الأهلاويه والزملكاويه حبايب بالتعادل

[romio1975]

http://up4.w6w.net/upload/04-03-2006/w6w_20060304205751f6eec14c.jpg

أهلا ومرحبا بكم في الوصف التفصيلي والمباشر لأحداث مباراة القمة رقم 96 بين الأهلي والزمالك على استاد القاهرة المباراة المؤجلة بينهما من المرحلة الحادية عشر من الدوري المصري.
د.92 إنذار لحسام عاشور بسبب دفع حازم أثناء انطلاقه بالكرة في وسط ملعب الأهلي

د.91 شديد قناوي يلعب الكرلة الحرة ودفاع الزمالك يشتت الكرة والحكم يشير إلى ثلاث دقائق وقت بدل ضائع

د.90 متعب يحصل على خطأ على الحدود اليمنى لمنطقة جزاء الزمالك

د.89 شيء غير طبيعي في الملعب .. وأداء الطرفين يدعو للرثاء الشديد .. تمريرات مقطوعة من الجانبين وانطلاقات تنتهي بتمريرات خاطئة

د.87 إنذار لأحمد السيد بسبب عرقلة أبو العلا في نصف الملعب

د.85 المستوى متدني للغاية .... إينو ينطلق بالكرة داخل ملعب الأهلي ويهدي الكرة لمنافسيه وأبو تريكه يقوم يسيناريو مماثل في ملعب الزمالك

د.83 التعاونيات الكروية مستمرة بين لاعبي الفريقين وخروج تامر عبد الحميد ونزول محمد أبو العلا

د.81 ركنية للزمالك من الناحية اليسرى

د.78 اللعب التعاوني متواصل وجمال حمزة يفلت بكرة في محاولة للانفراد بالحضري لكن الحارس يمسكها قبل مهاجم الزمالك

د.76 ركلة حرة للأهلي من الناحية اليسرى وأبو تريكة يلعب الكرة دون خطورة

د.74 إسلام الشاطر يلعب عرضية إلى أبو تريكة لكن الحكم يشير إلى تسلل مهاجم الأهلي

د.72 حسن مصطفى يخترق منطقة جزاء الزمالك من الناحية الييسرى ويسدد لكن كرته تمر جوار العارضة

د.71 نزول شديد قناوي وخروج محمد عبد الوهاب

د.69 ركلة حرة للأهلي على حدود منطقة الجزاء وأبو تريكه يلعب الكرة ولكن عبد الواحد يمسكها

د.67 أخطر هجمة للأهلي في الشوط الثاني بواسطة متعب الذي اخترق من الناحية اليسرى وأرسل كرة "مقشرة" إلى حسام عاشور لكن الأخير يسددها في مدافعي الزمالك

د.65 الزمالك يضغط حاليا ويحاصر الأهلي وجمال حمزة يمرر الكرة لعبد الحليم علي إنفراد لكن الأخير يسدد الكرة بعيدا بغرابة

د.62 خروج أسامة حسني ونزول فلافيو الأنجولي

د.61 نزول حازم إمام ومصطفى جعفر ........ هل ينجح حازم في استعادة أمجاد القلعة البيضاء

د.59 حازم إمام يجري تدريبات الإحماء

د.57 فاصل من الكوميديا في استاد القاهرة ..... لاعبو الفريقين يعيدون الكرة إلى المنافس في رعونة لا تصدق والكرة محصورة في وسط الملعب

د.55 الأهلي استعاد بعض السيطرة على خط الوسط في الشوط الثاني ولكن اللعب سلبي من جانب الفريقين

د.53 ركلة حرة للأهلي من مسافة قريبة من منطقة جزاء الزمالك ولكن لاعبي الأهلي نفذوها برعونة

.د.51 شديد قناوي يقوم يتدريبات الإحماء

د.50 صديق يقابل الركنية عند الزاوية القريبة لكن الكرة تمر جوار المرمى

د.49 بداية هادئة للشوط الثاني وركنية للزمالك

د.48 هجمة منظمة للأهلي قادها حسام عاشور وعماد متعب لكن طارق السيد أفسدها في اللحظات الأخيرة

د.46 انطلاق الشوط الثاني والكرة مع الزمالك


استراحة

د.46 هدف أخر لا يضيع بواسطة حسن مصطفى من توغل لعبد الوهاب في الناحية اليسرى تصل إلى مصطفى القادم غير مراقب تماما في منطقة الياردات الست وبدلا من إسكانها الشباك يلعبها برعونة في السماء

د.43 خطأ قاتل من إبراهيم سعيد الذي أعاد الكرة إلى عماد متعب .. ومتعب يحصل على الكرة ويتجه إلى مرمى الزمالك ويسدد في السماء

