مشاهدة النسخة كاملة : تبقى أنت أكيد فى مصر
SADSOUL
03-02-2006, 06:47 PM
تبقى أنت أكيد فى مصر
لو لقيت من كل بيت خارج مدرس خصوصى .. تبقى أنت أكيد فى مصر
لو لقيت فى بلد سنه سادسة ابتدائى و سنه خامسة ابتدائى!... تبقى أنت أكيد فى مصر
لو لقيت فى كل بيت واحد أو أتنين ماتوا من السرطان ... تبقى أنت أكيد فى مصر
لو رحت التأمين الصحى و إدوك حديد و زرنيخ ... تبقى أنت أكيد فى مصر
لو لقيت فى بلد البحث العلمى فيها تايه و لسه بيحاول يجد العلاقة بينه وبين المجتمع ... تبقى أنت أكيد فى مصر
لو لقيت فى بلد ربع سكانها ساكننين فى عاصمتها ... تبقى أنت أكيد فى مصر
لو لقيت فى بلد تعبيرات مثل "السحابة السودة" و "الشفافية" ... تبقى أنت أكيد فى مصر
لو سمعت جملة "اللى نعرفه أحسن من اللى منعرفوش" ... تبقى أنت أكيد فى مصر
لو رحت "دار الفؤاد" و جاتلك الفاتورة و نعشك فى طريقه "لدار الخلد" ... تبقى أنت أكيد فى مصر
لو رحت تطلع مخالفات عربيتك و لاقتها غير صحيحة لأن بالفعل معندكش عربية ... تبقى أنت أكيد فى مصر
لو لقيت عجوز و عجوزة ماشيين و معاهم سلم خشب لزوم طلوع الرصيف ... تبقى أنت أكيد فى مصر
لو ركبت مترو الأنفاق و ملقتشى هوا و لا تكييف ... تبقى أنت أكيد فى مصر
لو مزنوق و ملقتشى مراحيض عامة ... تبقى أنت أكيد فى مصر
لو مرة لقيت رسوم الزبالة على فاتورة الكهربا و مرة تانية على فاتورة الغاز ... تبقى أنت أكيد فى مصر
لو سمعت بودانك و شفت بعنيك رئيس نادى محترم بيشتم الكل بدون عقاب أو جزاء ... تبقى أنت أكيد فى مصر
لو فتحت التليفزيون و شفت ظرف "البيت بيتك"... تبقى أنت أكيد فى مصر
لو سألت واحد أو واحدة مين الريس فى كل الألفية الثالثة؟! و رد و قال بدون تفكير "مبارك" ... تبقى أنت أكيد فى مصر
لو قرأت الصحف فى 2005 و فى 2016 عن توصيل الكهرباء للعشوائيات و لقيت نفس الكلام "التوصيل عملية مستمرة" ... تبقى أنت أكيد فى مصر
لو قرأت الصحف فى 2005 و فى 2050 و لقيت نفس الكلام "الأصلاح السياسى و الإجتماعى عملية مستمرة" ... تبقى أنت أكيد فى مصرلو عرفت أن فنانة سابقة و زوجة لوزير داخلية سابق عمرها فوق التسعين مرشحة نفسها لمجلس الشعب ... تبقى أنت أكيد فى مصر
لو رحت الباجور منوفية و سألت مين رئيس الجمهورية و ردوا وقالوا كمال الشاذلى ... تبقى أنت أكيد فى مصر
لو رحت تنتخب و معاك بطاقة إنتخابية و ردوا و قالوا إنك متوفى ... تبقى أنت أكيد فى مصر
لو سألت واحد أو واحدة ليه بالعربى هيه إسمها "مصر" و بالخواجاتى هيه إسمها "إيجبت"؟! و رد و قال معرفش! ... تبقى أنت أكيد فى مصر
