نداء لكل مشترك فى شبكه نت: قلوسك بتترمى على الارض

[ahmedmok]

القصه مش قصه ازيه الناس .لا و الف لا ...بس المشكله الكبيره ان صاحب الشبكه قبل ميوصلك بيفرشلك الارض حرير و يصورلك الشبكه بتعته بمبى بمبى .. ولما تتصل بيه فى اى وقت ينط و يفط وتلقيه امام عينك .. وبعد التوصيل يسيبك تتحرق بجاز ..عندك نت ولا معندكش ميهمهوش ..المهم انك تدفع الاشتراك ...وتيجى تتصل بيه لو عندك مشكله ولا حاجه ميردش عليك ...ده غير بقى لو قلبه حن عليك يجيلك البيت و يفتش فى جهازك و يعمل نفسه ابو العريف اللى مفيش زيه فى الدنيا ...و هو للاسف ميعرفش غير كام حاجه كده اتعلمها و خلاص .........اوووووووووف ....بس الحمد لله انا ربنا تاب عليا منهم و جبت خط لوحدى ...عقبال كل اللى مشتركيين فى الشبكات لما يجيبوا خط لوحدهم و يحسوا بالفرق الشاسع ....عشان كده انا بقول ان كل من هو مشترك فى شبكه نت بيرمى فلوسه على الارض لان النت لو اشتغل على الشبكه كويس ده بيكون لمده 10 دقائق لا اكثر و بقيه اليوم تقطيع و بطيء و تغيير ويندوز .الخ الخ الخ ......انا انتهيت من مقالتى ... عايز اشوف بقه كام واحد موافق على كلامى و كام واحد مش موافق و راضى بانه يبقى تابع و ليس قائد

[mysql2007]

والله مش عارف اقولك ايه بس انت اكيد موصل من راجل غلط فى غلط
انا عندى شبكة ولعلمك لازم النت يقطع دا لازم بس مش كتير اوكى ودا عادى بس انا قولت مش كتير
وبراحه علينا يا سيدى يعنى اول مشاركة فى المنتدى تضيعلنا كذا زبون ولا ايه .... وبعدين لما اقول لراجل عاوز يوصل نت يقولى عضو جديد فى برامج نت بيقول كذا كذا وبتاع ... مينفعش كدا ولا ايه يا حماده ..... ونصيحه منى فعلا فلوسك بتترمى على الارض متوصلش نت خالص ...

ارجو نقل هذه المشاركة الى قسمها الخاص "الارشيف" ليست مفيده هنا فى هذا القسم الجامد وشكرا للمشرفين على الشغل الجامد :smailes91: :smailes91:

[samagic2000]

بسم الله الرحمن الرحيم

والله كلامك سليم مليون في الميه انا غيرت على خمس شبكات ومكاتب نت وكلمهم نفس النظام. :smailes110: . عموما انا باذن الله هعمل زيك قريب . شكرا على الموضوع

[dr_nazy]

بيقول المثل القط بيحب خناقة
انت وصلت مع واحد وطلع وحش
اية الي يخليك تستحمل دة كلة
انت مش شغال عندة بالعكس هو الي شغال عندك و بيقبض منك انت
يعني لو حسيت و لو للحظة ان الخدمة مش كويسة افصل علي طول من غير لحظة تردد
لكن سبحان الله كل الناس بتشتكي ان صاحب الشبكة مطلع عنيهم
نفسي الناس دي يبقي عندها شوية كرامة و عزة نفس و ماتستحملش هم انت مش المفروض انك تتعرضلة

[sprto]

لا معلش انا مشترك مع شخص والله لو الساعة 3 الفجر و كلمتة انى فى مشكلة فى النت يقوم و يشوفها

لا انتة بس الى وقعت مع واحد مفترى

[nortonkill]

مش كله و الله يا جماعه من غير رسم انا صاحب شبكه 2 ميجا علي 1 ميجا ابلود بس بجد براعي ر بنا فيها كلنا 35 واحد واول ما د يكلمني تي لو الفجر بشوفه والله العظيم

وصوابعك مش زي بعضها

[dr_nazy]

انا من سنة تقريبا كنت عامل شبكة مع كام واحد و كنت ماشي علي النظام دة
كل الي يكون عندة مشكلة يتصل بيا و انا ان شاء الله احلهالة حتي لو كانت من عندة هو
بس بعد فترة لقيت الناس بدات تستهبل
يعني لما واحد يرن عليك الساعة 1 بالليل علشان فية موقع مش شغال مع ان النت عندة شغالة
او الي يتصل علشان بيكلم واحد من علي الشات و الي بيكلمة مش سامعة
او الي بيعمل داونلود و بدل ما ينزل ب 25 كيلو الملف بينزل ب 20
و امثلة كتير
لما زهقت فضيت الموضوع و ريحت دماغي