يوم الامتحان الشفوى..يكرم المرء أو ...(اللى امتحن شفوى يدخل و يفضفضلنا)

[د/عمـــرو درة]

السلام عليكم و رحمة الله و بركاته

اخوانى و اخواتى
طلبة الطب و الأطباء

طبعا فى حياتنا الدراسية أيام و أوقات لا ننساها

و من اصعبها
أيام الامتحانات
و خاصة
امتحانات الشفوى

ياريت نعمل الموضوع ده
لكل واحد عنده حكاية مع امتحانات الشفوى
و المواقف اللى مر بيها
و أسئلة الدكاترة الغريبة
و الحالات النادرة اللى محدش بيشوفها اللى يوم الامتحان
و ايه أغرب الأسئلة اللى اتسألها

فى انتظار حكاياتكم و مغامراتكم

[Dr.Ziad]

كان ذلك بامتحان التخرج - القسم الشفوي - مادة الجراحة

دخلت لقاعة الامتحان مرتجفا صراحة

سألني الدكتور ( جراح بولية ) عن الإيكو عبر الشرج , طبعا أجبته دون مشاكل , لكن أخذ يتعمق معي بالأسئلة و كأني خبير إيكو , علما أنني حينها لم أكن أعرف شيئا عنه إلا من خلال الكتب و لم أره في حياتي

تضايقت لحد بعيد لأنه أخذ يسألني أسئلة أول مرة بسمع فيها

ثم جاء دور الدكتور التاني ( جراحة هضم ) و أخذ يسألني أسئلة عادية


حينها أخذ الدكتور الأول ( جراح البولية ) يدخن , قلت له لو سمحت اطفئ السيجارة , فضغب وقال لي , هل أخرج من القاعة ؟! قلت له بيكون أحسن !!!!

طبعا الجو بات مشحون لحد كبير و نار الغضب تفتقت من عيونه و النتيجة أنه انتقم مني شر انتقام بعلامة الشفهي , لكنا بالنهاية لم تؤثر على نجاحي أبدا بالمادة ( كنت قدمت النظري كويس و نجحت )

[GOUTOZ]

السنة دي كنت لسه سنة أولى

المهم المواد الأربعة كل ماخش لدكتور يسألني أسئلة سهلة بس يروح خبطلي سؤال من برة المنهج

في الهستولوجي الدكتورة سئلتني سؤال فيسيولوجي و في الأنتومي الدكتو سئلني على حاجة لسه حاخدهه في سنة تانية

بس الحمد الله ربنا ستر و جيبت الرجة النهائية فيهم كلهم و من غير وسايط و الحمد لله

[Once Upon a Time]

شكرا على الموضوع دكتور عمرو

من اغرب المواقف والتي تدل على غباء بعض الدكاتره

كنت في امتحان شفوي بعد تشخيص حالة السيناريو على انها كيتو اسيدوسس
لطفل ديابتك تايب ون
اخر سؤال كان
الدكتوره : ماهي النصائح التي ستعطينها للمريض
انا : ان لا يفوت جرعة الانسولين وان ينظم نوعية غذاؤه ونشاطه ويوازنها مع الجرعات وان يتابع مع طبيب مسالك بوليه وعيون
الدكتوره : الاجابه ناقصه لم تذكري تنظيم الدايت والاكسرسايز
انا : لا تعليق !!!!

[د/عمـــرو درة]

مشاركات فى غاية الطرافة

شكرا جزيلا على مشاركاتكم
و فى انتظار المزيد من مشاركات أعضاء برامج نت

[د/عمـــرو درة]

