استفسار | ماذا أفعل في الفترة التي تسبق بداية الدراسة بكلية الطب؟

[د/ ريتاج]

السلام عليكم
بداية خالص شكرى على هذا الموضوع
وعرض حضرتكم لمساعدة الطلبة المستجدين فى هذة الكلية العريقة(كلية الطب)
وانا لى بعض الأستفسارات أرجو الرد عليها:smailes34:
حاليا انا سوف ألتحق للدراسة بطب عين شمس من بداية السنة الجديدة بأذن الله
فماذا يجب على أنا أفعل فى هذة المدة التى تسبق الدراسة لكى لا أعانى كثيرا فى البداية
هل أكتفى بمراجعة مادة الأحياء للثانوية العامة أم ماذا؟؟؟؟؟؟؟
ما هى الأدوات التى سوف أحتاجها فى البداية؟؟؟؟؟؟
هل الدراسة الفعلية تبدأمن أول يوم؟؟؟؟؟
أم ان أول أسبوع يكون للتعارف كما أسمع؟؟؟؟؟؟؟:smailes45:

[Dr. Ahmed]

أظن أن أفضل ما يمكنك فله الآتي:
- من المهم أن تتعرفي على طلبة في كلية الطب ممن تجاوزو السنة الأولى
وذلك لتتسع معرفتك بما سوف تقبلين عليه ولمعرفة المزيد من التفاصيل حول الكلية..
- هناك كتاب موجود داخل مكتبات كلية الطب في جامعة عين شمس يحمل اسم " مقدمة في التشريح ".. وهو كتاب رائع مكتوب باللغتين العربية والإنجليزية للتسهيل على الطالب المبتدئ..
فيستحسن أن تقومي بقرائته لتنمية مداركك قبل البدء في الدراسة.. خصوصا أن نفس الكتاب مقرر عليكي ضمن منهج السنة الأولى..

بس.. مفيش أكتر من كده.. ومتتعبيش نفسك في المذاكرة في أجازتك.. واستمتعي بها..
فالوقت كافي بإذن الله أثناء السنة الدراسية.. وربنا يوفقك وألف مبروك النجاح ودخولك كلية الطب..

تقبلي خالص تقديري،،،

[GOUTOZ]

حولي تريحي مخك من الثانوية العامة و قرفها

[دكتور98]

ريحى نفسك و خدى اجازتك على الاخر المذاكرة اللى جاية تقيلة شوية
احنا عندنا فى طب المنصورة لم يوزعوا علينا كتب بالعربى فقط انجليزى و احنا داخلين لا نفقه شئ ........
طالما وجدتى الكتاب الذى يشير اليه د احمد فاقرئيه فى ساعة تكونى زهقانة من اللعب و ليس مذاكرة مثل الثانوية فى الصيف ...
العملية مش ناقصة!!!!!
ارق التحيات بالنجاح و التفوق
و اهلا بك فى عالم الطب.........
لا لا تراجعى كتاب الاحياء ما فيهفقط عنوين لدراسة اوسع
يعنى لن يفيدك خالص

[x phantom]

متشكرين على المساعدة

أنا أحمد وحيد

والحمد لله تم قبولى فى كلية طب المنصورة

سمعت إن الدراسة فيها صعبة , وبصراحة هو ده سبب اختيارى ليها

وجزاكم الله خيراً

[دكتور98]

متشكرين على المساعدة

أنا أحمد وحيد

والحمد لله تم قبولى فى كلية طب المنصورة

سمعت إن الدراسة فيها صعبة , وبصراحة هو ده سبب اختيارى ليها

وجزاكم الله خيراً

لا تنشر عنا صورة سيئة امام الاخرين:smailes2: نحن كليتنا سهلة جدا جدا:smailes41:
الموضوع سهل و الله ب 99 % من مذاكراتك فى الثانوية العامة (ان كنت اخذتها من مصر المحروسة:bgrfreak: ) ممكن تجيب امتياز او جيد جدا اهم حاجة انك تنسى مبدا انك دخلت الكلية يبقى ترتاح من المذاكرة........... انساه خالص
و اهم شئ برضه المذاكرة اول باول
اخوك احمد
ثالثة طب المنصورة:smailes82:

[د/ ريتاج]

شكراااااااااااااااا جزيلا لكلم أيها الأطباء:smailes21:
جزاكم الله خيرا على هذة المساعـدة
ولكن عفوا
لم يتم الأجابة على أخر سؤالين:smailes88:
معلش أنا بجد قلقانة وخصوصا
أنى بسمع ان الكلية غير ثانوى خااااااااالص
بس شكرا بجد
أنا بأذن الله هعمل اللى حضراتكم قولتوة
ومعلش أذا اتأخرت فى الردعشان أنا مش كنت موجودة:smailes4:
فى رعاية الله

