الموضوع مهم جدا (للمصــــــــــــــ فقط ـــــــــــــــــريين)صالح حتي 6/4

[egypt_lucky]

اسف علي وضع الموضوع هنا في القسم ولكن لكي يحظي بأكبر معاينه ممكنه
ارجو تركه لمدة يوم واحد!!!!!
ونرجو من الله ان يساعدنا علي تحقيق ما نحلم به وهي "الحياه العادله الكريمه" لنا ولكل اخواننا العرب في جميع الدول الشقيقه التي تعاني مثلنا
الاعتصـــــــــــــــــــــــــــــ يا مصريين ــــــــــــــــــــــــــــــــــــــــــــــــام
http://aycu11.webshots.com/image/48450/2000799222940400142_rs.jpg
لعله يكون بداية الحل
إتفقت كافه القوي الوطنية في مصر علي أن يكون
يوم 6 إبريل يوم إضراب عام في مصر

يوم 6 إبريل خليك قاعد في البيت
أو شاركنا فى الميادين العامة
أوعي تنـــــــــزل لكن شاركنا
ماتروحشي الشغل
ماتروحشي الجامعه
ماتروحشي المدرسة
ماتفتحشي المحل
ماتفتحشي الصيدليه
ماتروحشي القسم
ماتروحشي المعسكر
عايزين مرتبات تعيشنا
عايزين نشتغل
عايزين تعليم لأولدنا
عايزين مواصلات أدمية عايزين مستشفيات تعالجنا
عايزين دواء لأطفالنا عايزين قضاء منصف
عايزين أمن وأمان عايزين حرية وكرامه
عايزين شقق للعرسان
مش عايزين رفع أسعار
مش عايزين محسوبيه مش عايزين ظباط بلطجية
مش عايزين تعذيب في الإقسام
مش عايزين أتاوات
مش عايزين فساد مش عايزين رشاوي
مش عايزين إعتقالات مش عايزين تلفيق قضايا
قول لأصاحبك مايروحوش الشغل همه كمان وخليهم يدخلوا الإضراب

( حزب العمل المصري- حركة كفاية - الإخوان المسلمين - حزب الكرامه - حزب الوسط - حركة موظفيالضرائب العقاريه - عمال غزل المحلة - حركة إداريي وعمال القطاع التعليمي - نقابةالمحامين - حركة أستاذه الجامعات)

مسلمون ومسيحيون لصالح مصر
http://aycu21.webshots.com/image/47900/2000749806503728900_rs.jpg

[xspeeder]

و بعديييييييييييييييييييييييين ايه رد الفعل المفروووووووووووووووووووووووووض

او ايه اللي حيتغير

نخسر مصلحتنا مقابل في هذا اليوم مقااااااااااااااابل لا شيء

مشكوووووووووووووووووووووووووووووووووووور

[تامر ابو مريم]

مشكورررررررررررررررررر

بس مين يسمع نعبنا والله من كل حاجة بلى ادنى مبالغة

مش دى ارض الكنانة

دى ارض الالبلطجية من اكبر راس فيهالحد الاخر

والله حرام اننا نرضا بل عيشة دى
بس هنعمل اية

[mora02]

يامااان فعلن كلامك مزبووط وياريت محدش يطلع بره البيت لو خايف على مصالحك . يبقى خااف على اولالادك احسن .. لانك هتعمل ايه لما تيجى فى يووم وتلاقى رغيف العيش بقى ب 1 جنيه . هتقول يارتنى كنت اعتصمت معااهم .. البلد اتبااعت . البلد مبقتش بلدنااا ... حسبى الله ونعم الوكيل

[Alex Center]

ان الله لا يغير ما بقوم حتى يغيروا ما بانفسهم

صدق الله العظيم

[sherif_dandy]

ان الله لا يغير ما بقوم حتى يغيروا ما بانفسهم

صدق الله العظيم

شايفين يا جماعه الكلام الصح ؟

هو ده المطلوب :- عايزين نبقا محترمين عايزين نبقا عاقلين
عايزين نكون شعب ملتزم عايزين نناضل ونضحى بروحنا
عايزين نقف وقفه صح
مش عايزين نكون مدمنين مش عايزين نكون جيل فاشل
مش عايزين نكون امه فاشله
مش عايزين نكون شعب تافه وكل اهتماماته البحث على المخدرات
وسلبيات كتير كتير كتير جدا لا حصر لها
( سخرو من الرسول و معملناش حاجه )
( واتجننا من ارتفاع الاسعار ) بصراحه نستاهل كلنا اللى بيجرالنا

بنطالب باعتدال الاسعار و سايبين اللى يسب الرسول يسب براحته
و الله العظيم نستاهل


ان الله لا يغير ما بقوم حتى يغيروا ما بانفسهم

صدق الله العظيم

[pinkhunter]

البلد اتباعت------حسبى الله ونعم الوكيل
خربت--------- الله المستعان
حسبى الله ونعم الوكيل
يارب يجيب نتيجه الاضراب

[tifamery]

و لا هيجيب نتيجة و لا هيحصل اى حاجة الموضوع هيتلم و الامن هيظبط الدنيا
بلدنا محكومة بالحديد والنار يا جماعة :smailes40:

التغيير اللى انتوا بتتكلموا فيه ده مش هينفع غير بثورة !! ( انا مقولتش حاجة :D )

مش مجرد اعتصام :smailes8:

طب ما اساتذة الجامعات من كام يوم فى مصر عملوا اعتصام !
دكاترة الجامعات اللى هما كانوا مليونيرات
دلوقتى الدخل مش مكفيهم برضه بسبب الغلاء :nut:

حصل حاجة لما اعتصموا ؟؟ :smailes71:

لا حياة لمن تنادى :smailes94:

17 واحد ماتوا فى طابور العيش فى شبرا ....!

