نعم للكرامه المصرية انه يوم البداية للشعب والنهايه للنظام

[modey19]

كافه القوي الوطنية في مصر

اتفقت كافه القوي الوطنية في مصر علي أن يكون
يوم 6 إبريل
يوم إضراب عام في مصر
يوم 6 إبريل خليك قاعد في البيت أو شاركنا فى الميادين العامة
أوعي تنـــــــــزل لكن شاركنا

ماتروحشي الشغل
ماتروحشي الجامعه
ماتروحشي المدرسة
ماتفتحشي المحل
ماتفتحشي الصيدليه
ماتروحشي القسم
ماتروحشي المعسكر

عايزين مرتبات تعيشنا
عايزين نشتغل
عايزين تعليم لأولدنا
عايزين مواصلات أدمية
عايزين مستشفيات تعالجنا
عايزين دواء لأطفالنا
عايزين قضاء منصف
عايزين أمن وأمان
عايزين حرية وكرامه
عايزين شقق للعرسان

مش عايزين رفع أسعار
مش عايزين محسوبيه
مش عايزين ظباط بلطجية
مش عايزين تعذيب في الإقسام
مش عايزين أتاوات
مش عايزين فساد
مش عايزين رشاوي
مش عايزين إعتقالات
مش عايزين تلفيق قضايا

قول لأصاحبك مايروحوش الشغل همه كمان وخليهم يدخلوا الإضراب
أضراب عام في مصر سلمي
أبعت رسايل لخمسة من أصحابك
ولو كل واحد بعت لخمسة
في ظرف يومين البلد كلها حتعرف
بالموبايل
بالأرضي
بالأيميلات
أو حتي رسايل عالشات في قنوات التليفزيون
أنسخوا رسالتنا وأبعتوها تعليق على كل المقالات ألي بتقروها
بيكوا وبينا البلد دي حتتغير أنشاء الله
المسيحين مع المسلمين لصالح مصر

يالا يامحمد يالا يامينا مصر مش هتتغير إلا بإيــــدينـــــا http://farm3.static.flickr.com/2277/2364210788_dc56c0b9b3.jpg?v=0

[أحمد صارم]

بالتوفيق ان شالله ضد اللي منع زراعة القمح و و دنس أرض البلاد بسفارة صهيونية

[ashraf_m2010]

حسبنا الله ونعم الوكيل فى كل ظالم

[omry 4 u]

كلنا باذن الله هنشارك
كلنا لازم نتحرك
مش هنتغير الا بايدينا
حسبى الله ونعم الوكيل

[h_yosef]

يااااااااااااااااااااااااارب
ياااااااااااااااااااااااارب
تكون بداية التغير من الظلم و الفساد!!!!!!!!!1

[NOURNA]

ايه الاخبار مفيش مصرين بيدخلوا القسم ده ولا ايه

على العموم اخبار المنطقه بتاعتى

المنطقه - عماليه - بها كثافه سكانيه عاليه

انخافض ملحوظ فى حركة السير من الساعه ال 7 صباحاً وحتى الان الساعة 10.19
شركات الغزل نسبه العمال المضربه مرتفعه جدا
حيث لم يدخل حتى الان نسبه حتى 10% من العمال معاد العمل الساعه 7 صباحاً

ترقب شديد فى المواصلات وانخفاض فى عدد عربات السيرفيس والاجره والتاكس

اخبار أو شائعات عن مشاركه بعض اعضاء الحزب الوظنى المنشقين على الحكومه بسبب استبعادهم فى انتخابات المحليات يوم 8/6/2008
ويقال ان هدفهم هدف تخريبى انتقاما لاستبعادهم


كانت هذه انباء وسوف نوافيكم بالجديد قريبا

[h_yosef]

يارب أفرجها

[NOURNA]

الامن يتدخل الان لافشال اضراب عمال غزل المحلة

الله اعلم الوضع وصل لحد فين

وميدان التحرير ثكنه عسكرية

[yasser_x]

الوضع في المحلة الكبري , المحلات مغلقة حتي الان

والحركة هادئة في البلد , ولسة معرفش علي العصر كدة اية التطورات

هحاول انقلهالكم باذن الله ......