د.42 عبد الوهاب يتلقى الكرة في الناحية اليسرى ويراوغ ويسدد فوق العارضة

د.41 ركنية للزمالك من الناحية اليمنى ويلعبها مصطفى جعفر بعد عرضية من طارق السيد فتمر جوار العارضة وهدف ضائع على الزمالك

د.40 حسن مصطفى ينطلق بالكرة من جديد ويسدد من نصف ملعب الزمالك لكن كرته تذهب ضعيفة بين السيقان

د.38 ركلة حرة للزمالك من الناحية اليمنى يتصدى لها طارق السيد ولكن الحكم يشير إلى تسلل أحد لاعبي الزمالك

د.35 حسن مصطفى وأبو تريكه مع تامر عبد الحميد وإينو وكرات مقطوعة من هنا وهناك

د.33 انطلاقة لمصطفى جعفر في قلب دفاعات الأهلي والنحاس يبعدها في اللحظة الأخيرة إلى ركنية

د.31 صدام بين شادي وعبد الحليم علي والأخير يطالب الحكم بمعاقبة الأول بدعوى تعرضه لضربة كوع .. الإعادة تكشف أن العندليب ممثل كبير ويتحدث مع الحكم بالعربية لكن للأسف الحكم يوناني

د.30 جمال حمزة يسدد من خارج منطقة جزاء الأهلي لكن كرته تذهب إلى السماء

د.28 الزمالك الأن أكثر تحكما في خط الوسط ولاعبيه ينطلقون في اليمين واليسار بينما هجمات الأهلي المرتدة أكثر خطورة

د.25 الأهلي يرد بسرعة بهجمة مرتدة خطيرة وأسامة حسني يتأخر في التسديد

د.24 أخطر هجمة للزمالك من يوسف حمدي الذي تلقى كرة بينية داخل منطقة جزاء الأهلي وراوغ محمد عبد الوهاب وسدد في المرمى المفتوح لكن الحضري يصد الكرة بأعجوبة ويبعدها إلى ركنية

د.23 إنذار لحسن مصطفى بسبب عرقلته لعبد الحليم علي في وسط الملعب

د.20 هجة مرتدة خطيرة للأهلي قادها أبو تريكة ومتعب وانتهت عند حسن مصطفى الذي سدد من خارج منطقة الجزاء وعبد الواحد يمسك على مرتين

د.18 ركنية لصالح الزمالك ومحمد صديق يقابل الكرة بالرأس لتمر جوار العارضة اليسرى للأهلي في خطورة بالغة

د.16 الكرة محصورة حاليا في وسط الملعب وإيقاع المباراة سريع وإنذار لتامر عبد الحميد لعرقلته محمد عبد الواحد

د.13 خطأ للزمالك من نصف ملعب الأهلي وطارق السيد يسدد الكرة لولبية لكن الحضري يمسكها بثبات

د.11 عبد الحليم يتسلم الكرة من جمال حمزة في الناحية اليمنى ويسدد على مرمى الحضري مباشرة لكن كرته تمر جوار العارضة

د.10 متعب يسقط على الأرض بعد التحام عنيف

د.8 هجمة مرتدة للزمالك يجهضها أحمد السيد ببراعة بعد استخلاص الكرة من مهاجمي الزمالك وحسن مطفى يقطع مشوار للوصول إلى مرمى الزمالك ويسدد كرة قوية يمسكها عبد الواحد السيد بثبات

د.7 هجمة خطيرة للأهلي والكرة تصل إلى متعب الذي راوغ أكثر من مدافع زملكاوي داخل منطقة الجزاء لكنه يفشل في التسديد

د.5 هجمة خطيرة للأهلي من مجموعة تمريرات متقنة انتهت إلى أبو تريكة الذي مرر الكرة إلى أسامة حسني والأخير يسدد على المرمى كرة أرضية لكن عبد الواحد ينقذ الموقف ويبعد الكرة عن مرماه

د.3 ركنية أولى للزمالك

د.2 إينو يسدد الركلة الحرة لكن الكرة تصطدم بالحائط البشري وتتحول إلى هجمة مرتدة بواسطة متعب وأسامة حسني

د.1 أول خطأ لمصلحة الزمالك في نصف ملعب الأهلي بعد عرقلة مصطفى جعفر بواسطة حسن مصطفى

د.1 انطلاق المباراة والكرة مع النادي الأهلي

أعداد كبيرة من الفتيات والسيدات يحضرن مباراة القمة من المدرجات للمرة الأولى .. وتوابع كأس الأمم الأفريقية مازالت مستمرة في استاد القاهرة

حسن حمدي ومرسي عطا الله رئيسا الناديين يجلسان متجاورين في المقصورة الرئيسية للاستاد في روح رياضية تعطي القدوة لجماهير الناديين.

