أسامة صابر مصطفى
07-07-2008, 10:25 PM
أعتذر عن الكتابة بالعامية، فأغلب ظني أن العفاريت لا تجيد الفصحى.
الأول: فاكر (ذكرى) المطربة اللي اتقتلت علي يد زوجها؟
الثاني: آه يا عم، إيه اللي فكرك بيها؟
الأول: بيقول لك عفريتها "لابد" في الشقة اللي اتقتلت فيها.
الثاني: بسم الله الرحمن الرحيم، يا عم بلاش هزار في الحاجت دي اعمل معروف.
الأول: يا عم أنا مش بأهزر، الموضوع مكتوب على "مصراوي" لو مش مصدقني.
الثاني: صحيح؟ طب إيه التفاصيل؟
الأول: (ذكرى) دي اللي كانت مطربة متجوزة من رجل أعمال كبير اسمه (أيمن السويدي).
الثاني: آه عارفه، بتاع كابلات (السويدي).
الأول: و(أيمن) و(ذكرى) كان سهران في الشقة عندهم مدير أعمالها ومعاه زوجته.
الثاني: ها وبعدين؟
الأول: قام فجأة ومن غير ما حد يعرف السبب، (أيمن) طلع رشاش وقتل مراته ومدير أعمالها وزوجته وبعدين قتل نفسه.
الثاني: طب ليه الجنان ده؟
الأول: ما حدش يعرف السبب لحد دلوقتي.
الثاني: طب إيه حكاية العفريت دي بقى؟ لبشت جتتي!
الأول: بيقول لك الجيران في العمارة اللي فيها الشقة بيشتكوا من حاجات غريبة بتحصل.
الثاني: حاجات زي إيه؟
الأول: بيسمعوا صوت ذكرى في نص الليل بيغني في الشقة اللي مقفولة من ساعة الحادثة.
الثاني: يااااا نـ... نهار أ...أبيض! وإيه كمان؟
الأول: الأساسنير بيطلع في الفجر ويقف عند الدور اللي فيه الشقة لوحده من غير ما حد يطلبه.
الثاني: الأسانسير بيطلع لوحده؟ يا حفيظ!
الأول: ومش كده وبس، الجيران بيسمعوا كل ليلة صوت خناق وصوت قطط جوه الشقة.
الثاني: بس يا عم، اعمل معروف.. خلاص أنا مش ح ييجي لي نوم الليلة دي.
تنطلق ضحكة ساخرة من خلف الثاني، مما جعله يقفز من مقعده مرتعباً لينظر خلفه ليجد الضحكة وقد تعال صداها عالياً من منظره المثير للشفقة.
الأول: إيه يا عم، بتضحك على إيه؟
الثالث (صاحب الضحكة): أصلي كنت قاعد بأسمعكم وبصراحة ما أقدرش أمسك نفسي.
الثاني: وإيه بقى اللي يضحك في حكاية زي دي يا بني آدم إنت؟
الثالث: يا جدعان الموضوع بمنتهى البساطة تلاقي حد معين بيعمل الحركات المفقوسة دي.
الأول: وح يستفيد إيه من كده، يا أبو العريف؟
الثالث: عشان الشقة ما تتباعش ولو اتباعت تبقى برخص التراب.
الأول (مفكراً): احتمال، دي شقة في الزمالك، شوف تسوى كام؟
الثاني (وروعه يقل تدريجياً): كلامك منطقي، إشمعنى يعني عفريت (ذكرى) هو اللي بيطلع بس، ما في تلاتة ماتوا معاها؟
الثالث: مظبوط، أهو كده ابتديت تفكر صح.
الأول: يعني الموضوع ده ممكن يكون فشنك، يا ولاد اللذين!
الثالث: يا عمي! يعني هي جت على دي؟ ما أحنا عايشين في ديموقراطية فشنك وسلام فشنك وحرية فشنك.
الثاني متلفتاً حوله (وقد عاود الارتعاش): إيه ده؟ إنت ح تتكلم في السياسة؟ لا يا عم، خلينا في العفاريت أحسن.
هنا جاء الدور على (الأول) ليطلق ضحكة ويقول لـ(الثاني)..
خلاص يا عم، نغير الموضوع.. شوف لنا الجرايد فيها إيه؟
الثاني: آديني بأشوف أهو، بيقول لك يا سيـ.. يا لطيف الطف بعبادك!
الأول: في إيه يا جدع إنت، إيه حكايتك أومال؟
الثاني: اتفضل اقرا بنفسك!
الأول: وريني يا أخويا..
"أعلنت شركة (روتانا) عن توقيعها لعقد احتكار مع عفريت المطربة (ذكرى) لمدة 500 سنة، قابلة للتجديد..
