مشاهدة النسخة كاملة : الحلقة الخامسة من جريدة الأوهام ويوميات صحفى بيستهبل
mohamadalmoayad
02-10-2006, 12:48 PM
جريدة الأوهام
الرابط الأصلى للموضوع بمنتدى الكتاب والصحفيين من هنـــا (http://www.bramjnet.com/vb3/showthread.php?t=53142)القراء الأعزاء
إستجابة من الجريدة لقرائها الكرام الأعزاء قررت الجريدة إعادة نشر بعض أهم وأشهر التحقيقات والمحاورات الصحفية للكاتب الصحفى الكبير الأستاذ وطنى عجيب والتى حاور فيها أهم وأبرز الشخصيات فى جميع المجالات على المستوى المحلى والعربى والعالمى وقدم لنا فيها ملامح هذه الشخصيات وأبرز لنا ما كان يخفى علينا من جوانب الحياة الشخصية لضيوفه الكرام بأسئلته الذكية ومحاوراته الممتعة وفكره المستنير وقلمه المبدع وسيتم نشر هذه المحاورات يوميا ولكن بشكل متنوع لا يخضع للترتيب الزمنى.
اللقاء الأول.....المشاركة رقم 1 (مسئول الفلاحة جوزيف عالى )
اللقاء الثانى.....المشاركة رقم 10 ( كبير المسئولين عاصف عنيد )
اللقاء الثالث.....المشاركة رقم 21 ( مسئول التدريس ياسين شامل زهاء الدين )
اللقاء الرابع.....المشاركة رقم 33 ( مسئول السلامة والجيران عزرائيل هدام )
اللقاء الخامس.....المشاركة رقم 42 ( رئيس مصطبة الناس قفلى شرور )
اللقاء السادس.....المشاركة رقم 43 ( مسئول الجوانية لبيب الشاذلى )
--------------------------------------------------------------------------------------------------
جريدة الأوهام الصادرة بتاريخ 31-12-1999
حوار مع السيد المسئول جوزيف عالى مسئول الفلاحة ونائب رئيس مجلس المسئولين
توجهت لمكتب السيد مسئول الفلاحة فلاح مصر الأكبر جوزيف عالى فى مسئولية الفلاحة وفى أقل من دقيقة وجدت نفسى أمام باب مكتبه فى غرفة السكرتارية ولاحظت الأتى:
لا توجد حراسات امنية أو إجراءات متشددة لوصولى إلى مكتب سيادته واقتصر الأمر على الأخ الفلاح بواب المسئولية وهو الذى أوصلنى بنفسه -مشكورا- إلى مكتب سيادته فوجدت سكرتيرة واحدة فقط ومدير مكتب سيادته وهم جالسين فى غرفة واحدة متوسطة المساحة وبها جهاز حاسب ألى واحد تعمل عليه السكرتيرة
تقدمت من السيد المحترم مدير مكتب فخامته وعرفته بنفسى فهلل مرحبا بى وقال لى فخامته منتظرك من بدرى فى مكتبه وقام وفتح الباب بنفسه -مشكورا- وأدخلنى لأجد فى وجهى مباشرة السيد المسئول الفلاح جوزيف عالى خلف مكتبه المتناهى البساطة الصغير الحجم وأدهشنى أن وجدت مكتب سيادته غرفة لا تتعدى مساحتها 3*3 متر مربع وتتخذ خريطة الوطن الخضراء الحائط المواجه لسيادته مباشرة وكأنه لا يريد أن يغفل عينيه عن ارض الوطن وأعمال التعمير القائمة على قدم وساق وقام سيادته بنفسه -مشكورا- وهلل مرحبا بى وأخذنى إلى ركن الغرفة الذى يشغله عدد من الكراسى المريحة فجلسنا جلسة ودية هادئة وبدأ الحوار.
السيد المسئول: تشرب ايه يا أستاذ وطنى
أنا:الموجود يا فندم (يضغط زرا صغيرا فيدخل السيد الساعى فيأمره بكوب لبن دافىء مخلوطا ببرسيم طازج ويشدد على الطزاجة فيأتى الساعى بنفسه -مشكورا- بالكوب الدافىء المنعش)
بعد اول رشفة بدأت بالسؤال الأول
فخامة المسئول هناك سؤال يلح على غالبية ابناء الشعب ويودون معرفته منكم وهو ما هو التطور الحادث فى عهد فخامتكم بالنسبة للفلاحة والفلاحين
السيد المسئول:الحقيقة ان التطور الذى شهده الوطن من تنوع وتطور المزروعات الهامة والرئيسية والتى أعتبرها استراتيجيه لهى خير دليل على التقدم الفلاحى الذى شهده الوطن فهناك وفرة غير عادية فى المزروعات وأهمها الفراولة الحمراء جدا والكانتلوب الأصفر جدا والبرقوق والمشمش بأنواعه-بالدود ومن غير دود والمرشوش- والكيوى والمفاجأة التى حققنناها أخير وأبشر بها شعبنا العظيم وهى استصلاح مساحة 5 مليون فدان موز لإشباع حاجة أخواننا القرود فى حدائق الحيوان وبالنسبة للتوسع الأفقى فيكفى أن تعلم أنه تم استصلاح أكثر من 9 مليار فدان مزروعة كلها أبو فروة
أنا:لكن يا فندم ابو فروة بيتزرع فى التلج
السيد المسئول:وهو ده الإعجاز والإنجاز إحنا ضحكنا على الجماعة الكنديين واستأجرنا منهم 9 مليار فدان تلج عشان نزرع فيهم أبو فروة وأجرنالهم الصحرا الغربية كلها شاملة أراضى غرب وادى النيل والدلتا عشان يزرعوا فيها كلام فاضى من قمح وشعير وقصب ولكن احنا مالنا ماهو رزق الهبل عالمجانين يزرعوا هما اللى يزرعوه واحنا نشوف نفسنا بقا يا أخى وكله لصالح المواطنين والأخوة الفلاحين.
أنا:عظيم جدا جدا يافندم وفكر مستنير لكن ممكن سيادتك تقوللى الفلاحين اللى عندنا حيشتغلوا فى ايه بعد ما سيادتك أجرت جانب النيل الغربى؟
السيد المسئول:والله سؤال وجيه واحنا فكرنا فى اجتماع المجموعة الفلاحية اننا نستصلح الصحرا الشرقية وسيناء لكن وجدنا انه حل مكلف وباهظ ومش حيعود على البلد بنتيجة فقررنا إننا نأجرهم للجماعة اليهود الهبل دول -مانت عارفهم- غاويين صحارى يا أخى وفى المقابل حيمدونا بكل احتياجاتنا من مكسرات رمضان وقمر الدين السورى الحلو المميز وشوية مانجو سيناوى وخوخ اسمعالاوى يستهلو بقك والكلام ده كله مدى الحياة يعنى شوف بقا الهيصة والنعيم اللى حيتمرمغ فيه أهل البلد وخلاص الفلاح مش محتاج شغل ما كل حاجة جياله لحد عنده ومش بعيد نصدر لأخواننا العرب واخواننا الهنود الحمر
أنا:شىء جميل أوى أوى يافندم والله سيادتك أوجزت فأوفيت ولكن ممكن نطمع فى كرم سعادتك ونسأل سؤال تانى
السيد المسئول:اه طبعا طبعا اتفضل يا وطنى بيه
أنا: سيادتك فى بعض المشككين الخونة المدسوسين علينا بهدف إيقاف تقدم الخطة التنموية الشاملة بقيادة السيد الزعيم -وفقه الله- واللى حققت أكتر من 90% من أهدافها والمشككين دول بيقولوا ان المسئولية الفلاحية بتستورد بعض أنواع البذور المهندسة وراثيا من دولة عزرائيل وانها لا سمح الله طبعا بتسبب أمراض السرطان
السيد المسئول:أهو ده قمة الجهل وشر البلية ما يضحك يا وطنى بيه أولا هو احنا نيجى ايه فى التقدم العلمى المهول لدولة عزرائيل وبعدين هما عزرائيل حيأذونا ليه دول ناس فى حالهم واحنا فى حالنا والعملية كلها هات وخد والناس متعاونة جدا وصبورة على محاولات الفاشلين الهدامين الى عايزين يهدوا التقدم التنموى الشامل واكيد النتيجة واضحة ان الشعب دلوقتى بياكل كل اللى نفسه فيه
أنا:مظبوط كلامك يا فندم بس ايه حكاية المبيدات المسرطنة
السيد المسئول:المبيدات ولا مسرطنة ولا حاجة ولا هو كل مصيبة بيجيبوها علينا وهو عشان فى أكتر من عشرة ولا حداشر مليون مواطن جالهم سرطان يبقى من المبيدات وعملتوها كارثة يا ناس المرض من عند الله وخليكم مؤمنين صبورين محتسبين وكله بيعدى وكله بيروح فى الغسيل
أنا:حقيقى اجابات فخامتك بتنسف أصول التشكيك والتشويه من جذورها ولكن تسمحلى سعادتك بسؤال أخير
سيادتك تابعت القضية اللى اتسجن فيهم الكام صحفى الحقودين مجانين الشهرة دول واللى اتسجنوا فيها بتهمة نقد فخامتك بتهم المبيدات والبذور والحبوب وغيره ونحب نعرف رأى حضرتك ايه فى قرار المحكمة
السيد المسئول:هو طبعا كلنا ثقة فى سيادة القاضى النزيه الشريف السيد المستشار ظالم عبد الجبار خميس واللى حكم بسجن الكام صحفى دول -حوالى 90 صحفى- مؤبد ولكن أنا كنت أسمع ان فى البلاد التانية عندهم حكم بالسجن مدى الحياة ولكن ما دام ده هو القانون فاحنا منقدرش نخرج عليه وكلنا فدا الوطن
أنا:فى النهاية لا يسعنى إلا أن أشكر عظيم فضلك وكرمك البالغ وسعة صدر فخامتكم وأبلغ سيادتكم تهانى الشعب والفلاحين بالعام الجديد ولنا لقاء العام القادم فى نفس الموعد لنعرف كيف سندخل الألفية الجديدة ومبروك على الفلاحين والشعب مسئول عظيم مثلك كله حب وتفانى لمصلحة الوطن والشعب والفلاحين.....شكرا فخامة المسئول
القراء الأعزاء إنتهى الحوار وأعدكم بحوارات أخرى ممتعة مع شخصيات ورموز جديدة واترككم الأن لأن البرسيم اشتغل ولازم أروح بسرعة أعمل غسيل معدة
hakhook
02-10-2006, 01:21 PM
لا انا اعتقد الجريده دى صدرت 23 يوليو سنه 1952 تقريبا
http://www.harrythecat.com/graphics/b/drama2.gif
Samir Aser
02-10-2006, 02:17 PM
وبعديييييييييييييييين ................. آهى فانتازيا
فيه دبلوماسى مصرى مخطوف ياجماعة ........................
tweety_snow
02-11-2006, 09:18 AM
وبعديييييييييييييييين ................. آهى فانتازيا
فيه دبلوماسى مصرى مخطوف ياجماعة ........................