اكتمال أحداث المباراة بروح رياضية ربما يدفع أجهزة الأمن لإعادة التفكير في طلب النادي الأهلي بإزالة الفواصل بين الجمهورين الكبيرين في لقاءات القمة

صدق أو لا تصدق .. الروح الرياضية تسود استاد القاهرة بين جماهير الناديين ، جمهور الزمالك هتف بإسم لاعبي الأهلي وطلب منهم الاقتراب من المدرجات البيضاء لتحيتهم ، وجمهور الأهلي يرد التحية بمثلها ويهتف للاعبي الزمالك في مشهد لم يصدق الكثير من المتواجدين في استاد القاهرة إمكانية حدوثه يوما ما!


تشكيل النادي الأهلي :

عصام الحضري - عماد النحاس - أحمد السيد - شادي محمد - إسلام الشاطر- محمد عبد الوهاب - حسام عاشور - حسن مصطفى - أبو تريكة - أسامة حسني - عماد متعب

تشكيل نادي الزمالك :

عبد الواحد السيد - إبراهيم سعيد - محمود محمود - محمد صديق - تامر عبد الحميد - معتز إينو - يوسف حمدي - طارق السيد - جمال حمزة - عبد الحليم علي - مصطفى جعفر

[misry]

السلام عليكم :....

الى الآن مباراة متكافئة مع الكثير من التمثيل من لاعبي الزمالك

والحكم مبيعرفش يكشفهم ....

أتمنى أن الأهلي يفوز ....

[romio1975]

ربنا يسهل ومباراه مفتوحه وما تقدرش تتوقع نتيجتها ابدآ

[zukero]

انشاء الله الفوز للاهلي وأنا معكم في النقل المباشر

[zukero]

انشاء الله الفوز للاهلي وأنا معكم في النقل المباشر

[zukero]

دقيقة٨٥ ولسه٠ـ٠

[zukero]

و نهاية المباراة بالتعادل السلبي

[romio1975]

ههههههههههههه
انا مش عارف يا زملكاويه انتوا هتغلبونا امتى اذا بنلاعبكم بالفريق التانى فى ظل غياب اعمدة الفريق

بركات
شوقى
جمعه
جيلبرتو
شيتوس

هههههه
اومال لو كانوا بيلعبوا كاملين كنا عملنا فيكم ايه
يلا نفدتوا المره دى للأصابات مش اكتر هتروحوا مننا فين الماتش الجاى يوم ايه يا حلوين فى مايو ؟؟؟
يوم اللى اتبهدلتوا 6/1 من عمامكم هههههههه

[ahmed_island]

انتهت مبارات القمة قبل لحظات بالتعادل السلبي ايه رأيكم في المباراه بس من غير تعصب وكلنا حبايب

شكرآ ويدمج مع موضوع المباراه

[h131200]

انا لو كنت عارف هيك
كنت تفرجت عالمباراة عالمنتدى
تفصيل جميل يا روميو
واعتقد ان المباراة خرجت بفوز الفريقين
وعجبني الاداء الراقي للعيبة الزمالك
وتحية كبيرة للنجم جمال خمزة لما قدمه من مجهود راقي
وبصراحة الزمالك كان اقرب للفوز لولا عدم التوفيق للعندليب وبصراحة هذا رأيي كمتابع للمباراة بغض النظر عن اني زملكاوي
واستغربت للتغيير بخروج مصطفى جعفر والعندليب
اللي ادى الى عقم هجومي
وطبعا بأحيي
ابو تريكة للمجهود الكبير اذي بذله وكان بيهاجم لوحده

شكرا يا روميو على النقل الحي والمباشر للمباراة

[h131200]

ههههههههههههه
انا مش عارف يا زملكاويه انتوا هتغلبونا امتى اذا بنلاعبكم بالفريق التانى فى ظل غياب اعمدة الفريق

بركات
شوقى
جمعه
جيلبرتو
شيتوس

هههههه
اومال لو كانوا بيلعبوا كاملين كنا عملنا فيكم ايه
يلا نفدتوا المره دى للأصابات مش اكتر هتروحوا مننا فين الماتش الجاى يوم ايه يا حلوين فى مايو ؟؟؟
يوم اللى اتبهدلتوا 6/1 من عمامكم هههههههه
احمد ربنا يا روميو
ان المباراة انتهت بالتعادل
الزمالك كان ناقصو شوية توفيق بس
وكان هو الاقرب ولظن ان الكل شاف كدة
بلاش انكار
يعني متقوليش امتى هتغلبونا
هو الاهلي لعب اصلا في المباراة

