برامج

عندما تتحول الشياطين الى ............ فراخ [الأرشيف] - برامج نت
المساعد الشخصي الرقمي

مشاهدة النسخة كاملة : عندما تتحول الشياطين الى ............ فراخ

amrlion
04-19-2008, 07:18 PM
جبان
مرعوب
مهزوز

ركبه سايبه


يدخل المبارة خارج ارضه وهوا

مهزوم 1/0 مقدما


انه مانشيستر يونيتد


اجبن فريق فى فرق انجلترا الاربعة خارج ارضه

لعب مع بلاك بيرن ولم يصنع سوى هجمه وحيده فى الشوط الاول اضاعها بكل براعه اللاعب الكسر
تيفيز

ولم يتذكروا انهم مهزمين الا بعد الدقيقه 75

كده شيلسى اقترب من اللقب جدااا

وان فاز على المان الاسبوع القادم
وهذا شبه اكيد

فالمان هوا من لديه مبارايات اصعب
وهوا من يمتلك لاعبين اقل
وهوا من يكون سهل على اى فريق هزيمته على ارضه او خارجها


اخيرا

فيردناد وفيدتش
الغرور نهايته وحشه

رونالدو:

والله يابنى مالك فى الكبير

سكلوز:

اعتقد وقت الاعتزال عدى من زمان ايها المشلول

كاريك
لو جيبت كل ماتش 5 اهداف
تبقى الاعب الابطاء والاضعف فى الفريق وخط الوسط
بحس انه بيبقى عايز يجيب بطانيه وسرير ينام عليهم فى الملعب

رونى

اثبتت لى اليوم
ان الذهب قد يصداء


تيفيز

والله والله لم اعد انتظر مباريات الفريق ولا يهمنى النتيجه بسبب وجودك انت

وقريبا ان توقفت عن تشجيع الفريق ونسيت كل ما يتعلق به

سيكون بسببك انت

وانت فقط


عالعموم

قلتها ومازلت اقولها

لولا التحكيم
والاصابات
والحظ السىء

لكان افضل فريق اداء ومتعه هوا بطل الدورى من زمان
انه
الارسنال


الامتع على مر السنين
amrlion
04-19-2008, 07:42 PM
دى بعض الردود من موقع كووره

اللى برضه نادر انى الاقى حد فيه بيفهم كوووره


بس علشان اللى زى اخونا ظاظا ما يعاندش كتير


*****
سمحلي ياسير رغم خبرتك لكنك لم تتغلب بعد على الخوف من اللعب خارج الألترافورد
هل يعقل فريق يبقى نائم 80 دقيقة الأولى و يستيقض في أخر الدقائق .
و كل هذا بسبب خوف اللاعبين من اللعب خارج الأولترفورد .
نفس سيناريو توتنهام و إفرتون الموسم الماضي و البورو و اللائحة طويلة...
على كل حال كسبنا نقطة غالية
***********

يا شباب كفايه كلوا يقول تيفيز افضل من رونى اقسم بلله تيفيز اسوأ

لاعب فى المباره لولا تسجيل لهدف لكان الجميع انتقده ولكن هذا هو حال الصحيفه

تيفيز ضيع كره لن يضعها طفل فى كرة القدم ولا تنسوا ان جميع اهداف تيفيز

من صناعة رونى وتيفيز اسوأ لاعب فى المباره لن نسيمع اسمه طوال المباره
**************

رونـالدو نائم طوال المباراة ولم يصحى إلا آخـر 15 سـاعة وللأسف لم تكن كافية للفوز


**************


اداء سيء جدا من الفريق

واذا كان لدينا سكولز وجيجز قل علينا السلام اخ اخ بس

الى متى يااسير

اتمنى التوفيق في الشوط الثاني


***********
واللـه رونـالدو سيء سيء أسوأ لاعب
حتى اللقطـة الأخيرة رفـع ضعطي
...
يعني السير يطـلب من بروان فيديتش وريو التقدم إلى منطقة الجزاء
والأخ يلعب الفـاول بكـل سذاجة أرضيـة في يد الحـارس
.....
عمومـا شوط المبـارة الأول كـان فيـه هفوات دفـاعية عجيبـة من ريو وفيديتش
يعنـي يـا شمـاتة بيكي فيهم
يحسب لبيكي اللذي انتقد كثيرا أن المبـارتين التي لعبهـما
لم نتقلى أي هدف
...
مـا الذي يحدث علامـات استفهـام ؟؟؟؟
على هـذا الأداء

**********
أداء سيء جدا جدا جدا
فيديتش نبغاك عون صرت لنا فرعون !!
براون شارع مفتوح
كاريك وسكولز لم يسيطروا على الوسط ولم يدعموا الهجوم وينك يا أندرسون
رونـالدو لم نره حتى الدقيقة 30 تقريبا !!
جيجز أداء جيد جدا من جيجز - أفضل من رونـالدو
روني اترك عنك العصبية الفـاضية والعب
تيفيز لم يتحصل إلا على الكرة اللي تكـاسل فيها بشكل غريب !!!


*************


مباراة مثل هذي نبهنا قبلها على ضرورة استغلال الفرص وفرض ايقاعك ..
كل هذا ذهب ادراج الريال خاصة لوجود لاعب يفتقد لأبجديات التهديف مثل تيفيز .

فالهدف لم يوجد تفاهم بين ريو وفيدتش وايفرا مادري كيف نسى واجبه فالتغطية خلفهم ..
عالعموم قادرين على العودة وبلاكبيرن ليس الفريق الذي لا يقهر .
سنحت وراح تسنح لنا فرص فالشوط الثاني وان شاء الله نستغلهم ...


*************


رغم أن المان فريق كبير
لكن يظهر عليه الخوف و الإرتباك خارج ميدانه
أمام فرق متوسطة .
*****


للأسف الفريق يضيع نقاط مهمه
لا اعلم هل الفريق عاجز عن اللعب تحت الضغط
مباراة البورو والشوط الاول للارسنال والروفرز الان
كلها مباريات مهمه نخرج بمستوى سيء و فريق ضائع


********

بصراحة كاريك هذا لاعب مزاجـي .. إما أن يكون ممتاز وإما أن يكون سئ ..
لايوجد وسطية عند هذا اللاعب .! اليومـ كاريك لا أعلم فيما يفكـر ...!
هل لغيــاب هاري واندي دوري في ذلـك ..هل ضمـن كاريك أنه لن يخرج في لقـاء اليومـ ..!
والله اليوم افتقدنـا هاري وافتقدنـا اندي ..
أيضاً سكولز كانت له غلطات فادحة لكنه في الوقت نفسه أدى أداء فوق الجيد وصنع هدف المـان الوحيـد .
والف سلامة عليك يارونـــي ..