ابشرك انهم أفرجوا عنه يا أستاذ سموووووووووورة
tweety_snow
02-11-2006, 09:57 AM
بصراحة حوار ممتع جدا يا محمد وإن دل على شئ فإنما يدل على مدى التقدم الذى وصل إليه مجتمعنا و أن الشعب دائما يظلم الحكومة
(( وياما في السلطة مظاليم ))
أنا نفسي بقى في حوار بين المسئول العظيم.. ((أفلح الغيطى)) عضو مجلس الشعب الحالى وخصوصا في موضوع المبيدات المسرطنة دى هو كلامه حيختلف طبعا كتيييييييييييييييييير عن المسئول .. العظيم أيضا ((جوزيف عالى)) لكن كل واحد فيهم أكيد ليه وجهة نظره في مصلحة البلد اللى حبها بيجرى في دمهم و أكيد ده حيقدم للأستاذ وطنى عصير تراب بالطين اللى هو من خير البلد ...أما لو سألته عن الحملة الانتخابية الأخيرة فبلا شك مش حيكون صرف عليها مليم واحد من كرسي الوزارة وكله من ماله الشخصي اللى سيادته عمله من معاناته في مسح الجوخ ..قصدى الكوخ يعنى اللى على إمة بيتهم في محافظة البحيرة
عموما احنا نسيب الأستاذ وطنى يحكيلنا علشان نعرف قد إيه الناس دى بتتعب علشاننا
ahmed awaad
02-11-2006, 04:07 PM
والله عجبتنى جدا انا مش عادتى انى اصبر على المواضيع الطويله
لكن موضوعك شدنى جدا حتى انهيته
جزاكم الله خيرا
و عازين حاجات كتير من الحاجات الحلوه دى
width=10 height=10
mohamadalmoayad
02-11-2006, 05:15 PM
شكرا لمروركم أخوانى الكرام
mohamadalmoayad
02-11-2006, 05:17 PM
بصراحة حوار ممتع جدا يا محمد وإن دل على شئ فإنما يدل على مدى التقدم الذى وصل إليه مجتمعنا و أن الشعب دائما يظلم الحكومة
(( وياما في السلطة مظاليم ))
أنا نفسي بقى في حوار بين المسئول العظيم.. ((أفلح الغيطى)) عضو مجلس الشعب الحالى وخصوصا في موضوع المبيدات المسرطنة دى هو كلامه حيختلف طبعا كتيييييييييييييييييير عن المسئول .. العظيم أيضا ((جوزيف عالى)) لكن كل واحد فيهم أكيد ليه وجهة نظره في مصلحة البلد اللى حبها بيجرى في دمهم و أكيد ده حيقدم للأستاذ وطنى عصير تراب بالطين اللى هو من خير البلد ...أما لو سألته عن الحملة الانتخابية الأخيرة فبلا شك مش حيكون صرف عليها مليم واحد من كرسي الوزارة وكله من ماله الشخصي اللى سيادته عمله من معاناته في مسح الجوخ ..قصدى الكوخ يعنى اللى على إمة بيتهم في محافظة البحيرة
عموما احنا نسيب الأستاذ وطنى يحكيلنا علشان نعرف قد إيه الناس دى بتتعب علشاننا
شكرا على مرورك وتعليقك يا سهى وان شاء اله نشوف استجواب الأستاذ الكاتب الصحفى لبعض البرلمانيين الوطنيين المعروفين ونشوف بيقولوا ايه
mohamadalmoayad
02-11-2006, 05:19 PM
والله عجبتنى جدا انا مش عادتى انى اصبر على المواضيع الطويله
لكن موضوعك شدنى جدا حتى انهيته
جزاكم الله خيرا
و عازين حاجات كتير من الحاجات الحلوه دى
أشكرك أخى الكريم على مرورك وتعليقك الجميل والموضوع بالفعل بدأته على أساس انه سيكون حلقات أو حوارات متنوعة ومتعددة مع أبرز الشخصيات وسأضع كل يوم أو يومين حوار مع شخصية جديدة بإذن الله ومنتظر أسمع رأيك دايما يابو حميد
mohamadalmoayad
02-14-2006, 08:18 PM
جريدة الأوهام الصادرة بتاريخ 12 ديسمبر 1999
حوار مع السيد المسئول الدكتور عاصف عنيد رئيس مجلس المسئولين
أعددت العدة لهذا اللقاء الهام والمرتقب مع السيد الدكتور كبير المسئولين عاصف عنيد فسهرت ليلة اللقاء أعد الأسئلة التى سألقيها على مسامع سيادته والتى يترقب الشعب كله سماع إجابة فخامته عنها ولم استع النوم ليلتها سوى ساعة اقتنصتها من بين فكى الأرق ثم استيقظ مبكرا لأجهز نفسى وأتناول إفطارى وأنزل متوجها لمبنى رئاسة مجلس المسئولين ودخلت من بوابة المبنى ولم يطل إنتظارى إذ اصطحبى أحد الموظفين الأفاضل -مشكورا- إلى مكتبه مباشرة ولم أتوقف فى مكتب سكرتارية سيادته ودخلت مباشرة لأجد سيادته يتابع بشغف كبير جهاز التلفاز وهو يعرض برنامجا مهما للغاية عن حادث سقوط طائرة مصر للطيران فى المحيط قبالة السواحل الأمريكية وفقدان كل ركابها وأغلبهم من المصريين وفجأة التفت سيادته وكأنه لم يشعر بدخولى ووجدت فى عينيه دموع التأثر بفقدان ركاب الطائرة فبادرته مباشرة بسؤالى الأول وكأن الفرصة للسؤال لن تأتى بعد هذا
دكتور عاصف عنيد رئيس مجلس المسئولين ما هو تصور سيادتكم لحادث سقوط الطائرة المصرية
قضاء وقدر
بيقولوا سعادتك ان الطيارة مضروبة بصواريخ واحتمال كبير تكون من جانب الدفاعات الأمريكية
مين اللى بيقولوا
الناس فخامتك
خللى الناس يطلعوا الصواريخ دى....صواريخ ايه هما فاكرين نفسهم بيشوفوا فيلم حركة امريكانى يا سادة الطيارة وقعت قضاء وقدر
بس سيادتك الأمريكان طلعو الصندوق الأسود وبيقولوا انه الطيار قال قبل الطيارة ما تفقد توكلت على الله وبيقولوا ده دليل على انها عملية انتحارية ارهابية
احنا فى مفاوضات مع الجانب الأمريكى عشان نفهمهم ان توكلت على الله دى كلمة عادية بتتقال كده بمناسبة ومن غيرمناسبة وانها مش هتأثر على علاقتنا الثنائية الممتازة
طيب والتعويضات فخامتك
اى تعويضات
التعويضات عن الحادث لأهالى المفقودين سيادتك
طب والحكومة تعملهم ايه ده حادث قضاء وقدر وهو كل واحد تخبطه عربية فى الشارع يصرخ ويقول الحقينى يا حكومة ادفعيلى يا حكومة!!!!!!!هى الحكومة حتدفع ايه ولا ايه ولا احنا ناقصين كمان تعويضات هى الناس مش حاسة بمعاناة الحكومة ليه وبعدين التعويض ده حرام لازم الناس ترضى بنصيبها وحكاية التعويضات دى فكر قديم اوى واحنا خلاص كلها كام يوم وندخل الألفية الجديدة وكلنا متطلعين للأنفتاح على عالم التكنولوجيا والتقدم والرخاء الإقتصادى تحت قيادة السيد القائد الزعيم رئيس المأمورية
طيب سيادتك ايه حقيقة تواجد أكتر من 33 طيار عسكرى كانوا فى تدريب فى امريكا وكانوا راجعين على نفس الطيارة
انتو بتجيبو الكلام ده منين...(بصوت خفيض للغاية لكن مسموع الله يخرب بيتك يا غفير طحطاوى كله من لسانك الفالت)
يعنى سيادتك الموضوع مالوش اساس من الصحة
قلتلك لأ يا أخى ..بالمناسبة نسيت أسألك تشرب ايه أحمر ولا أسود ولا أبيض
لا شكرا يا فندم مش بشرب الصبح الحاجات دى
حاجات ايه يا راجل بسألك تشرب شاى ولا بن ولا لبن
اه لامؤاخذة يافندم خلاص متشكر المهم نرجع لموضوعنا احن......
