arabyahoo
05-06-2008, 03:58 PM
--((بسم الله الرحمن الرحيم ))--
ملحوظه : الموضوع طويل بعض الشئ لكن يستحق القراءه لابداء الاراء
احببت ان اضع هذا الموضوع بين يديكم لكى ابين لكم مساوء شركات الانترنت فى مصر وبالتحديد شركة TEdata وهى التابعه للشركه المصريه للاتصالات التى من المفترض ان تكون من افضل الشركات الموجوده.
قررت فى احد الايام ان ادخل خدمة الانترنت فسألت ماهى افضل شركه ياجماعه قالولى عليك وعلى (تى اى داتا ) دى شركه رهيبه وسرعتها خطيره ومحدش جاب اى سيره عن اهم شئ لازم يكون فى الشركه وهى ما يسمى بـ ( خدمة العملاء )
أسوأ خدمة عملاء من الممكن ان تجدها فى حياتك وسوف اعرض صور ودلائل.
المهم قررت ان اذهب الى الفرع وليس للوكيل كى اضمن معامله افضل , (ولكن لم تفرق ) وذهبت الى الشركه وانتظرت الدور وجلست امام الموظف وقلت له انا عاوز اشترك فى خط 256 , رد على وقالى تحت امرك يافندم وقام مطلع لى العقد بسرعه وعمل شوية حاجات كدا وبعدين ادانى العقد وقالى امضى المهم اخدت العقد وقلت ابص فيه فلفت نظرى ان لو الخط (مركزات - هوائى - فايبر ) فالشركه غير مسئوله , فاخبرته ان من المحتمل ان خطى يكون مركزات لان كنت قدمت قبل كدا عند وكيل لشركه تانيه واخبرنى ان خطى مركزات لكنه سحب منى 40 جنيه مقابل تعديل الخط فمعرفش اذا كانوا فعلاً عدلوا الخط او لسه زى ما هو. المهم قاللى عادى يافندم مفيش مشاكل هنعمل تشك على خطك ولو اتضح ان مركزات هنرد لك المبلغ علطول . قلت له يعني هاسترد فلوسي بدون مشاكل , رد عليا وقاللى ايوه يافندم.
قمت ماضى على العقد ودفعت اشتراك شهر وايجار راوتر لمدة شهر , وانتظرت اسبوعين وقلت اروح اشقر كدا لان كان قاللى فى وسط كلامه ان هيرد علي خلال اسبوعين المهم رحت الشركه ودخلت وانتظرت برضه لان مفيش موظفين قاعده على المكاتب اصلاً . وانتظرت لما موظفه وصلت وقالتلى اتفضل هنا يافندم فاتفضلت طبعاً :) : تحت امرك يافندم , قلت لها انا مقدم بقاللى اسبوعين على خط وعايز اعرف ايه اخر التطورات , ردت على : ثوانى كدا يافندم (تكتككتكتكتكتتكت) على الكيبورد والجهاز اللى قدامها وقالتى رقمك كام يافندم قلتلها الرقم ردت علي : اممم دا خطك طلع مركزات يافندم , قلتلها بجد ما انا عارف وقلت الكلام دا وانا باقدم وقلتولى مفيش مشاكل هنشوف ونرد عليك طيب وايه الحل دلوقتى , قالتلى حضرتك تنتظر ((( شهر ))) عشان تسترد الاشتراك , انا اسغربت ايه شهر دا وقلتلها ليه شهر يعني , قلتلى عشان بس يتعمل ريفند من الفرع الرئيسي قلتلها يعنى بإذن الله هاستلم فلوسى بعد شهر , قالتلى اه يافندم اكيد , قلت ماشى خلاص. وعدا الشهر( طبعاً فترة الشهر ونص دول لم يصلنى اى اتصال من الشركه او عبرونى حتى ) مع انهم معاهم ارقام البيت والموبايل , عادى مفيش مشاكل . رحت لهم بعد الشهر دا ودخلت وقابلت الموظفه وحكت على الموضوع من اول وجديد برضه عملت (تكتكتكتكتتكتكتكتك ) ورقم تلفونك كام , اديتها الرقم , اه يافندم دا لسه متعملش ريفند والله يافندم عدى علينا كمان اسبوع وهنشوف موضوعك , قلت نعم انت بتتكلموا جد ولا بتهرجوا ؟؟؟ داخلين على شهرين ومش عارفين تردولى 105 جنيه ليه يعني ؟؟ قالتلى والله الموضوع مش من عندنا يافندم دا من الفرع الرئيسي معلش اديني رقم موبايلك تانى واحنا هنتصل بيك قبل نهاية الاسبوع اديتها الارقام تانى ومشيت ورجعت بعد الاسبوع اللى ( برضه لم يتصل بى احد اطلاقاً ) وقابلت موظفه تانيه خالص وحكيت الموضوع من اول وجديد ( كل مره احكى الموضوع اكنهم اول مره يسمعوه فى حياتهم ) برضه ( تكتكتكتكتكتكتكتكتك) رقمك كام يافندم ( يووووووووووووووووه :( ) انا زهقت بامانه المهم اديتها الرقم وشافت كدا وقالتلى اه يافندم لسه والله انا كنت خلاص بقى وصلت الحد الاقصى من التحمل قلتلها لأ انا عاوز فلوسي دلوقتى انا مش فاضيلكم كل د على 100 جنيه وفاتحين شركه كبيره زى دى وعملين مشكله على 100 جنيه واللى هى من حقى اصلاً . ردت علي ببرود تاااااام ( واحنا نعملك لحضرتك ايه يافندم , مش فى ايدنا حاجه ) قلتلها انا عايز اسم اللى بيكلمنى عشان انا هاعمل , قالتلى ببرود برضه ( اوك حضرتك هاديلك اسم حضرتى , ودى ارقام الشركه هنا وفى القاهره , حضرتك هتشتكينا هنا بقى ولا فى القاهره ؟ ) بصتلها كدا ومشيت ورحت البيت وقلت اتصل بالفرع الرئيسي يمكن ميعرفوش حاجه عن التخلف اللى بيحصل فى الفرع بتاعهم المهم فى الاخر لم اصل معاه الى شئ فى الفرع الرئيسي وقاللى باذن الله هنتصل بيك خلال يومين (ولا الهوا طبعاً) , اخر لما زهقت رحت الفرع اللى عندى اخر مره وقلتلهم نا هاعمل محضر لو معرفتش حل لموضوعى دا دلوقتى , قالتلى واحده هناك اصل احنا بنحاول نوصل خطك على خط ارضى (( نععععم بقالهم شهرين بيحاولوا يعدلوا خطى , وايه كمان من غير ما يتصلوا ولا يعبرونى ولا يقولوا اى حاجه مع انى فى الاول خالص وبعد الاسبوعين الاوائل بعد لما قالولى خط مركزات انا قلتلهم انا عايز اكنسل خلاص ومقلتلهمش خالص ان عايز احاول فى خطى او احوله لانى كنت زهقت خلاص)
فى نهاية الموضوع انا حاولت اوصلكوا تجربه من حياتى مع هذه الشركه التى اعتبرها فى رأى الشخصى (((( أسوأ شركة انترنت عرفتها حتى الان فى مصر من حيث خدمة العملاء , لم احس ان الموظفين يهتمون بالعميل اكثر مما يهتمون بكيفية الحصول على اموال العميل ))))
ملحوظه : انا لم اقم بسرد كافة التفاصيل لان لو سردت الموضوع بالتفصيل من الممكن ان ياخذ منى وقت وصفحات فى المنتدى اكثر بكثير من ما كتبته.
هذه بعض الصور للايصال من الشركه وهو بتاريخ 23/2/2008 اى مر عليه اكثر من شهرين ونصف ولم استرد المبلغ حتى الان ولم يكلفوا انفسهم حتى وان يتصلوا بى :
(((الصور غير واضحه بعض الشئ لانها ملتقطه عن طريق الموبايل لاستعجالى لارفاقها فى الموضوع )))
http://img377.imageshack.us/img377/9018/rotationofimage025ia5.jpg
http://img377.imageshack.us/img377/1426/image026yd1.jpg
http://img180.imageshack.us/img180/5377/image027pw5.jpg
http://img180.imageshack.us/img180/2253/image028wd2.jpg
ملحوظه : الموضوع طويل بعض الشئ لكن يستحق القراءه لابداء الاراء
احببت ان اضع هذا الموضوع بين يديكم لكى ابين لكم مساوء شركات الانترنت فى مصر وبالتحديد شركة TEdata وهى التابعه للشركه المصريه للاتصالات التى من المفترض ان تكون من افضل الشركات الموجوده.