وماادري اقولكم مبروك والا هاردلـك ..لكن ان شاء الله الدوري سيبقى في الاولد ترافورد
alaa-92
04-19-2008, 07:56 PM
هههههههههه
الآن عرفت الحقيقه المرة للمان يا عمرو؟؟
فريق خارج ارضه كما قالها حكيم من حكماء برامج نت (فراخ)
و بتلقيبهم بالفراخ نبقى ظلمنا الفراخ!!
هههههههههه
ان شاء الله نشوف اداء اسوأ امام البرسا و يتقدم تشيلسي الى المركز الاول
amrlion
04-19-2008, 08:05 PM
هههههههههه
الآن عرفت الحقيقه المرة للمان يا عمرو؟؟
فريق خارج ارضه كما قالها حكيم من حكماء برامج نت (فراخ)
و بتلقيبهم بالفراخ نبقى ظلمنا الفراخ!!
هههههههههه
ان شاء الله نشوف اداء اسوأ امام البرسا و يتقدم تشيلسي الى المركز الاول


لا يا علاء

انا طول عمرى بقول المان خارج ارضه اجبن من الفراخ كمان

بالامانه بعد عودة مسى وديكو وهنرى


ان لم تفز البارسا 3/0 على الاقل

يبقى البارسا فريق تعبان
Minak2008
04-19-2008, 08:51 PM
يا جماعة المان معروف من زمان انه كده و كمان دفاعه ده فضيحة ...... اكيد كلكوا اتفرجتوا علي مبارة ارسنال و شوفتوا الاهداف اللي كان هجيبها فيردناد في نفسه و كمان براون ..... لولا الحظ في مبارة الارسنال لكان الارسنال فاز بسداسية او دستة علي الاقل .....
الارسنال هو احق فريق بالدوري هذا العام ..... و ان لم يكن كذلك فهو لتشيلسي بسبب الاداء الرجولي من الليعبة التي تلعب بدون مدرب .... فهذه اللعيبة تستحق كل تقدير و احترام
Minak2008
04-19-2008, 08:55 PM
كريستيانو رونالدو ده محظوظ كبييير قوي لان مفيش حد بينافسه علي جائزة افضل لاعب في العالم و لو كان كاكا في مستواه و ميسي لم يصاب لكان كريستيانو رونالدو عمره ما حتي يحلم بيها ...... لكن الحظ
alaa-92
04-19-2008, 09:17 PM
لأ.... لأ
امحي و غير يا عمرو!!
تيفيز سجل هدف في الدقيقه 88 ؟؟
النتيجه التعادل.... و تيفيز منقذ الموقف:smailes6:
agmal_a7sas2002
04-20-2008, 12:34 AM
بكل أمانة بعد ما شوفت الفرصه اللى ضيعها تيفز عرفت انووو لعيب عبيط قوى قوى
وكمان مش هوا اللى من ربع فرصه يعملها هدف
لا دا من الفرصه الحقيقيه يجعلها اوت

مستوى المان كان زفت كل اللعيبه زفت
وكمان التشكيل خربان من اولوووووو
جيجز ملوش مكان فى الفريق
براون ابوس ايدك ما تجدد العقد بتاعك
والكثر والكثر

كلمه اخيره
الدورى لتشيلسى لو عرف يلعبهااا صح
البارسااااا ممكن يعمل حاجه يوم الثلاثاء
لان المستوى اللى ضهرنا بيه زباله بمعنى الكلمه
agmal_a7sas2002
04-20-2008, 12:36 AM
كريستيانو رونالدو ده محظوظ كبييير قوي لان مفيش حد بينافسه علي جائزة افضل لاعب في العالم و لو كان كاكا في مستواه و ميسي لم يصاب لكان كريستيانو رونالدو عمره ما حتي يحلم بيها ...... لكن الحظ

ليه هوا كاكا وميسى ممنوعين من احراز الاهداف
ولا هما ممنوعين من تعدى نص الملعب
ولا
ولا
ولا

عيب عليك ما تنقصش من حق الراجل
amrlion
04-20-2008, 02:05 AM
لو فاز المان بالدورى

فليس بذكائه

ولا بغباء الاخرين

انما لظروف الاخرين السيئه

ارسنال الافضل والاحق

اصابة ادواردو
اصابة روزيسكى
ابتعاد توريه وابويه

ظلم تحكيمى رهيب


شيلسى

رحيل مورينهو
اصابة لمبارد وتيرى وبيتر تشيك

رحيل دروجبا واسيين وكالو وجون اوبى

ومدرب حمار

لولا كل ده

ولولا تألق عجيب لكرستيانو

لكان المان ثالثا بالكتير
نسر الشرق
04-20-2008, 02:22 AM
السلام عليكم

ههههههههههههههههههههههه

فريق المان الحقيقى هيبان فى الكامب نو على ايد البارشا

وفى انتظار المباره
ayoubino
04-20-2008, 07:45 AM
مبرووووووووك عليكم التعادل

عقبال ماتكونو في المركز الثاني
amrlion
04-20-2008, 07:48 AM
بكل أمانة بعد ما شوفت الفرصه اللى ضيعها تيفز عرفت انووو لعيب عبيط قوى قوى
وكمان مش هوا اللى من ربع فرصه يعملها هدف
لا دا من الفرصه الحقيقيه يجعلها اوت

مستوى المان كان زفت كل اللعيبه زفت
وكمان التشكيل خربان من اولوووووو
جيجز ملوش مكان فى الفريق
براون ابوس ايدك ما تجدد العقد بتاعك
والكثر والكثر

كلمه اخيره
الدورى لتشيلسى لو عرف يلعبهااا صح
البارسااااا ممكن يعمل حاجه يوم الثلاثاء
لان المستوى اللى ضهرنا بيه زباله بمعنى الكلمه



انت جاى دلوقت تقول الكلام ده يا سى عمرو؟؟؟


ما تيفيز قدامك بقاله شهوور مخدتش بالك الا دلوقت؟


لا وشويه تلاقى سى صاصا جايلك يقول ده كان نجم الماتش

ياراجل


ده الجون اللى جابه واللى كانت داخله تقريبا من غيره

لم يبذل اى مجهود فيه

كوره جايه من سكولز على راسه عدل لمسها ودخلت
يعنى حظه انه تواجد فى المكان ده

او كان سجل الفرصه اللى قشرهاله رونى فى اول ربع ساعه
كان المان تقدم ومكناش شفنا 20 لاعب من بلاك بيرن فى منطقة الجزاء

ولو مكناش زودنا االاهداف من هجمه مرتده بعد كل ده
كنا على الاقل لما نتزنق يبقى الجون اللى هنجيبه جون الفوز مش جون التعادل



اخيرا


انا فى قمة اسفى وخجلى من توريس

لانى تجرأت فى يوم من الايام ووضعته فى مقارنه مهينه مع تيفيز

حتى رونى لا يستحق ان يقارن مع توريس فى الناحية التهديفية ومن ناحية الفينشينج فقط

نحمد الله ان رونالدو ماشيه معاه السنه دى
والا كان هجوم المان الى يومنا هذا مسجل فى الدورى 24 هدف فقط

تخيلوا المان سالب 38 هدف لرونالدو

وباالاخص سالب 29 هدف لرونالدو فى الدورى

كنا بقينا فى المركز السادس
Ruud Van Nistlroy
04-20-2008, 12:29 PM
بص يا عمرو

اسمحلي اوصفك بالجاهل كرويا
اسمحلي اوصفك بانك مبتقهمش حاجة في الكورة

المان علشان شوط سئ فضحت الدنيا
ياااااااااااااااااااااااه
دي الدنيا وحشة بشكل

طيب ما جيجز كان اسوء لاعب علي ارض الملعب
مجبتش اسمه ليه

تيفيز اه ضيع كورة متضعش
بس فيه روني ورونالدو ضيع اسهل منها
علي الاقل تيفيز كان الأكثر كفاح
وصاحب الهدف الذي اعطي لنا الدوري
للعلم يا عمرو
نحن الأحق بالدوري
لاننا الأكثر قوة ومتعة وجمالا
اما الارسنال اللي انت بتشجعه في السر وعامل نفسك بتشجع المان
برضه اتقطع من نصف فرق الدوري
بس انت للاسف مش بتشوف الا الماتشات اللي المان بيقع فيها
للعلمك كاريك كان افضل لاعب في اللقاء
سكولز كان سئ فعلا ولكن مش اسوء من روني وجيجز ورونالدو

