موظف غلبان .......... قصيدة عامية ( زجل )

[kolawa]

مسكين الموظف وتعبان وغلبان
بيبص للى بيملك اموال واطيان
وهو ماسك رغيف فاضى وساعات
رغيفه الفاضى مابيلاقيه كمان
اصله موظف تعبان اوى وغلبان

اصله موظف بسيط واخد على الزحمة
مش لاقى ياعينى وسيط يأكله فى يوم لحمه
عايز له بنت حلال لو فى وشها وحمه
مقدرش يتجرأ ويطلب بنت الجيران
دى غنية اوى وهو تعبان وغلبان

بيبات فى اوضه ايجار وساعات على الرصيف
عايش تمللى فى نار ولما يزوره ضيف
ويقوله فين واجب ضيافتى يا ابو العريف
يقوله واجب ضيافة ؟! .... لا دا كان زمان
دا انا موظف تعبان اوى وغلبان

ولما ياعينى اتجوز وبقاله اولاد وبنات
ووراه بلاوى متلتلة ومصاريف وحسابات
دخلوا عليه اوضته لقوا الموظف مات
عينى عليك ياموظف فقير غلبان

[amrhamdyelshreef]

لو كان عرف الدنيا ازاي كان ملا بيته رز وسكر وشاي أوكان تاجر في المخدرات وساعتها كانت هتموت عليه البنات ويجوز ويعيش في تبات أوحتي كان تاجر في السلاح كان هيعرف معني الليالي الملاح ومش مهم إنه يكون سفاح وبعدين أنا عايل همه ليه ماخلاص أهه مات وارتاح

[tarek1990]

المصاريف كثيرة
الأوضة صغيرة
لو اشتغل سفاح
كان فعلا ً ارتاح
بس الأفضل يرمي نفسه بوجه فلاح
و يمكن يشفق عليه
و يعطي.....شوية تفاح