*مع الإعتذار لـكلمة "مصر" فى تلك المدونة الشعرية فالذنب مش ذنبها و الله العظيم
mohamadalmoayad
03-03-2006, 05:17 AM
لو سحبوك النهاردة على المعتقل واهلك معرفوش عنك حاجة...تبقى انت أكيد فى مصر
لو لقيت واحد رد عليك وقالك حرام عليك دى مصر مبارك التنمية والتقدم...تبقى انت أكيد فى مصر
شكرا لك زميلنا العزيز :) :) ومتنساش تطمنا عليك
SADSOUL
03-03-2006, 07:07 AM
هههههههه صدقت والله
الله المستعان
حسام11
03-03-2006, 08:47 AM
هههههههههههههه يبقى انت اكيد في مصر
hemat
03-03-2006, 09:41 AM
لو جيت بعد ساعه تشوف الموضوع ولقيته فى الارشيف
تبقى انت اكيداكيد فى مصر
http://i39.photobucket.com/albums/e156/semsem55/awaad.gif
http://i39.photobucket.com/albums/e156/semsem55/111.gif
http://i39.photobucket.com/albums/e156/semsem55/222.jpg
mohamadalmoayad
03-03-2006, 10:32 AM
لو جيت بعد ساعه تشوف الموضوع ولقيته فى الارشيف
تبقى انت اكيداكيد فى مصر
http://i39.photobucket.com/albums/e156/semsem55/awaad.gif
http://i39.photobucket.com/albums/e156/semsem55/111.gif
http://i39.photobucket.com/albums/e156/semsem55/222.jpg
ده لو كان لسه فيه مشرفين ومنتدى وأعضاء
sadiki999
03-03-2006, 11:06 AM
لو جيت بعد ساعه تشوف الموضوع ولقيته فى الارشيف
تبقى انت اكيداكيد فى مصر
ده لو كان لسه فيه مشرفين ومنتدى وأعضاء
ههههههههههههههههه أضحك الله سنكم
يجب أن أعد موضوعا بعنوان إذا رأيت شيئا في المغرب فلا تستغرب :dizzy::dizzy::dizzy::dizzy:
mohamadalmoayad
03-03-2006, 11:11 AM
ههههههههههههههههه أضحك الله سنكم
يجب أن أعد موضوعا بعنوان إذا رأيت شيئا في المغرب فلا تستغرب :dizzy::dizzy::dizzy::dizzy:
إذا أردت أن تعد موضوع خاص بالمغرب فستفتح السبيل لكل الأعضاء العرب لإعداد موضوع خاص لكل الدول العربية
SADSOUL
03-03-2006, 06:09 PM
تبقى أنت أكيد فى مصر
hollowman
03-04-2006, 03:53 AM
لو لقيت زباله فى الشارع يبقى انت اكيد فى مصر
لو روحت تشوف المخالفات الى عليك فى المرور ولقيت عليك مخالفة اشغال طريق فى بور سعيد حوالى 400 جنيه وانت عمرك ماروحت بورسعيد غير مره واحده وانت صغير (حدث بالفعل)يبقى انت اكيد اكيد فى مصر .
الاتنين الى صوتهم على فى الانتخابات (سيبك من الغلابه الى كانو داخلين كمالة عدد)وبعد الانتخابات ماخلصت واحد اتقلش من رئاسة الحزب والتانى اتحبس ...
يبقى انت أكيد اكيد فى مصر
وعم جرجس وعم نصر .................
