعوة و واحد اسمة مخ فراح مخ يشترى الملح وملكش دعوة

بيلعب كورة فى الشارع الظابط خدة وقال له اسمك اية قال له ما لكش دعوة يا بية فقال لة تانى فبعت لمة وقال لها ابنك اسمة اية قالت لة ما لكش دعوة يا بية فقال لها انتى ما عندكيش مخ فقالت له لا راح يجيب ملح

[mona_tamer81]

كان فى مهندس ودكتور ومحامى راكبين فى مركب فى نص البحر المحامى سال المراكبى قال لو

بتعرف شى فى المحاما قالولا المحامى قالو انت ربع عمرك ضايع المهندس سالو قالو بتعرف شى فى الهندسه قالو لا المهندس قالو انت نص عمرك ضايع قام الدكتور سالو قالو بتعرف شى فى الطب المراكبى قالو لا الدكتور قالو انت تلت اربع عمرك ضايع وهم فى نص الميه المركب اتقلبت المراكبى قالم بتعرفوا تسبحوا قالو لا قال ليهم انتوا عمركم كله ضايع

[mona_tamer81]

مره واحد كهربائى أبوه مات لفه فى

شكرتون ودفنه فى الحيطه

[mona_tamer81]

مرة تلميذ راح يسأل المدرس بتاعه وقاله يا أستاذ هو في حد ممكن يتعاقب على حاجه معملهاش قال

المدرس لا طبعا ففرح التميذ أوى وراح قال طيب أنا معملتش الواجب

[mona_tamer81]

اتنين صعيدة اعدين على القهوة واحد بيقول للتاني (شيش يك)التانى يقوله لا ده(شيش جوهار )فصاحب القهوة لاقاهم بيتخانقوا فراح

بيقول للقهوجى شيل يابنى الشطرنج ده من قدامهم

[mona_tamer81]

الناس بيسألوا جحا وبيقلولوا عندك كام سنة

قال لهم 40 سنة
بعد 10 سنين بيقلولوا عندك كام سنة؟ قال لهم 40 سنة قالولوا ازاى اذا كنت من 10 سنين قلتلناانك عندك 40 سنة؟ قال لهم اصل كلمة الراجل واحد

[mona_tamer81]

واحد سكران كان بيعاكس وحدة وحشة اوي بالليل فكان بيقول لها يا وحشة يا وحشة راحت ملتفتة ليه وقالت له

يا سكران راح قايل لها طب أنا سكران حفوق بكرة .. وانتي؟؟؟؟

[mona_tamer81]

واحد أخنف حظه وحش قوي وقع في حفره و فضل مستني لغاية ما واحد جه و على حظه كان أخنف برضه الأخنف اللي فوق قال

استنى شوية .. حاطنّنعك دنوأتي قاله نببنا يخننيك بسنعة .. قال له
و كمان بتتنيأ ؟؟؟ طب شوف مين حيطننعكّ

[mona_tamer81]

عيلين صغيرين ماشيين فالشارع لقوا قطة فالاول قال للتاني أنا هاخد القطة دي أربيها التاني قالوه ماينفعش كدة تجيبلك

أمراض اغسلها الأول تاني يوم جه الولد بيعيط و بيقول لصاحبه القطة ماتت و أنت السبب أنت اللي قولتلي اغسلها صاحبه قاله ماتت و أنت بتغسلها قاله لا ماتت و أنا بعصرها

[mona_tamer81]

مرة عسكرى بيسأل سواق تاكسى انت لية مش لابس الحزام؟ قالة علشان

انا مش لابس البنطلون

[mona_tamer81]

واحد قاعد في أمان الله بيقرا الجرنان، وفجأة جت مراته وضربته بغطا الحلة فوق دماغه ..طرررررخ

الزوج: فيه ايه يا بنت الحلال؟ ليه كدا؟؟؟
الزوجه: ايه الورقه اللي في جيب بدلتك ومكتوب عليها "سوسو"؟؟
الزوج: يا بنت الحلال، ده أسم الحصان اللى بنشجعه في السباق!
الزوجه صدقته وراحت لحالها...
بعد اسبوع، الزوج قاعد في أمان الله يقرا الجرنان، وفجأة جت مراته وضربته
بغطا الحلة على راسه !!
الزوج: خير يابنت الحلال في ايه تاني؟؟
الزوجه: حصانك على التليفون

[mona_tamer81]

واحد كان بيدور على مطعم نظيف، لقى محل مكتوب عليه (حاربنا الذباب) فراح داخل وأول ما جه الأكل

تجمع الذباب عليه فقال للجرسون: بتقولو حاربنا
الذباب وطلع كل الذبابا ده منين
الجرسون: احنا حاربنا الذباب بس هو فاز علينا

