Fadood_1
05-03-2008, 07:28 AM
السلام عليكم
فيرس اوتورن المشكله اللي زهقت ناس كتير في عيشتها وكرهتهم في الكمبيوتر وسنينه
النهارده جايبلكم طريقه ازالته يدويا يعني بدون برامج مكافحه الفايروسات والطريقه دي طبعا للي جهازه اصيب قبل ما يسطب انتي فايرس لأن زي مانتوا عارفين انه غالبا بيمنعك من تسطيب برامج الانتي فيروس
وطبعا حتلاقي ناس تقولك ده ملهوش حل ولازم تقسم الهارد من الاول الى اخره من الكلام الغريب ده
علشان مطولش عليكم نبدأ الشرح
طبعا اعراض الفايروس معروفه علشان كده حبدأ في شرح خطوات ازالته على طول
الخطوات
طبعا زي ماحنا عارفين الفايرس بيوقف برنامج Task manager بمعنى انه بيلغي تأثير المفاتيح المعجزه Alt+Ctrl+del ونقف هنا لحظه ليه الفايرس عايز يخبي قايمه العمليات عنا يبقى اكيد فيه عمليه تبع الفايرس ده لو وقفناها شغله بيقف وده صحيح
اسم العمليه هو scvhost وليس svchost لاحظ الفرق الاسم التاني احد عمليات النظام لو وقفته الكمبيوتر حيظهر شاشه ويطفي بعد كام ثانيه.
علشان نوقف العمليه دي حنشغل برنامج The terminator (مرفق) وحنحط عليها علامه صح وبعدين نضغط Terminate All Checked Process طبعا اي عمليه باسم scvhost حنوقفها ايا كان عددها واي عمليه بامتداد pif حتوقفها برضه واي عمليه اسمها على اسم المجلد اللي موجوده فيه
زي مثلا ان اسم العمليهGames.exe وموجوده في مجلد C:\Program Files\Games\Games.exe
بكده انت وقفت الفايرس مؤقتا يعني لو عملت اي تعديلات او اظهار للملفات المخفيه مش حيقف في طريقك بس لو عدت التشغيل حيبقى ولا كأنك عملت حاجه
دلوقتي نيجي لمرحله مسح ملفات الفايروس
حنبحث عن ملفات الفايرس بشكل سهل كل ملفات الفايرس بيبقى نوعها icon على الرغم من كده لو عملت اظهار للامتدادات حتلاقي امتدادها exe!!!!!!!!!
وكلها مساحتها 221 kb كده انت حتعمل بحث بالخيارات دي طبعا بدون تحديد اي اسماء وحتمسح الملفات دي ب shift + delete لو منفعش المسح بالطريقه دي استخدم امر deltree
بعد كده امسح ملف autorun.inf الموجود في اي بارتيشن عندك
المرحله الاخيره تعديل الريجستري
والخطوه دي حأذكرها بالتفصيل
من قائمه ابدأ اختار run
اكتب Regedit
اضغط ctrl +f حيظهرلك مربع بحث اكتب فيه scvhost اي قيمه فيها الكلمه دي امسح اللي مكتوب فيها ولو عندك خبره في الريجستري امسح القيم اللي مش مضافه لو معندكش خلاص اكتفي بانك تشيل الكلام
ملحوظه لو لقيت مثلاC:\WINDOWS\explorer.exe scvhost.exe حتمسح كلمه scvhost.exe بس وتسيب الباقي زي ما هوه.
بعد كده شغل اداه ازاله القيود (مرفق) وبعدين حط صح على الكل واضغط remove عيد التشغيل وكله حيبقى تمام انشاء الله.
ملحوظه : وانت بتمسح الملفات اوعى تشغل ملف منهم بالغلط لانك حتتطر تعيد الخطوات من الاول.