اه افتكرت ممكن اكون اجرت عجله وانا فى بورسعيد وشغلت الطريق بيها وانا هناك ولا حاجه
SADSOUL
03-04-2006, 07:13 AM
تبقى أنت أكيد فى مصر
mo2man
03-04-2006, 07:46 AM
يعنى هى مصر وحشه لدرجه دى ان احنا منقوش ليها حاجه حلوه خالص
dr_joky
03-04-2006, 08:55 AM
حسبنا الله ونعم الوكيل
hany_java
03-04-2006, 09:05 AM
لا يا جماعه دى مش مصر دى دوله ساكسونيا اللى قانونها ماشى فى البلد من زمان
بس ايه رأيكوا نحول الموضوع لكل اللى عنده فكره ازاى نصلح مصر وتكون زى ما بنحلم نلاقيها
SADSOUL
03-04-2006, 12:15 PM
انا موافق على الموضوع دة يا هانى وانا معاك
hany_java
03-04-2006, 12:20 PM
ماشى يا Sadsoul متشكر لقبولك اقتراحى
وحتى اكون اجابى هبدأ انا بعد أذن صاحب الموضوع
اقترح حتى نقضى على الافه التى ليست لها حل فى مصر وهى ازمه المرور ان يقوم المسئولين باخراج ال 70 مليون مصرى خارج البلد لمده اسبوع نضبط فيها المرور والشوارع وبعد كده نرجعهم تانى للبلد مجموعات كل 100 مصرى مع بعض وبكده نحل الازمه فى ظرف 70 الف سنه
romio1975
03-04-2006, 12:43 PM
ما شاء الله عليكم وانتوا بتتمسخروا على بلدكم قدام الكل كده وبتضحكوا ومبسوطين على الآخر تحب ااقولكم ايه بقى محاسن وجمال وروعة بلدكم يا متعلم انت وهو ؟؟
والا هى دى صوره بلدكم اللى انتوا شايفنها ؟ ونسيتوا محاسنها وقذفتوها بالسيئات بس ؟؟
هقولكم ايه بس ما انتوا لو اتغربتوا يوم واحد وعشتوا فى باقى بلاد خلق الله وشوفتوا البلاوى كنتوا حمدتوا ربنا على بلدكم كنتوا اتمنيتوا ترجعوا لحضنها الدافى لو دقيقه واحده بس
مش هقول غير حرام عليكم منتظرين ايه من الباقى يقول على بلدكم اذا انتوا بتقولوا كل ده عنها وكل واحد فيكم نازل مسخره واستهزاء اكتر فى كل رد اختشوا على دمكم بقى وغيروا على بلدكم من سيل الكلام اللى هيتقال من كل واحد يشرف الموضوع
بس انا مش هقولكم غير مثال واحد عن جمال بلدكم
انها
كفايه علمتكم يعنى ايه انترنت عشان تقعدوا تتمسخروا عليها كده
ربنا يهديكم
SADSOUL
03-04-2006, 03:48 PM
الاخ الكريم انا عايش فى الامارات يعنى متغرب
وشكرا على كلامك
تبقى أنت أكيد فى مصر
SADSOUL
03-05-2006, 08:36 AM
تبقى أنت أكيد فى مصر
صقر قريش
03-05-2006, 09:47 AM
ما شاء الله عليكم وانتوا بتتمسخروا على بلدكم قدام الكل كده وبتضحكوا ومبسوطين على الآخر تحب ااقولكم ايه بقى محاسن وجمال وروعة بلدكم يا متعلم انت وهو ؟؟
والا هى دى صوره بلدكم اللى انتوا شايفنها ؟ ونسيتوا محاسنها وقذفتوها بالسيئات بس ؟؟
هقولكم ايه بس ما انتوا لو اتغربتوا يوم واحد وعشتوا فى باقى بلاد خلق الله وشوفتوا البلاوى كنتوا حمدتوا ربنا على بلدكم كنتوا اتمنيتوا ترجعوا لحضنها الدافى لو دقيقه واحده بس
مش هقول غير حرام عليكم منتظرين ايه من الباقى يقول على بلدكم اذا انتوا بتقولوا كل ده عنها وكل واحد فيكم نازل مسخره واستهزاء اكتر فى كل رد اختشوا على دمكم بقى وغيروا على بلدكم من سيل الكلام اللى هيتقال من كل واحد يشرف الموضوع
بس انا مش هقولكم غير مثال واحد عن جمال بلدكم
انها
كفايه علمتكم يعنى ايه انترنت عشان تقعدوا تتمسخروا عليها كده
ربنا يهديكم
المسألة ليست مسألة مصر وحدها فقط بل هي حال جميع الدول العربية التي تحكمها أنظمة شبه عسكرية واستخاراتية وعائلية نسأل الله الصحة والعافية وان يطهر البلاد العربية من هذه الانظمة الفاسدة.
