عمره التدريبى ساعتين واحرز فينا هدفين!

[زعيم رابطة محبى الزمالك]

بصراحه مش عارف ابتدى منين
نمسكها من الاول خالص
حراسه المرمى عبد المنصف بيلعب وعقله فى عبد الواحد والصراع بينهم
بشير متعهد اهداء المهاجمين كور بالراس (هديه مقبوله)
احمد غانم لعيب جسم بدون عقل اه والله
ابو العلا بيدور على عيل تايهه

الصفتى ومحمود فتح الله مفيش مستوى ولا تفاهم
حازم امام عقله فى الاعتزال
مصطفى اوفسايد قصدى جعفر (غير وبقى مصطفى فاولات )
عبد الحليم على خلاص ولا حتى حصل شعبان عبد الرحيم
كرول لو ربنا ياخده وياخد اللى اتعاقد معاه يكون احسن
حسام حسن لما قال انه يتحدى الزمالك صدق ومش تهريج

كفايه انه لعب بجراءه يحسد عليها وكان يمتلك الكره اكتر من الزمالك
ولعب بخطه متوازنه ومسك خط النص وكان هو الاخطر طول المباراه
بصراحه اغلب مرضى الضغط منا نحن جمهور الزمالك
من ادارته ولاعبيه
الله ............................................ بيتكم
كفايه والله حرام احنا ما نستاهلش كده يا زمالك

[xander]

روق اعصابك يا باشا

وكلامك كله صح

والصراحه الزمالك كما قلت لا يصلح لفريق اشبال حتى

والمصري كان رائع واداره حسام وابراهيم للقاء

تستحق عشره على عشره

عفوا

الزمالك مرفوع من الخدمه .. حاول في مرة اخرى

[Mohamed_Hamdy]

حسام حسن لما قال انه يتحدى الزمالك صدق ومش تهريج
معلهش يا درش اسمحلي اعدل على كلامك ،،

حسام حسن لما قال انه يتحدى الملل صدق ومش تهريج

[ahmednabih]

لا بجد المصرى كان عشره على عشره
والزمالك كان ....
زى كل يوم

[abuotarka]

معلش يا زمالك هارد لك

[MeDaNy]

معلش يا زعيم
خيرها في غيرها
هههههههههههههه
انا نفسي الاداره واللاعيبه كلهم يتغيروا علشان الجماهير المحترمه الي زيك والله

[احمد مصرى]

حسام حسن يااخوانه ملوش حل الراجل ده عمل فى الفرقة ايه والله العظيم الفرقة بتاعة المصرى ده كانت فرقة اوروبية انبارح

[علاء حمدان]

لك الله يا جمهور الزمالك
جمهور الزمالك هالك
لك الله يا جمهور الزمالك
جمهور الزمالك هالك

[yasserbasha2006]

و الله هي دي الحاجة الوحيـــدة

اللي بتخلي الواحد يحزن على هزيمة الزمالك

الناس المحترمة اللي زيك يا زعيـــــم

خيرها في غيرهــــا يا صاحبي

و تعوضوا في الكاس ان شاء الله

[h131200]

ابو العلا بيدور على عيل تايهه

نفس العيل الي بيدور عليه محمود ولا غيره هههههههههههههههههه:smailes104:

[beckham_250]

نفس العيل الي بيدور عليه محمود ولا غيره هههههههههههههههههه:smailes104:



ههههه لا مش هوه شكل الفرقه كلها تاهت وهنلف على ابواب الجوامع قريب

ههههههههههههههههههههههه

:smailes101::smailes101:

[toto_na16]

عمالين تتريقوا على فرقتكم

امال احنا نعمل ايه ؟؟؟؟؟؟؟؟

[perfect_programs]

المصرى كان 100% و الزمالك كان 1%

[z.e.z.o]

البقاء لله

[Ruud Van Nistlroy]

صلي عالنبي يا درش

ان شاء الله الزمالك هيرجع
بس يا خوفي ليكون راجع مشي