[mona_tamer81]

محشش جابوه للقاضي قاله لو قلتلى 10 حاجات بتعملها من ساعة ما تصحى لغاية ما تنام وتكون تبدا

بحرف الالف حسيبك؟ قاله المسطول: اجيبها واحرقها وافرطها والفها و اولعها واعمرها وامخمخ انسطل اطفيها انام

[mona_tamer81]

مره قرد ودنه مقطوعه..بص لنفسه بالمرايه وقال:-يا خساره الحلو ميكملش

[mona_tamer81]

واحد صعيدى خد مراته يفسحها فى القاهرة
راحو مسرح فيه باليه . مراته اول مادخلت نامت
فلما رجع البلد بيسالوه عن القاهرة
رد و قاللهم دول الناس اخر احترام وادب
قالوله: و عرفت منين ؟
قاللهم:رحنا مسرح واول ماشافوا الوليه نامت
بقوا يمشوا على طراطيف رجليهم

[mona_tamer81]

واحد سرق كرسي من القهوة وطلع يجري ... صبى القهوة شافه اخد ديله ف سنانه و جري وراه ... قام الحرامي لمحه بيجري وراه ....... راح وقف فى نص الطريق وقعد على الكرسى .. قال للاهوجي هات لى واحد شاي

[mona_tamer81]

واحد غبي كل الناس بتقول له يا حمار ، فقام في مرة قال لهم بلاش كلمة حمار دي سموني حاجة تانية فسموه جحش....فراح لمراته فرحان بيقول لها مش الناس خلاص سموني جحش .. قالت له وهي غضبانة.....اتنيل م انت بكره تكبر وتبقي حمار تاني

[mona_tamer81]

مجنون و مجنونة كانو ماشيين جمب بسين فى مستشفى المجانين ... فالمجنون رمى نفسه فى المياه والمجنونة انقذته (جاه الدكتور تانى يوم للمجنونة وقال لها عندى ليكى خبر حلو والتانى وحش الاول انتى خفيتى وهتخرجى من المستشفى ، والتانى صاحبك المجنون شنق نفسه) قالت له لأ ..ده انا كنت معلقاه عشان ينشف

[elhon007]

اولا شكرا على ردودك وخدى دى...مره واد صغير بيسأل أمه الحامل أيه يا ماما اللى فى بطنك ده؟؟ قالتله ده اخوك يا واد ثم فى المدرسه تانى يوم الاستاذ بيسأله انت عندك اخوات يا حبيبي ؟؟ قاله كان بس امى اكلته!!!!

[mona_tamer81]

واحد متجوز واحدة غبية جدا
ففعيد جوازهم بعت لمراته نجفتين و قال لها علقيهم دول حلوين ... تاني يوم وصل له جواب من مراته بتقول له .. دول حلوين بس تقال علي وداني

[mona_tamer81]

اتنين قاعدين بيحششوا فوق السطوح... الاول: الحق يا منير ابوك مات .. ، راح شدله حجرين وقعد يعيط ..... بعد شوية الحق يا منير امك ماتت ... ، راح شدله حجرين تانى وقعد يعيط .... شويه يا منير الحق اخوك مات ... راح حادف الشيشة من ايده ووقف علي سور البلكونة و قال :لا ده هو اللي فاضلي ورمي نفسه ....وهو في الدور السابع افتكر انه مقطوع من شجرة ...وفي الدور التاني افتكر انه ماسموش منير أصلاً

[mona_tamer81]

مسطول بيسال صاحبه : هى الزيتونة السوده ليها رجلين؟؟ قاله لأ ، قاله: هممممممم يبقى اللى أكلتها خنفسه

[mona_tamer81]

واحد أحول راح يجيب أبوه من المطار باس الشنطة وشال أبوه

[mona_tamer81]

واحد بيعاكس مراته قالها :لو شافوكى في الهند كانوا عبدوكى ، قالته:ليه يا حبيبي شايفني ملاك ؟ قالها: لا بقرة

[mona_tamer81]

مرة واحد ندل وصى ولادة وهو فى غرفة الانعاش يكونو ا اندل منه ، راحو فصلوا عنه جهاز الاوكسجين

[mona_tamer81]

واحد بلديتنا نزل هو وزوجته وابنه مصر الواد شاف الهرم سال ابوه ايه ده قاله ما خبرش شويه شاف برج القاهره سال ابوه ايه ده قاله ماخبرش شويه شاف نفق المشاه سال ابوه ايه ده قاله ماخبرش
امه قالت له كفايه دوشت ابوك
رد ابوه وقال سيبيه سيبيه ،، خلي الواد يتعلم

[elhon007]

قالها: لا بقرة

هههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههه ههه
هههههههههههههههههههههههههههههههههههههههههههههههههه هههههه
هههههههههههههههههههههههههههههههههههههههههههههههههه هههههههه

[mona_tamer81]

سأل المدرس الطالب من هم الشباب المعاكسون

فرد الطالب : هم عبارة عن كائنات طفيليــة تتكاثر في المراكز التجارية والسناتــر

وتعيش على التحرش بفصيلـــة أخرى هي فصيلـــة الرخويـــات !!