SADSOUL
03-05-2006, 10:16 AM
يسلم لسانك
ويجعلة عامر
hany_java
03-05-2006, 02:04 PM
أخى العزيز romio1975
أنا كمان متغرب وعايش فى الامارات
وبشتغل مبرمج واشتغلت فى مصر لمده 6 سنوات فى العديد من شركات البرمجيات المحترمه او المفروض انها محترمه وكان برضه عندى شركه برمجيات او شريك فى شركه برمجيات
بس شتان وشتان بين مناخ العمل فى مصر واى دوله اخرى صغرت او كبرت
انا يا أخى سافرت الى الجزائر والاردن واخيراً الامارت
وكلمنا عن مصر ليس مسخره فمصر تجرى فى دمى
ولكن والف لكن نحن نتمنى مصر التى نحلم بها بعيداً عن مصر الموجوده حالياً
وكثيراً ما افكر كيف السبيل الى التغيير فلا اعلم
وعفواً ضيق الفكر من يعتقد ان مشكله مصر فى مناخ او نظام الحكم لا بل المشكله اكبر على ما اعتقد ولا يسالنى احد ما هى فأنا لا اعرف ما هى
ربما فى حاله الللامباله الموجوده بين الناس
او حاله الفوضى او تعمد الفوضى الموجوده برضه بين الناس
او ربما حاله الاستسهال فى طلب المحال
كفايه كده حاسس انى هبكى
مصر وحشتنى جداً وانا بقالى بس فى الامارات شهرين
سلامى لكل اللى هناك
SADSOUL
03-05-2006, 04:03 PM
يا ريت تقولى انتة فين فى الامارات يا ابو هانى انا فى الشارقة وانتة فين ولو فى مجال نتعرف ان اخو ك محمد 29
hany_java
03-06-2006, 08:52 AM
ده شىء يشرفنى يا محمد
انا هانى 27 سنه او 28 مش فاكر
انا فى ابو ظبى
وأعمل فى الشركه المسئوله عن أنتاج برنامج خير جزاء (موسوعه قرأن مجانيه توزع على روح الشيخ زايد رحمه الله)
hanyfahmy23@hotmail.com
نرجع بقى لموضوعنا بتاع تبقى انت اكيد فى مصر
انا امبارح قلت ان المشكله ليس فى طريقه او نظام الحكم فى مصر
فهناك العديد من الدول التى تحكم بنفس الطريقه ونجدها ايه فى النظام والروعه والجمال ولو ظاهرياً على الاقل عكس عندنا ايه فى اللخبطه وعدم النظام ظاهرياً بس ايه الناس كويسه وقلبها ابيض حليب
سلام بقى علشان حاسس انى هبكى
hisho000
03-06-2006, 04:04 PM
لو رحت تركن عربيتك ادام اى محل او كشك و تطلعلك واحد يقولك 2 جنيه لزوم الركنة تبقى انت اكيد اكيد فى مصر
SADSOUL
03-06-2006, 06:57 PM
تبقى انت اكيد اكيد فى مصر
moon smile
03-06-2006, 07:30 PM
اولا انا ماليش في السياسه
بس انا مصرية واحب اشارك برايي
العييب مش في البلد ولا في الحكومه ولا سياسة البلد
عامة اهل مصر كلهم طييبين باستثناء مجموعة قليله
مشكلة الناس ان هما بيحملو الاخطاء على الغير
ومحدش بيحاول يصلح من نفسه الاول
مهي البلد عباره عن الناس والحكومه
ويعتبر الحكومه بتعمل اللي عليها نوعا ما
بس انا بتمنى الناس كمان تعمل اللي عليها
وتبطل اهمال ولا مبالاه
لان اللي انا شايفاه ان الناس مبقتش شاطره غير في الكلام
وبس..وده طبيعي
مهو مفيش اسهل من الكلام
ولا انتم ايه رايكم
وسامحوني اذا كنت غلطت
moon smile
03-06-2006, 07:39 PM
نسيت اقول حاجه كمان
ان احنا لازم نحب مصر علشان هي مصر ام الدنيا
وربنا زكرها في القران طبعا
واللي بيحب بلده لازم يحاول يخليها الافضل
وده بادينا..بس لو نبطل كلام وننفذ اللي بنقوله
والمفروض كمان منشوهش صورة بلدنا قدام الناس كده او نسخر منها
ويا اخي انت نسييييييييييييييييييت حجات كتير قوي كويسه
ومسكت العيوب المعدوده دي وكتبتها
كفايه ان احنا عايشين في امان برغم من الظروف الصعبه اللي الشعب بيعيش فيها
بس الناس في الاخر بتنام وهي مرتاحه ومش خايفه
وبيحمدو لربنا ان هما احسن من غيرهم
wasefsamre
03-06-2006, 07:48 PM
مشكور يا باشا مشكور بتوفيق........