[ahmed awaad]

يا روميو بيه
الزمالك كان اقرب للفوز
و بصراحه الزمالك النهارده تألق جدا
و مفيش حد يقول غير كده

[walid mohame]

الاهلي بالفرقة التانيه وبهدلكوا

روحوا بقي مع السلامة

[h131200]

الاهلي بالفرقة التانيه وبهدلكوا

روحوا بقي مع السلامة
انا بدي اعلق على نقطتين
الاولى ..الاهلي الفرقة التانية
تانية منين بقى هم الاساسيين اللي غابوا 3
يعني عيب على فريق زي الاهلي مكونش عنده البديل المناسب ..وخصوصا ان كل لاعب في مركز
طب لو كان لاعبين من مركز واحد كان ايه اللي حصل للاهلي؟؟!!!
وده المشكلة اللي هيوقع فيها الاهلي لقدام شوية
لان اللعيبة اللي عنده كلها لعيبة اشتراها الاهلي وهي جاهزة
ودلوقتي لما يمشوا الاهلي هيعمل ايه
خصوصا انه بيعتمد بشكل كلي عليهم
النقطة التانية
انت بتقول بهدلونا
اظن اني مش المفروض اني ارد عليك
لان الكل شاف ان سوء الحظ وعدم التوفيق هم اللي وقفهوا في طريق فوز الزمالك

[ahmed awaad]

يا بهاء خليك انت الكبير
الاهلاويه مش حيترفوا ان المالك كان افضل ابدا
فخلينا احنا الكبار

[walid mohame]

غاب

جلبرتوا وما ادراك ما جلبرتو

بركات انا شايف انه فرقة كاملة

شوقي الي عمر ما الزمالك كان عنده واحد زيوا

وائل جمعة الي عمره ما اتالق اد الفترة الي فاتت

وائل رياض واد جامد جدا ممكن يغير نتيجة ماتش


عبد الوهاب مرهق جدا جدا واظن كان واضح

سلام يا صاحبي

ههههههههههههههه

[tarik]

اللقاء لم يرقى للمستوى المطلوب

[h131200]

غاب

جلبرتوا وما ادراك ما جلبرتو

بركات انا شايف انه فرقة كاملة

شوقي الي عمر ما الزمالك كان عنده واحد زيوا

وائل جمعة الي عمره ما اتالق اد الفترة الي فاتت

وائل رياض واد جامد جدا ممكن يغير نتيجة ماتش


عبد الوهاب مرهق جدا جدا واظن كان واضح

سلام يا صاحبي

ههههههههههههههه
يا شيخ روح اتلهي
انا مقلتش ان اللعيبة مش كويسة
انا قلت عيب عللى فريق زي الاهلي ميكونش عنده بديل مناسب
وبعدين جاي تقوللي شوقي
كان فين شوقي بتاعكم لما كان عبد الحميد في عزه ..لولا ان الاصابة خلت شوقي يبان
وبعدين شيتوس بتاعكم من امتى بيلعب
والله رأيك يا عم احمد المفروض ان ما ارد عليهم

[oussamaboss]

يا روميو بيه
الزمالك كان اقرب للفوز
و بصراحه الزمالك النهارده تألق جدا
و مفيش حد يقول غير كده
نعم كان الزمالك الأفضل أقرب للفوز في هده المبارة
والأهلي ضيع فرصة تمينة للفوز

[Ruud Van Nistlroy]

بسم الله الرحمن الرحيم

هذا هو تحليلي للمباراه وسيكون ان شاء الله محايد جدا
واللي عايز يناقشني انا موجود

بدايه المباراه كانت بأفضليه للزمالك خلال الربع ساعه الاولي من عمر اللقاء لكن دون خطوره
انتهت السيطره بهجمه مرتده للاهلي لعبها برعونه اسامه حسني ولعبها في يد عبد الواحد السيد
ثم هجمه اخري بتبادل للكره بين عماد متعب وابوتريكه في ربع ساعه استحوز عليها الاهلي
ثم انتقلت السطره للزمالك بعد ضربه ركنيه ترتد مره اخري لطارق السيد يمررها لمهاجم الزمالك الذي اضاعها بغرابه شديده وكره اخري ليوسف حمدي صدها الحضري ببراعه
ثم يعود الاهلي للاستحواذ علي الكره من خلال كره يتباطأ فيها اسامه حسني وينقذها ابراهيم سعيد
ثم تاتي اخطر فرص الشوط لحسن مصطفي الذي يهدرها بغرابه شديده
لينتهي شوط متكافئ الي حد كبير بين الفريقين
ثم ياتي الشوط الثاني ليبدأ شوط من جانب واحد وهو جانب النادي الاهلي حيث تسيد الملعب بالطول وبالعرض وبدون خطوره وذلك لضعف اللياقه البدنيه للزمالك
ثم يلجأ المدرب كاجودا لتغييرات غريبه جدا علي نادي يريد الفوز فيسحب ثنائي الهجوم ويلعب مكانهم بلاعبي وسط فتنعدم خطوره الزمالك تماما
واضاع عبد الحليم علي قبل خروجه كره سهلة ومواجهة للمرمي
اما الاهلي فاضاع اسهل كره في اللقاء عندما مر عماد متعب من محمد صديق ومررها لحسام عاشور الذي اضاعها بغرابه شديده

