معاناة شاب اثناء الخطبة ----حصريا---

[arabknight2007]

قصيدة لاول مرة اكتبها في عالم المنتديات وتكون حصريا على المنتدى برامج نت وهي باللهجة العربية الدارجة الجزائرية وسميتها معاناة شاب اثناء الخطبة :



نصحوني اصحابي مرة بالزواج .....وقالوا لي بركاك من التعواج
واهي رايحة ترميك الامواج ....اذا بقيت في بحر العزوبية
بقيت في الليل نطلع الحساب......ولقيت كلامهم صواب
وفي الغد بعثتهم نواب .......يطرحوا لاهلي القضية
بابا وافق في الحال ......وقال جيبوا بنت الخال
ويما جاها في البال.....تخطب لي وحدة بدوية
تفاهمنا على بنت المدينة ......قالوا راها فاهمة ورزينة
راهي تخمخم في الكوزينة ....تطبخ طبخات شهية
عولنا قصدنا الدار....حاملين في يدينا النوار
ودرنا رواحنا زوار .....قاصدين البنت المعنية
الراجل يشكر في بنته و يزيد.......قارية ما تركت مسيد
وصحيحة كالحديد .....بنت العلم والتربية
قلت واش هي الشروط ...راني صرت بيكم مربوط
ومالي عندكم محطوط .....ونزيد لكم الشهرية
قال لي يا وليدي سجل .....عشرين صباط باش تبدل
وخمسين سروال مفصل ......ويكونوا ضيقين شوي
وزيد كيلوا ذهب صافي ......وتجيبوا وانت زاهي
والشنتوف ماهو كافي ......راني درت فيك مزية
بنتي راهي غالية وشريفة .......ماتتركش يديها خفيفة
عشرين خاتم في قفيفة.......وتحطهم في يديها هي
كرفاش بولحية ماتنساش ....والمليون لازم يكون معاه
والحايك لازم منو تلقاه .....وتقدموا لبنتي هدية
قال لي اسمع يا سي موح ........بلاك تنسى خيط الروح
باش يزيد لبنتي في الروح........وتبقا ديما حية
تشري لها عشرين لكباش ......والجاج المشوي ماتنساش
جابو لي العروس للبيت ...وكي شوفتها من الخوف بكيت
قالت لي لازمني نبقى حرة .....ويماك لازم ترميها برة
وما تكثرش من الهدرة ......راني طفلة حضرية
قالت خف اطلع البرمي .....قلت يا امراه لازم تفهميني
ترفدي حوايجك وتلمي ......وتطيري اليوم عليه


الكاتب : فارس العرب


نريد رايكم بصراحة ....وبدون اي مجاملة

[indianahassna]

tbarek allah alik ya lmaghribi dialna

[02superman]

تامر حسني.. يروي قصة حياته الحقيقية

http://tamer-lovers.blogspot.com

[lhamza21]

الصراحة... وانت طلبت الصراحة...




شاعر نتاع الصح !!

هاذي ما يكتبها غير واحد خامجلوا (يا خي راك جزايري وفاهمني هههههه)
بصح ما يفهمها غير واحد جزايري ههههههههه
علابالك اللهجة نتاعنا موش ساهلة !!
خسارة راحت عليهم خاوتنا العرب !!

هيا يا فارس ورينا شطارتك وزيدنا من شعرك الباهي
ونوعها شوية فصحى وشوية هكذا وروح معاها -ان شاء الله- تلقى قبول كبير.
تحياتي ومودتي.

[asho_234]

بجد حاولت أفهم بس اللي فهمته حتى الأن جميل

http://e7sas-asho.blogspot.com

[elmoutawakil01]

عريس متعوس ههههههه

[mohamed amrane]

saraha ana 3ajbatni had l9asida kan 3lik akhai tkammalha ."ala kolli hal chokran bazzaf