الظروف مش هتتعدل الا من عند الله لما تتطور احداث كتير

و متقلقوش يا جماعة اى موظف قطاع خاص و عمال هيئة النقل العام و المصالح الحكومية رايحين شغلهم عادى بكرة :smailes91:

و يعوض الله يعوض الله يعوض الله :smailes18:

[helmy1100]

اخي دي اشاعه بس هات اللي يسبت اني الحكومه المصريه قالت كده انت بتروج اشاعه يا عم الامور يا ريت تتاكد من الخبر قبل نشره انتو هتعملو ايه يعني هتهدوا البلد مش هتعملو حاجه دي اشاعه و النهارده 6 ابريل و الكل رياح الشغل و انا الي مبروحش الجامعه رايح و ده يوم عادي خالص جدا و شكرا

[الاعصار القادم]

بارك الله فيك وان مش رايح الجامعه

[egypt_lucky]

ان الله لا يغير ما بقوم حتى يغيروا ما بانفسهم

صدق الله العظيم
ربنا يكرمك
صدق الله العظيم سبحانه وتعالي
و صدقت يا اخي واكثر الله من امثالك.
عارفين ايه مشكلتنا يا مصريين اننا عمرنا ماتفقنا علي رأي دايما اراءانا متضاربه حتي لو في ناس كتير رأيها صح يطلع اللي يقول لأ غلط ويحبط كل الناس
ياريتنا نتفق مره ومنسمعش للأصوات اللي بتخالف وخلاص وبيبقي هدفها التفرقه مابين الناس
او انها مش فاهمه وبتخالف وخلاص لمجرد الشهره (خالف تعرف)

قال سبحانه وتعالي
((( واعتصموا بحبل الله جميعا ولا تفرقوا)))

[met3eb9]

فعلا يوم عادى زى اى يوم لا فى اضراب ولا فى نيلة
المشكلة بتاعت البلد مش هتتحل الا بثورة جامدة من الشعب كله مش مجرد اضراب شويه يقتنعوا بيه وشويه لا يقتنعوا يعنى انهارده ناس كتير جدا راحت الشغل عادى جدا وناس قليلة لم تذهب بسبب الجو السيىء و اللى استجاب للاضراب قليل جدا

احنا بصراحة شعب سلبى مش هيتغير حالنا ابدا وعلى رأى محمد صبحى فى المسرحية ( هنشوف ايام سودا واللى جاى اسود )

البلد مليانة خير لكن الحرامية سرقينها يعنى ايه ممثل يعمل تمثلية تافهة ياخد مليون ومليون ونص و يعنى ايه مغنى يعمل شريط وياخد ملايين ويعنى ايه لعيب كورة تافه و يمكن جاهل ولا عمل للبلد حاجة ولا كأس عالم ولا نيلة ياخد ملايين و نيجى نلاقى الموظف والدكتور !! والمهندس !! مش لاقى شغل و بياخد ملاليم ده اللى تعب و سهر علشان يطلع حاجة كويسة فى الاخر يقعد فى البيت او يشتغل سواق تاكسى بصراحة حاجة تخنق

يعنى اللعيبة لما كسبت كأس الامم شوفوا رجال الاعمال طلعوا كام مليون علشان كسبوا كأس هما مطالبين انهم يحققوه لانه شغلهم وبدل ما يطلعوا الفلوس دى فى مشروع يفيد البلد و الشباب اللى مش لاقى رايحين يعطوا الفلوس لشويه لعيبة شبعانين فلوس بس معفنين زى الحضرى

[عاصم ابوندي]

زمان كان طالب الجامعة يقل حكومة
زمان من نسل محمد فريد وسعد زغلول كان المواطن يعرف انه هزه في زلزال يتعمله الف حساب.....
زمن الحرية والكفاح الوطني ومكنش حزب الانامالية وفيرس ياعم وانا مالي منتشر
فوق ياشعب قبل فوات الاوان
اسمع الامثال دي وانت تعرف جدودك اتربو علي ايه
قال يافرعون مين فرعنك مالقتش حد يلمني
اللي يشيل قربة مخرومة تخر عل دماغة
==========

[egypt_lucky]

ياجماعه مفيش تغيير بيحصل في يوم وليله
احنا بنحاول
ولكل بدايه نهايه واكيد هنوصل للنهايه وينتهي الظلم والفساد.
بس لازم احنا نتغير من جوانا الاول ونبقي مقتنعين باللي احنا عايزينه وبنعمله

وان شاء الله هنقدر وربنا هيساعدنا
والله الموفق,

[selhdar]

مطلوب منى صباح كل يوم بعشرة جنيهات خبز (عيش) من ابو ربع جنية عشان ابوشلن مش موجود لازم انزل للشغل ولا العيال مش هيلاقو العيش اللى بيكالوة لانى مش هلاقى العشرة جنية تمنوا دة لو قضيناها عيش بس من غير لوازم العيش
انا معتصم ومضرب عن كل شيىء لكن فى داخلى فقط!!!!!!!