قررت فى احد الايام ان ادخل خدمة الانترنت فسألت ماهى افضل شركه ياجماعه قالولى عليك وعلى (تى اى داتا ) دى شركه رهيبه وسرعتها خطيره ومحدش جاب اى سيره عن اهم شئ لازم يكون فى الشركه وهى ما يسمى بـ ( خدمة العملاء )
أسوأ خدمة عملاء من الممكن ان تجدها فى حياتك وسوف اعرض صور ودلائل.
المهم قررت ان اذهب الى الفرع وليس للوكيل كى اضمن معامله افضل , (ولكن لم تفرق ) وذهبت الى الشركه وانتظرت الدور وجلست امام الموظف وقلت له انا عاوز اشترك فى خط 256 , رد على وقالى تحت امرك يافندم وقام مطلع لى العقد بسرعه وعمل شوية حاجات كدا وبعدين ادانى العقد وقالى امضى المهم اخدت العقد وقلت ابص فيه فلفت نظرى ان لو الخط (مركزات - هوائى - فايبر ) فالشركه غير مسئوله , فاخبرته ان من المحتمل ان خطى يكون مركزات لان كنت قدمت قبل كدا عند وكيل لشركه تانيه واخبرنى ان خطى مركزات لكنه سحب منى 40 جنيه مقابل تعديل الخط فمعرفش اذا كانوا فعلاً عدلوا الخط او لسه زى ما هو. المهم قاللى عادى يافندم مفيش مشاكل هنعمل تشك على خطك ولو اتضح ان مركزات هنرد لك المبلغ علطول . قلت له يعني هاسترد فلوسي بدون مشاكل , رد عليا وقاللى ايوه يافندم.
قمت ماضى على العقد ودفعت اشتراك شهر وايجار راوتر لمدة شهر , وانتظرت اسبوعين وقلت اروح اشقر كدا لان كان قاللى فى وسط كلامه ان هيرد علي خلال اسبوعين المهم رحت الشركه ودخلت وانتظرت برضه لان مفيش موظفين قاعده على المكاتب اصلاً . وانتظرت لما موظفه وصلت وقالتلى اتفضل هنا يافندم فاتفضلت طبعاً :) : تحت امرك يافندم , قلت لها انا مقدم بقاللى اسبوعين على خط وعايز اعرف ايه اخر التطورات , ردت على : ثوانى كدا يافندم (تكتككتكتكتكتتكت) على الكيبورد والجهاز اللى قدامها وقالتى رقمك كام يافندم قلتلها الرقم ردت علي : اممم دا خطك طلع مركزات يافندم , قلتلها بجد ما انا عارف وقلت الكلام دا وانا باقدم وقلتولى مفيش مشاكل هنشوف ونرد عليك طيب وايه الحل دلوقتى , قالتلى حضرتك تنتظر ((( شهر ))) عشان تسترد الاشتراك , انا اسغربت ايه شهر دا وقلتلها ليه شهر يعني , قلتلى عشان بس يتعمل ريفند من الفرع الرئيسي قلتلها يعنى بإذن الله هاستلم فلوسى بعد شهر , قالتلى اه يافندم اكيد , قلت ماشى خلاص. وعدا الشهر( طبعاً فترة الشهر ونص دول لم يصلنى اى اتصال من الشركه او عبرونى حتى ) مع انهم معاهم ارقام البيت والموبايل , عادى مفيش مشاكل . رحت لهم بعد الشهر دا ودخلت وقابلت الموظفه وحكت على الموضوع من اول وجديد برضه عملت (تكتكتكتكتتكتكتكتك ) ورقم تلفونك كام , اديتها الرقم , اه يافندم دا لسه متعملش ريفند والله يافندم عدى علينا كمان اسبوع وهنشوف موضوعك , قلت نعم انت بتتكلموا جد ولا بتهرجوا ؟؟؟ داخلين على شهرين ومش عارفين تردولى 105 جنيه ليه يعني ؟؟ قالتلى والله الموضوع مش من عندنا يافندم دا من الفرع الرئيسي معلش اديني رقم موبايلك تانى واحنا هنتصل بيك قبل نهاية الاسبوع اديتها الارقام تانى ومشيت ورجعت بعد الاسبوع اللى ( برضه لم يتصل بى احد اطلاقاً ) وقابلت موظفه تانيه خالص وحكيت الموضوع من اول وجديد ( كل مره احكى الموضوع اكنهم اول مره يسمعوه فى حياتهم ) برضه ( تكتكتكتكتكتكتكتكتك) رقمك كام يافندم ( يووووووووووووووووه :( ) انا زهقت بامانه المهم اديتها الرقم وشافت كدا وقالتلى اه يافندم لسه والله انا كنت خلاص بقى وصلت الحد الاقصى من التحمل قلتلها لأ انا عاوز فلوسي دلوقتى انا مش فاضيلكم كل د على 100 جنيه وفاتحين شركه كبيره زى دى وعملين مشكله على 100 جنيه واللى هى من حقى اصلاً . ردت علي ببرود تاااااام ( واحنا نعملك لحضرتك ايه يافندم , مش فى ايدنا حاجه ) قلتلها انا عايز اسم اللى بيكلمنى عشان انا هاعمل , قالتلى ببرود برضه ( اوك حضرتك هاديلك اسم حضرتى , ودى ارقام الشركه هنا وفى القاهره , حضرتك هتشتكينا هنا بقى ولا فى القاهره ؟ ) بصتلها كدا ومشيت ورحت البيت وقلت اتصل بالفرع الرئيسي يمكن ميعرفوش حاجه عن التخلف اللى بيحصل فى الفرع بتاعهم المهم فى الاخر لم اصل معاه الى شئ فى الفرع الرئيسي وقاللى باذن الله هنتصل بيك خلال يومين (ولا الهوا طبعاً) , اخر لما زهقت رحت الفرع اللى عندى اخر مره وقلتلهم نا هاعمل محضر لو معرفتش حل لموضوعى دا دلوقتى , قالتلى واحده هناك اصل احنا بنحاول نوصل خطك على خط ارضى (( نععععم بقالهم شهرين بيحاولوا يعدلوا خطى , وايه كمان من غير ما يتصلوا ولا يعبرونى ولا يقولوا اى حاجه مع انى فى الاول خالص وبعد الاسبوعين الاوائل بعد لما قالولى خط مركزات انا قلتلهم انا عايز اكنسل خلاص ومقلتلهمش خالص ان عايز احاول فى خطى او احوله لانى كنت زهقت خلاص)
فى نهاية الموضوع انا حاولت اوصلكوا تجربه من حياتى مع هذه الشركه التى اعتبرها فى رأى الشخصى (((( أسوأ شركة انترنت عرفتها حتى الان فى مصر من حيث خدمة العملاء , لم احس ان الموظفين يهتمون بالعميل اكثر مما يهتمون بكيفية الحصول على اموال العميل ))))
ملحوظه : انا لم اقم بسرد كافة التفاصيل لان لو سردت الموضوع بالتفصيل من الممكن ان ياخذ منى وقت وصفحات فى المنتدى اكثر بكثير من ما كتبته.
هذه بعض الصور للايصال من الشركه وهو بتاريخ 23/2/2008 اى مر عليه اكثر من شهرين ونصف ولم استرد المبلغ حتى الان ولم يكلفوا انفسهم حتى وان يتصلوا بى :
(((الصور غير واضحه بعض الشئ لانها ملتقطه عن طريق الموبايل لاستعجالى لارفاقها فى الموضوع )))
http://img377.imageshack.us/img377/9018/rotationofimage025ia5.jpg
http://img377.imageshack.us/img377/1426/image026yd1.jpg
http://img180.imageshack.us/img180/5377/image027pw5.jpg
http://img180.imageshack.us/img180/2253/image028wd2.jpg