وللعلم الحكم هو اللي ضيع الماتش
وللعلم انا قلتلك من زمان هنا في المنتدي ان احنا هنقع الماتش اللي قبل ماتش البارسا
لاني انا كلامي مبينزلش الارض
مش تجيب لي ناس من موقع كورة

بص يا عمرو
انا لما اتكلم في الكورة
الكل يسكت والحمد لله
وده مش غرور حاشة لله
ولكن موهبة فطرية اعطاها اليا المولي سبحانه وتعالي
مش تروح تجيب لي ناس من موقع كورة
معرفش هما زيادة عننا ايد ولا رجل
اعتقد يا عمرو
ان احنا لينا بلنتيين علي الاقل لم يحتسبا
واعتقد ان هذا الروب استايل الحكم الذي دائما ما الاحظه يحكم لصالح تشيلسي
وافتكر لما طرد ميدو امام تشيلسي منذ عامين ظلما
وكذلك طرد حسام غالي امامهم العام الماضي في كرة مشتركة بالراس
وكذلك ضربة جزاء لتشيلسي ضد الليفر في اول الدوري

سيبك من التحكيم
احنا فعلا كنا سيئين حوالي 70 دقيقة

ولكن من في العالم يلعب كل اللقاءات بنفس الأداء ونفس المستوي
هات لي محلل في العالم العربي مقلش ان مانشيستر اقوي فريق في العالم حاليا

سواء خالد بيومي او محي الدين خلف او علي الزين او عبد الرحمن محمد او غيرهم او غيرهم
او حتي رؤساء اندية اخري كبيرة غير المان

يا عمرو المان الذي تعادل مع بلاكبيرن وتشتمه الان
هو نفسه الذي اطربك فرحا عندما فاز بالسباعية والسداسية والخماسية
وغيرها

للعلم يا عمرو
احنا حتي لو خسرنا من تشيلسي وان كنت استبعد ذلك
فسنحصل باذن الله علي الدوري
لان لقائينا مع ويستهام في الاولد ترافورد وويجان في ملعبه
لقائين اسهل من لقائي تشيلسي مع نيوكاستل في ملعبه ومع بولتون في ستامفورد
اعتقد ان لقائي المان هما الاسهل


اعتقد يا عمرو ان لو المان فاز علي تشيلسي هتغير كلامك ده كله

لانك باختصار
معندكش مبدأ
سلام
s!R:FUnNY
04-20-2008, 12:35 PM
ايوه فعلا اصلي ليفربول وايفرتون واستون فيلا و نيوكاسل دي فرق مش بتلعب اللا علي ملعب منشستر بس
لا والغريب ان لما يبقي افضل هجوم في الدوري السنه دي هو منشستر يقول فرخ
لما يبق اعلي سكور في الدوري السنه دي عمله منشستر وخارج ارضه5/1 وعلي ارضه 6/0 يقول فراخ
لما يمرمط المدفعجيه في الكائس بالفريق التاني ليه 4_0 يقول فراخ
لأ وكمان حضرتك ماسك اللعيبه واحد واحد طيب لما هم لعيبه كسر او كده ازاي قدره يبقي في الصدراه وبفارق 3 نقط عن تشلسي طبعا انا مش هقارن بينه وبين الارسنال علشان بقي بعيــــــــــــد جدا عن المنافسه علي اي حاجه :smailes28:
لأ وكمان بتتكلم عن مبارة بلاكبيرن طيب ما الارسنال اتعادل معاه بنفس النتيجه علي نفس الملعب وتشلسي اتعادل معاه علي ملعب تشلسي نفسه يعني الكلام ده لو دل علي شيئ يدول علي ان الفريق ده فريق لازم يحترم والتعادل معاه وعلي ارضه نتيجه مش وحشه ابدا
وكمان بتقول علي تيفيز ان لاعب مش كويس يارجل حرام ده اللي عمله في الارسنال في مبارات 2/1 ده لوحده مسخره لا كان في حد عارف ياخد منه الكوره و روعته في الاستلام تحد ضغط ورقابه لاسيقه وتهديده للمرمه وتقول لاعيب مش كويس ده غي ان احرز 13 هدف في تاني موسم ليه في الدوري الانجليزي والاول ليه مع المان
انا بصرحه مش عارف حضرتك بتقول كده علي اي اساس
عموما عموما حضرتك قولت في نهاية كلامك لو البارسا هتغلب المان 3/0 بعد عودة اللاعبين المصابين ميسي وهنري وديكو ... طيب بكره نشوف بس يارب حضرتكم متجوش وتقوله لا اصلي ميسي مكنش فورمه لا اصلي هنري مش متاقلم مع اللاعيبه وحجات من كده
والسلام مسك الختام
Ruud Van Nistlroy
04-20-2008, 12:37 PM
يا اخ عمرو
اتفضل تقييم موقع سكاي سبورتش

تيفيز وريو اعلي اتنين في المانيو

انا عارف انك مش هتقتنع بالتصنيف
مع انه لما بيكون علي مزاجك اول واحد بينقله ويفضح بيه الدنيا
اتفضل يا سي عمرو

يا فاهم (http://www.skysports.com/football/match_facts/0,19762,11065_2849310,00.html)
Ruud Van Nistlroy
04-20-2008, 12:38 PM
ايوه فعلا اصلي ليفربول وايفرتون واستون فيلا و نيوكاسل دي فرق مش بتلعب اللا علي ملعب منشستر بس
لا والغريب ان لما يبقي افضل هجوم في الدوري السنه دي هو منشستر يقول فرخ
لما يبق اعلي سكور في الدوري السنه دي عمله منشستر وخارج ارضه5/1 وعلي ارضه 6/0 يقول فراخ
لما يمرمط المدفعجيه في الكائس بالفريق التاني ليه 4_0 يقول فراخ
لأ وكمان حضرتك ماسك اللعيبه واحد واحد طيب لما هم لعيبه كسر او كده ازاي قدره يبقي في الصدراه وبفارق 3 نقط عن تشلسي طبعا انا مش هقارن بينه وبين الارسنال علشان بقي بعيــــــــــــد جدا عن المنافسه علي اي حاجه :smailes28:
لأ وكمان بتتكلم عن مبارة بلاكبيرن طيب ما الارسنال اتعادل معاه بنفس النتيجه علي نفس الملعب وتشلسي اتعادل معاه علي ملعب تشلسي نفسه يعني الكلام ده لو دل علي شيئ يدول علي ان الفريق ده فريق لازم يحترم والتعادل معاه وعلي ارضه نتيجه مش وحشه ابدا
وكمان بتقول علي تيفيز ان لاعب مش كويس يارجل حرام ده اللي عمله في الارسنال في مبارات 2/1 ده لوحده مسخره لا كان في حد عارف ياخد منه الكوره و روعته في الاستلام تحد ضغط ورقابه لاسيقه وتهديده للمرمه وتقول لاعيب مش كويس ده غي ان احرز 13 هدف في تاني موسم ليه في الدوري الانجليزي والاول ليه مع المان
انا بصرحه مش عارف حضرتك بتقول كده علي اي اساس
عموما عموما حضرتك قولت في نهاية كلامك لو البارسا هتغلب المان 3/0 بعد عودة اللاعبين المصابين ميسي وهنري وديكو ... طيب بكره نشوف بس يارب حضرتكم متجوش وتقوله لا اصلي ميسي مكنش فورمه لا اصلي هنري مش متاقلم مع اللاعيبه وحجات من كده
والسلام مسك الختام
مع اني معرفكش والله
بس شكلك هتعمر معانا هنا كتير اوي
Ruud Van Nistlroy
04-20-2008, 12:44 PM
وكمان بتقول علي تيفيز ان لاعب مش كويس يارجل حرام ده اللي عمله في الارسنال في مبارات 2/1 ده لوحده مسخره لا كان في حد عارف ياخد منه الكوره و روعته في الاستلام تحد ضغط ورقابه لاسيقه وتهديده للمرمه وتقول لاعيب مش كويس ده غي ان احرز 13 هدف في تاني موسم ليه في الدوري الانجليزي والاول ليه مع المان