mohamadalmoayad
03-06-2006, 07:49 PM
نسيت اقول حاجه كمان
ان احنا لازم نحب مصر علشان هي مصر ام الدنيا
وربنا زكرها في القران طبعا
واللي بيحب بلده لازم يحاول يخليها الافضل
وده بادينا..بس لو نبطل كلام وننفذ اللي بنقوله
والمفروض كمان منشوهش صورة بلدنا قدام الناس كده او نسخر منها
ويا اخي انت نسييييييييييييييييييت حجات كتير قوي كويسه
ومسكت العيوب المعدوده دي وكتبتها
كفايه ان احنا عايشين في امان برغم من الظروف الصعبه اللي الشعب بيعيش فيها
بس الناس في الاخر بتنام وهي مرتاحه ومش خايفه
وبيحمدو لربنا ان هما احسن من غيرهم
أولا أحب أرحب بيكى كعضوة جديدة فى المنتدى وخاصة فى المنتدى الإعلامى
ثانيا أدخل فى الموضوع واسمحيلى أرد عليكى بداية بجملة بليغة جدا بتقول (إذا صلح الرأس صلح الجسد وإذا فسد الراس فسد الجسد)
ده كان الملخص وابدأ بالشرح...أنا معاكى تماما ان الناس فيها عيوب كتييييييييير جدا وأولها أنهم متخاذلين وخنوعين وسلبيين وبنشوف من سلبية الناس كتير وكتير والمواطن البسيط بيشتروا صوته بعلبة سجاير وعلبة كشرى والمواطن الأحسن شوية ورقة بعشرة جنيه تخليه فى منتهى السعادة.
الشعب فيه اللى مكفيه وأسياد الشعب عرفوا كويس أوى ازاى يروضوه بالجوع والتعب والشقا والخوووووف وااااااه من الخوف.
لو الحكومة المتسلطة على رقاب الشعب من سنين حبت تصلح صدقينى هتشوفى نتيجة وهتشوفى تجاوب شعبى واديلك مثال..أنا من اسكندرية وربنا رزقنا بمحافظ رائع اسمع المحجوب وهو محبوب عمل فى سنتين اللى محدش من المتخاذلين واللصوص حاول يعمله وكله لانه ايده نضيفه وشريف ومحترم وعقلية منظمة وشخصية قوية وهو ده نموذج للشخصية القيادية وطبعا فيه منه كتييير فى مصر...كانت ايه النتيجة؟؟ضربات قذرة الهذف منها تشويه صورته وضرب سمعته والتقليل من مجهوده وعقبات وموانع لا تتخيليها وكأن الراجل بيحارب البلد مش بيصنع لها حاضر ومستقبل...ده مثال للشريف اللى بيصنع لبلده حلمها لانه بيكشف اللصوص والمرتشين اللى حواليه.