عذرا ان قصرت ولو عايزين شرح فيديو حد يبعت لي الفايرس وانا اوريكم شرح بالفيديو
باااااااااي
رابط الملفات المستخدمه
http://rapidshare.com/files/112169085/tools.rar
فيرس اوتورن المشكله اللي زهقت ناس كتير في عيشتها وكرهتهم في الكمبيوتر وسنينه
النهارده جايبلكم طريقه ازالته يدويا يعني بدون برامج مكافحه الفايروسات والطريقه دي طبعا للي جهازه اصيب قبل ما يسطب انتي فايرس لأن زي مانتوا عارفين انه غالبا بيمنعك من تسطيب برامج الانتي فيروس
وطبعا حتلاقي ناس تقولك ده ملهوش حل ولازم تقسم الهارد من الاول الى اخره من الكلام الغريب ده
علشان مطولش عليكم نبدأ الشرح
طبعا اعراض الفايروس معروفه علشان كده حبدأ في شرح خطوات ازالته على طول
الخطوات
طبعا زي ماحنا عارفين الفايرس بيوقف برنامج Task manager بمعنى انه بيلغي تأثير المفاتيح المعجزه Alt+Ctrl+del ونقف هنا لحظه ليه الفايرس عايز يخبي قايمه العمليات عنا يبقى اكيد فيه عمليه تبع الفايرس ده لو وقفناها شغله بيقف وده صحيح
اسم العمليه هو scvhost وليس svchost لاحظ الفرق الاسم التاني احد عمليات النظام لو وقفته الكمبيوتر حيظهر شاشه ويطفي بعد كام ثانيه.
علشان نوقف العمليه دي حنشغل برنامج The terminator (مرفق) وحنحط عليها علامه صح وبعدين نضغط Terminate All Checked Process طبعا اي عمليه باسم scvhost حنوقفها ايا كان عددها واي عمليه بامتداد pif حتوقفها برضه واي عمليه اسمها على اسم المجلد اللي موجوده فيه
زي مثلا ان اسم العمليهGames.exe وموجوده في مجلد C:\Program Files\Games\Games.exe
بكده انت وقفت الفايرس مؤقتا يعني لو عملت اي تعديلات او اظهار للملفات المخفيه مش حيقف في طريقك بس لو عدت التشغيل حيبقى ولا كأنك عملت حاجه
دلوقتي نيجي لمرحله مسح ملفات الفايروس
حنبحث عن ملفات الفايرس بشكل سهل كل ملفات الفايرس بيبقى نوعها icon على الرغم من كده لو عملت اظهار للامتدادات حتلاقي امتدادها exe!!!!!!!!!
وكلها مساحتها 221 kb كده انت حتعمل بحث بالخيارات دي طبعا بدون تحديد اي اسماء وحتمسح الملفات دي ب shift + delete لو منفعش المسح بالطريقه دي استخدم امر deltree
بعد كده امسح ملف autorun.inf الموجود في اي بارتيشن عندك
المرحله الاخيره تعديل الريجستري
والخطوه دي حأذكرها بالتفصيل
من قائمه ابدأ اختار run
اكتب Regedit
اضغط ctrl +f حيظهرلك مربع بحث اكتب فيه scvhost اي قيمه فيها الكلمه دي امسح اللي مكتوب فيها ولو عندك خبره في الريجستري امسح القيم اللي مش مضافه لو معندكش خلاص اكتفي بانك تشيل الكلام
ملحوظه لو لقيت مثلاC:\WINDOWS\explorer.exe scvhost.exe حتمسح كلمه scvhost.exe بس وتسيب الباقي زي ما هوه.
بعد كده شغل اداه ازاله القيود (مرفق) وبعدين حط صح على الكل واضغط remove عيد التشغيل وكله حيبقى تمام انشاء الله.
ملحوظه : وانت بتمسح الملفات اوعى تشغل ملف منهم بالغلط لانك حتتطر تعيد الخطوات من الاول.
عذرا ان قصرت ولو عايزين شرح فيديو حد يبعت لي الفايرس وانا اوريكم شرح بالفيديو
باااااااااي
رابط الملفات المستخدمه
http://rapidshare.com/files/112169085/tools.rar