المشكلة يا اخي ان عمرو مانشيستراوي
بس كان محروق شوية
تعرف ان كلامك عن تيفيز ده
انا لسة قايل هوله انبارح
عن ماتش الارسنال خصوصا
لانه كان شايف انه كان وحش في ماتش الارسنال برضه
اه نسيت للعلم تيفيز هداف الاوقات الصعبة
جايب في العشر دقايق الاخيرة في كل من روما وليون والليفر وبلاكبيرن
ومش فاكر مين كمان والله
وكلها ماتشات كسبناها بالجون اللي هو جابه

اما وبيقول علي الجون سهل
اولا هي مش سهلة
وثانيا هو اتمركز صح
واه لو كان توريس اللي جابه
كان قال التمركز
والتحرك السليم
ولما جابها تيفيز
قال لك اتحرك بالحظ
تعرف انا انبارح عالميل قلتله ايه :
قلتله انت عينك بتشوف بمكيالين
لو لاعب بتحبه بتشوفه كويس
والعكس

شكرا حبيبي
انا خايف ليفكر ان انا داخل باشتراك جديد علشان اقول نفس الكلام
s!R:FUnNY
04-20-2008, 12:44 PM
وللعلم الحكم هو اللي ضيع الماتش
لا لا لا سيبك من الحكم
منشستر اللي عملوه في الحكم السنه دي في الدوري والكائس كافي بأن منشستر بعد كده يلعب وهو عارف ان في 3 او 4 ضربات جزاء علي 10او 12 فاول علي 20 او 25 خطاء كده علي الماشي الحكم مش هيحسبهم
هههههههههههههههه
يا سيدي سيبك انت اصلي في قاعده بتقولك : كل ما تبقي كبير اكتر كل ما الاضغر منك يحقدو ويتمنوه ليك الشر اكتر
حسين الاهلاوي
04-20-2008, 12:50 PM
المان خسر النقطتين لسبب واحد

علشان مفيش عندكم دةhttp://www.arsenal.com/Images/h/hleb_0607point.jpg
s!R:FUnNY
04-20-2008, 12:50 PM
المشكلة يا اخي ان عمرو مانشيستراوي
لا لا لا مستحيل
اللي يعشق منشستر استحاله يقول عليهم كده
انا خايف ليفكر ان انا داخل باشتراك جديد علشان اقول نفس الكلام
هههههههههههههههههه
اه نسيت للعلم تيفيز هداف الاوقات الصعبة
جايب في العشر دقايق الاخيرة في كل من روما وليون والليفر وبلاكبيرن
ده غير الهدف بتاعه اللي في تشلسي اللي فاتح المتش للمان علشان يغلب 2/0
اللي انشاء الله هتتكرر المتش الجي
Ruud Van Nistlroy
04-20-2008, 01:07 PM
ان شاء الله هتتكر صاحبي
اسمك ايه بقي علشان اناديك بيه
لان اسمك ده صعب
سلام يا عسل
Ruud Van Nistlroy
04-20-2008, 01:45 PM
لو فاز المان بالدورى

فليس بذكائه

ولا بغباء الاخرين

انما لظروف الاخرين السيئه

ارسنال الافضل والاحق

اصابة ادواردو
اصابة روزيسكى
ابتعاد توريه وابويه

ظلم تحكيمى رهيب


شيلسى

رحيل مورينهو
اصابة لمبارد وتيرى وبيتر تشيك

رحيل دروجبا واسيين وكالو وجون اوبى

ومدرب حمار

لولا كل ده

ولولا تألق عجيب لكرستيانو

لكان المان ثالثا بالكتير
طبعا كل العالم بتقول ان الارسنال من اوي الدور التاني ملعبش الا ماتشين كويسين
بس انت الظاهر اتعميت
طبعا المان اكتر فريق في العالم عاني من اصابات السنين الاخيرة
خصوصا العام الماضي
لكن برضه انت شايف غير كدة
دا حتي السنة دي
اتصاب روني ورونالدو وهاري وسكولز ونيفل وايفرا شوية
عايز مين كمان يتصاب

طبعا المان بيتعرض لظلم تحكيمي شنيع
لكن انت برضه ولا كانك شايف خالص
طبعا الارسنال ده مسحناه في الكاس برباعية

انت بتقول لولا كريستيانو كان زماننا التالت
طيب ما هو برضه لولا اديبايور كان زمان الارسنال نازل درجة تانية

يا ابني
طبيعي جدا ان الفريق يبقي فيه لاعب هداف
امال لما نيستيلروي جاب 32 هدف في الدوري ولما هنري جاب 30
مسمعناش ان الروود هو اللي كسبنا الدوري ليه
ولا هنري هو اللي كسب الارسنال

يا عمرو
باختصار
احنا اقوي هجوم واقوي دفاع
يبقي طبعا احنا الاحق
يا ريت مسمعش صوت حد تاني بقي
dr_joky
04-20-2008, 02:26 PM
خلاص يا جدعان عيب عليكو كده


ويا خوفى على المان من البارسا
emelio2040
04-20-2008, 02:36 PM
ههههههههههههههههههههههههههه


معروف المان خارج ارضة من زمان
Ruud Van Nistlroy
04-20-2008, 02:40 PM
خلاص يا جدعان عيب عليكو كده


ويا خوفى على المان من البارسا
تصدق بالله يا جوكي
انا طبعا بتمني ان المان يكسب البارسا

بس الوقتي بس اتمني انهم يكتسحوهم
علشان اشوف عمر بوجهه التاني
الوجه المنتصر
dr_joky
04-20-2008, 02:45 PM
تصدق بالله يا جوكي
انا طبعا بتمني ان المان يكسب البارسا

بس الوقتي بس اتمني انهم يكتسحوهم
علشان اشوف عمر بوجهه التاني
الوجه المنتصر

ههههههههههههههههههههههههههه
يا قلبك الاحمر يا صاصا
Ruud Van Nistlroy
04-20-2008, 03:00 PM
ههههههههههههههههههههههههههه
يا قلبك الاحمر يا صاصا
بس بقي يا عم
بلا قلب احمر
بلا قلب خصاية

حسيت بعد كلام عمرو
ان كل اللي انا فهمته في الكورة بعد اكتر من 15 سنة
طلع بالوظة

وعموما هستني ايه من واحد مكنش عاجبه الروود
وعاجبه اوي لويس ساها
tiger-k-s-a
04-20-2008, 03:10 PM
ارسنال فريق كبير لكن مانشستر نمبر ون
s!R:FUnNY
04-20-2008, 04:23 PM
ان شاء الله هتتكر صاحبي
اسمك ايه بقي علشان اناديك بيه
لان اسمك ده صعب
سلام يا عسل
تقدر تقول بيدو يا ؟؟؟؟؟؟؟
اسم حضرتك ايه رغم اني بصرحه عجبني اسم العضويه؟؟
طبعا كل العالم بتقول ان الارسنال من اوي الدور التاني ملعبش الا ماتشين كويسين
بس انت الظاهر اتعميت
طبعا المان اكتر فريق في العالم عاني من اصابات السنين الاخيرة
خصوصا العام الماضي
لكن برضه انت شايف غير كدة
دا حتي السنة دي
اتصاب روني ورونالدو وهاري وسكولز ونيفل وايفرا شوية
عايز مين كمان يتصاب

