عشان انت مصرى ...... [الأرشيف]

مشاهدة النسخة كاملة : عشان انت مصرى ......

بحبك يا غايب

04-26-2008, 07:56 AM

عشان انت مصرى لازم تعانى
وتفقد كرامتك بكل المعانى
وتحرق فى دمك سنين مش ثوانى
واوعى تصدق كلام الاغانى
بتاع الحضاره وكانى ومانى
ده كله هجايص مايدخل ودانى
عشان انت مصرى العذاب بيناديك
بتبدا فى يومك حاجات بترازيك
فى نومك فى قومك تعكنن عليك
تضايقك ولسه العماص فى عينيك
مافيش ميه تشطف صابونه فىايديك ا
وجسمك ملزق وريحتك عاديك
فتلبس وتنزل وفيك اللى فيك
ورايح لشغلك حتحتاج مواصله
ادى المترو واقف وكهربته فاصله
وفى الميكروباص خناقه وحاصله
اوتوبيس فرامله عايزالها وصله
وتوك توك ده تايه ومحتاج لبوصله
توصل لشغلك بدم اتحرق
فى زحمه وكتمه وحر وعرق
رئيسك سايبلك كومه ورق
ده غير دمغه ضايعه وملف اتسرق
وفى كام مواطن عامللك قلق
بيشكى تقول له روح اندعق
وعركه وهوجه وشاى اندلق
ومخك خلاص من الصداع اتفلق
هترجع لبيتك ده لو كان فى بيت
هتوصل هتندم ياريتك ماجيت
مراتك بتصرخ خلاص استويت
عيالك بتطلب وهات كيت وكيت
تزعق تهاتى ياناس اتهريت
ولاحد سامعك مهما هاتيت
عشان انت مصرى وده للاسف
فلازم تاسى تعيش تتقرف
وكل الاساسى فى حياتك ترف
فتنسى الكرامه وتنسى الشرف
وتسرق وتنصب او تنحرف
ودمعك بيجرى وجرحك نزف
مش انت اللى مصرى؟؟؟ جتك القرف

اسماء هبة الله

05-09-2008, 07:05 PM

اول مرة استطيع ان اقول و اخيرا شخص يتكلم عن واقعه كما يراه الجميع الا المصريين............

بحبك يا غايب

05-10-2008, 09:15 AM

اول مرة استطيع ان اقول و اخيرا شخص يتكلم عن واقعه كما يراه الجميع الا المصريين............

مشكورة على المرور
........................

abd_elkarim

05-10-2008, 10:27 AM

الحمد لله والصلاة والسلام على رسول الله صلى الله عليه وسلم.

http://img233.imageshack.us/img233/5161/m4831manda3aillahoda11ex6.jpg (http://hadith.al-islam.com/Display/Display.asp?hnum=4831&doc=1&IMAGE=%DA%D1%D6+%C7%E1%CD%CF%ED%CB)المصدر : صحيح مسلم (http://hadith.al-islam.com/Display/Display.asp?hnum=4831&doc=1&IMAGE=%DA%D1%D6+%C7%E1%CD%CF%ED%CB)
الصورة الرمزية هل يسرك أن تراهــا أمامك يوم القيامة
الموضوع هل يسرك أن تراه أمامك يوم القيامة
التوقيع هل يسرك أن تراه أمامك يوم القيامة
فليحرص كل واحد منا على ما ينفعه ، فلا يكتب إلا ما يسرُّه أن يراه أمامه يوم القيامة ، وليحذر من خزي يوم العرض على الله .

واحْسِبُـــــــــــــوها كْوَيِّسْ

http://img178.imageshack.us/img178/8158/dalla3alkhayrii000003ok6.jpg (http://hadith.al-islam.com/Display/Display.asp?hnum=3509&doc=1&IMAGE=%DA%D1%D6+%C7%E1%CD%CF%ED%CB)
المصدر : صحيح مسلم (http://hadith.al-islam.com/Display/Display.asp?hnum=3509&doc=1&IMAGE=%DA%D1%D6+%C7%E1%CD%CF%ED%CB)

سبحانك اللهم وبحمدك أشهد أن لا إله إلا أنت أستغفرك وأتوب إليك