وقد تكتمت الشركة تفاصيل العقد بناء على رغبة مدير أعمالها.. (العفريت)."
الأول: فاكر (ذكرى) المطربة اللي اتقتلت علي يد زوجها؟
الثاني: آه يا عم، إيه اللي فكرك بيها؟
الأول: بيقول لك عفريتها "لابد" في الشقة اللي اتقتلت فيها.
الثاني: بسم الله الرحمن الرحيم، يا عم بلاش هزار في الحاجت دي اعمل معروف.
الأول: يا عم أنا مش بأهزر، الموضوع مكتوب على "مصراوي" لو مش مصدقني.
الثاني: صحيح؟ طب إيه التفاصيل؟
الأول: (ذكرى) دي اللي كانت مطربة متجوزة من رجل أعمال كبير اسمه (أيمن السويدي).
الثاني: آه عارفه، بتاع كابلات (السويدي).
الأول: و(أيمن) و(ذكرى) كان سهران في الشقة عندهم مدير أعمالها ومعاه زوجته.
الثاني: ها وبعدين؟
الأول: قام فجأة ومن غير ما حد يعرف السبب، (أيمن) طلع رشاش وقتل مراته ومدير أعمالها وزوجته وبعدين قتل نفسه.
الثاني: طب ليه الجنان ده؟
الأول: ما حدش يعرف السبب لحد دلوقتي.
الثاني: طب إيه حكاية العفريت دي بقى؟ لبشت جتتي!
الأول: بيقول لك الجيران في العمارة اللي فيها الشقة بيشتكوا من حاجات غريبة بتحصل.
الثاني: حاجات زي إيه؟
الأول: بيسمعوا صوت ذكرى في نص الليل بيغني في الشقة اللي مقفولة من ساعة الحادثة.
الثاني: يااااا نـ... نهار أ...أبيض! وإيه كمان؟
الأول: الأساسنير بيطلع في الفجر ويقف عند الدور اللي فيه الشقة لوحده من غير ما حد يطلبه.
الثاني: الأسانسير بيطلع لوحده؟ يا حفيظ!
الأول: ومش كده وبس، الجيران بيسمعوا كل ليلة صوت خناق وصوت قطط جوه الشقة.
الثاني: بس يا عم، اعمل معروف.. خلاص أنا مش ح ييجي لي نوم الليلة دي.
تنطلق ضحكة ساخرة من خلف الثاني، مما جعله يقفز من مقعده مرتعباً لينظر خلفه ليجد الضحكة وقد تعال صداها عالياً من منظره المثير للشفقة.
الأول: إيه يا عم، بتضحك على إيه؟
الثالث (صاحب الضحكة): أصلي كنت قاعد بأسمعكم وبصراحة ما أقدرش أمسك نفسي.
الثاني: وإيه بقى اللي يضحك في حكاية زي دي يا بني آدم إنت؟
الثالث: يا جدعان الموضوع بمنتهى البساطة تلاقي حد معين بيعمل الحركات المفقوسة دي.
الأول: وح يستفيد إيه من كده، يا أبو العريف؟
الثالث: عشان الشقة ما تتباعش ولو اتباعت تبقى برخص التراب.
الأول (مفكراً): احتمال، دي شقة في الزمالك، شوف تسوى كام؟
الثاني (وروعه يقل تدريجياً): كلامك منطقي، إشمعنى يعني عفريت (ذكرى) هو اللي بيطلع بس، ما في تلاتة ماتوا معاها؟
الثالث: مظبوط، أهو كده ابتديت تفكر صح.
الأول: يعني الموضوع ده ممكن يكون فشنك، يا ولاد اللذين!
الثالث: يا عمي! يعني هي جت على دي؟ ما أحنا عايشين في ديموقراطية فشنك وسلام فشنك وحرية فشنك.
الثاني متلفتاً حوله (وقد عاود الارتعاش): إيه ده؟ إنت ح تتكلم في السياسة؟ لا يا عم، خلينا في العفاريت أحسن.
هنا جاء الدور على (الأول) ليطلق ضحكة ويقول لـ(الثاني)..
خلاص يا عم، نغير الموضوع.. شوف لنا الجرايد فيها إيه؟
الثاني: آديني بأشوف أهو، بيقول لك يا سيـ.. يا لطيف الطف بعبادك!
الأول: في إيه يا جدع إنت، إيه حكايتك أومال؟
الثاني: اتفضل اقرا بنفسك!
الأول: وريني يا أخويا..
"أعلنت شركة (روتانا) عن توقيعها لعقد احتكار مع عفريت المطربة (ذكرى) لمدة 500 سنة، قابلة للتجديد..
وقد تكتمت الشركة تفاصيل العقد بناء على رغبة مدير أعمالها.. (العفريت)."