طبعا المان بيتعرض لظلم تحكيمي شنيع
لكن انت برضه ولا كانك شايف خالص
طبعا الارسنال ده مسحناه في الكاس برباعية

انت بتقول لولا كريستيانو كان زماننا التالت
طيب ما هو برضه لولا اديبايور كان زمان الارسنال نازل درجة تانية

يا ابني
طبيعي جدا ان الفريق يبقي فيه لاعب هداف
امال لما نيستيلروي جاب 32 هدف في الدوري ولما هنري جاب 30
مسمعناش ان الروود هو اللي كسبنا الدوري ليه
ولا هنري هو اللي كسب الارسنال

يا عمرو
باختصار
احنا اقوي هجوم واقوي دفاع
يبقي طبعا احنا الاحق
يا ريت مسمعش صوت حد تاني بقي

ههههههههههههههههههههه
انا مش عارف هو بيجادل في ايه
ارسنال مين اللي بيتكلم عنه الاستاذ وبيقول انه فريق يستحق الدوري
ارسنال اساس الموضوع جه معاه كده
اساس دخل الدوري علشان ينافس علي المركز التالت او الرابع كا العاده ولكن تعثر منشستر وتشلسي في البدابه هو اللي جعل منه بطل ينافس علي البطول في البدايات لكن في النهايه برضوه رجع تاني في مكانه الطبيعي الثالث
بعدين موضوع الاصابات اللي حضرتك بتتكلم عنه اظن ابرهيمفيتش عنده من الاموال اللي ممكن يخليه يشتري فريق كبير تاني ويخليه يلعب باسم تشلسي
طبعا انا مش هتكلم عن الارسنال لانه صحبه بخيل جدا كل هم هو الربح من صفقات اللاعبين
يروح يشتري لاعيبه بملاليم وبعدين يبعهم وهكذا
وده اكبر دليل عن ان الاسنال مش نادي بطولات
حاجه اخير منشستر مش الارسنال علشان تقول عليه كان اخره المركز الثالث منشستر من بداية البريمرليج وهو اما البطل واما الوصيف في ما عدي 3 مرات تقريبا ..
amrlion
04-20-2008, 06:36 PM
المان خسر النقطتين لسبب واحد

علشان مفيش عندكم دةhttp://www.arsenal.com/Images/h/hleb_0607point.jpg


لا طبعا مش علشان السبب ده

انما محدش ينكر ان هليب من افضل لاعبى العالم فى امتلاك الكره على الارض والمراوغه

ده غير باصاته وثروهاته وعرضياته الرهيبه

وفعلا ما عندناش لاعب زيه ولا نصه حتى
amrlion
04-20-2008, 06:37 PM
ههههههههههههههههههههههههههه


معروف المان خارج ارضة من زمان


ميييين يسمع ومين يشوووف


عجبى
نسر الشرق
04-20-2008, 06:56 PM
السلام عليكم
احم احم احممممممممممممممممممممممم

يا عمرو انا نفسى بس تجربو اصابه نجم الفريق او لاعبين بس نقول مثلا

رونالدو وريو فريناند

عاوز اتفرج على المان يويناتد من غير دول

جرب شوية من اللى احنا شاربينه
kool_mi
04-20-2008, 09:18 PM
سلام عليكم يا جدعان


لم اتفرج في ولا مباراة الاسبوع دا ودي اول مرة اعملها

المهم
المان يسحق الدوري بجدارة
صاحب اقوى هجوم واقوى دفاع
مش من مباراة يا عمرو تحكم على الفريق بأكمله
مفيش فريق يبقى على مستواه لموسم كامل
لازم من تعثر لكن الشاطر الذي يلم اوراقه بسرعة ودا الي يعمله المان
ومتنساش انا مباراة التي تتحدث عليها جات في وقت صعب
مباراة البارسا
وبعدها شيلسي

الارسنال اي فعلا فريق يمتع كثيرا لان ليس الاحق بالدوري لكن تخاذل في مبارياته الاخيرة
فرط في مبارته مع المان في الدوري رغم ان المان لسا بيقارع على بطولاتين

شيلسي ممكن اقول هو اكثر احقية وجدارة من الارسنال في الدوري
اللعب القتالي هي ميزة اللعبين رغم انه بلا مدرب قدير في مقدار السير او فينجر
وممكن يخطف الصدارة من المان في المباراة القادمة
وحنشل لو عملها الصهيوني

ومشكلة المان قلتها من قبل لو تفتكرو

السير بيلعب بجبن امام الفرق التي لها اسم كبير
amrlion
04-20-2008, 10:58 PM
السلام عليكم
احم احم احممممممممممممممممممممممم

يا عمرو انا نفسى بس تجربو اصابه نجم الفريق او لاعبين بس نقول مثلا

رونالدو وريو فريناند

عاوز اتفرج على المان يويناتد من غير دول

جرب شوية من اللى احنا شاربينه




وانت مالك انت؟؟؟

ها؟؟

يعنى نجيبهم ونكسر رجليهم علشان يتصابوا؟؟؟

وبعدين اى فريق بيتأثر لو مستوى نجم من نجومه نزل شويه

مش اصابة لاهم اتنين فى الفريق
Ruud Van Nistlroy
04-21-2008, 12:36 AM
يا سبحان الله
كلامك حكم يا كيمو
amrlion
04-21-2008, 12:39 AM
سلام عليكم يا جدعان


لم اتفرج في ولا مباراة الاسبوع دا ودي اول مرة اعملها

المهم
المان يسحق الدوري بجدارة
صاحب اقوى هجوم واقوى دفاع
مش من مباراة يا عمرو تحكم على الفريق بأكمله
مفيش فريق يبقى على مستواه لموسم كامل
لازم من تعثر لكن الشاطر الذي يلم اوراقه بسرعة ودا الي يعمله المان
ومتنساش انا مباراة التي تتحدث عليها جات في وقت صعب
مباراة البارسا
وبعدها شيلسي

الارسنال اي فعلا فريق يمتع كثيرا لان ليس الاحق بالدوري لكن تخاذل في مبارياته الاخيرة
فرط في مبارته مع المان في الدوري رغم ان المان لسا بيقارع على بطولاتين

شيلسي ممكن اقول هو اكثر احقية وجدارة من الارسنال في الدوري
اللعب القتالي هي ميزة اللعبين رغم انه بلا مدرب قدير في مقدار السير او فينجر
وممكن يخطف الصدارة من المان في المباراة القادمة
وحنشل لو عملها الصهيوني

ومشكلة المان قلتها من قبل لو تفتكرو

السير بيلعب بجبن امام الفرق التي لها اسم كبير


اسم كبير؟؟

زى بلاكبيرن
وبولتون
ومان سيتى
وويست هام
وروما
ومدلزبره

وارسنال
وليفربول
وليون


كده؟؟

اه ممكن برضه
Ruud Van Nistlroy
04-21-2008, 08:48 AM
عمرو
مش شايف ليك ولا رد علي موضوعي
dr_joky
04-21-2008, 09:58 AM
الله يحرقكم
ارحونا بقى
وانت يا عم عمرو
ايه التوقيع الغررييييييييييب ده
انت بتتحول ولا ايه
يعنى بعد سنه نلاقيك بتشجع تشيلسى ولا الارسنال
amrlion
04-21-2008, 04:07 PM
عمرو
مش شايف ليك ولا رد علي موضوعي