صدقينى الحكومة اللى بتقولى نوعا ما بتعمل لو ادت المواطن جنيه واحد تأكدى أنها نهبته فى مليون جنيه من ماله وصحته وسعادته
mohamadalmoayad
03-06-2006, 07:54 PM
نسيت اقول حاجه كمان
ان احنا لازم نحب مصر علشان هي مصر ام الدنيا
وربنا زكرها في القران طبعا
واللي بيحب بلده لازم يحاول يخليها الافضل
وده بادينا..بس لو نبطل كلام وننفذ اللي بنقوله
والمفروض كمان منشوهش صورة بلدنا قدام الناس كده او نسخر منها
ويا اخي انت نسييييييييييييييييييت حجات كتير قوي كويسه
ومسكت العيوب المعدوده دي وكتبتها
كفايه ان احنا عايشين في امان برغم من الظروف الصعبه اللي الشعب بيعيش فيها
بس الناس في الاخر بتنام وهي مرتاحه ومش خايفه
وبيحمدو لربنا ان هما احسن من غيرهم
وانا كمان نسيت أقولك جربى تعملى حاجة حلوة فى بلدك وشوفى يجرالك ايه...بجد حاولى وقوليلى النتيجة ولو مش عارفة اسألى ناس حاولت وهتسمعى كوارث...ومواجهة الحقيقة هى أول طريق الإصلاح ولازم ننسى النغمة اللى علموهالنا ان مصر وطننا الحبيب مش لازم نشوه صورته مصر صورتها مشوهة فعلا ولكن بايديهم هما مش أحنا وارجع تانى واقولك تجربة المحجوب فى اسكندرية شوفى الناس والشعب اتبرعوا بكام للبلد وعملوا ايه لما لاقوا انسان شريف يثقوا فيه...لكن يا خسارة مش فاضل الا انهم يسجنوه عشان ميعملش حاجة تانى وأما الأمان اللى بتقولى عليه احنا نحمد ربنا لانه نعمة من عنده مش من عند الحكومة وربنا ذكر مصر فعلا فى القرأن وقال ادخلوها بسلام أمنين وأمنين دى بفضل ربنا مش بفضل الحكومة ومتنسيش انك لو حاولتى تعملى حاجة كويسة وكانت ضد مصلحة الحكومة كلمة الأمان دى هتكون بالنسبة لك حلم بعيييييييييييد ولا فى الأساطير..طولت عليكى لكن المناقشة شدتنى
DjSihs
03-06-2006, 09:15 PM
أسمع أحلى حاجة فى مصر .
لما تلاقى فى جرحك الف عين باكيا عليك ......وتلاقى فى فرحك زغريط وزينة من حواليك
لما تلاقى فى جرحك الف عين باكيا عليك ......وتلاقى فى فرحك زغريط وزينة من حواليك
وبيتك البسيط يتحول قصر
والخير جواك ملوش حصر .... يبقى أنت أكيد أكيد فى مصر
هى دى الحاجات اللى مش ممكن تلاقيها غير فى مصر
khaled qes
03-06-2006, 09:27 PM
أسمع أحلى حاجة فى مصر .