ملحوظات

1:ضعف اللياقه البدنيه لنادي الزمالك في الشوط الثاني علي عكس المتوةقع وانه من المفترض ان تضعف لياقة لاعبي الاهلي التي لم تستريح اسبوعا واحدا خلال سنتين

2:الافضليه في المجمل العام للمباراة للاهلي وخصوصا في الشوط الثاني
3:خوف مدرب نادي الزمالك خلال الشوط الثاني وذلك لانه سحب مهاجمي الزمالك ودفع بلاعبي وسط
4:نجمي اللقاء هما ابوتريكه وابراهيم سعيد وهما الذان تم اختيارهم من اللجنه المنظمه وهذا اكبر دليل علي افضليه الاهلي في المباراه
ولكن احب ان اضيف اليهم حسن مصطفي وجمال حمزه
5:تأثر الاهلي بغياب 3 لاعبين علي وجه الخصوص محمد شوقي افضل دفندرفي افريقيا ومحمد بركات افضل لاعب في افريقيا وجمعه افضل مساكي افريقيا
6:الدوري ضاع عليكو يا زمالك وحظ اتعس العام القادم بإذن الله

خلاص الحياد بتاعي خلص
اتكلم بقي كلامي الاهلوي الطبيعي
عمن تكلم عن محمد شوقي ومحاوله مقارنته بتامر عبد الحميد اقول له اتلهي ومتتكلمش عن احسن دفندر في العالم

[romio1975]

هههههه الزملكاويه لسه عندهم دم وبيتكلموا يا خيبتكم بنلاعبكم بالفريق الثانى وواحد من الثالث ومش عارفين تكسبونا يا خساره والله لو كنا لعبنا الماتش ده فى ميعاده القديم 4/12 كنا مسحنا بيكم ارض الملعب لكن هانت هتروحوا مننا فين منتظرينكم بعد شهرين نفس يوم هزيمتكم التاريخيه 6/1 عشان نستتكم تانى يا حلوين :)
اللى بيقول الزمالك كان افضل وكان اقرب للفوز الظاهر كان بيتفرج على ماتش تانى او مش عارف لون فانله الزمالك من الأهلى :)

[Ruud Van Nistlroy]

هههههه الزملكاويه لسه عندهم دم وبيتكلموا يا خيبتكم بنلاعبكم بالفريق الثانى وواحد من الثالث ومش عارفين تكسبونا يا خساره والله لو كنا لعبنا الماتش ده فى ميعاده القديم 4/12 كنا مسحنا بيكم ارض الملعب لكن هانت هتروحوا مننا فين منتظرينكم بعد شهرين نفس يوم هزيمتكم التاريخيه 6/1 عشان نستتكم تانى يا حلوين :)
اللى بيقول الزمالك كان افضل وكان اقرب للفوز الظاهر كان بيتفرج على ماتش تانى او مش عارف لون فانله الزمالك من الأهلى :)
هو الاهلي كان لابس ايه يا ويلد
كان لابس اخضر يا بيه
واحد تنين
بعد تنين ايه يا رداله
بعد تنين 7 يا ريس
خلاص واحد تنين سبعه جول لع لع مليح
الله ينور يعني هما طلعوا مش بيشوفوا كويس ولا ايه يا روميو

[romio1975]

هو الاهلي كان لابس ايه يا ويلد
كان لابس اخضر يا بيه
واحد تنين
بعد تنين ايه يا رداله
بعد تنين 7 يا ريس
خلاص واحد تنين سبعه جول لع لع مليح
الله ينور يعني هما طلعوا مش بيشوفوا كويس ولا ايه يا روميو

لا طلع عندهم خطين حمر معوجين فى عينيهم فمش عارفين مين معاهم ومين عليهم هههههههه


بس انا عندى سؤال وما حدش جاوبنى عليه

هو امتى الزمالك هيكسب اذا ما كسب الأهلى فى الوضع ده ؟؟؟؟

[Ruud Van Nistlroy]