مش لاقى اى كلام عدل ارد عليه


ثم من الاول انت اللى ما ردتش على الموضوع صح

الموضوع واضح من عنوانه

انما انت دخلتنا فى مواضيع فرعيه
علشان تدارى الحقيقة المره


حقيقة الفراخ البيضه

وسلملى على افونسو الفيس
amrlion
04-21-2008, 04:13 PM
الله يحرقكم
ارحونا بقى
وانت يا عم عمرو
ايه التوقيع الغررييييييييييب ده
انت بتتحول ولا ايه
يعنى بعد سنه نلاقيك بتشجع تشيلسى ولا الارسنال



هوا التوقيع مخالف ولا حاجه؟؟؟؟


انا بعشق لاعب اسمه فرانك لمبارد

افضل خط وسط مهاجم فى العالم فى نظرى انا بس


وبموت فى لاعب اسمه جو كول

افضل جناح هجومى فى العالم فى نظرى انا بس

واحترم لاعب اسمه جون تيرى
افضل مدافع فى العالم فى نظرى سيادتى انا بس


اعشق متعة الارسنال الرهيبه
وسلاسة كرته
وسرعتها
والشجاعه الرهيبه لأطفاله امام اقوى الفرق
من اول المان وشيلسى والليفر
وانتهاء ب الميلان


انبهر من الاسماء الرهييبه الموجوده فى شيسلى
والسوبرستارات اللى عندهم
وافتكر تيفيز وسكولز وكاريك وبراون واوشيه وفلتشر

واقول صبرنى يارب على ما ابتليتنى



اتفرج على الليفر

غلطه طبعا

وارججججع اللى فى بطنى من فرط الملل والشلل والقرف

بس

وشكرا
ودمتم
kool_mi
04-21-2008, 07:38 PM
الا صحيح يا عيال مين افضل خط وسط مهاجم في العالم؟
Ruud Van Nistlroy
04-21-2008, 10:26 PM
هوا التوقيع مخالف ولا حاجه؟؟؟؟


انا بعشق لاعب اسمه فرانك لمبارد

افضل خط وسط مهاجم فى العالم فى نظرى انا بس


وبموت فى لاعب اسمه جو كول

افضل جناح هجومى فى العالم فى نظرى انا بس

واحترم لاعب اسمه جون تيرى
افضل مدافع فى العالم فى نظرى سيادتى انا بس


اعشق متعة الارسنال الرهيبه
وسلاسة كرته
وسرعتها
والشجاعه الرهيبه لأطفاله امام اقوى الفرق
من اول المان وشيلسى والليفر
وانتهاء ب الميلان


انبهر من الاسماء الرهييبه الموجوده فى شيسلى
والسوبرستارات اللى عندهم
وافتكر تيفيز وسكولز وكاريك وبراون واوشيه وفلتشر

واقول صبرنى يارب على ما ابتليتنى



اتفرج على الليفر

غلطه طبعا

وارججججع اللى فى بطنى من فرط الملل والشلل والقرف

بس

وشكرا
ودمتم

برافووووووووووووووووووو
amrlion
04-22-2008, 03:55 AM
برافووووووووووووووووووو


هتقول ايه يعنى

مش عارف ترد


عالعموم


العب بعيد ياض علشان زهقت منك

يا مصطفى بيومى

يا افضل محلل فى العالم العربى


وربنا معاك يا خويا
Ruud Van Nistlroy
04-22-2008, 08:43 AM
هتقول ايه يعنى

مش عارف ترد


عالعموم


العب بعيد ياض علشان زهقت منك

يا مصطفى بيومى

يا افضل محلل فى العالم العربى


وربنا معاك يا خويا
أخوك منين بقي كان زمان
amrlion
04-22-2008, 11:00 AM
أخوك منين بقي كان زمان

لا يا صاصا

انت مش اخويا بس

انت بابا ماما وانور وجدى كمان

ياصا

لازم تفهم وتعرف

ان الاختلاف فى الرأى

اكيد هيفسد للود قضيه

فعادى يعنى

خليك ايزى

مش علشان انا مخى نضيف
وفهمى عالى

تقوم تزعل انت

عادى يا عم

صحيح انا كلامى كله بيرفكت
انما عادى ممكن اتقبل الرأى الاخر

حتى لوكان مش مظبوط زي رأيك
Ruud Van Nistlroy
04-22-2008, 01:03 PM
لا يا صاصا

انت مش اخويا بس

انت بابا ماما وانور وجدى كمان

ياصا

لازم تفهم وتعرف

ان الاختلاف فى الرأى

اكيد هيفسد للود قضيه

فعادى يعنى

خليك ايزى

مش علشان انا مخى نضيف
وفهمى عالى

تقوم تزعل انت

عادى يا عم

صحيح انا كلامى كله بيرفكت
انما عادى ممكن اتقبل الرأى الاخر

حتى لوكان مش مظبوط زي رأيك
لا هو مش مسالة اختلاف في الراي

بس ما هنالك ان بابا قال لي اوعي تعرف اي حد مخه نضيف
كاكاكاكاكاكاكاكاكاكاكاكاكاككاكاكاكاكاكاكاككاكااكاك اكاكاكاك
amrlion
04-22-2008, 11:04 PM
لا هو مش مسالة اختلاف في الراي

بس ما هنالك ان بابا قال لي اوعي تعرف اي حد مخه نضيف
كاكاكاكاكاكاكاكاكاكاكاكاكاككاكاكاكاكاكاكاككاكااكاك اكاكاكاك



مش بقولك فراخ

اديك بتقلدهم اهوه

وعمال تكاكى



ربنا يستر بقى
kool_mi
04-22-2008, 11:23 PM
ههههههههههههههههههههههه
صاصا يا فرخة
تعرف انك انتو الاثنين متوصلوش لنصف مخي النظيف
كركركركركركركركر
ودا ايه يا عمرو
amrlion
04-23-2008, 12:11 AM
ههههههههههههههههههههههه
صاصا يا فرخة
تعرف انك انتو الاثنين متوصلوش لنصف مخي النظيف
كركركركركركركركر
ودا ايه يا عمرو


شوفت اخرتها يا صاصا

عمالين نقطع فى بعض

لغاية ما خلينا الاشكال اللى زى كركر

تفكر نفسها بتفهم كوره


العب بعيد ياض يا كريم
Muhammed
04-23-2008, 01:47 AM
بسم الله
ازيكم يا شباب
بقى اسيبكم يومين ارجع الاقيكم مقطعين فى بعض

بص بقى ياض منك له له لها :smailes23:
المان السنادى زفت ومتصدر الدورى عشان نتايج الفرق المنافسه
الارسنال بدا جامد ونفخ وعمل نفسه هياخد الدورى ورجع هيس وعبط وكان متوقع
تشيلسى المستوى الزفت الى بدا بيه الموسم واقاله مورينيو وتعين البغل افرام والتعادلات الى فى اول الموسم عكس السنين الى فاتت كان زمانه متصدر بفارق كبير زى من 3 سنين
بالنسبه للمان فهو تقريبا خد الدورى خلاص بغض النظر عن المتش الجى ومستواه الزفت وهو برضه مش وحش اوى يعنى هو سعات بيبقى كويس لما بيلعب على ارضه فى مسرح الدمى بتاعهم وسعات يعملو حجات من الى بتنطط الجماهير انما لما يجو يلاعبو بره ارضهم مع فريق شادد حيله شويه بيبقو عاملين زى ما استاذ عمرو قال زى الفراخ ودا يدعونا للتساؤل اذا كان المان فرخه يبقى مين الديك
هنعرف يوم الحد