لما تلاقى فى جرحك الف عين باكيا عليك ......وتلاقى فى فرحك زغريط وزينة من حواليك
لما تلاقى فى جرحك الف عين باكيا عليك ......وتلاقى فى فرحك زغريط وزينة من حواليك
وبيتك البسيط يتحول قصر
والخير جواك ملوش حصر .... يبقى أنت أكيد أكيد فى مصر
هى دى الحاجات اللى مش ممكن تلاقيها غير فى مصر
عندك حق وسلمت يداك وقلمك وقلبك
ولما تلاقى نفسك لوحدك وبتبكى من همك يبقى أكيد أنت مش فى مصر
ولما تلاقى القسوة فى عيون الناس تبقى أكيد أنت مش فى مصر
ولما تنحرم من الضحكة اللى من القلب يبقى أكيد أنت مش فى مصر
ولما تنحرم من معنى الحياة يبقى أكيد أنت عايش بره مصر
يا خوانا مصر مش حكومة ورئيس ولا مصر مجرد ناس غلبانة وبتدور على لقمة العيش من غير أتيكيت ولا بروتوكول ولا العيب فى مصر لو فيها ناس تعبانة ولازم نحمد ربنا على أهل مصر وعلى تراب مصر
وأخيراً لما تتمنى أنك لما تموت تدفن فى مصر وفى تراب مصر هتفهموا يعنى أيه حب الوطن ويعنى أيه مصر؟
للعلم أنا مش مصرى الجنسية ولا مصرى الأصل ولكن مصرى الميلاد ومصرى الحياة ومصرى القلب وأسأل الله أنى ما دفنش فى الغربة
SAIFF
03-06-2006, 09:36 PM
ههههههههههههههههه أضحك الله سنكم
يجب أن أعد موضوعا بعنوان إذا رأيت شيئا في المغرب فلا تستغرب :dizzy::dizzy::dizzy::dizzy:
هيا بسرعة اخي انا في انتظار ماستطرحه وان شئت نعده معا
تحياتي
omaramr
03-06-2006, 10:26 PM
اخوان انا لست بمصري ولكن اقول
لو لقيت داعية الى الله متميز ويربي الاجيال يبقي انت اكيد في مصر
لولقيت مقرئ لقران يرتله ترتيلا يبقي انت اكيد في مصر
لو لقيت الناس الطيبة والناس الي بتخاف الله تعالى وصبرة على قضاء الله وقدره يبقي انت اكيد في مصر.
ولقيت عملة لها وجهان وجهة لناس لاعلاقة لهم بمصر اليبنشوفهم في التلفاز ووجه ناس تعرف ربنا وبتحمده انت اكيد في مصر.
ياخي الكريم اين ذهبت تجد الخير والشر الجميل والقبيح الطائع والعاصي وانت تختار ماذا تريد ان تكون ولا تقول اني في مصر ولا في المغرب ولا في العراق..... نحن في دنيا اختبار وامتحان وعليك ان تحسن الاجابة لتحصل على اعلى النقط وفي اي البلاد كنت اخي.....
moon smile
03-07-2006, 12:32 AM
اولا شكرا انك رديت على كلامي
وزي مقلت في البدايه ان انا مش بفهم في السياسه
بس انا واحده من الشباااااااااب اللي زيي كتييييييييييييييييييييير
شايفه حجات غلط بتحصل قدامي ونفسي اعرف ايه الصح ومين الصح واصدق مين واكدب مين؟
كان اول مره اهتم بالانتخابات السنه دي وفعلا شفت الناس الغلابه ياعيني بيتضحك عليهم بحجات مالهاش لازمه تزكر
نفسي بقى الناس تفوق شويه من اللي هيا فيه اعتقد لو كلنا قلنا راينا ومسكتناش عن حقنا حجات كتير هتتغير
خاصة(ان الساكت عن الحق شيطان اخرص)
وعلى فكره انا حبيت المناقشه معاك قوي
اول مره فحياتي اتكلم في حاجه تتتعلق بالسياسه
انت فعلا معاك حق ان الحكومه هي السبب في كل حاجه
بس يا ترى الحكومه برده هي الللي علمت الناس الاهمال والتسيب؟
SADSOUL
03-07-2006, 08:04 AM
يبقي انت اكيد في مصر
hisho000
03-07-2006, 08:38 AM
لو حد خبط عرابيتك من ورا فى الشارع و نزلت تكلمه و قالك انت مش عارف انت بتكلم ميين تبقى انت اكيد فى مصر
hany_java
03-07-2006, 09:49 AM
اخى mohamadalmoayad