وبعدين يا وطنى احنا موراناش غير موضوع الطيارة
اخر سؤال فخامتك هو بس انا شفت سيادتك بتبكى بدموع فخمة نزلت من عيون سيادتك فكنت عايز اعرف السبب
الحقيقة يا وطنى سؤال غريب يعنى انت شايف الحادث والكلام اللى بيتقال فيه لكن مش هخبى عليك انا فى منتهى القلق من خبر سمعته ان شركات التأمين الأمريكية مش هتدفع لنا تمن الطيارة بتاعتنا ولا تعويضات المفقودين
الله يعنى فيه اهو تعويضات يا فندم
يا أخى بقولك للحكومة ايه هو كله للناس ومفيش حاجة للحكومة؟؟هى الحكومة هتصرف من جيبها على الشعب ولا اي واهو كل عايد على الشعب وكفاية كده مش قادر امسك دموعى
لا طبعا فخامتك الحكومة فيها الى مكفيها وكلنا مقدرين هموم فخامتك وحكومتك وربنا يوفقك...اتفضل منديل سيادتك
دى فرصة انطلق للسؤال الأهم
ايه تقييم فخامتك لعمل الحكومة منذ تشكيلها برئاسة سيادتك
الحقيقة احنا حققنا فى شهور قليلة جدا ما فشل فيه ناس تانية كتير قبلنا بفضل اختيار العناصر مالناسبة واستبعاد بعض العناصر اللى خلاص خلصت من زمان اوى مدة خدمتها واستبدلناهم بعدد من العناصر لشابة اللى بيتراوح أعمارهم من 60 ل 70 سنة بس وبعد كده البرنامج الإقتصادى العظيم اللى اعدناه ونفنا منه فعلا شطر كبير جدا وابشر الشعب اننا قدرنا نبيع كل شركات الأسمنت ونسبة كبيرة من الشركة الوطنية للحديد والصلب اللى بقا اسمها حديد رز - الدليلة وبعنا معظم شركات السمدة وبنجهز لضربة قوية جدا وهى بيع قطاع البنوك عشان بقا الحكومة تتفرغ لمصالحها ومصالح الوطن والشعب وحنستثمر فلوسنا دى كلها فى بنوك أمريكا واوروبا وهما يشغلولنا فلوسنا ويبعتولنا الأرباح نصرف منها المرتبات ونعيش حياتنا بقا يا أخى كفاية كده علينا وعلى الشعب تعب وقرف وجه اخيرا وقت الراحة وهنيئا للشعب كله الراحة والرفاهبة
تفكير رائع فخامتك وفكر محكم من مفكر اقتصادى ومخطط عظيم زى سعادتك كان فينك من زمان
اشكرك واهو كله للشعب هو احنا بنتعب لمين
سمعنا فخامتك ان قطاع البترول كمان ممكن يتباع
والله يا وطنى احنا بنحاول بس المشكلة ان الناس مش فاهمة وبتتكلم كتير وحيقولوا البترول ده ثروة وكلام فارغ وهما مش فاهمين ان البترول ده عبارة عن زفت وجاز وبلاوى سودا بعيد عنك...مالنا احنا ومال وجع القلب ماحنا نبيعه هو كمان والحمار اللى يشيل يبقى يطلع هو الشحم والزفت واحنا نعيش فى النضافة
مش ممكن يا فندم سيادتك بتعشق الشعب وعارف منصلحته اكتر منه
الحمد لله واحنا عايزين حاجة غير مصالح الشعب
فخامتك الناس بتسأل ليه مش بنبيع الشركات الخسرانة بدل الكسبانة
اديك قلتها يا سيدى شركات خسرانة مين حيرضى ياخدها
طب وحتعملوا ايه فيها سيادتك
والله قررنا نستفيد من اراضى الشركات دى فى مشروع قومى ضخم وهو مشروع الإطلاع للكل وهو مشروع قومى برعاية السيدة قرينة الزعيم القائد الملهم
رااااااااااااااااااااااااااااااااائع يا فخامتك...فى نهاية الحوار تحب سيادتك تضيف شىء
أنا أحب أضيف ان احنا بنتعب عشان الشعب وبنشوف الويل عشان الشعب ومش منتظرين من الشعب غير حاجة واحد بس انه يتلم فى بيته ويستنى مرتب الحكومة يجيله لحد عنده والموضوع ديته ايه يعنى كلها ميت سنة والمرتبات توصل للناس فى بيوتها بس الصبر واحب اسمع اغنية موت يا حمااااااااااار
إلى هنا أعزائى القراء ينتهى حوارى مع فخامة كبير المسئولين وأتركه ليستأنف مهام عمله الذى يؤديه بكل تفانى فقط لنعيش نحن ونصل للرفاهية المطلوبة و أتمنى أن أكون قد وفقت فى تنوير عقولكم بما يجرى داخل كواليس رئاسة المسئولية وما يدور فى عقل وقلب كبير المسئولين وإلى اللقاء فى حوار أخر
mohamadalmoayad
02-14-2006, 08:25 PM
كل حلقة جديدة سأقوم بطرحها سأكتب رقم المشاركة التى تحويها فى المشاركة الأولى لسهولة الوصول لها
tweety_snow
02-14-2006, 08:47 PM
رائع يا محمد الجريدة بقى ليها شعبية جداً علشان بتوصل للشعب معاناة الحكومة وتضحياتها علشانه
ياما في السلطة مظاليم
عصفورة النهار
02-15-2006, 07:08 PM
ايه الجمال ده
شئ فعلا يستاهل ان نرفع القبعه
حوار راقى وسعه صدر معروفه عن المسؤلين بتعنا
فى انتظار باقى الحورات بفارغ الصبر
tweety_snow
02-15-2006, 07:16 PM
[QUOTE=عصفورة النهار]ايه الجمال ده
شئ فعلا يستاهل ان نرفع القبعه
حوار راقى وسعه صدر معروفه عن المسؤلين بتعنا
فى انتظار باقى الحورات بفارغ الصبر[/QUOT
مازال الصندوق ملئ بالمسئولين ساهرين الليالى على مصالح الشعب
وبالطبع محمد لديه المزيد..في انتظار الأم الحنون بفارغ الصبر((الراس الكبيرة)):p
mohamadalmoayad
02-15-2006, 07:36 PM
ايه الجمال ده
شئ فعلا يستاهل ان نرفع القبعه
حوار راقى وسعه صدر معروفه عن المسؤلين بتعنا
فى انتظار باقى الحورات بفارغ الصبر
شكرا على مرورك ولو تحبى أعداد الجريدة توصلك لباب البيت فالجريدة بترحب بشدة لأن هو ده دور الجريدة فى تنوير الشعب وتعريفه بخطوات ومتاعب وهموم حكومته علشان يبوس ايده وش وضهر ويحترم حكومته اللى بتشتغل عنده ولا الأجير اللى بيشتغل فى أرض الباشا.
بالمناسبة انتى وسهى وصور الأطفال عملتلى مشكلة لأنها ادت انطباع ان جمهور الصحفى الكبير وطنى عجيب من الأطفال :)
tweety_snow
02-15-2006, 07:43 PM
شكرا على مرورك ولو تحبى أعداد الجريدة توصلك لباب البيت فالجريدة بترحب بشدة لأن هو ده دور الجريدة فى تنوير الشعب وتعريفه بخطوات ومتاعب وهموم حكومته علشان يبوس ايده وش وضهر ويحترم حكومته اللى بتشتغل عنده ولا الأجير اللى بيشتغل فى أرض الباشا.
بالمناسبة انتى وسهى وصور الأطفال عملتلى مشكلة لأنها ادت انطباع ان جمهور الصحفى الكبير وطنى عجيب من الأطفال :)
يا محمد ده عامل مساعد ..
ده دليل على ان القراء عندهم براءة فظيعة لدرجة الجهل بمتاعب الحكومة الأجيرة عند الشعب
والله يكون فى عونهم
mohamadalmoayad
02-15-2006, 07:43 PM
[quote=عصفورة النهار]ايه الجمال ده
شئ فعلا يستاهل ان نرفع القبعه
حوار راقى وسعه صدر معروفه عن المسؤلين بتعنا
فى انتظار باقى الحورات بفارغ الصبر
[/QUOT
مازال الصندوق ملئ بالمسئولين ساهرين الليالى على مصالح الشعب
وبالطبع محمد لديه المزيد..في انتظار الأم الحنون بفارغ الصبر((الراس الكبيرة)):p
الصندوق فيه كتيييييييير جدا بس احنا اللى شعب معندوش احساس
بمناسبة الأم الحنون الله يهديكى ملكيش دعوى بيها وسيبيها لعيد الأم لما تتكلم عن ذكرياتها خلال فترة المسئولية الكبرى اللى امتدت لأكتر من..........مش فاكر الحقيقة العداد عندى مش بيقدر يعد كل ده.....شكرا يا سهى على مشاركاتك الدائمة والمشجعة ولو فيه مسئول تحبى تستضيفيه انتى بس شاورى عليه وهو يحضر هنا فورا ماحنا عارفين المسئولين فى خدمة الشعب وتحت رجلين الشعب وبيموتوا فى هوى الشعب
reexe
02-15-2006, 07:56 PM
حوار ممتع جدا يا محمد
mohamadalmoayad
02-15-2006, 08:14 PM
حوار ممتع جدا يا محمد
شكرا على مرورك وانتظر الحلقات القادمة كل يومين بإذن الله
tweety_snow
02-16-2006, 07:10 PM
[quote=tweety_snow]
الصندوق فيه كتيييييييير جدا بس احنا اللى شعب معندوش احساس
بمناسبة الأم الحنون الله يهديكى ملكيش دعوى بيها وسيبيها لعيد الأم لما تتكلم عن ذكرياتها خلال فترة المسئولية الكبرى اللى امتدت لأكتر من..........مش فاكر الحقيقة العداد عندى مش بيقدر يعد كل ده.....شكرا يا سهى على مشاركاتك الدائمة والمشجعة ولو فيه مسئول تحبى تستضيفيه انتى بس شاورى عليه وهو يحضر هنا فورا ماحنا عارفين المسئولين فى خدمة الشعب وتحت رجلين الشعب وبيموتوا فى هوى الشعب
يللا أهى هانت وعيد الأم قرب وحنحتفل بماما ((حوستى ))اللى دايما سهرانة على راحتنا واللى ينكر كده يبقى ماعندهوش ولاء..يمكن عنده نوسة وللا سامية...