بس انت يا عمرو بقيت تفهم وحطيت صوره لامبس
ربنا يهديك يبنى
وعقبال ما يهدى صاصا والواد بتاع جيرارد والعيال بتوع البارسا والريل

اشفكم على خير وادعولى فى امتحناتى
Ruud Van Nistlroy
04-23-2008, 09:02 AM
بسم الله
ازيكم يا شباب
بقى اسيبكم يومين ارجع الاقيكم مقطعين فى بعض

بص بقى ياض منك له له لها :smailes23:
المان السنادى زفت ومتصدر الدورى عشان نتايج الفرق المنافسه
الارسنال بدا جامد ونفخ وعمل نفسه هياخد الدورى ورجع هيس وعبط وكان متوقع
تشيلسى المستوى الزفت الى بدا بيه الموسم واقاله مورينيو وتعين البغل افرام والتعادلات الى فى اول الموسم عكس السنين الى فاتت كان زمانه متصدر بفارق كبير زى من 3 سنين
بالنسبه للمان فهو تقريبا خد الدورى خلاص بغض النظر عن المتش الجى ومستواه الزفت وهو برضه مش وحش اوى يعنى هو سعات بيبقى كويس لما بيلعب على ارضه فى مسرح الدمى بتاعهم وسعات يعملو حجات من الى بتنطط الجماهير انما لما يجو يلاعبو بره ارضهم مع فريق شادد حيله شويه بيبقو عاملين زى ما استاذ عمرو قال زى الفراخ ودا يدعونا للتساؤل اذا كان المان فرخه يبقى مين الديك
هنعرف يوم الحد

بس انت يا عمرو بقيت تفهم وحطيت صوره لامبس
ربنا يهديك يبنى
وعقبال ما يهدى صاصا والواد بتاع جيرارد والعيال بتوع البارسا والريل

اشفكم على خير وادعولى فى امتحناتى

لولا انك واحشني بجد
كنت نفخت فيك طيرتك

يعني اما يكون المان زفت
بس متصدر علشان نتايج غيره اللي كلهم زفت
يبقي ازاي البريمير احسن دوري في العالم
وازاي التلاة الزفوت دول صعدوا لدور الاربعة


ياللا ياللا
خبط بالعقل
Ruud Van Nistlroy
04-23-2008, 09:13 AM
شوفت اخرتها يا صاصا

عمالين نقطع فى بعض

لغاية ما خلينا الاشكال اللى زى كركر

تفكر نفسها بتفهم كوره


العب بعيد ياض يا كريم
يا عمورة سيبك منه ده تعبان
انا بس بكاكي
علشان اثبتلك ان المانيو لو حتي فراخ
فانا هكاكي معاهم
لان الكاك كاك بتاعتهم
غير اي كاك كاك شفتها في حياتي
وكاكي كاكي كاكي كاك
dr_joky
04-23-2008, 11:08 AM
بسم الله
ازيكم يا شباب
بقى اسيبكم يومين ارجع الاقيكم مقطعين فى بعض

بص بقى ياض منك له له لها :smailes23:
المان السنادى زفت ومتصدر الدورى عشان نتايج الفرق المنافسه
الارسنال بدا جامد ونفخ وعمل نفسه هياخد الدورى ورجع هيس وعبط وكان متوقع
تشيلسى المستوى الزفت الى بدا بيه الموسم واقاله مورينيو وتعين البغل افرام والتعادلات الى فى اول الموسم عكس السنين الى فاتت كان زمانه متصدر بفارق كبير زى من 3 سنين
بالنسبه للمان فهو تقريبا خد الدورى خلاص بغض النظر عن المتش الجى ومستواه الزفت وهو برضه مش وحش اوى يعنى هو سعات بيبقى كويس لما بيلعب على ارضه فى مسرح الدمى بتاعهم وسعات يعملو حجات من الى بتنطط الجماهير انما لما يجو يلاعبو بره ارضهم مع فريق شادد حيله شويه بيبقو عاملين زى ما استاذ عمرو قال زى الفراخ ودا يدعونا للتساؤل اذا كان المان فرخه يبقى مين الديك
هنعرف يوم الحد

بس انت يا عمرو بقيت تفهم وحطيت صوره لامبس
ربنا يهديك يبنى
وعقبال ما يهدى صاصا والواد بتاع جيرارد والعيال بتوع البارسا والريل

اشفكم على خير وادعولى فى امتحناتى


لا متقوليس
محمد بامبرز هنا
ايه اللى رجعت تانى يا بنى
انت مش كنت بطلت تشجع كوره من السنه اللى فاتت
على العموم حمد لله على السلامه
وربنا يوفقك ويوفقنا فى الامتحانات
dr_joky
04-23-2008, 11:15 AM
هوا التوقيع مخالف ولا حاجه؟؟؟؟


انا بعشق لاعب اسمه فرانك لمبارد

افضل خط وسط مهاجم فى العالم فى نظرى انا بس


وبموت فى لاعب اسمه جو كول

افضل جناح هجومى فى العالم فى نظرى انا بس

واحترم لاعب اسمه جون تيرى
افضل مدافع فى العالم فى نظرى سيادتى انا بس


اعشق متعة الارسنال الرهيبه
وسلاسة كرته
وسرعتها
والشجاعه الرهيبه لأطفاله امام اقوى الفرق
من اول المان وشيلسى والليفر
وانتهاء ب الميلان


انبهر من الاسماء الرهييبه الموجوده فى شيسلى
والسوبرستارات اللى عندهم
وافتكر تيفيز وسكولز وكاريك وبراون واوشيه وفلتشر

واقول صبرنى يارب على ما ابتليتنى



اتفرج على الليفر

غلطه طبعا

وارججججع اللى فى بطنى من فرط الملل والشلل والقرف

بس

وشكرا
ودمتم


لا حول ولا قوة الا بالله العى العظيم
متسكتش على نفسك يا عمرو
لو سمعتك بقى بتتكلم على مانشستر بعد كده
هضربك بالشراب
ايه التناقض الرهيب اللى فى ارائك ده
Ruud Van Nistlroy
04-23-2008, 11:52 AM
لا حول ولا قوة الا بالله العى العظيم
متسكتش على نفسك يا عمرو
لو سمعتك بقى بتتكلم على مانشستر بعد كده
هضربك بالشراب
ايه التناقض الرهيب اللى فى ارائك ده
بص يا جوكي
انا والله منساش كنت انا وهو بنتشاكل
وكل واحد فينا بيقول انه اكتر واحد بيحب مانشيستر في العالم
بس طبعا الوقتي المقارنة محسومة
ولصالحي برضه
dr_joky
04-23-2008, 11:56 AM
بص يا جوكي
انا والله منساش كنت انا وهو بنتشاكل
وكل واحد فينا بيقول انه اكتر واحد بيحب مانشيستر في العالم
بس طبعا الوقتي المقارنة محسومة
ولصالحي برضه

ههههههههههههه
ايه العغبط اللى انتو فيه ده
ربنا يشفيكم انتم الاتنين
افتح الياهو يا عم
amrlion
04-24-2008, 10:11 AM
بص يا جوكي
انا والله منساش كنت انا وهو بنتشاكل
وكل واحد فينا بيقول انه اكتر واحد بيحب مانشيستر في العالم
بس طبعا الوقتي المقارنة محسومة
ولصالحي برضه