[GOUTOZ]

الدراسة بتبدأ من أول يوم

بس سنة أولى حتاخدو مقدمات عن المواد اللي عليكو عشان تعرفو ايه هي المواد ديه و ايه مفاتيح الكلام اللي حتستخدموه

و ربنا يوفقك

[brave_heart4463]

متقلقيش خالص
والكليه احسن بكتير من الثانويه وقلقها وكمان سهله جدا جدا جدا
كل اللي عليكي انك تواظبي علي حضور المحاضرت بانتظام وتقراي المحاضره بعد ماتروحي
(تقريها بس مش تذاكريها كمان ) وانا اضمنلك بالطريقه دي انك تجيبي امتياز وترتبي ع الدفعه كمان

وزي ماقلتلك الموضوع سهل جدا مش محتاج القلق ده كله وان شاء الله هتعيشي احسن ايام حياتك في الكليه وهتشوفي عالم جديد خالص

وكتاب الاحياء ده ترميه خالص ومتبصيش فيه
وكل اللي هتحتاجيه بالطو ابيض وعده تشريح ( مش لماده التشريح لا ده لتشريح الضفدعه في الفسيولوجي )

وماتخديش الامور بالجديه والقلق الزياده عن اللزوم في الاول كده
ولو عرفتي نظامي في المذاكره مش هتصدقي
انا اولا طالب في ثالثه طب طنطا ولسه مخلصتش السنه دي لاني ماجل موااااااد
انا بقي مبحضرش محاضرات طول السنه الا قليل ومبذاكرش كمان طول السنه وباجي قبل الامتحانات اذاكر والم المواد وتخيلي .....بجيب امتياز وبتعدي
وكل سنه بااجل مواد -ع الاقل مادتين- وانا بنصحك اياكي والتاجيل

معلش انا طولت عليكي وانا تعمدت اقولك قصتي ف الكليه علشان تعرفي نظام الكليه ماشي ازاي

[spiderhero]

اولا مبروك عليكي الكلية
في حاجات لازم تعرفيها وتحطيها في دماغك قبل ما تدخلي
انا دلوقت في سنة رابعة وبقول ياريت كان حد قالي قبل ما ادخل الكلية

الانجليزي الي احنا درسناه طول الفترة الي فاتت يختلف عن الانجليزي الي هاتقبليه في الدراسة في بعض الحاجات علشان في مصطلحات جديدة هاتعرفيها هايلزمك قاموس ويفضل يكون قاموس (حتي) هو اسمه كده وتمنه لا يتجاوز 40 جنيه

في بداية الدراسة هتلاقي الدنيا ابيض واسود ومش عارفه تذاكري ازاي والكلام كتير والمحاضرات تقيلة علي فكرة كل دي اوهام علشان انت خايفة وكمان مستعجلة وعندك فضول من المستقبل وادي الناس الي خلصت بتقول نفس الكلام كل الي عليكي انتي هاتخدي محاضرة تروحي تقريها وتفهيمها وبس مش عايزين حفظ دلوقت والكلام الصعب الي هاتقبليه دوري عليه في القاموس
فيه اسطوانات شرح للدكتور احمد كمال لمادة التشريح هتلاقيها علي النت وفي مكتبة الكلية ياريت تتابعيها من اول السنة
هتلاقي مذكرة اسئلة الامتحانات في مكتبة الكلية هاتيها وتابعي الاسئلة من اول السنة
زي ما قلتلك مجرد قراية يعني تعرفي ان الحتة دي فيها سؤال واجابته كذا وهتلاقي نفسك في اخر السنة مجمعة المادة واخر حلاوة وجبنة
زي ما الدكتور قالك فوق مش محتاجة غير بالطو وعلبة ادوات التشريح علشان سكشن واحد في الفسيولوجي وممكن كمان ماتجيبهاش لان التجرب مجرد ايضاح لحركة العضلات ومش مطلوبة منك في الامتحان او في حياتك كطبيبة
دلوقت ما تستعجليش وتبدأي انت قدامك شهرين تقريبا خدي راحة من الثانوية علشان تقدري تتابعي الكلية من الاول
واتمني لك التوفيق

[د/ ريتاج]

شكرااااااااااااااااااا لكم جميعا
بجد حضراتكوا طمنتونى كتيييييييييييييييييييير
وأنا بأذن الله هاخد بنصايح حضراتكوا
وأخلى كل حاجة لوقتها أن شاء الله:smailes43:
http://www2.0zz0.com/2008/08/05/09/705662560.gif