ياريت يا محمد تعملنا حوار قبل عيد الأم مع ماما التانية اللى زمانها جاية جايبة فلس وآهات..
ماما اللى بتتحضر من دلوقتى تمسك العرش...عرش قلوبنا طبعاً..ماما(( آمال))
فى انتظار المزيد من أعداد الجريدة
mohamadalmoayad
02-16-2006, 07:30 PM
جريدة الأوهام الصادرة بتاريخ 19/7/1994
حوار مع السيد الدكتور مسئول التدريس
هذه المرة أكتب لكم قرائى الأعزاء بلا ديباجة صحفية أو تنسيق متعمد فهذه المرة ضيفنا رجل بسيط هادىء وقور ذو أفكار لامعة جذابة يحمل فوق كتفيه مسئولية إخراج الأجيال القادمة التى ستحمل بدورها مستقبل الأمة فوق أكتافها وبين أيديها....أنقل لكم تفريغا لحوار ممتع وشيق مع السيد المسئول الكبير الدكتور/ ياسين شامل زهاء الدين مسئول التدريس
أولا نشكر سيادتكم على إتاحة الفرصة لنا لنتعرف على شخصية مسئول كبير فى بلدنا ونشكرك على إعطائنا مساحة من وقتكم الثمين بالرغم من مشاغلك وهمومك اللى هى أصلا هموم الوطن وشباب الوطن واسمحلى استغل كرم سيادتكم فى إلقاء بعض الأسئلة اللى بتهم المواطنين والشباب
أهلا بيك يا وطنى بيه واحنا دايما فى خدمة الوطن والمواطنين وأبنائنا الطلاب
إسمح لى سيادتك أبدأ بالسؤال الأهم فى حوارنا واللى بيترقبه الملايين وهو الخاص بنظام الثانوية العامة الجديد والحقيقة انى جاتنى أسئلة كتير جدا وناس بتقول انها مش فاهمة حاجة من النظام وان اولادهم اخر لخبطة وانا قررت انى انقلهم اجابتك شخصيا منعا للقيل والقال
الحقيقة أنا مش فاهم النظام الجديد مزعل الناس فى ايه ده نظام رااااائع بيتيح للطلبة انهم يدخلوا الامتحان فى كل مادة من مواد سنة تانية 4 مرات ومواد سنة تالتة مرتين وكل مرة بحسابها والاخر الطالب حياخد الأعلى وكله عنده فرص كتير وبالتالى الكل حيدخل الكلية الى نفسه فيها وكله يقدر يجيب مجموع عالى وده شىء عظيم جدا
بس كده يا فندم لو الكل جاب مجاميع عالية يبقى محلناش حاجة عشان الضغط على الكليات حيكون كبير جدا لان المجاميع متقاربة
يا أخى وماله بس لما الطالب من دول يدخل زراعة ولا تجارة ولا حقوق وهو جايبله 90% أحسن ما كان بيدخلها ب 60% وأهله يعايروه فى الرايحة والجاية وكله فى صالح نفسية الطلبة عشان محدش يقولهم يا فاشل أو يا كسلان
فعلا يافندم عظيم جدا كلامك الطلبة لما يدخلو بمجاميع عالية احسن ما يدخلو بمجاميع ضعيفة بس اسمحلى فى ناس بردو بتقول انها مش فاهمة حاجة من النظام
دول فئة قليلة مندسة وسط الجماهير ومثيرة للفتن وأغرضها خبيثة
طيب ممكن سيادتك تشرحلنا النظام باختصار عشان الناس متتكلمش تانى فى الموضوع ده
يا سيدى النظام سهل اوى احنا خلينا الثانوية العامة على سنتين عشان الطالب يكون مرتاح كده فى المذاكرة والتحصيل ونخفف عنه الضغط العصبى وفى اول سنة لو علمى بيختار مواد اختيارية من العربى او الانجليزى او الفرنساوى أو الألمانى بجانب المواد الأساسية اللى هى كيمياء وأحياء وفيزياء وزراعة وصناعة وحاسب ألى ومعاهم مادة ادبية من جغرافيا او هندسة فراغية أو موسيقى أو ميكانيكا
بس يافندم دول بيقولو ان العربى والانحليزى واللغة التانية دول اجبارى وكمان الهندسة والميكانيكا مش أدبى والموسيقى مش مادة أساسية اصلا
مين اللى قالك كده
الناس سيادتك
الناس مش فاهمة حاجة أنا اللى حاطط النظام وبكلمك وهو ده النظام الجديد واللى عاجبه على كده أهلا وسهلا والى مش عاجبه يروح يجرب يتعلم فى هونو لولو وهو ده الفكر الحديث فى مجال التدريس ان مفيش فواصل بين المواد والادبى لازم يكون متعلم والمتعلم لازم يكون مؤدب وكله هيمشى على النظام ده كفاية تخبط وجهل بقا
الله..الله..الله...فكر عظيم وعقل مستنير ومنير معاليك وهو ده اللى بيشجعنى أنقل خزعبلات بعض المشككين عشان معاليك تقطع عليهم طريق التشكيك
اتفضل يا وطنى انا كتاب مفتوح
معاليك فى ناس بتقول ان فى اتجاه لالغاء مادة التريبة الدينية أو التقليل منها وكمان مواد التربية القومية والوطنية وعايزين نسمع رأى سعادتك
يا أخى مادة الدين دى لازم نفهم انها عمرها ما بتعلم دين والدين بنتعلمه فى بيوتنا وبعدين فيها ايه لما كل اب ولا ام يتفرغوا كل يوم دقيقتين ويحفظوا ولادهم الفاتحة وقل هو الله أحد ويبقى كده الطالب اتعلم دينه كويس اوى وفى نفس الوقت وفر على الحكومة عبء حصة زيادة فى اليوم ومرتب المدرس وتكلفة طباعة الكتب ومظاهر التفرقة بين الطلبة وبالنسبة للتربية الوطنية فاحنا شفنا ان مسلسل خميس الشوّال ونشأت العجان ادوا الجرعة الوطنية المناسبة وكفاية كده على الطلبة.
يا سلاااااااام أنا كل ما أسمع معاليك أكتر كل ما بحس اننا فعلا مكنش عندنا تدريس ولا مسئولية التدريس دى كان ليها لزمة لدرجة ان فى مقولة بقتول ان معاليك زكى باشا مبارك أو شفاعة الطحطاوى الجديد
شكرا شكرا وكله بفضل توجيهات السيد الزعيم القائد الملهم احنا عايشين الابفكر سعادته ولا احنا نقدر نمشى الا ببصيرته
ربنا يخليهولنا يا رب...طيب ممكن معاليك تشرحلنا الحملة اللى سيادتك قمت بيها ضد الدروس الخصوصية وايه هى سبل مواجهتها
اولا احنا بنناشد كل مدرس انه يراعى ضميره ومرتبه اللى بيقبضه من المسئولية واللى يعيشه ملك زمانه وبدل الطرق الملتوية يحاول يطور ادائه وادينا بنساعدهم ما بين اعارات للخارج وحصص التقوية وانا عملت النظام الجديد على سنتين عشان الطلبة ترتاح فى المذاكرة بدل ما تاخد دروس خصوصية ويقدروا يعيدوا اكتر واكتر وبعدين انا اتفقت مع معالى مسئول الجوانية اننا انه يعمل قسم جديد اسمه شرطة الدروس الخصوصية ومهمتها انها تلف الشوارع والمدرس اللى يتمسك يتسحب من قفاه على القسم لحد ما يجيب كل الل كسبه من ساعة ما اشتغل وبعدين نرفده وكمان حنسقط كل الطلبة اللى عنده وفى اتجاه اننا حنمشى فى الشوارع السماوى اللى بيقتل القطط والكلابالضالة لللقضاء على ظاهرة المدرسين الخصوصيين.
بس معاليك كده الطلبة ممكن تاخد دروس عشان تواجه مشكلة ارتفاع المجاميع والصراع على المجاميع المرتفعة وكده العبء على الأهالى بقا سنتين بدل من سنه
أحسن عشان الناس تبطل سلبية وتشارك معانا وبدل الصرف فى الدروس دى يوحو يدفعو الضرايب اللى عليهم ولا يتبرعو للمسئولية احسن
طيب سؤال شخصى يا سيادة معالى المسئول ونحب نتعرف على افراد اسرتك
الحقيقة أنا عندى أحفاد كبار تقدر تتعرف على اسر أولادى
ما شاء الله يا فندم ممكن نتعرف على أحفاد معاليك
انا عندى وائل ابن بنتى وهو بيدرس فى الجامعة الأمريكية فى كلية هندسة وعندى تامر وهو بياخد الثانوية العامة من هونو لولو وعندى جاكلين بتاخد الأعدادية من لندن ومازن الصغير بياخد الابتدائية السنة دى من مدرسة شارل ديجول فى فرنسا
ماشاء الله يا فندم ربنا يخليهم لمعاليك انما ليه معاليك حفيدكم تامر بياخد الثانوية العامة من هونو لولو
أصله مش فاهم النظام الجديد!!!!!!!!!
:confused: :confused: :confused: :confused: :confused: :confused: :confused:
tweety_snow
02-16-2006, 07:53 PM
ماشاء الله ماشاء الله..ايه الجمال ده يا محمد الواحد يا شيخ ماكنش فاهم حاجة
روح إلهى ينورلك طريقك زى مافهمتنا مميزات النظام اللى كنا ظالمينه
بس فيه أقوال أخرى في اسم المسئول العظيم إن اسمه
((طبيب ناقص زفت الطين))
ودى مش شتيمة لا سمح الله
الطب دى مهنة ..والنقص لأن سيادته طبيب أطفال يعنى نقص في العقل قصدى أن مشاعره الرقيقة غالباه
أما الزفت من الأرض الطيبة...والطين من خير بلادنا...