[mona_tamer81]

مرة واحد فشار بيكلم صاحبة
فبيقولة:بابا فضل طاير ثلاث ساعات بالطائرة من غير وقود,
فصاحبة قالة :بس ده ضد قانون الجاذبية,
فصاحبه قاله :لالا بابا طار قبل صدور القانون

[mona_tamer81]

مرة طيارة طايرة فى الجو وبعدين شويه كده والطيارة اعدت تتهز تتهز والطيار قال يا
جماعه الطيارة هاتقع علشان الوزن تقيل ممكن تلاته من الركاب يضحوا بنفسهم علشان الباقى يعيش قام الامريكى وفتح الباب وقال امريكا رمز الحريه ورمى نفسه قام بعده الفرنساوى وقال فرنسا رمز التضحيه ورمى نفسه قام الصعيدى بعدهم وفتح الباب وقال مصر رمز الفهلوة ....... وراح
رامى المضيفه

[mona_tamer81]

واحد صعيدي كان مسافر فلما وصل المطار لقاهم مركبين جهاز جديد عبارة عن
مرايا لما تقف قدامها تعرف عنك كل حاجة, فالصعيدي انبسط و راح وقف قدام المرايا
المرايا قالت: أنت هريدي من الصعيد و عندك طيارة كمان نص ساعة
الصعيدي اتبسط و راح لبس خواجه و راح تاني وقف قدام المرايا,
المرايا قالت: انت هريدي من الصعيد و عندك طيارة كمان ربع ساعة
الصعيدي راح لبس خليجي و راح تاني وقف قدام المرايا
المرايا قالتله, ايوة انت هريدي من الصعيد خليك قاعد تستهبل كده لحد ما الطيارة تروح عليك

[mona_tamer81]

ضرب البلطجى باب المقهى برجلة فوقف جميع رواد المقهى خوفا من البلطجى إلاشاب كان يجلس وهو شارد الذهن ينظر الى كوب الشاى الذى امامه
فاتجه اليه البلطجى واخذ كوب الشاى من امام الشاب وشربه مرة واحدة ثم القى الكوب فارغا وقال للشاب ادفع انت بقة ثمن الشاى
بكى الشاب بكاء مريرا
البلطجى:بتعيط عشان خمسين قرش وعامل لى راجل
الشاب:انا بعيط عشان ماليش بخت فى الدنيا دى كل ماروح شغلانه افشل فيها ويطردنى صاحب الشغل
اشتغلت قهوجى وقعت الشاى والطلبات على الزباين اشتغلت مكوجى حرقت هدوم الزباين اشتغلت محاسب فى شركة طلعت شركة نصب والبوليس قفلها
سافرت السعودية طلع العقد مضروب ورجعت ترحيل
رحت العراق حصل الغزو وراحت فلوسى ورجعت ماشى
بصراحة انا انسان فاشل فى كل حاجة اعملها
البلطجى : ياة دا انت فاشل خالص
الشاب امال لوعرفت اللى حصل الشهر اللى فات كنت رايح شغلانه جديدة فصحيت الصبح متأخر فنزلت بسرعه وركبت عربية جارنا اللى حاططها قدام البيت ورحت الشغل برضة متاخر
فطردنى صاحب الشغل لاستهتارى بمواعيد العمل فخرجت من الشركة فاكتشفت ان حرامى سرق العربيه
فاتهمنى جارنا بسرقة العربيه وقبضوا علية واتسجنت6 شهور ولسه خارج النهاردة
حتى الانتحار فشلت فيه
البلطجى ازاى؟
الشاب : رحت للبقال واشتريت منه اقوى سم قاتل وجيت القهوة وحطيت السم فى الشاى عشان اشربه اموت واخلص من حياتى فجيت انته وشربت الشاى بتاعى اللى فية السم،،، اهئ اهئ اهئ

[mona_tamer81]

فى مره واحد صعيدى زغزغ ابنو خرم بطنو

[elhon007]

مره شحات لقى فلوس كتير اوى قالولوا هتعمل بيها ايه قاللهم هابنى مسجد واشحت على بابه لوحدى