لا طلع عندهم خطين حمر معوجين فى عينيهم فمش عارفين مين معاهم ومين عليهم هههههههه


بس انا عندى سؤال وما حدش جاوبنى عليه

هو امتى الزمالك هيكسب اذا ما كسب الأهلى فى الوضع ده ؟؟؟؟
بكره
علي اساس ان غدا لناظره قريب

[simomas]

ألف مبروك لانتصار الروح الرياضية

[Ruud Van Nistlroy]

ألف مبروك لانتصار الروح الرياضية
الله يبارك فيك يا سيمو

[ME_19_SSI]

هذا ما كنت اتمناه لكي لا تكون ردود افعال بين الجمهور

[همسة حنين]

لا حول ولا قوة الا بالله
الزمالك كان أحسن؟؟
الزمالك كان أحسن ؟؟؟؟؟؟؟
الزمالك كان أحسن ؟؟؟؟؟؟؟؟؟؟؟؟؟؟؟؟؟؟؟
معلهش متزعلوش
اه كان أحسن
بس فى نية كل زملكاوى كان نفسه يتفرج ع الماتش
وسلمولى على حازم

[SSSSS]

فرصكوا أكثر، ولكن فرصنا أخطر، يلا، ماتش العودة قرب، وكل واحد يعرف هو فين بالضبط((صحيح نادى بركات))

[أحمد محمد سلامه]

اشوف امور الاهلويه اضحك واشوف عباطتهم استغرب
انا مش عارف اقولكم ايه بالتحديد امس ضيعنا فرص بالجمله كلها شديده الخطورة علي مرماكم وحارسه ابو بطيخه ( عصام الحضري )
انتوا اكثر في الفرص ولكنها ليست بخطورة فرص الزمالك فرصنا كانت علي مستوي عالي من الخطورة انما فرصكم كانت قليله الخطورة ولا تهدد مرمي فريق طنطا البلد

يا اهلويه مباراه امس الزمالك هو الفائز بها
استعاده الروح المفقوده والخروج من دوامه الهزائم والوقتي بقول بالفم المليان الزمالك راجع بقوه النار واللي هيقف قدامه هيطوح
الزمالك افضل من الاهلي حاليا لعب 4 مباريات فاز في 3 واتعادل مباراه الاهلي وسجل 8 اهداف في 3 مباريات منهم 7 في مباراتين
الاهلي تعادل مع المحله 2 - 2 وكان ليها السبق بالتهديف مرتين والفوز مرتين في المباراه وفاز علي الجيش الملكي المغربي والمباراه في مصر بضربات الحظ للمحظوظين وفاز علي الكروم الكحيان التعبان ابو نص كم

يا اهلويه بلاش كلام الزمالك عدي عليه ازمه سوده وطلع منها بخير وانتظروا الزمالك اللي هيدمر افريقا باذن الله

[dr_joky]

فرص يا حاج انت وهو
اخطر فرصه فى المباراه كانت من نصيب الاهلى
وكلنا عارفنها طبعا بتاعت حسام عاشور

[romio1975]

وحارسه ابو بطيخه ( عصام الحضري )

اول مره ااقولك يا سلامه انت بطيخه كبيره فى الكوره وما تعرفش الكوره من البطيخ
روح يا ابنى العب بعيد وسيب الكبار يحللوا الماتش
دلوقتى الحضرى بقى ابو بطيخه ههههههههه
ما هو ياما وكلكوا بطيخ
معادنا بعد شهرين نفس يوم وكستكم بال 6 وسلملى على حازم الهلكان وقولوا يروح يشوفله دار عجزه

[hossamnet]

ياجماعة الزمالك نفد من هزيمة محققة لغياب عمالقة الاهلى
اظن ان لو لعب جلبرتو وشوقى وبركات وجمعة لسحقنا الزمالك بدون اى نقاش

لكن ده حظكم انهم لم يلعبوا جميعا

بالاضافة الى اجهاد عبد الوهاب الواضح جدا
ولعب اسامة حسنى وهو مازال يعانى من الاصابة
وغياب التوفيق عن متعب
وعدم جاهزية اكوتى مانساه ووائل رياض
بالاضافة الى عودة فلافيو من كوريا قبل اللقاء ب 24 ساعة مما ادى لارهاقه

عدم توفيق حسن مصطفى وحسام عاشور فى اخطر فرصتين

اظن ان كلها عوامل منطقية ادت الى التعادل وحظك حلو يا زمالك

بس الحظ مش حيتكرر كل مرة وميعادنا بعد شهرين يوم 16 مايو

يوم مذبحة ال6 وبأذن الله حتتكرر تانى بعودة هؤلاء النجوم

وهارد لك للاهلى التعادل

[dr_joky]