ويجعله عامر..:p :p
mohamadalmoayad
02-17-2006, 04:41 AM
شكرا للقارئة سهى على متابعتك لأعداد الجريدة ونوعدك إننا نعرفك بالمسئولين اللى بيتعبوا لينا واحنا مش حاسين
lionheart20000
02-18-2006, 02:58 AM
ربنا يديك كمان وكمان بس اهم حاجه انك متتغيرش من معرفة الكبارات دول وتنسانا......:p
لا بجد مشاء الله عليك انت استاذ ورئيس قسم...........:bye:
tweety_snow
02-19-2006, 02:56 PM
لا لا يتغير مين دى معرفتهم كتز ياراجل ده احنا بنتعلم منهم الزهد والتواضع والأمانة
mohamadalmoayad
02-19-2006, 07:06 PM
ربنا يديك كمان وكمان بس اهم حاجه انك متتغيرش من معرفة الكبارات دول وتنسانا......:p
لا بجد مشاء الله عليك انت استاذ ورئيس قسم...........:bye:
إذا كنت تقصد الصحفى وطنى عجيب فتأكد أنك لو أصبحت شخصية مهمة انه سيبذل المستحيل للوصول لك ولتملقك أما لو كنت مواطن مسكين فأعتقد انه نسيك قبل ما يفتكرك:) :)
شكرا على مرورك وتعليقك الجميل
wocho
02-19-2006, 08:02 PM
جريدة الأوهام الصادرة بتاريخ 19/7/1994
حوار مع السيد الدكتور مسئول التدريس
هذه المرة أكتب لكم قرائى الأعزاء بلا ديباجة صحفية أو تنسيق متعمد فهذه المرة ضيفنا رجل بسيط هادىء وقور ذو أفكار لامعة جذابة يحمل فوق كتفيه مسئولية إخراج الأجيال القادمة التى ستحمل بدورها مستقبل الأمة فوق أكتافها وبين أيديها....أنقل لكم تفريغا لحوار ممتع وشيق مع السيد المسئول الكبير الدكتور/ ياسين شامل زهاء الدين مسئول التدريس
أولا نشكر سيادتكم على إتاحة الفرصة لنا لنتعرف على شخصية مسئول كبير فى بلدنا ونشكرك على إعطائنا مساحة من وقتكم الثمين بالرغم من مشاغلك وهمومك اللى هى أصلا هموم الوطن وشباب الوطن واسمحلى استغل كرم سيادتكم فى إلقاء بعض الأسئلة اللى بتهم المواطنين والشباب
أهلا بيك يا وطنى بيه واحنا دايما فى خدمة الوطن والمواطنين وأبنائنا الطلاب
إسمح لى سيادتك أبدأ بالسؤال الأهم فى حوارنا واللى بيترقبه الملايين وهو الخاص بنظام الثانوية العامة الجديد والحقيقة انى جاتنى أسئلة كتير جدا وناس بتقول انها مش فاهمة حاجة من النظام وان اولادهم اخر لخبطة وانا قررت انى انقلهم اجابتك شخصيا منعا للقيل والقال
الحقيقة أنا مش فاهم النظام الجديد مزعل الناس فى ايه ده نظام رااااائع بيتيح للطلبة انهم يدخلوا الامتحان فى كل مادة من مواد سنة تانية 4 مرات ومواد سنة تالتة مرتين وكل مرة بحسابها والاخر الطالب حياخد الأعلى وكله عنده فرص كتير وبالتالى الكل حيدخل الكلية الى نفسه فيها وكله يقدر يجيب مجموع عالى وده شىء عظيم جدا
بس كده يا فندم لو الكل جاب مجاميع عالية يبقى محلناش حاجة عشان الضغط على الكليات حيكون كبير جدا لان المجاميع متقاربة
يا أخى وماله بس لما الطالب من دول يدخل زراعة ولا تجارة ولا حقوق وهو جايبله 90% أحسن ما كان بيدخلها ب 60% وأهله يعايروه فى الرايحة والجاية وكله فى صالح نفسية الطلبة عشان محدش يقولهم يا فاشل أو يا كسلان
فعلا يافندم عظيم جدا كلامك الطلبة لما يدخلو بمجاميع عالية احسن ما يدخلو بمجاميع ضعيفة بس اسمحلى فى ناس بردو بتقول انها مش فاهمة حاجة من النظام
دول فئة قليلة مندسة وسط الجماهير ومثيرة للفتن وأغرضها خبيثة
طيب ممكن سيادتك تشرحلنا النظام باختصار عشان الناس متتكلمش تانى فى الموضوع ده
يا سيدى النظام سهل اوى احنا خلينا الثانوية العامة على سنتين عشان الطالب يكون مرتاح كده فى المذاكرة والتحصيل ونخفف عنه الضغط العصبى وفى اول سنة لو علمى بيختار مواد اختيارية من العربى او الانجليزى او الفرنساوى أو الألمانى بجانب المواد الأساسية اللى هى كيمياء وأحياء وفيزياء وزراعة وصناعة وحاسب ألى ومعاهم مادة ادبية من جغرافيا او هندسة فراغية أو موسيقى أو ميكانيكا
بس يافندم دول بيقولو ان العربى والانحليزى واللغة التانية دول اجبارى وكمان الهندسة والميكانيكا مش أدبى والموسيقى مش مادة أساسية اصلا
مين اللى قالك كده
الناس سيادتك
الناس مش فاهمة حاجة أنا اللى حاطط النظام وبكلمك وهو ده النظام الجديد واللى عاجبه على كده أهلا وسهلا والى مش عاجبه يروح يجرب يتعلم فى هونو لولو وهو ده الفكر الحديث فى مجال التدريس ان مفيش فواصل بين المواد والادبى لازم يكون متعلم والمتعلم لازم يكون مؤدب وكله هيمشى على النظام ده كفاية تخبط وجهل بقا
الله..الله..الله...فكر عظيم وعقل مستنير ومنير معاليك وهو ده اللى بيشجعنى أنقل خزعبلات بعض المشككين عشان معاليك تقطع عليهم طريق التشكيك
اتفضل يا وطنى انا كتاب مفتوح
معاليك فى ناس بتقول ان فى اتجاه لالغاء مادة التريبة الدينية أو التقليل منها وكمان مواد التربية القومية والوطنية وعايزين نسمع رأى سعادتك
يا أخى مادة الدين دى لازم نفهم انها عمرها ما بتعلم دين والدين بنتعلمه فى بيوتنا وبعدين فيها ايه لما كل اب ولا ام يتفرغوا كل يوم دقيقتين ويحفظوا ولادهم الفاتحة وقل هو الله أحد ويبقى كده الطالب اتعلم دينه كويس اوى وفى نفس الوقت وفر على الحكومة عبء حصة زيادة فى اليوم ومرتب المدرس وتكلفة طباعة الكتب ومظاهر التفرقة بين الطلبة وبالنسبة للتربية الوطنية فاحنا شفنا ان مسلسل خميس الشوّال ونشأت العجان ادوا الجرعة الوطنية المناسبة وكفاية كده على الطلبة.
يا سلاااااااام أنا كل ما أسمع معاليك أكتر كل ما بحس اننا فعلا مكنش عندنا تدريس ولا مسئولية التدريس دى كان ليها لزمة لدرجة ان فى مقولة بقتول ان معاليك زكى باشا مبارك أو شفاعة الطحطاوى الجديد
شكرا شكرا وكله بفضل توجيهات السيد الزعيم القائد الملهم احنا عايشين الابفكر سعادته ولا احنا نقدر نمشى الا ببصيرته
ربنا يخليهولنا يا رب...طيب ممكن معاليك تشرحلنا الحملة اللى سيادتك قمت بيها ضد الدروس الخصوصية وايه هى سبل مواجهتها
اولا احنا بنناشد كل مدرس انه يراعى ضميره ومرتبه اللى بيقبضه من المسئولية واللى يعيشه ملك زمانه وبدل الطرق الملتوية يحاول يطور ادائه وادينا بنساعدهم ما بين اعارات للخارج وحصص التقوية وانا عملت النظام الجديد على سنتين عشان الطلبة ترتاح فى المذاكرة بدل ما تاخد دروس خصوصية ويقدروا يعيدوا اكتر واكتر وبعدين انا اتفقت مع معالى مسئول الجوانية اننا انه يعمل قسم جديد اسمه شرطة الدروس الخصوصية ومهمتها انها تلف الشوارع والمدرس اللى يتمسك يتسحب من قفاه على القسم لحد ما يجيب كل الل كسبه من ساعة ما اشتغل وبعدين نرفده وكمان حنسقط كل الطلبة اللى عنده وفى اتجاه اننا حنمشى فى الشوارع السماوى اللى بيقتل القطط والكلابالضالة لللقضاء على ظاهرة المدرسين الخصوصيين.
بس معاليك كده الطلبة ممكن تاخد دروس عشان تواجه مشكلة ارتفاع المجاميع والصراع على المجاميع المرتفعة وكده العبء على الأهالى بقا سنتين بدل من سنه
أحسن عشان الناس تبطل سلبية وتشارك معانا وبدل الصرف فى الدروس دى يوحو يدفعو الضرايب اللى عليهم ولا يتبرعو للمسئولية احسن
طيب سؤال شخصى يا سيادة معالى المسئول ونحب نتعرف على افراد اسرتك
الحقيقة أنا عندى أحفاد كبار تقدر تتعرف على اسر أولادى
ما شاء الله يا فندم ممكن نتعرف على أحفاد معاليك
انا عندى وائل ابن بنتى وهو بيدرس فى الجامعة الأمريكية فى كلية هندسة وعندى تامر وهو بياخد الثانوية العامة من هونو لولو وعندى جاكلين بتاخد الأعدادية من لندن ومازن الصغير بياخد الابتدائية السنة دى من مدرسة شارل ديجول فى فرنسا
ماشاء الله يا فندم ربنا يخليهم لمعاليك انما ليه معاليك حفيدكم تامر بياخد الثانوية العامة من هونو لولو
أصله مش فاهم النظام الجديد!!!!!!!!!