ايدك الله
انت بجد وجودك فى اى موضوع بيديله معنى خاص وانا ببحث عن مواضيعك بالاسم
بس انا رأى بلاش تخوف الناس اوىىىىىى كده
hany_java
03-07-2006, 09:56 AM
بس بجد برضه عندك كل الحق
وتبقى انت اكيد أكيد فى مصر
hisho000
03-07-2006, 03:37 PM
لو فى بطولة بتتلعب فى ارضك و دخت لمدة اسبوع عشان تشترى تذاكر البطولة و اكتشفت انها اتباعت سوق سوداء باضعااف اضعااف ثمنها الحقيقى و ماطلتش تذكرة واحدة و صحيت الصبح و لقيت المسؤولين بيقولوا كلو تمام و تم طرح التذاكر للبيع فى المنافذ و مفيش حاجا اسمها سوق سوداء ااااااااااه يا بلد ااااااه تبقى انت اكيد اكيد فى مصر
mohamadalmoayad
03-07-2006, 04:24 PM
اخى mohamadalmoayad
ايدك الله
انت بجد وجودك فى اى موضوع بيديله معنى خاص وانا ببحث عن مواضيعك بالاسم
بس انا رأى بلاش تخوف الناس اوىىىىىى كده
أحرجتنى بذوقك وأشكرك جدا...وأنا لا بخوف الناس ولا حاجة لأن الناس خايفة من زمان واتربت على الخوف لكن علشان مصيبتنا متبقاش اتنين وبدل ما يبقى مصيبة خوف ومعاها مصيبة الوقوع فى فخ الكلام الحكومى المعسول على الأقل نبقى فاهمين وشايفين طريقنا يمكن ييجى حد بعدنا ويهزم مصيبة الخوف
من الانبار
03-07-2006, 05:32 PM
ههههههههههههههههه أضحك الله سنكم
يجب أن أعد موضوعا بعنوان إذا رأيت شيئا في المغرب فلا تستغرب :dizzy::dizzy::dizzy::dizzy:
هههههههههههههه اظحككم الله في الجنة
وانا كمان اعد موضوع عن العراق
اذا دخلت العراق فاعلم انها ارض الفراق
mohamadalmoayad
03-07-2006, 07:13 PM
اولا شكرا انك رديت على كلامي
وزي مقلت في البدايه ان انا مش بفهم في السياسه
بس انا واحده من الشباااااااااب اللي زيي كتييييييييييييييييييييير
شايفه حجات غلط بتحصل قدامي ونفسي اعرف ايه الصح ومين الصح واصدق مين واكدب مين؟
كان اول مره اهتم بالانتخابات السنه دي وفعلا شفت الناس الغلابه ياعيني بيتضحك عليهم بحجات مالهاش لازمه تزكر
نفسي بقى الناس تفوق شويه من اللي هيا فيه اعتقد لو كلنا قلنا راينا ومسكتناش عن حقنا حجات كتير هتتغير
خاصة(ان الساكت عن الحق شيطان اخرص)
وعلى فكره انا حبيت المناقشه معاك قوي
اول مره فحياتي اتكلم في حاجه تتتعلق بالسياسه
انت فعلا معاك حق ان الحكومه هي السبب في كل حاجه
بس يا ترى الحكومه برده هي الللي علمت الناس الاهمال والتسيب؟
مين قال انك لازم تفهمى فى السياسة...مين فينا بيفهم فى السياسة؟؟لكن تأكدى ان الأهم هو كيفية التمييز بين الحق والباطل واذا كنتى فاكرة انها مشكلة اسألى نفسك ليه التصريحات من يوم ما اتعلمتى القراءة لحد يومنا هذا زى ما هى..دايما الحكومة بتعالج مشكلة البطالة ودايما الحكومة مهتمو بمحدود الدخل ودايما فيه علاوات ودايما فيه تصريحات بانخفاض اسعار وغيره وغيره...بعد كل هذه السنوات أى مصداقية لمن ظل يكذب علينا لعقود؟؟؟نصدقه ازاى؟؟أعظم شخصيات عدت علينا وحبيناها كلنا زى عمرو موسى والجنزروى وابو غزالة واللواء احمد رشدى والجويلى والمحجوب وغيرهم كتير كل دول شوهوا صورتهم عشان الناس متحسش بالحقيقة...لو كل واحد فينا فتش عن الحقيقة جواه حيلاقيها زى نور الشمس بس الحكومة علمت عنينا انها تتعمى
moon smile
03-08-2006, 03:47 AM
صح فعلا كلامك مظبوط
.......