[mona_tamer81]

بيقولك كان فى مسابقة اللى هيدخل يسرق اى حاجة من شقة الراجل العجوز وميحسش بيه هياخد مليون جنيه المهم

الراجل العجوز كان عنده قطة دخل الامريكى يسرق وهو خارج وقع الكرسى فقال العجوز مين رد عليه وقال نووووو قال العجوز دى القطة مش مهم راح داخل الفرنسى يسرق وهو خارج وقع الكرسى فقال العجوز مين رد عليه وقال نوووووو فقال العجوز دى القطة مش مهم دخل الصعيدى يسرق وهو خارج وقع الكرسى فقال العجوز مين فقال انا الجطة

[mona_tamer81]

مرة واحد كل لما بيكلم حد بينام منه ..وكل شوية الحكاية دى تحصل معاه ..فقال لأ انا لازم

اروح لدكتور عشان يعالجنى ..المهم راح للدكتور فدخل قاله اتفضل ياباشا قاله شكرا وبعدين قاله بتشتكى من ايه قاله يا دكتور انا كل لما اجى اكلم حد ينام م .... يا دكتور يا دكتور يا دكتور ؟؟؟

[mona_tamer81]

مرة رجل اعمال عمل مسابقة اشترك فيها ثلاثة اشخاص وهو واحد صعيدى وانجليزى وفرنسى والمسابقة هى ان

اللى يحدف العصايا يوديها اسوان هباخد مليون جنية الفرنسى حدفها مجتش والانجليزى حدفها مجاتش لكن الصعيدى حدفها جات واما رجع بلده امه قالتله جبت الفلوس دى كلها منين قالها بعدين بعدين راح سالها هو فين ابويا قالتله واحد حيوان حدف عصايا جات فى دماغة مات

[mona_tamer81]

دى اخر نكتة النهاردة
يا ريت يا جماعة تشاركونا برايكم و نكتكم كمان


ضرب البلطجى باب المقهى برجلة فوقف جميع رواد المقهى خوفا من البلطجى إلاشاب كان يجلس وهو شارد الذهن ينظر الى كوب الشاى الذى امامه
فاتجه اليه البلطجى واخذ كوب الشاى من امام الشاب وشربه مرة واحدة ثم القى الكوب فارغا وقال للشاب ادفع انت بقة ثمن الشاى
بكى الشاب بكاء مريرا
البلطجى:بتعيط عشان خمسين قرش وعامل لى راجل
الشاب:انا بعيط عشان ماليش بخت فى الدنيا دى كل ماروح شغلانه افشل فيها ويطردنى صاحب الشغل
اشتغلت قهوجى وقعت الشاى والطلبات على الزباين اشتغلت مكوجى حرقت هدوم الزباين اشتغلت محاسب فى شركة طلعت شركة نصب والبوليس قفلها
سافرت السعودية طلع العقد مضروب ورجعت ترحيل
رحت العراق حصل الغزو وراحت فلوسى ورجعت ماشى
بصراحة انا انسان فاشل فى كل حاجة اعملها
البلطجى : ياة دا انت فاشل خالص
الشاب امال لوعرفت اللى حصل الشهر اللى فات كنت رايح شغلانه جديدة فصحيت الصبح متأخر فنزلت بسرعه وركبت عربية جارنا اللى حاططها قدام البيت ورحت الشغل برضة متاخر
فطردنى صاحب الشغل لاستهتارى بمواعيد العمل فخرجت من الشركة فاكتشفت ان حرامى سرق العربيه
فاتهمنى جارنا بسرقة العربيه وقبضوا علية واتسجنت6 شهور ولسه خارج النهاردة
حتى الانتحار فشلت فيه
البلطجى ازاى؟
الشاب : رحت للبقال واشتريت منه اقوى سم قاتل وجيت القهوة وحطيت السم فى الشاى عشان اشربه اموت واخلص من حياتى فجيت انته وشربت الشاى بتاعى اللى فية السم،،، اهئ اهئ اهئ

[elhon007]

فقال انا الجطة

ههههههههههههههههههههههههههههههههههههه
ههههههههههههههههههههههههههههههههههههه
هههههههههههههههههههههههههههههههههههههههه
هههههههههههههههههههههههههههههه

[elhon007]

استضافوا واحد صعيدي في برنامج الكاميرا في الملعب
سألوه بتشجع مين قالهم المقاولين العرب قالوله
بتحب مين في المقاولين العرب قالهم الجماعة بتوع المحارة

[elhon007]

بخيل متعصب اوي سالته مراته مالك؟؟ قالها
الصيدلية عاملة خصم ومحدش فينا عيان