:confused: :confused: :confused: :confused: :confused: :confused: :confused:
je suis vraiment touché au fond du coeur
je te dis bravo et bonne continuation
mohamadalmoayad
02-21-2006, 03:03 PM
je suis vraiment touché au fond du coeur
je te dis bravo et bonne continuation
شكرا أخى ووشو على إشادتك لكن دائما تنسى أننى نسيت كل شىء عن الفرنسية وما يتبقى منها فى ذاكرتى لا يكفى لإكمال جملة واحدة مفيدة لإارجوك منعا للإحراج كلمنى عربى :) :)
wocho
02-21-2006, 03:17 PM
شكرا أخى ووشو على إشادتك لكن دائما تنسى أننى نسيت كل شىء عن الفرنسية وما يتبقى منها فى ذاكرتى لا يكفى لإكمال جملة واحدة مفيدة لإارجوك منعا للإحراج كلمنى عربى :) :)
avos ordres capitain
تحت أمرك
tweety_snow
02-22-2006, 03:32 PM
avos ordres capitain
تحت أمرك
الظاهر الأخwocho من قرايب الوزير إياه علشان كده ثقافته فرنساوى
tweety_snow
02-22-2006, 04:28 PM
طب فين باقى الحلقات يا محمد هو وطنى بتاعك ده كسل وللا إيه ده إحنا واصلة لنا إعلانات بالهبل على حس الموضوع ده الجريدة كده حيتخرب بيتها هو أى نعم كده كده مخروب بس برضه حاجة تشيل حاجة :p :p
wocho
02-23-2006, 07:28 PM
الظاهر الأخwocho من قرايب الوزير إياه علشان كده ثقافته فرنساوى
متخلي الطابق مستور
mohamadalmoayad
02-25-2006, 04:53 PM
جريدة الأوهام الصادرة بتاريخ 26/6/2002
حوار مع السيد مسئول السلامة والجيران
السيد الدكتور عزرائيل هدام مسئول السلامة والجيران بنرحب بيك فى بداية حوارنا وباسم الشعب فردا فردا بنقلك أسمى أييات الشكر والعرفان بجميل سيادتكم لرعايتكم لسلامة وراحة أبناء الشعب خاصة من خلال تطوير المستشفيات وبرامج التأمين الصحى ونبدأ حوارنا بأول سؤال
معالى الدكتور عزرائيل هدام مسئول السلامة ايه هى أهم معالم تطوير المستشفيات الحكومية
الأول أشكرك يا وطنى على المقدمة الرائعة دى وأنا لو أطول أنزل أسلم على الشعب واحد واحد وأبوسهم كمان هنزل بس انت عارف المشغوليات
ثانيا بالنسبة لتطوير المستشفيات التطور اللى حصل فى الكام سنة اللى انا مسكتهم دول حاجة محصلتش لانى فكرت اول ما مسكت المسئولية يا ترى ليه المستشفيات الخاصة ناجحة اكتر من الحكومية فلقيت حاجة غريبة جدا جدا ان المريض بيدخل المستشفى الحكومى وبيموت فى الاستقبال وده كان نتيجة تعليمات متهالكة ادت لاهمال شنيع فى قطاع المستشفيات بينما المستشفيات الخاصة بنلاقيها بتعمل شغل فى غاية الذكاء والنشاط...تصور يا وطنى انهم بيسرحوا موظفينهم على الطرق السريعة عشان اول ما يشوفوا حادثة صاحبها باين عليه غنى ومتريش يبلغوا على طول مستشفياتهم وتيجى عربياتهم و تاخد الزبون وتسحبه على المستشفى وما شاء الله عليهم الزبون بيموت بعد 3 ايام كاملة وبتكون فرصة انهم يكبروا الفاتورة ويقبضوها من الورثة واحنا فى المقابل طورنا اداءنا.
نقدر نعرف من معاليك ازاى طورتوا اداءكم
الحمد لله احنا اتجهنا اننا نشغل اولاد بس جامدين اوى على الطرق السريعة بردو وبيبلغونا بالحوادث بحيث نوصلهم بسرعة وناخد الزبون وبنحجزه عندنا يومين تلاتة لحد ما السر الألهى يطلع وبعدين نبلغ اهله انه عندنا من كام يوم وعايزين الفاتورة
طيب ولو اهله مدفعوش
اااااااااه هنا الشغل الكبير بقا يا وطنى احنا بناخد حقنا من المتوفى نفسه
ازاى يا فندم بعد ما مات
هو صحيح مات لكن لسه عنده قلب وكلاوى وكبد وشرايين وطحال ورئة وخير ربنا كتير وتساهيله كبيرة وكل حتة وحالتها وقيمتها وغالبا بعد ما بناخد اللى احنا عايزينه من الحتة أقصد الجثة يعنى بنسلم الباقى لكلية الطب عشان الطلبة يتعلموا فيها...اه ده حق الدولة واحنا مش فاتحينها سبيل ولا ايه.
رائع تفكير معاليك...طب وبالنسبة للتأمين الصحى ازاى قدرت تطوره
طبعا بعد نجاح الاستثمار فى الأعضاء اللى بنلمها من المرضى اللى ماتوا فى مستشفيات الحكومة وبعد ما بنبيعها باسعار غالية اوى والحمد لله أبشرك اننا وصلنا للمركز الأول عالميا فى تصدير الأعضاء وأصبح كل العالم متلهف ومتعطش للمنتج المصدر بتاعنا وبيدفع مقدما اخدنا كل الفلوس دى وقولنا نعمل تأمين صحى محترم وانت عارف يا وطنى الوقاية خير من العلاج واصبح من حق كل مواطن انه يأمن على نفسه بمبلغ رمزى بسيط ويصرف دواه مباشرة أو يعمل العملية الى محتاجها فى مستشفياتنا الحكومية اياها والحمد لله بيطلع من العملية نضيف تماما بعد ما بنخلصه تماما من كل مشاكله
نقدر نعرف من معاليك المواطن بيدخل حيز تنفيذ العمليات بعد اد ايه من تقدمه لبرنامج التأمين الصحى
أبدا هو بياخد دوره وغالبا مش بيستنى كتير حوالى 5 او 6 سنين فى حالة العمليات المستعجلة ولو لا قدر الله المريض مات قبل ما ييجى معاده بيدخل بردو المستشفى الحكومى بتاعتنا اياها عشان نعرف سبب الوفاة ونطمئن اننا عملنا اللى علينا وبالمرة ناخد باقى اشتراك المتوفى فى البرنامج بنفس الطريقة اياها.
واضح يافندم ان سيادتك صنعت ثورة فى مجالة تأمين سلامة السكان والمواطنين
كله بفضل توجيهات الزعيم القائد الملهم يا وطنى وهو دايما يقوللى يا عزرائيل شوفلك حل فى مشكلة الكثافة السكانية الرهيبة دى حنأكل الشعب ده كله منين وبفضل الله المشكلة بتتحل وماشيين تمام.
فى بعض الملاحظات واسمحلى اقول بعض الشكاوى ان المستشفيات الحكومية شكله كئيب شوية ومش مجهزة شويتين وقديمة اوى ايه رد معاليك على الاتهامات الباطلة الحاقدة دى
اديك قلتها حقد وكراهية بس سيبك انت يا وطنى ايه رايك فى شوية الرخام اللى انا عملت بيهم مكتبى ده دول مكلفنى والله اكتر من 6 مليون
ما شاء الله معاليك خليهم 5 احسن الناس عنيها مدورة
ايوة على رايك يا وطنى هما 5 بس
معاليك يالنسبة لمرض السرطان اللى بدأ ينتشر حسب تصريحات صحف المعارضة الصفراء ايه خطة الحكومة لمواجهته
شوف يا وطنى يا حبيبى مرض السرطان ده مليان فى العالم كله ومجتش علينا احنا عشان عندنا قلة مريضة بيه وايه يعنى 6 ولا 7 مليون عندهم سرطان...ايه مصيبة يعنى
خليهم 5 يافندم متنساش العين
اه هما 5 مليون فعلا وبعدين احنا بنعمل مستشفيات سرطان بالهبل وعايزين الناس تتبرع ولا هى الحومة حتصرف على الناس من جيبها وعموما احنا بنوعى الناس ومفيش فايدة وقلنالهم بلاش تتعرضوا للهوا عشان ملوث وابعدوا عن المية عشان مليانة مجارى وبلاش المحاصيل الزراعية عشان مرشوشة وبلاش الدواجن عشان كلها هرمونات والبقر والجاموس بياكل برسيم مرشوش وغير كده يقدروا يعيشوا حياة طبيعية هنية كلها سعادة وحنية.
يا سلام معاليك مش مدخر جهد عشان سلامة الشعب
اهو احنا بنعمل للشعب وكله لوجه الله وانت عارف انا لسه راجع من اداء فريضة العمرة الحمد لله
لكن العمرة سنة معاليك
أهااااا...هما غيروها؟؟؟يا أخى مع ان زمان كانت فرض شوف الدنيا ياما بتتغير...يلا الأعمال بالنيات ولا ايه نياهههههه
ظريف ظريف فخامتك...فى النهاية فخامتك سمعنا ان سعادتك ونقيب الدكاترة عاملين مستشفى جديد رائع 5 نجوم ممكن تقولنا ايه عنه
ايوة هى 5 نجوم 5 وخميسة عليها والمستشفى مستعدة لخدمة أبناء الشعب من الأثرياء والفقراء كمان واللى ميقدرش يدفع فلوس يطمئن احنا حناخد فلوسنا منه بالقسط المريح اوى اوى وانا اتفقت مع شريكى نقيب الدكاترة الدكتور شهدى الجيد على اننا نريح المواطنين أقصى راحة بحيث يخرج من عندنا على الراحة الأبدية وبألف سلامة وسلملى على الشعب
احنا بنشكرك جزيل الشكر معالى مسئول السلامة والجيران الدكتور عزرائيل هدام على سعة صدره وعلى استجابته بالرغم من كل مسئولياته الجسيمة واعانك الله على سلامة الوطن والمواطنين معالى المسئول..شكرا لك
وطنى
افندم معاليك
انتو بتنشروا الكلام ده؟؟؟؟؟؟!!!!!!!!!!
khaled qes
02-26-2006, 07:21 PM
انتو بتنشروا الكلام ده؟؟؟؟؟؟!!!!!!!!!!