ايوه والله العظيم

[h131200]

انا مش عارف
هو الاهلاوية كانوا بيتفرجو على متش تاني ولا ايه الحكاية
كل الناس بتشهد حتى اعظم اهلاوي
ان الزمالك خسر الفوز
انا مش فاهم
بتجادلو في كل شئ
حتى الغلط
عيب جدا عليكم
المدرب الجديد بيلعب تاللت مباراة
ولسة مش عارف الفريق كويس
وكن حيكسب لولا الحظ
يا ريت محدش يتكلم في الموضوع ده
لانه مفروغ منه
وبصراحو عيب عليكو

[romio1975]

انا مش عارف
هو الاهلاوية كانوا بيتفرجو على متش تاني ولا ايه الحكاية
كل الناس بتشهد حتى اعظم اهلاوي
ان الزمالك خسر الفوز
انا مش فاهم
بتجادلو في كل شئ
حتى الغلط
عيب جدا عليكم
المدرب الجديد بيلعب تاللت مباراة
ولسة مش عارف الفريق كويس
وكن حيكسب لولا الحظ
يا ريت محدش يتكلم في الموضوع ده
لانه مفروغ منه
وبصراحو عيب عليكو


روح العب بعيد يا بنى لما تلاعبوا عمالقه الأهلى وتلعبوا فارس لفارس ابقوا تعالوا اتكلموا المفروض تتكسفوا على دمكم ده الأهلى بيلعب من غير الفريق الأساسى
روحوا العبوا بعيد يا خيبتكم

[h131200]

انا مش هو انتوا عندكم ضعف مظر ولا اي ه
اتنوا للمرة الالف تقولوا ان الاهلي ناقصه لعيبة
يا جماعة عيب عليكو تقولو الكلام ده
اللعيبة الغايبة كلها من مركز معين
يعني شوقي من الوسط وجمعة مدافع
بركات وسط مهاجم
امال لو كان غاب مثلا شوقي وحسن مصطفى يعني 2 من مركز واحد كان ايه اللي حصل
عيب على فريق زي الاهلي يعتمد على لاعب واحد في كل مركز معين
فياريت محدش يقول الكلام ده مرة تانية
لانه بصراحة بيضحك الناس عليكم
بعدين الزمالك هو المعذور
انه عنده مدرب جديد يدوب لسة بيتعرف على الفريق وكان هيغلبكوت
و في النهاية اللي بقولوا مبروك على الاهلي النقطة
واحمدوا ربنا انه نفد من الهزيمة

[Ruud Van Nistlroy]

اشوف امور الاهلويه اضحك واشوف عباطتهم استغرب
انا مش عارف اقولكم ايه بالتحديد امس ضيعنا فرص بالجمله كلها شديده الخطورة علي مرماكم وحارسه ابو بطيخه ( عصام الحضري )
انتوا اكثر في الفرص ولكنها ليست بخطورة فرص الزمالك فرصنا كانت علي مستوي عالي من الخطورة انما فرصكم كانت قليله الخطورة ولا تهدد مرمي فريق طنطا البلد

يا اهلويه مباراه امس الزمالك هو الفائز بها
استعاده الروح المفقوده والخروج من دوامه الهزائم والوقتي بقول بالفم المليان الزمالك راجع بقوه النار واللي هيقف قدامه هيطوح
الزمالك افضل من الاهلي حاليا لعب 4 مباريات فاز في 3 واتعادل مباراه الاهلي وسجل 8 اهداف في 3 مباريات منهم 7 في مباراتين
الاهلي تعادل مع المحله 2 - 2 وكان ليها السبق بالتهديف مرتين والفوز مرتين في المباراه وفاز علي الجيش الملكي المغربي والمباراه في مصر بضربات الحظ للمحظوظين وفاز علي الكروم الكحيان التعبان ابو نص كم

يا اهلويه بلاش كلام الزمالك عدي عليه ازمه سوده وطلع منها بخير وانتظروا الزمالك اللي هيدمر افريقا باذن الله
عليا النعمة انا مش عايز افضحك في المنتدي يا سلامه واوقل ان انت ملكش في الكوره
واله يا جماعة سلامه ده فريقه المفضل ايه سي ميلان ميعرفش عنه حاجه الا من البلاي ستيشن والفيفا
افضح كمان

[Ruud Van Nistlroy]

والله اللي يقول ان الزمالك كان أفضل يبقي متحيز تحيز أعمي
وليس له في الكره
ومش بعيد يكون مشفش الماتش

[h131200]

والله اللي يقول ان الزمالك كان أفضل يبقي متحيز تحيز أعمي
وليس له في الكره
ومش بعيد يكون مشفش الماتش
انا خايف انك تكون انت كاين تتفرج على مباراة
الريال وخايف تتفرج على القمة
هههههههههههههههه

[hossamnet]

بدون تعليق
كلمة مدرب الزمالك فى المؤتمر الصحفى بعد اللقاء
===================================
كاجودا: نقطة من بطل أفريقيا مكسب

لم يكن مانويل كاجودا المدير الفنى للزمالك على سجية سابقيه بل كان اكثر تعقلا وواقعية، فبعد لقاء القمة أكد ان الفريق نجح فى استقطاب نقطه من بطل افريقيا الذى كان افضل من حيث الاستحواذ بفضل لاعبيه المهاريين.

