عصام عبد الفتاح حكما لمباراة الأهلى والأسماعيلى

[romio1975]

علمنا ان لجنة الحكام بالاتحاد المصري لكرة القدم قد اختارت الحكم الدولي عصام عبد الفتاح ليدير المباراة الهامة والمرتقبة بين فريقي الأهلى والأسماعيلى يوم الخميس القادم في الجولة رقم 24 من مسابقة الدوري المصري الممتاز والمقرر اقامتها في استاد الكلية الحربية.

وكانت نتيجة الدور الاول بين الفريقين والتي اقيمت مجرياتها في استاد الاسماعيلية قد انتهت بالتعادل الايجابي بهدف لكل فريق

ونتمنى الفوز للشياطين الحمر والأحتفال بدرع الدورى رسميآ امام الدراويش بأذن الله

[MMORTEGA2002]

ان شاء الله يكون موفق

[loverman370]

http://www.gam3aonline.com/uploads/1195515391.jpg

ياحلاوه ياولاد
عصام عبد الفتاح حته واحده ؟
الحمد لله إنه مكنش حكم أجنبي
أثلجت صدري بالخبر والله
نفسي ماسمعش عن الحكام الأجانب في الدوري المصري تاني
وخصوصا في اللقائات المهمه بين الأهلي والزمالك أو الإسماعيلي (إبن العم)
بجد حاجه مستفذه لأن عندنا حكام ماشاء الله عليهم ربنا يحميهم
بس هانقول إيه ؟؟ منك لله ياعلاء ياصادق

[beckham_250]

بس هانقول إيه ؟؟ منك لله ياعلاء ياصادق


:smailes100::smailes100:

هو ده الكلام المظبوط

فعلا علاء صادق السنه دى

عامل للحكام رعب يبقى الحكم فى الماتش

وخايف الا علاء صادق باشا :smailes110::smailes110:


يكهربه فى التلفزيون

[loverman370]

:smailes100::smailes100:

يكهربه فى التلفزيون


ههههههههههههههههههههههههههههه
حلوه يكهربه في التلفزيون دي يامحمود
دا غير القواضي إللي رافعينها عليه بسبب القذف والسب
بس بيني وبينك النقد إللي بيوجهه علاء صادق في المستقبل هايجيب نتيجه
برضو هو بينقد علشان الحكام تطور شويه من أدائها
وهاييجي اليوم إللي هانشهد فيه خلو الدوري المصري من الحكام الأجانب

[beckham_250]

معاك ان لازم يكون فى نقد بس مش بالطريقة الزايده عن اللزوم دى

مهما كان الحكم بشر

[totti272]

معاك ان لازم يكون فى نقد بس مش بالطريقة الزايده عن اللزوم دى

مهما كان الحكم بشر


السلام عليكم يا شباب

مهما كان الحكم بشر ولذا فهو لا يسئل عن الأخطاء التى تتباين فيها التقدير البشرى
ولكن الأخطاء التى تتعدى التقدير البشرى ولا تتباين فيها الأراء فيكون الخطأ متعمد
وهو ما لا نرضاه جميعا من أى حكم وعلى أى فريق

وبالتوفيق للأهلى إن شاء الله

[حسين الاهلاوي]

الراجل يرجع من الاصابة علي ماتش زي دة

يلا ربنا يوفقة

[ibnhazm_906]

طاب كويس والله غريببة إن مفيش حكم أجنبي

وعلاء صادق فعلا مزودها شويتين وأحيانا كتيرة بتقى مصطنعة وأحيانا بتبقى بدون داعي

والشيئ لو زاد عن حده انقلب لضده ...

[حسين زملكاوي]

اظاهر ان اخوانا الاهلاوية نفسهم ان الحكام يبقو مصريين دوما عشان المجاملات اللي بيحظو بيها في كل المياريات لكن عصام مش زي باقي الحكام ويارب الاسماعيلي يعمل مهرجان اهداف

[MeDaNy]

اظاهر ان اخوانا الاهلاوية نفسهم ان الحكام يبقو مصريين دوما عشان المجاملات اللي بيحظو بيها في كل المياريات لكن عصام مش زي باقي الحكام ويارب الاسماعيلي يعمل مهرجان اهداف


ههههههههههههههههههههههههههههههههههه
طبعا مهم ولاد عمك نازلين قدام الند بتاعكم
فمن الطبيعي تقول كده طبعا
هههههههههههههههههههههههههههه

[dragon soul]

اظاهر ان اخوانا الاهلاوية نفسهم ان الحكام يبقو مصريين دوما عشان المجاملات اللي بيحظو بيها في كل المياريات لكن عصام مش زي باقي الحكام ويارب الاسماعيلي يعمل مهرجان اهداف

والله ساعات يا اخ حسين باحس انك بترد من غير وعى

يعنى لما الاسماعيلى يفوز علينا ويعمل مهرجان اهداف زى ما انت بتقول يبقى تنسوا المركز التانى وتنسوا بطولة افريقيا يا باشا ........

وبعدين بلاش بيجاملوا الاهلى مش هى دى الحجة الفارغة اللى كل واحد يشيل من الاهلى يقولك اصلهم بيجاملوا الاهلى ...... ما تخليك واقعى بقى وبلاش تعيش فى الاوهام دى

[dragon soul]

ونسيت ....... حمد على السلامة يا كابتن عصام وان شاء الله عودة موفقة

[حسين زملكاوي]

والله ساعات يا اخ حسين باحس انك بترد من غير وعى

حاسب على كلامك يا أخ انت ومن غير غلط لو سمحت

بعدين يا سيدي احنا راضيين ونفسنا الاسماعيلي يجيب دستة اجوان ومش عايزين المركز التاني بس المهم دستة اجوان
وعلى راي روميو حد ليه شوق في حاجة

[dragon soul]

حاسب على كلامك يا أخ انت ومن غير غلط لو سمحت

بعدين يا سيدي احنا راضيين ونفسنا الاسماعيلي يجيب دستة اجوان ومش عايزين المركز التاني بس المهم دستة اجوان
وعلى راي روميو حد ليه شوق في حاجة

__________________

مقصدش والله اهانة ...... قصدى انك بترد من غير ما تكون فاهم ومتابع

على اى حال انت حر تشجع اللى تشجعه ان شاالله تشجع مكابى حيفا لو لاعب الاهلى !

محدش هيقول حاجة .....

وبالنسبة لدستة الاجوان هتيجى هتيجى بس مش فينا ....... فى اللى عايش فى الاوهام ومش قادر يفوق وكل يوم عمال يشيل لغاية ما شال من طوب الارض

احنا الحمد لله حسمناها ومش مستين ماتش ولا ماتشين علشان نثبت مين هم اسياد الكرة المصرية زى ما انت كاتب فى توقيعك ... ومن غير شعارات وبق على الفاضى - كفاية علينا اربع سنين وباذن الله معانا لغاية القرن اللى جاى واللى بعده واللى بعده

وزى ما انت قولت اللى شوق فى حاجة ييجى وهيتظبط زى غيره

[xander]

اختيار موفق وباذن الله الحكم يتوفق ف اللقاء ويكون لقاء ممتع