هننشره ونشوف رد فعل الشعب وبعدها لنا رد على الجريدة
mohamadalmoayad
02-26-2006, 07:28 PM
هننشره ونشوف رد فعل الشعب وبعدها لنا رد على الجريدة
تبقى مصيبة لو الشعب فاق وأخد باله من الكلام ده
khaled qes
02-26-2006, 08:23 PM
تبقى مصيبة لو الشعب فاق وأخد باله من الكلام ده
لا متقلقش
الناس عندها ما هو أهم من الوطن
مثل أحدث خطوط الموضة والفته بالخلطة ولا بالدقة ولا المنسف باللحمة ولا الدجاج
noura j
02-27-2006, 02:59 PM
مش لاقية كلام أوصف به موضوعك أستاذى العزيز
بجد أنت فنان ومتحرمناش من قلمك المبدع الساخر
كل الأحترام والتقدير لك
mohamadalmoayad
02-27-2006, 04:12 PM
مش لاقية كلام أوصف به موضوعك أستاذى العزيز
بجد أنت فنان ومتحرمناش من قلمك المبدع الساخر
كل الأحترام والتقدير لك
أولا اشكرك على مشاركتك وتشريفك لى فى موضوعى
ثانيا أشكرك على مجاملتك الرقيقة وكلامك الجميل ويا رب تعجبك الحلقات الجديدة واحب أشوف متابعتك للموضوع دايما.
ثالثا لازم ارحب بيكى كعضوة جديدة وأتمنى أن تستمتعى بوقتك فى المنتدى وتلاقى فيه الفايدة فى منتداكى وبين زمايلك.
lionheart20000
02-27-2006, 10:27 PM
لا بجد انا بقيت من متابعين المقالات الجامده دى وانا معاك على طول الخط لأن فعلا القضيه دى مهمه جدا ولازم يحصل نوع من التقارب بين الفئه العظمى والأكثريه الباشاويه والفئه الضاله والرعاع اكلى الفول المدمس والطعميه اللى هما قله قليله فى مجتمعنا والحمد لله الذى لا يحمد على مكروه سواه..........
وانا اقترح عليك اقتراح لك ان تتقبله او ترفضه انك متحرمناش من مقابلة السيد البلطجى المحترم ناقص الكلبى ممثل الحكومه فى مجلس البشوات سابقا.....
وعلى رأى كمال الشناوى فى فيلم الارهاب والكباب "الحكومه ملهاش دراع عشان يتلوى"
وتفبل خالص تقديرى وتحياتى لقلمك النابض بسهام النقض الهادف والبناء
hemat
02-27-2006, 11:29 PM
السيد الدكتور عزرائيل هدام مسئول السلامة والجيران
مشكور اخي موضوع جيد جدا
http://i39.photobucket.com/albums/e156/semsem55/awaad.gif
http://i39.photobucket.com/albums/e156/semsem55/111.gif
http://i39.photobucket.com/albums/e156/semsem55/222.jpg
mohamadalmoayad
03-01-2006, 02:56 PM
السيد الدكتور عزرائيل هدام مسئول السلامة والجيران
مشكور اخي موضوع جيد جدا
http://i39.photobucket.com/albums/e156/semsem55/awaad.gif
http://i39.photobucket.com/albums/e156/semsem55/111.gif
http://i39.photobucket.com/albums/e156/semsem55/222.jpg
شكرا على مرورك
mohamadalmoayad
03-01-2006, 03:51 PM
جريدة الأوهام الصادرة بتاريخ 1 نوفمبر 2000
حوار مع السيد الدكتور زعيم مصطبة الناس
تحت قبة المصطبة وقفت أتأمل هذا الصرح العظيم والمنبر العالى الذى يتمكن من خلاله شعبنا العظيم من التعبير عن اراءهم ومتطلباتهم من خلال ممثلى الشعب السادة الموقرين أعضاء مصطبة الناس والذين قدموا كل ما هو رخيص وغالى فى سبيل الدخول تحت مظلة هذه المطصبة والذى يعتبر من أقدم المصاطب النيابية فى المنطقة.
ضيفنا اليوم أعزائى القراء شخصية رائعة ذكية طموحة متطلعة نحو مستقبل أفضل للشعب عن طريق مصطبة الناس والذى كرس كل خبراته كرجل قانون فى سبيل نهضة وتطوير عمل المصطبة وضيفنا هو الدكتور قفلى شرور
أهلا بيك يا دكتور فى لقاء مفتوح تحت قبة المصطبة ومبروك زعامة المصطبة للمرة ال..
أهلا بيك يا وطنى بيه تحت قبة هذا المصطبة الممثل لوطنك الغالى...وطنك الحبيب والله يبارك فيك ودى المرة ال555 على التوالى اللى أنجح فى الفوز بزعامة المصطبة
ما شاء الله يا فندم...كيف جرت انتخابات المصطبة يا دكتور شرور
الحقيقة الإنتخابات المرة دى كانت نزيهة جدا جدا ومكنش فيها غش ولا تدليس ولا تزوير ورشاوى ولا ضرب واعتقالات ولا قمع سياسى ولا تحايل على قوانين ولا استغلال لمرافق الدولة بواسطة الحكومة والسيرك الحاكم
يعنى نفهم من كده ان الانتخابات المرة دى كانت مختلفة تماما عن المرات السابقة
بالتأكيد تمام الإختلاف
بس كده يافندم ممكن حد يفهم ان نزاهة الانتخابات المرة دى دليل على عدم نز...
اوعى تكملها يا وطنى..اوعى...هى الناس شافت نزاهة فين قبل كده قبل عهد فخامة الزعيم القائد الملهم...ولا كان فين أى دولة فى العالم تتيح للعمال والفلاحين يبقالهم ممثلين تحت قبة المصطبة وكمان بينتخبوا..يا وطنيييييييييى الإنتخاب فى حد ذاته إنجاز وحرية وكفاية أوى اننا بنسيبهم يدخلوا اللجان ويرموا الورق فى الصناديق
لكن يا فندم بيقولو انهم بيدخلو وهما حافظين شعارين بي وهما شعار النجمة والقطة شعارات السيرك القومى الحاكم
وهو احنا ذنبنا ان الشعب بيموت فينا وميقدرش يعيش من غيرنا وميعرفش يحب وطنه الا بينا...يا وطنيييييييى السيرك الحاكم هو الوطن والوطن هو السيرك الحاكم ولا حياة للوطن بدون السيرك القومى الحاكم
أكيد معاليك ده شىء بديهى...لكن ايه حكاية ال440 عضو اللى المحكمة اصدرت ضدهم احكام بعدم استيفاء بعضهم لشروط الترشيح ونجاح العدد الأكبر منهم بالتزوير-على حسب كلام المحكمة يعنى- وصدور احكام سابقة ضد بعضهم فى قضايا مخلة بالشرف وتمنع ترشيحهم من أساسه
المصطبة سيدة قرارها وكلام المحكمة ده يروحو يقولوه فى حتة تانية واحنا وطن يحترم القانون زىى ما كال العالم يعرف واول قانون فى الوطن هو المصطبة سيدة قرارها والأعضاء الموقرين اخدوا الحصانة وخلاص الحكاية خلصت واللى مش عاجبه الساحل الشمالى مليان مية مالحة يروح يستحمى فيها عشان دماغه تنضف من اللى فيها.
معاليك دائما وأبدا صاحب ردود قاطعة وحازمة وصارمة وهازمة ومانعة وساحقة وماحقة.
موافقة
مش واخد بالى سعادتك موافقة على أيه
موافقة
معاليك معايا ولا ايه
موافقة
ايه احب الكلمات لقلب معاليك
موافقة موافقة موافقة
الله يا فندم حقيقى الموافقة صفة رائعة وتدل على نقاء السريرة وحب الوطن
انا دايما فى حالة موافقة لان السيرك الحاكم مش بيقول الا اللى فيه كل خير للوطن.
موافقة لمعاليك على كل كلامك...ولكن يهمنا نعرف تقييمك للمنافسه بين الجبهات السياسية اللى اشتركت فى المعركة الانتخابية
اولا يا وطنى مسمهاش معركة اسمها تنافس شريف حر فى ظل سيادة دولة القانون والحق وفى ظل رعاية قائد الأمة والمسيرة السيد القائد الملهم الزعيم وأحب أشدد على ان التنافسية الشريفة كانت بتقوم على أساس احترام السيرك الحاكم للمنافسين برغم فروق اقوة وفى النهاية الشعب قااااال كلمته.