ألا ان كاجودا عبر عن سعادته بمستوى المباراة بشكل عام وانها كانت شيقة من حيث السرعة وممتعة من حيث الفرص التى لاحت للفريقين.

وكان للزمالك فرصتين مؤكدتين ليوسف حمدى ومصطفى جعفر، وواحدة فقط كانت ستغير سير المباراة، وقال يجب ان تتذكروا حال الفريق فى اللقاءات الماضية وكيف انه الان لم يعد لقمة سائغة فى فم الاهلى، بالرغم من انه لم يتولى مسؤولية الفريق سوى من شهر واحد تقريباً .

وقال ان سحبه لحليم وجعفر لا يعنى انه قنع بالتعادل او رضخ لقوة الاهلى، ولكن لإصابة الأول فى عضلات الضلوع اليمنى، والثانى كان يعانى من بعض الشد فى عضلات الرجل، وانا الوحيد الادرى بأحوال كل لاعب ولا احد يعلم ماذا يدور فى داخل الفريق .

وقال ان الفريق أدى افضل مبارياته حتى الان وان المنافسة لازالت قائمة ومتاحة فى الملعب، ورفض كاجودا ان يفند لاعبوه الذين لم يؤدوا بالشكل المطلوب وكانوا نقطة ضعف بالفريق وقال ان هذا ليس مكانه المؤتمرات الصحفية.

[misry]

السلام عليكم ....


وشهد شاهد من أهلها ,,,

هو ده المدرب اللي بيفهم وعارف حجم فرقته كويس ....


شكرررررا يا حسام وسلملي على سلامة اللي ميعرفش الكورة من البطيخة .....:nut:

[Ruud Van Nistlroy]

أحب أضيف لكلامك يا حسام باشا
كلمة الزملكاوي المتعصب ابراهيم يوسف امس في تحليله للمباراة بان كاجودا حاول الحفاظ علي التعادل في الشوط الثاني باخراج ثنائي الهجوم

[Ruud Van Nistlroy]

انا خايف انك تكون انت كاين تتفرج على مباراة
الريال وخايف تتفرج على القمة
هههههههههههههههه
يا راجل ان محد منكم رد علي كلمه واحده من التحليل بتاعي
طبعا لان معندكمش مستوي خالص

[h131200]

يا راجل ان محد منكم رد علي كلمه واحده من التحليل بتاعي
طبعا لان معندكمش مستوي خالص
يا عزيزي
اظن انه احنا مش محتاجين التحليل بتاعك
لانه كلنا شفنا المباراه
واعتقد ان الاغلبية نقدر تحلل على اساس مجرياتها
اللي بتقول ان الزمالك اضاع الفوز من بين ايديه
فياريت متتكلمش عن المستوى بالنسبة للزملكاوية
اللي اظن انهم احسن ناس هنا بتحلل مباريات

[Ruud Van Nistlroy]

يا عزيزي
اظن انه احنا مش محتاجين التحليل بتاعك
لانه كلنا شفنا المباراه
واعتقد ان الاغلبية نقدر تحلل على اساس مجرياتها
اللي بتقول ان الزمالك اضاع الفوز من بين ايديه
فياريت متتكلمش عن المستوى بالنسبة للزملكاوية
اللي اظن انهم احسن ناس هنا بتحلل مباريات
كركركركركركركركركركركركر

[h131200]

[QUOTE=Ruud Van Nistlroy]كركركركركركركركركركركركر[/QUOTE
هو ده ردك
ماشى
كر كر كر كر كر كر كر كر ككريكرين

[Ruud Van Nistlroy]

[QUOTE=Ruud Van Nistlroy]كركركركركركركركركركركركر[/QUOTE
هو ده ردك
ماشى
كر كر كر كر كر كر كر كر ككريكرين
3 كركركركرركركركات

[h131200]

[QUOTE=h131200]
3 كركركركرركركركات
بقولك ايه انا معاك للصبح
كر كر كر *4
معاك للصبح يا (ابو صطيف)
سلام