ياعم سبتهولك

اشبع بييييييييييييييه


وبكره ترجع تبكى بدل الدموع دم وتقول

انا استاهل

انا اللى غلطان

ازاى اتفرج على فريق فيه كاريك وتيفز وسكولز واوشيه وبراون وفلتشر وسلفستر

وتيفيز

وتيفيز
وتيفيز

سلام يا بيه
Ruud Van Nistlroy
04-24-2008, 10:12 AM
ياعم سبتهولك

اشبع بييييييييييييييه


وبكره ترجع تبكى بدل الدموع دم وتقول

انا استاهل

انا اللى غلطان

ازاى اتفرج على فريق فيه كاريك وتيفز وسكولز واوشيه وبراون وفلتشر وسلفستر

وتيفيز

وتيفيز
وتيفيز

سلام يا بيه
طيب خلاص اسكت بقي
علشان اتخنقت منك
amrlion
04-24-2008, 10:13 AM
خساااااااااااااره

يالف خسااااااااااااره
كان نسفى اعلم موضوع بعد ماتش برشلونه

اسمه
عندما تتحول الشياطين الى فراخ الجزء 2


بس يلا

ملحوقه يوم السبت بعد ماتش شيلسى
amrlion
04-24-2008, 10:14 AM
طيب خلاص اسكت بقي
علشان اتخنقت منك


نتجيبلك اسطوانة اوكسجين يا مصطفى بيه




واد يا تيفيز

هات الواد كاريك وتعالا هات احلى اسطوانة ثانى اوكسيد الكربون لعمك صاصا وصلحه بسرعه ياواد
Ruud Van Nistlroy
04-24-2008, 10:18 AM
للاسف اليوم اكتشفت انك يا عمرو كنت بتشجع لاعبين
مش بتشجع فريق
والدليل انك كنت بتشجع الاهلي وسيبته لما باع شوية لاعبين
واليوم لما اختلفت لاعبي مانشيستر تحولت عن تشجيعه

مش فاهم ازاي كنت بتشجع المان الكام سنة اللي فاتوا دول
amrlion
04-24-2008, 10:21 AM
للاسف اليوم اكتشفت انك يا عمرو كنت بتشجع لاعبين
مش بتشجع فريق
والدليل انك كنت بتشجع الاهلي وسيبته لما باع شوية لاعبين
واليوم لما اختلفت لاعبي مانشيستر تحولت عن تشجيعه

مش فاهم ازاي كنت بتشجع المان الكام سنة اللي فاتوا دول


قصدك ازاى قدرت اخدعكم كلكم واوهمكم انى بشجع المان


بس لما المان يبقى فيه لعيبه كتير لا يستحقوا ان يتقال عليهم لفظ مان


يبقى على الفريق السلام

ولا ايه يا مان؟؟؟
alaa-92
04-24-2008, 11:16 AM
خساااااااااااااره

يالف خسااااااااااااره
كان نسفى اعلم موضوع بعد ماتش برشلونه

اسمه
عندما تتحول الشياطين الى فراخ الجزء 2


بس يلا

ملحوقه يوم السبت بعد ماتش شيلسى




ههههههه
انت مستعجل على ايه؟؟
لسه في جزء ثاني و ثالث و رابع...الخ
متخفش... انت هتزهق كتابه عنهم
Ruud Van Nistlroy
04-24-2008, 01:35 PM
قصدك ازاى قدرت اخدعكم كلكم واوهمكم انى بشجع المان


بس لما المان يبقى فيه لعيبه كتير لا يستحقوا ان يتقال عليهم لفظ مان


يبقى على الفريق السلام

ولا ايه يا مان؟؟؟
يبقي انت كنت بتشجع لاعبين مش بتشجع فريق
يعني بتشجع سولسكاير مثلا
ولما اعتزل بدلت

اعتقد اني اللي بيحب فريقه بجد
ميتخلاش عنه علشان لعب ماتش او ماتشين وحشين
او علشان كسب او مكسبش

انا لما الروود مشي من المان
فضلت احب المان
ومحبتش الريال
وقبله بيكهام
وقبله فيرون
وغيرهم وغيرهم

كفاية كدة
kool_mi
04-24-2008, 02:21 PM
خساااااااااااااره

يالف خسااااااااااااره
كان نسفى اعلم موضوع بعد ماتش برشلونه

اسمه
عندما تتحول الشياطين الى فراخ الجزء 2


بس يلا

ملحوقه يوم السبت بعد ماتش شيلسى




لا اطمن يا عمرو
المان حيفوز على شيلسي
واقل الاضرار التعادل
amrlion
04-26-2008, 02:23 AM
لا اطمن يا عمرو
المان حيفوز على شيلسي
واقل الاضرار التعادل


انت بتحلم يا كركر

بالكتير اوووى التعادل

ولو انى اظن انه صعب
dr_joky
04-26-2008, 07:51 AM
هههههههههههههههههههههه
ايه يا عم عمرو التشاؤم ده
خدى نفسك شويه
وان شاء الله تشيلسى هيفوز وياخد اللقب
alaa-92
04-26-2008, 01:51 PM
ههههههه
ابدأ بالكتابه يا عمرو....
تشيلسي و الفراخ
انتهى الشوط الاول بفوز تشيلسي 1\0 برأسية بالاك
kool_mi
04-26-2008, 01:53 PM
لحد الان والى الشوط الثاني
حتى لقب فراخ كثير عليهم يا عمرو بصراحة
حنشوف كريس لما يدخل يعمل ايه
مع اني عارف مش حيعمل ايتها حاجة
zukero
04-26-2008, 03:01 PM
لحد الان والى الشوط الثاني
حتى لقب فراخ كثير عليهم يا عمرو بصراحة
حنشوف كريس لما يدخل يعمل ايه
مع اني عارف مش حيعمل ايتها حاجة

هيعمل ايه .. هو بقى مغرور اكثر من اللازم
شفت ازاي بيعمل قبل بيشوت الفاولات .. الله يصبرك يا صاصا
متزعلش يا حبيبي ... لانو برضه بحبك
kool_mi
04-26-2008, 03:06 PM
هيعمل ايه .. هو بقى مغرور اكثر من اللازم
شفت ازاي بيعمل قبل بيشوت الفاولات .. الله يصبرك يا صاصا
متزعلش يا حبيبي ... لانو برضه بحبك

اه فعلا يا حمادة
تحس انه منفوخ زيادة على اللزوم عن عجلاتي
الغرور تقتل اي لعب
مايتعلم التواضع من ميسي وكاكا الي هما اصلا تفوقو عليه في الفيفا
kool_mi
04-26-2008, 03:07 PM
الا قولي يا حمادة
ايه معنى التوقيع دا
اصلي مش فاهمه قوي
zukero
04-26-2008, 03:15 PM
التوقيع يا سيدي بيقول :
في الصورة الأولى : البرسا في محاولة للفوز بالليغا
في الثانية : آسف ريكارد ... لن تحقق حلمك .. ريال مدريد هنا ... حاول مرة أخرى
:biggrincl
ايه رايك يا كيمو .. توقيع جامد
kool_mi
04-26-2008, 03:26 PM
التوقيع يا سيدي بيقول :
في الصورة الأولى : البرسا في محاولة للفوز بالليغا
في الثانية : آسف ريكارد ... لن تحقق حلمك .. ريال مدريد هنا ... حاول مرة أخرى
:biggrincl
ايه رايك يا كيمو .. توقيع جامد

طب ايه حكاية 25 سنة الي في اتوقيع