وتحليل التنافسية معاليك
اه اه اه معلش سرحت لما افتكرت التنافسية كانت شريفة اد ايه...شوف يا سيدى طبعا انت عارف الجماعة اللى قارفنا فى عشيتنا دول العالم اللى بدقون دول المجرمين السفاحين اللى كل مرة يحاولوا يقلبوا الانتخابات مجزرة ويضربوا ويقتلوا فى شبابنا واولادنا من ابناء السيرك القومى الحاكم ولكن كانت قوااااااات الجوانية بتقوم بواجبها تجاه حماية نزاهة العملية الانتخابية وتمكنت من حصد حوالى 2000 راس من هؤلاء القتلة المأجورين اللى حاولوا وتطاولوا على الوطن ورشحوا نفسهم والمصيبة قال عايزين ينجحوا والحمد لله تم التعامل معاهم بالقااااااانون وانت عارف يا وطنى احنا دولة سيادة القانون وبالنسبة لشوية الجبهات التانية زى سيرك الورد وسيرك الأبرار وسيرك التجمهر وغيرها كانوا ميستاهلوش أكتر من 4 مقاعد حصدوها بالتزوير وحسبنا الله ونعم الوكيل فى كل ظالم ومفترى والقضاة اللى نجحوهم دول معتقلين حاليا وجارى التحقيق معهم بالقااااااااانون عشان نعرف العملة السوده دى مين اللى وراها.
تحليل رائع وعظيم معاليك والحديث معاك شيق جدا ولكن قبل ما نختم نحب نسألك سؤال أخير...ما هى خطة المصطبة نحو تطوير العمل النيابى فى الوطن
الخطة واضحة جدا وزى مانت شايف احنا بنهتم بتوفير سرير لكل عضو بحيث انه بمجرد دخوله تحت القبة يلاقى الراحة والدفء وينام ملء جفونه عشان يقدر يفكر يحلم بمستقبل أفضل للوطن ووفرنا عدد ضخم من التلاجات المليانة بالعصاير الفريش عشان النواب يقدروا يرطبوا على الشعب ووفرنا لوحة الكترونية بتظهر عليها نتائج الإستطلاعات مباشرة عشان زورى وجعنى من كتر ما قلت موافقة ووفرنا عدد ضخم جدا من الزراير المكتوب عليها موافقة عشان كل عضو يقدر يعبر عن حماسه للموافقة على مشروعات حكومة السيرك القومى الحاكم بالحماسة اللازمة
نهاية وبعد ما استمتعنا بلقاء معاليك واستفدنا من مدرسة معاليك فى العمل النيابى وبعد ما أوضحت للناس كيف يدار هذا الصرح العظيم الجامع لممثلى الناس تحت قبة المصطبة بنشكر معاليك ونتركك فى رعاية الله
موافقة
mohamadalmoayad
03-11-2006, 02:58 PM
جريدة الأوهام الصادرة بتاريخ 12 ديسمبر
لقاء مع مسئول الجوانية الحكمدار لبيب الشاذلى
السادة القرّاء الأعزاء لقاء اليوم لقاء مختلف...لقاء يهم شريحة مختلفة من المواطنين مع شخصية من أهم قيادات الدولة...كبير خفراء الوطن وحامى الحمى وحافظ الأمن والأمان سيادة الحكمدار لبيب الشاذلى
سيادة الحكمدار فى البداية أحب أعرف أيه سبب الإجراءات الأمنية المعقدة اللى سبقت لقائى بمعاليك لدرجة انى بقالى 5 أيام متصلة بتنقل من مكان لمكان وأنا مش عارف انا فين
أولا احنا بنعتذر بشدة يا وطنى باشا على الإجراءات دى لكن ده مهم جدا لأمنك وسلامتك
سلامتى من ايه معاليك
من المجرمين والمخربين والإرهابيين يا باشا
ايوة لكن معاليك ما أنا طول عمرى ماشى كده من غير الإجراءات دى
مش ممكن!!!!بتمشى كده من غير حراسة ولا خطط أمنية ولا مواكب وهمية؟؟؟أنت عايش ازاى لحد النهاردة
عادى يافندم البلد أمان
مين المجرم اللى فهمك الكلام ده...يا وطنى باشا إحنا بنعيش فى أحلك ظروف أمنية مرت بالبلد.
قلقتنى يا فندم هو فيه حاجة حصلت ( طبعا الكلام اللى معاليك هتقوله مش للنشر )
انت مش عايش يا وطنى باشا فى البلد ولا أيه؟؟طبعا فيه إرهاب والجو متوتر خصوصا بعد الإرهابيين اللى اسمهم مجموعة الأشقاء المؤمنين دول ما نطولنا فى مصطبة الناس وعندك الولد المقرف اللى عامل مشاكل المشاغب ده اللى اسمه أمجد نور.
ده النهاردة بالمناسبة جلسة الحكم فى قضيته
ربنا ينصر قاضينا الكبير المستشار ظالم عبد الجبار خميس ويهبده تأبيدة ولا إعدام خلينا نخلص...ده مقرف
لكن معاليك ده له أنصار كتير وممكن يعملوا مشاكل ومظاهرات.
يا سيدى مظاهرات أيه دى...كله تحت السيطرة الأمنية انت فاكرنا بنلعب...ديتهم كام رصاصة زى الكلاب بتوع الإنتخابات ويتهدو وكل كلب يجرى على بيته.
لكن معاليك رصاص الكلاب معملش حاجة فى الانتخابات والأشقاء المؤمنين خدوا كراسى كتير فى المصطبة
انت يا وطنى متعرفش حاجة...إحنا لولا الرصاص اللى ضربناه فى الكلاب اللى رايحين ينتخبوا المؤمنين دول كان زمانهم خلصوا على نص المصطبة لوحدهم وكان زمان الواد المشاغب أمجد نور ده ناططلنا تانى فى المصطبة وكان زمانهم عملولنا مصيبة فى المصطبة وانت عارف أعضاء السيرك الوطنى مش فاضيين لهبل الحضور للجلسات والتخريف ده.
وايه خطة معاليك للسيطرة على الوضع الأمنى فى ظل حالة الإحتقان السياسى اللى بيمر بيها الشعب.
شوف يا وطنى الشعب ده زى الكلب على ما تربيه...تربيه بالعصايا يبقى معاك زى الألف واحنا مش بندخر جهد فى ربايته عشان يكبر ويبقى كده شعب حلو وجميل...أنا أصدرت تعليماتى لقوات الأمن ان أى مظاهرة تطلع تضرب يالنار على طول مفيش وقت للعصيان وبعتنا استوردنا 900 كيلو خراطيم مطافى شديدة لزوم ضرب المظاهرات بالميه السخنة وكمان استوردنا 75 مليون عصايا وشعارنا فى المرحلة الجاية عصايا لكل كلب...قصدى لكل مواطن...ده غير ان الولاد عندى صاحيين أوى وادينا اهو بنوسع وبنبى معتقلات جديدة عشان تستوعب قلة الأدب اللى بتحصل فى البلد دى.
يا ترى الإنتخابات كانت ماشية ازاى يا معالى الحكمدار
أبدا احنا كنا ليلة الانتخابات نروح نشد العيال القادة بتوع الأشقاء المؤمنين دول من دقونهم ونرميهم شوية فى السجن عشان نهدهم شوية ويوم الانتخابات بنحاصر اللجان الانتخابية ونمنع اى كلب ( قصدى مواطن ) انه يدخل ينتخب الا اللى معاه بطاقة او كارت من السيرك الحاكم عشان نضمن نزاهة الانتخابات.
وانتخابات الرياسة كانت ماشية ازاى؟
ههههههههه دى كانت أظرف حاجة السنادى...العالم الهبلة افتكروا ان فيه انتخابات بجد وراحوا انتخبوا والنتايج طلعت ان امجد نور كان متقدم فى اماكن كتير يليه القائد المهلم ( ده بس دليل على ان الشعب دول كلاب مش مقدرين تضحيات زعيمهم ) وبعدهم الجده بتاع سيرك الورد ده اللى اسمه لقمان قمعة واحنا للنزااااااااااهة سيبنا أصوات أدهم ولقمان زى ما هى وزودنا بس على الزيعم فى كل لجنة 5000 صوت وبدل ما كان عدد الناخبين 5 % بس احنا انتخبنا لباقى الكلاب اللى فى بيوتها ووصلناها ل 25% وخلصت القصة.
معاليك ايه روؤيتك الأمنية للأوضاع فى الوطن
متخافش يا وطنى زى ما قلتلك دول كلهم كلاب ترميلهم عضمة يجروا عليها ولو واحد فيهم هوهو زى أمجد والمؤمنين وبتوع حركة خلاص ملهمش غير العصيان والرصاص والقضايا الملفقة وكله بالقانون يا ولاد ال...
وحركة خلاص دول ايه حكايتهم
هما مزعجين صحيح بس احنا بنعرف نربيهم شوية اقلام وكهربا وميه سخنة على كام عصايا ورصاصة ومطاوى وسنج وكله بيتلم
فى النهاية معاليك نحب نتأكد من حكاية استخدام الأمن لمجرمين مسجلين خطر فى الانتخابات
اه طبعا دى كانت خطة أمنية رفيعة المستوى وكان على مستوى السيرك الحاكم والحكومة مع بعض عشان نتصدى للبتوع لمؤمنين دول والحمد لله نجحنا.
شكرا لمعاليك على صراحتك واجاباتك الواضحة
العفو يا وطنى
أه...وطنى
أفندم معاليك
أبقى سلم المقالة قبل ما تخرج للمتحدث الإعلامى عشان يظبطها شوية
!!! حاضر معاليك
.................................................. ..............................
أهم النقاط الواردة باللقاء بعد تعديلات بسيطة
الوضع الأمنى مستتب والمواطن أهم من أى شىء
الشرطة فى خدمة الشعب
الرحمة فوق العدل
خفير الشرطة فى خدمة المواطن العادى
الإنتخابات كانت حرة ونزيهة ومرت بهدوء وسلام
القائد الملهم فاز باكتساح والمنافسين كانوا يعلمون أن الشعب كله مع الزعيم.
.................................................. ..............................
تعليق
الثورة قوية كالفولاذ...حمراء كالجمر...باقية كالسنديان...عميقة كحبنا الوحشى للوطن...إننى أحس بكل صفعة توجه لكل مظلوم فى هذه الدنيا...فأينما وجد الظلم فذاك وطنى
الثائر المناضل
أرنستو تشى جيفارا