امتحان القهوة و البطيخ

مرة كنت فى امتحان الفسيولوجى فى سنة تانية

دخلت لدكتور من الدكاترة معروف انه عصبى أوى أوى
و بيتعارك مع دبان وشه

المهم أول ما دخلت مكتبه
ما بصش عليا أصلا

و قام منادى بأعلى صوته
يا توحييييييييييده
(دى الدادة)
جات توحيدة و قالتله أيوه يا باشا!!
الدكتور (و بطريقة مرعبة): القهوة اللى انت عاملاها زى الزفت ايه القرف ده؟!
توحيده:معلش يا باشا حقك عليا أعملك غيرها
الدكتور: ايه اليوم الأسود ده
حاجة تقرف
(على فكرة كل ده أصلا و أنا قاعد ما اتكلمتش ولا كلمه و عايز الأرض تنشق و تبلعنى)

الدكتور: و انت كمان هتخنقنى زى اللى قبلك و لا هتخلص و تنجز؟
أنا: ان شاء الله هجاوب يا دكتر
الدكتور: ؟؟hdkgvk;jsdgljg;sjkhjhvjkl/sdfh/lsjhl
(ده المفروض انه سؤال فى الطب و بالأخص فى مادة الفسيولوجى لكن أنا مفهتش حاجة منه أصلا بالرغم انى كنت مذاكر كويس أوى)

لحظات من الصمت الرهيب سادت أجواء لجنة الشفوى
لا نسمع فيها سوى صوت عقارب الثوانى فى ساعة الحائط اللى فوق نفوخ الدكتور

و دخلت توحيدة بالقهوة :اتفضل يا باشا روق دمك مفيش حاجة تستاهل
الدكتور: انتى شايفانى مجنون و بأشد فى شعرى وللا ايه؟
(بصراحة كنت عايز أقوله أيوه فعلا بس ما رضتش اتكلم)

المهم توجه بنظره اليا
و قاللى هسألك سؤال تانى علشان ما نفضلش فى المكتب المؤرف ده لحد الصبح

الدكتور: gdghlfglhsdfgvhk;gvsfh;sjsbh lhsfghkl ??
بصراحة السؤال كان صعب و مش مفهوم أصلا

بس قلت لازم أرد و أقول أى حاجة
ابتديت اتكلم و اكسب وقت
ماهو برضه لازم أقول أى حاجة علشان ما آخدش الصفر الكبير
و لسه بابتدى اتكلم و اعمل تقسيمه
لقيته قام من مكتبه كالمارد الجبار
و بأعلى صوته صاح قائلا:
هو أنا بتاع بطييييييييخ؟ شايفنى بتاع بطييييييييخ؟ ماشى بعربية كاروووو و بأقول عا السكينة؟
اطلع برررررررره
بررررررررررررررررره!!!!

الغريب فى الأمر انى جبت فى الفسيولوجى امتياز
سبحان الله

[GOUTOZ]

ههههههههههههههههه

دنيا

[دكتور98]

انا ماليش اسئلة غريبة و لكن ساروى لكم حكايتى مع حظى النحس فادائما ما اجد حظى عند الدكاترة الكبار قوى
ففى الفسيولوجى دخلت لدكتور external من جامعة الازهر(مع الاعتذار لكل اطباء جامعة الازهر) المهم اول سؤال هو
1-هو ايه الفرق بين الcalcitonin و calcictokinen و انا بالعافية جاوبت
2- هو ايه الفرقبين الفيتامين و الهرمون (علما بان هذه مادة الفسيولوجى)
اما البيو فدخلت لدكتور.. بلاش الاسم المهم انه سالنى اسئلة غريبة و كان اكتر واحد فى مجموعتنا طالع ب 19 من 25 درجة و طبعا دى زى الزفت لمن يريد الامتياز...
كان جميل جدا و لكن كان بيحط درجات زى الزفت
ربنا يلطف دة انا لسة رايح 3 و اتبهدلت امال السنوات الكبيرة هايعملو فيا ايه:smailes39: :pissed: :smailes109: :smailes64:

باختصار يوم الشفوى يهان المرء او يهان

[د/عمـــرو درة]

شكرا على المشاركة

و معلش بقى علقة تفوت و لا حد يموت

ان شاء الله السنين اللى جاية هتكون اتعودت خلاص على صدمات الشفوى و أيامه